رواية احببت عنادك... بقلمي/هاجر هشام الفصل الخامس وثمانون 85 - بقلم Hagar Hešhàm

عدي يومين
ادهم واسيل قضوا وقت ممتع مع عيله اسيل وقربوا من بعض اكتر و رجعوا القاهره ورجعت اسيل لشغلها في المستشفي ورجع ادهم لشغله

💖💖💖💖💖💖💖💖
عند سلمي وعبدالرحمن فهموا بعض وحبهم زاد اضعاف سلمي حبت حنيته وهدوءه الي في كلامه وانه بيتنقاش معاها من غير ما يزعق ولا يشخط وهو حب رقتها وضحكتها الي بتنور حياته وكان مستني المهمه تخلص بأسرع وقت وراح المستشفي ع الاساس انو محتاج متبرع وهما وافقوا لما عرض عليهم مبلغ كبير جدا وكانوا بيدوروا ع متبرع بأسرع وقت وراحت سلمي ع انها متبرعه واتفقوا ع معاد العمليه
💖💖💖💖💖💖💖💖💖💖💖
عند جاسر وجميله لسه زي ما هما هو متعصب منها وهي كبريائها مانعها انها تصالحه لانها شايفه انها مغلطتش ودا ضايقوا اكتر
وعبدالرحمن وسلمي حسوا ان فيه حاجه بينهم لكن جميله وجاسر محدش فيهم كان راضي يتكلم
💖💖💖💖💖💖💖💖💖
عند جميله صحيت خدت شاور ولبست وحضرت فطار وخدتوا معاها ونزلت ركبت عربيتها وراحت المصحه ودخلت اوضه صلاح ولقت جاسر هناك واستغربت
جميله باستغراب : انت بتعمل اي هنا
اتجاهلها جاسر وقام وقف
جاسر ل صلاح: طب انا همشي دلوقتي وابقي اجيلك وقت تاني اتطمن عليك
صلاح بابتسامه: ماشي
خرج جاسر ولم ينظر ل جميله ومتجاهلها تماما وهي اتعصبت
جميله بضيق : هو جاسر كان بيعمل اي هنا
صلاح : كان بيطمن علياا
جميله : من امتي الكلام دا
صلاح: بقالوا يومين بيجي ويطمن علياا ويقعد معايا شويه ويمشي
جميله: طب وانت مقولتليش ليه
صلاح: هو طلب مني مقولكيش
جميله بغضب في سرها : ماشي ي جاسر
جميله : طيب يلا عشان تفطر بقاا
صلاح: مانا فطرت انا وجاسر
جميله : طب خلاص خلي الاكل عندك ولما تجوع ابقي كل
صلاح: ماشي
حطت جميله الاكل ع التربيزه وقعدت معاه شويه يتكلموا وبعد كدا قامت مشيت نزلت ركبت عربيتها وراحت الشركه ل جاسر
بعد وقت وصلت وطلعت مكتبه ودخلت من غير ما تخبط وهو كان عارف انها هتيجي
جاسر وهو ينظر للملف : نعم
جميله بغضب: انت اي الي وداك عند صلاح انا قولتلك دا سر بينا ومش عايزه يعرف ان انت عرفت

جاسر وهو مازال ينظر للملف : والله دي حاجه متخصكيش صلاح صاحبي وانا كنت بزوره يعني مدخليش نفسك في الموضوع

جميله بغضب: والله دلوقتي صاحبك مش دا الي مكنتش طايقه

جاسر : عشان كنت فاكروا غلطان لكن طلع ضحيه وبعدين انتي مالك ازور الي ازوره دا شئ ميخصكيش

جميله بغضب: ومقولتليش ليه

جاسر ببرود: واقولك ليه هو انتي كنتي قولتيلي لما ساعدتيه وودتيه المصحه ولا انك بتزوريه وتطمني عليه

جميله بغضب: يعني انت بتردهالي عشان مقولتلكش ع حاجه واحد طلب مني تبقي سر

جاسر ببرود: بالظبط بردهالك عشان تشوفي هتتعصبي زي ماانا اتعصبت ولا لا ،انتي اضايقتي لما خبيت عنك وقولتي اكتر حاجه بتكرهيها هي ان حد يخبي عنك حاجه وجيت صالحتك عشان كنت عارف اني غلطان لكن انتي ولا كأن الموضوع هامك وكأنك مصدقتي دا حصل عشان تبعدي ،الموضوع عدي عليه يومين وانتي مفكرتيش تيجي تعتذري لا انتي جايه عشان متعصبه اني بزور واحد صاحبي وبتطمن عليه

جميله : انا كنت هقولك ع فكره بس هو الي طلب مني مقولش عشان قالي كفايه الي حصل ومش عايزك تعرف انو مدمن

جاسر:ومفكرتيش اني ممكن اعرف بأي طريقه دا موضوع ميستخباش اصلا

جميله : لا يستخبي لان محدش يعرف غيري انا بس وكمان انا كتبت اسمو من ضمن المسافرين لندن وبكدا محدش كان هيعرف

جاسر : تمام و احنا دلوقتي مش في موضوع صلاح انا لما خبيت عنك وانتي زعلتي مستنتش يومين ولا ثلاثه عشان اجي اصالحك انا جيت في ساعتها لكن انتي كان عندك استعداد تكملي عادي لحد ما اجي انا واتكلم مش كدا

جميله : ايوا لاني مغلطش عشان اجي اعتذر

جاسر بغضب: بردوا مصممه انك مغلطيش ماشي ي جميله براحتك

جميله : طب انت عايز اي دلوقتي

جاسر بغضب: عايزك تتفضلي عشان ورايا شغل

جميله : ماشي
راحت جميله قعدت ع الكرسي قصادوا
جاسر : ع فكره انا قولت اتفضلي
جميله : ايوا مانا عارفه وانا اتفضلت قعدت
جاسر : لا انا قصدي اتفضلي اخرجي مش اقعدي
جميله : بس انا مش هخرج غير لما تضحك
جاسر بصلها باستغراب : نعم
يعني انتي تعصبيني وفي الاخر تقوليلي مش هخرج غير لما تضحك ،طب خليكي قاعده ومش هضحك
جميله : براحتك وانا هفضل لحد ما تقول انك مش زعلان
جاسر : اقعدي
عدي ساعه وجميله قاعده وهو منتظر يشوفها هتمل او هتزهق وتقوم لكن هي قاعده
جاسر : هو انتي مش وراكي شغل
جميله : ورايا ايوا وكمان عندي مهمه النهارده بس انا قولتلك مش همشي غير لما تقول انك مش زعلان وتضحك كمان
جاسر بعند:وانا مش هقول
جميله: براحتك متقولش
جاسر : طيب روحي شغلك
جميله: لا مش هروح
جاسر :روحي شغلك ي جميله لان الي انتي عايزاه مش هيحصل
جميله: ليه مش هيحصل بقاا
جاسر : لانك مش هاين عليكي تعترفي بغلطك وتعتذري عليه
جميله: هو انت اعتذرت لما جيت صالحتني
جاسر : لا معتذرتش بس اعترفت بغلطتي وصالحتك لكن انتي مش راضيه تعترفي انك غلطانه ولا حتي جايه عشان تصالحيني
جميله : انا لو شايفه نفسي غلطانه كنت اعترفت بس مع ذلك مش عايزه امشي وانت مضايق
جاسر بسخريه: لا كتر خيرك فعلا
جميله : اتريق براحتك بس انا اعند منك ومش همشي غير لما تقول انك مش زعلان
جاسر بعند: وانا بردوا اعند منك ومش هقول

سكتت جميله وهو كمل شغله وجالها جميله تليفون من ادهم وردت
جميله: ايوا ي ادهم
ادهم: اي ي بنتي انتي فين اللواء بيسال عليكي ومتعصب جدا
جميله : طيب انا جايه دلوقتي
ادهم : ماشي سلام
جميله : سلام
قفلت جميله مع ادهم وبصت ل جاسر بغيظ وهو باصصلها بانتصار
جميله بغيظ: ماشي انا همشي بس عشان للاسف اللواء عايزني بس بردوا هعمل الي في دماغي
جاسر ببرود: براحتك وانا بردوا هعمل الي في دماغي
خرجت جميله بره المكتب ونزلت ركبت عربيتها وراحت الاداره بعد وقت وصلت وطلعت مكتبها
ادهم بسرعه: بصي مفيش وقت نتكلم خلينا ندخل لان اللواء ع اخروا
جميله : طيب
دخلوا الثلاثه
الكل : تمام ي فندم
سيف بغضب: كنتي فين ي جميله كل دا انتي مش عارفه ان النهارده فيه مهمه
جميله : عارفه ي فندم
سيف بغضب: ولما انتي عارفه متاخره ليه لحد دلوقتي
جميله : ي فندم لسه العمليه بليل
سيف بغضب: يعني اي بليل مش فاهم انتي المفروض تكوني هنا في معادك
جميله: حاضر ي فندم
سيف بغضب:بعد ما تخلص المهمه انهارده وتقبضوا عليهم انتي ترقيتك هتتوقف
جميله وهي تكتم غضبها : الي تشوفوا حضرتك ي فندم
سيف بجديه: دلوقتي نتكلم في المهمه ،انت ي ادهم هتاخد قوه وتدخل من الباب الخلفي وانتي ي جميله هيبقي معاكي قوه وهتدخلي من الباب الامامي
ادهم : بس ي فندم اكيد حد هيحذرهم لما ندخل عشان نقبض عليهم
سيف :ازاي ي حضره الظابط ما سلمي هتبقي في العمليات وهتقبض عليهم
ادهم : تمام ي فندم
سيف : اتفضلوا
الكل : تمام ي فندم
خرجوا الثلاثه وجميله كانت متعصبه جدا وادهم وسلمي حاولوا يتكلموا معاها لكن هي مكنتش عايزه تتكلم

جيه معاد العمليه وراحت سلمي الاول وعبدالرحمن كان هناك ومعاه المريض وحضروهم للعمليات
وجميله وادهم كانوا مع القوات محاصرين المستشفي وكانت المستشفي فاضيه نوعاا ما مفيش غير الاستقبال وبعض الممرضين والدكاتره واسيل كانت موجوده بس في مكتبها
جميله لادهم في السماعات : مدير المستشفي مش في العمليات هنعمل اي
ادهم : لازم ندخل دلوقتي مش هينفع نستني سلمي هتبقي في خطر
جميله : طيب
دخل ادهم من باب المستشفي عادي وراح عند الاستقبال وجيه واحد من القوات من وراه وضرب الموظف ع دماغه اغم عليه ساعتها دخلوا القوات وانتشروا في المستشفي كلها وعبدالرحمن كان بره غرفه العمليات وشاف ادهم وجميله وهما جايين ومعاهم قوات
جميله : عبدالرحمن ابعد انت عشان لو حصل ضرب نار
عبدالرحمن باعتراض: لا طبعا انا هدخل معاكوا اطمن ع سلمي
ادهم بسرعه: مفيش وقت للكلام خلينا ندخل بسرعه
جميله : ماشي
دخلوا الثلاثه ومعاهم القوات والدكتور والممرضين الي معاه اتفاجأوا بالقوات
شريف بغضب: انتوا ازاي تدخلوا غرفه العمليات كدا
جميله بسخريه: مش لما تكون غرفه عمليات الاول
شريف بغضب: امال دي اي
جميله : تحب اقولك دي اي
راحت جميله ناحيه الباب الصغير الي في الارض وفتحتوا وشريف اتوتر جدا
ادهم: وغير الباب احنا الي عاملين الخطه دي اصلا يعني دول تبعنا احنا
شريف : هو مش انت تبقي جوز اسيل
ادهم بغيره: اسمها الدكتوره اسيل
قبضوا القوات عليهم كلهم وخرجوا
ساعتها ايناس جت ع ادهم وهي بتجري ناحيتهم
ايناس بخوف : الحق اسيل ي ادهم
ادهم بقلق : مالها اسيل
ايناس بخوف : دخلت عليها المكتب لقيت دكتور حسين حاطط سكينه ع رقبتها
مستناش ادهم يسمع وجري ناحيه مكتب اسيل وسلمي وعبدالرحمن وراه دخل ادهم المكتب وسلمي وعبدالرحمن معاه وشاف دكتور حسين حاطط السكينه ع رقبتها
حسين بغضب: الي هيفكر يقرب هقتلها ،نزلوا سلاحكوا

عند جميله دخلت اوضه جنب مكتب اسيل ونطت من الشباك وهي ماشيه ع السور ودخلت براحه من الشباك بتاع مكتب اسيل وكان الدكتور ضهره لشباك وادهم لمح جميله
ادهم : طيب هنزل السلاح بس متأذيهاش
حسين بغضب: نزل السلاح
نزلوا الاثنين اسلحتهم ونطت جميله ع حسين وردت السكينه من ايدو بسرعه وضربتوا وجريت اسيل ع ادهم بخوف وهو حضنها وهو بيطمن عليها
ادهم بقلق وهو ينظر لها : انتي كويسه
اسيل بدموع وخوف: ايوا
ادهم ل سلمي : سلمي خلي اسيل معاكي
سابها ادهم بعد مااتطمن عليها وراح ناحيه حسين الي جميله كانت بتضربوا ومسكوا وفضل يضرب فيه بغضب ولما شاف دموع اسيل كان غضبه وضربه ليه بيزيد بعدتوا جميله عنو بصعوبه
جميله وهي بتبعدوا : خلاص ي ادهم هيموت في ايديك احنا عايزينوا حي
بعد ادهم عن و وحسين كان بينزف من كتر الضرب
جت القوات وقبضوا عليه وادهم راح ناحيه
ادهم بحنان : خلاص اهدي محصلش حاجه انا معاكي
حضنتوا اسيل بقوه وخوف وبص ادهم ل جميله وهي فهمت وخدت سلمي وعبدالرحمن وخرجوا
ادهم بحنان وهو يمرر يده ع شعرها : خلاص ي اسيل هو اتقبض عليه
اسيل بدموع وبدون وعي منها : انا كنت خايفه عليك
ادهم بابتسامه حب : كنتي خايفه علياا انا
فاقت اسيل واستوعبت انها في حضنه وبعدت بسرعه وهي محرجه
اسيل باحراج وهي تمسح دموعها: انا اسفه مقصدش
ادهم بحب وهو يهمس : بحبك
اسيل بصتلوا بصدمه: اي
ادهم بابتسامه: بحبك
اسيل بسعاده وعنيها لامعه بالدموع:وانا كمان بحبك اوووي
فرح ادهم جدا وشالها وحضنها وهو طاير من الفرحه وهي كمان بادلتوا الحضن
بعد وقت بعد عنها ادهم وهو مبسوط وهي كانت طايره من الفرحه ونسيت خوفها وخرجوا الاتنين بره
جميله بابتسامه: الف مبروك
اسيل بخجل : مبروك ع اي
جميله بغمزه : لا دي مفاجاه ملناش دعوه بيها
ادهم بضحك: ههههههههههه هي كدا بقت مفاجاه
جميله بابتسامه: ايوا ما انت مقولتش باقي الحكايه
اسيل باستغراب : حكايه اي انا مش فاهمه حاجه
ادهم باابتسامه: بعدين هقولك
اسيل : ماشي
جميله : طيب احنا كدا مهمتنا خلصت خلينا نمشي بقاا
ادهم : اه يلا
سلمي : جميله انا مش عايزاكي تزعلي من بابا انتي عارفه هو ميعرفش بنته في الشغل
جميله : انا مش زعلانه هو عندو حق انا الي غلطانه عشان اتاخرت
ادهم : طيب خلينا نمشي
جميله: يلا
نزلت جميله ركبت عربيتها ومشيت وعبدالرحمن وسلمي ركبوا العربيه واتحركوا وادهم واسيل ركبوا العربيه وراحوا فيلتهم
💖💖💖💖💖💖💖💖
عند ادهم واسيل وصلوا الفيلا ودخلوا
اسيل : اي هي بقاا المفاجاه
ادهم بابتسامه: ماشي هقولك ،انا ي ستي طلبت ايديك من باباكي وهو وافق وطبعا احنا كدا كدا متجوزين بس انا وعدته اني مش هلمسك غير لما نعمل فرح فا قولت هنعمل فرحنا مع جاسر وعبدالرحمن
اسيل : دا انت مخطط لكل حاجه بقاا
ادهم بابتسامه: ايوا
اسيل : طب وانت اشعرفك اني هوافق
ادهم بابتسامه: لاني واثق انك بتحبيني زي مانا بحبك
اسيل بابتسامه: انا فعلا بحبك مش عارفه ازاي ولا امتي بس حبيتك وكنت خايفه تكون مبتحبنيش بس لما صرحتلي عن حبك انهارده قولت لازم انا كمان اقولك
ادهم بتنهيده: يعني لازم الكلام دا دلوقتي ،انا كدا مش هقدر استني لحد الفرح وشكلي كدا هخلف وعدي مع سياده اللواء
اسيل بابتسامه : انا عارفه ومتاكده انك مش هتعمل كدا لانك قد وعدك
ادهم وهو يرفع حاجب : بتثبتيني يعني
اسيل وهي تهز راسها بمعني اه
ادهم بغمزه: ماشي ع العموم هي كلها ايام
اسيل بخجل : انا طالعه انام
ادهم ضحك ع كسوفها
ادهم بتذكر: صح هو اي الي خلي حسين يجي عندك ويرفع عليكي السكينه
اسيل :عشان شافك في الكاميرات وهو عارف انك جوزي لما شافك في الكاميرات عندي من يومين لما جيت مكتبي
💖💖💖💖💖💖💖💖💖
عند عبدالرحمن وسلمي
وصلها عبدالرحمن بيتها وبعد كداروح البيت وكان جاسر في الشقه
جاسر : اي الي اخرك كل دا
عبدالرحمن : ما انت عارف اني كنت مع سلمي عشان المهمه
جاسر : خلصت المهمه خلاص
عبدالرحمن : اه خلصت وقبضوا عليهم كلهم
حكالوا عبدالرحمن كل الي حصل
جاسر باستغراب : واي الي عملوا اللواء سيف ضايق جميله
عبدالرحمن : انا سالت سلمي واحنا راجعين قالت ان جميله اتاخرت انهارده واللواء عاقبها بانو لغي ترقيتها

سكت جاسر وعرف انها اتعاقبت بسبب انها كانت عايزه تصالحه واتاخرت معاه هو

💖💖💖💖💖💖💖💖

عند جميله روحت البيت وهي متعصبه ودخلت شقتها ولقت جاسر في شقتها
جميله بغضب: انت دخلت هنا ازاي
جاسر : انتي مقولتليش ليه ان اللواء لغي ترقيتك
جميله : وانت تعرف ليه مش حصل الي في دماغك انا فضلت موجوده عشان اصالحك لكن انت رفضت جاي دلوقتي تتكلم ليه
جاسر : دا ملهوش دعوه المفروض انتي مراتي واي حاجه تضايقك ،تضايقني بالظبط ،
جميله: والله مش المفروض اننا متخانقين
جاسر :متخانقين بس اي حاجه تحصل لازم اعرفها مش اعرف من اخوياا انك ترقيتك اتلغت
جميله : جاسر انا تعبانه وعايزه ارتاح مش حمل مناهده وخناق دلوقتي خالص اتفضل عشان مينفعش تفضل احنا بليل
جاسر : انتي بترديهالي يعني عشان قولتلك كدا امبارح
جميله : ايوا بردهالك
جاسر :مش المهمه خلصت
جميله استغربت انو غير الموضوع : ايوا خلصت
جاسر : طيب كدا هنحدد الفرح امتي
جميله باستغراب : فرح اي
جاسر : فرحنا
جميله بسخربه: والله هنحدد فرحنا ازاي واحنا متخانقين
جاسر : مين قالك اننا متخانقين
جميله : هو مش انت رفضت لما جيت اصالحك
جاسر : وهو انتي كنتي جايه تصالحيني اصلا
جميله : مش هتفرق كنت جايه عشان كدا ولا لا بس ع الاقل قعدت عشان اصالحك
جاسر : ماشي وانا مش زعلان
جميله : مش من قلبك ع فكره
جاسر بابتسامه: طب كدا من قلبي
جميله بابتسامه: ايوا
جاسر بابتسامه: ماشي ي مجنونه ،انا هسيبك ترتاحي ونبقي نتكلم بكره
جميله بابتسامه: ماشي تصبح ع خير
جاسر بابتسامه: وانتي من اهله
خرج جاسر ودخل شقته وجميله دخلت اوضتها خدت شاور ولبست بجامه مريحه ونامت
💖💖💖💖💖💖💖💖💖
تاني يوم الصبح صحيت جميله خدت شاور ولبست وخرجت لقت جاسر بردوا خارج من شقته
جاسر بابتسامه: صباح الخير
جميله بابتسامه: صباح النور
جاسر بابتسامه: عامله اي انهارده
جميله بابتسامه: الحمدلله كويسه
جاسر : رايحه ل صلاح دلوقتي
جميله :اه
جاسر : وانا كمان رايح تعالي معايا و احنا راجعين هوصلك الاداره
جميله : ماشي
نزلت جميله وجاسر ركبوا العربيه واتحركوا بعد وقت وصلوا المصحه وطلعوا ل صلاح واتطمنوا عليه وقعدوا معاه شويه وهما بيضحكوا ويهزروا مع بعض
ودخل الدكتور فحصه
الدكتور بابتسامه: لا انت بقيت احسن من الاول بكتير ،انت كدا عديت المرحله الاولي بسرعه دا عشان الادمان كان من فتره قليله وقدرنا نلحقك

جميله : يعني هو كدا ي دكتور فاضلوا قد اي وخرج ويمارس حياتو عادي

الدكتور : يعني شهر كدا ويكون تعافي كلياا ويقدر يخرج

جاسر : تمام شكرا ي دكتور

الدكتور بابتسامه: العفوا عن اذنكوا
خرج الدكتور
صلاح بابتسامه: انا بجد مش عارف اشكركوا ازاي ع وقفتكوا جنبي دي انتوا الي ساعدتوني اني اخف بسرعه
جميله بابتسامه: احنا معملناش غير الواجب وانت شخص كويس ي صلاح وتستاهل كل خير
جاسر بابتسامه: بس انت اهم حاجه شد حيلك عشان تستلم شغلك
صلاح باستغراب : شغل اي
جاسر بابتسامه: شغلك في الشركه عندي انا محتاج مدير حسابات شاطر و امين وبصراحه مش هلاقي احسن منك
صلاح : معقوله هتأمني ع حاجه زي كدا بعد الي انا عملتوا فيك
جاسر بابتسامه: الي انت عملتوا مكنش ليك ذنب فيه دا كان غصب عنك زي ما كان غصب عني وانا مسامحك
صلاح بحزن: بس انا مش قادر اسامح نفسي
جميله : انت مغلطش في حاجه ي صلاح انت كنت ضحيه
سكت صلاح وهما قعدوا يتكلموا معاه لحد مااقنعوا انو ملوش ذنب وانو يوافق يشتغل مع جاسر وهو وافق  بعد وقت استاذنوا وخرجوا ركبوا العربيه ووصلها جاسر الاداره وطلعت وهو مشي

عند ادهم واسيل
دخلت اسيل غرفه ادهم براحه وهي بتتسحب وقربت منو وهي معاها ماده سوداء حطتها ع وشه براحه ولقت ادهم فتح عنيه فجاه اتخضت وحاولت تجري لكن مسكها ادهم
ادهم وهو ينظر لها : بتعملي اي
اسيل ببرائه:مش بعمل حاجه
بص ادهم ع ايديها لقاها فيها ماده سوداء مسح ع وشه لقاه ماده سوداء ع ايدو ،راح قرب منها وهي فاكره انو هيبوسها حاولت تبعد لكن معرفتش
اسيل والدموع لامعه في عينيها : خلاص مش هعمل كدا تاني
قرب ادهم اكتر ومسح وجهه في وجهها وهي كمان وشها بقاا اسود
اسيل بغيظ : اي الي انت عملتوا دا
ادهم بخبث: نفس الي انتي عملتيه ي حبيبتي
اسيل بخجل : حبيبتك
ادهم بابتسامه حب : طبعا حبيبتي ومراتي وبنتي وكل حاجه لياا
اسيل بخجل : وانت كمان حبيبي وجوزي وابوياا وكل حاجه بالنسبالي
ادهم بمزاح: والله انا شكلي هتهور فعلا
اسيل بضحك: ههههههههههه لا خلاص قوم يلا خد شاور وانا بردوا عشان تروح الشغل وتوصلني في سكتك
ادهم بابتسامه: ماشي
قامت اسيل دخلت اوضتها وخدت شاور ولبست
وادهم بردوا قام خد شاور ولبس
💖💖💖💖💖💖💖💖💖💖
عند جميله دخلت مكتبها وكانت سلمي موجوده
جميله : هو ادهم لسه مجاش
سلمي : اه لسه
جميله : طيب انتي عملتي اي انتي وعبدالرحمن
سلمي باستغراب : عملنا اي في اي
جميله: مش المهمه خلصت يعني المفروض تحددوا معاد الفرح
سلمي : ما بابا قال فرحنا معاكوا
جميله : يعني كدا المفروض نحددوا احنا الثلاثه مع بعض
سلمي باستغراب : ثلاثه مين
جميله : انا وانتي واسيل
سلمي : هي اسيل هتعمل فرح معانا
جميله : اه ما هي دي المفاجاه بتاعت ادهم ليها
سلمي بسعاده: والله هتبقي فكره حلوه اووي احنا الثلاثه مع بعض
جميله بابتسامه: طب عايزين نقعد مع بعض ونحدد كدا المهمه خلصت خلاص

💖💖💖💖💖💖💖💖💖
عند جاسر سافر اسكندريه وراح الاداره لاسر ودخل المكتب
اللواء اسر باستغراب : انت جيت ازاي
جاسر بابتسامه: عارف انك مستغرب اني جيت بس انا جاي عشان احدد مع حضرتك معاد الفرح ،جميله خلصت مهمتها وكل حاجه جاهزه
اسر بضحك: ههههههههههه يخرب عقلك والله كان عندي حق لما قولت انك مصيبه ،انت لدرجادي مستعجل
جاسر بابتسامه: حضرتك حبيت قبل كدا و اكيد حاسس بياا واكيد كنت مستعجل زي ولا اي
اسر بضحك: هههههههه ايوا فعلا كنت مستعجل ،ماشي ي سيدي وجميله عارفه انك هنا
جاسر : لا متعرفش انا حبيت اعملهالها مفاجاه وكمان ادهم اتفق مع استاذ مؤمن ع كل حاجه بردوا وعبدالرحمن هيكلم سياده اللواء وهنعملوا كلنا سواء
اسر : دا انتوا محضرين لكل حاجه بقاا
جاسر : ايوا فاضل بس نحدد المعاد
اسر:والفرح هيبقي فين
جاسر : في القاهره بما ان كلنا عايشين في القاهره
اسر: ماشي
جاسر : يعني يوم الخميس كويس
اسر : دا بعد ثلاث ايام مش قريب اووي
جاسر : بالعكس دا كدا كويس لان هي لسه مخلصه المهمه وكمان اكون انا ظبطت شغلي وهخلي حمزه صاحبي يمسك مكاني وكمان مناسب ليهم كلهم وكل حاجه هتكون جاهزه في اسرع وقت وهنحجز اكبر قاعه افراح في القاهره
اسر: وجميله
جاسر : انا قولتلها بس لسه مقولتلهاش ع المعاد
اسر: وعيلتك
جاسر : عيلتي هقولهم وهيكونوا موجودين ع يوم الاربعاء
اسر بقله حيله : ماشي موافق
💖💖💖💖💖💖💖💖💖
عند جميله وصل ادهم واللواء طلبهم ودخلوا الثلاثه
الكل : تمام ي فندم
سيف بابتسامه: مبروك ع انتهاء المهمه ي شباب
الكل : الله يبارك في حضرتك ي فندم
سيف : دلوقتي عندي خبرين حلوين ليكوا ،اول خبر تم ترقيه ادهم السيد من الرائد ادهم الي المقدم ادهم ،وسلمي من نقيب الي رائد

ادهم وسلمي كانوا زعلانين ان جميله مترقتش زيهم وجميله سكتت

سيف : وجميله

جميله : نعم ي فندم

سيف بابتسامه: اترقيتي الف مبروك ي سياده المقدم

جميله بفرحه : بجد
سيف بابتسامه: ايوا بجد ادهم قالي ع الي انتي عملتيه وانك انقذتي اسيل

بصت جميله لادهم بأمتنان وهو ابتسم

جميله بابتسامه: شكرا لحضرتك ي فندم
سيف بابتسامه: العفوا ، الخبر التاني بقاا اجازه ليكوا انتوا الثلاثه ١٠ ايام هديه مني ليكوا بمناسبه فرحكوا
ادهم بمزاح: ربنا يخليك للغلابه الي زينا والله ي فندم
سيف بضحك: ههههههههههه عشان تعرفوا بس زي ما فيه عقاب فيه مكافاه
ادهم بابتسامه: عارفين ي فندم
شكروا الثلاثه سيف وبعد كدا استاذنوا وخرجوا
وادهم جالوا مكالمه من جاسر وقالوا ع المعاد بس قالوا ميتكلمش قدام جميله
وعبدالرحمن راح ل سيف وكلموا وقالوا ع المعاد ووافق سيف واتحدد المعاد
💖💖💖💖💖💖💖💖💖
عند جميله خلص اليوم ورجعت البيت ودخلت اوضتها لقت فستان ع السرير في اللحظه دي جالها رساله من جاسر
جاسر :لما تجهزي انزلي هتلاقيني مستنيكي
بعتتلوا جميله رساله
جميله : هنروح فين
بعتلها جاسر رساله
جاسر : اجهزي بس الاول
جميله : ماشي
دخلت جميله خدت شاور وخرجت لبست الفستان وحطت ميك خفيف وخرجت بره الشقه ونزلت كان جاسر مستنيها وهو ساند ع عربيته وكان لابس بدله سوداء شيك و اول ما شافها ابتسم بحب وفتحلها باب العربيه وهي ابتسمت وقعدت قفل الباب وركب الناحيه التانيه وساق
جميله : احنا رايحين فين
جاسر بابتسامه: هتعرفي لما نوصل
جميله : ماشي
سكتوا شويه وقطع الصمت جاسر
جاسر بابتسامه: تعرفي ان الفستان شكلوا حلو جدا عليكي
جميله بابتسامه: مش انت الي مختاروا اكيد يبقي حلو
جاسر بابتسامه حب : بس الي لبساه احلي بكتير
جميله بابتسامه: ميرسي
وصلوا المكان وكان مطعم فخم وفيه بودي جارد من بره خرجت جميله وجاسر من العربيه وسندت ايديها في ايدو ودخلوا المطعم كان فاضي مفيش غير الجرسون وفرقه كمان ،قعدت جميله ع الكرسي وجاسر قصادها
جاسر بابتسامه: عجبك المكان
جميله بابتسامه: اه جدا. شكلوا فخم وهادي  ثم اكملت باستغراب : بس مش غريبه ان مفيش حد خالص في المطعم
جاسر بابتسامه : عشان انا حجزتوا لياا انا وانتي وبس عشان نبقي ع راحتنا
جميله بابتسامه: طب مش هتقولي ليه كل دا
جاسر بابتسامه: هقولك بس تتطلبي اي الاول
جميله بابتسامه: بصراحه انا جعانه
جاسر بابتسامه: عارف عشان كدابقولك تتطلبي اي يعني عايزه تتعشي اي
جميله بابتسامه: امممممممممم اطلبلي ع ذوقك
جاسر بابتسامه: خلاص ماشي
جيه الجرسون وطلب جاسر الاكل وبعد وقت وصل  الاكل واتعشوا وعزفت الفرقه بعد ما جاسر غمزلهم
جاسر بابتسامه وهو يمد يده ل جميله : تحبي ترقصي
جميله بابتسامه ومدت يدها له : اكيد
لف جاسر ايدو حوالين خصرها وهي لفت ايديها حوالين رقبته برقه
جميله بهدوء ورقه : مش هتقول بقاا ليه كل دا
جاسر بهدوء : هو لازم يكون فيه سبب عشان اعمل كدا
جميله بهدوء : لا مش قصدي بس مستغربه
جاسر بابتسامه: ماشي ي ستي ع العموم دا احتفال بمناسبه ترقيتك ،ثم اكمل بحب : الف مبروك ي حبيبتي
جميله بابتسامه : الله يبارك فيك بس انت عرفت ازاي
جاسر بابتسامه: ادهم هو الي قالي
جميله بابتسامه: غريبه انت وادهم بقيتوا اصحاب
جاسر بابتسامه: من اول ماا اتقابلنا ساعت اول مره اتخطفنا فيها وانا وادهم بقينا صحاب
جميله بابتسامه: و اكيد بيوصلك اخباري مش كدا
جاسر بهدوء: لا طبعا انا قولتلك اني واثق فيكي و اكيد مش هخلي حد رقيب عليكي
جميله بابتسامه : وانا كمان بثق
طلع جاسر علبه قطيفه وفتحها وكان فيها خاتم الماس رقيق وفخم جدا
جميله باعجاب: الله شكلوا حلو اوي
جاسر بحب : مفيش احلي منك ي حبيبتي
لبسها جاسر الخاتم وهي كانت طايره من الفرحه
وطلع عقد الماس كمان وكان اكثر من رائع
جميله : بس كدا كتير اووي دا الخاتم لوحدوا شكلوا غالي
جاسر بابتسامه ورقه : مفيش اي حاجه تغلي عليكي ابدا لان انتي اغلي حاجه
ابتسمت جميله بحب وهو لبسها العقد وباسها برقه وشغف وهي بادلتوا نفس المشاعر وهو فرح انها مبعدتش ولا اعترضت وباسها بشغف اكبر وهو مش عايز يبعد ابدا
بعد عنها جاسر لكن لسه قريب بصلها بحب
جاسر بحب : تعرفي ان النهارده احلي يوم في حياتي
جميله بابتسامه: اشمعنا
جاسر بابتسامه: عشان حسيت فعلا بحبك النهارده رغم انك مقولتيهاش بس كفايه اني حسيت بيها
جميله بابتسامه: ع فكره انا بردوا عندي مفاجاه
جاسر:مفاجاه اي
جميله بابتسامه:اللواء ادانا اجازه عشر ايام انا وادهم وسلمي
جاسر : انا بردوا عندي خبر ليكي بس مش عارف هتبقي مبسوطه ولا هتزعلي
جميله باستغراب : خبر اي
جاسر:انا انهارده كنت في اسكندريه روحت لباباكي واتفقنا ع معاد الفرح
جميله :امتي
جاسر وهو يراقب تعابير وشها:يوم الخميس
جميله بدهشه:بتهزر يعني فاضل ثلاث ايام وانا هلحق اعمل اي فيهم
جاسر بابتسامه راحه لما عرف انها مضيقاتش :انتي مش محتاجه تعملي اي حاجه كل حاجه جاهزه حتي فستانك جاهز وهيوصل يوم الخميس الصبح وحجزتلك كمان في بيوتي سنتر انتي وسلمي واسيل مع بعض

جميله بابتسامه:انت مجهز لكل حاجه بقاا وكأني هوافق

جاسر بابتسامه: واي الي هيخليكي تعترضي ما كل حاجه جاهزه ومحلوله

جميله بابتسامه:ماشي وبالنسبه لاسيل وسلمي رايهم اي

جاسر بابتسامه:انا قولت لادهم وعبدالرحمن وهما هيقوللهم ،وانا متاكد انهم هيوافقوا ،
💖💖💖💖💖💖💖💖💖💖💖
عند ادهم راح المستشفي عند اسيل وطلع وهو ماشي في الممر قابل ايناس
ايناس باعجاب:ازيك ي ادهم
ادهم بابتسامة: ازيك ي دكتوره ايناس
ايناس بابتسامه : انا كويسه جدا وبعدين بلاش دكتوره دي انا اسمي ايناس بس

ادهم مرتحلهاش واضايق من طريقتها
ادهم بجديه: معلش ي دكتوره ياريت الالقاب تكون موجوده احسن

اسيل كانت شايفهم وسمعت رد ادهم ع ايناس وفرحت جدا ،ودخلت مكتبها بسرعه

عند ادهم ساب ايناس ودخل مكتب اسيل
ادهم بابتسامه : وحشتيني
اسيل بابتسامه: وانت كمان وحشتني اوووي 
ادهم بابتسامه: خلصتي شغل ولا لسه
اسيل : اه خلصت خلاص ،ثواني هلم حاجتي عشان نمشي
ادهم : ماشي
لمت اسيل حاجتها وخرجت هي وادهم وقابلوا ايناس وهما خارجين وكانت بصالهم بغيظ بس دارت دا بسرعه وراحت ناحيه اسيل الي كانت مضايقه منها
ايناس بابتسامه: انتي ماشيه ي اسيل
اسيل بضيق : ايوا ماشي
ايناس بابتسامه: طيب ي حبيبتي انا كنت بسلم عليكي بس
اسيل : شكرا
مشيت اسيل وهي مضايقه وادهم كان مستغرب ركبوا العربيه واتحركوا
ادهم باستغراب : مالك ي اسيل
اسيل بضيق : مفيش
ادهم باستغراب : مفيش ازاي انتي كنتي كويسه وفجاه اضايقتي لما  شوفتي ايناس
اسيل بضيق : يعني انت مش شايف بتبصلك ازاي عيني عينك كدا

ادهم عرف انها غيرانه وابتسم
ادهم بحنان ورقه وهو يضم يدها : انا مش شايف غيرك انتي بس مهما هي حاولت انها تعمل اي حاجه عشان تلفت نظري عمري ما هبصلها لان انتي ماليه علياا قلبي وعقلي وكل حاجه خليكي واثقه في نفسك وواثقه اني عمري ما هبص لحد غيرك

فرحت اسيل جدا بكلاموا الي خلاها طايره من الفرحه ونسيت انها مضايقه

اسيل بابتسامه حب : انا بحبك اووووي بجدا انا محظوظه عشان ربنا رزقني بيك

ادهم بحب : انا الي محظوظ عشان ربنا رزقني بيكي ،بحبك ومحبتش حد قدك انتي مليتي علياا حياتي وخليتي ليها طعم بعد ما كنت عايش لوحدي

اسيل بابتسامه : انت الي جيت نورت حياتي ودنيتي بعد ما كنت فاقده الامل اني الاقي حد يحبني الكل كان شايفني وحشه عشان مش بلبس زي البنات ع الموضه ولبسي كلوا بناطيل لكن انت حبتني كدا ومشوفتش دا

ادهم بحب:لاني شوفتك بقلبي قبل عيني والي يشوف بقلبه عمروا ما يشوف وحش ولا يغلط ابدا ،وانا حابب لبسك دا وعايزك كمان راجل بره البيت بس جوه عايز اشوف مراتي وحبيبتي وطفلتي