🍁 الحلقة ٥٢ 🍁
.
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
.
وفهد بيمسك اديها بحنية
فهد / شكرا
وديمة مبسوطة اوى
ديمة / فيين الاكل انا جعانة اية مش جعان انت كمان
فهد / انا جبت دة بس
وديمة بتاخد الشنطة من ايدو وموجود فية جبنة ومخلل وتوست
ديمة / وااو انا بحب المخلل دة اوى
و بتدى اكل لفهد وبتبتسم اوى وبيكلو مع بعض
فهد / انا من بكرة هنزل اشوف شغل
ديمة / بس هتشتغل اية
فهد / اى حاجة هعمل اى حاجة علشان ابنى نفسى بنفسى
ديمة / وانا معاك فى اى طريق انت تختارو
وبيقفو بيبصو لبعض اوى وفهد بيكسر الصمت
فهد / اة ميين الى كانت عندك دى
ديمة / اة دى رودى بنت ابن صحبت البيت دى بنت لطيفة اوى وكانت بتساعدنى انا حبتها اوى
فهد / بالسرعة دى قدرتى تعملى علاقات حتى هنا
ديمة / انت فاكر مراتك قليلة ولا اية
فهد / لا عارف انك مش قليلة ابدا انتى روحى نامى يلا انتى تعبتى اوى النهاردة يلا روحى نامى وانا هنام على الكراسى هناك
ديمة / لا ازاى انت روح نام على السرير وانا هنام على الكراسى
فهد / لا طبعا يلا روحى نامى
ديمة / لا طب خلينا احنا الاتنين ننام على السرير متخفش انا مش بشخر وانا نايمة
فهد / عارف انتى نسية اننا كنا بنام فى اوضة وحدة
ديمة / صح انا نسيت
و بيروحو ينامو جمب بعض وديمة بتبص لفهد وهو بيبصلها اوى وهى جمبو
فهد / يلا نامى
.
************************************
.
اسامة فى اوضته ومدايق اوى علشان موبيل فهد وديمة مقفول ومش عارف اى حاجة عنهم وسعاد وقفة قلقانة اوى عليهم واسامة بينزل
سعاد / ها عرفت حاجة
اسامة / لا مش عارف
وبيخرج عبد العزيز من اوضة المكتب
سعاد / يا عبد العزيز اعمل حاجة فهد
عبد العزيز / فهد مش عاوز يعرفنى تانى خلاص مش راجع
اسامة / بابا انا مش فاهم حاجة
عبد العزيز / ولا هتفهم فهد راح ومش هيرجع القصر تانى ابدا
وعبد العزيز بيحط ايدو على قلبو وبيقع على الارض
وسعاد و اسامة بيجرو علية بسرعة
.
************************************
.
فى الصباح
فهد بيفتح عنية وبيبص فى الاوضة و ديمة مش موجودة وبيقلق اوى عليها وبيخرج من الاوضة وفى ناس كتيير برة بيغسلو هدوم وناس شيلة مياة فى جرادل ووعيال بيجرو
وفهد بيبص حولية بيشوف ديمة بتلعب مع بنت صغيرة فى المياة وبيبصلها قد اية بعد الظروف الى هم فيها لسة سعيدة
فهد / ديمة
و بتبص لفهد وبتجرى علية
ديمة / صباح الخير يلا بسرعة ناقص نص ساعة بس
و بتشد فهد وهو بيوقفها
فهد / فى اية ريحيين فيين
ديمة / انا حجزتلك فى الدوور علشان تاخد دووش
وفهد بيبص على الحمام هو حمام مشترك وواقف علية ناس
فهد / لا مستحيل
ديمة / مفييش حاجة مستحيلة تعالة يلا
وفهد بيتعصب اوى وبيبعد ايد ديمة عنو وبيرجع الاوضة
وديمة بتروح وره
ديمة / انا اسفة لو ديقتك
وفهد بيتعصب وبيضرب الكرسى برجلو والكرسى بيتكسر
ديمة / ممكن تهدى نفسك شوية انت متعصب على الفاضى
فهد / فعلا مفيش حاجة تعصب خالص انا المفرووض اقف فى الدوور علشان اخد دوش بس وعوزانى اخد دووش والناس دى كلها وقفة برة انتى وخدة كل حاجة ببساطة وكان مفيش حاجة اتغيرت انا عارف انك بتعملى نفسك سعيدة وبتحولى تثبتى انك مبسوطة وبس روحى لاهلك اعتزرى لاخوكى وهيسمحك على طوول روحى عيشى حياتك
وديمة دموعها بتنزل و بصوت عالى
ديمة / انا فعلا مش مبسوطة بس بحاول اكون مبسوطة يعنى مش لازم اتعصب على كل حاجة حوليا واكسر بحاول اتعود على حياتى وفعلا لو روحت لاهلى واعتزرت لسراج هيسامحنى بس مش هكون سعيدة فى حياتى علشان انت مش فيها انا عارفة انى مش فرقة معاك وانى عبق عليك كمان انا مش هضغط عليك اكتر من كدة انا هروح من هنا
و بتخرج من الاوضة وبتعيط
وفهد بيدايق وبيبص للاوضة وبيقاعد بيفكر وبيحس بوحدة
فظيعة من غيرها وبيحس انو مخنووق اوى وبيخرج من الاوضة بسرعة وبيدور على ديمة ومش موجودة وبينزل بسرعة من البيت وبيدور عليها بلهفة وبيبص بيشفها قاعدة لوحدها على الرصيف وبتعيط وبيروح يقاعد جمبها
وديمة بتشوفو بتمسح دموعها
فهد / انتى قاعدة هنا لية
ديمة / دة شارع الحكومة وانا حرة اقاعد فى المكان الى يعجبنى
و فهد بيبصلها وبيبتسم اوى وديمة زعلانة وبتبص الاتجاة التانى و فهد بيخبطها فى كتفها بحنية وديمة بتبصلو اوى وبتبتسم
فهد / اسف انا محتجلك جمبى
وديمة مبسوطة اوى وبتحضن فهد اوى
فهد / ديمة احنا فى الشارع
وديمة بتتكسف
ديمة / يعنى بتحبنى
فهد بيبصلها اوى وبيضربها على دمغها
فهد / خلينا نطلع يلا الناس بتتفرج علينا يلا
وديمة مديقة وبتطلع وره و اول ما بتطلع بتجرى على الحمام
وبتشوف وحدة هتاخد دور فهد فى الحمام
ديمة / دة دوور جوزى انا حجزة من الصبح
وفهد بيروح عليها لما بيشوف الست الى قدم ديمة هتتعصب عليها وباين عليها مفترية اوى
فهد / ديمة بتعملى اية يلا تعالى خلاص
ديمة / لا استنى انا مش خايفة منها
والست بتروح على ديمة فعلا و بتخاف وبترجع خطوة وفى واحد بيروح عليهم
الراجل / المياة اتقطعت خلاص
وديمة بتبص لفهد اوى
فهد / يلا تعالى
و بياخد ديمة على الاوضة بتاعتهم
فهد / اية الى كنتى بتعملية دة انتى اتجننتى هتتخنقى مع وحدة زى دى
ديمة / على فكرة انا مكنتش خايفة منها ابدا
وفهد بيبصلها اوى وبيبتسم وديمة بتروح علية
ديمة / انا كان ممكن اضربها بس
وفهد بيبص لديمة وبيضحك اوى عليها ومش قادر يوقف ضحك
ديمة / ابو شكلك انت رخم اوى على فكرة
و بتضحك وبتضرب فهد فى صدرو
.
************************************
.
اسامة فى المستشفى قاعد قدم العناية المركزة وولدو محجووز
سعاد / اسامة لازم نوصل لفهد باى شكل
اسامة / متقلقيش يا ماما انا هروح ادور علية بس بابا يتحسن الاول واطمن علية
سعاد / ابوك مش هيتحسن غير لما يشوف اخوك قدمه
وسعاد بتعيط واسامة بيخدها فى حضنو وبيهديها
.
. ************************************🍁
.
فهد بينزل وبيروح اكتر من شركة علشان شغل بس بيرفضو ويقولو مفيش شغل و مدايق اوى وبيلف فى الشوارع وحتى بيدور فى المحلات الكبيرة والصغيرة على اى شغل بس كل الابواب مقفلة قدمه وهو ماشى بيشوف عمارة بتتبنى وصاحب العمارة بيكلم واحد فى التلفوون وبيطلب عمال علشان يشتغلو
وفهد بيروح علية
فهد / انا كنت بدور على شغل لو فى شغل عندك يعنى
المقاول / اليومية ٥٠ جنية
فهد بيبصلو اوى ومدايق بس بيفتكر ديمة
فهد / موافق ممكن اشتغل من النهاردة
و بيبدا الشغل وبيشيل طووب ورمل على اكتافو طول النهر وبيتعب اوى
.
************************************
.
ديمة قاعدة مستنية فهد يرجع وعملتلو الاكل ومستنية رجوعو والوقت اتاخر اوى والباب بيخبط وبتكون رودى
ديمة / رودى تعالى انتى فيين من الصبح مشفتكيش
رودى / النهاردة ماعد وفاة ماما وبابا وكنا انا وتيتة فى
المدافن وبنفضل طول النهار هناك
ديمة / ربنا يرحمهم يا حببتى تعالى ادخلى
رودى بتدخل تقاعد مع ديمة وبيتكلمو وبيهزرو بس من وقت للتانى بتبص فى الساعة وقلقانة
رودى / انتى قلقانة فى حاجة
ديمة / بس فهد اتاخر اوى وانا قلقانة اوى علية
رودى / متخفيش هو زمانو جاى انا لازم انزل عندى مدرسة بكرة الصبح ورودى بتنزل وديمة بتروح تقف على السلم
وبتبص وبتشوف فهد طالع على السلم بتجرى على الاوضة وبتظبط نفسها وبتظبط الاكل بسرعة وفهد بيخبط وديمة بتفتح
فهد / معلش اتاخرت عليكى
ديمة / انا كنت قلقانة اوى عليك ها لقيت شغل
وفهد بيتسم
فهد / اة فى شركة كبيرة محاسب الناس رحبو بيا جدا
ديمة / الحمد لله ميهمكش لو المرتب قليل عادى شوية شوية هيكبر الشغل المهم انك مرتاح فى الشغل دة
فهد / فعلا مرتاح جدا
وديمة بتبص لفهد و باين علية بيكدب
ديمة / انت كويس
فهد / انا جعان اوى
وديمة بتروح تجبب الاكل بسرعة
ديمة / انا الى عملت الاكل دة بنفسى
وفهد سرحان وديمة بتبصلو وبتاخد الاكل وبتروح علية
فهد / نطلب الاسعاف الاول ولا اية
ديمة / انت هتاكل اكل عمرك فى حياتك ماكلت منو
فهد / انا متاكد من دة
و لسة بياكل وديمة بتشوف ايدو مجروحة وفهد بياخد بالو ان شافت ايدو و بيخبى ايدو
فهد / انا شبعت و تعبان عاوز انام
و لسة هيروح على السرير وديمة بتمسك ايدو وبتفتحها
و دموعها بتنزل على ايد فهد وبيحس باحساس جميل اوى
وبيبص لديمة وبيمسحلها دموعها
ديمة / انت ازاى
فهد / هششش انا كويس
ديمة / انت كدبت عليا اية نوع الشغل دة الى يخلى ايدك تتجرح بالشكل دة
وفهد بيحكلها على الى حصل
ديمة / انا حتى معنديش حاجة اعالج بيه الجرح دة
فهد / انا كويس متقلقيش اااة تعبان يلا خلينى انام
ديمة / مش هتروح الشغل دة تانى انت فاهم
وفهد بيبصلها وديمة رفعة صبعها قدمه
ديمة / مش هتشتغل النوع دة من الشغل وانا كمان هنزل ادور على شغل
و بتخرج من الاوضة وبعد شوية بترجع بيكون فهد نايم من التعب و بتكون جابت تلج وبتروح علية وبتحط على ايدو تلج وبتبوس كف ايدو وهو نايم
.
************************************
.
عبد العزيز فى المستشفى تعبان وبيدخل فى غيبوبة وسعاد قاعدة جمبو واسامة قاعد برة الاوضة ومدايق اوى واسلام بيروح على اسامة
واسلام بيقولو ان الشغل واقف من اليوم الى فهد ساب الشغل فية والعمال موقفيين الشغل كمان وفى خساير كبيرة فى الشركة
اسامة / انا بكرة الصبح هكون فى المكتب متقلقش لازم فهد لما يرجع تكون كل حاجة تمام
واسلام بيمشى واسامة بيمسك موبيلو وبيجيب صور لبسمة
وبيتفرج عليها ومدايق اوى
..
************************************
.
فى الصباح
فهد بيصحى بيشوف ديمة قاعدة على الارض جمب السرير ومسكة ايدو المجروحة وبيبصلها اوى وبيلمس خدها بحنية وبيروح يشلها وبينيمها على السرير وبيغطيها وبيقاعد على الارض وبيتفرج عليها وهى نايمة وديمة بتفتح عنيها بتشوف فهد بيبصلها وفهد بيرتبك وبيقف بسرعة
ديمة / انت كويس
فهد بيبص على ايدو واتحسنت كتيير عن الاول
فهد / اة انا كويس
.
************************************
.
اسامة فى الشركة قاعد على مكتب فهد وبيباشر الشغل
واسلام معاة بيفهمو نظام الشغل فى الشركة اية واسامة بيتخنق اوى من الشغل ومن الاجتماعات وبيروح على
العربية وبيروح بيت ديمة علشان يشوف بسمة من بعييد وبسمة وقفة فى البلكونة وسرحانة وبيتصل بيها وبسمة بتشوف الرقم مبتردش علية واسامة بيشفها انها سمعة
الموبيل وعرفت انو هو الى بيتصل وهى مبتردش وبيشفها بتعيط اوى
اسامة / ولية بتعزبينا كدة لية
و بيدايق وبيمشى بالعربية
وبسمة بتدخل من البلكونة وبتمسح دموعها
.
************************************
.
فهد ماسك جريدة بيشوف وظائف خالية وبيشوف اكتر من شركة
فهد / ديمة انا خارج
وديمة مبتردش و فهد بيبص حولية وديمة مش موجودة
وبيخرج وبيشوف ديمة بتلعب مع الاطفال وربطة عنيها والاطفال بيلعبو معاها و بتدور عليهم وفهد بيقف وبيتفرج عليهاوهى بتلعب وفجاة ديمة مش شايفة حاجة وبتروح فى اتجاة السلم
وفهد بيشفها وبيجرى عليها بسرعة وبيشدها قبل ما تقع وديمة بتخاف وبتصرخ وفهد بيشيل الربطة من عنيها ومتعصب
فهد / اية الى بتعملية دة كان ممكن تقعى دلوقتى
وهو ماسك ديمة من كتفها بقوة وديمة بتتالم
ديمة /فهد اهدى خلاص
و بيبصلها اوى وبيبص للاطفال الى حولية خافو منو وبيسبها وبيروح الاوضة وديمة بطمن الاطفال وبتروح لفهد الاوضة
وفهد متعصب وديمة بتروح تقاعد جمبو
ديمة / انت خفت عليا اوى
و مبتسمة وبتبص لفهد وهو بيبصلها
فهد / انا خارج
و بيخرج من الاوضة وبيهرب منها وبيمشى
.
************************************
.
جودى وعمر فى المستشفى مع سعاد واسامة
اسامة / عمر كنت عاوز اطلب منك طلب
عمر / اكيد اطلب
اسامة / انت مش غريب عننا دلوقتى انت من العيلة بصراحة فى شوية مشاكل فى الشركة وانا مش فاهم حاجة انت عارف فهد هو الى كان متكفل بكل الشغل لوحدو
عمر ابتسم اوى
عمر / ولا يهمك من بكرة الصبح هكون فى الشركة وانت متشلش هم خالص
اسامة / شكرا يا عمر انا مش عارف اقولك اية
وعمر اخيرا جتلو الفرصة الى كان منتظرها طول المدة دى كلها
جودى / عمر حبيبى معلش انا هفضل هنا مع بابا اليوميين دول علشان ماما واسامة تعبو اوى وانا طلبت من اسامة ياخد ماما ترتاح شوية وانا هفضل مع بابا
عمر / برحتك يا حببتى افضلى هنا قد ما انتى عوزة دة ابوكى برضو وعمر مبسوط اوى طبعا وبيمشى من المستشفى
وبيتصل بدينا علشان تجيلو البيت بتاعو يسهرو مع بعض
.
************************************
.
فى الليل
فهد بيرجع بعد ما لف كتيير على شغل وراجع تعبان وبيبص فى الاوضة و مش موجودة وبياخد بالو ان الباب كان مفتوح و بيقلق اوى
فهد / ديمة
ومفيش حد بيرد علية وبيخرج بسرعة وبيدور عليها فى المكان ومش موجودة وبيفتكر لما اتعصب عليها لما كانت بتلعب مع الاطفال وبيقاعد فى ياس على السلم
فهد / انا السبب انا ببعد كل حاجة حلوة فى حياتى حتى ديمة مش قادر اقرب منها او ابعد عنها وانا مدايق لية عادى خليها تروح انا مش هضيع من غيرها ولا حاجة هكمل مشوارى لوحدى
و بيروح على الاوضة وبيبصلها وبيتخيل ديمة فى كل مكان فى الاوضة
فهد / لا انا فعلا مش هقدر اعيش من غيرها انا اية الى بيحصلى انا انا بحبها اة بحبها
و بيجرى بسرعة على برة وبينزل على الشارع
وبصوت عالى
فهد / ديمةةةةةة ديمةةةة
وفجاة بيشوف تاكسى بيقف قدم البيت وديمة بتنزل منه ومعاها رودى وفهد بيمسح موعو لما بيشفها وديمة بتبصلو اوى وبتخاف علية اوى وبتجرى علية
ديمة / فهد انت كويس
و بتبص على عيونو الى الدموع بتنزل منها وفهد بيروح عليها وبيحط ايدو على خدها بحنية
فهد / اوعى تبعدى عنى تانى
ديمة / فهد انا كنت
فهد / انا اسف على كل حاجة عملتها معاكى وكل كلمة جرحتك منى
وديمة بتبصلو اوى ودموعها بتنزل
فهد / بحبك
وديمة بتترمى فى حضنو اوى وبتعيذ وفهد بيرفعها من على الارض وبيلف بيها فى الشارع
ديمة / قولها تانى عوزة اسمعها تانى
وفهد بيبصلها اوى وبيقرب عليها
فهد / بحبك
وديمة فرحانة اوى وطايرة من الفرح
فهد / استنى انتى كنتى فيين
وديمة بتبصلو وبتبص لرودى الى لسة وقفة بتبص عليهم
ديمة / جدة رودى تعبت اوى واتطرينا ننقلها المستشفى
وبيروحو على رودى
فهد / الف سلامة عليها
رودى / انا خايفة مش عوزة تيتة تموت وتسبنى زى بابا وماما
وديمة بتحضنها اوى وبيروحو على البيت وبيروحو على شقة رودى وبيدخلو و بيقاعدو معاها ورودى بتنام على رجل ديمة
فهد / هى نامت خليكى انتى معاها
ديمة / وانت
فهد / هطلع ارتاح انا كمان خلى بالك من نفسك
ديمة / وانت كمان
و بتنيم رودى وبتروح وره فهد وبتمسك ايدو و فهد بيقرب عليها
فهد / تقفلى الباب كويس حولى ترتاحى شوية
و بيقرب عليها اوى وبيبسها من شفايفها وديمة بتتكسف اوى وبيبسها من اديها وبيمشى وبيسبها وديمة بتقفل الباب وبتقف وبتحط اديها على قلبها وقلبها بيدق اوى
ديمة / انا اكيد بحلم
وبتحط اديها على شفايفها ومكسوفة اوى وبتسمع رودى بتعيط وبتروح عليها وبتهديها
وفهد فى الاوضة مش قادر ينام من غيرها وبيفتكر كل لحظة حلوة عدت عليهم وبيفتكر لما قرب على منها وبسها من شفايفها بكل حب
.
************************************
.
عمر فى البيت و قاعد هو ودينا ودينا بتتفرج على هدوم جودى
دينا / مراتك دى زوقها وحش اوى بس حاجات غليا اوى الله شوف دة
عمر / حببتى انا هجبلك الى انتى عوزاة
دينا / لا انا عوزة دة اية وحش عليا
ودينا بتطلع فستان من عند جودى وبتلبسو قدم عمر وبتلف بية فى الاوضة
دينا / عموووور حبيبى شوف عليا انا احلا ولا هى
عمر / عليكى انتى طبعا ياروحى تعالى بقي
وبيضحكو ومبسوطيين اوى
.
************************************
.
وجودى فى المستشفى بتجييب حاجة من الكفترية وبتحس
بدوخة وفى ممرضة بتلحقها
الممرضة / انتى كويسة
جودى / مش عارفة انا بس حسيت بدوخة شوية بقالى كام يوم على الحكاية دى
الممرضة / تعالى معايا اخلى الدكتور يشوفك تعالى
وجودى بتروح مع الممرضة عند الدكتور وبتعمل تحليل
الدكتور / الصبح هتكون نتيجة التحليل جاهزة متقلقيش انا مش شايف حاجة خطيرة بالعكس يمكن تسمعى خبر حلو
جودى / خبر حلو
الدكتور / لما نتيجة التحليل تظهر الاول
وجودى راحت على والدها وبتقاعد جمبو وبتمسك ايدو
جودى / بابا حبيبى يلا بقي انت وحشتنى اوى
.
************************************
.
فى الصباح
ديمة نايمة هى وجودى وبتسمع صوت الباب بيخبط
و بتجرى على الباب وبتفتح وبيكون بتاع اللبن و بتاخد اللبن وكانت بتحسبو فهد وبتدخل
ديمة / وانا الى كنت بحسب انى هوحشو واول ما النهار هيطلع هيجى بسرعة
و لسة هتتحرك وفى حد بيشدها بسرعة وبيكون فهد
و بتبصلو اوى وبتفتكر لما بسها وبتتكسف وفهد بيرفع وشها وبيبصلها اوى
فهد / دى اخر مرة تبعدى عنى انا شكلى اتعوت انام وانتى جمبى
وديمة بتبصلو اوى ورودى بتخرج من الاوضة و فهد بيبعد عن ديمة بسرعة
رودى / صباح الخيير
ديمة بتروح عليها
ديمة / حببتى انتى عاملة اية دلوقتى
رودى / عوزة اروح لتيتة عوزة اطمن عليها
فهد / يلا اجهزو وانا هروح اجيب تاكسى وهاجى
.
************************************
.
اسامة بيروح لولدو على المستشفى وجودى كانت نايمة على الكرسى و بيروح على جودى وبيصحيها
جودى / اية بابا فى حاجة
اسامة / لا بابا كويس انتى يلا روحى على البيت ارتاحى شوية وانا النهاردة هفضل عند بابا يلا روحى
جودى بتاخد شنطتها وبتروح تبوس والدها وبتخرج وبتقابل الممرضة
الممرضة / انا كنت جاية علشان نتيجة التحليل
جودى / يااة انا كنت نسيت
الممرضة / مبرووك انتى حامل
جودى بتتفاجا اوى
جودى / انا حامل انا اناا
الممرضة / لازم كل فترة تيجى للدكتور علشان تتطمنى على الجنين مبرووك
والممرضة بتمشى وجودى مبسوطة اوى وبتقاعد على اقرب كرسى ومش مصدقة نفسها وبتحط اديها على بطنها ومبسوطة
وبتخرج من المشفى وبتركب تاكسى وبتروح على البيت علشان تفرح عمر انها حامل وهى طلعة على السلم بتقف
جودى / لا انا مش لازم اتحرك كتيير برراحة بررراحة
جودى فرحانة اوى وبتطلع براحة على الاوضة وبتدهل وبتتصدم لما بتشوف عمر نايم وجمبو دينا وحضنيين بعض وشنطتها بتقع ومش قادرة تصدق عنيها وعمر بيصحى وبيشفها
عمر / جودى انتى انتى
جودى / انت حقيير انت خاين خاااين
وعمر بيجرى وراها وبيمسكها جامد
عمر / اهدى خلينى اشرحلك
جودى / تشرحلى اية طلقنى طلقنى ابعد عنى ابعد عنى انا لازم افضحك واعرف الناس كلها قد اية انت حقييير وخاين وعلى سريرى يا حيوان ابعد عنى ابعد عنى
وعمر بيمسكها بقوة وبيضربها بالقلم وجودى بيغما عليها
دينا / انت عملت اية هتودينا فى دهية
عمر / انا مش لازم اخليها تتكلم خالص لحد ما اخد الى انا عوزو لو اسامة عرف مش هيخلينى احقق حلمى انى اكون رئيس الامبراطورية دى كلها دة لو سبنى عايش اصلا هى مش لازم تتكلم لحد ما احقق اهدافى
وعمر بيشيل جودى وبيدخلها اوضة صغيرة وبينيمها على السرير وبيربط اديها ورجليها وبيحط شريط علي بوقها
دينا / لو حد عرف هنروح فى دهية
عمر / متخفيش هم كام يوم بس وهرميها برة البيت خالص
دينا / انا خايفة اوى ياعمر
عمر بيخدها وبيخرج برة الاوضة
عمر / متخفيش ياروحى انا بعمل كدة علشان مستقبلنا احنا
دينا بتحضن عمر
عمر/ يلا روحى هاتى شنطتك وتعالى هتعيشى معايا هنا يلا وكمان لازم حد يفضل هنا طول الوقت علشان يراقبها
وردة ✍️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!