🍁 الحلقة ٥٣ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
فهد فى المستشفى مع ديمة ورودى وبيتكلم مع الدكتور على حالتها و الدكتور بيطمنهم عليها انها بتتحسن وبيدخلو عندها و بيسلمو عليها
الحجة خديجة / انا مش عارفة اشكركو ازاى على الى عملتوة معايا
ديمة / ولا تشكرينا ولا حاجة المهم انك تقفى على رجلك من تانى رودى محتجالك اوى
وخديجة بتحضن رودى
خديجة / رودى هى الى فضلالى من ريحة ابنى الغالى ومش عرفة لما امووت هتعمل اية من غييرى
فهد / الف سلامة عليكى انتى متقلقيش على رودى هى امانة عندنا لحد ما ربنا يشفيكى وتخرجى بالسلامة
وخديجة بتعيط وبتحضن رودى وفهد بيشاور لديمة انهم
يخرجو ويسبوهم لوحدهم شوية
و بيخرجو برة الاوضة وفهد بيمسك ايد ديمة وبيروحو يقاعدو فى الجنينة جمب بعض وديمة بتحضن دراع فهد اوى وبتنام على كتفو وبيكتفو انهم يمسكو ايد بعض وبيسكتو وقلوبهم هى الى بتتكلم
.
***********************************
.
عمر بيروح الشركة وبيدخل مكتب فهد ومبسوط اوى
وبيروح يلمس كرسى فهد وبيقاعد علية ومبسوط
عمر / كام يوم بس وكل حاجة هتكون بتعتى انا انا وبس
واسلام بيدخل وبيرحب بعمر
اسلام / اسامة قالى ان حضرتك هتابع الشغل لحد ما البش مهندس فهد والمدام ديمة يرجعو
عمر / انا مش بحب اضيع وقت فى الكلام هتلى كل الحسابات فى الشركة وحسابات البنوك عاوز اعرف اية بيدخل الشركة واية بيطلع منها يلا بسرعة مش عاوز كسل فى الشغل
.
************************************
.
فى الليل
فهد و ديمة ورودى بيرجعو من المستشفى وبيوصل ديمة ورودى على الشقة وبيودع ديمة وبيطلع على اوضته
.
************************************
.
جودى نايمة بتعيط ومش قادرة تتحرك خالص وبتدخل دينا عليها
دينا / انا جبتلك اكل هشيل الى على بوك دة ولو صوتى انتى عارفة عمر ممكن يعمل اية
ودينا بتشيل الشريط من على بوقها وجودى بتصرخ وعمر بيدخل الاوضة وبيبصلها
عمر / اصرخى زى ما انتى عوزة انتى عارفة ان المنطقة دى مقطوعة ومفيهاش اى حد ومفيش حد هيسمعك
جودى / حيوان وحقيير فكنى فكنى اخواتى لما يعرف الى عملتو فيا مش هيسيبوك ابدا
عمر / هههههههة اخواتك هم فين دوول فهد الى كان هيخلص على ابوة ولا العيل التافة الى اسمو اسامة هههههة
يلا ياروحى متستهلش الاكل دة خلينا نتعشى مع بعض
وبيخرجو وبيسبوها بتعيط اوى ومنهارة من العياط
جودى / فهد انت فيين
.
************************************
.
وفهد بيقلق من نومو وبيحس انو مخنووق وبيخرج برة الاوضة وبيقف فى الهواء وقلقان اوى بينزل لديمة وبيخبط على الباب وديمة بتفتح
ديمة / فهد انت كويس
فهد / انا كويس لما تكونى بخيير
وديمة بتبص لفهد اوى وبتحس انو متوتر وقلقان وفهد بيقاعد على السلم ديمة بتقاعد جمبو وبتمسك ايدو
فهد / وانا فى الجامعة سافرت لندن اكمل درستى هناك مقدرتش ابعد اهلى اكتر من شهر واحد ورجعت تانى
ديمة / وحشوك اوى صح
وفهد بيسكت ومبيتكلمش وديمة بتحضن ايدو اوى
.
************************************
.
فى الصباح
بسمة بتلعب رياضة وبتجرى حوليين بيت ديمة وهى بتجرى
زكى بيظهر قدمها وبسمة خافت اوى وبتقف فى مكنها
زكى / بعد الحب الى حبتهولك بتبلغى عنى
وبسمة مبتردش علية ولسة هتجرى بعيد عنو بيمسك اديها
زكى / انا بكلمك
وبسمة بتتالم من قبضة اديه
زكى / انا اسف انا مكنتش فى وعى الى حصل دة كان غصب عنى والله سمحينى انا بحبك خلينا نتجوز
بسمة / ابعد عنى يا زكى
زكى / بسمة ارجوكى سمحينى انا من يوم الى حصل وانا مش عارف اعيش ضميرى معزبنى خلينى اعوضك عن كل حاجة حصلت
بسمة / ضميرك انت معندكش ضميير اصلا ابعد ايدك عنى وروح سلم نفسك للشرطة احسنلك
زكى / بتحبية صح
بسمة / هو ميين
زكى / اية مش عرفة هو ميين
بسمة / انا مبحبش حد انت دمرتلى حياتى كفاية بقي ابعد عنى سبنى اعيش الى باقى من حياتى مرتاحة باة
زكى / انا هريحك منى خالص بس بعد ما ابعدو عن طريقك هو ميستهلكيش هو مش بيحبك زى ما حبيتك انا انا هقتلو هقتلو
و بيسبها وبيبعد بسرعة قبل ما حد يشوفو وبسمة بتخاف اوى
بسمة / اسامة
و بتحاول تتصل بية واسامة فى القصر بيلعب رياضة
فى الجنينة والموبيل بعيد عنو و بتقلق اوى علية وبتجرى بتوقف تاكسى وبتروح القصر بس الجنينى قلها انو خرج راح يجرى برة القصر وبسمة خايفة اوى ومش عارفة تعمل اية
ومش عارفة تروح فيين وبتفتكر كلام زكى انو هيقتل اسامة وبتجرى بسرعة فى الاتجاة الى اسامة مشى فية وبتجرى بقوة ومش قادرة تاخد نفسها وبتعيط و عوزة
تلحقو وبتتكعبل وبتقع وبتصرخ
واسامة بيحس بيها وبيقف بيبص حولية ومش شايف حد
وقلبو مش مطمن وبسمة بتقف ورجليها بتالمها وبتصرخ
اسامةةةةة اسامةةةةة
واسامة بيسمع صوتها
اسامة / بسمة
وبيجرى فى اتجاها بسرعة وبيقف قدمها وبسمة بتعيط
اسامة / بسمة
وفجاة اسامة بيتضرب بالرصاص وبسمة بتجرى علية وبتحضنو وبتصرخ
.
************************************
.
وفهد بيكون نايم هو وديمة على السلم كانو سهرنيين طول الليل و بيصحى بسرعة وبيحط ايدو على نفس المكان الى
الرصاصة جت فية عند اسامة
ديمة /فهد انت كويس فهد فى اية
.
************************************
.
وبسمة بتصرخ وبتشوف زكى بيركب موتوسيكل وبيهرب بية
بسمة / اسامة اسامة رد عليها
واسامة بيتالم وبيبص لبسمة اوى
بسمة / متسبنيش لوحدى
واسامة بيتالم والرصاصة جت فى كتفو
اسامة / هشششش متخفيش اااة
وبسمة بتحاول تساعده يقف بس بيقع تانى وبيغمي عليه
و بتصرخ وبتحاول تنادى على اى حد يساعدها وبتجرى يميين وشمال وعاملة زى المجنوونة
.
************************************
.
فهد فى شقة الحجة خديجة وديمة بتعملو قهوة
ديمة / انت كويس
فهد بيمسك اديها وبيبسها وبيبتسم ابتسامة اطمانان
فهد / عندى مقابلة النهاردة فى شركة من الشركات الى كنا بنتعامل معاهم
ديمة / لو حاسس انك مش هتكون مرتاح بلاش تروح
فهد / دلوقتى او بعديين الموجهة دى هتحصل انا هروح اجهز نفسى
وديمة بتبص عليه وهو خارج وباين علية مدايق
ديمة / فهد
و بيبصلها
ديمة / لااله لا الله
وفهد بيبتسم
فهد / محمد رسول الله خلى بالك من نفسك ومش هتاخر
ديمة / هتيجى على المستشفى
و بيكتفى بهز راسو بنعم و بيمشى وديمة قاعدة ومديقة علشانه
.
************************************
بسمة قاعدة قدم اوضة اسامة والدكتور معاة جوة وبعد شوية الدكتور بيخرج
بسمة / دكتور لو سمحت اسامة هو
الدكتور / متقلقيش هو كويس بس نزف دم كتيير الرصاصة مازتش اى جزء من الجسم حظه حلو
بسمة / ممكن ادخل اطمن علية
الدكتور / اة طبعا احنا لازم نبلغ الشرطة علشان يكون عندكو علم بكدة
بسمة / شكرا يا دكتور
و بتمسح دموعها وبتدخل بهدوء وبتشوف الممرضة بتغير لسة على جرح اسامة
اسامة / ااااة براحة
وبيشوف بسمة قدمه بيبصلها وبينسا الالم الى كان حاسس بية وبسمة دموعها بتنزل و اسامة بيبصلها ومبيتكلموش
والممرضة بتخلص وبتخرج واسامة بيبص لبسمة اوى وبيفتحلها دراعو و بتجرى علية وبتحضنو اوى وبتعيط
اسامة / هشششش اهدى
بسمة / كنت هموت من فكرة انى اخسرك
و حضنة اسامة اوى ومش عوزة تسيبو وبتعيط وبيدخل سراج وبيشفهم هم الاتنين وهم حضنين بعض
سراج / بسمة
وبسمة بتبص لاسامة وبتبعد عنو وبتبص لسراج
سراج / انتى كويسة
وبسمة بتهز برسها بنعم
سراج / احنا قبضنا علية خلاص يعنى مفيش اى خطر عليكو
سراج بيبص لاسامة اوى
سراج / بسمة ولدتك كلمتنى النهاردة علشان موبيلك مققول وكانت قلقانة اوى عليكى خدى موبيلى وروحى كلميها
وبسمة بتبص لاسامة وسراج وحاسة ان سراج بيحاول يخرجها من الاوضة و بتاخد موبيل سراج وبتخرج
سراج / حمدالله على سلمتك
اسامة / الله يسلمك
سراج / انت عاوز اية منها
اسامة / من ميين
سراج / انت عارف انا بتكلم عن ميين بالظبط بص بقي
علشان انا تعبت منك انت واخوك اسمعنى كويس بسمة انا بعتبرها اختى بالظبط والى هيازيها يبقي بيازينى انا والى بيزعلها يبقي بيزعلنى انا وانا بقي زعلى وحش اوى اوى
اسامة / افهم من كدة انك بتهددنى يعنى
سراج / اجبلك من الاخر بقي اخوك دمر حياة ديمة ومش هسمحلكو انكو تكررو دة مع بسمة ماشى
اسامة / انا و بسمة بنحب بعض وانا
سراج / وانت مدمن وتافة وعديم الشخصية وانا مش هسمحلك تقرب منها
وبتدخل بسمة وبتبص لاسامة وسراج اوى
سراج / كلمتى ولدتك
بسمة / اة
وسراج بياخد الموبيل
سراج / زيارة المريض لازم تكون قصيرة علشان يرتاح يلا خلينى اوصلك قبل ما اروح المكتب ريم مستنيكى هناك والكل قلقان عليكى
وسراج بياخد بسمة ولسة هيخرجو واسامة بيمسك ايد بسمة وسراج بيتعصب ولسة هيروح لاسامة وبسمة بتقف قدمه
بسمة / سراج لو سمحت
سراج / مستنيكى فى العربية متتاخريش
وسراج بيخرج وبسمة بتروح تقف قدم اسامة
اسامة / انا بحبك
بسمة / وانا كمان بحبك
اسامة / خليكى معايا
بسمة / وانا مش قادرة ابعد عنك
واسامة بيحضنها اوى وبسمة بتعيط
.
************************************
.
فهد فى الشركة قاعد مستنى السكرتيرة تسمحلو بالدخول
وفى موظفيين فى الشركة عرفيين فهد وبيبصو علية من وقت للتانى ومش عرفيين ازاى فهد جاى يطلب شغل فى الشركة
والسكرتيرة بتسمحلو بالدخول وبيدخل وبيسلم على المسؤال وبيتكلمو مع بعض
فهد / انا عندى خبرة كبيرة فى مجال الصناعة وانا كمان
المسؤال / انت جاى تضحك علينا
فهد / لية بتقول كدة يا فندم بس
المسؤال / عاوز تفهمنى انك جاى تدور على وظيفة عندنا احنا ولا انت صعبان عليك ال ٢٠ ٪ الى بنخدهم
فهد / انا مش فاهم تقصد اية
المسؤال / انا افهمك انت وشركاتك بتمتلكو السوق بنسبة٧٠ ٪ واحنا ٢٠٪ والشركات الصغيرة ١٠٪ صعبان عليك تسبلنا ٢٠٪ دوول وجاى تضحك علينا علشان تاخد السوق كلو على حسابك صح
فهد / انا دلوقتى معنديش اى صلة بالشركات انا سبت الشغل وسبت كل حاجة وره ضهرى وجاى اطلب وظيفة زى زى اى حد عادى
المسؤال / انا معنديش وظيفة ليك هنا فى الشركة
وفهد طبعا مدايق اوى ومتعصب وبيخرج من الشركة
.
************************************
.
ديمة فى المستشفى وقلقانة اوى وقاعدة مع الحجة خديجة ورودى فى الاوضة وخديجة بتبص لديمة وبتشوف انها قلقانة اوى
خديجة / اية يابنتى مالك انتى من بدرى شكلك قلقانة اوى
ديمة / انا لا مفيش بس فهد اتاخر
خديجة / متقلقيش زمانو جااى
ديمة / لا انا قلبى مش مطمن
و دموعها بتنزل وبتحكلهم على كل حاجة حصلت معاهم
خديجة / يااة انتو الدنيا لعبت معاكو لعبة كبيرة بس انتو لازم تتمسكو ببعض يا بنتى
ديمة / انا هخرج شوية مش هتاخر
و بتخرج على جنينة المستشفى وبتشوف فهد قاعد بعيد
وبتروح علية بسرعة
ديمة / فهد
وفهد مبيردش عليها وقاعد ساكت وديمة بتقاعد جمبو وبتمسك ايدو بحنية وبتبصلو اوى وبتشوف الدموع فى عيونو
فهد / انا فاشل انا مقدرتش اعمل اى حاجة لحد دلوقتى
ديمة / لا متقولش كدة احنا بس محتجيين الحظ يقف فى صفنا وبعديين احنا مش لازم نستسلم بالسرعة دى
و بيبصلها اوى وبيحضنها و دموعو بتنزل
.
************************************
.
اسامة بيخرج من المستشفى وبيروح المستشفى الى ولدو فيها وبيدخل وبتكون سعاد قاعد فى الاوضة
سعاد /اسامة ابنى فيك اية اية دة
اسامة / متقلقيش يا امى دى حادثة بسيطة وانا كويس
سعاد / انا مش عارفة اية الى بيحصلنا بس احنا اتفككنا العيلة الى ابوك كان بيحلم يبنيها
اسامة / ماما اهدى شوية متخفيش انا معاكى ومدام فهد احنا مش فرقيين معاة للدرجة دى خلاص هنكمل حياتنا من غيرو
سعاد / لا يا ابنى متقولش كدة على اخوك اخوك مجرووح اوى وانا متاكدة انو هيرجع وابوك هيتحسن
وسعاد بتعيط اوى وبتروح على عبد العزيز
سعاد / اصحى بقي يا عبد العزيز اصحى بقي انا تعبت
واسامة بيروح عليها وبيخدها فى حضنو
.
************************************
.
فهد وديمة بيدخلو لخديجة
خديجة / شفتى ان قلقك دة كلو مكنش لة لازووم اهو جة وصحتو كويسة
وفهد بيبص لديمة وهى بتبصلو
خديجة / الدكتور قالى انى ممكن اخرج النهاردة صحتى اتحسنت خلاص
ديمة / النهاردة
فهد / بس انتى شكلك تعبانة لسة
خديجة / انتو هتعرفو اكتر من الدكتور يلا خلونا نمشى
ورودى فرحانة اوى وبتساعد جدتها هى وديمة
.
************************************
.
جودى فى الاوضة وبتصرخ اوى وبتعيط وعمر بيدخل عليها ومعاة ابرة فى ايدو وجودى بتخاف منو
جودى / حرام عليك خلينى امشى الحقووونى الحقوونى
وعمر بيديها الابرة بسرعة وبيخرج وجودى بيغمي عليها
.
************************************
.
بسمة بتتصل بااسامة بتتطمن علية واسامة بيخرج برة الاوضة بتاعت ولدو
اسامة / وحشتينى اوى لو تعرفى قد اية انا محتجلك اكتر من الاول
بسمة / اسامة انت كويس
وبيحكلها عن ديمة و فهد
بسمة / انا فعلا بتصل بيها ومبتردش عليا
.
************************************
.
فهد و ديمة ورودى وخديجة فى البيت
فهد / حمدالله على سلمتك
خديجة / الله يسلمك يا ابنى انا مش عرفة اشكركو ازاى على الى عملتوة معايا انا ورودى
رودى / يعنى هنام لوحدى فى الاوضة تانى خليكى معايا
ديمة / انا كمان عندى بيتى ولازم ارجع هو صغيير شوية بس بالنسبالى قصر
و بتبص لفهد وهو بيبصلها
خديجة / ديمة افتحى الدولاب دة وهاتى الصندوق الصغير
وديمة بتروح تجيب الصندوق وخديجة بتفتحو وبتطلع منو مفاتيح
خديجة / خد يا ابنى خد المفتايح دى
وفهد بياخد منها المفتايح
فهد / اية دة
خديجة / ديمة قالتلى انك كنت بتدور على شغل
وفهد بيبص لديمة ومدايق
فهد / مش فاهم حاجة
خديجة / دى مفاتيح المطبعة بتاعت ابنى الله يرحمو خدها وافتح المطبعة وحققلى حلمى انى اسمع صوت مكن الطباعة من تانى يهز البيت
فهد / اسف يا حجة انا
خديجة / دة رجاء منى قبل ما امووت
ديمة / بعد الشر عليكى يا حجة
خديجة / دى حاجة بسيطة يمكن توفى جملكو الى عملتوة معايا انا وبنت ابنى
فهد / يا حجة بس انا مبفهمش حاجة فى الطباعة دى انا
خديجة / مفيش حد بيتولد كبير يا ابنى
وفهد بيبص لديمة علشان يعرف رايها وبيفهم من عنيها انها بتترجاة يوافق
فهد / انا مش عارف اقول اية
خديجة / تعالو معايا يلا
فهد / انتى ريحة فيين يا حجة انتى تعبانة
خديجة / لا انا كويسة يلا مفيش وقت كتيير
ديمة /انتى تعبانة لازم ترتاحى
رودى بتروح على جدتها
رودى / تيتة ارتاحى شوية
خديجة بتعيط
خديجة / مفيش وقت عندى يا اولاد
فهد / تقصدى اية ان مفيش وقت
خديجة / الدكتور مكتبليش على خروج انا الى قلتلو انو ميقولش لاى حد انى خلاص مفيش قدمى غير ساعات وبس
ورودى بتعيط وخديجة بتخدها فى حضنها
خديجة / رودى امانة عندكو
فهد / لا مستحيل اكيد فى حل لازم نرجع المستشفى
.
************************************
اسامة فى المستشفى قاعد قدم ولده وبيتكلم معاة وبيشكيلو همو وبيحس بايد ولدو بتتحرك
اسامة / ماما ماما
سعاد بتجرى علية
سعاد / فى اية يا ابنى ابوك مالو
اسامة / بابا كان بيحرك ايدو انا متاكد
و بيجرى بينادى الدكتور بسرعة
.
************************************
.
فهد / انا هروح اجيب تاكسى
خديجة / اية مستخصرينة فيا انى اسمع صوت المطبعة تانى قبل ما اموت
رودى / تيتة انتى مش هتسبينى لوحدى زى بابا وماما
خديجة بتحضنها اوى
خديجة / حققولى حلمى يا ابنى
و بينزلو للدور الارضى وخديجة بتشاور لفهد على الباب المطبعة و بيفتح والتراب مغطى كل حاجة فى المكان
وخديجة مبسوطة
خديجة / اللله ريحت المكان زى ما هو انا حاسة ان روح ابنى هنا فى المكان
وديمة بتحضن رودى وبتهديها ورودى بتعيط اوى
وفهد بيروح على مكنة الطباعة وبيشفها وبيوصل الاسلاك ببعض وبيشغلها وفعلا بتشتغل
وخديجة مبسوطة وبتروح على المكنة وبتبسها
وبتقع على الارض والكل بيصرخ وبيجرى عليها بسرعة
وردة ✍️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!