رواية احببت عنادك... بقلمي/هاجر هشام الفصل السادس وثمانون 86 - بقلم Hagar Hešhàm

عند جميله وجاسر
كانوا قاعدين في المطعم ع التربيزه
جاسر بابتسامه: اول مره نتكلم بهدوء ومن غير خناق
جميله بابتسامه: فعلا ،عشان كنا الاول مش فاهمين بعض ومكنش فيه ثقه لكن دلوقتي واثقين في بعض و عارفين بعض كويس
جاسر بابتسامه حب : وبنحب بعض
جميله بابتسامه: وبنحب بعض
جميله : مش هنمشي بقاا ولا اي
جاسر باستغراب : زهقتي ولا اي
جميله بابتسامه:لا بالعكس مزهقتش ،المكان جميل جدا وبصراحه المفاجاه عجبتني مكنتش اعرف انك رومانسي كدا
جاسر بابتسامه: المهم تكون عجبتك
جميله بابتسامه: اه عجبتني جدا
جاسر بابتسامه: وهو دا الي انا عايزو
ابتسمت جميله وسكتت وهو بردوا ابتسم
جاسر بابتسامه: بس مش غريبه انك سمحتي اني ابوسك
جميله بابتسامه: وانت مضايق اني سمحتلك انك تبوسني
جاسر بابتسامه: بالعكس انا مصدقتش نفسي لما لقيتك بتبادليني نفس الشعور
جميله بابتسامه: لا صدق لاني فعلا ببادلك نفس الشعور
جاسر باستغراب : هو انتي ليه مش عايزه تقوليها هو لدرجادي مش قادره تقوليها
جميله بابتسامه: كل حاجه في وقتها احسن
جاسر : وامتي هيجي وقتها
جميله : بعدين
جاسر : ماشي
خلصوا السهره وقاموا ركبوا العربيه واتحركوا لكن طريق غير طريق البيت
جميله باستغراب : انت رايح فين دا مش طريق البيت
جاسر بابتسامه: عارف دا طريق بيتنا احنا
جميله باستغراب : بيتنا احنا يعني اي
جاسر بابتسامه: هتعرفي دلوقتي
بعد وقت وصل جاسر ووقف قدام فيلا كبيره وفخمه تشبه القصر
جميله باستغراب : احنا اي الي جابنا هنا
جاسر بابتسامه: هي دي فيلاتنا ،انا كنت بجهزها بقالي كتير و اول ما خلصت استنيت لحد ما تخلصي مهمتك عشان اوريهالك
جميله بابتسامه: بجد
جاسر بابتسامه: اه تعالي شوفيها
جميله : بس الوقت اتاخر اوووي خلينا بكره
جاسر : انتي مش واثقه فياا ولا اي
جميله : لا بالعكس واثقه فيك بس قصدي احنا بليل
جاسر : متقلقيش هنشوفها ونمشي
جميله : ماشي
دخل جاسر بالعربيه وفتحلوا البواب ،،البوابه الرئيسيه للفيلا ودخل بالعربيه وكانت الفيلا فيها بودي جارد كتير منتشر في كل مكان عند الفيلا
ركن جاسر العربيه في جراچ الفيلا وخرجوا من العربيه
جميله باستغراب : ليه كل البودي جارد دول
جاسر : انتي ناسيه اننا لينا اعداء دول حمايه عشان لو في مره روحت الشغل وانتي اجازه مثلا
جميله : بس انا ظابط يعني اقدر احمي نفسي كويس يعني مش محتاجه حمايه
جاسر : عارف انك ظابط بس دول زياده امان
جميله : وانت واثق فيهم
جاسر : اكيد والا مكنتش جبتهم
جميله : ماشي
جاسر بابتسامه: طيب خلينا ندخل
جميله بابتسامه: اوك
دخلوا الفيلا وجاسر بيوريها الفيلا جزء جزء كانت الفيلا عباره عن دورين الدور الي تحت فيه المطبخ والرسيبشن والصالون واوضه الضيوف واوضه السفره ،واوضه المكتب ،واوضه لسه مدخلوهاش ،مسكها جاسر وراحوا ناحيه الاوضه
جاسر بابتسامه: غمضي عينك
جميله باستغراب : اشمعنا
جاسر بابتسامه: غمضي عينيك بس الاول
جميله : ماشي
غمضت جميله عينيها وهو فتح باب الاوضه ومسكها ودخل وهي لسه مغمضه
جاسر بابتسامه: فتحي
فتحت جميله عينيها واتفاجات بكل الالات الرياضيه وكيس ملاكمه والاوضه كانت كبيره جدااا وفيها مسبح غير المسبح الكبير الي في الجنينه براا
جميله باعجاب : دا بجد
جاسر بابتسامه: اه بجد ،اي رايك
جميله باعجاب : تحفه اوووي انت ازاي لسه فاكر
جاسر بابتسامه: انا عمري ماانسي حاجه بتحبيها
جميله : انت دي عاملها ليك انت
جاسر بابتسامه: لينا احنا الاتنين
جميله بابتسامه: انت ازاي كدا بجد مش قادره اصدق ،انا ربنا بيحبني لدرجه دي عشان رزقني بيك
جاسر بابتسامه ورقه : انا الي ربنا بيحبني عشان رزقني بيكي ي حبيبتي

ثم اكمل تعالي بقاا اوريكي باقي الفيلا
طلعوا الدور الثاني وكان فيه ٧ اوض
جميله : ليه كل الاوض دي
جاسر : عشان لو حد من عيلتي او حد من عيلتك جم يقدروا يقعدوا معانا براحتهم
جميله بابتسامه: عندك حق
دخلوا اوضه ومن شكلها عرفت ان دي اوضه النوم وشافت صورها في كل مكان ع الحيطه بكل حالاتها وهي زعلانه وهي فرحانه وهي مبتسمه وهي ببدله الظابط الرسميه وصوره وهي نايمه وكانت شبه الملاك

جميله باستغراب : انت جبت كل الصور دي منين

جاسر بابتسامه: مامتك ادتهاني تاني يوم كتب الكتاب بعد ما طلبتوا منها اما صورتك وانتي نايمه فا دي انا الي صورتهالك لما صحيتي ولقتيني في الاوضه

جميله بابتسامه: انت كل شويه بتفاجئني بحاجه احلي من الي قبلها

جاسر بابتسامه حب : المهم يكونوا عجبوكي دا كفايه عندي

جميله بابتسامه: عجبوني جدا

ثم اكملت كدا خلاص

جاسر بابتسامه: ايوا

جميله بابتسامه: طيب خلينا نمشي بقاا

جاسر بابتسامه: وانتي مستعجله ليه خلينا قاعدين

جميله : انت قولت هنشوفها ونمشي

جاسر : ماشي يلا
نزلوا تحت وخرجوا ولف جاسر وجميله معاه ودخلوا الجنينه وشافت البسين
جميله : هو انت ليه عامل بسين في الاوضه صح ما فيه بسين هنا
جاسر بابتسامه : الي في الاوضه خاص بينا احنا تقدري تعومي فيه حتي من غير هدوم زي ماانتي عايزه محدش هيشوفك غيري ،لكن دا لا

جميله : مانا اقدر اعوم هنا ومحدش هيشوفني بردوا

جاسر : تقدري فعلا بس دا في وجودي انا عشان ابعد الحراسه عن هنا لكن في غيابي لا مستحيل

جميله : امممممممم مانا ممكن ابعد الحراسه

جاسر بغيره: لا انتي متتكلميش معاهم اصلا هما عندهم اوامر مني محدش يبصلك او يتكلم معاكي وكل حاجه عايزاها منهم فيه داده هتيجي هي الي هتعملك كل الي انتي عايزاه

جميله : طالما هعيش هنا ودا هيبقي بيبتي يبقي المفروض كل حاجه انا الي اعملها

جاسر : كل حاجه تقدري تعمليها براحتك بس ماعدا الحراسه متتكلميش معاهم عايزه حاجه منهم قولي ل داده وهي تقولهم

جميله : بس انا مش عايزه داده

جاسر : انتي مش هتقدري تعملي كل حاجه في البيت خصوصا انو كبير وانتي ظابط ووقتك مش ليكي وانا بردوا هبقي مشغول

جميله : لو ع التنضيف ماشي سيب الداده بس انا الي هطبخ

جاسر بابتسامه: بس كدا ماشي ي ستي انا اصلا مش هعرف اكل غير من ايديكي

جميله بابتسامه: ماشي

راحوا جراچ الفيلا ركبوا العربيه واتحركوا وخرجوا وقفل البواب البوابه الرئيسيه
💖💖💖💖💖💖💖💖💖
عدي يومين كلوا شغال ع قدم وساق واهل جاسر جم من الصعيد واهل جميله جم من اسكندريه وقاعدين معاها
عند جميله كانت في الشقه وسمعت خبط ع الباب راحت فتحت وكانت ناديه
جميله: نعم

ناديه ببرائه: انا كنت جيبالك هديه يعني بمناسبه جوازك وكمان عشان اعتذر عن الي عملتوا قبل كدا

جميله حست بحاجه غلط خصوصا انها ظابط وبتاخد بالها من الي بيكدب

جميله : بس انا مش محتاجه هدايا شكرا

ناديه : يعني انا غلطانه اني جبتلك هديه

جميله : بالظبط انتي غلطانه

ناديه بغضب: ماشي
خرجت ناديه من شقه جميله وراحت شقه جاسر الي هما قاعدين فيها وجاسر هو الي فتحلها اول ما شافتوا مثلت العياط

جاسر باستغراب : مالك ي ناديه

ناديه بدموع : انا زهقت بجد لدرجه دي انا وحشه

جاسر باستغراب : ليه بتقولي كدا

ناديه بدموع: انا عارفه اني غلطت قبل كدا كتير بس انا كنت عايزه اصلح غلطي واعتذر وجبت ل جميله هديه عشان اعتذرلها عن الي حصل مني لكن هي طردتني ومقبلتش مني الهديه

جاسر بغضب: جميله عملت كدا

ناديه بدموع: اه بس ارجوك ي جاسر متزعقلهاش

جاسر بغضب: يعني اي مزعقلهاش دي طردتك. ثم اكمل بغضب فين الهديه انا هديهالها وشكرا ي ناديه ع الهديه وانك بتحاولي تصلحي من نفسك

ناديه وهي تعطيه الهديه : اهي الهديه

خد جاسر منها الهديه ودخلت ناديه الشقه وهو راح شقه جميله وخبط كانت جميله في الشقه لوحدها فتحتلوا جميله وهو دخل وقفل الباب
جاسر بغضب: انتي طردتي ناديه وكسفتيها ومردتيش تقبلي الهديه بتاعتها
جميله بزهق : اه
جاسر بغضب: ،يعني هي جايه تعتذرلك وانتي ترفضي ليه
جميله بغضب: انا حره ،انا مبحبهاش ومش عايزه منها حاجه
جاسر بغضب: جميله لاخر مره بحذرك عيلتي خط احمر الي يمسهم يمسني بالظبط وانتي طردتيها وكسفتيها ،،وحالا هتيجي معاياا عشان تعتذرلها وتقبلي الهديه
جميله بغضب:لا طبعا انا مش هعتذر لحد ومش هقبل هديه انا مش عايزه حاجه منها
جاسر بغضب: مش بمزاجك هتقبلي الهديه ي جميله ولينا حساب مع بعض
مسك ايديها وحط الهديه وهي اتعصبت ورمت الهديه في الارض جاسر كان هيضربها بالقلم لكن مسك نفسوا بالعافيه وخرج بره الشقه ورزع الباب وراه
وجميله راحت ناحيه الهديه وفتحتها ولقت جواها قميص نوم اسود بحماله خفيفه وقصير وشفاف وازازه برفيوم حريمي ولقت ورقه فتحتها وقرتها :اتمني تكون الهديه عجبتك وياريت تلبسي القميص دا ل جاسر اصلوا بيحب اللون الاسود وكمان البرفيوم دا نوعوا المفضل

اتعصبت جميله جدا وخرجت بره الشقه وخبطت ع شقه جاسر بغضب وفتحلها جاسر وهو فاكر انها جايه تعتذر
جميله بغضب: فين ناديه
في اللحظه دي خرجت ناديه من الاوضه والكل خرج ع صوت الخبط الجامد
جاسر : في اي
راحت جميله ناحيه ناديه وضربتها بالقلم بقوه كبيره من قوه القلم وقعت ع الارض والكل اتصدم وجاسر راح ناحيتها بغضب
جاسر بغضب: انتي ازاي تتجرائ وتمدي ايدك ع بنت عمي
جميله بغضب: والله اسال بنت عمك عملت اي عشان اعمل كدا ،انا عمري ما مديت ايدي ع حد لكن دي واحده زباله

جاسر بغضب: مهما عملت مش من حقك تضربيها دي تخصني انا مش انتي

الام بغضب: انتي محدش عارف يحكمك ولا اي نازله ضرب وزعيق وشخط في الي يعجبك

جميله بغضب: انا مش مجنونه عشان اضرب واشخط وازعق ،هي الي واحده مش محترمه وزباله

جاسر بغضب وزعيق : جمييييله
مسكها جاسر بغضب من ايديها : انا مش هسمحلك ابدا تغلطي في حد تبعي قولتلك كذا مره

الام بغضب : لما هي مش محترمه امال انتي اي مش كفايه مستحملينك بلبسك المسخره دا وشغلتك بتاعت الرجاله وغير انك بتتعاملي مع رجاله بكل وقاحه وانتي مش مكسوفه

جميله بغضب : والله انا مقولتش لحضرتك تستحمليني ،انا مجتش ورميت نفسي عليه وقولتله ونبي اتجوزني ،ابنك اتجوزني وانا بلبس كدا وكمان وانا بشتغل شغله الرجاله الي بتقولي عليها و اكيد مش هتكسف من حاجه زي كدا وشغله الرجاله الي مش عاجبه حضرتك هي دي الي حميت البلد عندكوا وخليت العمده لسه في منصبه وهي نفسها الي حميت ابنك من الموت كذا مره

جاسر بغضب : جميله اتكلمي مع امي عدل

جميله بزهق وزعيق : جميله ،جميله انا زهقت كل حاجه بطلع انا الي غلطانه في الاخر وانا الي زباله وسافله ومش محترمه ،مامتك غلطت فياا وانت واقف ساكت ولما رديت بتزعقلي انا حتي بنت عمك جيبالي قميص نوم وتقولي هديه ولما جبت حقي بتزعقلي انا

رمت جميله الورقه : اتفضل شوف بنت عمك المحترمه كاتبه اي

خرجت جميله بره الشقه ودخلت شقتها خدت الهديه وراحت شقه جاسر ورمتها قدامهم
جميله بغضب : شوف هديه بنتك عمك المحترمه الي زعقتلي واتعصبت عشان رفضت اقبلها وانا كنت واثقه انها مش جايه عشان تعتذر

نزلت جميله ركبت عربيتها واتحركت حاول جاسر يلحقها لكن كانت مشيت رجع تاني شقته وراح ناحيه ناديه الي كانت لسه واقعه ع الارض
جاسر بغضب: انا حذرتك كذا مره متدخليش بينا ،انتي اي ي شيخه لدرجه دي زباله ،لدرجه دي خراب البيوت بالنسبالك عادي

ناديه بدموع: انا بحبك ي جاسر

جاسر بغضب: وانا مبحبكيش افهمي بقااا انتي بنتي عمي وبس ي ناديه ومش هيكون غير كدا

العمده بحده: خلاص ي جاسر روح شوف جميله وانا هتصرف

جاسر بغضب: تتصرف في اي ي بابا هي مش دي الي قولت انها اعتذرت ومش هتعمل حاجه تاني ،دي الي بسببها انا زعقت ل جميله وبردوا امي اهانتها جامد

العمده: ما جميله بردوا مسكتتش وردت عليها

جاسر بغضب: جميله مغلطتش فيها ،هي اه غلطت في ناديه لكن مغلطتش في امي

العمده : انا قولت خلاص ي جاسر روح ل جميله وانا هتصرف

جاسر بغضب: ماشي ي بابا

نزل جاسر ركب عربيته واتحرك وهو بيدور عليها راحلها الاداره وكان اسر وهاجر هناك قاعدين مع سيف في مكتبه وهو دخل
اسر باستغراب : جاسر ،انت بتعمل اي هنا
جاسر بسرعه: هي جميله مجتش هنا
اسر باستغراب : جميله هي مش في البيت
جاسر : لا مش في البيت احنا اتخانقنا وهي خرجت ركبت عربيتها ومشيت وملحقتهاش
هاجر : يعني اي
اسر بغضب: يعني اي اتخانقتوا

جاسر بسرعه: مش وقتوا دلوقتي حضرتك متعرفش اي المكان الي جميله بتحب تقعد فيه او اي الاماكن الي بتروحها

اسر بغضب: لا معرفش احنا في القاهره مش في اسكندريه

هاجر بتذكر : البحر

اسر : بحر اي مفيش بحور هنا

جاسر : بس فيه نيل

خرج جاسر بسرعه ونزل ركب عربيته وراح ع الكورنيش وهو بيدور عليها لحد ما لمحها قاعده ع الكرسي قصاد النيل ركن عرببته وراحلها
جاسر بابتسامه: ممكن اقعد
بصتلوا جميله بغضب
جميله: لا مش ممكن
جاسر بابتسامه : طيب شكرا
قعد جاسر قصادها
جميله : ع فكره انا قولت لا
جاسر : وانا سمحت لنفسي اني اقعد عادي
جميله : ماشي وانا هقوم
قامت جميله وقفت لكن هو مسكها من ايديها
جاسر : انا عارف اني غلطت النهارده لما زعقتلك بس انتي مقولتليش من الاول وخلتيني اتعصبت عليكي عشان مديتي ايديك ع بنت عمي

قعدت جميله ع الكرسي
جميله : وانا لما اقراا كلام زي دا عايزني مثلا اجي اقولك تعالي عشان اقولك بنت عمك كاتبه اي

جاسر : وليه متعمليش كدا فعلا كنت جبتلك حقك ومكنتش امي قالت حاجه ليكي

جميله : انا مش زعلانه من كلام مامتك ع فكره

جاسر : بس انتي رديتي عليها

جميله : انا لو كنت لقتك جبتلي حقي مكنتش رديت وبعدين انا مغلطش فيها انا رديت باحترام و عادي

جاسر : انا لو عرفت الموضوع كنت جبتلك حقك لكن انتي مفهمتنيش حاجه دخلتي ضربتيها ع طول كنتي مستنيه اعمل اي

جميله:متعملش حاجه تيجي تزعقلي انا بس

جاسر : طبيعي اعمل كدا لما القيكي بتضربيها وانا قولتلك لو حصل حاجه قوليلي وانا هجبلك حقك

جميله : انت كنت ع علاقه ب ناديه

جاسر باستغراب : علاقه ازاي مش فاهم

جميله : مش محتاجه شرح هي عرفت منين انك بتحب اللون الاسود ونوع البرفيوم عرفتوا منين دا برفيوم حريمي

جاسر : انتي قصدك اي

جميله : انا قصدي واضح انت كنت ع علاقه ب ناديه

جاسر بغضب: لا شكلك اتجننتي ،ناديه بنت عمي وبس وانا مش قذر عشان اعمل الي في دماغك دا ، دانا معملتهوش مع مياده هعملوا مع بنت عمي

جميله : بس انت عملتوا مع مياده

جاسر بغضب : قولتلك مكنتش في وعي

جميله : امال هي عرفت ازاي انك بتحب اللون دا ونوع البرفيوم دا

جاسر : لانها بنت عمي طبيعي تعرف اللون الي بحبو وكمان نوع البرفيوم رنا هي الي بتحبه وانا عاجبني بس

جميله : ماشي

جاسر : طيب مش هنمشي ولا اي

جميله : لا انا هقعد امشي انت

جاسر : وانا بردوا هقعد

جميله : براحتك

جاسر : طيب خلاص بقاا

جميله : لا مش خلاص ،مش كل مره تزعق وتشخط وتيجي تقولي خلاص ،انت جيت علياا عشان بنت عمك رغم انك لو فكرت شويه كنت هتسال نفسك انا ليه رفضت الهديه ،انا رفضت الهديه عشان عارفه ومتاكده ان وراها حاجه انا ظابط وبعرف اخد بالي من الي بيكذب والي بيقول الحقيقه وباخد بالي من الخبيث والطيب

جاسر : بس انا مش ظابط عشان اعرف كدا ،وكمان دي بنت عمي يعني متربيه معاياا معقوله هصدق انها تفكر توقع بينا

جميله : ما هي سبق ووقعت بينا قبل كدا ولا انت نسيت

جاسر : لا منستش بس مكنتش متخيل انها توصل ل كدا انا قولت انها. عرفت ان هي غلطانه ف جت تعتذرلك

سكتت جميله

جاسر بابتسامه: خلاص بقاا ميبقاش قلبك اسود

جميله : ماشي بس لو فكرت تيجي علياا او تزعقلي عشان حد ساعتها مش هسامحك ابدا

جاسر : ماشي بس انتي بردوا اوعديني انك تقوليلي وانا هجبلك حقك متتصرفيش من نفسك

جميله : ماشي
💖💖💖💖💖💖💖💖💖💖
عند مصطفي في الفيلا كان قاعد هو ويزن واروي وكارما
مصطفي : اعملوا حسابكوا بكره مسافرين القاهره
كارما باستغراب : ليه
مصطفي : فرح جاسر صاحبي بكره في القاهره وهو عزمنا
كارما : طب والشركه مش هينفع نسيبها كلنا روحوا انتوا وانا هفضل انت عارف انا مش بحب الافراح والدوشه
مصطفي : لا طبعا انتي هتيجي معانا مش هينفع اسيبك لوحدك وغير ان اياد رايح هو كمان فا مش هينفع

كارما : مش مشكله انا مش محتاجه حراسه اصلا انا قولتلك مش عايزه من الاول وانت الي مصر

مصطفي : دي حمايه ليكوا

اروي بسعاده: يعني هخلص من اسر يوم بحالوا ياااه اي الفرحه دي

مصطفي باستغراب : مين قال انك هتخلصي منو اسر فرح اختوا بردوا بكره وهو وجوري واياد هيبقوا ورانا بالعربيه

اروي بغيظ : اوووف يعني كمان مش هخلص

مصطفي : ي بنتي هو جوزك دا حارس شخصي عادي بيحميكي دا بدل ما تشكريه

اروي بغيظ: اشكره ،انا لو طولت اخنقه هعملها

مصطفي : والله انا تعبت منك انتي اوزعه اه بس جبااره

اروي بغيظ: بردوا انت كمان بتقول اوزعه ي مصطفي

مصطفي بضحك: طب ماانتي اوزعه فعلا ي حبيبتي

بصتلوا اروي بغيظ وقامت من ع السفره وطلعت اوضتها
لبست ونزلت كان اسر جيه ركبوا العربيه واتحركوا
ويزن بردوا طلع خد شاور ولبس ونزل كانت جوري جت
يزن بابتسامه: صباح الخير
جوري بابتسامه: صباح النور ،ثم اكملت يلا بينا
يزن بابتسامه: ماشي بس انا مش هروح الشركه
جوري باستغراب : امال رايح فين
يزن : هروح النادي عندي تمرين
جوري باستغراب : تمرين اي
يزن : ملاكمه
جوري بدهشه: انت بتلعب ملاكمه
يزن بابتسامه: اه مش باين عليا ولا اي
جوري بابتسامه:لا باين بس انا افتكرت دا جيم بس
يزن بابتسامه: طب يلا بينا
جوري : يلا
خرجوا بره الفيلا وركبوا العربيه واتحركوا لنادي

عند كارما كانت لابسه وجاهزه واياد جيه وركبوا العربيه
كارما : باين عليك متحمس للفرح بكره
اياد بابتسامه : اه فعلا
كارما: اشمعنا
اياد باستغراب : يعني اي اشمعنا ،فرح بنت عمتي لازم اكون فرحان
كارما :انا مقصدش اصل ملاحظه انك متحمس اوووي فقولت اكيد فيه حاجه تاني
اياد بابتسامه: هو فعلا فيه حاجه تاني
كارما : حاجه اي
اياد بابتسامه: اصل بكره هقابل البنت الي بحبها
كارما بصدمه: اي
اياد باستغراب : في حاجه
كارما بحزن حاولت تخفيه : لا مفيش انا بس استغربت اصل مقولتليش انك بتحب ومحكتليش عنها
اياد : مجتش فرصه اني اقول انا بحرسك وبس
كارما : ايوا انا عارفه انا قصدي لما بنتكلم زي مااحنا بنتكلم دلوقتي
اياد: مانا قولتلك وهو دلوقتي
كارما : اسمها اي بقاا وعرفتها ازاي
اياد بابتسامه حب وهو يتخيل حبيبته امامه : اسمها رنا ،حبيتها من اول ما شوفتها كان عندي مهمه في الصعيد وعرفتها هناك وهي تبقي اخت جاسر جوز جميله بنت عمتي ،محترمه وهاديه ورقيقه ولبسها جميل وحجابها كان منور وشها

كارما حاولت تخفي حزنها : ياااه شكلك بتحبها اوووي

اياد بحب : جدااا بعشقها بس لسه هي متعرفش اني بحبها

كارما : طب ومقولتلهاش ليه

اياد : الاول كنت خايف ترفض لكن خلاص مش قادر ابعد عنها اكتر من كدا وهعترفلها بكره بكل حاجه جواياا

كارما بابتسامه مكسوره : ان شاء الله هتطلع هي كمان بتحبك

اياد بابتسامه: يااارب

💖💖💖💖💖💖💖💖💖💖
عند اسر واروي
وصلوا الشركه ودخلوا ركبوا الاسانسير لكن فجاه الاسانسير وقف
اروي باستغراب : هو وقف ليه
اسر : شكلوا كدا عطل
اروي بخوف : عطل
اسر باستغراب : اه في اي مالك
اروي بخوف وهي تتنفس بصعوبه : انا عندي فوبياا من الاماكن المغلقه ،كلم اي حد بره يشوف الاسانسير
اسر وهو يهديها : طب اكلمهم ازاي احنا في الاسانسير و مفيش شبكه
اروي وهي تاخذ نفسها بصعوبه : اتصرف اعمل اي حاجه مش قادره اخد نفسي
اسر : طيب انا بعرف اعالج حالات دي بس موافقه ع الي هعملوا
اروي وهي تتنفس بصعوبه اكبر : موافقه اعمل اي حاجه
اسر : ماشي
شدها اسر لحضنه وهو يملس ع شعرها برقه وهدوء وهي اتصدمت لكن هديت
اسر بهدوء : احسن دلوقتي
اروي كانت ساكته وحست بالامان وهي في حضنه وهو ابتسم وهو يمرر يده ع شعرها برقه
بعد وقت اشتغل الاسانسير واروي كانت لسه في حضنه لحد ما وصلوا الدور الاخير واتفتح الاسانسير فاقت ساعتها وبعدت بسرعه عنو وخرجت من الاسانسير ودخلت مكتبها بسرعه وهو ضحك ع شكلها ودخل المكتب وراها وقعد وهي كانت بتشتغل ومش بصالوا نهائي وهي متوتره وهو خد بالو من توترها وايديها الي بتترعش
اسر وهو يمسك ايديها برقه وحنان : اهدي محصلش حاجه لكل دا

حست برعشه في جسمها لما مسك ايديها

اسر وهو يمسك ايديها بمزاح وهو حابب يخرجها من خوفها والاحراج : انتي ايديك سقعه اوووي لدرجه دي امال لو كنت بوستك كنتي عملتي اي

اروي بغضب وزقت ايدو: احترم نفسك

اسر بضحكه رجوليه قويه : ههههههههههههه ثم اكمل بغمزه ولو محترمتش نفسي هتعملي اي

اروي بغضب: ملكش دعوه

سكت اسر وهي بصتلوا بغضب وغيظ وكملت شغل
💖💖💖💖💖💖💖💖💖
عند عبدالرحمن وسلمي
عبدالرحمن بحب : انا بجد مش قادر اصدق ان خلاص كلها بكره وتبقي مراتي وفي حضني

سلمي اتكسفت ومردتش وهو ابتسم ع كسوفها

عبدالرحمن بحب : تعرفي اكتر حاجه بتحبها فيكي هي كسوفك دا رغم انك ظابط والمفروض مش بتتكسفي بس دي طبيعه اي بنت الكسوف دا

سلمي بخجل : انا اه ظابط بس بابا علمني ازاي افرق بين حياتي الشخصيه وحياتي العمليه ،يعني في الشغل مش بتكسف ولا بخاف من اي حاجه لكن معاك بحس باحساس تاني كلامك بيخليني طايره من الفرحه ،معرفش ازاي بسمع كلامك بسرعه رغم ان دي مش عادتي بس انت بتقدر تخليني اوافق وانا مقتنعه وراضيه

عبدالرحمن بابتسامه:عشان عارفه اني عمري ما همنعك عن حاجه صح الي بمنعك عنو بيبقي غلط او حاجه بغير عليكي منها زي ما كنتي عايزه تنزلي المايه انا رفضت عشان بغير عليكي مش عايز حد يشوفك غيري

سلمي بابتسامه: عشان كدا وافقت ومعترضتش عشان عارفه انك بتحبني وبتغير علياا

عبدالرحمن بحب:انا فعلا بحبك وبغير عليكي عايز اخبيكي في حضني ومحدش يشوفك غيري عايز اشوفك دايما قصادي. ومعايا وجنبي

سلمي بابتسامه حب : مانا معاك وقصادك وجنبك دايما ،هفضل دايما جنبك

عبدالرحمن بابتسامه: بحبك

سلمي بخجل : وانا كمان بحبك

عبدالرحمن :بصي بصراحه انا كان نفسي اجبلك فيلاا زي الي جابها جاسر ل جميله بس انتي عارفه اني لسه شغال مع جاسر من فتره صغير بس اوعدك بعد مااشد حيلي هجبلك فيلا واكبر منها كمان

سلمي بابتسامه حب : مين قالك اني عايزه فيلا ولا قصر ،انا ميهمنيش كل دا كفايه انك معاياا ،انا اعيش معاك حتي لو في اوضه واحده ،كفايه اننا مع بعض وبنحب بعض ،دايما ناس عايشه في قصور ومش بيحبوا بعض ولا فيه بينهم موده وناس عايشه في اوضه فوق السطح وبينهم حب وموده ورحمه

عبدالرحمن بصلها بفخر واعجاب ع تفكيرها

عبدالرحمن بحب : ربنا ما يحرمني منك ابدا

سلمي بحب : ولا يحرمني منك ابدا

عبدالرحمن بابتسامه وهو يمسك يدها : تعالي معايا

سلمي باستغراب : ع فين

عبدالرحمن بابتسامه: تعالي بس
قاموا وركبوا العربيه وساق عبدالرحمن ووصلوا قدام فيلا ودخلوا بعد ما البواب فتح البوابه ركن عبدالرحمن العربيه ونزلوا وسلمي مستغربه لكن هو مسكها ودخلوا الفيلا
عبدالرحمن بابتسامه: اي رايك
سلمي باستغراب : بتاعت مين دي
عبدالرحمن بابتسامه: بتاعتنا ي حبيبتي
سلمي باستغراب : مش فاهمه بتاعتنا ازاي انت مش قولت مش هتقدر تجيب فيلا
عبدالرحمن بابتسامه: كنت عاملهالك مفاجاه
سلمي : انت كنت عايز تعرف هرد اقول اي وفاكرني اني ههتم بالفيلا واني يتاعت فلوس مش كدا
عبدالرحمن بدهشه: انا عمري ما فكرت كدا ابدا بالعكس انا عارف انك هتردي تقولي كدا ومتاكد كمان
سلمي : امال ليه قولتلي انك مش هتقدر تجيب فيلا وانك مش معاك فلوس الا لو كنت فاكرني ههتم بالفلوس واقولك لا مش هتجوز واحنا لسه خطوبه بس

عبدالرحمن : والله ابدا انا كنت عاملهالك مفاجاه وانا لو كنت شاكك واحد من المليون انك بتاعت فلوس وبتهتمي بالمظاهر مكنتش سالتك اصلا ثم اكمل بحب ،انا بحبك وواثق فيكي وعارف انك مش كدا ،اوعي في مره تشككي في حبي ليكي انتي عارفه انا بحبك قد اي

سلمي : بس
قطعها عبدالرحمن
عبدالرحمن بحب: مفيش بس خلينا نشوف الفيلا بتاعتنا
سلمي بابتسامه: ماشي
عبدالرحمن بابتسامه: يعني مش خايفه
سلمي باستغراب : هخاف من اي
عبدالرحمن : يعني احنا في الفيلا لوحدنا
سلمي بابتسامه: لا مش خايفه لاني واثقه فيك و عارفه انك عمرك ما هتأذيني
عبدالرحمن بحب ورقه : وانا فعلا عمري مااهقدر ااذيكي لانك روحي وعمر ما حد يقدر يأذي روحه
💖💖💖💖💖💖💖💖💖💖
عند جميله وجاسر كانوا لسه قاعدين ع الكورنيش
جاسر :مش كفايه كدا بقاا خلينا نمشي احنا لسه ورانا حاجات كتير نعملها انتي ناسيه ان الفرح بكره

جميله : لو زهقت قوم انت روح شوف وراك اي ،انا عن نفسي مش ورايا حاجه

جاسر بابتسامه حب : انا عمري ماازهق منك ابدا بالعكس انا عايز افضل موجود كفايه انك قصادي وشايفك ،بس احنا فرحنا بكره وانا لازم اروح الشركه عشان اسلم الشغل ل حمزه واخلص الي ورايا عشان فرحنا

جميله : طيب وانا هعمل اي روح انت شغلك

جاسر بابتسامه: بس انا مش عايز اسيبك لوحدك هنا وكمان حاسك لسه زعلانه

جميله بابتسامه: لا مش زعلانه

جاسر بابتسامه: طيب لو مش زعلانه تعالي معاياا عشان اروحك باباكي ومامتك قلقانين عليكي

جميله : هو انت قولتلهم

جاسر : قولتلهم اننا اتخانقنا لكن مقولتش حاجه

جميله : طب وليه قولت

جاسر : انا كنت بدور عليكي وقولت ممكن القيكي في الاداره لكن ملقتكيش وباباكي ومامتك كانوا هناك وهما الي قالولي ان لما بتحبي تقعدي ع البحر واحنا هنا مفيش غير الكورنيش فا جيت هنا

جميله : طيب خلينا نقوم

جاسر : ماشي
راحت جميله ركبت عربيتها وهو ركب عربيته ومشي وراها لحد مااوصلت البيت اتطمن عليها وبعد كدا راح الشركه
طلعت جميله شقتها ودخلت كان اسر وهاجر موجودين
اسر : كنتي فين
جميله : كنت بشم شويه هواء
اسر : واتخانقتي ليه انتي وجاسر
جميله : مفيش اختلاف في وجهات النظر فا اتخانقنا هي يعني اول مره نتخانق
اسر : وجهات النظر ازاي مش فاهم
جميله : عادي ي بابا
اسر : طيب واتصالحتوا ولا لسه فيه وجهات نظر
جميله بابتسامه: لا اتصالحنا خلاص
اسر بابتسامه: طيب ي اختي ثم اكمل. انتي فستانك جاي امتي صح
جميله : بكره الصبح وهروح انا واسيل وسلمي البيوتي سنتر
اسر بحنان : مش قادر اصدق انك كبرتي وهتتجوزي خلاص وهتبعدي عني
جميله بابتسامه: عمري ما ابعد عنك ي حبيبي ثم اكملت بمزاح،انت هتلاقيني تاني يوم عندك اصلا هسيب جاسر واجيلك

اسر بضحك:ههههههههههه والله مجنونه وتعمليها فعلا
جميله بابتسامه: مانا فعلا هعملها

اسر بضحك: بس ي هبله تيجي فين انتي مصدقتي ،خلي جاسر يجي هنا ويعلقك

جميله بمزاح : عيب عليك احنا مسيطرين بردوا

اسر بضحك: انا عارف هتجنني الراجل معاكي

جميله ببرائه: انت تعرف عني كدا

اسر بمزاح : انا معرفش غير كدا

جميله بضحك: ههههههههههه بقاا كدا ماشي ي بابا

جت هاجر وقعدوا يضحكوا ويهزروا مع بعض
💖💖💖💖💖💖💖💖💖💖
عند ادهم واسيل كانوا قاعدين في البيت قدام التلفزيون
اسيل بتردد : ادهم
ادهم بابتسامه: اي ي حبيبتي
اسيل بتردد: كنت عايزه اقولك ع حاجه
ادهم باستغراب: طب قولي
اسيل بتردد: انت لازم تعرف عشان نبدا حياتنا. و احنا مش مخبين عن بعض حاجه

ادهم باستغراب : انتي قلقتيني في اي

اسيل بتوتر: انا كنت بحب واحد قبل مااشوفك او احبك

ادهم : عدي مش كدا

اسيل بدهشه: عرفت ازاي

ادهم : انا عارف من اول يوم شوفتك فيه كنتي متلغبطه ولما عدي دخل كان باين نظره الحب في عنيكي بس كان فيها كسره وعرفت ان انتي عرفتي انو متجوز عشان كدا الكسره الي في عنيكي دي

اسيل باستغراب : ومع ذلك حبتني

ادهم : اه حبيتك ،من اول يوم شوفتك فيه وانا بحبك بس لما شوفت نظره الحب في عنيكي ل عدي بعدت ورجعت القاهره بس يشاء القدر انك تبقي مراتي ساعتها قولت دي اكيد اشاره من ربنا وفرحت جدا وفرحت اكتر لما اعترفتلك بحبي ولقيتك انتي كمان بتحبيني

اسيل بتردد: يعني انت مش زعلان

ادهم بابتسامه: وهزعل من اي الحب مش عيب ولا حرام و دا كان ماضي واكيد كلنا كان لينا ماضي الاهم الحاضر والمستقبل

اسيل بابتسامه: الحاضر والمستقبل ليك انت وبس

ابتسم ادهم وخدها في حضنه
💖💖💖💖💖💖💖💖💖
تاني يوم عند اسر وجوري واياد كانو مع بعض في العربيه و مصطفي ويزن وكارما واروي في العربيه قدامهم
ومؤمن وروفيدا في عربيه ولؤي ومنار وهاجر في عربيه
وحازم ومي ويوسف في عربيه
بعد ثلاث ساعات وصل مصطفي قدام فيلته الي في القاهره واسر وجوري واياد مشيوا بعد مااصر مصطفي انهم يروحوا ويبق اسر جنب اخته وجوري جنب بنت عمتها وصاحبتها

في معاد الفرح البنات كانوا في البيوتي سنتر في نفس مكان القاعه ورنا معاهم

وجاسر وادهم وعبدالرحمن مستنين تحت
واسر ومؤمن وسيف واقفين معاهم
جاسر بزهق : هما اتاخروا كدا ليه
اسر بغمزه : مستعجل
ادهم بشوق: مش لوحدوا الي مستعجل والله
اسر بضحك: ههههههههههه وانت ي عبدالرحمن مش مستعجل ولا حاجه
عبدالرحمن بابتسامه: والله انا خايف اقول مستعجل القي نفسي مرمي ع الارض حضرتك مش شايف سياده اللواء بيبصلي ازاي كأني هخطف بنتوا
اسر بص ع سيف الي كان بيحاول يكتم غضبه وغيرته ع بنته
اسر بضحك: ههههههههههه والله عندك حق الاحسن متتكلمش خالص
جاسر : طب انا هطلع اشوفهم خلصوا ولا لسه
اسر وقفه: لا طبعا مينفعش تطلع انا الي هطلع
جاسر : ليه مينفعش دي مراتي ع فكره والله العظيم مراتي
اسر بضحك: عارف انها مراتك بس انا ابوها بردوا والمفروض انا الي اسلمهالك
جاسر بابتسامه: طب ما تطلع حضرتك شوفهم
اسر : لا استني شويه انا قلت ل جميله لما يخلصوا هترن علياا
💖💖💖💖💖💖💖💖💖
عند جميله في البيوتي سنتر كانوا الثلاث بنات وفيه ناس في الاوضه يهتموا بالعرايس ورنا معاهم
في اللحظه دي دخلت مامت جاسر وطلبت جميله لوحدها ودخلوا اوضه تانيه
الام بضيق : بصي بقاا انا بكرهك ومش عايزاكي لابني حاولت كتير ابعده عنك لكن للاسف معرفتش

جميله : ولما حضرتك بتكرهيني اووي كدا ليه وافقتي من الاول ع جوازي كان ممكن تقوليلي من ساعتها وانا كنت احترمت دا وبعدت

الام بضيق : قولت ل جاسر كتير لكن هو كان متمسك بيكي ،انا عايزه لابني واحده زي ناديه مساعده تعيش خدامه تحت رجله بس هو يوافق مش واحده مخلياه هو الي زي الخاتم في صباعها

جميله : ع فكره عيب تقولي حاجه زي كدا ع ابنك جاسر راجل و مفيش واحده تخليه يبقي زي الخاتم في صباعها وانا عمري ما هرضي اني اعمل كدا

الام بغضب: مبقاش غيرك الي هيقولي اعمل اي ومعملش اي

جميله بزهق : حضرتك عايزه اي دلوقتي ،عايزاني ابعد ماشي هبعد

الام : لا مش عايزاكي تبعدي

جميله : امال عايزه اي

الام: عايزاكي تقربي

جميله باستغراب : مش فاهمه

الام : يعني دلوقتي جاسر بقاا ميقدرش يستغني عنك ،انا عايزاكي تنزلي وقدام الكل تقوليلوا انك مش بتحبيه

جميله بدهشه: نعم

الام : زي ما سمعتي

جميله بغضب: يعني اي زي ما سمعت هو حضرتك واعيه للي بتقوليه دا ابنك ازاي عايزاني اعمل كدا

الام : جاسر مش ابني

جميله : يعني اي مش ابنك

الام: يعني مش ابني انا ابقي مرات ابوه جاسر مامتوا ماتت بعد مااتولد ع طول ساعتها ابوه اتجوزني وانا الي ربيته

جميله : يعني في مقام مامتوا طب ليه بتعملي كدا

الام بكره: لانو مش ابني  انا ابني الوحيد هو عبد الرحمن وبنتي رنا بس انا كنت بعاملوا كويس عشان هو الوريث الوحيد لابوه لان ابوه كتبلوا كل حاجه باسموا وكمان هو الي هيورث العمديه بعد ابوه كان لازم اعاملوا كويس

جميله اتصدمت من كميه الكره الي جواه الست دي ناحيه جاسر

جميله : وليه عايزاني اجرحوا وانتي بتقولي انو المفروض تعامليه كويس عشان يبقي كل حاجه تحت ايديك

الام: لان بعد ماانتي ظهرتي جاسر مبقاش تحت ايدي بقاا كل حياتو ليكي انتي

جميله : اديكي قولتيها كل حياته لياا انا وانا مستحيل اجرحوا ولا اعمل الي انتي عايزاه دا

الام بغضب : مش بمزاجك انتي لو معملتيش كدا انا هقتله قدام عينيكي فا يا تنفذي ي جاسر هيموت

جميله بغضب: انا مبتهددش

الام بغضب: ماشي