رواية احببت عنادك... بقلمي/هاجر هشام الفصل الثاني وستون 62 - بقلم Hagar Hešhàm

جاسر الحديدي
٢٨ سنه

رنا الحديدي
٢٢ سنه

عبدالرحمن الحديدي
٢٤سنه

عند جميله راحت بيت رنا وخبطت فتحتلها واحده
ودخلت جميله ووراها رنا وسلمي وجوري وكان فيه راجل كبير في السن وشابين وست كبيره في السن
الراجل باستغراب: انتوا مين
الشاب بغضب وهو يتجه ل رنا ويرفع يده لضربها : كنتي فين
مسكت جميله ايدو بقوه قبل ما تنزل ع وش رنا
الشاب بغضب جامح: انتي ازاي تتجرأي وتعملي كدا
جميله بحده: بدل ما ترفع ايدك عليها وتضربها اعرف الاول اي الي حصل واخرها لحد دلوقتي
الشاب بغضب: وانتي مالك دي اختي ومن حقي اضربها واكسر دماغها كمان
جميله بحده: لا مش من حقك ابدا انك تمد ايدك هي مش عشان اختك تبهدلها وتتضربها المفروض تحتويها وتطمنها تسالها اتاخرت ليه ، اخت حضرتك ي استاذ بسبب معاملتك دي كانت خايفه ترجع رغم انها معاملتش حاجه غلط انا لقيتها مغم عليها في الشارع اظاهر كانت تعبانه وهدومها كانت متبهدله من الطين فا اديتها لبس وجبتها
الراجل الكبير بوقار : خلاص ي جاسر
جاسر بغضب : خلاص اي ي بوي انت مش شايف اللبس المسخره الي هي لابساه ، ثم اكمل وهو يحدث جميله انتي كنتي جبتيها مطينه ولا انها تلبس المسخره دي
لبس جميله

للبس رنا

جميله بحده: محدش شافها بالبس نهائي وبعدين اجبها ازاي بالبس وهو متبهدل
جاسر بغضب: وانتي ملقتيش غير المسخره دي وتلبسيهولها
جميله : بالظبط ملقتش غيرو حشم شويه
جاسر باستهزاء: صح ماهو بالنسبه للبسك دا كدا محترم جدا
جميله بحده: انا مسمحلكش تتكلم عن لبسي دي حاجه متخصكش اصلا واختك عندك اهي انا جيت معاها عشان وعدتها ان محدش هيقربلها
الراجل بحده: انا قولت خلاص ي جاسر
جاسر وهو يكتم غضبه: ماشي ي ابوي
الراجل بوقار: انتي مين ي بنتي شكلك مش من البلد اهنيه
جميله: ايوا مش من البلد ، انا الظابط الجديد
جاسر باستهزاء: وهما ملاقوش غير بنت هي الي تحمي البلد
جميله ببرود: والله هما لو كانوا لاقوا رجاله البلد حاميتها مكنوش جابوا من برا وبنت كمان
جاسر بغضب : انتي قصدك اي ي بت انتي
جميله ببرود: قصدي الي انت فهمتوا
جاسر بغضب : تعرفي لولا انك بنت كنت رزعتك كف مخلتكيش تقومي بعديه
جميله ببرود: لا متعتبرش اني بنت واعمل كدا وانا اوعدك ان مش هتلحق تنزل ايدك اصلا
الاب بحده: انا قولت اي ي جاسر هو كلامي مش بيتسمع نهائي
جاسر : حاضر ي ابوي
الاب بهدوء : اقعدي ي بنتي ارتاحوا
جميله : شكرا لحضرتك انا خلاص وصلت رنا وهمشي ، بس لو ممكن حضرتك تساعدنا نروح بيت العمده
الاب بابتسامه: ماانتوا فيه ي بنتي
جميله : يعني دا بيت العمده وحضرتك تبقي العمده
العمده: اه ي بنتي انا العمده مش انتي جميله مش كدا
جميله : ايوا انا
جاسر بسخريه: جميله ،كدبوا الي سماكي جميله المفروض يقولوا هباب ،قرف لكن جميله
جميله بغضب : قرف لما يقرفك احترم نفسك واحمد ربنا اني مقدره لحد دلوقتي وجود الراجل الطيب ومامتك والا مكنتش سكت ع كلامك
جاسر بسخريه : انتي كل دا ساكته امال لو بتكلمي كنتي عملتي اي
جميله بتحدي: كنت قتلتك
جاسر بسخريه: اتكلمي ع قدك ي شاطره انتي شكلك اصلا بتخافي تقتلي نمله
هنا جميله رفعت سلاحها في وشو والكل اتخض وهو بصلها بتحدي ولا اتهز
سلمي بقلق: جميله مينفعش كدا نزلي السلاح كدا هتروحي في داهيه
جوري بقلق: جميله مش وقت عصبيه دلوقتي نزلي سلاحك
نزلت جميله السلاح وهو فضل باصصلها بتحدي وغضب
الام بغضب : انتي ازاي تتجرأي وترفعي السلاح ع ابني كدا هو انتي جايه تحمي البلد ولا تقتلينا ،انا هبلغ عنك
جميله بحده: ابن حضرتك الي غلط انا كنت مقدره وجودكوا بس هو مقدرش دا.
جاسر بغضب: اتكلمي مع امي عدل ي بت انتي
جميله بحده: بت اما تبتك ع فكره انا لياا اسم
جاسر بسخريه: اسمك كداب هقول ي جميله وانا مش شايف كدا ،
جميله بحده: انت اصلا مش بتشوف
الاب بحده: خلاص بقاا اقعدي ي حضره الظابط
كلوا سكت وجميله وجوري وسلمي قعدوا وجاسر كان بيبص ل جميله بغضب
العمده: انا اسف ي بنتي ع سوء التفاهم الي حصل دا ،انا اسر بيه كلمني انهارده وقالي عليكوا بس للاسف ملحقتش اجهزلكوا ااجناح الشرقي فا معلش النهارده هتباتي انتي مع رنا والانستين هيباتوا في اوضه الضيوف
جميله : مفيش مشكله وانا اسفه اني ضايقت حضراتكوا ومفيش داعي انك تجهز الجناح الشرقي احنا كدا كدا هنشتري شقه لان احنا مش لوحدنا فيه اتنين كمان شابين
العمده: مفيش مضايقه ي بنتي ، وكمان مش هتشتري شقه ولا حاجه الجناح يدوب هيتنضف بس وبكره باذن الله هيكون جاهز ولو ع الشابين مش مشكله واحد ينام مع جاسر في اوضته والتاني ينام مع عبدالرحمن ابني لحد بكره بس
جميله بهدوء: الي تشوفوا حضرتك
قامت جميله راحت ناحيه مامه جاسر
جميله : انا عارفه انك زعلانه مني عشان الي حصل بس حضرتك شوفتي ابن حضرتك هو الي غلط مش انا
الام كانت متعصبه بس فعلا لما فكرت لقت ان ابنها هو الي بدا ولكل فعل رد فعل ،كل دا كان تحت نظرات الكل ونظرات جاسر الغاضب
الام بحنان: خلاص مش زعلانه ي حبيبتي
جميله بابتسامه: شكرا لحضرتك
رجعت جميله قعدت
جميله ل سلمي : سلمي كلمي اسر واياد وابعتلهم اللوكيشن عشان ييجوا
سلمي كلمت اسر واياد وبعتتلهم اللوكيشن وخلال دقايق كانوا وصلوا
الام : يلا ي حبايبي عشان تتعشوا انا حضرت العشاء
جميله : لا شكرا لحضرتك انا مش بتعشي
اياد بمزاح : اتكلمي عن نفسك انا هاكل
جميله بضحك: طول عمرك طفس ي اياد
اياد بضحك: تشكري ي اختي ادي اخره البهدله معاكي تبهدلينا احنا وتخلينا نروح القسم وانتي تقعدي هنا وفي الاخر مش عايزاني اكل
جميله : بااااس انت بالع راديو خلاص روح كل
اياد بمزاح: انا هروح فعلا مش مستنيكي تقولي
جميله بضحك: ماشي ي اخوياا روح
كانوا بيهزروا ويضحكوا تحت نظرات جاسر الي كان متعصب وعبد الرحمن الي كان بيبص ل سلمي باعجاب
بعد وقت خلصوا اكل وجميله مكالتش ولا جاسر كمان في الاخر طلعت جميله مع رنا اوضتها بعد ماورت سلمي وجوري اوضتهم ،وجاسر طلع هو واياد ،وعبد الرحمن هو واسر

💖💖💖💖💖💖💖💖
عند جميله ورنا
دخلت جميله خدت شاور ولبست بجامه مريحه وخرجت
رنا بامتنان: بجد شكرا جدا انك مقولتيش ع حاجه
جميله بابتسامه : العفوا ، بس انا بردوا عايزه افهم مين دا وليه انتي نزلتي في وقت زي دا
رنا بحزن : دا كان بيحبني او بمعني اصح مثل علياا الحب كان عايزني ومثل علياا الحب عشان شهواته ولما حاول النهارده انا اتعصبت عليه وزقيته وجريت لكن هو جري ورايا وبعد كدا الي انتي شوفتيه حاول معايا بس الحمدلله انتي جيتي في الوقت المناسب وانقذتيني
جميله بحنان: خلاص اهدي الحمدلله اني جيت ومتقلقيش هو وقع في ايدي وانا مش هسيبوا ابدا

رنا بحب : انتي طيبه اوووي انا حبيتك جدا
جميله بتنهيده: انتي اطيب بس بلاش تقولي طيبه دي عشان مبحبهاش
رنا باستغراب : مش بتحبي كلمه طيبه
جميله : ايوا مش بحبها لاني مش طيبه و عمري ما هبقي طيبه زي ماما ابدا ،امي كانت طيبه وبتثق في الناس بسهوله وبسبب دا اتوجعت واتجرحت كتير وانا عمري ما هثق في حد ،عرفتي بقاا ليه مش بحب كلمه طيبه
رنا : بس صوابعك مش زي بعضها يعني مش كل الناس وحشه
جميله : وبردوا مش كل الناس حلوه
رنا : دي هتتوقف عليكي انتي الي تكتشفي الخبيث من الطيب
جميله : بس انا مش عايزه اكتشف كفايه علياا اني بثق في امي وابوياا وسلمي وجوري واياد واسر ثما كملت بنعاس : انا عايزه انام يلا تصبحي ع خير
رنا : وانتي من اهله
💖💖💖💖💖💖💖💖💖
تاني يوم الصبح عند جميله صحيت بدري خدت شاور ولبست

وخرجت تجري شويه لكن وقفها صوت
: ع فين ي حضره الظابط
لفت جميله لمصدر الصوت
جميله ببرود: اديك قولت ي حضره الظابط يعني مش ي مراتي ،يعني ملكش دعوه اروح فين
جاسر بغضب: لا لياا انتي خارجه من دوار العمده يعني لازم اعرف رايحه فين باللبس المسخره دا ،متنسيش اننا في الصعيد مش في مصر يعني خلجاتك دي ميصحش
جميله ببرود: والله دي حاجه متخصكش ، ثم اكملت بسؤال ،هو اياد صحي
جاسر ببرود: والله دي حاجه متخصنيش
جميله بغضب : ماشي
اتجهت جميله ناحيه غرفه جاسر لتيقظ اياد لكن مسكها جاسر من ايديها بقوه
جاسر بحده: انتي رايحه فين
جميله بغضب: هشوف اياد صحي ولا لا
جاسر بحده: اولا مينفعش تدخلي الاوضه ع شاب وهو نايم ،ثانياا دي اوضتي انا يعني بردوا متدخليهاش
جميله بسخريه: ليه هدخل الجنة ولا حاجه
جاسر : ملكيش دعوه
جميله بتحدي : تمام وانا هدخلها
جاسر بتحدي اكبر : تمام ادخليها بس مش هتخرجي ساعتها منها
جميله بتحدي: انا مبتهددش والي عندك اعملوا
دخلت جميله اوضه جاسر وكان اياد مش موجود جت تلف عشان تخرج لقت جاسر قفل باب الاوضه بالمفتاح
جميله باستهزاء: فاكر كدا مش هعرف اخرج ماشي
جت فكره شيطانيه في دماغها وهي طلعت هدوم جاسر كلها وحطتها في البانيو وفتحت عليهم المايه لحد مااتغرقوا بعد كدا دخلت البلكونه نطت ع البلكونه في الاوضه التانيه بتاعت رنا وطلعت منها ونزلت ع تحت كان موجود وعبد الرحمن اسر واياد ورنا وسلمي وجوري و العمده وجاسر كان بيبصلها بتحدي واستغرب انها بتبتسم يعني مش متعصبه ولا حاجه ،وراحت قعدت ملقتش مكان غير جنب جاسر ، قعدت وهو قرب منها وهمس
جاسر بخبث: كنت عارف انك هتنطي من البلكونه بس اوعدك المره الجايه هقفلها عشان متخرجيش خالص
جميله بخبث مماثل وهي تهمس: ان شاء الله
جاسر استغرب ابتسامه الي ع وشها وحس ان فيه حاجه طلع اوضته لقاا الدولاب فاضي خالص استغرب وفضل يدور عليهم وفي الاخر دخل الحمام ولقاهم في البانيو متغرقين
جاسر بغضب: اه ي بنت ال والله ما هسيبك
نزل جاسر بغضب تحت وراح ناحيتها ومسك ايديها بقوه
جاسر بحده وغضب: انتي ازاي تتجرأي وتعملي كدا في هدومي
الكل كان واقف مش فاهمين هو يقصد اي
جميله ببرود:اولا نزل ايدك ،ثانيا هو انا دخلت اوضتك اصلا
جاسر عرف انها بتوقعه في الكلام عشان يقول انو حبسها في الاوضه
جاسر بغضب : بقاا كدا ماشي
العمده: في اي ي جاسر مال هدومك ي ابني وبعدين هي اي الي هيدخلها اوضتك
جميله ببرائه: قوله ونبي ي عمو انا هدخل اوضته ليه اصلا
جاسر بغضب: عشان تصحي اياد
جميله بابتسامه خبث : طب ما ااياد صاحي اصلا ،وبعدين ي ابن حضره العمده الي المفروض من الصعيد هو اللبس بتاعي مينفعش في الصعيد وينفع مسكتك دي ولا اي

جاسر ساب ايديها بغضب وسابها وخرج بره الدوار خالص
اسر باستغراب : انا مش فاهم حاجه هو في اي
جميله : متاخدش في بالك المهم انا هخرج دلوقتي اجري شويه تكونوا انتوا جهزتوا لان هنلف البلد كلها انهارده واعملوا حسابكوا مفيش نوم لان الحوادث كلها بتحصل بليل خصوصا ان البلد بتنام من بدري فا هنكون متفرقين في كل مكان في البلد
الكل : تمام
خرجت جميله تجري شويه وكانت نظرات الستات والرجاله متابعينها فيه الي باعجاب ع جمالها وفيه بكسوف ع لبسها الي بالنسبالهم مسخره فضلت تجري وبعد ساعتين رجعت وطلعت خدت شاور ولبست

كان الكل جهز وخرجت جميله
جميله بأمر : انا هروح القسم اشوف الراجل الي مسكناه امبارح ممكن يكون هو ليه يد في قضيه الاغتصاب الي حصلت هنا وانتوا زي مااتفقنا هتتوزعوا ع البلد كلها المخارج قبل المداخل وتعرفوا الاماكن الي مفيهاش ناس كتير يعني الرجل فيها قليله دي الي بتكتر فيها الحوادث وانا هخلص وهتابع معاكوا
الكل : تمام ي فندم
العمده ومراتوا كانوا بيبصولها باعجاب ع شجاعتها وقدرتها ع اعطاء الاوامر وتنفيذ كلامها
خرجت جميله ركبت الموتسيكل وراحت القسم
جميله للعسكري : هات الراجل الي جيه هنا امبارح
العسكري : حاضر ي فندم
خرج العسكري ودخل ظابط
ظابط : مساء الخير اكيد انتي الظابط الجديد مش كدا
جميله : اكيد
الظابط: انا مازن ظابط هنا بردوا
جميله : اهلا ي استاذ مازن
ظابط : متعرفتش بيكي
جميله : اسمي جميله
مازن باعجاب : اسم ع مسمي فعلا
جميله بجديه: نعم
مازن بتوتر:اسف انا بمدح فيكي بس
جميله بجديه: لا شكرا انا جايه هنا شغل مش عشان مدح وذم
في اللحظه دي دخل العسكري وهو ماسك الراجل
جميله : تمام ممكن حضرتك تسبني عشان تشوف شغلي
مازن : اه طبعا عن اذنك
خرج مازن والعسكري
جميله بجديه : حسن عبدالله الشواف ،السن ٢٦سنه ،عندك ٣ بنات وانت الشاب الوحيد ،مامتك متوفيه ،مهنه الاب :صاحب كشك صغير ع قدوا ، معلومات صح مش كدا

حسن بتوتر : اه صح
جميله بجديه: تمام مش هسالك عملت كدا ليه لان دا ملوش غير اجابه واحده انك واحد زباله بيجري ورا شهواته ونزواته

حسن بدفاع: لا حضرتك انا مش كدا ،انتي زي ماقولتي ابويا صاحب كشك صغير ودا يدوب بيكفي مصاريف اخواتي  فا مش معايا اتجوز

جميله بغضب: دا مش عذر هو اي واحد معهوش فلوس يتجوز يروح يغتصب ،مفكرتش ان ممكن دا يحصل لحد من اخواتك ساعتها كان هيبقي موقفك اي ،ابوك دلوقتي موقفه اي لما يعرف ان ابنو زباله كدا
حسن بسرعه: لا ونبي كلوا الا ابويا دا لو عرف ممكن يروح فيها

جميله بغضب: وانت مفكرتش في ابوك ليه قبل ما تعمل كدا ،مفكرتش ليه في ابو البنت لو عرف هيعمل فيك اي
حسن بندم: انا فعلا ندمان ع الي عملتوا
جميله : وندمك دا مش هيفيد بحاجه انت لازم تكون عبره لاي حد يفكر يعمل كدا

ندهت جميله ع العسكري خد حسن بعدها خرجت ركبت الموتسيكل وراحت بيت العمده طلعت الاوضه جهزت نفسها وخرجت بره الاوضه في نفس اللحظه خرج جاسر وهو بيبصلها بغضب
جاسر بغضب : هحاسبك ع الهدوم الي بهدلتيها دي
جميله ببرود: والله دي غلطتك انت الي فكرت تلعب معايا انا فا طبيعي هتخسر
جاسر بتحدي: لما نشوف مين الي هيخسر في الاخر
جميله ببرود: مش محتاجه اشوف لاني عارفه انت الي هتخسر لاني عمري ما خسرت
جاسر بتحدي: هنشوف
في اللحظه دي جت الخادمه
الخادمه: ستي بتقولكوا يلا عشان الوكل جاهز
جميله باستغراب : هو مين دا الي جاهز
جاسر بضحك : ههههههههههه بتقولك الاكل جاهز
جميله بغضب: وانت بتضحك ع اي ،انا لسه مخدتش ع اللغه بتاعتكوا
جاسر : والله احنا لغتنا عربي مش هيروغليفي عشان تحتاجي تترجميها
جميله تجاهلتوا ونزلت وهو اتعصب جدا ،دخلت غرفه الطعام وقعدت ع السفره وكان الكل متجمع ورنا وعبد الرحمن باصينلها بقلق ودخل جاسر
جاسر بغضب: انتي اي الي مقعدك هنا دا مكاني
جميله بسخريه: ليه كاتبوا باسمك وانا معرفش ،والله انا نزلت ولقيتوا فاضي شوف انت اي مكان تقعد فيه
الاب : خلاص ي جاسر اقعد في الكرسي الي جنبه مش هتفرق
جاسر بغيظ : ماشي
بصتلوا جميله بانتصار وهو بيبصلها بغضب وراح قعد وزقها وهو ماشي
جميله بتمثيل الزعل : يعني يرضيك كدا ي عمو يزقني وانا باكل
الاب بحنان: لا ي حبيبتي ميرضنيش ابدا ثم اكمل بحده ل جاسر : احترم نفسك ي جاسر
جاسر بغيظ : ماشي
جاسر ل رنا : رنا ممكن تناوليني كوبايه مايه
رنا وهي تعطيه كوب مايه : اتفضل ي حبيبي
خد جاسر كوبايه المايه وشرب شويه وحطها جنبوا من ناحيه جميله وعمل نفسوا مش واخد بالو وووقعها ع جميله والكل اتفاجئ
سلمي وجوري بهمس: ربنا يستر
اسر بهمس لاياد:انا مش متفائل
اياد بهمس : ولا انا
جميله بغضب : اي الي انت عملتوا دا
جاسر ببرائه: مخدتش بالي
الاب بحده: مش تاخد بالك ي جاسر اي قله الادب دي
جاسر ببرائه: مكنش قصدي ي بابا
خلص الاب الا كل وطلع اوضته والام طلعت وراه اتبقي جميله وجاسر ورنا وسلمي وجوري وعبدالرحمن واسر واياد
جميله بهدوء : جاسر
جاسر استغرب هدوئها وانها بتتكلم عادي من غير عصبيه
جاسر : نعم
جميله بابتسامه: انت دلقت علياا المايه من غير ما تقصد صح
جاسر بخبث : اه
جميله بخبث : انا بقاا اقصد
دلقت جميله عليه المايه والكل اتفاجئ بفعلتها الجريئه وهي ابتسمت بانتصار وخرجت بره الاوضه وجاسر ملحقش يتصدم من فعلتها اتعصب جامد وتحولت عيناه للون الاسود الشديد وبرزت عروقه من كتر الغضب وقام خرج بره الاوضه ولحقها ع السلم مسكها جامد من ايديها
رنا  ل عبدالرحمن: واضح ان فيه معركه هتبدا دلوقتي
عبدالرحمن  : تعالي نلحق لحسن يقتلها
خرجوا كلهم ورا جاسر

عند جاسر مسك ايديها بقوه كانت هتقع لكن مسكت نفسها
جاسر بغضب: انتي قد الي عملتيه دا
جميله بتحدي: طبعا قدوا والا مكنتش عملتوا
جاسر بتحدي : وانا بردوا قد الي هعملوا دا
شالها جاسر وسط صراخها وضربها فيه وطلع الاوضه بتاعته وقفل بالمفتاح
جميله بغضب : اي الي انت عملتوا دا
جاسر بتحدي: نفس الي انتي عملتيه
جميله بتحدي : تمام
مسكت جميله فاظه جنبها ورمتها عليه لكن هو تفاداها
جاسر بدهشه: ي بنت المحنونه
جميله بغضب : كمان بتشتم امي ،ماشي
مسكت فاظه تاني ورمتها عليه واي حاجه تلاقيها قصادها بترميها عليه وهو بيتفاداها وراح ناحيتها بغضب وهي لسه هتضربوا بالبوكس لكن هو مسك ايديها جامد وهي ضربتوا ع رجله وقع ع الارض
جميله بتحدي: احسن عشان بعد كدا تعرف انت بتتعامل مع مين
شدها جاسر ووقعت فوقيه
جاسر بتحدي: انا عارف كويس اووي انا بتعامل مع مين شكلك انتي الي متعرفيش انتي بتتعاملي مع مين

في اللحظه دي سمعوا خبط جامد ع الباب حاولت تقوم لكن هو ماسكها جامد
جميله بغضب: سيبني عشان ميدخلوش ويلاقوك مضروب ساعتها شكلك هيبقي وحش
جاسر باستهزاء: ومين بقاا الي هيضربني انتي مثلا
جميله وهي تنظر حواليها: والله مفيش حد في الاوضه غيري
رجع الخبط تاني ضربتوا جميله في بطنو وهو سابها وهو يمسك بطنوا وهي قامت فتحت الباب
دخلوا الاوضه وكانت متبهدله وكل حاجه متكسره
كانوا متوقعين ان جاسر قتلها لكن حصل العكس ولقوا جاسر هو الي مضروب وواقع ع الارض
الاب بصدمه: اي دا
اسر واياد: هو كان فيه حرب ولا اي
سلمي وجوري : اي الي حصل دا
جميله بتمثيل الزعل : يعني يرضيك كدا ي عمو ابن حضرتك حاول يتهجم علياا وانا فضلت اقولوا عيب ي جاسر انا ضيفه هنا مينفعش ،وهو مسمعنيش خالص فا قاومتوا وحصل الكسر دا
خلصت جملتها واترمت في حضن مامتوا وهي بتمثيل العياط وهو كان واقف مصدوم ومحدش صدقها لانهم عارفين جميله وكمان شايفين جاسر هو الي مضروب
الاب بحده: انا ربيتك ع كدا ي جاسر ،ربيتك تتهجم ع بنات الناس كدا ، انت عارف ان دول ضيوف عندنا وفي حمايتي انا ،تقوم انت عامل كدا
جاسر بغضب: البت دي كدابه انا ملمستهاش اصلا
جميله بتمثيل الدموع: ربنا يسامحك انا مش هرد عليك عشان محترمه باباك ومامتك
الاب بحده: انت تخرس خالص كمان بتغلط وانا واقف ، لو بتحبها ي جاسر قولي وانا اطلبهالك من باباها لكن تعمل كدا انا مش هسمحلك ابدا
جاسر بغضب : احب مين ،انا احب دي ،دا انا احلي منها
جميله بغضب : انت احلي مني انا هو انتوا معندكوش مرايه في البيت تشوف نفسك وبعدين انت شايفني ميته في دباديبك دا انا اطيق العمي ولا اطيقك انت
جاسر بغضب: بت انتي احترمي نفسك انا لحد دلوقتي محترم وجود ابوياا وامي
الاب بغضب: خلاص مش عايز اسمع نفس يلا كل واحد يروح اوضته
خرج الاب والام وراه وجميله بصتلوا بغضب وخرجت وخرج وراها سلمي وجوري ورنا وفضل اسر واياد وعبد الرحمن
عبد الرحمن: جاسر انت فعلا حاولت تتهجم عليها
جاسر بغضب: انت بتقول اي ي عبدالرحمن انت تعرف عني كدا ،
عبدالرحمن : انا كنت بتاكد بس
جاسر بوعيد: اقسم بالله ما هسيبها
خرج جاسر بغضب بره البيت خالص وجميله خدت شاور ولبست

نزلت خبطت ع اوضه مكتب العمده وهو اذنلها بالدخول
العمده: اتفضلي ي بنتي
جميله : انا كنت عايزه حضرتك في موضوع
العمده: اتفضلي ي بنتي
جميله : انا قبل مااجي هنا بابا قالي ان فيه تار هنا ممكن اعرف بين مين ومين وكمان محتاجه اعرف امتي بدا الحوادث دي
العمده بتنهيده: التار بين عيله الشناوي وعيله العميري وسبب العداوه بينهم ابنهم مراد ابن عيله العميري ،كان مراد ومنير صحاب جدا بس بسبب خناقه مراد قتل منير ومن ساعتها بقا فيه بينهم تار لكن عيله الشناوي مش قادرين يوصلوا ل مراد دا عشان بعد ما حصل التار شدوا الحراسه جامد اوووي فا عيله العميري هي الي بتعمل كل الحوادث دي عشان يلبسوها لعيله الشناوي وكمان عشان انا بساند عيله الشناوي فا عملوا الحوادث دي عشان يبينوا الناس اني مستحقش اني اكون عمده
جميله : وازاي مقبضوش ع مراد دا
العمده: لان محدش اتهموا بحاجه عشان ياخدوا بتارهم
جميله: يعني عيله العميري هي الي ورا الحوادث دي كلها
العمده: بالظبط
جميله : تمام انا كدا فهمت كل حاجه بس كنت عايزه اطلب طلب
العمده: اتفضلي ي بنتي
جميله : كنت عايزه حضرتك تتفق مع العيلتين يتجمعوا كلهم وانا ان شاء الله هحل التار دا
العمده: مش هتقدري ي بنتي احنا حاولنا كتير
جميله : جمعهم بس حضرتك وانا هقدر ان شاء الله وكمان عشان اقدر اعرف مين بالظبط الي عمل كل الحوادث دي ماانا اكيد مش هقبض ع العيله كلها
العمده: ماشي ي بنتي الي تشوفيه
جميله : تمام عن اذن حضرتك
خرجت جميله
ونزلت كان سلمي وجوري واسر واياد مستنينها
جميله بجديه: جاهزين
الكل : اه
جميله بجديه: كل واحد معاه السماعه هنتابع مع بعض دأيما لو حسيتوا بأي حركه غريبه تقولوا
الكل : تمام
جميله بجديه: تمام يلا
خرجوا كلهم وكل واحد ركب الموتسيكل بتاعوا واسر ركب عربيته وكل واحد راح لاتجاه
💖💖💖💖💖💖💖💖💖