رواية احببت عنادك... بقلمي/هاجر هشام الفصل الثالث وخمسون 53 - بقلم Hagar Hešhàm

راح اسر المؤتمر
لؤي باستغراب : انت روحت فين كل دا
اسر بجديه: كنت بودي البنت لمامتها
لؤي : كل دا
اسر بجديه: اه هي مسكت فياا ف قعدت معاها شويه وجيت وبطل رغي بقاا فاضل قد اي ع المؤتمر
لؤي : فاضل ساعه ونص
اسر : تمام
وقف اسر عند البوابه الاماميه جنب لؤي وهو في صراع مع قلبه
العقل : الي عملتوا دا هو الصح هي باعتك وفضلت المهمه عليك
القلب: مباعتش هي كان نيتها تحمينا عشان نعيش حياه من غير مشاكل ولا حوادث
العقل : كانت ممكن تقولك مش تبعد وجايه بعد خمس سنين لا وكمان اشوفها صدفه
القلب: يمكن كانت جايه بس القدر جمعكوا
العقل: قدر اي الي جمعناا القدر جمعنا عشان نطلق
القلب: انت الي اتسرعت مكنتش طلقتها كنت عاقبتها
العقل : عاقبت كتير واتعاملت ببرود واتجاهلت وزعقت وحبست وربطتها و كل دا معملش حاجه هي دي هاجر وعمرها ما هتتغير
القلب: بالعكس هي اتغيرت بدليل انها سابتك تضربها ومعملتش حاجه وغير انها مقالتش حاجه لبنتها لما زعلت انك ضربت مامتها كانت ممكن تستغل دا وتخلي البنت تكرهك ومترضاش تروح معاك لكن هي مش عايزه الامور توصل لكدا ،هي كانت تقدر تهرب فعلا ومكنتش هتعرف مكانها لكن هي رفضت الهروب
العقل : هي مبتعملش حاجه غير انها بتهرب. وبس انا بدور وهي بتهرب عيشتني خمس سنين مجروح وبموت كل يوم بالبطئ وانا فاكر انها ماتت وحرمتني من بنتي
القلب : بس انت فرحت انها طلعت عايشه ع الاقل وجودها كفايه
العقل : مش هقدر انكر دا بس ع قد ما فرحت ع قد مااتجرحت منها ازااي قدرت كل السنين دي تبعد وانا كل يوم بتمني اشوفها حتي ف احلامي
القلب: مش يمكن هي كمان كانت بتتمني تشوفك وكانت مجروحه زيك ويمكن اكتر منك ع الاقل انت كنت عارف انها ماتت لكن هي كانت بعيده و عارفه انك عايش بس محرومه منك
العقل : هي لو كانت بتحبني ولو جزء بسيط من حبي ليها مكنتش عملت كدا كانت جت وقالتلي كنت هساعدها عمري ما كنت هقف قصادها
القلب: كانت هتعرض حياتك للخطر
العقل : يعني هي تعرض حياتها وحيات بنتي للخطر
القلب: خلاص سامحها
العقل : ابدا خلاص تعبت من التسامح دايما بسامح خت اي غير وجع القلب هي لازم تعرف اني مبقتش اسر بتاع زمان الي بكلمتين يسامح
القلب: هتعمل اي
العقل : هخليها تحس ب كل وجع حسيت بيه طول الخمس سنين
القلب: اوعي تعمل كدا الي بيحب عمروا ما. يجرح الي بيحبو
اسر جواه : واشمعنا هي جرحتني
القلب : ما انا الوحيد الي هحس بيها وهتوجع عليها انت فاكر لما تجرحها انا مش هتجرح بالعكس دا انت هتتوجع اضعاف وجعها
اسر جواه: ملكش دعوه
فاق اسر ع صوت لؤي
لؤي باستغراب : مالك ي اسر انت كويس
اسر بجديه: اه كويس
خلص اسر شغل ورجع البيت ل هاجر وخبط وهي فتحت
اسر بجمود: جهزي جميله عشان هاخدها معايا
هاجر برجاء: بلاش ي اسر تاخدها مني خليها وانت لو عايز تيجي كل يوم تشوفها انا مش هقول لا عشان خاطري
اسر كان هيحن للحظه لكن رجع لجموده بعد ماافتكر الي عملتوا
اسر بجمود: ملكيش خاطر عندي خلاص يلا لبسيها وخلي هدومها انا هشتري هدوم ليها
هاجر : مش هتاخدها ي اسر انا مش هقدر اعيش من غيرها
اسر بغضب: بلاش تضطريني اخدها غصب عنك
هاجر : طب خليها النهارده بس
اسر بجديه: ماشي هسيبها النهارده وبكره هاجي اخدها
هاجر : ماشي
مشي اسر وبعد ساعه لبست هاجر ولبست جميله وخرجت بره الشقه
: ع فين حضرتك
هاجر باستغراب : انت مين
الراجل وهو ينظر في الارض: انا الحارس الشخصي لحضرتك استاذ اسر هو الي جابني هنا انا وزميلي وقالنا نبقي مع حضرتك ف اي مكان تروحيه
هاجر بغضب: يعني اي الكلام دا رقيب علياا انتوا مثلا
الراجل وهو ينظر في الارض: معرفش والله ي فندم انا بنفذ الاوامر
هاجر باستغراب : انت باصص في الارض ليه
الرجل وهو ينظر ف الارض : دي اوامر اسر بيه مانع حد مننا يبص لحضرتك
هاجر بغضب: ماشي ي اسر
دخلت هاجر وقفلت الباب واتصلت ب اسر
اسر بجمود: نعم
هاجر بغضب: انت جايبلي حارسين يراقبوني ولا يمنعوني اني اخرج
اسر ببرود: وانتي مضايقه ليه هو انتي هتهربي ولا حاجه
هاجر بغضب: انا لو عايزه اهرب مش الاتنين دول الي هيمنعوني وانت عارف كدا كويس
اسر ببرود: خلاص زعلانه ليه بقاا
هاجر بغضب: عشان مش انا الي تحطلي حراس يراقبوني انت عارف انا بكره الحوار دا
اسر بجمود: والله انا حر
هاجر بغضب: لا مش حر انت مش جوزي عشان تحطلي ناس تراقبني
اسر بغضب: ومين قال اني مش جوزك
هاجر بغضب: انت مش طلقتني ولا فقدت الذاكره
اسر ببرود: اه طلقتك ورجعتك تاني عادي
هاجر بغضب: ليه شايفني جزمه يوم ما تعوز ترميها ترميها ولما تكون عايزها تاخدها لا طبعا انا مش موافقه
اسر بجمود: اصلا الطلاق باطل انا سالت وعرفت انا طلقتك في وقت غضب ودا ملهوش صحه كدا يبقي باطل
هاجر بغضب: وانا مش موافقه ع الكلام دا واتفضل اسحب الزفتين الي بره دول والا هتيجي تلاقيهم جثث
اسر ببرود: لا مش هسحب عاجبك تخرجي وهما وراكي براحتك مش عاجبك خليكي قاعده في البيت لحد مااجي اخد بنتي
هاجر بغضب: انسان مستفز وانا هاخد بنتي طالما انت فاكرني ههرب بيها انا فعلا هعمل كدا عشان تتاكد
اسر بغضب: فكري بس تعمليها ي هاجر
هاجر بغضب: انا مش هفكر انا هعمل
اسر بغضب: وانا هاجي اخدها حالا
هاجر بغضب:دا لو لحقتني
نزل اسر بسرعه ساق العربيه وهو ف الطريق كلم الراجلين الي قدام الشقه
اسر بعصبيه: لو هاجر اتحركت من مكانها هقتلكوا انتوا فاهمين
الراجل بخوف : حاضر ي باشا
ساق اسر باقصي سرعه
اسر بغضب: ماشي ي هاجر انا هوريكي تتحديني ازاي
وصل اسر البيت وطلع جري فتح الشقه
اسر بزعيق : هاااااجر
مفيش رد
دور في الشقه كلها مش موجوده
اسر بعصبيه وهو يضرب الراجلين : خرجت ازاي وانتوا واقفين هاااا
الراجل بخوف : والله ي بيه م خرجت احنا واقفين.وباب الشقه حتي متفتحش
نزل اسر وفضل يدور ويسال وهو متعصب جدا وخايف تكون نفذت كلامها وهربت
💖💖💖💖💖💖💖💖💖
عند هاجر راحت بيت باباها خبطت ع الباب فتحتلها سلوي
سلوي بفرحه: هدير وحشتيني اوووي ي بنتي
هاجر بابتسامه وهي تحضنها بشوق : وانتي كمان وحشتيني اوووي ي ماما
بعدت هاجر من حضن مامتها ودخلوا قعدوا ف الاوضه
سلوي باستغراب : بنت مين دي ي حبيبتي
هاجر بابتسامه: بنتي ي ماما
سلوي باستغراب: بنتك ازاي انتي جايبه ولد ي هدير مش بنت
في اللحظه دي سمعوا خبط ع الباب
سلوي : ثانيه ي حبيبتي هروح افتح واجي
هاجر : ماشي ي ماما
راحت سلوي فتحت واتفاجات ب هدير
اول ما شافتها سلوي اغم عليها
هدير بخوف : ماما
جريت هدير وكريم سندوها وقعدوها ع الكرسي وهاجر خرجت بسرعه خايفه ع مامتها  وهدير شافتها اتصدمت هي وكريم واغم عليها بردوا
لحقها كريم وفوقهم الاتنين
كريم بصدمه: انتي مين
هاجر : انا هاجر ي كريم
سلوي بعياط: انتي بجد هاجر بنتي يعني بنتي انا الي ماتت من خمس سنين
هاجر بحنان : ايوا انا ي ماما انا ماموتش انا لسه عايشه
هدير بعياط وهي تجري ع اختها تحضنها : هااجر وحشتيني اووووي بجد مش قادره اصدق انك لسه عايشه وبتكلمي معايا
هاجر بدموع وهي تحضن اختها: وانتي وحشتيني اوووي ي هدير وحشتوني كلكوا
جريت هاجر حضنت مامتها جامد ومامتها حضناها جامد
سلوي بعياط: ي حبيبتي ي بنتي ليه تعملي فياا كدا ليه تبعدي كدا كنتي فين كل دا
هاجر بتردد: كنت في مهمه تبع الشغل وكان لازم ابان قدام الكل اني موت
كريم باستغراب : مهمه اي
هاجر شرحتلهم كل حاجه
سلوي بعياط: حرام عليكي ي بنتي كدا تعزبيني طول الخمس سنين وانا فاكره انك موتي
هاجر بحزن: انا اسفه ي ماما بس كان لازم اعمل كدا
هدير بفرحه من بين دموعها : اهم حاجه انك وسطنا ومعانا
دخل خالد في اللحظه دي وشاف هدير و سلوي بيعيطو وهاجر كانت مش باينه ورا كريم
خالد باستغراب : انتوا بتعيطوا ليه
في اللحظه دي ظهرت هاجر وجريت حضنت باباها وهو اتصدم وعيط
خالد بدموع: هاجر
هاجر بدموع: ايوا ي بابا انا هاجر
خالد بشوق : وحشتينيي اوووي ي بنتي
هاجر بدموع: وانت وحشتني اووي ي بابا
خالد بدموع : انتي عايشه بجد
هاجر بدموع: اه ي بابا عايشه
خالد :  اي الي حصل
هاجر حكتله الي حصل
خالد بفرحه: الحمدلله يارب الحمدلله ثم شاور ع جميله ودي بنتك ي هاجر
هاجر بابتسامه: اه ي بابا جميله بنتي
خالد بفرحه: اسم ع مسمي ثم اكمل وهو يحدث جميله تعالي في حضن جدك ي روحي
جريت جميله لحضن جدها وهو فرح جدا
جميله ببرائه: عامل اي ي جدو
خالد بحنان: بخير ي روح جدو
قعدوا جو اسري وسلوي فضلت حاضنه جميله مش سايباها وبيكلموا ويهزروا
💖💖💖💖💖💖💖💖
عند اسر كان بيدور عليها والراجلين كمان بيدوروا ورن فون اسر وكان رقم غريب
اسر : الو
هاجر : لسه بتدور لحد دلوقتي
اسر بغضب: انتي فين
هاجر : عشان اعرفك ان مش الراجلين الي جايبهم دول هما الي هيمنعوني
اسر بعصبيه: بقولك انتي فين
هاجر ببرود: انا عند بابا
قفلت هاجر السكه
اسر بغضب: اقسم بالله لوريكي ي هاجر
اسر بعصبيه: انتوا الاتنين تغوروا مكان ما جيتوا انا هجيب رجاله بجد
مشيوا الاتنين واسر ركب العربيه وعمل مكالمه وبعد وقت وصل تحت بيت هاجر وطلع خبط ع الباب وهاجر هي الي فتحت
اسر بغضب: كمان انتي الي بتفتحي الباب
هاجر ببرود: اه وفيها اي
اسر بغضب: فيها كتير وانا هوريكي ي هاجر عشان تتحديني بعد كدا
سلوي جت: ادخل ي اسر ي ابني واقف ع الباب ليه ،اخس عليكي ي هاجر مش تدخلي جوزك
هاجر ببرود: اتفضل ي اسر
دخل اسر وقعد معاهم وسلم عليهم وخلص اليوم
اسر : طب مش يلا ي هاجر عشان نروح
سلوي : خليك ي ابني باتوا هنا اصل هاجر وحشتني اووي
اسر: مش هينفع والله ي طنط بس متقلقيش انا هجبهالك بكره
هاجر باستفزاز: ليه ي حبيبي خليناا قاعدين هنا ونمشي بكره
اسر بصلها بغضب
سلوي بتاكيد: ايوا ي اسر خليك انهارده ومتقلقش انا هاخد جميله تنام معايا هي وحشاني جدا
هاجر بتوتر : لا ي ماما جميله هتنام معايا
اسر باستفزاز: لا ي حبيبتي خلاص جميله هتنام مع تيته مش كدا ي جميله
جميله ببرائه: اه ي بابا انا تيته بحبها ااوي هي طيوبه
اسر بانتصار : خلاص ي حبيبتي نامي جنب تيته وجدو
هاجر بتوتر : لا ي جوجو مش انتي مش بتعرفي تنامي غير في حضن مامي
جميله بطفوله: وتيته وحشاني ي مامي خليني انام جنبها
سلوي : خلاص ي هاجر خليها تنام معايا
هاجر بتوتر: حاضر ي ماما
دخلت هاجر بسرعه الاوضه واسر متابعها بانتصار دخلت خدت شاور ولبست

وولسه خارجه من الحمام لقت اسر شدها مره واحده وخبطت فيه وهي اتخضت وكانت هتصوت لكن اخرسها اسر بقبله عنيفه وكأنه يعاقبها ع بعدها بعد وقت بعد عنها وهي كانت بتتنفس بسرعه ودقات قلبها سريعه جدا
اسر وهو يقترب منها بخبث : شوفتي السحر اتقلب عليكي
هاجر وهي ترجع بخوف : سحر اي
اسر وهو يقترب : كنتي فاكره لما اقعد هنا مش هعرف اعاقبك وبتستغلي البنت
هاجر وهو ترجع بخوف: لا خالص انا كنت بهزر
اسر بنظره مرعبه: هربتي ازاي
هاجر بتوتر : انا مهربتش
اسر بغضب: متخلنيش اعلي صوتي خرجتي من الشقه ازاي
هاجر بتوتر وسرعه: من الباب الخلفي
اسر بتذكر : انا ازاي نسيت الباب دا
هاجر : عشان اعرفك بس انك متقدرش تحبسني
اسر وهو يقترب : متاكده
هاجر بتوتر : اه  وابعد بقاا عايزه انام
اسر بغضب: اتخمدي
هاجر بغضب: خمده تخمدك لم نفسك
اسر بغضب وهو يكز ع سنانه: اقسم بالله انا ماسك نفسي بالعافيه ومحترم البيت الي انا فيه دا بس لو مبطتليش استفزاز هاخدك بهدومك دي وهنروح بيتنا غصب عنك
هاجر بغضب: ع فكره مبتهددش وانت متقدرش تعمل كدا اصلا
اسر وهو يحملها : انتي الي جبتيه لنفسك
كتم اسر بوقهاا وشالها وخرج من غير صوت نزل وركب العربيه ومكنش فيه حد في الشارع خالص
هاجر بغضب: انت مجنون ازاي تنزلني كدا افرد حد شافني
اسر ببرود: فيه فستان في الكنبه ورا البسيه
هاجر بصت وراها لقت فيه فستان فعلا خدتوا ولبستو بسرعه
هاجر بغضب: الحركه دي مش هعديهالك بالساهل ي اسر
اسر ببرود: اكلمي ع قدك ي ماما
هاجر بغضب: مستفز
تجاهلها اسر وكمل سواقه وبعد وقت وصل البيت
اسر بحزم: انزلي يلا
هاجر بغضب: مش هنزل
اسر بغضب: بقولك انزلي بدل ما انزل اشيلك انا
هاجر بغضب : هو شوال بطاطس عمال تنزل وتطلع فيه
اسر ببرود: اه
هاجر بغضب: جاتك اوه انت مش طلقتني ملكش حكم علياا اصلا وانا هنزل بس هنزل اروح
اسر ببرود: الطلاق باطل تقدري تروحي تسالي اي حد وهو هيقولك كدا وبعدين متفتكريش يعني اني متمسك بيكي ولا حاجه لا طبعا انا خلاص ي هاجر شيلتك من قلبي زي ماانتي شيلتيني انا بس رافض الطلاق عشان جميله متزعلش 
هاجر حست بالاهانه وقلبها وجعها من كلامو
هاجر : ماشي شكرا انك قولتلي عشان اعرف حدودي وان علاقتنا ببعض هي جميله وبس عن اذنك
طلعت هاجر وهو اضايق جدا من نفسوا
اسر بغضب: اي الي انا قولتوا دا
القلب: مش دا الي كنت عايزو انك تجرحها زي ما جرحتك
اسر : بس انا هنتها في كرامتها و  جرحتها  انا غلط جامد
الشيطان : وهي مغلطتش باللي عملتوا هتروحلها تاني وتجرحك تاني وتهرب وتسيبك
اسر بغضب : لا هي غلطت ولازم تتحمل نتيجه غلطتها
مشي اسر بالعربيه وقعد يلف مش عارف يروح فين هو مخنوق
💖💖💖💖💖💖💖💖
عند هاجر طلعت الشقه ودخلت اترمت ع السرير وقعدت تعيط
هاجر بعياط: معقوله ي اسر تكون كرهتني فعلا ومبقتش تحبني
الشيطان: هو قالك انو شالك من قلبوا يعني خلاص مباقش بيحبك الي خلاه قدر يقعد خمس سنين من غيرك هيقدر يكمل من غيرك
هاجر بعياط: بس انا بعدت عشانو وعشانا كلنا عشان نعيش في امان من غير مااخسر حد منهم
العقل : انتي خسرتيه خلاص
القلب: بس انا حاسه انو لسه بيحبني
العقل : يبقي هتتبهدلي وهيطلع في الاخر مش بيحبك  انتي نفذي الي هو قالوا علاقتكوا هتكون عشان جميله وبس
نامت هاجر من كتير العياط والتفكير
واسر روح البيت
💖💖💖💖💖💖💖💖💖
تاني يوم الصبح صحيت هاجر خدت شاور ولبست

ونزلت ركبت عربيتها واتحركت لبيت مامتها
خبطت وفتحتلها سلوي
سلوي بحنان: تعالي ي حبيبتي ادخلي
هاجر : معلش ي ماما مستعجله اووي. عايزه بس جميله
سلوي باستغراب: هي مش عندك
هاجر بقلق: عندي فين
سلوي باستغراب: ي بنتي اسر جيه خدها من ساعه ومشي
هاجر براحه: طيب ي ماما شكرا
نزلت هاجر ركبت عربيتها وراحت بيت اسر  فتحتلها فريده بفرحه: هااجر انتي عايشه فعلا انا افتكرت اسر اتجنن
هاجر بضحك: ههههههههههه لا ي طنط هو مجنون لوحدوا
فريده حضنتها وضحكت ع كلمتها
: هو مين دا الي مجنون لوحدوا
فريده : طب بصوا انا هسيبكوا تتخانقوا براحتكوا وهدخل اشوف جميله
اسر بغضب: هو مين الي مجنون
هاجر ببرود: انت طبعا هو فيه غيرك
اسر بغضب : لمي نفسك ي هاجر واتكلمي عدل
هاجر : مش هتكلم عدل وبعدين انت خدت بنتي من غير ما تقولي ليه
اسر باستهزاء: والمفروض استاذن عشان اخد بنتي
هاجر : اه طبعا هي مش بنتي بردوا والمفروض اكون عارفه هي فين
اسر : الكلام دا لما تكوني فاضيالها لكن انتي مشغوله بمهماتك
هاجر بعصبيه وصوت عالي : كل دا عشان بعدت وروحت مهمه كانت المفروض اروحها عشان نعرف نعيش كويسين بقيت ماسكهالي كل شويه وخلتني انانيه وام مستهتره مش فاضيه لبنتها ، انت بتعاقبني ع اي اصلا انا معملتش حاجه غلط انا زي ما بعدت عنك بعدت عنهم كلهم ولما رجعت كلوا رحب بياا وفرح لكن انت لا اول ما شوفتني فضلت تزعق وضربتني مرتين وانا سكت عشان مقدره انك زعلان اني بعدت وفاكرني رايحه اتفسح انا عيشت خمس سنين لوحدي مكنش حد جانبي حتي بنتي كانت بعيده لاني مكنش ينفع اخدها معايا واعرضها للخطر وكنت بشوفها كل شويه لكن انت اه اتحرمت مني لكن كنت وسط اهلك وحبايبك لكن انا لا وجاي بعد كل دا تقولي انا الي انانيه لا ي اسر انت الي اناني ومش بتحب غير نفسك عايزني اخضع ليك وبس كل مره اعمل حاجه كان كل الي عليك تعاقبني فكرت تحتويني مره وتكلم معايا براحه لا محصلش كل مره تتعصب وتزعق ولازم كلامك هو الي يمشي ورغم كل دا حبيتك وروحت المهمه دي عشان احميك ومعش نفس الي عيشتوا لما كنت ف الغيبوبه وكنت فاكره لما ارجع هتحتويني اه كنت هتزعل وهتضايق وانا كنت هقدر دا جدا لكن لما رجعت عملت نفسك دور الضحيه الي مراتك بعدت عنك وانت مظلوم وفضلت تشخط وتزعق وطلقتني وبعديها بكام ساعه القيك تقولي انا رديتك عشان بنتنا ، انا بقاا ي اسر مش عايزاك انا الي تعبت منك انت بتقول دايما انا الي ببعد وانت الي بتقرب بس لا انا بدافع لكن انت كل الي عليك تقرب او تزعق او تزعل اوتضايق انا منكرش انك بتحبني وبتخاف علياا لكن بتيجي علياا دايما ، ثم اكملت بخنقه خلي جميله عندك طالما دا الي انت عايزو وفاكر انك بتعاقبني وان انا ست انانيه بس هاجي اشوفها زي مانا عايزه في اي وقت عن اذنك
اسر : متفكريش بالي قولتيه دا هتغيري راي او هتخليني اسامحك
هاجر بغضب: انت الي متفكرش اني بقول كدا عشان تسامحني لا طبعا احنا الحياه بينا هي جميله وبس عن اذنك
اسر : استني ي هاجر
هاجر : نعم
اسر : كنت عايزك تاخدي جميله تشتريلها فستان
هاجر باستغراب : ليه
اسر بخبث: اصل هعرفها ع خطيبتي ومراتي المستقبليه
هاجر اتصدمت هو قال هيتجوز طب وانا
هاجر بجمود: طب ما تشتريلها انت
اسر : حاولت معاها كتير وهي مش راضيه عايزاكي انتي تجيبلها
هاجر بجمود: ماشي هعدي عليها بكره اجبلها
مشيت هاجر و اول ما نزلت دموعها نزلت بغزاره
عند اسر
فريده بغضب: اي الي انت عملتوا دا انت فعلا هتتجوز
اسر : ايوا ي ماما هتجوز مش انتي كنتي عايزه كدا
فريده بغضب: كنت عايزه كدا وانا فاكره ان مراتك ماتت لكن طلعت عايشه وليك بنت كمان
اسر : مش هتفرق كتير لان خلاص انا وهاجر شبه منفصلين احنا مع بعض بس عشان جميله
فريده: ليه ي بني تعمل كدا ليه تعذب نفسك وتعذبها معاك
اسر : كدا احسن ي ماما احنا مينفعش نكمل مع بعض حياتنا كلها عباره عن خناق هي غلطانه وبتكابر ودماغها ناشفه وشيفاني اني بتحكم فيها وعايزها تخضع لاؤامري
فريده: وانت بردوا غلطان ي اسر انت قسيت اووي عليها وهي كانت هدفها كويس وكانت عايزه تعيش ف امان
اسر بغضب: يعني هي مش شيفاني راجل اقدر احميها
فريده : هي مقالتش كدا بس انت بردوا محميتهاش ي اسر لما تضرب بالنار ف شرم وانت معاها. محميتهاش ليه ولما عملت حادثه محميتهاش ليه محميتش نفسك ليه لما تصحي وتلاقي جنبك بنت نايمه ولما اتحبست زور وهي الي طلعتك ،انت الي بتكابر ي اسر ومش راضي تعترف انك غلط البنت مغلطتش ف اي حاجه بالعكس هي وقفت جنبك لما كنت في الغيبوبه هي الي فضلت جنبك ومسابتكش لحظه وكلنا مشيناا هي الي فضلت لحد ما قومت بالسلامه وباتت جنبك لحد ما خرجت من المستشفي وبقيت كويس انت مشوفتش حالتها كل يوم وانت في الغيبوبه مشوفتش خوفها عليك وقلقها ،انت اه بتحبها بس بالاسم بس عايز تاخد ومتديش عايز تاخد حب واهتمام وعايزها تسمع كلامك ومتحتويهاش حتي ولا تطمنها بقربك وجاي بعد كل دا تقولها انا هتجوز
اسر بغضب: يعني خلاص بقيت انا الشيطان وهي الملاك انا الي زباله وهي الي بتدافع وبتحمي وبتضحي محدش فيكوا حس بياا وانا بموت كل يوم لما عرفت انها ماتت خمس سنين بحالهم رفضت اي واحده تدخل حياتي ورفضت اتجوز وانا قلبي واجعني وفاكر انها ماتت وتيجي فجاه تظهر عايزاني اعمل اي اخدها بالحضن مثلا
فريده بقله حيله : للاسف انت مش عايز تسمع غير نفسك ،براحتك ي اسر بس هتندم في الاخر
💖💖💖💖💖💖💖💖
عند هاجر
راحت هاجر الاداره والكل اتصدم لما شافها هما عرفوا بس مكنوش مصدقين والبنات حضنوها جامد ولؤي جري عليها حضنها وسيف سلم عليها ولقت واحد واقف
هاجر بابتسامه: انت سليم مش كدا
سليم باستغراب: ايوا فعلا بس عرفتي ازاي
هاجر بابتسامه: عيب عليك احنا متابعين بردوا
سليم :ههههههههههه انتي طلعتي عسل والله
اسر بعصبيه: سليييم
كلوا اتخض من دخول اسر المفاجئ وهاجر وقفت بجمود
سليم بخضه: بسم الله الرحمن الرحيم
اسر بعصبيه: اي شوفت عفريت
سليم : لا مش قصدي
اسر بعصبيه: انا بحذرك تقولها كدا تاني
سليم باستغراب: اشمعنا هي تقربلك حاجه
اسر بعصبيه: اه ي اخوياا تقربلي هاجر مراتي
هاجر ببرود: طليقتك ي اسر مش مراتك
الكل اتصدم من كلمه هاجر
لؤي بصدمه: انتوا اتطلقتوا
اسر بغضب: مطلقناش
هاجر بغضب: لا اطلقناا
اسر بغضب: وانا قولتلك اني سالت والطلاق طلع باطل
هاجر بتحدي: وانا هخليه حقيقه
اسر باستغراب: قصدك اي
هاجر بتحدي: قصدي انك هتطلقني ي اسر دلوقتي
اسر بعصبيه : كله يطلع بره دلوقتي
طلعوا كلهم وفضل هاجر واسر
هاجر بشجاعه: ع فكره خلاص مبقتش بخاف سواء خرجتهم او مخرجتهمش هتطلقني ي اسر
اسر بعصبية: وانا قولت مش هطلق ي هاجر
هاجر بغضب: وانا مستحيل اقبل انك تتجوز علياا احنا اه العلاقه بينا عشان جميله لكن يوم م تفكر تتجوز يبقي ساعتها تطلقني ي اسر
اسر بعصبيه: انا هتجوز فعلا ومش هطلقك
هاجر بغضب: يبقي هرفع قضيه خلع
اسر بعصبيه: هاجر متستفزنيش
هاجر بغضب: انا قولت الي عندي ي طلقني ي هرفع قضيه خلع
اسر بعصبيه : مش هطلق
هاجر بغضب: وانا مش هسيبك تتحكم فيا وتخليني تحت رحمتك وقت م تعوز تطلق تطلقني ووقت لما تكون مش عايز تردني
اسر بتنهيده: خلاص مش هتجوز ومستعد نكمل مع بعض ونرجع زي الاول بس بشرط
هاجر بجمود: الي هو اي
اسر وهو يراقب ملامح وجهها : تسيبي الشغل
هاجر وهي تضحك باستهزاء : مش تقول كدا من الاول ، يعني انت عايزني اسيب الشغل عشان اقعد في البيت اتفرغ لحضرتك مش كدا
اسر : واي المانع ف كدا
هاجر بغضب: لا فيه موانع كتير اولها انك متجوزني وانا بشتغل مش لسه متخرجه ثانياا انا بحب شغلي ودا حلمي
اسر بسخريه: مش قولتلك انانيه فضلتي شغلك علياا
هاجر بغضب: انت الي  اناني ي اسر ومتملك عايز كل حاجه ليك بس وانا مش كدا وطلبك مرفوض و احنا خلاص مبقاش ينفع نرجع لبعض او نكمل اصلا ،ثم اكملت  والف مبروك ع الجوازه الجديده واتمني تكون مش بتشتغل عشان تتفرغ ليك وتقدر تسعدك ومتبقاش انانيه ولا مستهتره عن اذنك  ثم كملت يتذكر : اه صح نسيت اقولك انا اتنقلت قوات خاصه
اسر بصدمه: اي مقولتيش ليه
هاجر ببرود: اترقيت ي حضره الظابط زيك ما انت اترقيت بردوا من غير ماتقول
اسر بدهشه: انتي عرفتي ازاي
هاجر : الي بلغني بترقيتي بلغني بردوا انك اترقيت  عن اذنك
خرجت هاجر واسر مصدوم
اسر : معقوله مش هشوفها كل يوم دا انا كنت بصبر نفسي اني هقدر اشوفها هنا
خلص اليوم والكل روح
💖💖💖💖💖💖💖💖💖💖
تاني يوم الصبح صحيت هاجر خدت شاور ولبست

وخرجت لقت بودي جارد
هاجر بغضب: احنا مش هنخلص من جو البودي جارد دا
الراجل وهو ينظر الارض : مش فاهم حضرتك ي فندم
هاجر بغضب: انت بتعمل اي هنا
الراجل وهو ينظر في الارض : اسر بيه بعتني لحضرتك ك حارس شخصي
هاجر بغضب: لا بص روح لاسر بتاعك دا قوله هي مش محتاجه حراس هي تقدر تحمي نفسها كويس وقولوا متشكرين عن خدماتك
الراجل : مش هينفع ي فندم اتحرك من هنا
هاجر بغضب: اوووف طب انا دلوقتي نازله اي هتركب معايا العربيه ولا اي
الراجل : لا ي فندم حضرتك اركبي وانا وراكي بعربيتي
هاجر جتلها فكره : ماشي
نزلت هاجر ركبت عربيتها وساقت باقصي سرعه وهربت من الحارس وفي اللحظه دي اتصلت ب اسر
هاجر : قولتلك متحاولش تجيب حراس لياا لان مش هينفع معايا الجو دا
اسر : عملتي فيه اي يخربيتك
هاجر : ولا حاجه هربت منو يلا بااي
قفلت هاجر السكه وراحت
هاجر : سلام عليكم
الموظف : وعليكم السلام ي فندم اتفضلي حضرتك اقدر اساعدك ازاي
هاجر : كنت عايزه شقه كبيره
الموظف : في حدود كام اوضه ي فندم
هاجر : ٤ غرف  وكل غرفه حمام
الموظف : تمام ي فندم ممكن رقم حضرتك واول ما القي شقه بالمواصفات دي هبلغ حضرتك
هاجر : ماشي بس انا عايزاها ف اسرع وقت
الموظف : ان شاء الله ي فندم
خرجت هاجر وراحت شغلها الجديد في مبني القوات الخاصه دخلت هاجر المكتب
هاجر بابتسامه: صباح الخير
تمارا بفرح : جوجو وحشتيني
هاجر : وانت اكتر ي قلبي وحشتيني جداا
راحت هاجر ناحيه حسام
هاجر بابتسامه: لسه مدايق من ساعه البوكس الي خدتوا
حسام بضيق : يعني انتي بتفكريني ولا بتصالحيني
هاجر بابتسامه: بصراحه بفكرك لاني مغلطتش لما ضربتك
حسام : ماشي ي اختي انا اصلا مش زعلان
هاجر بابتسامه: ايوا هو دا الكلام عامل اي
حسام بابتسامه: الحمدلله وانتي اخبارك اي وفين جوجو
هاجر : جميله عند باباها
تمارا بقلق: هو في مشاكل ولا اي
هاجر بخنقه: احنا اتطلقنا
تمارا بشهقه : بتهزري ليه كدا دا انتوا بتحبوا بعض جدا
هاجر : بيتهيالك انا كنت فاكره انو بيحبني فعلا بس هو بيحب السيطره وبس وكمان خلاص هو رايح يتجوز
تمارا : كمان رايح يتجوز
حسام : بلاش تظلميه ي هاجر انا كنت بتابع اخبار اسر وهو طول الخمس سنين كانت حالته صعبه جدا و دايما حزين وعصبي جدا ف الشغل ومكنش عندو عزيز ابدا
هاجر بوجع: انا قدرت دا لكن هو مقدرش اي حاجه عملتها فاكرني روحت اتفسح مانا بردوا اتعذبت طول الخمس سنين كنت لوحدي بعيد عن اهلي وصحابي وبنتي لكن هو ع الاقل كان وسط اهله الي يطبطبوا عليه ويواسوه لكن انا مكنش لياا حد
تمارا بحزن: خلاص ي حبيبتي اهدي انا متاكده ان كل حاجه هتتصلح وهترجعوا لبعض
هاجر يتذكر : اه صح نسيت انا هنزل دلوقتي ساعتين كدا وراجعه بسرعه
حسام: ماشي
نزلت هاجر ركبت العربيه واتحركت لبيت اسر وبعد وقت وصلت وخبطت فتحتلها فريده
هاجر بابتسامه: ازي حضرتك ي طنط
فريده بابتسامه: بخير ي حبيبتي
هاجر : امال فين جميله
جميله وهي تجري ناحيه هاجر : مااااامي وحشتيني اوووي
هاجر بحب : وانتي كمان وحشتيني اوووي ي حبيبتي ، جاهزه عشان تروحي معايا مشوار
جميله ببرائه: ايوا ي مامي جاهزه
هاجر : طب يلا ي حبيبتي
فريده وهي بتبوس جميله : خلي بالك من نفسك ي حبيبتي
هاجر بابتسامه: يلا ي كوكي
جميله بسعاده: يلا
💖💖💖💖💖💖💖
راحت هاجر اشترت ل جميله فستان وراحوا مطعم يتغدوا ف اللحظه دي جيه حسام
هاجر باستغراب : انت جيت هنا ازاي دا انا لسه سايباك من ساعه
حسام بابتسامه: انا كنت جاي لواحد صحبي وقعدت مستنيه بس هو مجاش ولقيتك داخله انت وجوجو قولت اجي اقعد معاكوا
هاجر بابتسامه: اتفضل طبعا ، هاا تاكل اي
حسام بابتسامه: هاخد زي جوجو بيتزا
جميله ببرائه: وعصير
حسام بابتسامه: وعصير كمان
هاجر بابتسامه: هههههههه لو حد شافك وانت بتتكلم معاها بطفوله كدا هيبقي منظرك مسخره
حسام بضحك: لا ومين هيشوفني يعني
:انا ي اخوياا الي هشوفك وهطين عيشتك
بصوت لمصدر الصوت وكان اسر
هاجر باستغراب: انت بتعمل اي هنا
اسر بغضب: انتي الي بتعملي اي هنا ومين دا
هاجر : حسام الهواري  زميلي ف الشغل
اسر بغضب: هو انت بقاا الي كنت وراا سفرها وتزوير موتها
حسام بتوتر : احم انا كنت بساعدها لكن الاوامر جايه من الداخليه
هاجر : هو ملهوش دعوه هو كان بيساعدني بس
اسر بغضب: وهو بيساعدك مكنش يقدر يجي يقولي ويفهمني
هاجر : لا مكنش ينفع تعرف لان باسم كان مراقبكوا كلكوا واي حاجه كان ممكن يشك و دا هيخسرنا كان لازم يبان كل حاجه طبيعيه
اسر بغضب: طب ممكن اعرف دا بيعمل اي هنا
هاجر : قولتلك زميلي وبنتغدا مع بعض عادي يعني
اسر بغضب: لا مش عادي ي هانم انتي متجوزه راجل مش كيس جوافه عشان تروحي تقعدي مع واحد غريب
هاجر : مين قالك اني متجوزه
اسر :نعم دا ع الاساس اني ابن اختك مثلا
هاجر : لا انت طليقي. مش جوزي
حسام : خلاص ي جماعه مينفعش كدا الناس بتتفرج علينا اقعد ي استاذ اسر
قعد اسر بغضب وقعدوا كلهم
جميله ببرائه: بابي هو ليه انت ومامي بتتخانقوا ع طول كدا
هاجر : لا ي حبيبتي احنا مش بنتخانق ولا حاجه دا بابي بيهزر
اسر بصوت واطي : عجبك كدا خليتي البنت تاخد بالها اننا بنتخانق ع طول
هاجر بصوت واطي غاضب : دا ع اساس اني انا الي بتخانق
اسر : انتي الي بتستفذيني وبتخليني اتعصب
هاجر : بجد طلعت كمان انا الي غلطانه انا الي بعصب حضرتك وانا الي بعمل كل حاجه وانت البرئ
حسام : وحياه ابوكوا بطلوا خناق شويه والله البنت زهقت
هاجر بغيظ : انا ماشيه خالص احسن ، يلا ي جوجو
اسر : لا جميله هتيجي معايا
هاجر : لا انا سبتهالك امبارح
اسر : هي جزمه اي سبتهالك امبارح دي
هاجر : متقولش الالفاظ دي قدام البنت
اسر : حاضر مش هقول حاجه قدام البنت بس انا عايزها عشان هتيجي معايا دلوقتي نروح ل حبيبتي
هاجر بهمس : حبك برص
اسر : بتقولي حاجه
هاجر : لا بكح عندك مانع
اسر : لا معنديش يلا ي جوجو ،ثم اكمل وهو يحدث هاجر لو عايزه تيجي معانا تشوفيها معنديش مانع
هاجر بغيظ: دا انت بجح بجد ثم اكملت باستفزاز لا انا هقعد مع حسام شويه
اسر بغضب: لا هتيجي معاياا
حسام : طب انا بقول اسيبكوا احسن يلا بااي
اسر باستفزاز: اهو مشي هتقعدي لوحدك
هاجر باستفزاز : لا هروح اقعد مع سليم ولؤي ومنار
اسر  بغضب: هاجر بلاش تتحديني
هاجر ببرود: وانت مالك بياا هو انت مش رايح تتجوز ملكش دعوه بياا واه اهو الفستان بتاع جميله
سابتوا هاجر ومشيت
اسر بغيظ:مااشي ي هاجر حسابك تقل اووي
💖💖💖💖💖💖💖💖
تاني يوم الصبح صحيت هاجر خدت شاور ولبست

وخرجت لقت الحارس
هاجر بغضب: هو مبيتهدش ابدا
الحارس وهو ينظر في الارض : هو مين حضرتك
هاجر بغضب: انت هتفضل ورايا كدا في كل مكان
الحارس: دي اوامر اسر باشا
هاجر بغضب: لا الاوامر دي عليك مش علياا انت هتفضل هنا
الراجل : مش هينفع حضرتك
هاجر رنت ع اسر
اسر : نعم
هاجر بغضب: مش هنخلص من موضوع الحارس الي حطو دا ع فكره مبقاش فيه خطر يعني دا ملوش لازمه
اسر : لا ليه وبعدين هو مضايقك في اي
هاجر بغضب: اقسم بالله ي اسر لو مخليتو يمشي دلوقتي لهتيجي تستلم جثته وانت عارفني مجنونه واعملها
اسر : خلاص اديهوني اكلموا
هاجر وهي تعطي الرجل الهاتف : اتفضل
الراجل : ايوا ي بيه
اسر : بص من غير م تاخد بالها امشي بس لما تنزل تخليك  بعيد متخليهاش تشوفك
الراجل : حاضر ي فندم
اعطاها الهاتف وهاجر خدتوا ونزلت ركبت العربيه و ساقت راحت مكتب سمسار
هاجر : سلام عليكم
الموظف : وعليكم السلام ي فندم
هاجر : انتوا اتصلتوا بياا امبارح بخصوص الشقه الي كنت طلباها
الموظف : ايوا ي فندم فعلا احنا لقينا فعلا خمس دقائق بس وهاجي مع حضرتك تشوفيها
هاجر : تمام
بعد نص ساعه راحت هاجر الشقه تتفرج عليها ومعاها الموظف
الموظف : ها اي رايك ي فندم
هاجر : حلوه جدا خلاص انا هاخدها
الموظف : تمام ي فندم نقدر نمضي الورق وتستلمي النهارده
هاجر : اوك
خلصت الاوراق واستلمت الشقه ونزلت راحت الشغل
هاجر : صباح الخير
حسام وتمارا : صباح النور
تمارا : عامله اي ي جوجو
هاجر : الحمدلله
حسام : هاجر كنت عايزك في موضوع
هاجر : اتفضل
حسام : لا مش هينفع هنا ممكن نتكلم ف الكافيتريا
هاجر : اوك
💖💖💖💖💖💖💖💖💖
اتمني البارت يعجبكوا انا بطول فيها عشان اخلصها بسرعه والله بحاول ع قد مااقدر اخلصها بسرعه