رواية احببت عنادك... بقلمي/هاجر هشام الفصل الثامن وسبعون 78 - بقلم Hagar Hešhàm

عند جميله كانت خارجه من المستشفي بس لقت حاله هرج عند البوابه وزعيق ولقت موظف الاستقبال بيتكلم مع واحد
الموظف بغضب: انا قولت لحضرتك ممنوع الدخول طالما مش معاك فلوس وانت كدا بتعمل ازعاج وغير مضيع وقتنا اتفضل انا مش هينفع ادخل الحاله الي معاك

الراجل بغضب : انا قولتلك هدفعلك بس دخله اخوياا بيموت ولازم الحقه وانا هجبلك الفلوس

الموظف : اسف ي فندم مينفعش يدخل

راحت جميله ناحيه الموظف بغضب
جميله بغضب : يعني اي عشان مش معاه فلوس دلوقتي ميدخلش هي مش المفروض دي مستشفي بردوا ولا بنك دا اتفضل دخلوا حالا

الموظف بغضب : وانتي مالك انتي اي الي بيدخلك اصلا
طلعت جميله سلاحها ووجهته ناحيه الموظف والكل اترعب والموظف خاف
جميله بحده: انا الرائد جميله اسر الشهاوي ،حالا لو مدخلش ولحقتوه ،مش هخليهم يلحقوك انت كمان

الموظف بخوف : ي فندم انا مقدرش اخالف الاوامر
الراجل بغضب : قولتلك انا ملحقتش اجيب فلوس
جميله بحده وهي تعطيه الكريديت : خد فلوس المستشفي ولو احتاج عمليه بردوا خد فلوسها
الموظف : هو هيحتاج فعلا عمليه لان دي رصاصه
جمياه بغضب : رصاصه ولسه واقف مكانك اخلص ودخلوا حالا
الموظف :حاضر ي فندم
جم الممرضين والدكاتره دخلوا اخو الراجل العمليات فورا واعطي الموظف الكريديت ل جميله بعد ما سحب الفلوس
راح الراجل ناحيه جميله
الراجل : شكرا ع الموقف الي عملتيه مع اخوياا
جميله: مفيش موقف ولا حاجه دا طبيعي اي حد مكاني كان هيعمل كدا
الراجل : لا مش اي حد يعمل كدا ،المهم كنت عايز رقمك عشان اقدر ارجعلك فلوسك
جميله: خليك جنب اخوك واطمن عليه انا مش عايزاك ترجع حاجه وانا هبعتلك ظابط يحقق عشان نعرف نقبض ع الي عمل كدا في اخوك
الراجل : دي عصابه مش هتقدروا تعملوا حاجه
جميله: مين قالك اننا مش هنقدر احنا قبضنا ع عصابات كتير بره وجوه البلد اكيد مش هنغلب
الراجل : لا هتغلبوا لان دي مش اي عصابه دول مافياا
جميله: انت عارفهم
الراجل : لا بس هما بيهددوني والمره دي التهديد جيه في اخوياا
جميله : طب ممكن بيانات حضرتك لان انا الي هتابع كدا القضيه بس معلش اعذرني اني ممكن اتاخر لان عندي مهمه بس هتابع معاك دايما
الراجل بابتسامه: انا مصطفي البهنساوي صاحب شركات البهنساوي للحديد والصلب
جميله : ايوا عارفاها بس اي سبب تهديد المافيا ليك
مصطفي : لانهم عرضوا علياا كتير اني اشتغل معاهم وكنت برفض دايما وفضلوا يهددوني لحد ما حاولوا يقتلوا اخوياا
جميله: عندك حد غيره
مصطفي : ايوا عندي اختين اروي وكارما
جميله: تؤام ؟
مصطفي : ايوا بيشتغلوا معاياا في الشركه
جميله : تمام انا هعين حراسه ع اخوات حضرتك و حضرتك كمان لحد ما نقدر نحل القضيه
مصطفي : مش مهم انا المهم اخواتي انا جبتلهم فعلا حراسه بس قدروا وقتلوهم كأنهم بيقلولي ان مهما جبت حراسه مش هتقدر تحميهم مننا
جميله: ومبلغتش ليه من ساعتها مكناش وصلنا ان اخوك يتصاب
مصطفي : خوفت ابلغ ينفذوا تهديدهم
جميله: طب ما اهم نفذوا تهديدهم فعلا
مصطفي : ما دا الي خلاني اتكلم معاكي واقولك لما عرفت انك ظابط رغم انك بنت قولت مش هتقدري تساعديني بس لما شوفت قوتك وخوف الموظف منك عرفت انك الوحيده الي هتقدري تساعديني
جميله: ان شاء الله هقدر ومتقلقش انا هعين حراسه لاخوات حضرتك وهخلي بابا يمسك القضيه وانا اول مااخلص مهمتي همسك قضيتك
مصطفي : ماشي ممكن رقمك بقاا
جميله: لو عايز رقمي عشان ترجعلي الفلوس يبقي لا
مصطفي بابتسامه: شكلك عنديه اوووي خلاص مش هرجع الفلوس
جميله بابتسامه: تمام و ادي رقمي اهو ٠١...............
مصطفي بابتسامه: اتشرفت بمعرفتك ي حضره الظابط
جميله : انا اكتر عن اذنك
مصطفي : مش هشوفك تاني
جميله: هاجي اطمن ع اخوك وزي ما قولتلك همسك القضيه بس بعد مااخلص مهمتي
مصطفي : هو انتي ماسكه مهمه اي
جميله : وانت مالك بتسال ليه
مصطفي : بسال عادي يعني عشان اشوف المهمه بتاعتك هتطول ولا لا
جميله: بردوا ملكش دعوه دي حاجه تخصني انا ،،انت الي يخصك اني اخلصلك قضيتك وبس عن اذنك
سابتوا جميله ومشيت ركبت عربيتها في اللحظه دي رن فونها وكان جاسر
جاسر : قولت اتصل اطمن عليكي عامله اي دلوقتي
جميله: الحمدلله كويسه وانت عامل اي
جاسر : الحمدلله تمام ، خلصتي شغل ولا لسه
جميله: لا انا مش في الشغل
جاسر باستغراب : امال فين
جميله: انا سافرت اسكندريه عندي مهمه
جاسر بغضب : و ازاي تسافري من غير ما تقوليلي
جميله : بقولك عندي مهمه وكمان السفريه جت فجاه
جاسر بغضب : يعني اي جت فجاه ،عملوهالك مفاجاه مثلا
جميله: لا معملوش مفاجاه ،انا كان المفروض هسافر بكره بس اللواء اصر اني اسافر النهارده
جاسر بغضب : يعني كنتي في الحالتين هتسافري من غير ما اعرف
جميله : طب وانت تعرف ليه
قفل جاسر المكالمه
جميله بغضب : انا يقفل السكه في وشي والله لوريك ي جاسر
رنت عليه تاني ورد
جميله بغضب : انت ازاي تقفل السكه في وشي وانا بكلمك
جاسر بغضب : ملكيش دعوه مش المفروض مفيش حاجه بينا يبقي براحتي اقفل السكه براحتي
جميله بغضب : لا مش براحتك ع فكره انا بكره الي يقفل السكه في وشي
جاسر بغضب : انا قفلت عشان عارف ردك بعد كدا عارف انك هتقعدي تقولي احنا مفيش بينا حاجه عشان اقولك والكلام دا فا وفرت اسمعها

قفلت جميله المكالمه والفون خالص وراحت لمامتها البيت ودخلت واتسحبت براحه وسمعت صوت جاي من المطبخ دخلت المطبخ وكانت هاجر ضهرها للباب حضنتها جميله بشوق وهاجر اتخضت لكن سرعان ماتحولت لسعاده اول ما شافت جميله
جميله بشوق: وحشتينيي اووووي ي مااما
هاجر بحب: وانتي كمان ي قلبي وحشتيني اووووي ،اي المفاجاه الحلوه دي
جميله بابتسامه: اي رايك
هاجر بابتسامه: حلوه طبعا احلي مفاجاه في حياتي كلها عامله اي
جميله بابتسامه: الحمدلله كويسه وانتي عامله اي
هاجر بابتسامه: الحمدلله
جميله :عاملالنا اكل اي بقاا انا ميته من الجوع
هاجر : حالا ي حبيبتي الاكل هيكون جاهز ادخلي خدي شاور وارتاحي يكون اسر جيه ونتغداء سواء
جميله بغمزه: ماشي ي جوجو
هاجر بضحك: خلي اسر يسمعك عشان يقتلك
جميله بمزاح: لا ما انا قولتها قداموا بس جريت ع طول لانو فعلا كان هيقتلني
هاجر بضحك: ههههههههههه يبقي مش هيسيبك لما يجي
جميله بمزاح: لا ما انا عارفه مامتي حبيبتي هتدافع عني
هاجر بابتسامه: طبعا ي قلبي مش هخليه يلمسك
جميله بابتسامه: حبيبتي ي ماما ،يلا انا هدخل احد شاور وانام ساعتين كدا لاني تعبانه اووي
هاجر بحنان : ماشي ي حبيبتي
دخلت جميله خدت شاور ونامت
💖💖💖💖💖💖💖💖💖💖💖
بعد ثلاث ساعات صحيت جميله وخرجت بره ومخدتش بالها من الشخص الي قاعد في الصالون وكانت لابسه شورت قصير وتي شيرت وكان اثار النوم باين عليها وشعرها المتلغبط من النوم ودخلت المطبخ
هاجر بدهشه: يخربيتك انتي خرجتي كدا
جميله باستغراب : اه وفيها اي
هاجر : وجاسر شافك كدا
جميله باستغراب: وجاسر هيشوفني فين مش فاهمه
هاجر : يخربيتك جاسر بره قاعد في الصالون مع باباكي
جميله بدهشه: بجد
هاجر : اه ي اختي
جيه اسر في اللحظه دي
اسر بغضب : انتي ازاي تخرجي بالمنظر دا
جميله : انا مكنتش اعرف ان جاسر بره وبعدين مانا بقعد في البيت كدا عادي
اسر بغضب : طب اتفضلي ادخلي اوضتك غيري هدومك دي
جميله: حاضر بس هخرج قصادوا كدا عادي
اسر : لا ادخلي الحمام وهاجر هتجبلك لبس
جميله: ماشي
دخلت جميله الحمام وهاجر جابتلها لبس وخدت شاور ولبست

وخرجت كان جاسر بيبصلها بغضب وهي كمان بصتلوا بغضب واسر خد بالوا
اسر باستغراب : مالكوا في اي
جميله : مفيش حاجه ي بابا ،هو حضرتك كلمت اونكل مؤمن وعمتو
اسر : ايوا كلمتهم كانوا رافضين في الاول جدا بس قال هيشوفوا اسيل الاول الرأي الاول والاخير ليها هي
جميله: اسيل وافقت خلاص ولو وافقوا يبقي كتب الكتاب بكره
اسر : تمام يبقي كدا هما كمان هيوافقوا ثم اكمل وهو يوجه كلامه ل جاسر ، وانت ي جاسر اخبار شغلك اي
جاسر : تمام الحمدلله ماشي كويس
اسر : سمعت ان فيه شركه كانت بتتعامل معاك صاحبها اتقبض عليه بتهمه مخدرات واختوا اترحلت ع بلدها بعد مااتمسكت في فيلاتها في وضع غير لائق وانت اشتريت الشركه دي
جاسر : ايوا فعلا حصل
اسر: بس اي الي خلاك تشتريها المفروض سمعه الشركه بقت مش كويسه وغير الاسهم الي اكيد نزلت
جاسر : مانا استغليت ان اسهم الشركه نزل يعني هما كدا الشركه هتتباع بسعر رخيص جدا ولما تنضم لمجموعه شركاتي هقدر اشغلها والاسهم هتترفع تاني
اسر : فعلا عندك حق تفكيرك سليم
جميله باستغراب : شركه اي دي
جاسر : هو انتي تعرفي الشركات الي بتعامل معاها
جميله: لا
جاسر : طب امال بتسالي ليه
جميله بغيظ: انا غلطانه اني بسال
جاسر : ايوا فعلا انتي غلطانه
اسر بحده: ع فكره انا لسه قاعد احترموا نفسكوا واتكلموا عدل
جميله بغيظ:هو الي قليل الذوق
جاسر بغضب : انا ساكت وعامل احترام لباباكي بس
جميله بغضب : ولو مكنش موجود هتعمل اي يعني
اسر بغضب : ما تقوموا تتضربوا بعض احسن
جت هاجر في اللحظه دي
هاجر: الغداء جاهز اتفضلوا يلا
اسر بأمر ل جميله وجاسر : يلا
قامت جميله وهي بصالوا بغيظ وهو باصلها بغضب قعدوا ع السفره قصاد بعض وهاجر جنب جميله واسر جنب جاسر وقعدوا ياكلوا وهما بيبصوا لبعض بغضب ،،خلصوا اكل ولمت جميله الاطباق مع مامتها وهاجر عملت عصير وجميله قدمتوا
جميله بغيظ: اتفضل
جاسر ببرود : شكرا
بصتلوا بغضب وبعد كدا قدمت لباباها ومامتها وقعدت
جميله: هو انت جيت ليه
اسر بحده: اي قله الذوق دي
جاسر: انا جيت عشان سياده اللواء مش عشانك
جميله: وسياده اللواء يبقي بابا عايزوا في اي بقاا
جاسر: ملكيش دعوه
جميله بغضب: بني ادم مستفز
جاسر:مش اكتر منك بصراحه
هاجر بزهق: هو انتوا مبتزهقوش من الخناق دا. دا انا الي كنت بتخانق مع اسر اكتر ما بنتصالح موصلناش زيكوا كدا دا انتوا ناقص تتخانقوا في احلامكوا

جميله: هو الي ردوده مستفزه
جاسر بسخريه:لا ماشاء الله ع ردودك انتي بتنقط عسل دا انتي ردودك دبش
جميله بغضب: انا ردودي دبش
جاسر اتجاهل كلامها : طب استاذن انا عشان يدوب الحق اعمل مشاويري قبل ماارجع القاهره
اسر: ماشي ي جاسر
جميله بغضب: ع فكره انا بكلمك
اتجاهلها جاسر وسلم ع اسر الي كان كاتم ضحكته بالعافيه هو وهاجر ع شكل جميله وهي متغاظه واستاذن ومشي
جميله بغيظ: واحد بارد ومستفز
اسر وهو يكتم ضحكته: انتي رايحه دلوقتي الاداره
جميله بغيظ:لا هروح لاونكل مؤمن وعمتو روفيدا عشان لو وافقوا كتب الكتاب هيبقي بكره
اسر : تمام
خرجت جميله ونزلت لقت جاسر واقف عند عربيته وهو مربع ايدو اتجاهلتوا جميله وراحت ناحيه عربيتها لكن هو لحقها ومسكها من ايديها
جاسر بحده: اركبي
جميله بغضب: لا مش هركب
جاسر بحده: اركبي ي جميله وبلاش عند عايز اتكلم معاكي
جميله بغضب: هتكلم معايا في اي مش انت اتجاهلتني فوق وانا بتكلم معاك
جاسر بحده: وانتي فوق كنتي بتتكلمي ولا بتتخانقي
جميله بغضب :مش هتفرق
جاسر بحده: لا هتفرق لانك عماله تغلطي كتير وانا بسكت قفلتي السكه في وشي وانا بكلمك وقفلتي الفون خالص لا وكمان مش معترفه بغلطك وبتتمادي وعماله تزعقي وتغلطي
جميله بغضب : لما قفلت السكه دا عشان انت كمان قفلت في وشي يعني واحده ب واحده وبعدين غلط في اي مش فاهمه
جاسر بحده: سافرتي من غير ماتقوليلي ثم اكمل بتحذير واوعي تقولي مفيش بينا حاجه عشان اقولك لانك عارفه اني بحبك لكن انتي عامله عبيطه ومش عايزه تصدقي
جميله بغضب: انا مش عامله عبيطه ع فكره ومصدقه انك بتحبني بس حتي لو كان فيه بينا حاجه مكنتش قولت دا شغل وانت ملكش انك تتكلم في شغلي
جاسر بغضب: ومين قالك اني هتكلم في شغلك او همنعك انا قولتلك اني واثق فيكي سواء في غيابي او في وجودي ومكنتش همنعك تسافري بس ابقي عارف مش اعرف بالصدفه وانا بكلمك
جميله : خلاص محصلش حاجه لكل دا اديك عرفت اني سافرت وجيت كمان
جاسر بغضب : لا والله بالسهوله دي
جميله بغضب : امال انت عايز اي
جاسر بجديه: عايز اعرف قرارك دلوقتي ي جميله ي ابعد ومش هتشوفيني تاني خالص حتي لو بالصدفه ي اقرب واتقدملك ولو لسه مش مستعده للجواز انا معنديش مانع نعمل كتب كتاب بس وساعتها هستناكي العمر كلوا بس وانتي مراتي

سكتت جميله وقت طويل
جاسر بجديه: تمام انا كدا عرفت ردك ووعد مني مش هتشوفيني تاني
راح جاسر ناحيه العربيه عشان يركب
جميله :موافقه
وقف جاسر ووهو لسه مديها ضهره
جاسر : موافقه ع اي
جميله : ع كتب الكتاب
اتنفس جاسر براحه وسعاده
جاسر بتنهيده: اخيراا
مسك ايديها وجيه يطلع وقفتوا جميله
جميله : انت هتطلعنا ليه تاني
جاسر : هطلب ايديك من باباكي ولو وافق نكتب الكتاب بكره مع ادهم واسيل
جميله : بسرعه اوووي كدا
جاسر بدهشه: كدا بسرعه دا انتي طلعتي عيني ي شيخه وتقوليلي في الاخر بسرعه
جميله: ايوا بس انا مش جاهزه
جاسر : كتب الكتاب مش محتاج تجهزي دا هو فستان بس ودا سيبيه علياا
جميله : انا مش بكلم ع الفستان انا عندي بس
قطعها جاسر
جاسر : مفيش بس انا هطلب ايديكي وهنكتب الكتاب بكره
جميله : وبالنسبه لاهلك هتعملهلهم مفاجاه ولا اي يعني
جاسر : لا اهلي هبعت عبدالرحمن يجيبهم وهيكونوا موجودين ع بكره ،كدا بقا معندكيش حجه
جميله : لا عندي ممكن بابا ميوافقش
جاسر : لا هيوافق انا متاكد
مدهاش فرصه تكمل كلام مسكها وطلع فوق خبط واسر فتح
اسر باستغراب : انتوا اي الي رجعكوا تاني
جاسر : كنت عايز حضرتك في موضوع
اسر : طب ادخلوا
دخل جاسر وقعد في الصالون وجميله قعدت معاهم واسر وهاجر
اسر : موضوع اي بقاا
جاسر بهدوء: انا جاي اطلب ايد جميله
اسر باستغراب : انتوا كويسين دا انتوا لسه نازلين من شويه وانتوا كارهين بعض طالع دلوقتي تقولي اطلب ايديها اي التغير المفاجئ دا

جاسر : اعمل اي في بنتك طلعت عيني ع ما وافقت انا كان زماني متقدملها من زمان لكن هي كل شويه تقولي مش مستعده واخيرا وافقت

اسر بضحك: ههههههههههههههه شكلك عنيت جاامد منها

جاسر بتاكيد: جدااااااا
جميله وهي ترفع حاجب: لا والله
جاسر بهدوء: ها قولت اي حضرتك
سكت اسر شويه
جميله بسرعه: اهو سكت والسكوت علامه الرفض هو مش موافق انا عارفه بابا ميقدرش يستغني عني

جاسر : باااس انتي بالعه راديو وبعدين السكوت علامه الرضاا مش الرفض انتي المثل عندك اتشقلب ولا اي ثم اكمل وهو يوجه كلامه لاسر : قولت اي ي سياده اللواء

اسر كان لسه هيتكلم
جميله قاطعته: هيقول اي في اي انا بقولك مش موافق انا عارفه بابا  مش هيرضي

جاسر بصلها بغيظ وحط ايدو ع بوقها يمنعها من الكلام واسر وهاجر ضحكوا ع شكلهم الي زي الاطفال
جاسر : قولت اي بقاا ي عمي
جميله :امممممممممم
اسر : ماشي موافق
جاسر بابتسامه: الحمدلله طب انا كنت طالب طلب كمان
اسر : طلب اي
جاسر : انا وجميله نعمل كتب كتاب ع طول بكره مع ادهم واسيل
اسر بدهشه: كتب كتاب ع طول كدا
جميله شالت ايد جاسر من ع بوقها : اهو شوفت انا قولت كدا بردوا عشان كدا قولتلوا لا
حط جاسر ايدو ع بوقها تاني
جاسر : حضرتك لسه قايل انا عنيت ازاي معاها ومصدقت انها وافقت وكمان انا بحبها وعارفها كويس وهي كمان عارفاني فا ليه نستني
اسر : طب واهلك
جاسر : اهلي هييجو بكره مع عبدالرحمن وهييجوا بكره معاياا هنا اتقدملها تاني ونكتب الكتاب بالمره

بص اسر ل هاجر وهزت راسها بمعني موافقه
اسر : ماشي
جاسر براحه: طب نقراء الفاتحه
قراوا الفاتحه وجاسر شال ايدو من ع بوقها وهي بصالوا بغيظ خلصوا واستاذن جاسر وخد جميله ونزلوا وهو باصصلها ومبتسم
جاسر : انتي رايحه فين
جميله : رايحه لعمتو
جاسر : تحبي اوصلك
جميله: لا انا معايا عربيتي ،انت رايح فين
جاسر: عندي شغل هنا هخلصوا واروح الفندق
جميله : شغل في اسكندريه
جاسر: اه انتي نسيتي اني بتعامل مع شركات من كل المحافظات وكمان شركه خالك
جميله : يعني انت رايح ل خالي
جاسر: ايوا
جميله: طيب انا هروح لعمتو وبعد هروح لخالي اسلم عليه عشان وحشني
جاسر: تحبي استناكي ونروح سوا
جميله : لا مش انت بتقول شغل يعني اكيد بمواعيد فا روح انت عشان متتاخرش
جاسر : ماشي هستناكي هناك
جميله: ماشي
ركبت جميله عربيتها وراحت لبيت اسيل وسلمت ع روفيدا وحضنتها
روفيدا: يعني مشوفكيش ي جزمه غير لما يكون فيه حاجه
جميله : معلش بقاا ي عمتو ماانتي عارفه اني كنت مسافره ولسه يدوب راجعه انهارده وكمان هرجع القاهره تاني
روفيدا : عارفه ي حبيبتي ربنا معاكي
جميله : يارب ،ها بقاا قراركوا اي
روفيدا بقله حيله : موافقين بس اوعديني ان بنتي تكون في امان ي جميله
جميله : متقلقيش عليها ي عمتو اسيل اختي وهخاف عليها اكتر من نفسي وانا واثقه في ادهم انو مش هيلمسها
روفيدا : هو اسموا ادهم
جميله: ايوا
روفيدا : ماشي ي بنتي
جميله: تمام يبقي كتب الكتاب بكره انا هتصل بيه عشان يجي وكمان انا كتب كتابي مع اسيل بكره
روفيدا بفرحه: بجد الف مبروك ي حبيبتي ،بس ازاي اسر ميقوليش
جميله: معلش ي عمتو اصلا لسه الموضوع دلوقتي هو لسه متقدملي وعايز كتب كتاب ع طول
روفيدا : هو مين دا
جميله : جاسر الحديدي ابن العمده الي في الصعيد الي كنت ماسكه مهمه حمايته
روفيدا بفرحه: ربنا يتمملك ع خير ي حبيبتي
جميله: تسلمي ي عمتو ،طب حيث كدا فا كتب الكتاب عندنا في البيت  ممكن بقاا
روفيدا : هشوف مؤمن واقولك
في اللحظه دي جيه مؤمن
مؤمن بابتسامه: جميله بنفسها عندنا اي القمر دا
جميله بمزاح: انت الي قمر والله
روفيدا بمزاح: اي دا انتي بتعاكسي جوزي قدامي والله لقول لجاسر
جميله بضحك: لا انا بعد ما شوفت القمر دا صرفت نظر خلاص وهتجوز اونكل مؤمن
مؤمن بضحك: ههههههههه انتي الي قمر ي حبيبتي ، ثم اكمل باستغراب : بس مين جاسر
روفيدا : دا خطيب جميله وهيبقي جوزها بكره
مؤمن بتمثيل الزعل: اي دا هتتجوزي طب وانا يعني خلاص خدتي غرضك مني وسيبتيني كدا
روفيدا وجميله انفجروا من الضحك
جميله بضحك: ههههههههههههه والله انت عسل اوووي انا بقول بلاها جاسر واخدك انت ي اونكل
مؤمن بمزاح: وانا موافق
جميله بابتسامه: وانا موافقه
روفيدا بمشاكسه: وانا مش موافقه يلا ي ماما روحي العبي بعيد بدل مااتصل بيه  اخليه يجي يعلقك
جميله بمزاح: عيب عليكي احنا مسيطرين بردوا
مؤمن بضحك: ايوااا انا عارفك اكيد طلعتي عينو
جميله : مش اوووي يعني
مؤمن بضحك: طب عيني في عينك كدا
جميله بضحك: ههههههههه خلاص انت عايزني اعترف يعني
مؤمن : ايوا اعترفي يلا
جميله :هههههههه خلاص ي عمو بقاا خلي قلبك طيب
مؤمن بضحك: ماشي ي اختي
جميله بهدوء: طيب اقعد بقاا عايزين نتكلم
مؤمن بهدوء: في موضوع اسيل مش كدا
جميله : ايوا وياريت مترفضش دي مهمه ي عمو ومتقلقش انا واثقه في ادهم جدا وواثقه انو مش هيأذيها كمان هو الي هيحميها
مؤمن : ماشي موافق بس مجرد ما تخلص المهمه يطلقها
جميله: بس دي حاجه ترجعلهم هما يمكن يحبوا بعض في الوقت دا احنا منعرفش القدر مخبي اي

مؤمن : ساعتها يبقي يطلب ايديها من اول وجديد

جميله : في دي عندك حق ماشي كدا كتب الكتاب بكره عندنا في البيت

مؤمن : وليه مش هنا

جميله: عشان انا بردوا كتب كتابي بكره وكمان عشان جاسر هيتقدملي بكره وكدا كدا انتوا هتبقوا موجودين فا بالمره

مؤمن : ماشي

جميله : حضرتك قولت لاسر

مؤمن : ايوا قولتلوا كان معارض جدا ومش راضي انتي عارفه اسر بيحب اسيل ازاي وهي كمان بتحبوا لكن لما لقاها موافقه متكلمش

جميله : عارفه ربنا يخليهم لبعض ، ثم اكملت وهي تقوم ،طب استاذن انا بقاا عشان الحق اروح ل خالو وحشني اووي

روفيدا: لا طبعا انتي هتاكلي معانا

جميله : لا انا كلت قبل مااجي ويدوب الحق خالوا

روفيدا : ماشي بس المره الجايه مش هقبل  اعتذار

جميله : حاضر
سلمت عليهم ومشيت راحت الشركه ل حازم  طلعت وراحت عند السكرتيره
جميله: استاذ حازم جوه
السكرتيره: ايوا ي فندم  بس هو في اجتماع دلوقتي
جميله : عارفه انا هدخلوا
السكرتيره: مينفعش ي فندم بقول لحضرتك في اجتماع 
جميله: انتي تعرفي انا ابقي مين
السكرتيره: ايوا ي فندم اعرف بس حازم بيه مانع اي حد يدخلوا في وجود اجتماع
اتجاهلتها جميله ودخلت وهي حاولت تمنعها لكن مقدرتش ودخلت جميله لقت جاسر وحازم و يوسف وهاجر وبعض الموظفين
حازم باستغراب: جميله انتي بتعملي اي هنا
السكرتيره: انا حاولت امنعها والله ي فندم وقولتلها ان حضرتك مانع دخول حد في وجود اجتماع بس هي اتجاهلتني ودخلت
حازم بغضب :جميله لما تيجي تدخل في اي وقت اوعي تمنعيها بعد كدا
السكرتيره: حاضر ي فندم
حازم : اتفضلي
خرجت السكرتيره وراحت جميله ناحيه حازم وسلمت عليه
جميله بابتسامه: عامل اي ي حبيبي
حازم بابتسامه: الحمدلله وانتي عامله اي وجيتي امتي
جميله: الحمدلله جيت انهارده الصبح وقولت لازم اعدي ع خالوا حبيبي
حازم بابتسامه: ي بكاشه طب اقعدي لحد مااخلص الاجتماع وافضالك
جميله بابتسامه: لا عيب عليك انا هحضر الاجتماع
حازم باستغراب : هو انتي تعرفي حاجه في شغلنا
جميله بابتسامه:طبعا هو يوسف مقالكش ولا اي
ي

وسف : نسيت اقولوا فعلا جميله هي الي كانت سكرتيره استاذ جاسر
حازم : طب اقعدي يخلص الاجتماع وابقي افهم بعدين
جميله : ماشي
قعدت جميله جنب حازم وكانت قصاد جاسر وجنبها من الناحيه التانيه موظف وجاسر باصصلها بغيره
حازم بجديه: كدا ي استاذ جاسر كل حاجه تمام والشحنه هتكون عندك خلال ثلاث ايام
جاسر بجديه : بس حضرتك مش شايف  ثلاث ايام  كتير
حازم : الشحنه كبيره ي جاسر ويدوب ثلاث ايام كفايه

جميله كانت بتتكلم مع الموظف الي جنبها وجاسر باصصلها بغضب وغيره وهي مش واخده بالها

جاسر بصوت عالي نسبيا عشان تاخد بالها : تمام مفيش مشكله

جميله خدت بالها من صوته العالي وبصتلوا باستغراب

حازم باستغراب : طب انت بتعلي صوتك ليه

جاسر وهو ينظر ل جميله بغضب ثم نظر ل حازم : لا مفيش حاجه هو صوتي علي فجاه معلش

حازم : ماشي

خلص الاجتماع وخرجوا الموظفين وهاجر واتبقي جاسر وجميله ويوسف وحازم
حازم : قوليلي بقاا اتعلمتي شغلنا ازاي وازاي اشتغلتي مع جاسر وانتي اصلا ظابط

حكتلوا جميله كل حاجه من اول مهمه حمايه جاسر لحد مااتقدملها وتحديد كتب الكتاب

يوسف بمزاح: يعني اخيراا هتجوزي دا انا قولت هتعنسي

جميله باستنكار: مين دي الي تعنس ي بابا  دا انا جميله يعني لو شاورت بس هتلاقي طابور عرسان بس هي النفس

يوسف بضحك: ههههههههههه والله انتي مسخره ي جميله

جميله بمزاح: عارفه.   عارفه.

جاسر بغيره: طب مش يلا بينا

حازم : لا يلا اي انا عازمكوا ع العشاء بالمناسبه دي

جاسر : لا معلش خليها وقت تاني

جميله: لا انا جعانه

جاسر بدهشه: جعانه اي هو مش انتي لسه متغديه مبقالناس ساعتين

جميله : اديك قولت ساعتين عادي وجوعت تاني

يوسف بمزاح: طول عمرك طفسه ي جوجو

جاسر اتعصب لما قالها ي جوجو

جميله بسخريه: لا ماشاء الله عليك ماانت طفس بردوا وبعدين شوف نفسك الاول بكرشك دا

يوسف بذهول : دا كرش ي حوله دا سيكس باكس

جميله وهي تضيق عينها : انا حوله ي يوسف

يوسف بتاكيد : ايوا

جري يوسف وجريت جميله ورا في المكتب وحازم بيضحك عليهم
يوسف بمزاح وهو يجري : ي بنتي اعقلي عيب انتي كبرتي

جميله وهي تجري وراه: دا ع الاساس ان انت عيل صغير

في اللحظه دي دخلت هاجر ويوسف خبط فيها ووقعوا ع الارض كانت هاجر فوقيه وهو فضل مركز في عنيها وسرح وهي كمان سرحت في عنيه العسلي   كل دا وجميله وحازم وجاسر مركزين معاهم وكاتمين ضحكتهم عليهم
جميله بهمس: طب اسيبهم ولا انبهم ولا اعمل اي دلوقتي
جاسر وهو يكتم ضحكته: والله مش عارف انا كمان
حازم : انتوا بتقترحوا نبهوهم طبعا يخربيتكوا لو حد دخل هنتفضح
جميله بضحك: ههههههههه حاضر
قربت جميله منهم وبصوت عالي : يوووووسف
اتفزع يوسف وهاجر بردوا وقاموا بسرعه وهاجر خرجت بره المكتب ويوسف حس بالاحراج
جميله بغمزه: اي ي عم هي عجبتك الواقعه ولا اي
يوسف : بس ي زفته
حازم : طب يلا خلينا نمشي احنا
جاسر : اه يلا
مشي حازم وجاسر وجميله ويوسف وراحوا مطعم اتعشوا
يوسف : عرفتي صح اني هخطب ي جميله
جميله : بجد هتخطب مين
يوسف : واحده اتعرفت عليها في القاهره وانا راجع 
جميله : ولحقت حبتها امتي
يوسف بهيام:من اول ما شوفتها حبتها رغم ان لبسها مش كويس
جميله: اللبس مش كل حاجه فيه الي بيكونوا محجبين ولابسين واسع واخلاقهم مش كويسه

يوسف : عندك حق عشان كدا حبتها اخلاقها كويسه ومحترمه جدا دي اتكسفت تسلم علياا

جاسر : المهم يكون حقيقي مش تمثيل فيه ساعات الي بيمثل الكسوف والاحترام

حازم :عندك حق والله ي جاسر الواحد دلوقتي مبقاش عارف الكويس من الي مش كويس بسبب التمثيل دا

جاسر : بالعشره تقدر تعرف اذا كان بيمثل ولا لا ماهو اكيد مش هيفضل يمثل طول العمر هيجي عليه وقت ويبان الحقيقه

يوسف : بس انا متاكد انها مش بتمثل

جميله: وهتخطبها امتي

يوسف: يوم الخميس

جميله بابتسامه: بعد ثلاث ايام طب كويس ابقي قولي عايزه اجي معاك عشان اشوف خطيبه ابن خالي

يوسف بابتسامه: اكيد طبعا اول واحده

جميله بابتسامه: تسلم ي حبيبي

اتعصب جاسر جدا لما قالتلوا حبيبي بس سكت وكملوا اكل وبعد وقت خلصوا وركبت جميله مع جاسر بعد ما ودعوا حازم ويوسف

جاسر بغضب:ممكن اعرف اي الي عملتيه النهارده دا
جميله باستغراب : عملت اي
جاسر بغضب : لما تقعدي تهزري وتضحكي مع الموظف جنبك ولا كأني موجود اصلا وكمان تقولي ل يوسف حبيبي دا اي
جميله باستغراب : ايوا فين المشكله مش فاهمه
جاسر بغضب : كل دا مفيش مشكله
جميله : لا بصراحه انا مش لاقيه مشكله خالص يوسف ابن خالي وزي اخوياا و احنا متعودين نقول لبعض كدا عادي وكمان بهزر مع الموظف عادي اكيد مش هفضل مكشره في وشوا يعني
جاسر بسخريه: لا ازاي طبعا مينفعش تكشري في وشو لكن تكشري في وشي انا عادي صح
جميله : هو انا كشرت في وشك
جاسر بتريقه: انتي لا ابدا
جميله: ملاحظه تريقه في كلامك
جاسر : ايوا لاني مش بشوفك بتضحكي غير مع الغريب بس
جميله: لان انت ع طول بتزعق هضحك معاك واهزر ازاي
جاسر :عشان انتي بتعملي حاجات بتعصبني اكيد مش هزعق من الفراغ مش مجنون انا
جميله: كل الي بعملوا انا شايفاه عادي لكن انت الي شايفوا مش عادي مش عارفه ليه
جاسر : دا عادي لما تقولي لواحد حبيبي دا عادي دا انتي مقولتيهاش لياا انا

جميله : دا مش واحد غريب دا ابن خالي وزي اخوياا وبعدين انت قولت انك واثق فيا سواء في وجودك او في غيابك

جاسر : ايوا واثق فيكي لكن دي مش ثقه دي غيره انا بغير عليكي بحب اسمع الكلام دا لياا انا مش لحد تاني بحب تشاركيني في كل حاجه
💖💖💖💖💖💖💖💖💖💖💖