رواية احببت عنادك... بقلمي/هاجر هشام الفصل الثالث وسبعون 73 - بقلم Hagar Hešhàm

عند جميله خلصت فطار وحطت الاطباق ع السفره وقعدوا ياكلوا وجميله كانت سرحانه في جاسر
فلاش باك
حطتلوا تلج ع مكان الضرب الي ضربهوله اسر
جميله: كنت عايزه اسالك سؤال
جاسر : اسالي
جميله : انت قولت انك كنت بتحب مياده طب طالما كنت بتحبها ليه محتفظ بصورتها لحد دلوقتي
جاسر : عشان كل مااحب ابص ع صورتها وافتكر الي حصل وارجع عن تفكيري في الحب
جميله : ومرجعتش ليه عن تفكيرك في الحب لما حبتني
جاسر : لاني مجرد ما حبيتك كرهت امسك الصوره اصلا
جميله : طب ما ترميها او تقطعها
جاسر : اهي عندك جوه عايزه ترميها، تقطعيها ،تولعي فيها براحتك
جميله : طب وانا مالي
جاسر : انتي غريبه مش انتي الي بتقولي ارميها

جميله : انا بقولك طالما مش طايقها ارميها يعني بشوفلك حل لكن انت الي تنفذ دا لو عايز يعني لكن لو حابب الصوره براحتك

جاسر باستغراب: انا مستغربك بجد انتي ازاي كدا

جميله : كدا ازاي

جاسر : حاسس انك معندكيش مشاعر يعني عمري ما شوفتك بتعيطي قبل كدا ولا اتكسفتي ولا اي حاجه جامده كدا ،حتي كلامك يوضح انك غيرانه لكن تعابير وشك وردودك بتقول غير كدا بتقول ان الموضوع مش هامك اصلا

جميله : العياط دا ضعف وانا عمري ما كنت ضعيفه وبعدين اتكسف من اي انا ظابط وبتعامل مع رجاله كتير ولو اتكسفت من كل واحد يبقي مشتغلش احسن اما بالنسبه للمشاعر انا عندي مشاعر وبحس زي الكل عادي لكن عندي بفكر بالعقل دايما لان تفكير القلب غلط ودا احسن حاجه عشان مفكرش بقلبي واتجرح والكلام دا انا لو حبيت هحب بعقلي مش بقلبي ،مش هعمل زي ماما حبت بابا بقلبها دا مش معناه ان بابا وحش لا طبعا بس انا مش هتجوز عشان واحد يقولي البسي دا ومتلبسيش دا ولا استاذن منو قبل ما انزل انا حياتي قبل الجواز هتبقي هي نفسها حياتي بعد الجواز و مستحيل اغير حاجه

استناها جاسر لما خلصت كلامها فيه الي زعلوا وفيه الي فرحوا وفيه الي خلاه يحس بالغيره لما قالت انا بتعامل مع رجاله كتير

جاسر : عمر العياط ما كان ضعف وعمر تفكير القلب ما كان غلط

جميله : ازاي ما انت حبيت وطلع غلط
جاسر : مكنش حب كان اعجاب بمظهرها انها لابسه محترم لكن مكنش حب خالص وبالنسبه للبس انا عمري ما هجبرك تعملي حاجه انتي مش عايزاها بس انتي بردوا قدري اني سكت واحترميني كا راجل مقبلش ان مراتي حد يشوف جسمها وبالنسبه للنزول فا انا واثق فيكي و عارف انك هتحترميني في غيابي قبل وجودي

فرحت جميله بكلاموا الي قدر يخليها تحترمه وعلي في نظرها اوووي

جميله : انت ليه بتقول مراتك كاننا اتجوزنا او واثق اننا هنتجوز

جاسر بابتسامه: انا فعلا واثق

جميله بعند: بس انا لسه موافقتش ولا حبيتك

جاسر بثقه: هتحبيني

جميله : بلاش الثقه دي عشان انت مش قدي في العند انا ممكن اعند ومحبكش وانا اقدر اتحكم في قلبي وانت عارف

جاسر : انا الي عارفوا اني متاكد انك هتحبيني زي مانا حبيتك وواثق انك مهما حاولتي تتحكمي في قلبك مش هتقدري لان الي قدر يدخل حبك في قلبي هيقدر يدخلوا في قلبك

جميله بتحدي: بلاش تتحداني

جاسر بابتسامه تحدي: انا بتحداكي فعلا اني هقدر اخليكي تحبيني

جميله : ماشي لما نشوف

دخلت جميله المطبخ حضرتلوا فطار سريع وخرجت

جميله: حضرتلك الفطار قبل ماتنزل وكلم حمزه عشان يوصلك لانك مش هتعرف تسوق بايديك

جاسر : لا هعرف الاصابه في ايدي الشمال وانا اقدر اسوق بايد عادي

جميله: لا مش عادي وبلاش عند كلم حمزه او لو تقدر تستني ساعتين بس وانا هوصلك

جاسر : وباباكي

جميله: مسافر هو وماما

جاسر : انتي جيتي هنا من وراه

جميله : اه

جاسر : وازاي تعملي كدا انا فاكر انو وافق لا طبعا ي جميله اتفضلي مينفعش تيجي من وراه وهو مانعك انا قولتلك هقدر اقنعوا واخليه يسامحني لكن بالي عملتيه دا هيعند اكتر

جميله : انت خايف ع نفسك

جاسر : انا مبخفش من حد انا خايف عليكي انتي هيبقي شكلك اي لما تقفي قصادوا وانتي بتكدبي عليه انا مقبلش اني اكون السبب في زعلك مع باباكي

فاقت جميله من سرحانها ع صوت باباها
اسر : في اي ي جميله بنادي عليكي بقالي ساعه وانتي سرحانه
جميله: معلش ي بابا سرحت شويه حضرتك كنت بتقول اي

اسر : وسرحانه في اي بقاا

جميله: مفيش عادي يعني

هاجر بغمزه: الي واخد عقلك

اسر بحده: وهو مين دا

جميله : مفيش حد ي بابا

هاجر : في اي ي اسر مالك فيها اي لما تكون سرحانه او بتحب هي جريمه

اسر : لا مش جريمه بس اي حد الا الي في بالي

جميله: متقلقش ي بابا انا مفيش حد بحبه ولا الي في بالك ولا اي حد خالص

هاجر بصتلوا بغيظ وهو نفخ بغضب وحاول يكتم غضبه وغيرته ع بنته

جميله : بابا كنت عايزه اقول لحضرتك ع حاجه

اسر : قولي

جميله بتردد: الحقيقه انا كدبت ع حضرتك يعني كدبه صغيره لما قولت اني روحت السوبر ماركت انا فعلا روحت بس بصراحه روحت ل جاسر الاول

اسر: عارف ، بس روحتيله ليه

جميله : عشان ايديه الي متجبسه و حضرتك ضربتوا جامد امبارح فا عملتلوا كمدات تلج ع وشو عشان متورمش

اسر كان هيتعصب لكن عرف انو لو اتعصب عليها هتكدب عليه تاني فقرر انو يكلمها براحه

اسر بهدوء: وهو دلوقتي كويس
جميله بصتلوا باستغراب وهاجر فهمت
جميله : اه كويس

اسر : تمام

جميله: حضرتك مش زعلان

اسر بهدوء : لا مش زعلان انتي عملتي دا بدافع الانسانيه ان مينفعش حد يحتاج مساعدتك ومتساعديهوش

جميله جريت عليه وحضنتوا : انت احسن اب في الدنيا انا بحبك اوووي

اسر بحنان وحب : وانا كمان بحبك اوووي ي حبيبتي

جميله : طب ينفع اطلب طلب صغير بس وحياتي عندك توافق

اسر : ع حسب الطلب

جميله : انا كنت بشتغل سكرتيره ل جاسر حضرتك عارف يعني وهو لما طرد سهيله بقيت انا السكرتيره وهو لسه ملقاش حد ينفع اشتغل معاه لحد بس مايجيب واحده

اسر : وشغلك

جميله: هروح شغلي عادي

اسر : هتقدري تواظبي ع الاتنين مع بعض لا طبعا مش هينفع

جميله : هو مش بالظبط انا هشتغل ع اللاب لو هو احتاج ترجمه او شغل اي حاجه ولو فيه صفقات واجتماعات هروح وهبقي متفقه مع سياده اللواء

اسر : لا مش موافق

جميله : ي بابا عشان خاطري

اسر : يشوف سكرتيره انتي مش بتشتغلي سكرتيره اصلا انتي ظابط ازاي فهمتي شغله

جميله : انت ناسي ي بابا اني معايا كورسات وبعدين لما كنت بحميه فهمت شغلوا كلوا وساعدتوا كمان

اسر : ماشي بس ياريت يشوف سكرتيره في اسرع وقت

جميله: حاضر
خلصوا اسر وهاجر وجميله فطار ولمت جميله الاطباق ودخلت هاجر خدت شاور ولبست وخرجت
اسر : يلا بينا

جميله: ما تخليكوا قاعدين كام يوم معاياا

اسر : لا كفايه عشان شغلي

جميله: صح هو كدا اسر وسلمي وجوري واياد هيرجعوا

اسر : اه خلاص مهمتهم خلصت

جميله: تمام

في اللحظه دي سمعوا دوشه بره وزعيق
هاجر باستغراب: اي دا

جميله : مش عارفه

خرج اسر فتح الباب لقا عمران ومعاه رجاله لابسين جلاليب ومعاهم بندقيات
ع الناحيه التانيه خرج جاسر
جاسر : في اي وحضرتك بتعمل اي هنا

عمران بغضب: انا جاي هنا اخد تار اخوياا

جاسر بغضب: تار اي الي تاخدوا اخوك الي غلطان

اسر بغضب: علاء خطف بنتي وحاول يقتلها وهي دافعت عن نفسها

جاسر بغضب: وبعدين من امتي بناخد تارنا من ستات

عمران بغضب: مانا هاخدوا من ابوها هي قتلت اخوياا وانا هقتل ابوها

جاسر بغضب: لو فكرت تقربلوا ساعتها انا الي هقفلك ،اخوك غلط وخد جزاءه ولو ممشيتش من هنا هخليك تحصلوا

عمران بغضب: انا مبتهددش ومش همشي من هنا غير لما اخد تار اخوياا وبنفسي

مسك عمران البندقيه وهو يصوب ناحيه اسر
اسر بحده: هاجر خدي جميله وادخلوا جوه

هاجر بغضب: لا انا مش هدخل

جميله بغضب : انا مش هدخل واسيبك ي بابا

وقفت جميله قصاد عمران وهو يصوب ناحيتها
جميله بغضب: انا الي قتلتوا لو عايز تاخد بتارك يبقي مني انا

جاسر بغضب: انتي اتجننتي ابعدي ي جميله

اسر بغضب : جميله ابعدي انتي ملكيش دعوه

جميله بغضب: لا لياا انا الي قتلتوا مش انت ي بابا

عمران بغضب : يبقي هقتلكوا انتوا الاتنين

جميله بغضب: قولتلك اقتلني انا انت مبتسمعش

عمران ساب البندقيه وكان لسه هيضربها بالقلم لكن جاسر مسك ايدو بقوه وغضب وهو يضغط عليها بشده
جاسر بغضب وحده : فكر تعملها تاني هخليك تحصل اخوك انت فاهم و دلوقتي لو مخدتش الي معاك دول وغورت من هنا هخليهم يشيلوك ع نقاله

عمران خاف من شكل جاسر بس حاول يبقي طبيعي
عمران بغضب: ماشي انا همشي بس تار اخوياا مش هسيبوا ابدا

اسر بحده: احنا مبنتهددش والي عندك اعملوا
مشي عمران هو والرجاله

جاسر بغضب: انتي اتجننتي انتي ازاي تقفي قصادوا كدا افردي كان قتلك

اسر بحده: انت بتزعقلها قدامي ليه مالهاش اب
ثم اكمل وهو يوجه كلامه ل جميله بغضب انتي ازاي تقفي قصادوا كدا

جميله : يعني اسيبوا يقتلك

اسر بحده: انا اقدر احمي نفسي

جميله: وانا بردوا اقدر احمي نفسي

جاسر بسخريه: فين بقاا الحمايه دي وانتي واقفه قصادوا وهو كان خلاص هيضغط ع الزنات

جميله: في اي هو انتوا الاتنين علياا

اسر ل جاسر : هو انا مش بكلمها انت بتدخل ليه

جاسر : انا فعلا غلطان اني بدخل كنت سيبتوا يقتلها عن اذنكوا

سابهم جاسر ودخل شقته
اسر بغضب ل هاجر : هو دا الي بتقولي اسامحه دا واحد قليل الذوق

هاجر : والله الواد مش غلطان انت مشوفتش عمل اي عشانها وعمران خاف منو بعد كل دا بتزعقلوا هو

اسر بغضب: يعني اسيبوا يزعقلها قدامي واسكت

جميله بغضب ل هاجر  : ايوا هو ملهوش حق يزعقلي

هاجر بقله حيله: والله انتوا الاتنين مجانين انا تعبت منكو وانت الي بتقولي دي طالعه عنديه زيك والله دي نسخه منك انت ، انا هدخلوا

اسر بغيره: تدخلي فين

هاجر : هدخلوا هو مش كفايه الي عملتوا فيه

اسر بغضب : ملكيش دعوه بيه انا ادري باللي بعملوا

هاجر : لا مش ادري بحاجه انت بدل ما تعتذرلوا ع الي عملتوا وتشكره انو انقذ بنتك رايح تزعقله

اسر : عشان ميزعقلهاش. وانا موجود انا لسه عايش مموتش

جميله : بعد الشر عنك ي حبيبي

هاجر : هو خايف عليها مشوفتش كان هيكسر ايد عمران  ازاي من كتر الغضب لما كان هيمد ايدو ع جميله

اسر : طب خدي جميله وادخلوا انا هدخل ل جاسر شويه

جميله: ليه

اسر: وانتي مالك ادخلي يلا

جميله : ماشي
دخلت هاجر وجميله الشقه وخبط اسر ع جاسر
جاسر : اتفضل حضرتك
دخل اسر وقفل الباب
اسر: انا جاي اشكرك ع الي عملتوا بره بس بردوا دا ميدكش الحق انك تزعقلها

جاسر : عارف اني غلطت لما زعقتلها بس حضرتك بردوا زعقتلها يعني معناها كنت حاسس بنفس احساسي و عارف

اسر: انت بتحبها فعلا ؟

جاسر : كل دا لسه مكتشفتش اني بحبها

اسر: لحقت حبتها امتي

جاسر : حبتها من قبل مااشوفها كنت بسمع عنها وعن شغلها ونجاحها حبيت قوتها حبيت جرائتها وعدم خوفها من اي حاجه ،اكيد حضرتك ادري واحد انت حبيت و عارف

اسر بابتسامه: فعلا حبيت وتقريبا كلامك شبه كلامي وحاسس بيك ثم اكمل بحده بس الي انت عملتوا مش سهل يتغفر انا استامنتك عليها وانت خونت الامانه دي

جاسر : انا عمري ما خنت الامانه انا حافظت ع بنتك بس لما بوستها كان غصب عني كنت شايفها مياده كنت ببوسها كأني بنتقم منها هي وبنتك خدت حقها تالت ومتلت بردوا مسكتتش

اسر: وانت كنت عايزها تسكت لما تبوسها دا انا كنت قتلتها وقتلتك وبردوا دا مش عذر وبعدين مين مياده دي

جاسر : كانت سكرتيره عندي كنت بحبها بس طلعت بتمثل علياا

اسر: انت اي حكايتك في السكرتيرات يعني مياده كانت بتمثل الحب وانت حبتها وسهيله بردوا كانت بتحاول توقعك وادي دلوقتي بنتي خليتها تشتغل سكرتيره رغم ان دا مش شغلها اصلا

جاسر : دي صدف والله مش ذنبي وبعدين بنت حضرتك غيرهم خالص مفيش مقارنه يعني هما مثلوا الحب وكانوا عايزين يوقعوني في حبهم لكن بنت حضرتك ماشاء الله مش طيقاني اصلا

اسر بضحك: ههههههههههه  وانت عرفت منين انها مش طيقاك

جاسر : انت شايف اي

اسر: شايف انها بتقاوم عشان متحبكش

جاسر باستغراب: طب ليه بتقاوم ليه متحبنيش زي مانا حبيتها

اسر: جميله شخصيه عنديه جداا لابعد الحدود ومش بتحب حد يفرض سيطرته عليها عايزه تعيش حره زي الطيور كدا طليقه

جاسر : وانا عمري ما هحبسها ولا هفرض سيطرتي عليها انا قولتلها كدا مش هعترض ع اي حاجه وهحترم حريتها وحياتها

اسر: انت لدرجادي بتحبها

جاسر : ايوا بحبها ومحبتش ولا هحب حد قدها لكن هي فعلا عنديه جدا

اسر : طالما بتحبها يبقي استحملها

جاسر بدهشه: هو انا كل دا مستحملتش

اسر بضحك: ههههههههههه لا لسه 

جاسر :لا بنتك تعبتني بجد

اسر : مش بتحبها استحمل بقاا

جاسر بتنهيده: مستحمل والله بس هي تحن شويه

اسر بابتسامه: متقلقش هتحن ، المهم دلوقتي انا مسافر وبأمنك ع جميله وياريت المرادي تصدق في كلامك لان لو سمعت ان حصل اي حاجه مش هتشوفها طول حياتك

جاسر بابتسامه: متقلقش جميله في عيني وقلبي

اسر : هههههه ماشي ي عم الرومانسي انا همشي دلوقتي ،واه صح ابقي شوفلك سكرتيره بسرعه ماشي بس ياريت يكون سكرتير مش سكرتيره عشان ميحصلش زي المرتين الي فاتوا

جاسر بابتسامه: متقلقش اتعلمنا الدرس خلاص

اسر بابتسامه: ماشي ي اخوياا يلا سلام

جاسر بابتسامه: سلام
خرج اسر وخبط ع شقته وفتحت جميله وكان جاسر لسه فاتح الباب وواقف
اسر: فين هاجر
هاجر : انا جيت اهو
اسر : يلا عشان منتاخرش
هاجر : ماشي يلا
سلمت هاجر ع جميله واسر بردوا سلم ع جميله ونزلوا ركبوا العربيه واتحركوا
جاسر : يلا بينا بقاا احنا
جميله: اوك يلا بس بعد كدا لو زعقتلي تاني هزعلك
جاسر وهو يرفع حاجب : هتزعليني وهتزعليني ازاي بقاا ي ست البلطجيه
جميله : ملكش دعوه بس هزعلك وخلاص انا مش بحب حد يزعقلي
جاسر : يلا ي ماما بطلي رغي
جميله : ماما في عينك هو انا هجيب شحط زيك
جاسر بدهشه: شحط ،انتي بتجيبي الالفاظ دي منين
جميله : واحده بتشتغل ظابط وبتتعامل مع مجرمين عايزها تقولك اي ي بيبي مثلا
جاسر بابتسامه: ياريت
جميله : ياريت في عينك ،يلا بطل رغي
جاسر بسخريه : دا انا الي برغي
جميله: ايوا انت هو فيه حد غيرك
جاسر : اه فيه ،انتي
جميله : بس انا مش رغايه يبقي انت
جاسر : طب يلا ي اختي
قفلت جميله الشقه وجاسر بردوا ونزلوا ركبوا العربيه واتحركوا لشركه وجميله هي الي ساقت ودخلوا المكتب وبعد وقت دخل حمزه
حمزه : صحيح الي حصل دا انت اتخطفت وكمان اضربت بالنار
جاسر : ايوا
حمزه : يعني جميله طلعت ظابط مش سكرتيره
جاسر : اه
حمزه: طب وليه مقولتليش كل دا
جاسر : مكنش ينفع حد يعرف
حمزه: طيب هي جت ليه مش المفروض مهمتها خلصت
جميله: هو انا مضايقه حضرتك ولا حاجه
حمزه بسرعه: لا بالعكس انتي منوره المكتب انا بتمني تفضلي ع طول
جاسر بغضب: ما تلم نفسك ي حمزه
حمزه باستغراب: في اي ي جاسر 
جاسر بغضب: فيه ان جميله خط احمر دي تخصني
حمزه بسعاده: بجد طب دا احلي خبر سمعتوا في حياتي ،مش تقول من الاول

جاسر : اديني قولت ياريت بقاا الكلام دا ميحصلش
حمزه: ماشي ، فيه انترفيوا للسكرتيرات الي طلبتهم ومهندسين كمبيوتر
جاسر : طيب نص ساعه ودخل واحده واحده
حمزه: ماشي
خرج حمزه
جميله: انا مردتش اكسفك قدام صاحبك لكن انا مخصش حد ولا ملك حد انا ملك نفسي وبس ماشي انا مقولتش اني بحبك ولا فيه اي حاجه بينا تخليك تقولوا كدا

اتجاهلها جاسر وكمل شغل
جميله بغضب: ع فكره انا بكلمك
جاسر : وكلامك معجبنيش روحي بقاا شوفي شغلك
جميله بغضب: انا مباخدش اوامر من حد وبراحتك كلامي مش مهم يعجبك هو عاجبني انا ومقتنعه بيه

سابتوا جميله وقعدت ع المكتب قصادوا في اللحظه دي الباب خبط ودخلت واحده
جاسر بجديه: اتفضلي
دخلت البنت بدلع وهي لابسه فستان بدون اكمام قصير جدا واسود
جميله بهمس سمعه جاسر : هي جايه كباريه اي القرف دا
كتم جاسر ضحكته ع كلمتها
جاسر بجديه: اسمك
البنت بدلع: قمر
جميله بمهس : بدانا الكدب
جاسر بجديه: اسمك كامل ي انسه هو انا  بتعرف عليكي
البنت بمياعه: قمر عصام الشواف
جميله بحده: مرفوضه
جاسر بغضب: وانتي بتقرري من نفسك
جميله بحده للبنت: اتفضلي
خرجت البنت وهي متغاظه جدا من جميله
جاسر بغضب : ممكن اعرف اي الي عملتيه دا
جميله بغضب: اسم الاب بتاعها  هو نفسوا اسم الراجل الي حاول يقتل ماما وقتل حسام زميل ماما في الشغل

جاسر : طيب خلاص مش مهم البنت بس بعد كدا قولي مترفضيش من نفسك انا هنا المدير

جميله : ماشي
دخلت بنت تانيه وكانت لابسه چيب طويله اسود وشميز ابيض وطرحه سوداء
جاسر بجديه: اسمك اي
البنت : ملك محمود العدلي
جميله : مامتك اسمها ساره وبتشتغل ظابط مش كدا
جاسر بغيظ: صبرني يارب ي بنتي اسكتي بقاا
جميله بغضب: الحق علياا اني بختارلك واحده كويسه
جاسر بغضب: هو انتي هتخطبيلي انا عايز سكرتيره مش عروسه
جميله بغضب: براحتك انا هسكت اهو اختار انت بقاا
جاسر وهو ينفخ بغضب: ياريت
بص جاسر للبنت
البنت : ايوا انا ماما اسمها ساره وبتشتغل ظابط
جميله باستغراب: بس مش غريبه ان باباكي عندو شركه وانتي تشتغلي هنا وكمان سكرتيره

جاسر بغضب وغيظ: اطلعي بره ي جميله
جميله : ههههههههههه خلاص هسكت اهو

بص جاسر ل ملك
جاسر بجديه: معاكي شهادات اي والكروسات
ملك بجديه وثبات: انا خريجه هندسه كمبيوتر يعني مش جايه اقدم سكرتيره ولا حاجه كان فيه اعلان انكوا عايزين مهندس كمبيوتر وكمان انا معايا كورس انجلش

جميله كانت لسه هتتكلم
جاسر بتحذير :والله لو نطقتي بحرف. هقتلك
جميله بتحدي: اتكلم ع قدك ،قال اقتلك قال

جاسر بتحدي: انتي مش قدي

ملك : طب اخرج لحد ماتخلصوا خناق وادخل تاني
جاسر بجديه:فين السي في بتاعك
ملك وهي تعطيه السي في : اهو
جاسر بجديه: تمام استني مننا مكالمه بكره الساعه ١٠ هنقولك فيها اتقبلتي ولا لا
ملك : تمام عن اذن حضرتك
جاسر بجديه: اتفضلي
خرجت مالك
جاسر : ها تعرفيها منين دي كمان
جميله : مامتها كانت زميله ماما في الشغل
جاسر : واضح ان زمايل مامتك كتير هي محبوبه لدرجه دي
جميله : اه محدش عرفها ومحبهاش عشان كدا بابا بيغير عليها دا بيغير عليها حتي من اخوها
جاسر : ههههههههههه طب الحمدلله انك معندكيش اخوات
جميله: اشمعنا
جاسر : عشان مغيرش عليكي منهم
جميله : وانت تغير علياا ليه
جاسر : هي البعيده عبيطه ولا بتستعبط دا ع الاساس اني بغني مانا بقولك من امبارح بحبك في اي ي بنتي دا لو كان حجر كان لان

في اللحظه دي دخلت بنت تالته
جميله : هو كلوا بنات مفيش راجل خالص يوحد ربنا
جاسر بغيره: وانتي عايزه راجل ليه
جميله : وانت مالك وبعدين دا هيشتغل معاك انت مش معايا انا

جاسر بغضب: ماشي ي جميله
بص جاسر للبنت بجديه ودقق في ملامحها واتصدم وسرعان مااتحولت الصدمه لغضب جامح
جاسر بغضب: انتي اي الي جايبك هنا
استغربت جميله تحوله المفاجئ وبصت للبنت بس مش متذكره شافتها فين
جميله باستغراب: مين دي
البنت بدلع وهي تقترب منو وتضع يدها ع كتفه : جيت اشوفك ي حبيبي ،عرفت انك عايز سكرتيره قولت اجي واقدم اي موحشتكش

جميله بغضب : وحشتك عقربه انتي مين ي زفته واي السهوكه والقرف الي بتعمليه دا

شال جاسر ايديها بغضب ولواه ورا ضهرها
جاسر بحده وغضب: في ثانيه مشوفش وشك هنا تختفي من قدامي والا انتي عارفه انا ممكن اعمل اي ثم اكمل وهو يزقها. برااا

خرجت البنت بسرعه بخوف
جميله : مين دي
جاسر كان لسه متعصب جدا ومردش عليها
جميله بغضب : مين دي
جاسر بغضب: دي مياده ارتاحتي بقاا
جميله : طيب خلاص اهدي محصلش حاجه لكل دا مش انت بتقول مبقتش بتحبها متعصب ليه بقاا
جاسر بغضب: مجرد مااشوفها بتعصب
جميله : انت اول مره تشوفها بعد ماكتشفتها
جاسر: لا كانت بتنطلي كتير
جميله : وانت سايبها ما توقفها عند حدها
جاسر بغضب: انا لو حطيتها في دماغي همحيها من ع وش الدنيا خالص بس انا ساكت عشان بنت
جميله : خلاص يبقي سبهالي انا
جاسر : لا سيبيها حرام دي بنت زيك بلاش تكوني السبب في اذيه حد
جميله : بس هي اذيتك
جاسر : بس انا متأثرتش وحبيت تاني فا ليه اأذيها
جميله: براحتك
💖💖💖💖💖💖💖💖💖
ممكن تلاقوا البارت قصير انا مقرتهوش فا معرفش بس لو قصير فا هو غصب عني بصراحه انا بكتب البارت عشان متزعلوش وكمان بكتبوا وانا هموت وانام فا تصبحوا ع خير واتمني البارت يعجبكوا وان شاء الله لو قدرت هنزلكوا واحد كبير بكره 😍كا تعويض