رواية احببت عنادك... بقلمي/هاجر هشام الفصل الثالث وستون 63 - بقلم Hagar Hešhàm

عند جميله وباقي الفريق لفوا البلد كلها
جميله وهي تتحدث عبر السماعات: في اي حاجه غريبه عندكوا
سلمي : لا انا معنديش حاجه البلد فاضيه خالص الناس بتنام من بدري
جميله : كدا يبقي هما عارفين بوجودنا واختفوا شويه
اياد: طب كدا هنعمل اي
جميله : هننسحب دلوقتي خلاص وهنختفي شويه هنخليهم يعرفوا اننا انسحبنا من المهمه ساعتها هيبداوا يظهروا هما
اسر : بس كدا هيشكوا اننا انسحبنا من تاني يوم معقوله هيصدقوا
جميله : ايوا هيصدقوا باللي هعملوا بكره هيصدقوا
جوري باستغراب: هتعملي اي بكره
جميله : هتعرفوا بكره ،المهم دلوقتي يلا عشان هنرجع
كل واحد ركب الموتسيكل وقفلوا الاتصال واتحركوا
وجميله جالها مكالمه من باباها ردت وهي بتسوق
جميله بابتسامه: عامل اي ي حبيبي
اسر : الحمدلله ي حبيبتي وانتي عامله اي
جميله : الحمدلله كلوا تمام ،اخبار جوجو اي
اسر بضحك: ي بت لمي نفسك في واحده تقول لمامتها جوجو وبعدين جوجو دي بتاعتي انا
جميله بابتسامه: ايوا ي عم الله يسهلك بقاا ،باعتني انا الصعيد وانت هايص
اسر بدهشه: هايص ،يخربيت ملافظك ،امشي ي جميله انا غلطان اني كلمتك اصلا
جميله بضحك: ههههههههههه خلاص  ي حبيبي بهزر ،المهم فين مامتي حبيبتي عايزه اكلمها وحشتني
هاجر خدت منو الفون
هاجر : ازيك ي جوجو وحشتيني اوووي
جميله : وانتي كمان وحشتيني ي ماما عامله اي
هاجر : الحمدلله ي قلبي ،طمنيني عليكي اخبار الصعيد اي عملتي اي لحد دلوقتي اكتشفتي حاجه
جميله حكتلهم الي حصل من اول ما وصلت لحد دلوقتي ماعدا موضوع جاسر
اسر بمزاح: مبضيعيش وقت انتي اول ماروحتي قبضتي ع واحد
جميله بمزاح: عيب عليك احنا جامدين بردوا
اسر : بس انا شاكك في مازن دا
جميله : وانا بردوا خصوصا ان هو الظابط الوحيد هنا ازاي عايش لحد دلوقتي وازاي سايب الجرايم دي كلها تحصل اكيد متعاون مع عيله العميري

اسر بتذكر : انا سمعت الاسم دا قبل كدا
جميله باستغراب: اسم اي
اسر : اسم العيله دي انا سمعتوا قبل كدا
جميله : ممكن تكون سمعتوا من خلال ملف القضية والتار
اسر : ممكن فعلا
هاجر : المهم خلي بالك من نفسك ي حبيبتي
جميله : حاضر ي ماما
اسر : سلمي وجوري واسر واياد عاملين اي
جميله: الحمدلله كويسين
اسر : صح انتي ليه طلبتي ان العيلتين يتجمعوا
جميله : انا جمعت معلومات عن العيلتين وعرفت ان عيله العميري عندهم ولد وبنت في سن جواز وعيله الشناوي عندهم ولدين وبنتين بردوا في سن جواز فقولت لو اتنين من عيله العميري يتجوزوا اتنين من عيله الشناوي كدا التار هيخلص وساعتها اشوف لو الحوادث وقفت يبقي كدا مهمتي خلصت لكن لو الجرايم لسه مستمره يبقي كدا فيه طرف ثالث في الموضوع وهو لابس التهم في العيلتين او فيه عداوه بينه وبين العمده عشان يسؤا سمعته ويخلي اهل البلد يثوروا عليه عشان هو الي يبقى العمده

اسر بفخر : حقيقي انا فخور بيكي ي حبيبتي واتاكدت اني كنت صح لما وافقت انك تمسكي المهمه دي وانا عارف انك قدها

جميله بمزاح: تلميذتك ي باشاا
اسر بثقه: انتي اثبتي انك فعلا تلميذتي وبنتي
في اللحظه دي وصلت جميله البيت ودخلت وهي بتكلم باباها كان البيت ضلمه وكلوا نايم
اسر : وصلتي البيت
جميله : ايوا ي حبيبي وصلت
طلعت جميله ودخلت اوضه رنا عشان تاخد هدومها وتروح الجناح الشرقي واتفاجات بهدومها كلها متقطعه
جميله بصدمه وغضب: اي دا
اسر باستغراب : في اي ي حبيبتي
جميله وهي تكتم غضبها : مفيش ي بابا انا بس استغربت ان سلمي والباقي لسه مجوش
اسر : زمانهم جايين دلوقتي
جميله : ماشي ي بابا معلش انا هقفل عشان اشوفهم
اسر : ماشي ي حبيبتي تصبحي ع خير
جميله : وانت من اهله ي حبيبي
قفلت جميله مع باباها وخرجت بره وهي متعصبه جدا لكن اتفجاءت بحد بيشدها
جاسر بخبث : عجبتك المفاجاه
جميله بغضب: انت الي عملت كدا
جاسر بخبث : ايوا انا قولتلك هاخد حقي من الهدوم الي غرقتيها
جميله بتحدي : ماشي انت الي بدات متزعلش بقاا في الاخر
جاسر ببرود: متقلقيش مش هزعل
حاولت تضربه بالبوكس لكن مسك ايديها
جاسر بتحدي: لا ي حلوه مش كل مره هسكتلك
داست جميله ع رجلوا بقوه وبصتلوا بتحدي ودخلت الاوضه
جاسر بغضب والم: ماشي ي جميله
عند جميله خدت هدوم من عند رنا ودخلت خدت شاور ولبست بجامه مريحه وخرجت سمعت صوت اسر واياد عرفت انهم جم خرجت ليهم
جميله بجديه: كل دا تاخير كنتوا فين
اسر: ع مااتجمعنا وجينا متاخرناش اووي
جميله : ماشي كل واحد يروح ياخد شنطته ويطلع ع الجناح الشرقي كل واحد ليه اوضه ، وسلمي معلش كنت عايزه طقم من عندك لحد مااروح اشتري هدوم بكره
سلمي باستغراب: تشتري هدوم ليه ماانتي معاكي هدوم
جميله بغيظ : هدومي اتقطعت ومتسالونيش ازاي لاني معرفش
سلمي : خلاص ماشي ،خلينا نطلع بقاا عشان انا هموت وانام
اسر :اه والله وانا عايز انام
اياد بنعاس :وانا كمان
جميله : خلاص اطلعوا ناموا
جوري : وانتي مش هتنامي
جميله بخبث : هنام
طلعوا كل واحد خد شنطتوا وطلعوا الجناح الشرقي كل واحد اختار اوضه ودخل خد شاور وخرج كلم اهلوا واطمن عليهم وناموا وجميله راحت اوضه جاسر وهي تنوي فعل شئ وهو كان نايم اتسحبت ونفذت خطتها وخرجت ع طول وطلعت اوضتها
جميله بتحدي: عشان تبقي تتحداني تاني
ونامت وهي تبتسم بشر
💖💖💖💖💖💖💖💖💖
تاني يوم الصبح صحيت جميله خدت طقم من سلمي ودخلت خدت شاور ولبست

ووخرجت
💖💖💖💖💖💖💖💖
عند جاسر صحي لقي ايدو مربوطه واول ماشد ايدو وقع عليه جردل بويه في اللحظه دي سمع صوت ضحك جامد
جميله بضحك: هههههههههههههههه بجد منظرك يضحك اووووي ههههههههههه ثم اكملت بتحدي : كدا انا خدت حقي دا قصاد الهدوم الي قطعتها
جاسر بغضب: والله ما هسيبك ،انتي الي جبتيه لنفسك
جميله بتحدي: بالعكس انت الي جبتوا لنفسك قولتلك انت مش قدي ثم اكملت ببرود : يلا باااي بقاا اسيبك مع جردل البويه ههههههههههه
خرجت جميله وهو يتوعد لها بغضب قام فك ايدو ودخل خد شاور مكان البويه  وبعد وقت خرج
💖💖💖💖💖💖💖
عند يوسف في الشركه
(يوسف ابن حازم ومي  عشان لو نسيتوا واخو جوري )
كان قاعد في المكتب ودخلت السكرتيره
السكرتيره: يوسف بيه حازم باشا عايز حضرتك عشان فيه اجتماع دلوقتي
يوسف بجديه: تمام روحي انتي ي رحاب
رحاب : حاضر ي فندم
خرجت رحاب وقام يوسف راح مكتب حازم الي فيه الاجتماع وكان موجود العملاء والمهندسين وهاجر مديره الحسابات
يوسف بجديه: سلام عليكم
الكل : وعليكم السلام
حازم بجديه: اقعد ي يوسف
قعد يوسف وبدا الاجتماع
حازم بجديه: هاجر كنت عايزه تدرسي الحسابات دي كويس اووي عايز اعرف كل حاجه عن الصفقه دي
هاجر بجديه: تمام حضرتك بكره هيكون عند حضرتك ملف كامل بالحسابات كلها
حازم : ياريت يكون قبل كدا
هاجر : حاضر هحاول
يوسف بغضب: مفيش حاجه اسمها هحاول احنا ملتزمين بوقت محدد مش بنلعب
هاجر بغضب: وانا قولت هحاول اعمل بدري ولو حضرتك مش عاجبك تقدر تشوف الحسابات وتعملها انت بنفسك وشوف هتاخد معاك قد اي
حازم بحده: في اي ي يوسف انت بتدخل ليه اصلا انا موجود وانا الي بتكلم معاها
يوسف بغضب: بس احنا المفروض ملتزمين بوقت يعني لازم هي تعمل الحسابات بسرعه
هاجر بغضب: وانا قولت لحضرتك ان الصفقه مش سهله ومحتاجه دراسه شامله في الحسابات عشان ميحصلش غلط
حازم : خلاص ي هاجر هو ميقصدش المهم شوفي هتاخدي وقت قد اي وعرفيني عشان المعاد الي هتقوليه دا الي هيتوقف عليه باقي الصفقه

هاجر : حاضر ي فندم عن اذن حضرتك
خرجت هاجر وباقي العملاء والموظفين وفضل حازم ويوسف
حازم بحده: ممكن اعرف اي الي انت عملتوا دا
يوسف بغضب: بابا انت عارفني مش بحب كلمه هحاول دا شغل والصفقه كبيره ومينفعش نتاخر عشان مديره حسابات بتقول هحاول

حازم بغضب: انا قولتلك في الشغل مفيش حاجه اسمها بابا ، انا هنا مدير الشركه بابا دي في البيت ثم اكمل بتحذير وتاني مره اوعي تزعق لموظفين عندي فاهم
يوسف وهو يكتم غضبه: فاهم ي فندم عن اذنك
خرج يوسف
حازم بغضب: انا مش عارف الواد دا طالع عصبي لمين
💖💖💖💖💖💖💖💖
عند جميله نزلت تفطر وكان الكل متجمع ع السفره وبعد وقت نزل جاسر وهو بيبصلها بغضب وهي مبتسمه بانتصار
العمده: انا كلمت عيله العميري وهما وافقوا وعيله الشناوي بردوا وهيتجمعوا انهارده بعد صلاه المغرب هنا عندي في البيت
جميله بجديه: تمام كويس جدا وانا هروح مشوار وان شاء الله هاجي قبل المعاد ثم وجهت كلامها لاسر واياد وجوري وسلمي : وانتوا بردوا اجهزوا لان هتكونوا موجودين

جاسر بغضب: هي حفله مين الي هيكون موجود دي قاعده رجاله اي الي يقعدكوا انتوا ثم وجه كلاموا للباباه: وبعدين احنا من امتي ي بابا بنقعد حريم وسطينا

جميله بحده: اولا دي حاجه متخصكش ولو مش عايز متحضرش عادي مش هتفرق وبعدين دا شغلي يااريت متدخلش فيه

جاسر بغضب: لا هحضر ملكيش دعوه

العمده: خلاص ي جاسر دا شغلها وهي ادري بيه
جاسر بغضب: يعني انت موافق ي بابا
العمده: ايوا موافق
جميله بانتصار : ياريت بقاا تخليك في حالك
جاسر بصلها بغضب وخرج
سلمي بهمس ل جميله :خفي شويه ع الواد هيقتلك
جميله بهمس: بسيماما ميقدرش اصلا
جميله : سلمي وجوري انتوا هتيجوا معايا هشتري لبس
سلمي وجوري : ماشي
جميله : اسر واياد انتوا عايزاكوا في مهمه كدا
اسر : مهمه اي
جميله : انا شبعت لما تخلصوا اكل حصلوني ع بره وهقولكوا اي المهمه

خلصوا اكل وخرجوا
جميله بأمر : اسر انت عايزاك تروح بيت العميري تراقب العيله وهي خارجه وانت ي اياد نفس الكلام مع عيله الشناوي وكمان عايزكوا اول ما يوصلوا هنا اي حد معاه سلاح يتاخد منو دا بأمر مني مفهوم

اسر واياد: مفهوم
راح اسر واياد ينفذوا الي قالتوا وجميله وجوري وسلمي راحوا مول في الصعيد وجابوا لبس ورجعوا قبل صلاه المغرب طلعت جميله خدت شاور ولبست

كانوا وصلوا وقعدوا واضايفوا كمان نزلت جميله بكبرياء وقوه
شخص باعجاب ونظرات وقحه  : ي ابووووي هو فيه كدا ،دا الداخليه احلوت اوووي
جميله بحده: ياريت نركز في الموضوع الي جايين عشانوا عشان مخلكش تشرف في الحبس عشان تشوف حلاوه الداخليه كويس
مراد بحده: انتي ازاي تتكلمي معايا كدا ي بت انتي ،انتي متعرفيش انا ابقاا مين
جميله ببرود: مراد العميري السن ٢٨ سنه مش بتشتغل وعايش ع فلوس ابوك فيه حاجه تاني لسه معرفهاش

الكل بصلها باعجاب ع قوتها وجرائتها ومراد بصلها بغضب وغيظ
مراد بغضب: اي ي حضره العمده انت جايبنا هنا تهزقنا ولا اي يعني ياخدوا مننا الاسلحه بره وقولنا ماشي لكن نتهزق جوه كمان

جميله بحده: والله الاسلحه اتاخدت لانك داخل بيت العمده يعني ميدخلوش سلاح وبالنسبه للتهزيق فا دا كان رد ع كلامك لكن لو انت شايفوا تهزيق يبقي حلال عليك

مراد بصلها بغضب وسكت
جميله بجديه : ودلوقتي نتكلم في المهم انا طلبت انكوا تتجمعوا العيلتين هنا عشان نوقف التار دا كفايه دم لحد كدا مش كل يوم يموت واحد من عندكوا عشان تار ثم وجهت كلامها لكبيره  عائله الشناوي ( اسموا مدحت): حضرتك تقدر تستغني عن ولادك ويموتوا عادي واحد ورا التاني كل يوم بسبب التار
مدحت : لا مجدرش ابدا بس هما الي بدائوا
جميله : تمام وانتوا بردوا مسكتوش
جميله وهي توجه كلامها ل كبير عائله العميري وهو عمران : وحضرتك تقدر تستغني عن ولادك
عمران : لا مجدرش بس هو مهيسكتش
جميله بجديه: تمام احنا كدا حلينا نص المشكله ،طالما انت متقدرش وهو ميقدرش يبقي فيه حل واحد هيحل التار ومش هيخلي حد يقرب لتاني
مدحت وعمران: حل اي دا
جميله بجديه: مراد العميري يتجوز فاطمه الشناوي ،وحياه العميري تتجوز ياسين الشناوي و كدا يبقي التار اتحل

مراد بغضب: انتي بتقولي اي ،وهو ع اخر الزمن واحده تيجي تأمرني وتخليني اتجوز غصب عني

جميله ببرود: انت لو منفذتش دا هتتحبس بتهمه قتل منير وغير الجرايم الي حصلت كلها

مراد بغضب: مش هتقدري لان مفيش دليل واحد علياا

جميله بجديه: متاكد ان مفيش دليل

مراد بتوتر: انتي قصدك اي

جميله ببرود: مش قصدي حاجه بس هو دا الحل وبعدين مش انت ومنير كنتوا اصحاب يعني اكيد لسه جواك ولو شويه طيبه انك توافق ع الحل دا عشان تعيشوا في سلام بدل ما انت حابس نفسك وخايف تطلع لتتقتل

مراد بغضب : انا مبخافش من حد ،وانا موافق بس مش عشان خايف لا عشان اكدلك اني مش ناوي ع الشر

جميله : تمام وحضرتك رايك اي
مدحت : انا موافق
عمران : وانا كمان موافق
جميله : كدا يبقاا اتفقنا الفرح الخميس الجاي مناسب لحضراتكوا ومتقلقوش كل حاجه هتكون جاهزه وانا هشرف ع دا بنفسي
مدحت وعمران: مناسب ي بنتي

العمده وجاسر واسر واياد مذهولين انها قدرت تحل تار زي دا في غمضه عين وبسهوله كدا وكمان كلهم وافقوا

سلمي بهمس ل جوري : ههههههههههه جميله مش سهله بردوا شوفتي قدرت تحل التار بسهوله وذكاء ازاي
جوري بهمس: عندك حق فعلا انا مصدومه ازاي قدرت تخلي الكل يوافق سبحان الله

العمده طلع غداء للعيلتين
جميله : دلوقتي ناكل كلنا مع بعض عشان يبقي عيش وملح وننسي الزعل وكل حاجه
قعدوا كلهم كلوا العيلتين وجميله وباقي الفريق معاها وجاسر وعبد الرحمن والعمده معاهم
وبعد وقت خلصوا اكل وقعدوا ساعتين ومشيوا بعديها

العمده بدهشه: انتي ازاي قدرتي تحلي المشاكل الي بينهم بسهوله كدا دا احنا حاولنا كتير ومقدرناش

حميله بهدوء : كان لازم استغل حب الاب لابنو الاول وانوا ميقدرش يستغني عنو عشان تار تافهه عشان كدا سالتهم في الاول قبل مااقرر موضوع الجواز

جاسر بغضب: وانتي ازاي تقرري موضوع جواز كدا افردي هما مش عايزين هتجوزيهم بالعافيه مش يمكن ميبقوش مبسوطين مع بعض

جميله ببرود: انا ممكن ارد عليك واقولك ملكش دعوه ،بس انا هقولك اولا انا جمعت معلومات كافيه عنهم كلهم اول ما عرفت ان مراد كان صاحب منير وعرفت ان مراد كان بيحب فاطمه جدا بس بسبب التار بعدوا عن بعض بس هو عمل الشويتين دول عشان ميبينش لحد انه بيحبها وحياه وياسين بردوا بيحبوا بعض بس حياه بعدت عنو بسبب التار عشان كدا هو معلقش وكان فرحان جدا بس كان عندو خوف ان باباه يرفض بس هو وافق فعجلت معاد الفرح عشان ميحصلش اي مشاكل تاني ويتجوزوا بسرعه ها في اي سؤال تاني

جاسر بصلها بغضب وخرج بره البيت وبعد ساعه هي  كمان خرجت ركبت الموتسيكل ولفت بيه البلد ولمحت حد واقف ماسك مسدس وبيصوب ناحيه واحد وهو بيبصله خوف نزلت جميله من الموتسيكل وراحت ناحيه الراجل ومسكه ايدو رفعتها لفوق وااطلقه اتضربت في السما ووقفت قصادوا واتصدمت من الي شافتوا
جميله بغضب:هو انت
جاسر : اه انا
راحت جميله ناحيه الراجل
جميله : انت كويس
الراجل بخوف : اه ...اه
رجعت
جميله بغضب وهي تطلع الكلبشات وحطتها في ايدو : انت مقبوض عليك بتهمه الشروع في قتل
كانت لسه هتكلم اسر واياد عشان يجوا يقبضوا عليه لكن هو وقفها
جاسر ببرود: متقلقيش مش ههرب تقدري تقبضي علياا انتي ثم اكمل وهو ينظر لها بتحدي : ولا انتي مش واثقه في نفسك

جميله بغضب : لا واثقه في نفسي لكن مش واثقه فيك انت

اتصلت ع اسر واياد وجم وعرفوا السبب
اسر: بس دا ابن العمده ي جميله هنقبض عليه اژاي كدا البلد هتثور علينا
جميله بغضب: هو عشان ابن العمده ميتحاسبش يقتل في خلق الله عادي ،اتفضلوا خدوه دا امر

اسر واياد خدوه وهو ماشي معاهم ببرود
حبسوه والخبر وصل للكل في البلد والعمده كمان فيه الي شمتان وفيه الي زعلان بس الي زعلان اكتر

عند جميله راحت القسم وطلبت من العسكري يجيبوا وبعد وقت جابوا العسكري من الحجز
جميله بجديه: حاولت تقتلوا ليه
جاسر ببرود: دي حاجه متخصكيش
جميله بحده: هو اي دا الي ميخصنيش هو انا بسالك عامل اي دا قتل ي استاذ ومش بعيد كمان تكون انت الي وراا كل الجرايم الي حصلت ماهو حاميها حراميها استغليت انك ابن العمده وعملت كل الجرايم دي

جاسر ببرود: بردوا ميخصكيش
جميله بتحدي: ماشي
ندهت جميله ع العسكري
جميله بحده: خدوا ع الحبس وتشدد الحراسه عليه لانو هيترحل بكره ع النيابه
العسكري : تمام ي فندم

خد العسكري جاسر ع الحبس في اللحظه دي دخلت سلمي وجوري واسر.واياد ل جميله
جوري : انتي فعلا قبضتؤ ع ابن العمده
جميله بجديه: اه قبضت عليه فيها اي
سلمي : فيها كتير ي جميله دا ابن العمده يعني ليه شعبيه كبيره ودا هيخلي الناس تثور
جميله بحده: انا ميهمنيش حد وبعدين هتثور ازاي هو مجني عليه دا جاني حاول يقتل واحد عايزني اسيبوا ولا اصقفلوا واقولوا برافوا انك قتلتوا ومتقلقش هداري عليك عشان انت ابن العمده ،في اي مالكوا من امتي بنفرق بين ابن عمده وابن غفير دا قانون ويمشي ع الكل مهما كان ابن مين ،حتي لو انا

اسر: بس اسر بيه لو عرف هيبهدل الدنيا
جميله بحده: هو انتوا ليه محسسني اني عملت جريمه انا قبضت ع واحد حاول يقتل يعني معملتش حاجه غلط

سكتوا كلهم وجميله خرجت
💖💖💖💖💖💖💖💖💖