رواية احببت عنادك... بقلمي/هاجر هشام الفصل الثاني وسبعون 72 - بقلم Hagar Hešhàm

نزلت البارت تاني عشان الي مش رادي يفتح عندوا الاولاني
💖💖💖💖💖💖💖💖💖

عند جميله فتحت عنيها لقت نفسها في مكان ضلمه ومربوطه وجاسر جنبها نايم ومربوط هزتوا جميله عشان يصحي وفعلا صحي
جميله باستغراب: هو اي الي حصل
جاسر : معرفش انا سمعت خبط ع الباب كنت فاكرك انتي وروحت فتحت حد رش مخدر ع وشي
جميله: وانا بردوا حصل معايا كدا ،طب انت كويس اصل ايدك مربوطه
جاسر وهو يتحمل الالم: اه كويس
جميله : انت بتكدب باين انك بتحاول تخفي الالم
جاسر بالم: مش هتفرق
جميله : طب ينفع تقرب شويه
جاسر بدهشه: نعم
جميله بهمس: قرب ودوس ع السلسله الي انا لابساها
جاسر باستغراب: اشمعنا
جميله بهمس: دي فيها جهاز جي بي اس متوصل ل بابا لو دوست عليه هيوصلوا مكانا ويقدر يجي بس قرب كانك هتبوسني عشان فيه كاميرات هنا وممكن يحسوا بحاجه

جاسر بابتسامه: لا اذا كان كدا ماشي

جميله: مالك فرحان كدا ليه هو انت هتبوسني حقيقي انت هتتغط ع السلسله بس

جاسر : ماشي

قرب جاسر منها وبص في عنيها وهي كمان بصتلوا وقرب اكتر عند رقبتها وضغط ع السلسله ب شفايفه وجميله حست برعشه في جسمها من قربه هو كان مبسوطه ومكنش عايز يبعد ابدا لكن جميله بعدت بسرعه وهي حاسه بدقات قلبها سريعه من قربه

💖💖💖💖💖💖💖
شخص بخبث: ههههههههههه دا شكل الخطف جاي ع هواهم اوووي
سهيله بغل : واحده رخيصه
شخص بسخريه: امال انتي اي ي حبيبتي

سهيله بدلع: ع الاقل انا واضحه وصريحه لكن الدور والباقي عليها هي الي عامله فيها محترمه

شخص بخبث: اي رايك لو جوزناهم اهو نكسب فيهم ثواب شكلهم بيحبوا بعض ي عيني وكمان هو نستفاد بردوا

سهيله : مش فاهمه هتستفاد اي من جوازهم

شخص بشر: هقهر سياده اللواء اني جوزت بنته وهو ميعرفش وكمان وهي مجبره

سهيله : بس ممكن جاسر يطلقها لو رجعوا

شخص بخبث: ههههههههههه دا لو رجعوا اصلا

سهيله بذهول: انت ناوي تقتلهم ،ثم اكملت بخوف،لا احنا متفقناش ع كدا

شخص بغضب: امال فاكراني هسمي عليهم مثلا وبعدين انا مبتفقش مع حد

سهيله :طب سيب جاسر مش مهم هي

شخص بخبث : وتفتكري جاسر لو عرف هيسمي عليكي ولا هيحبك دا هيقتلك

سهيله خافت من رد فعل جاسر فعلا
سهيله بخوف: ومين الي هيقولوا

شخص بخبث: انتي طبعا لانك هتظهري قداموا لاني هقتلهم الاتنين ولو منفذتيش هقتلك انتي كمان

سهيله بخوف: لا خلاص هنفذ
💖💖💖💖💖💖💖💖💖
عند اسر صحي ع اشعار ع الفون بتاعوا واول ما شافوا اتفزع وهاجر صحيت
هاجر بقلق: في اي ي اسر
اسر بقلق: جميله شغلت السلسله
هاجر بقلق: يعني اي
اسر بقلق: يعني جميله في خطر
قام اسر بسرعه لبس هدومه وهاجر كمان لبست
اسر بسرعه: خليكي انتي وانا هتابع كل حاجه
هاجر بخوف: لا طبعا انا هاجي معاك
اسر بسرعه: طيب
نزلوا وركبوا العربيه واتحركوا
اسر : الجهاز حدد المكان في القاهره في مكان ........
هاجر بسرعه: طب كلم سيف هو في القاهره يقدر يلحقها ع مانوصل

كلم اسر ،سيف
سيف وهو لسه نعسان: الو
اسر بسرعه: سيف مفيش وقت اشرحلك هبعتلك لوكيشن تاخد قوه وتروح ع هناك بسرعه تلحق جميله
سيف بقلق : مالها جميله
اسر بغضب: يعني بقولك الحقها هتكون مالها بتصيف مثلا، اتخطفت ي سيف
سيف بسرعه: طيب انا هتصرف
قفل سيف وكلم ادهم
( الي نسي ادهم دا المريض الي اسيل كشفت عليه وصاحب عدي)
ادهم اول ما شاف رقم سيف رد ع طول
ادهم: ايوا ي فندم
سيف بسرعه: ادهم خمس دقائق تجهز قوه وتروح المكان الي هبعتهولك دا وانا هسبقكوا

ادهم: طب هو في اي

سيف بسرعه: مش وقتوا ي ادهم نفذ الاوامر وبس

ملحوظه(ادهم كان في المستشفي في الاسكندريه عند عدي عشان ادهم اتصاب في مهمه في اسكندريه ولما خلصها رجع القاهره)

ادهم: تمام ي فندم
لبس ادهم بسرعه ونزل راح القسم وجهز قوه كبيره كان سيف بعتلوا اللوكيشن وراح ع هناك
💖💖💖💖💖💖💖💖💖
عند جميله وجاسر
جاسر : مش غريبه انك تتخطفي معاياا طب انا وفيه الي بيحاول يقتلني لكن انتي ليه

جميله : معرفش بس لو الي في دماغي صح يبقي عرفت ليه انا كمان اتخطفت معاك

جاسر باستغراب: اي الي في دماغك

جميله: مانا لو قولتلك مش هتصدق فا شوف بنفسك احسن

جاسر : لا قولي يمكن اصدق

جميله : سهيله

جاسر بزهق: تاني
في اللحظه دي دخلت سهيله والشخص المجهول
جميله بصتلوا كانها بتقولوا اهو طلع عندي حق

جميله ببرود: كشفتي نفسك بدري اووي

جاسر باستغراب: انت مين

الشخص بخبث : يمكن انت متعرفنيش بس القطه تعرف

جميله ببرود: وهعرفك منين

الشخص: اكيد سمعتي عني من سياده اللواء

جميله ببرود: يمكن سمعت بس اكيد مشوفتش وشك

الشخص بخبث : عندك حق خلاص هقولك انا مين ، انا علاء العميري الي. والدك كان السبب في حبسي وطردي من الداخليه

جميله : علاء العميري انت تبع عيله العميري

علاء : ايوا انا

جاسر : طب وانت عملت كل دا ليه وليه عايز تقتلني

علاء : انا الي عملت كل الجرايم الي في البلد عشان اوصلك انتي كنت بقتل الظباط الي تيجي ومن خلال معارفي قدرت اخليهم يطلبوكي انتي بالاسم عشان اقدر انتقم من باباكي فيكي اما بالنسبه لمحاولتي لقتل جاسر فا دا عشانك بردوا قولت اقتل ابن العمده دا هيعمل مشكله في الترقيه وممكن تتوقفي عن العمل بس للاسف قدرتي تنقذيه وسياده اللواء خلاكي تتولي حمايته وبعدتي تاني وانا الي خليت سهيله تحط الورقه في الملف عشان كنت عايز اعدي صفقه المخدرات ما بعد ابوكي ما حبسني كل الناس اتخلت عني بس انا خرجت واشتغلت في المخدرات ورجعت اقوي من الاول والناس بقت بتعملي الف حساب بس انتي اكتشفتي الورقه ساعتها وبوظتيلي كل حاجه ولما بعتلوا الثلاثه الي يقتلوه وانتي مش موجوده عشان تتاذي في شغلك بس انتي جيتي وانقذتيه تاني وانا الي وهمت ناديه ان جاسر بيحبك انتي عشان كدا هي خلت الخدامه تحطلك منوم وتحط ل عبدالرحمن حبوب هلوسه عشان اكسر عين سياده اللواء بس انتي فلتي منها لكن دلوقتي خلاص مش هتقدري تنقذيه ولا حتي تنقذي نفسك

جميله ببرود: مين قالك اني مش هعرف انقذوا ولا انقذ نفسي

ملحقش علاء يرد لان جميله في لحظه ضربتوا بالنار
واستقرت الرصاصه في دماغوا مات في وقتها وسهيله اترعبت ورجعت لوراا وجاسر كان مذهول ازاي قدرت تفك نفسها وجابت المسدس منين وضربت رصاصه ع البودي جارد الي ع اليمين والي ع الشمال في رجليهم
في اللحظه دي دخل ادهم وسيف والقوه قبضوا ع سهيله والبودي جارد الاتنين وجت الاسعاف شالت جثه علاء وراحت جميله ناحيه جاسر وفكتوا وكان لسه جاسر مذهول
جميله : كدا الحقيقه كلها وضحت قصادك جيه الوقت انا كمان اعرف الحقيقه
جاسر : انتي ازاي فكيتي نفسك بسهوله كدا وجبتي مسدس منين

جميله : انا متعوده احط سكينه معايا احتياطي واخبيها وهي دي الي قطعت بيها الحبل والمسدس بردوا كان احتياطي للمواقف الي زي دي

جاسر بصلها باعجاب ع ذكائها وقوتها
جميله : اي هي بقاا الحقيقه
جاسر : يعني انتي مصدقه اني محاولتش اقتل
جميله : اه مصدقه انا قولتلك مش بثق في حد بسهوله ولا بصدق حد بسهوله بس انا اتاكدت في الايام الي. عرفتك فيها عرفت انك مأذتش حد لانك كان ممكن تحبس سهيله لكن انت معملتش كدا وكنت هتطرد المهندس بس ومكنتش عايز تحبسوا وانا الي اصريت انو يتحبس كل دا يوضحلي انك فعلا محاولتش تقتل وبردوا مش مصدقه الكلام الي قالوا فايز انك كنت بتصوب ع ازازه لاني مش عبيطه انا باخد بالي كويس اووي من المكان وانا مشوفتش ازايز ولا اي حاجه

جاسر بابتسامه: فعلا انا مكنتش بصوب ع ازازه ولا حاجه

في اللحظه دي جيه اسر وهاجر واطمنوا ع جميله
جاسر ل اسر : جيه الوقت توضح كل حاجه ي سياده اللواء

جميله باستغراب: هو بابا يعرف حاجه

اسر : ايوا انا كلمت جاسر من ساعه ما روحتي الصعيد وكل دا كان متخطط ليه جاسر مكنش هيضرب اختوا حقيقي هو عمل كدا عشان انا كنت عارف انك مش هتقبلي انو يضربها ابدا وهتمنعيه كل خناقه حصلت بينكو كانت معروفه كان لازم نظهر للكل انكوا مش طايقين بعض وفيه بينكو خناقات لان علاء كان مخلي الخدامه تعرفلوا كل حاجه وتقولوا ولما شوفتي جاسر وهو بيصوب ناحيه فايز دا كان مترتب ليه عشان تشوفيه وتقبضي عليه بنفسك ويبان قصاد الكل انكوا فعلا مش طايقين بعض وفايز راح وخرجوا وكنت عارف انك مش هتصدقي كل دا وهتحاولي تدوري وراه ولما العمده راح عشان تفضلوا في بيتو كنت عارف انك هتوافقي عشان تعرفي عنو كل حاجه وانا كنت قاصد اخليكي حارس شخصي ل جاسر عشان تحميه ونعرف مين الي بيحاول يقتلوا وبيعمل الجرايم دي وجاسر كان عارف ان سهيله بتشتغل لحساب حد بس هو كان بيقولك كدا عشان هما كانوا حاطين جهاز تصنت في المكتب عشان يعرفوا ولما قولتلك انا سمعت اسم العميري دا قبل كدا ساعتها جبت معلومات عنها وعرفت ان علاء اسموا علاء العميري بس مكنش معايا دليل لحد مااقدرنا فعلا نجيب الدليل لكن للاسف انتي قتلتي علاء

جميله بغضب: يعني انتوا كل دا كنتوا بتضحكوا علياا وعاملني زي العروسه في ايديكوا بتحركوها يمين وشمال ،علاء يخطط عشان يوديني الصعيد وانت ي بابا تتفق مع جاسر عشان يبان اننا مش طايقين بعض وانا الي في النص بتحركوني زي ماانتوا عايزين

اسر: بلاش تشوفي الي حصل ع نحو شخصي دا شغل ي جميله

جميله بغضب: لا مش شغل ،مش شغل لما تتفق مع واحد علياا ،انا قولتلك مبطيقهوش ومع ذلك اجبرتني اني احميه وكمان خلتني اشتري شقه قداموا عشان افضل جنبوا انت كنت عايز تقربنا مش تبعدنا ي بابا

جاسر حس بوجع لما عرف انها بتكرهوا لدرجه دي

اسر : طب وفيها لما تحبيه ي جميله مش عيب ولا حرام

جميله بغضب: لا فيه ،فيه ان الاستاذ باسني غصب عني وغير اني مستحيل اتجوز بالشكل دا مستحيل اتجوز بالاتفاق انت كدا بتبعني ي بابا وانا مش رخيصه عشان تبعني

اسر راح ناحيه جاسر وضربه بالبوكس واحد ورا التاني بغضب

وجميله وهاجر جريوا عليه وبعدوا عنه
جميله : بتضربوا ليه وانت الي سمحت بكل دا ،هو افتكرني رخيصه ابوها باعها

جاسر : انا عمري ماافتكرتك رخيصه ي جميله بالعكس انتي اغلي واحده شوفتها في حياتي

اسر بغضب: انت تخرس خالص هي دي الامانه الي استأمنتك عليها قولتلك بنتي تحافظ عليها زي ماهي بتحميك انت بردوا احميها

جميله : حضرتك الي سمحت ب كدا ، ثم اكملت ببرود انا دلوقتي مهمتي خلصت وهقدم طلب نقلي

اسر بغضب: انتي هتسوقي فيها مش معني اني سكت انك هتتمادي متنسيش اني ابوكي

جميله : حضرتك الي نسيت اني بنتك وروحت تتفق مع واحد ، كان ممكن تقولي ع فكره زي ما انا كنت بقولوا لما بكون شاكه في حد ، حضرتك طلقت ماما عشان بعدت ومقالتلكش ع المهمه وزورت موتها ،جاي دلوقتي تزعل اني اضايقت من الي حصل

كان لسه اسر هيتكلم
جاسر : بعد اذنك ي سياده اللواء كنت عايز اتكلم انا وجميله لوحدنا

جميله بغضب: انا مش عايزه اتكلم معاك

جاسر : اسمعيني الاول وبعد كدا اعملي الي انتي عايزاه

اسر بغضب: انا مستحيل امن ع بنتي مع واحد زيك

هاجر : خلاص ي اسر سيبوا يتكلم معاها شويه

سيف : انا اسف اني بدخل بس خليه ي اسر يتكلم معاها

اسر وهو ينفخ بغضب: ماشي
خرج كل الي في الاوضه واتبقي جاسر وجميله
جاسر بهدوء: انا عارف انك اكيد زعلانه من الي حصل بس انا متفقتش عليكي ي جميله كل حاجه كانت صح انا من اول ما شوفتك وانا حبيتك

بصتلوا جميله بصدمه وهو كمل
جاسر : ايوا حبيتك من اول يوم شوفتك فيه ولما كنت بتعصب عليكي وكل الخناقات دي عشان كنت بغير عليكي وساعت الفرح لما قولتي مستحيل تتجوزي حد من الصعيد اضايقت وقولت لازم اشيلك من قلبي بس مقدرتش كل مره بتعلق بيكي اكتر و بحبك اكتر لما كنت بتخانق معاكي و احنا هنا دا عشان متعلقش بيكي كنت بحاول ابعدك عني عارف انك مش بتحبيني بس وكرهاني بس لما بوستك كان غصب عني

جميله بغضب: غصب عنك عشان شخص شهواني

جاسر : انا عمري ما كنت شهواني ،انا لو كنت شهواني فعلا كنت قضيت مع سهيله ليله او اكتر براحتي وهي كانت مقدمه دا ع طبق من دهب وكانت مرحبه كمان وكنت هقدر اعرف مين الي وراها لكن انا حبيتك انتي

جميله بغضب: امال صوره مين الي كانت في الدولاب

جاسر ابتسم لما حس من نبره صوتها فيه غيره

جاسر : دي مياده كنت بحبها

جميله باستغراب: كنت
جاسر : ايوا كنت مياده كانت سكرتيره عندي وكانت بتمثل علياا الاحترام كانت بتلبس واسع وطويل وبحجاب لكن في مره سمعتها وهي بتتكلم في التليفون مع واحد انها قدرت توقعني في حبها وكل دا كان تمثيل ساعتها طردتها وكرهت البنات كلها لان سهيله عملت نفس الكلام اول ما اشتغلت عندي لكن انتي لا انتي كنتي صريحه في كل حاجه في لبسك رغم انو كان بيضايقني لكن ممثلتيش علياا الاحترام حتي لما قلعتيني القميص استغربت جرائتك دي بس بردوا كنتي واضحه وممثلتيش الكسوف كنتي تلقائيه في كل حاجه وصريحه في كل حاجه عشان كدا حبيتك بجد حبيت كل حاجه فيكي

جميله كانت ساكته مش عارفه ترد تقول اي
جاسر : عارف انك مش بتحبيني وانا هحترم دا وهبعد
جيه يخرج جاسر لكن

جميله : مش عايزاك تبعد

جاسر فرح انها مش عايزاه يبعد بس كان نفسوا يسمع منها كلمه غير دي

جاسر : ملهاش لازمه افضل انتي بتكرهيني اي الي هيخليني افضل

جاسر كان عايزها تقول انا بحبك مش بكرهك

جميله: انا مش بكرهك
جاسر : امال اي
في اللحظه دي دخل اسر وهاجر وسيف
اسر بغضب: اظن كفايه كلام لحد كدا

جاسر اتنفس بغيظ جواه:كانت خلاص هتقولها

وجميله اتنفست براحه انو دخل في الوقت المناسب
اسر بحده: يلا
جميله : يلا فين
اسر بحده: خلاص مهمتك خلصت هنا وهترجعي لشغلك
جميله: ماشي
سيف خد بالو من نظرات جاسر ليه كان بيقولوا خليها تنقل هنا

سيف : اسر انا كنت محتاج جميله معايا هنا في شغل
اسر : شغل اي
سيف : فيه مهمه ادهم ماسكها وكنا محتاجين جميله معانا
اسر : طب ما تخلي سلمي تمسكها مع ادهم
سيف : قولت ل سلمي بس هي رفضت عايزه تفضل مع الفريق
اسر بص ل جاسر بغضب: ماشي ي سيف بس دا ميقربلهاش ابدا

جاسر : انا مش ظابط ع فكره يعني انا في مكان وهي في مكان

سيف : خلاص ي جاسر ،ماشي ي اسر مش هخليه يقربلها

جميله: ليه كل دا ع فكره انا مش عيله صغيره عشان تقولي كلمي دا ومتكلميش دا

اسر بحده: جميله اتكلمي عدل انا لحد دلوقتي ساكت ومقدر انك لسه مضايقه ،انا كان ممكن اوقفك عن العمل بعد ما قتلتي علاء  لكن انا هخليه دفاع عن النفس

جميله : هو فعلا دفاع عن النفس انا كنت مخطوفه ع فكره مش بتفسح معاه

اسر بحده: والدفاع عن النفس اخر حاجه بنستخدمها هي السلاح لكن انتي اول حاجه استخدمتيها السلاح وكمان في دماغوا يعني موت ع طول

جميله : خلاص الموضوع عدي والمهمه خلصت خلاص

اسر : ايوا خلصت ثم اكمل وهو يوجه حديثه لهاجر : موافقه انها تمسك المهمه هنا

بصت هاجر ل جاسر وشافت نظره في عنيه بيقولها وافقي وهي في الاول وفي الاخر ام وميهمهاش غير سعاده بنتها وحست فعلا ان جاسر بيحبها وبصت ل جميله
هاجر : موافقه
اسر : ماشي
خرجوا من المكان وركبت جميله مع باباها ومامتها ، وجاسر ركب مع سيف

جاسر : انا مش عارف اشكر حضرتك ازاي انك قدرت تقنع استاذ اسر انو يخلي جميله تمسك مهمه هنا

سيف : مفيش شكر ولا حاجه انا بردوا كنت شاب زيك وحبيت وعارف يعني اي حب وحاسس بيك ، بس انت دلوقتي مهمتك صعبه شويه انت ممكن تقدر تخلي جميله تحبك بس الاهم  اسر

جاسر : طب ازاي هرجع علاقتي معاه زي الاول هخليه يثق فياا ويعتبرني زي ابنو ازاي

سيف : لو جميله حبتك خليك واثق ان اسر كمان هيحبك وهيعتبرك زي ابنو لان هو مش هيهمه غير سعاده بنتو

جاسر : انا مش عارف هي بتحبني ولا لا هي مره احسها عايزاني ومره لا

سيف : يبقي كدا فيه حرب بين عقلها وقلبها ،بس لو قدرت تخليها تحبك ساعتها قلبها هو الي هينتصر

💖💖💖💖💖💖💖💖
عند جميله كانت في العربيه وساكته خالص
بعد وقت وصلوا شقه جميله
جميله : مش هتطلعوا معايا
اسر بجمود: لا
جميله بأحترام: بابا انا عارفه اني غلطت بس حضرتك بردوا مكنش ينفع تعمل كدا كان لازم تقولي لما تعملني زي العروسه الي بتحركها دا اي

اسر : انا معملتكيش عروسه ي جميله دا كان شغل وانتي عارفه في الحاجات دي مكنش ينفع تعرفي انتي مش بتعرفي تمثلي اصلا ي جميله ازاي كنتي عايزاني اقولك بقاا

جميله : خلاص ي بابا تعالو بقاا اطلعوا معايا

هاجر : يلا ي اسر بقاا

اسر : ماشي  بس اعملي حسابك تشوفي شقه غير دي انتي خلاص مهمتك خلصت

جميله: بابا انا مش بعمل حاجه غلط الشقه ملهاش دعوه انا هفضل فيها عادي وبعدين انا حتي لو هاجرت بره لو مكتوبلي اشوفوا هشوفوا مهما حصل

اسر : ماشي ي جميله براحتك بس لو عرفت انو قربلك او اتكلمتي معاه ساعتها هترجعي اسكندريه معاياا

جميله : ماشي
طلعت جميله وهاجر واسر الشقه ودخلوا
دخل جميله اوضتها وخدت شاور ولبست بيجامه مريحه وقعدت ع السرير بتفكر في كلام جاسر
جميله : هو انا ليه متلغبطه كدا ،مش عارفه انا بحبوا ولا لا بس ليه اضايقت لما بابا ضربوا

انا اي الي خلاني قولتلوا انو باسني  اهو مش هقدر اشوفوا ولا اتكلم معاه زي الاول

طب وانتي عايزه تتكلمي معاه ليه مش مهمتك خلصت

اطمن عليه عادي هو عشان مهمتي خلصت خلاص انساه

في اللحظه دي جيه رساله ل جميله وكان جاسر

جاسر : عايز اشوفك
بعتتلوا جميله رساله
جميله: مانا لسه سيباك عايز اي
جاسر : سيبتيني من غير ما تردي عليا
جميله: ارد عليك في اي
جاسر : في سؤالي انتي مش عايزاني ابعد وكمان مش بتكرهيني طب امال اي بالظبط
جميله : انت لما اتاكدت من حبك قولتلي يبقي استني لما احبك وهقولك
جاسر : ماشي طب مش هتشتغلي معايا انتي قولتي مش هتسيبي الشغل غير لما الاقي سكرتيره وانا لسه ملقتش
جميله: طب اعمل اي بابا مش موافق خالص ولو عرف اني يكلمك دلوقتي هيرجعني اسكندريه دا وافق بالعافيه اني افضل في اامهمه هناا

جاسر : طيب خلاص انا مش عايزك تعملي حاجه من ورا باباكي وانا هحاول اقنعوا

جميله : بلاش عشان ميحصلش مشاكل

جاسر : لا مفيش مشاكل انا غلطت ولازم اتحمل نتيجه غلطي وهعمل كل حاجه اقدر عليها عشان باباكي يوافق اننا نتكلم

جميله : طب المهم انت عامل اي ،انت اضربت النهارده جامد اوي من بابا غير ايدك الي اكيد وجعاك

جاسر : لا عادي رد فعل باباكي كان متوقع هو اب وعندوا حق وبصراحه انا لو كنت مكانوا وحد لمس بنتي كنت قتلتوا وبالنسبه لايدي ف هي فعلا لسه وجعاني بس متقلقيش هتخف بسرعه

جميله حست بحد بيقرب من بابا الاوضه فا بعتتلوا رساله بسرعه
جميله : انا هقفل دلوقتي لان شكل بابا لسه صاحي سلام
جاسر : ماشي سلام
قفلت جميله الفون خالص وحطتوا تحت المخده ونامت ع طول ودخل اسر اطمن عليها وخرج راح اوضته
هاجر : انت ليه عملت كدا ومقولتليش ليه
اسر: ماانتي عارفه اني كنت بقربهم من بعض
هاجر : بس معرفش ان كان فيه اتفاق بينك وبين  جاسر ع بنتك
اسر: انا متفقتش ع بنتي ي هاجر دي كانت خطه عشان نوقع الي كان بيعمل الجرايم دي كلها
هاجر : انا مش فاهمه اي الاستفاده لما تبين ان جاسر وجميله بيكرهوا بعض
اسر: انتي نسيتي لما كان الكل عارف اننا بنحب بعض كام واحد كان عاوز يقتلني ويتجوزك انتي وتمارا الي كانت عايزه تجرحك لما لقيتنا بنحب بعض مكنتش عايز حد يعرف انهم بيحبوا بعض وكمان علاء لو كان شك ان جاسر وجميله بيحبوا بعض كان هيستغل دا ويجرحها عشان هي بنتي عرفتي بقاا ليه كل دا

هاجر : طيب و دلوقتي ليه بعدتهم بعد ما خلاص حبها وهي بدات تحبوا

اسر بغضب: انتي عايزاني امن ع بنتي مع واحد زي دا

هاجر : انا عارفه انو غلط بس مانت بوستني  قبل مانتجوز بردوا

اسر سكت مكنش عارف يرد لان كلامها صح بس هو اب و مينفعش يسكت ع حاجه زي كدا

اسر بغضب: انا اب و مستحيل اقبل حاجه زي كدا ع بنتي وبعدين انا بحبك واتجوزتك

هاجر : وهو بردوا بيحبها وهيتجوزها

اسر بغضب: متحاوليش تقنعيني ي هاجر دا قراري النهائي جميله مش هتتكلم مع جاسر ولا هتتعامل معاه

هاجر بغضب: بس جميله مش بنتك لوحدك زي ماهي بنتك هي بنتي بردوا

اسر : خلاص ي هاجر مش هنفضل نتكلم في الموضوع دا كتير الموضوع انتهي وجميله اول ما تخلص مهمتها الي هنا هترجع اسكندريه ع طول ودلوقتي نامي عشان هنسافر بكره

هاجر بغضب: بس انا مش هقبل تدمر مستقبل بنتي واقف اتفرج

اسر بغضب: انا بدمر مستقبلها بالعكس انا بابني مستقبلها عايز اربيه عشان يحرم يعمل كدا تاني ويعرف ان بنت اسر الشهاوي غاليه والي عملوا مش هيعدي ع خير

هاجر : يعني انت مش هتبعدها فعلا عنو

اسر : لا هبعدها عنو
💖💖💖💖💖💖💖💖💖
تاني يوم الصبح الساعه ٥ونص  صحيت جميله خدت شاور سريع ولبست



وخرجت بره الشقه براحه عشان باباها ميصحاش وخبطت ع جاسر
💖💖💖💖💖
عند جاسر كان صاحي وبيلبس بس بردوا مش عارف يلبس القميص وسمع خبط ع الباب راح فتح ولقاها جميله وهي دخلت وقفلت الباب
جميله : كنت عارفه انك مش هتقدر تلبس القميص لوحدك قولت اجي اساعدك
جاسر بابتسامه: طب مفيش صباح الخير
جميله بابتسامه: صباح النور
خدت منو جميله القميص وساعدتوا في لبسوا
💖💖💖💖💖💖💖
عند اسر صحي خد شاور ولبس ودخل ل جميله ملقهاش دخل الحمام مش موجوده خرج بره لقاها داخله من باب الشقه راح ناحيتها بغضب
اسر بغضب: كنتي فين
جميله: كنت بجيب حاجات من السوبر ماركت عشان اعمل الفطار في حاجه ي بابا ولا اي

شاف اسر الاكياس الي في ايديها وندم انو ظلمها
اسر بحنان: لا مفيش ي حبببتي انا قلقت بس عليكي لما ملقتكيش في الشقه
جميله بابتسامة:متقلقش ي حبيبي انا كويسه ثم اكملت بمرح : يلا بقاا صحي جوجو ع مااحضر الفطار
اسر وهو يمسكها من قفاها : انا مش قولت جوجو دي بتاعتي انا
جميله باستسلام: اسفين ي باشاا
اسر : ايوا كدا ناس متجيش غير بالعين الحمراء
جميله بغمزه: والزرقاء كمان
اسر بضحك: ههههههههههه انتي بتعاكسيني طيب انا هقول ل هاجر بقاا اخليها تعلقك
جميله بثقه: عيب عليك احنا مسيطرين
هاجر من وراها : بتقولي حاجه ي جميله
جميله لفتلها: لا ي حبيبتي انا بقول ل بابا يصحيكي عشان نفطر
اسر بضحك: ههههههههههه جبتي وراا
جميله بمرح: لا دي الكبيره بردوا منقدرش نتكلم
هاجر بضحك: ههههههههههه
اسر : طب يلا ي اختي روحي حضري الفطار
جميله بغمزه: ايوا بتوزعني ماشي انا هروح احضر الفطار
دخلت جميله المطبخ وكانت حاسه بندم انها كدبت ع باباها
عند اسر بره
اسر : كدبت علياا وفاكراني معرفتش انها دخلتلوا
هاجر : انت الي وصلتها لكدا كان المفروض تكلمها براحه انت عارف جميله عنديه ومش بتعمل غير الي مقتنعه بيه
اسر : بس انا بعمل كدا لمصلحتها
هاجر : وقولتلك مصلحتها مع جاسر لكن انت الي مش عايز تشوف دا
اسر : طب بنتك بتحبه
هاجر : معرفش بس الي اعرفوا ان جميله مشدوده ليه يعني هي مش عارفه حاسه بايه لكن هي نفسها تكون جنبه وتساعده عايزه ترجع تحميه تاني لكن مش عايزه الحب هي خايفه من فكره الارتباط والحب فهمتني

اسر : اه فهمت عشان كدا الي بعملوا هو دا الصح لازم جميله تعرف وتتاكد هي بتحبه ولا لا وهو بردوا لو بيحبها فعلا يبقي يستحمل عشانها