رواية احببت عنادك... بقلمي/هاجر هشام الفصل السابع وسبعون 77 - بقلم Hagar Hešhàm

عند جميله وجاسر روحوا وخرج عبدالرحمن وشافوا جاسر وجميله وكانت عنيه زرقاء مكان الضربه
جاسر باستغراب : مين الي عمل فيك كدا
عبدالرحمن : سياده اللواء
جميله باستغراب : بابا ولا اللواء سيف
عبدالرحمن : لا اللواء سيف
جاسر : ليه عملت اي
عبدالرحمن : المصيبه اني معملتش حاجه انا كنت واقف انا وسلمي بنتكلم عادي فجاه لقيتوا ظهر معرفش منين وخدها وفضل يزعق حاولت اتكلم معاه ضربني

جميله بضحك: ههههههههههههههه المصيبه انك وقفت واتكلمت معاها لا وكمان بليل في الشارع

عبدالرحمن : ليه يعني

جميله: بص انت مش هتفهمني علاقه اونكل سيف وسلمي مش علاقه اب ببنتوا لا دا بيحبها بجنون وبيغير عليها

عبدالرحمن : لدرجه دي

جميله: واكتر كمان عشان كدا بقولك انت داخل ع معركه

عبدالرحمن وهو يضع يده ع عينه : هو انا لسه مدخلتش

جميله بضحك: ههههههههههه لا دا تسخين بس

عبدالرحمن بمزاح : الله يطمنك ي شيخه

جميله بضحك: اي خدمه

عبدالرحمن: جميله كنت عايز رقم سلمي اطمن بس عليها اصل باباها خدها وهو متعصب وخايف يكون  ضربها

جميله : لا متقلقش هو عمروا ما مد ايدو عليها وكمان مينفعش اديك رقمها لان دا ممكن يأذيها اكتر فا لو عايز تقدر تاخدوا منها هي شخصياا

عبدالرحمن : طب ينفع تكلميها دلوقتي كأنك بتطمني عليها

جميله : حاضر
كلمت جميله سلمي واتطمنت عليها وقفلت
جميله: هي كويسه وهتنزل الشغل بكره عادي لو عايز تشوفها
عبدالرحمن : انا فعلا هروحلها بكره
جميله: بس كدا اللواء هيشوفك
عبدالرحمن: مانا هروحله اصلا
جميله: كمان دا انت كدا ناوي ع موتك بكره
عبدالرحمن بضحك: ههههههههههه هي موته ولا اكتر
جميله بضحك:هههههههه لدرجه دي بتحبها كدا
عبدالرحمن بحب : جدااا
جميله بابتسامه: ربنا معاك وتقدر تخلي سياده اللواء يوافق
عبدالرحمن : يارب
جاسر  وهو ينظر ل جميله : ومعاياا واقدر اخلي الي في بالي يوافق
جميله: ومين بقاا الي في بالك
جاسر : وانتي مالك انا بدعي بيني وبين ربنا وهو عارف الي في بالي
جميله : خلاص بينك وبين ربنا متقولش قدامنا
جاسر : ملكيش دعوه براحتي
جميله بصتلوا بغيظ ودخلت شقتها وجاسر ضحك ع شكلها
عبدالرحمن باستغراب : انت بتضحك ع اي
جاسر : متشغلش بالك يلا عشان ندخل
دخلوا الاتنين كل واحد اوضته وجاسر دخل خد شاور ولبس شورت مريح ونام
عند جميله دخلت خدت شاور ولبست شورت وبضي كات ونامت
💖💖💖💖💖💖💖💖💖💖💗
تاني يوم الصبح صحيت جميله خدت شاور ولبست

ونزلت ركبت عربيتها واتحركت للاداره بعد وقت وصلت وطلعت سلمت علي سلمي وادهم
ادهم: جميله سياده اللواء عايزك
جميله باستغراب : ليه
سلمي : مش عارفين هو قال اول ما تيجي تدخليلوا
جميله : طيب انا هدخلوا
راحت جميله مكتب اللواء وادت التحيه العسكريه
جميله : تمام ي فندم
سيف : عرفت ان جاسر جيه هنا امبارح واستناكي لحد ما خلصتي ومشيتوا مع بعض
جميله : ايوا فين المشكله
سيف :فيه مشكله ازاي تقعدوا انتوا الاتنين في المكتب لوحدكوا
جميله : اولا انا مش بعمل حاجه غلط انا كنت بشتغل وكمان انا ملاحظه من كلام حضرتك فيه شك ،وانا مش هسمح بيه ابدا زي ما حضرتك بتقول اني المفروض زي بنتك ازاي تشك في بنتك وتقول كدا

سيف : انا مش بشك فيكي انا عارفك وواثق فيكي ي جميله وفعلا انتي زي سلمي بالظبط عندي و عشان كدا انا خايف عليكي ومقبلش ان حد يتكلم عليكي وكمان انتي امانه عندي وباباكي يبقي صاحبي وانا مقبلش ان حد يجيب سيرته او يقول حاجه ع بنته

جميله : باباياا انا اكتر واحده هخاف ع سمعته وانا مش بعمل حاجه غلط عشان حد يتكلم عني ولو حضرتك خايف ع سلمي مني فا انا هخلص مهمتي وهرجع اسكندريه

سيف : انا مش قصدي كدا ي جميله متفهمنيش غلط انتي بنتي زي ما سلمي بنتي بالظبط وانا بعزك جدا

جميله : وانا بحترم حضرتك وبعزك عشان كدا مش زعلانه من كلام حضرتك وهقدره عن اذنك

سيف : استني ي جميله انا مخلصتش كلامي
جميله: في اي اتهامات تانيه
سيف : انا مبتهمكيش ي جميله انا بقولك مينفعش تكوني انتي وجاسر في مكان لوحدكوا
جميله : والي قال لحضرتك مقالكش ان جاسر خطيبي
سيف ابتسم بخبث جواه لانه عمل كدا عشان يوصل لكلمه دي واعترافها دا

سيف : قالولي فعلا بس انتي مقولتليش وكمان اسر قاليش ع حاجه زي كدا
جميله: عشان انا موقفه كل حاجه لحد ما اخلص المهمه
سيف : طيب خلاص انا كنت بقولك كدا عشان خايف عليكي ي جميله
جميله : وانا مقدره دا ي فندم ومش زعلانه من حضرتك
سيف : تمام وانسي بقاا رجوعك اسكندريه خلاص انتي هتكملي معايا هنا
جميله : انا كدا كدا المفروض هرجع اسكندريه لاني عايشه هناك
سيف :بس انتي قولتي جاسر خطيبك يعني لما تتجوزوا اكيد هتعيشي هنا
جميله: معرفش
سيف: ازاي مش عارفه هتعيشي فين
جميله : لا عارفه بس بقول لحضرتك معرفش لسه اي القدر مخبيه
سيف : طيب خلاص تقدري تتفضلي دلوقتي
جميله وهي تؤدي التحيه العسكريه: تمام ي فندم
خرجت جميله ودخلت مكتبها وفضلت سلمي وادهم وراها عشان يعرفوا اللواء كان عايزها في اي وهي رفضت تقول ،في اللحظه دي جالها تليفون من جاسر
جميله : ايوا ي جاسر
جاسر : مالك في اي كل يوم صوتك مضايق كدا ليه فيه حاجه حصلت
جميله : لا مفيش حاجه انا مشغوله بس شويه بالقضيه
جاسر : رغم اني مش مصدق بس ماشي ، انا كنت بكلمك اطمن عليكي وكمان ااكد عليكي معاد الحفله النهارده

جميله: انا كويسه ،ومتقلقش مش ناسيه المعاد

جاسر : تمام انا قدامي اربع ساعات واخلص شغل وهروح اخد شاور والبس وانتي قدامك قد اي

جميله : انا لسه واصله مبقاليش ساعتين بس ممكن اخلص بدري لان مفيش شغل النهارده عشان سياده اللواء خلاني خلصت شغل سنتين قدام امبارح

جاسر بضحك: ههههههههههه خليه يسمعك يعاقبك تاني
جميله بضحك: هههههههه لا خلاص انا حرمت

جاسر : طيب ي اختي يعني هتخلصي امتي بردوا

جميله : هي مش الحفله بليل
جاسر : اه
جميله : طيب انا قدامي اربع ساعات كدا
جاسر بدهشه: اربع ساعات ومعندكيش شغل امال لو عندك هتقعدي قد اي
جميله : لا دا بقعد اليوم كلوا وممكن يومين كمان
جاسر : ليه كل دا
جميله : هو دا شغلنا
جاسر : طيب خلاص هعدي عليكي لما اخلص شغل
جميله : لا انا معايا عربيتي
جاسر : طيب عادي خليها واركبي معاياا
جميله : لا انا هروح بعربيتي ونبقي نروح مع بعض الحفله عادي
جاسر : ماشي
جميله :  سلام
جاسر : سلام
قفلت جميله معاه وكملت شغلها  وجاسر بردوا كمل شغل
💖💖💖💖💖💖💖💖💖💖💖
خلصت جميله شغلها واستاذنت ومشيت ونزلت ركبت عربيتها وراحت البيت دخلت خدت شاور ولبست وحطت ميك اب خفيف

وجاسر خلص وراح البيت خد شاور ولبس وحط برفيوم

ووخرج خبط ع جميله وفتحتلوا  سرح في جمالها وشعرها الطويل واتصدم من لبسها وحس بالغيره لما افتكر ان الكل هيشوفها كدا بس هو وعدها انو مش هيكلمها ع اللبس ابدا وحاول يخفي غيرته
جميله : انا جاهزه
جاسر وهو يحاول اخفاء غيرته : وانا كمان بس مش قصير الفستان شويه
جميله : لا مش قصير انا لبسي كدا وبعدين انت مالك احنا مفيش بينا حاجه عشان تقولي قصير ولا طويل
جاسر وهو يكتم غضبه: يعني لو فيه بينا حاجه هترضي تلبسي طويل
جميله : لا لان زي ما قولتلك حياتي قبل الجواز هي هي حياتي بعد الجواز ولبسي كمان
جاسر وهو يكتم غضبه: ماشي
جميله : يلا ولا هنفضل واقفين كدا كتير
جاسر بغيظ:  يلا
نزلوا ركبوا العربيه واتحركوا
جاسر : كان مالك بقاا انهارده لما كلمتك
جميله : كنت مضايقه شويه عادي
جاسر : ايوااومضايقه من اي
حكتلوا جميله ع كلام اللواء سيف معاها
جاسر : عشان كدا مرضتيش اجي اوصلك من الشغل
جميله: ايوا عشان زهقت كل شويه كلام الناس زهقت من الكلمه دي انا مش بعمل حاجه غلط بس دا مجتمع راجعي ومتخلف وكمان هما عندهم حق احنا مفيش بينا حاجه يخلينا نتقابل كل شويه انا خلصت مهمه حمايتك وفضلت في اسكندريه عشان انت اتصابت بسببي بس الحمدلله بقيت كويس  وكمان جبتلك سكرتيره يعني مقابلاتنا ملهاش مبرر

جاسر : بس انتي قولتي اني خطيبك هو دا مش مبرر كافي

جميله: انا مش عارفه قولت كدا ازاي ،انا اصلا مش بهتم بكلام حد وبقول الي يتكلم يتكلم لكن الكلمه طلعت غصب عني

جاسر : انتي زعلانه انك قولتي اني خطيبك

جميله : ايوا لاني دبستك معايا وانت ملكش ذنب

جاسر: مين قالك اني زعلان اذا كان انا الي قولت في الاول انك خطيبتي وقولتلك هروح اطلب  ايديكي من باباكي بس انتي الي عماله تأجلي في الموضوع

جميله: لاني لسه مش مستعده
جاسر : وامتي هتستعدي امتي انا كل ماافتح الموضوع تقوليلي لسه مش مستعده
جميله : احنا وصلنا يلا
جاسر : كل شويه تهربي من نفس السؤال ،امتي هتجاوبي عليه
جميله: لما اعرفك كويس ،مش عشان بتحبني هجري عليك واقولك موافقه ويلا نتجوز دلوقتي لا طبعا الحب ممكن يروح مع مرور الايام لكن العشره والصفات هي الي بتدوم لازم نتأقلم مع بعض انا اعرف انت بتحب اي وبتكره وانت تعرف انا بحب اي وبكره اي ،مش عايزه لما نتجوز يبقي خناقتنا اكتر ،مش عايزه يجي يوم واطلب منك الطلاق

جاسر : اولا انا عمري حبك ماهيروح مع مرور الايام ،انا حبيت صفاتك وشخصيتك قبل شكلك ،وكمان انا متاكد ان مهما حصل بينا خناقات مش هتوصل لطلاق لاني مش هوصلها للمرحله دي

جميله : طيب خلينا ندخل وبعد كدا  نتكلم في الموضوع دا

جاسر : ماشي
وبعد وقت وصلوا الفيلا  واول ما دخلوا كل الانظار اتجهت ليهم كانوا ثنائي جميل والبنات بيبصوا ل جاسر باعجاب ع رجولته ووسامته والرجاله بيبصوا ل جميله باعجاب واضح ع جمالها ،شافتهم زاياا وراحت ناحيتهم وهي مبتسمه وغمزت ل چوسف وهو كمان راح ناحيتهم
زاياا بابتسامه: اهلا بيك استاذ جاسر
جاسر : اهلا مدام زاياا
چوسف بخبث : اهلا انسه جميله
جميله : ازيك ي استاذ چوسف
چوسف بابتسامه: لا انا اسمي چوسف من غير استاذ
جميله: ماشي ي چوسف
زاياا بدلع ل جاسر : طب مش هنمضي العقد ولا اي
چوسف بخبث : عقد اي ي زاياا مش يشربوا حاجه الاول دي حفله خلينا ننبسط الاول

زاياا : عندك حق ي چوسف ،انا اسفه ي جاسر تعالي نشرب حاجه
جاسر : لا انا مبشربش
زاياا بدلع : معقوله رجل اعمال معروف زيك مش بيشرب
جاسر ببرود: اه عادي انا مش بشرب
في اللحظه دي جيه چورج بعد ماغمزله چوسف
چورج : ازيك ي جاسر
جاسر : اهلا ي چورچ
زاياا بدلع: شوفت ي چورج جاسر مش عايز يشرب حاجه
چورج : لا ازاي الكلام دا ي استاذ جاسر دي حفله اتبسط واشرب وارقص براحتك وبعد كدا نبقي نشوف الصفقه الدنياا مش هتطير يعني ولو مش بتشرب فيه عصير عادي

جاسر : ماشي مفيش مشكله
چورج : خلاص هاتي عصير ل جاسر وجميله ولا انتي بتشربي ي جميله
جاسر بحده: لا جميله مش بتشرب
جميله بصتلوا بغضب وسكتت
چورج: خلاص هتيلها عصير
زاياا : ماشي
راحت زاياا ناحيه الجرسون واديتوا حاجه وغمزتلوا
چوسف بابتسامه ل جميله : تسمحيلي بالرقصه دي
جاسر بحده: لا جميله مش بترقص
جميله بغضب: في اي هو انت كنت المحامي بتاعي ،كل شويه جميله مش بتشرب ،جميله مش بترقص ،ع فكره انا ليا بوق اتكلم بيه وارد ع كل واحد 
جاسر بغضب : يعني انتي هترقصي
جميله بتحدي: اه
جاسر بتحدي : تمام يبقي ترقصي معايا
ملحقتش تتكلم شدها جاسر لساحه الرقص حاولت تيعد عنو لكن جاسر كان حاضنها بتملك وهو يضع يده ع خصرها ويرقص  وچوسف باصصلوا بغيظ وغضب وزاياا شافتهم واتعصبت

جميله بغضب : اي الي انت عملتوا دا
جاسر بتحدي: مش انتي عايزه ترقصي وادينا بنرقص مع بعض اهو
جميله بغضب: انا مقولتش ارقص معاك
جاسر بغيره:امال عايزه ترقصي معاه هو
جميله بتحدي: ايوا
جاسر بغضب   : جميله متعصبنيش كفايه اني ساكت ع الفستان دا ومحترم قرارك لكن تروحي ترقصي مع واحد لمجرد العند فا دا مش هسمح بيه ابدا

جميله بغضب وهي تنظر ل عنيه بقوه: مش هفضل اقولك كتير ان انت ملكش حكم علياا انا حره البس الي عايزاه وارقص مع الي عايزاه

جاسر اتعصب اكتر وضغط ع خصرها بغيره : لا ليا ومفيش حاجه اسمها ترقصي مع الي عايزاه لان لو حد فكر يلمسك بس هقتله واقتلك

جميله بتحدي: اتكلم ع قدك لان انت متقدرش تعملي حاجه
جاسر بغضب : يعني انتي بتستغلي حبي ليكي وعارفه اني مش هقدر ااذيكي
جميله بغضب : انت ليه بتفهم كل حاجه ع مزاجك انا قصدي انك متقدرش تقربلي لاني مش هسكتلك

خلصت الاغنيه  وحاولت جميله تبعد لكن هو كان ماسكها بغضب وغيره وتملك
جميله بغضب وهمس : جاسر الناس بتتفرج علينا سيبني
جاسر بغضب وهمس: ماشي ي جميله هسيبك
سابها جاسر ومسك ايديها وشدها بعيد عن ساحه الرقص
جميله بغضب  وهي تنطر يده: انت عمال تشدني كل شويه هي حماره عمال تجرها وراك

في اللحظه دي جت زاياا وچوسف
زاياا بخبث: في اي ي جماعه مالكوا بتزعقوا كدا ليه
جميله بغضب : مفيش حاجه عن اذنكوا
جاسر بغضب :انتي رايحه فين
جميله بغضب : هخرج الجنينه اشم شويه هواء اصل الجو بقاا كاتمه اوي
خرجت جميله وراحت الجنينه وزاياا غمزت ل چوسف يروح وراها
زاياا بدلع: هدي نفسك ي جاسر محصلش حاجه لكل دا
جاسر بغضب : سيبيني دلوقتي ي زاياا انا مش طايق حد قدامي

زاياا بدلع وهي تعطيه العصير : طب خد العصير دا روق دمك

جاسر بغضب: مش عايز زفت

زاياا بدلع وهي تقرب كاس العصير لفمه: خلاص بقاا اهدي واشرب العصير متقلقش هيهديك ويريحك اووي

جاسر زق الكوبايه بغضب ووقعت اتكسرت : قولتلك مش عايز انتي مبتفهميش

الكل بص ناحيه جاسر وزاياا اتعصبت بس حاولت تهدي نفسها عشان الخطه وشاورت ل چورج يجي
چورج: مالك ي جاسر في اي
جاسر بغضب : مفيش حاجه ،وياريت نخلص ونمضي العقد عشان عايز امشي ولا خلوه يوم تاني
چورج بسرعه: لا يوم تاني اي احنا مصدقنا انك رجعت الصفقه خلاص خلينا نمضي العقد دلوقتي تعالي نروح المكتب
راح جاسر وچورج غرفه المكتب وزاياا راحت طلبت لمون من الجرسون  وخدتوا ودخلت ل جاسر غرفه المكتب
زاياا : عملتلك لمون هيهديك
جاسر بغضب : انتي مبتفهميش قولت مش عايز اشرب حاجه اكسرهولك دا كمان عشان تصدقي

زاياا بخبث : لا خلاص ولا يهمك
💖💖💖💖💖💖💖💖
عند جميله كانت بتتمشي في الجنينه وجيه چوسف من وراها وهو معاه عصير
چوسف : ممكن اقف معاكي
جميله : اتفضل
چوسف : طب بحيث اتفضل ،فا اتفضلي العصير
جميله :لا مش عايزه حاجه
چوسف : لا كدا هزعل انتي شكلك متعصب جدا ودا هيهديكي وكمان هتكسفي ايدي يعني
جميله باستغراب : انت بتتكلم عربي بطلاقه كدا كانك مصري
چوسف : انا بابا مصري لكن مامتي المانيه وبابا كان بيخلينا في البيت نتكلم عربي
جميله بابتسامه: زي ماما انا كنت عايشه في روسيا اربع سنين وبردوا ماما مكنتش بتتكلم قصادي غير عربي
چوسف بابتسامه: طب كويس انك ابتسمتي يلا بقاا اشربي العصير
جميله بابتسامه: ماشي
خدت جميله منو العصير وشربتوا وهو كان مبتسم بخبث وخلصت جميله العصير وهو خد الكوبايه بعد خمس دقائق حست جميله بدوخه والرؤيه مشوشه
چوسف بخبث : مالك ي جميله
جميله وهي حاسه بتشويش: مش عارفه حاسه بدوخه كدا 
مكملتش جملتها ووقعت جميله لكن هو لحقها وبعت رساله لزاياا وشالها وطلع من السلم الخلفي
💖💖💖💖💖💖💖💖
عند جاسر كان بيتكلم مع چورج
زاياا جالها رساله من چوسف بمعني كلوا تمام وهي ابتسمت بخبث وشاورت ل چورچ
چورج : كدا كلوا تمام والصفقه هتيجي خلال يومين مش كدا
جاسر : اه ،استاذن انا بقاا
زاياا بدلع وهي تضع يدها ع كتفه وتقترب منه : خليك ي جاسر 
جاسر زق ايديها بغضب وبعدها عنو: لولا اني مقدر اخوكي الي واقف وشايفك بتعملي كدا ومش بيكلم كنت دفنتك مكانك

زاياا بغضب: انت ليه رافضني

جاسر بغضب : عشان واحده شمال مرخصه نفسك ،وانا مباخدش واحده رخيصه بتنام كل يوم مع واحد شكل

زاياا بغضب: الرخيصه دي الي بتمثل عليك الحب وهي مش بتحبك اصلا

جاسر بغضب: انتي بتتكلمي عن مين

زاياا بغضب: عن جميله الي مقضياها وهي مستغفلاك ونايمه مع چوسف دلوقتي

ضربها جاسر بالقلم بقوه وغضب  ومسكها من شعرها :جميله دي اشرف منك ومن عشره زيك

زايا بغل وغضب : ماشي انا هوريك الشريفه دي
زاياا بغضب: شغل ي چورج
جاسر بغضب: يشغل اي
زاياا بغل : هتشوف دلوقتي
شغل چورج الشاشه وكان كاميرات اوضه وشاف جاسر جميله نايمه ع السرير وچوسف يمرر يده ع جسدها بشهوه ويحاول فتح سحب الفستان
مسك جاسر الشاشه وكسرها وراح ناحيه زايا بغضب جامح وكان زي الثور الهايج وشدها وخرج وهو يجري و يجرها وراها وچورج خرج وراه والناس كلها الي في الحفله بصت عليهم
جاسر بغضب: كلوا بره
خرجوا كلهم برااا بسرعه وجاسر رمي زاياا في الارض وطلع بسرعه الفهد وهو بيدور ع جميله في كل الاوض واخيرا لقاها ومسك چوسف والغيره والغضب مسيطرين عليه بشكل كلي وفضل يضرب فيه ومسك ايدوا كسرها وچوسف يصرخ بالم وكسر ايدو التانيه
جاسر بغضب: دا عشان ايدك القذره دي فكرت تلمس حاجه ملك جاسر الحديدي ،وانا الي يفكر يلمس حاجه ملكي انا ادفنوا مكانوا

راح جاسر ناحيه جميله وقلع الجاكيت ولبسهولها وشالها وهو يضمها بقوه وخرج نزل تحت وشاف چورج وزاياا وكانوا خايفين بصلهم جاسر بغضب وتوعد وسابهم وخرج ركب جميله العربيه وركب هو كمان واتحرك وبعد وقت وصل المستشفي وشالها ودخلها اوضه وجيه الدكتور
جاسر بغضب وهو يقف قصادوا حتي لا يري جميله: انا طلبت دكتوره مش دكتور
الدكتور : بس ي فندم انا الي موجود دلوقتي خليني اكشف
جاسر بغضب: انت مبتسمعش بقول دكتوره
الدكتور بزهق: هو لسه فيه جهل كدا ع فكره فيها اي لما اكشف هو انا هاكلها
جاسر بغضب وهو يمسكه من لياقه قميصه: بص انا متعصب لوحدي وع اخري فا لو مغورتش دلوقتي وجبت دكتوره هخليك ترقد مكانها فاهم

الدكتور بخوف : حاضر ي فندم
سابوا جاسر بغضب وهو خرج بسرعه وبعد وقت دخلت دكتوره
دكتوره بابتسامه: مساء الخير
جاسر بضيق : مساء النور ممكن بقاا حضرتك تشوفيها
الدكتوره : اه طبعا انا جايه عشان كدا هي مالها بقاا
جاسر وهو ينفخ بغضب:مانا لو اعرف مالها مكنتش جيت هنا
الدكتوره باحراج : عندك حق
جاسر بضيق : طب ياريت تكشفي عليها
راحت الدكتوره ناحيه جميله وكشفت عليها
الدكتوره : واضح انها واخده مخدر او حد اداها مخدر
جاسر : طب ودا فيه خطر عليها
الدكتوره : لا هو بس هينيمها المخدر مش بنسبه كبيره ولا حاجه
جاسر : طب وهتفوق امتي
الدكتوره : يعني ممكن ع بكره الصبح
جاسر : طب ممكن لما تفوق متقوليش ان حد حطلها مخدر قولي انها تعبت من قله الاكل ضغطها وطي ،اي حاجه
الدكتوره : رغم اني مش فاهمه حاجه بس ماشي
جاسر : شكرا ي دكتوره
الدكتوره : العفوا دا شغلي عن اذنك
جاسر : اتفضلي
راح جاسر ناحيه جميله وقعد ع الكرسي جنبها وحط الغطا عليها
جاسر : شوفتي اخر العند وصلنا لايه ،انا عارف انك ملكيش ذنب في حاجه انا الي غلطت لما وافقت اننا نروح الحفله وغلطت لما سيبتك لوحدك.    بس والله هخدلك حقك منهم كلهم مش كفايه الي عملتوا فيه انا هندمهم كلهم عشان فكروا يلعبوا معاياا انا وچوسف دا همحي اسم دكر من البطاقه بتاعتوا عشان فكر يلمسك بس

فضل جاسر جنبها

تاني يوم الصبح فاقت جميله وهي حاسه بصداع بصت حواليها واستغربت المكان ولقت جاسر قاعد ع الكرسي وباصصلها
جميله باستغراب : انا بعمل اي هنا واي الي جابني اصلا واي الي حصل
جاسر : انا الي جبتك هنا انتي تعبتي امبارح واغم عليكي فا جبتك المستشفي
جميله باستغراب : تعبت ازاي يعني انا كنت كويسه
جاسر : الدكتوره قالت ان ضغطك وطي فجاه بسبب قله الاكل
جميله : طب انا عايزه امشي
جاسر : خليكي لما نطمن عليكي والدكتوره تكشف عليكي
جميله : لا انا كويسه مفيش حاجه وبعدين انت ملبسني الجاكيت دا ليه
جاسر : يعني كنتي عايزاني اجيبك كدا انا مكنتش عارف اصلا اداري رجلك فا غطيتك
جميله : كدا الي هو ازاي شايفني لابسه قميص نوم
جاسر بسخريه:دا قميص النوم محترم عنو
جميله : بص انا مصدعه ومش قادره اتخانق خالص فا يلا عشان عايزه امشي
جاسر : طب طالما مصدعه خليكي والدكتوره تكشف عليكي
جميله: هتكشف علياا عشان مصدعه ليه يعني مش مستاهله دا هي واحده اسبرين وخلصت
جاسر : مينفعش تاخدي برشام من نفسك لازم الدكتور يقولك
جميله : طب يلا بس
جاسر : طب خدي اللبس دا غيري وانا هستناكي براا
جميله : انا همشي كدا مش قادره اغير
جاسر بغضب : بقولك مردتش اجيبك كدا ولبستك الجاكيت تقوليلي هتمشي كدا
جميله : ايوا همشي كدا ولو مش عايز تمشي براحتك انا همشي لوحدي
جاسر وهو يكتم غضبه: ياربي ع العند خلاص غوري قدامي
جميله بغضب : غوره تاخدك احترم نفسك فيه حاجه اسمها اتفضلي خلي عندك ذوق
جاسر وهو يكز ع اسنانه بغيظ : اتفضلي  ثم اكمل حلو كدا
جميله ببرود: ايوا
جاسر بغيظ: طب يلا اتفضلي قدامي
بصتلوا جميله بغضب ومشيت وهو جنبها واي حد يبصلها يزقه او يبعدوا وفيه الي بيخاف يبصلها لما يشوف جاسر ،ونزلوا ركبوا العربيه واتحركوا للبيت دخلت جميله شقتها ودخلت الاوضه قعدت ع السرير بتحاول تفتكر اي حاجه امبارح لكن مش فاكره ،قامت دخلت الحمام خدت شاور ولبست

وخرجت سمع جاسر قفلت الباب خرج بسرعه يشوفها
جاسر : انتي رايحه فين
جميله: رايحه الشغل
جاسر بغضب : شغل اي وانتي لسه تعبانه دا احنا لسه جايين من المستشفي
جميله: انا كويسه هما بس شويه صداع وهيروحوا بسرعه
جاسر بغضب: بطلي عند بقاا واسمعي الكلام انتي تعبانه
جميله بغضب: قولتلك مش تعبانه وبعدين ملكش دعوه انا ادري بنفسي
جاسر بغضب : تصدقي انا غلطان اني خايف عليكي
جميله بغضب : ايوا غلطان انا مش عيله صغيره تخاف عليها
جاسر بغضب : انتي مش بتقولي رايحه الشغل خلاص اتفضلي روحي انا مش همنعك طالما طلعت غلطان

سابتوا جميله ونزلت ركبت عربيتها وراحت الاداره
وجاسر دخل خد شاور ولبس ونزل ركب عربيته وراح الشركه

عند جميله وصلت الاداره وطلعت المكتب
سلمي : اي دا مالك
جميله باستغراب : مالي في اي
سلمي : وشك اصفر كدا وماسكه دماغك ليه
جميله : عندي صداع مش عارفه في اي نفوخي هيفرتك
سلمي: طب خلينا نروح لدكتور
جميله: لا مش مستاهله دكتور انا هشرب قهوه
سلمي: ماشي
طلبت جميله قهوه وشربتها
ادهم: اللواء عايزنا
جميله: ليه
ادهم: معرفش تعالو نشوف
راحوا ااثلاثه مكتب اللواء وقعدوا
الكل : تمام ي فندم
سيف بغضب : ممكن اعرف اي الاهمال دا ،مالكوا في اي انتوا كنتوا متحمسين وبتشتغلوا حلو
جميله باستغراب : اهمال اي ي فندم
سيف بغضب: كل واحد كان عليه مهمه ينفذها ممكن اعرف هي فين ،انا طلبت منك ي جميله تكلمي الدكتوره عشان موضوع الجواز عايزينوا في اسرع وقت
جميله: مانا قولت لحضرتك ي فندم هسافر بكره
سيف بغضب: لا مفيش وقت انتي هتسافري دلوقتي
ادهم: طب وليه الاستعجال ي فندم
سيف بغضب : دي قضيه عايزين تخلص بسرعه مش هنفضل فيها العمر كلوا
جميله: حاضر ي فندم هسافر انهارده
سيف : وانتي ي سلمي عملتي اي في مراقبه حسين الشرقاوي
سلمي وهي تعطيه ملف: الملف دا فيه خط سيره كلوا والاماكن الي بيتردد عليها كتير واسماء الاشخاص الي بيقابلهم بس كلوا مفيش حاجه تثير لشك ،فا انا كان عندي اقتراح

سيف : اي هو
سلمي: هما اكيد واخدين احتياطهم من كل حاجه خصوصا بعد ما شكوا في جميله فا فيه مكانين بس هما الي هو يقدر يتكلم فيهم من غير ماحد يعرف

سيف : مكانين اي

سلمي: بيته ومكتبه فا احنا عايزين نحط كاميرات في مكتبه
جميله: بس دي صعبه اوووي
سيف : مفيش حاجه اسمها صعبه ،عشان كدا بقول لازم جواز ادهم يتم بسرعه لان الدكتوره هي الوحيده الي تقدر تدخل المكتب لان طبيعي اي دكتور جديد المدير المستشفي هيستدعيه فا هي هتحط جهاز تصنت مش لازم  كاميرات

جميله: تمام ي فندم انا هسافر انهارده واقولها
سيف : هتسافري دلوقتي
جميله: حاضر ي فندم
ادهم: ماشي والجواز هيبقي هنا ولا في اسكندريه
سيف : هناك وبعد كدا هتيجوا ع القاهره
ادهم: ماشي بس هيبقي كتب كتاب بس انا مش عايز فرح هو مش مستاهل فرح اصلا هو كدا كدا جواز صوري
جميله: انا هقولها واشوف هتوافق ولا لا
ادهم: لو موافقتش براحتها يبقي بلاها جواز واهو جت من عندها
سيف بغضب : انت بتتلكك هو انا بعزم عليك دا امر ولازم يتنفذ
ادهم : عارف انو امر بس طالما امر بأمر يبقي كتب كتاب بس
سيف بغضب : متنساش نفسك ي حضره الظابط انا اللواء محدش يأمرني
ادهم باحترام : العفوا ي فندم انا مش بأمر حضرتك انا بتكلم اني مش عايز فرح
سيف بغضب : مش هنتكلم في الموضوع دا دلوقتي لما توافق يبقي يحلها حلال
ادهم بهمس: يارب ما توافق
ادهم : ماشي ي فندم
سيف :اتفضلوا
الكل: تمام ي فندم
خرجوا الثلاثه وراحوا المكتب وجميله لمت حاجتها
جميله: انا هسافر دلوقتي
سلمي: مش هتقولي ل جاسر
جميله: واقولوا ع الاساس اي هو ولا يقربلي حاجه
سلمي: انتي مش قولتي خطيبك
جميله: مين الي قالك
سلمي: بابا
جميله: ايوا جاسر خطيبي بس لسه مفيش حاجه رسمي بينا دا مجرد كلام ، يلا بقاا سلام
سلمي : سلام
جميله ل ادهم:مش هتيجي تشوف عروستك
ادهم بضيق: بتتريقي ماشي ي اختي لا مش هشوف حد
جميله: يعني هتتجوزها من غير ما تشوفها
ادهم: وهعمل اي لما اشوفها انا في الحالتين رافض يعني سوااء طلعت وحشه او حلوه دا مش هيغير حاجه
جميله : براحتك بس لما توافق هتيجي عشان نكتب الكتاب
ادهم: ان شاء الله
نزلت جميله ركبت عربيتها واتحركت
💖💖💖💖💖💖💖💖
عند جاسر في الشركه كان قاعد هو وحمزه بيتكلموا
حمزه: بس انت اي الي خلاك مقولتلهاش
جاسر : مكنتش عايز اشوف نظره حزن ولا كسره في عنيها
حمزه: بس هو ملمسهاش عشان تحزن ولا تتكسر بالعكس دي هتنتقم ومش هتسكت ع حقها ابدا
جاسر : وانا اقدر اجيب حقها وهندمهم ، ثم اكمل بتذكر اه صح فكرتني عايزك تعملي حاجه كدا
حمزه : حاجه اي
جاسر : زاياا عايزها تترحل ع بلدها بفضيحه
حمزه : فهمتك خلاص اعتبروا حصل بس دا مش هيفرق معاها هي اجنبيه والحاجه دي بالنسبالهم عادي
جاسر : متنساش ان ليهم شركه وبعد الفضيحه دي اسهم الشركه هتقع وهتبقي في الارض وهيفلسوا فا انا بقاا هشتري الشركه دي وابقي انتقمت منهم
حمزه : بس هتشتري الشركه ازاي وهي هتبقي فلست
جاسر : لو ضمتها لمجموعه شركاتي الاسهم هتترفع تاني وهقدر اشغلها
حمزه بضحك: دا انت طلعت مش سهل لدرجه دي بتحبها
جاسر : هما الي بداو والبادي اظلم ثم اكمل بحب ايوا بحبها جدااا
حمزه بابتسامه: ربنا يسعدك ي صاحبي
جاسر بابتسامه: تسلم ي حمزه
حمزه: طب وچوسف هتعمل فيه اي
جاسر بتوعد: چوسف دا بقاا هخليه ميقدرش يلمس واحده ست تاني في حياته
حمزه : ههههههههههههه واضح انك مغلول منوا اوووي
جاسر : انا الي يلمس حاجه بتاعتي يبقي حكم ع نفسوا بالموت
حمزه: طب افرد جميله عرفت
جاسر : وهتعرف منين
حمزه: ممكن زاياا تقولها او اي حد منهم
جاسر : لا مش هيبقوا فاضيين اصلا من المصايب الي هتنزل عليهم
حمزه: بس هيعرفوا ان انت الي ورا الموضوع دا وهينتقموا
جاسر : يعملوا الي يعملوه ميهمنيش
حمزه:طب وبالنسبه لصفقه انت مضيت عليها خلاص
جاسر : ما دا المفاجاه التانيه ل چورج
حمزه: مفاجاه اي
جاسر : خلال ساعات هيتقبض عليه بتهمه تجاره المخدرات
حمزه: انت حطيت مخدرات في الشحنه
جاسر: لا دول ناس حبايبي حبوا يخدموني
حمزه: بس انت ماضي ع ورق الصفقه
جاسر : ما نفس الناس حبايبي دول خدموني بردوا وورق الصفقه اتبدل
حمزه بدهشه: دا انت طلعت فظيع اي الدماغ دي
جاسر :هما الي غلطوا لما فكروا يلعبوا معاياا وفاكرني هسكت
💖💖💖💖💖💖💖💖💖
عند جميله بعد ثلاث ساعات وصلت الاسكندريه وراحت الاداره ودخلت المكتب سلمت ع اسر واياد وجوري
چوري : وحشتيني ي جوجو اوووي
جميله: وانتي كمان ي قلبي وحشتيني جدا ووحشتوني كلكوا اوووي عاملين اي واخبار الشغل اي
اياد بمزاح: بصي الشغل تحفه عايز اقولك سياده اللواء مدلعنا كدا ومش بنشتغل خالص

اسر وچوري بصولوا وضحكوا جامد
جميله بنصف عين: حساك بتتريق
چوري بضحك: ههههههههه لا دا مش احساس دا تاكيد هو فعلا بيتريق احنا منفخوين في الشغل
اياد بضحك: انا لا خالص وانا اقدر بردوا دا سياده اللواء دا عسل
جميله : ماشي ي ظريف  انا بقاا هخليه يعلقك
اياد بسرعه: لا ي جوجو خلي قلبك طيب
جميله : ماشي ي اخوياا ثم اكملت بسؤال هو بابا في مكتبه
اياد: ايوا في مكتبه
جميله:وسايبني عماله ارغي معاك مش تقول انو جوه اوعي ي زفت
اياد : ي بت هو انا كلمتك انتي الي عماله ترغي
جميله بسخريه: انا بردوا
اياد: ايوا
جميله: طب بطل رغي انا داخله لسياده اللواء
راحت جميله مكتب باباها ودخلت من غير ما تخبط
واسر كان منشغل في الملف الي قداموا ومخدش بالو من جميله الي دخلت
جميله بصوت عالي : باااااااباااا
رفع اسر راسه وبصلها بغضب
اسر بغيظ: كذا مره اقولك خبطي قبل ما تدخلي ومتعليش صوتك، خضتيني
جميله بضحك: ههههههههههههه شكلك كبرت ي سياده اللواء وبقيت بتتخض
اسر بغيظ وهو يقوم من ع المكتب ويقترب منها: مين دا الي كبر ي زفته انتي

ثم اكمل وهو يحضنها : وحشتيني
جميله بضحك: ههههههه اظاهر ماما عندها حق لما قالت انك بتتحول بسرعه
اسر بضحك: ههههههههه لا ي شيخه
جميله بابتسامه: عامل اي ي حبيبي
اسر بابتسامه: الحمدلله وانتي اخبارك اي
جميله بابتسامه: الحمدلله كويسه
اسر باستغراب: انتي جايه ليه خلصتي مهمتك ولا اي
جميله بمشاكسه: جايه اشوف اي اخبار الشغل من غيري
اسر بمشاكسه مثلها: الشغل من غيرك احلي بكتير
جميله بعبوس : بقاا كدا
اسر بحنان : لا ي قلبي الشغل من غيرك وحش جدا
جميله بابتسامه: ربنا ما يحرمني منك ابدا
اسر بحب: ولا يحرمني منك ابدا ثم اكمل ها اي اخبار شغلك انتي عملتي اي في المهمه وخلصتيها ولا لسه
جميله: بعد ما قبضت ع كمال وقولت المهمه خلصت خلاص قتلوه وكدا عرفنا ان فيه حد وراه وهو الي قتلوا عشان ميعترفش
اسر : دا فعلا وعملتي اي بقاا
حكتلوا جميله كل الي حصل
اسر :بصي انا تعبت من الزعيق معاكي لاني عارف اني مهما اتكلمت بردوا هتعملي الي في دماغك بس دا تهور انك تحاولي تدخلي الغرفه الي في المستشفي دا كان هيكلفك حياتك وغير انو مش هيفيد بحاجه لان سر الاوضه كان هيدفن معاكي بعد الشر ومحدش كان هيعرف حاجه عن الاوضه ولا حتي عنك
جميله: انا كنت هدخل اعرف اي الي جوه واحط كاميرات بحيث نقدر نسجل صوت وصوره للي بيحصل
اسر : لا والله تفتكري انها بالسهوله دي انك تدخلي وتطلعي عادي
جميله: عارفه انو مش سهل بس اهو محاوله
اسر : محاوله كانت هتخسرك حياتك بعد كدا متتكررش تاني
جميله: ماشي
اسر : طب هتقولي لاسر ولا اسيل
جميله: هقول لاسيل الاول ولو وافقت الباقي سهل نقنعهم وممكن حضرتك تقنع اونكل مؤمن وعمتو وانا عليا اسيل واسر
اسر : ماشي انا هكلم مؤمن وروفيدا
جميله: تمام انا رايحه لاسيل دلوقتي عشان متاخرش لان سياده اللواء هيقتلني لو اتاخرت
اسر بضحك: ههههههههههه ماشي. ي اختي روحي
جميله بغمزه: امال جوجو فين
اسر بغيظ وهو يمسكها من قفاها : بردوا بتقولي جوجو
جميله بضحك: هههههههههههه خلاص بهزر ي باشاا
اسر : ماشي انا هخلي سيف يعلقك
جميله : لا خلاص  دا لسه معاقبني وقعدني يوم كامل اخلص فيه ملفات كتير
اسر باستغراب : ليه عملتي اي
جميله : مشيت من غير مااستاذن وهو اتعصب
اسر :مشيتي روحتي فين
جميله: روحت ل جاسر الشركه كنت جيبالوا سكرتيره بدل سهيله زي ما قولت لحضرتك
اسر بغضب : وانتي الي تجيبيلوا ليه هو مش قادر يجيب
جميله : كل ما واحده تيجي هو يرفضها مكنتش مناسبه كان عايز واحده عندها خبره فا جبتلوا عادي يعني

اسر فهم انو بيرفض السكرتيره عشان تفضل موجوده

اسر : امممممممم ماشي
جميله : طب انا ماشيه بقاا
اسر : هتروحي ع فين
جميله: هروح لاسيل وبعد كدا اروح اشوف جوجو

جريت جميله خرجت بعد كلمتها لما لقت اسر رايح ناحيتها بغيظ
💖💖💖💖💖💖💖💖💖💖
عند جميله راحت لاسيل المستشفي ودخلت المكتب بتاعها
جميله بابتسامه: اسيل وحشتيني
اسيل بابتسامه: جوجو وحشتيني اوووي عامله اي
قامت اسيل من مكتبها وحضنتها بشوق وبادلتها جميله الحضن
جميله:الحمدلله ي قلبي وانتي اخبارك اي
اسيل: الحمدلله ، اي بقاا سر الزياره دي مش متعوده انا ع كدا
جميله بضحك: هو انا مكشوفه اووي كدا
اسيل بضحك: جدااا
جميله بضحك: ههههههههه بصراحه فعلا انا جيالك في موضوع مهم وسري جدا
اسيل باستغراب: موضوع اي الي سري جدا دا
جميله : موضوع جواز
اسيل باستغراب: انا مش فاهمه حاجه جواز اي
جميله : انا هفهمك
حكتلها جميله ع كل حاجه والخطه
اسيل بذهول: انتي بتقولي اي ي جميله انا مستحيل اتجوز
جميله باستغراب : ليه مستحيل تتجوزي
اسيل بتوتر : انا قصدي مستحيل اتجوز بالطريقه دي
جميله : انتي فيه حد في حياتك
اسيل بتوتر: لا مفيش حد في حياتي ماانتي عارفه من المستشفي للبيت ومن البيت للمستشفي مش بشوف حد ولا حد بيشوفني
جميله : طب ي بنتي دا جواز صوري مش حقيقي احنا بس محتاجينك في مهمه وقت محدد وتبقي تطلقوا

اسيل في سرها : دا احسن حل عشان انسي عدي وابعد عنو انا مش هقدر اشوفوا كل يوم قدامي وبتجرح كل يوم كدا

اسيل : والمهمه دي قد اي
جميله : احنا منعرفش هتقعد قد اي بس مش هتقعد كتير هنخلصها بسرعه احنا بس عايزين نعرف كل الاطراف عشان لما نقبض عليهم يبقي كلهم مره واحده ميبقاش فيه طرف منعرفوش
اسيل : ماشي انا موافقه
جميله بابتسامه: الف مبروك ي قلبي
اسيل بابتسامه باهته: مبروك اي دا جواز صوري
جميله : متزعليش ي قلبي هي فتره مؤقته وهو مش هيلمسك ولا هيجي جنبك ودا وعد مني انا واثقه فيه وعارفه
اسيل : ماشي ي قلبي
جميله: كدا فاضل بابا يقنع اونكل مؤمن و عمتو ،ثم اكملت صح هو طالب كتب كتاب بس مفيش فرح
اسيل : وانا بردوا كنت لسه هقولك كدا احنا نعمل كتب كتاب بس مش مستاهله فرح هو كدا كدا صوري
جميله: يبقي اتفقنا خلاص

💖💖💖💖💖💖💖💖💖💖