تحميل رواية «احببت شيخي» PDF

رواية احببت شيخي الفصل الأول

احببت شيخى

البارت الاول

انا مستحيل اوافق علية يا بابا دة انسان معقد كل لما يشوفنى يقعد يستغفر تحية شاف كتلة ذنوب

الام رحمة :انتى فعلاً كتلة ذنوب انا مش عارفة عاجلة فيكى اية

شمس : هو يطول يجوزنى انا إلى مش موافقة

الأب محمد :يابنتى أسر انسان محترم وهو إلى هيحافظ عليكى

شمس :بابا سوالف بس هو مش المفروض إمام المسجد اية بخلية يخطبنى

الأب محمد:اولا أسر مهندس وعشان احنا بنحب يصلى بينا فبقا أمام المسجد دغير أنه حافظ كتاب الله وهيحافظ عليكى

شمس :انا بالبس بناطيل وطرح مش هو شيخ يروح يجوز واحدة منتقبة ولا مختمرة ويبعد عنى

الأب بزهق من عناد ابنتى:انا شكلى دلعتك زيادة اعملى حسابك أسر جاى يتقدم بكرة بعد الفطار

واياك اعملى اى حركة من حركاتك والله وقتها عقابك هيبقا عسير

وتركهم وذهب

نظرت اليها والدتها بشماته

شمس :انتى بتبصيلى كدة لية هو انا مش بنتك ولا انتى لقيانى على بابا جامع

الام : احسن خليكى تتربى عشان معرفتش اربيكى

شمس :ماما انا متربي كويس

الام: فعلاً بس للأسف الجامعة خلتك وحدة تانية بقت تلبس بناطيل وقلعت الخمار وبقت تلبس طرح

شمس :انا بلبس منى ادريس طويل لبعد الركبة

وبعدين دى الموضة

الام:للاسف دى مش الموضة دى قلة ايمان عندك

روحى ربنا يهديك يا بنت بطنى.

دخلت شمس غرفتها وظلت تفكر فى حديث والدتها وكيف تغيرت من فتاة خجولة بالبس فضفاض إلى وضعها الحالى قاطعها رنين هاتفها

شمس: الو

ميار صديقتها:اية يا بنتى فينك مجتيش الجامعه لية

شمس :متقدملى عريس وبابا موافق علية

ميار :اية حلو

شمس :اه بس هو شيخ الجامع

ميار بخبث: دلوقتى معقد وهيقعد يتأمر عليكى فى لبسك وكلامك

شمس :انا مستحيل اوافق

ميار :أيوة اوعى توافقى علية انتى ناقصة

أغلقت ميار مع شمس الهاتف وقالت لإحدى الشباب الذى يجلس معاها

الحق شمس متقدملها عريس شيخ

بتحطي له اية شمس دى بتاعتى

ميار: والى يخليها تجيلك لحد عندك

رامي :اديلو إلى هو عايزة وكمان بوسة

ميار :اعتبر حصل عايزة شوية وقت بس متنساش الحلاوة

رامي:اتفقنا

**************

فى مكان اخر تجلس مجموعه من البنات المختمرات

تقى :شمس وحشتنا اوى

ملك : فعلا بس للأسف هيا الى اختارة تبعد عننا

أميرة: ربنا يهديها

تقى :انا مشفتهاش انهاردة

أميرة : فعلاً السوسة ميار قاعدة مع واحد من الصبح غيرها

تقى :انا هرن اطمن عليها

ملك : ممكن متردش

أميرة :رنى هيا وحشتينى اوى

************

عند شمس رنا هاتفها

شمس:اوف هيا الحكاية نقصاكى يا شيخة تقى

رن هاتفها مرة أخرى

شمس : الو

تقى : السلام عليكم ورحمه الله وبركاته

شمس بإحراج: وعليكم السلام ورحمه الله وبركاته

تقى : ازيك يا شموسة وحشانى

ملك :مالك ياسكرة مجتيش انهاردة لية

أميرة:الجامعه وحشة من غيرك يا قمر

ارتاحت لهم شمس وبدأت تتحدث معهم

واخبرتهم بقصةالعريس

تقى :يمكن خير ليكى يا شمس

شمس : دة انسان معقد وانا مش حابة كدة

أميرة بحكمة :صلى استخارة يا شمس يمكن ترتاحى

ملك : اقعد معاه يا شمس يمكن يكون تفكير غير كدة

شمس :

يتبع

بقلم Samah 💜.

احببت شيخى

البارت2

شمس :تمام هشوف كدة

بعد أن أغلقت معهم الهاتف

تقى :نفسى شمس ترجع زى الاول

أميرة: ياريت بس للأسف ميار قدرة تسيطر عليها

تقى :ربنا يبعدها عنها انا مبرتحش للبنت دى وشمس طيبة وانا مش هسيبهاةغير لنا ترجع لطبيعتها

ملك : اعتقد محدش هيغيرها ويرجعها تقى بتعت زمان غير الشيخ أسر

تقى :انتى تعرفي ياملك

ملك:اه طبعاً عرفاه لانى بيتنا قريب من شمس

أميرة : شمس اتغيرت من وقت وفاة أخوة التوام

البنات : فعلاً

***********

عند شمس كانت قاعدة تفكر فى الماضى

فلاش

شمس :اية يا حمزة هنروح الجامعة امتة

حمزة :لما تطولى الخمار شوية

شمس :يختى نغة ماشى يا بيبة اهو يلا بقا

ذهبت شمس وحمزة إلى الجامعة. وقابلت اصدقائها تقى وملك وميار وتركهم حمزة وذهب إلى اصدقائة

باك

وحشتينى اوى يا حمزة لية سيبتنى ومشيت

وظلت تبكى بحزن شديد

دخلت عليها والدتها ورئتها تبكى

رحمة بخوف:مالك يا قلب امك

شمس :حمزة وحشنى اوى يماما

رحمة:ادعلية يا شمس ربنا يرحمة

*************

فى مكان اول مرة نروح

كان يجلس أسر ويقرأ القرآن دخل علية والدة

محمود الأب :السلام عليكم ورحمه الله وبركاته

أسر: وعليكم السلام ورحمه الله وبركاته

اتفضل يا حج

محمود :كلمت عمك محمد عشان نتقدم لبنتة

أسر : اه يابابا هنروح بكرة انشاء اللة بعد الفطور

محمود:ربنا يسعدك يابنى ويجعلها زوجة صالحة ليك

أسر :يارب يا حج ادعيلى ربنا يجعلها من نصيب

محمود فهو يعلم حب ابنه الشديد لشمس منذ الصغر ولكنة يخاف الله لذا لم يظهر ابدا :يارب يابنى

هروح انا بقا أقرأ حزب من القرآن

أسر:ربنا يتقبل يا والدى

تركة محمود وظل أسر يفكر فى شمس ثم استغفر الله سريعاً

أسر:ربنا يجعلك من نصيبى يا شمس

***************

عند شمس عاد والدها من العمل

محمد:امال فين شمس يا ام حمزة

رحمة :فى اوضتها من الصبح

محمد : لسة مصممه

رحمة بحزن: كانت منهارة من العياط الصبح دخلت عليها لقتها بتقول حمزة وحشها

محمدبشتياق لابنة المتوفى :ربنا يرحمه وينور قبرة

انا هدخل اشوفها

************عند شمس كانت شاردة دخل عليها والدها وجلس بجانبها

محمد : سرحانه فى يا شموسة

شمس بإنتباه: ولا حاجة يا بابا افتكرة حمزة

محمد :ادعيلة بالرحمة يابنتى

شمس :ربنا يرحمه

محمد : أسر هيجى بكرة هو أبوه

شمس : هصلى استخارة وربنا يسهل

تفاجأ محمد برد شمس لكنه سعد وتمنا أن تعود ابنته كما كانت

********عند ميار

كانت تحدث رامى فى الهاتف

رامى: بس ازاى قدرتى تغيري شمس

ميار:عادى يابنى انا ميار

قولتلها انى كنت بحب حمزة جدا وانى كنت عايزة اتغير عشانه

رامى :وهيا هبلة عشان تصدق

ميار :لا حب انا وحمزة كنا اتكلمت مع بعض كام مرة

صحيح انى انا إلى كنت بفتح معاه كلام بس هيا متعرفش

قلتلها أنه كلمنى كام مرة وكان بيحاول

يخلينى أقرب من ربنا

وهى شافته واقف معايا كذا مرة فصدقت

رامى :اللة على دماغك

تب هتعملى اية عشان تجبهالى

ميار : لا انا بخطط لحاجة كبيرة

يتبع

بقلم samah

احببت شيخى

البارت 3

تانى يوم كانت شمس هى والدتها ينظفون المنزل ولم تذهب للجامعة

رحمة :هتلبسى اية يا شمس

شمس :اى حاجه يا ماما هو الوزير جاى وانا معرفش

الام :ربنا يهديك يا بنتى

محمد الأب: شمس جهز نفسك أسر وابوة جايين انهاردة

شمس :حاضر

نظر إليها والدها نظرة تحذير وذهب .

************

عند أسر كان لسة جاى من الشغل

أسر : السلام عليكم ورحمه الله وبركاته

محمود: وعليكم السلام ورحمه الله وبركاته

أسر :بابا انا جبت الجاتوة دة ناخدو معانا واحنا رايحين للناس

محمود:خير ما عملت يا بنى

أسر:هستأذن انا عشان اروح افتح الجامع

محمود :ماشى يابنى وانا هلحقك

********""""

فى الجامعة كانت تجلس تقى وملك وأميرة بعد خروجهم من المحاضرة

تقى اية رائيكم نروح نزور شمس بكرة لو مجاتش الجامعة

البنات فكرة حلوة خلاص اتفقنا

************

كانت تجلس ميار ورامى

رامى :شمس مجتش النهاردة برضو

ميار: هرن عليها اهو

قامت ميار بالاتصال بي شمس

ميار :اية يا بنتى فينك

شمس :العريس جاى انهاردة

ميار :اوعى توافقى

شمس بخنقة :هشوف كدة بابا مصر علية

ميار :تمام هكلمك بالليل اشوفك عملتى ايه باى

شمس: باى

********

مر الوقت وأتى الليل كان محمد والد شمس ينتظر أسر ووالدة

بعد مرور نصف ساعة رن جرس المنزل وكان أسر والد شمس مرحباً:اتفضلوا يا جماعة نورتونا .

والدة شمس :رحبت بإخت أسر بشدة

اتت شمس وهى تحمل العصير والقت عليهم السلام

كانت شمس تردى دريس بيبى بلو وطرحة اوف وايت ولم تضع اى من الميكب خوفاً من والدها وتنبية الشديد عليها

جلست بجانب والدتها ولم يرفع أسر نظرة فيها منذ دخولها وهذا ما ازعجها بشدة .

بعد الأحاديث المشاركة بينهم

قال والد أسر :انا جاى اطلب ايد شمس لأسر ابنى

محمد :انا معنديش مانع بس نسيبهم شوية مع بعض الاول

وخرجوا إلى الصالون

شمس :حلو السجادة على فكره احنا غسلناه امبارح

أسر بابتسامه: اه فعلاً مهو واضح

شمس : احم عرفنى بنفسك

نظر إليها أسر نظرة سريعة ثم اخفض بصرة بسرعة

انا أسر محمود عندى 28سنه مهندس برمجة شغال فى شركة كويسة حافظ كتاب اللة وبدى دروس قرآن فى المسجد بعد المغرب .

شمس بعند : بتقبض كام

أسر :الحمد لله مرتبى حلو بس اعتقد الفلوس مش كل حاجه

نفخت شمس بضيق وقالت

انا شمس عندى 19 سنه كلية أثار

أسر :بتصلى

شمس :لا بصوم اكيد يعنى الحمد لله

أسر :حافظة القرآن

شمس : طبعا حافظه 15 جزء

أسر : في صوره ايه دلوقتى

شمس: بشرود انا واقفه عند ال 15 اخر مره كنت بحفظ مع شيخ في المسجد انا وحمزه قبل وفاه حمزه الكلام ده من سبع شهور

أسر: يعني انت وقفتي حفظ القران من بعد وفاه حمزه

تذكرت شمس حمزه وادماعت عينيها ولكنها اجابت بعند

شمس : اه اصل الشيخ اللي كنت بحفظ عنده رخم وكنت بروح له عشان خاطر حمزه انما دلوقتي مش مضطره

يتبع

بقلمSamah💜

احببت شيخى 4

أسر بهدوء: ربنا يهديك يا شمس

دخل والد شمس ووالدتها ووالد اسر

قال أسر: هستنى رد الانسه شمس يعمي اتمنى انها توافق

نظرت اليه شمس بضيق فقد ظنت انه سيرفضها

ذهب اسر ووالده واخته بعد العديد من السلامات

دخلت شمس الى غرفتها وهي تتمتم بضيق وقامت بالاتصال على ميار

شمس : ايه يا بنتي فينك

ميار : في البيت هكون فين هي عملت ايه في عريس الغفله

شمس : انسان مستفز حاولت استفزه بكل الطرق وما عرفتش حتى قال لي بابا انه هيستنى الرد والمشكله ان بابا موافق عليه

ميار : انا هفكر لك في خطه تخليه يطفش

شمس : خلاص اتفقنا نتقابل بكره

ميار : تمام باي بقى

**********

عند اسر كان يجلس ويتذكر الحديث الذي دار بينه وبين شمس اسر في نفسه تغيرت قوي يا شمس من بعد وفاه حمزه بس انا لازم ارجعك شمس بتاعه زمان وعمري ما هتخلى عنك اتمنى انك بس توافق عليا وربنا يجعلك من نصيبي

*********

ثاني يوم ذهبت شمس الى الجامعه وقابلت تقى والبنات القت عليهم السلام وتركتهم وذهبت الى ميار بقلمى سماح

حزن البنات بشده بسبب معامله شمس الجافه لهم

عند شمس ذهبت الى ميار وجلست معها

ميار : هتعملى اية عشان تمشى العريس

شمس :مش عارفة يا ميار اعمل اية

ميار: تب متخلية هو إلى يرفض

شمس :ازاى

ميار :اناهقلك انتى ترنى على الإسمة أسر دة

وتقوليلة انك بتحبى واحد زميلك فى الجامعة ومش عايزة تجوزية وهو بما انه شيخ كرامته مش هتسمحلة يجوزك

شمس بخوف:افرض قال لبابا وبعدين انا كدة هسؤ سمعتى وسمعت بابا

ميار بخبث :براحتك استحملى بقا طريقة وتحكمه

تركتها ميار وذهبت وهى تعلم تأثير كلامها على شمس

بعد ذهاب ميار جلست شمس تفكر ماذا تفعل ولم تجد حل حتى يأست

تذكرت شمس الماضى

فلاش

حمزة :يلا يا شمس هنتأخر على الدرس

شمس :ماشى يا زومه انا خلصت اهو

حمزة :تعرفى يا شمس أنا نفسى اكون زى الشيخ أسر

شمس : فعلاً يا حمزة هو محترم جداً وملتزم وحافظ كتاب الله كفاية أنه الشيخ بتاعنا

حمزه :يلا بقا يا قطة وصلنا

فى العودة شمس لحمزة بقولك يا زومة

حمزة :خير

شمس : تيجي نجيب صواريخ

حمزة :وربنا عيلة

بعد شوية حمزة عارفة يا شمس انتى طيبة اوى

وانا بخاف عليكى اوى اصل انتى اى حد بيضحك عليكى بكلمتين

شمس :نينينيني

باك

فاقت شمس من شرودها على صوت تقى

تقى :اية يابنتى فينك عمالة اكلمك من زمان

شمس :معلش يا تقى سرحت شوية

تقى : بتبعدى عننا لية يا شمس دحنا اصدقاء طفولة

شمس :تقى معلش انا مش رايقة لكلامك دة

تقى : شمس هى الطرحة مش قصيرة شوية

شمس :لا عاجبنى وتركتها وذهبت

هى تعلم أن ما تفعله خاطئ ولكنها تغير من طبعها حتى تنسا حمزة ولكن لا تشعر بالراحة بال تشعر دائما بالخوف ولا تعرف لماذا .

شمس فى نفسها : حاسة انى بقيت بعيدة اوى عن ربنا ولكن تتجاهل هذا الشعور عند رؤية ميار قادمة إليها .

يتبع

بقلم Samah 💜

بصو يا حلوين انا معنديش مانع أن حد ينشر رواياتى

بس ياريت متحذفوش اسمى من عليها عشان فى كام وحدة منزلها و حذفة أسمى كدة مش هكمل الرواية

احببت شيخى 5

ميار :اية يا بنتى رايحة فين.

شمس : معاد المحاضرة التانية اية مش هتحضرى

ميار :شوية وجاية

ذهبت شمس الى المدرج شوية ودخل الدكتور

بعد انتهاء المحاضرة ودعت شمس ميار وأثناء ذهابها أوقفها رامى :ازيك يا شمس

شمس: الحمد لله بخير

رامى:مالك مختفية بقالك يومين الجامعه وحشة من غيرك

شمس :معلش شوية ظروف بعد إذنك عشان إتأخرت

وتركته وذهبت

عند رامى جأت الية ميار وقالت:متزعلش بكرة هتبقا بين ايديك

رامى : لما اشوف

ميار :اصبر بس

******************

عادة شمس لمنزلها وأثناء عودتها قابلت أسر فى الطريق نظر إليها ثم اخفض بصرة سريعاً

وظل يستغفر

انزعجت شمس وقالت:اية شفت عفريت

أسر بهدوء: ازيك يا انسه شمس

اغتاظت شمس من برودة :الحمد لله وتركته وذهبت

دعا لها أسر :وذهب للمسجد

**********

فى المنزل دخلت شمس وقالت

يا اهل الدار

الام رحمة:فى حاجه اسمها السلام عليكم ورحمة الله وبركاته

شمس:ازيك يا رحمة يا قمر

الام :اه بقا انا رحمة حاف تعالى بقا

شمس :اسفة اسفة

دخل محمد المنزل وقال

مالك يا شموسة بتعاندى امك لية

شمس :وانا اقدر يا باشا

ضحك محمد بحب ودعا لهم بالفرحه الدائمة

رحمة :يلا يابت معايا على المطبخ نجهز الفطار

شمس :دة ظلم انا طول اليوم فى الجامعه

رحمة بنظرة تهديد: يعنى مش داخلة

شمس بخوف :ثوانى واحصلك

ضحك عليها محمد بقلمى سماح

****""*******

فى منزل تقى كانت تحدث البنات مكالمه جماعية

ملك :انا شفت شمس انهاردة واقفة مع رامى

تقى ربنا يسترها انا خايفة عليها واى

البنات يارب

************

على الفطار جلست شمس ورحمة ومحمد .

الأب :ها يا شمس رائيك اية فى أسر

شمس بشرود:سيبنى افكر شوية يابابا

تانى يوم شمس لبست منى دريس لبعد الركبة بشوية

وطرحة كانت قصيرة شوية ونزلت الجامعه

قابلت اخت أسر فى الطريق

اخت أسر سلمى :ازيك يا شموسة عاملة اية

شمس :بحب فهى قد كانت مقربة منها جداً أثناء درس القرآن الحمد لله يا قمر

شمس :اخبار البيبى الصغير اية

سلمى :الحمد لله انا سبته مع بابا ونزلت اجيب شوية طلبات للبيت

شمس: هو انتى قاعدة عند باباكى فى حاجه ولا اية

سلمى :لا يا قلبى بس مالك مسافر وأسر استئذن منة اقعد معاهم شهر رمضان بدل مفطر لوحدى .

شمس :ماشى يا سلومه

باى بقا عشان إتأخرت

سلمى :باى يا مرات اخويا المستقبلية

ابتسمت شمس بكسوف وذهبت

ظلت شمس تفكر فى أسر طول الطريق حتى وصلت إلى الجامعة.

************عند أسر كان يستعد للذهاب للعمل

دخلت سلمى وقالت :السلام عليكم

أسر :وعليكم السلام ورحمه الله وبركاته

سلمى :حزر انا شفت مين وانا جاى من السوق

أسر :مين يا استاذة سلمى

سلمى :شفت شمس وهى نزلة الجامعة ووقفت معها شوية

أسر ابتسم وقال:ربنا معاها

يتبع

بقلم Samah

احببت شيخى 6ذهبت شمس الى الجامعة ولم تجد ميار فجلست وحدها فى كافيتريا الجامعة حتى تبدأ المحاضرة

عند البنات

ملك:اية دة شمس هناك لوحدها

أميرة :يلا نقعد معاها

تقى بشرود :تمام

عند شمس كانت بتفكر فى أسر قاطع تفكيرها

ملك :ممكن نقعد يا شموسة

شمس : بابتسامه اه طبعاً

أميرة :الله من زمان مش قعدنا مع بعض

نظرت اليها شمس بتشتت

تقى :صحيح يا بنات مين فيكم حفظ الورد اللي خدنا امبارح

فهمت أميرة تلميح تقى فقالت:والله يا توتة انا حفظت بس لسة مرجعتش سورة التوبة

ملك :انا بقا لسة لما اروح هحفظ

تقى:اه يا شمس انتى فى سورة اية دلوقتى

ملك :شموسة طول عمرها اشطر مننا تلاقيها دلوقتى فى الاعراف

شمس بإحراج :لا انا وقفة عند سورة النحل

أميرة بصدمة :شمس انتى مبقتيش بتحفظى

شمس :احم ها انا بس بطلت الفترة الى فاتت

تقى بهدوء: لازم ترجعى تحفظى يا شمس عشان متنسيش إلى فات حمزة لو كان عايش كان هيزعل جداً

شمس بحزن على ما وصلت الية :معك حق هروح الحمام عشان المحاضرة هتبدأ

بعد ذهاب شمس

أميرة : لية كدة يلتقى شمس زعلت وقامت

تقى : لازم شمس تفوق قبل مضيع

ملك :انتى صح يا تقى بقلم سماح

************

عند شمس كانت أمام الحمام تفكر فى حديث تقى وكيف تغيرت هيا وهل لو كان حمزة عايش كانت بقت كدة وتذكرة حمزةبقلم سماح

فلاش

حمزة :عارفة يا شمس

شمس :اممممم

حمزة :انا مبسوط جداً انك اختى مع انك تقدري تلبسي لبس على الموضة بس انتى بتحافظى على نفسك وبتقتدى بأمهات المومنين

شمس :انا بحافظ على نفسى من الفتن

حمزة :ربنا يباركلى فيكى يا قلبى

باك

فاقت شمس من شرودها ودخلت المحاضرة

************عند أسر كان فى عملة

رن هاتفه وكان والدة

أسر: السلام عليكم يا حج

والد أسر : عليكم السلام ورحمه الله وبركاته

أسر :فى حاجة يا بابا

والد أسر :اه يابنى انا كنت بعرفك انى هروح عزا واحد فى البلد أنا وأبو حمزة واحتمال نبات هناك

أسر : أنا لله وإنا الية راجعون

ربنا معاكم

والد أسر:اختك هتفطر انهاردة عند شمس

ام حمزة عزماها ابق روح جيبها بعد التراويح

أسر: انشاء الله السلام عليكم

اغلق اسر مع والده وعاد إلى عملة

*********فى بيت شمس

رحمة لزوجها : خلى بالك من نفسك

محمد :ربنا يسترها

رحمة :انا قلت لسلمى تيجى تفطر هنا

محمد :ربنا يهدى شمس وتوافق على أسر

رحمة إن شاء الله

*********

انتهت شمس من جامعتها وعادة إلى البيت وجد ت والدها قد ذهب

شمس : السلام عليكم ورحمه الله وبركاته

رحمة بإستغراب من هدوء ابنتها: وعليكم السلام ورحمه الله وبركاته

مالك يا شمس

شمس بشرود :مفيش يا ماما انا داخلة ارتاح شوية

رحمة ؛ماشى يا بنتى ابوكى راح البلد عز واحد قريب ابو أسر وهيبات هناك وسلمى هتفطر هنا النهاردة

شمس باسرع:وهتسبب أسر يفطر لوحده

رحمة بخبث :لا ياختى أسر هيفطر فى الشغل عشان عنده شغل كتير النهاردة

بعد قليل اتت سلمى بإبنتها

يتبع

بقلم Samah

احببت شيخى7

كانت شمس فى غرفتها حين دق جرس المنزل قامت لتفتح وكانت سلمى رحبت بها شمس كثيراً

وجلسوا يتحدثون فى مواضيع مختلفة حتى اقترب الاذان قامت شمس وسلمى لمساعدة رحمة فى إعداد الفطار

شمس لسلمى :كانت وحشانى القعدة معاكى جداً يا سلومة

سلمى :من زمان مقعدناش مع بعض

رحمة :ربنا يحفظكم من كل سوء

********عند ميار رن هاتفها

ميار:الو

رامى :ميار انا مش هفضل صابر كتير انتى وعدتينى انك تجبيلى شمس وانا مش هصبر كتير يإما ترجعى فلوسى

ميار بخبث :إهدى انا كنت ناوية انفذ خطتى بكرة

رامى : اية هيا

ميار :انا مرحتش الجامعة النهارده شمس هترن تطمن عليا انا بقا هقولها انى تعبانه جداً وانى قاعدة عند خالتى عشان بابا وماما مش موجودين بقلم سماح

هقولها عنوان شقتك هو بيت خالتى وانت وشطارتك

رامى :افرض بلغت عنى

ميار:لا دى هتبقا زى الخاتم فى ايدك انت هتركب كاميرات تصور كل حاجه عشان لو فكرت تتكلم تهددها انك تفضحها

وبعدين انا هكون موجود وبعد منخدرها ناخد كام صورة حلوين ليها من غير ميظهر وشك فيها

رامى:الله على افكارك كدة تعجبني ولو اتنفذ إلى انا عايزة ليكى منى قد الفلوس إلى خدتيها مرتين

ميار بطمع :اشطا

**********عند شمس بعدما انتهوا من الفطار اتصل أسر بسلمى

أسر : السلام عليكم

سلمى : وعليكم السلام ورحمه الله وبركاته

أسر : اخبارك ايه يا حبيبتي

سلمى :الحمد لله خلصت شغل

أسر أنا فى المسجد هنصلى واعدى اجيبك

سلمى :تمام وانا هصلى هنا مع خالتى وشمس

أسر:فى رعاية الله سلام

بعدما اغلق اسر

شمس بفصول :مين دة

سلمى دة أسر كان بيطمن عليا قال هيصلى ويعدى ياخدنى

شمس :يلا بقا نصلى بقلم سماح

بعد الانتهاء من الصلاة

سلمى: كان يوم حلو اوى يا شمس

شمس : فعلاً أن شاء الله يتكرر

بعد شوية الباب خبط قامت شمس تفتح وكان أسر

أسر:السلام عليكم ورحمه الله وبركاته

شمس : وعليكم السلام ورحمه الله وبركاته

أسر :ممكن تنادى سلمى

رحمة من الداخل:اتفضل يا بنى اقعد شوية

أسر :معلش يا خالتى مرة تانية

سلمى بحب: لحظة يا أسر هجيب كوكى واجى

رن هاتف شمس فى وجود أسر فدخلت ترد على الهاتف

كان أسر يجلس في الصالون ينتظر سلمى ورحمة تعد لة شئ فى الداخل

عند شمس:ازيك يا ميار عاملة اية مجتيش انهاردة لية

ميار :انا كنت تعبانه اوى وانتى مرنتيش تطمنى

شمس :معلش يا حبيبتي كان عندنا ضيوف

الف سلامه مالك بقلم سماح

ميار :تعبانه شوية ممكن مقدرش اجى اليومين دول انا قاعدة عند خالتى عشان ماما وبابا مش هنا

شمس :انا هاجى اشوفك فين بيت خالتك

ميار بخبث :ملوش لزوم مش عايزة اتعبك

شمس :لا مفيش تعب قولى العنوان

قالت لها ميار العنوان وقررته شمس وراءها للتاكيد

عند اسر كان يجلس واستمع لمكالمه شمس مع صديقتها دون قصد لان شمس كانت فى غرفة قريبة منه

يتبع

بقلمSamah

احببت شيخى 8

ذهب اسر وسلمى بعد أن ودعت سلمى رحمة وشمس

بعد ذهابهم

رحمة لشمس: سلمى دى عسولة اوى الوقت معاها عدى من غير من حس

شمس: فعلاً هروح انام أنا بقا عشان الجامعة

دخلت شمس الى غرفتها وهى تنوى زيارة ميار غداً

"**********

عند ميار اتصلت برامى

رامي :الو اية يابنتى انتى مش لسة مكلمانى

ميار :عند ليك خبر هيعجبك

رامى :فى اية قولى

ميار :انا لسة مكلمة شمس وعرفتها انى تعبانة وأنى فى بيت خالتى عشان ماما وبابا مش هنا

رامى :طب انا كدة اعمل اية

ميار :يا ذكى مابيت خالتى هو شقتك

رامى :أيوة بقا كدة تعجبينى

ميار :خلاص زى متفقنا بقا.

**********

تانى يوم شمس قامت جهزت نفسها وكانت نازلة على الجامعه

فى الشارع كانت شمس بتبص ورها وبتكلم جارتهم فجأة خبطت فى حد شمس وهى موطية تجيب حاجتها أنا آسفة مكنتش اقصد

أسر :حصل خير ابقى بصى قدامك وانتى ماشية

شمس رفعت راسها ولقته أسر

شمس :احم تمام

أسر:بعد اذنك

عند ذهاب اسر سمعته شمس وهو يستغفر في سره شمس: انت يا باشمهندس انت انت ازاي انسان مستفز بالطريقه دي شفت قدامك عفريت قاعد تستغفر

أسر: وفيها ايه لما استغفر يعني

شمس :انت انسان مستفز

أسر: انسه شمس ما ينفعش الوقفه اللي احنا واقفينها في الشارع دي بعد اذنك بقلم سماح

شمس بتسرع: اصلا احنا ما ينفعش نبقى مع بعض فى اي مكان وعلى العموم انا قلت لبابا اني مش موافقه عليك بس هو اللي مصر عليك ما اعرفش ليه

أسر بنظرة حزن:تمام يا انسه شمس

وتركها وذهب

بعد ذهاب اسر ندمت شمس على ماقالته ولكنها تجاهلت الشعور وذهبت

عند أسر:كان حزين جداً بسبب ماقالتة وشمس ولم يستطيع الذهاب لعملة وعاد للمنزل

سلمى :مالك يا أسر مرحتش الشغل لية

أسر :مفيش عايز اقعد لوحدى شوية ودخلةغرفتة

دخلت الية سلمى

سلمى:احنا صحاب قبل متكونى اخويا الكبير قولى مالك

حكا لها أسر ما حدث بينه وبين شمس

سلمى:اكيد كانت متعصبة متخدش كلمها جد وبعدين يا أسر هيا كانت قالتلى أنها بتدايق عشان كل متشوفها تستغفر ممكن يكون من عصبيتها قالت كدة

أسر : إن شاء الله يا سلمى بقلم سماح

تركته سلمى وذهبت إلى غرفتها واتصلت بشمس

*************

عند شمس رن هاتفها

شمس : السلام عليكم

سلمى : وعليكم السلام ازيك يا سكرة اخبارك اية

شمس : الحمدلله اخبارك انتى

سلمى :شمس هو صحيح إلى انتى قولتية لأسر

شمس :سلمى انا قلت كدة اخوكى كل مايشوفنى اكنه شاف عفريت يقعد يستغفر عايز يجوزنى لية طالما مش قابلنى

سلمى :شمس اية صوت العربيات دة انا مش سمعاكى

شمس :اصل انا خلصت محاضرات ورائحة ازو وحدة صحبتى

سلمى: بيتها بعد اصل المغرب قرب

شمس :لا هى فى العنوان*****

سلمى: خلاص لما تيجى اكلمك

شمس :لا خليكى معايا على. الخط انا وصلت لحظة

يتبع بقلم Samah

احببت شيخى9

سلمى :انتى وصلتى

شمس :اه على الباب

بعد شوية الباب فتح ودخلت شمس

شمس :ازيك يا حبيبتي انتى لوحدك ولا ايه

ميار :اه اصل خالتى راحت مشوار تعالى ندخل الاوضة اصل انا مش قادرة اقعد

دخلت شمس الغرفة وأغلقت سلمى الباب ورائها

شمس :انتى قلتى لية

رامى :عشان ناخد راحتنا

شمس :انت بتعمل اية هنا انا عايزة اروح

كانت سلمى على الخط وسمعت كل ذالك وذهبت مسرعة لأسر وأخبرته بما حدث

أسر: هاتى العنوان بسرعة

اعطتة سلمى العنوان وذهب هو مسرعاً

عند شمس افتح الباب انا عايزة امشى

ميار بكرة:لية بس يا شموسة خلى رامى يتسلى شوية

ميار:باى بقا عايزة اخبار حلوة يا رامى

شمس :لية تعملى فيا كدة

ميار :عايزة تعرفى لية عشان بكرهك يا شمس الشخص إلى حبيتة قالى انتى متشرفنيش شوفى شمس ملتزمة وعارفة دينها أما انتى ولا حاجه

وقدرة اخليكى تنسى ربك ودينك وتلبسى بناطيل

عارفة مين الشخص دة كان حمزة اخوكى حبيتة اوى ورحت اعترفلة بحبى

عارفة قالى اية

شمس :بصدمة حمزة

ميار اه حمزة قالى انتى متشرفنيش تكونى مراتى كل شوية اشوفك مع ولد شكل غير لبسك وشعرك

ارجعى لربنا كل دة مش هينفعك شوفى شمس ازاى ملتزمة انا عايز مراتى تبقا نسخة منها

انا بقا خليتك نسخة منى

شمس :انا عمرى مكنت زيك ممكن اكون بلبس بناطيل بس عمر شعرى مظهر ولا كلمت ولد

ميار :رامى بقا هيحقق الحتة دى باى بقا وبعدين رامى دفعلى فيكى كتير بقلم سماح

تركتها ميار وذهبت ظلت شمس تبكى

شمس :بالله عليك متقرب منى

رامى : ازاى بس يا قلبى دنا تعبت على موصلت ليكى متخفيش انا هعاملك انك ملكة بس عايزك هادية واقترب منها

شمس كانت بترجع لورا وتبكى ابعد عنى ابوس ايدك

اقترب منها رامى وشد طرحتها فظهر شعرها الطويل

رامى الله ليكى حق تدراى الجمال دة

كانت شمس تصرخ

رامى على فكرة أنا كان ممكن اشربك حاجة بس انا بحب البنت الشرسةبقلم سماح

فصرخى براحتك اصل انا مقولتش أن الاوضة عازلة للصوت

كل ذلك وأسر على الخط يجن جنونة على حبيبتة

وصل أسر إلى المكان وفى دقائق كان قد صعد إلى الاعلى ولكنة ام يعرف اى شقة هيا

وكان يبحث كالمجنون عنها تنزل إلى البواب

أسر :فين شقت رامى

البواب :معلش يا أستاذا في حاجه

أسر : بعصبية قولى فين شقتة شمس لو حصلها حاجه هوديك فى داهية

البواب بخوف فى الدور الثالث رقم ٣

تركه أسر ورقد إلى الاعلى

ظل يدق الباب بشدة فتحت ميار لأنها كانت بداخل تسمع التلفزيون

دفعا أسر ورقد إلى الداخل عندما رأت ميار ذالك هربت من المنزل ذهب اسر إلى الغرفة المغلقة وحاول كسر الباب عدة مرات فتح رامى ظنا منة أنها ميار

رامى بزعيق اية في اية دفعة أسر بشدة

ودخل صدم من منظر شمس فكانت ملابسها ممزقة وشعرها مبعثر بطريقة يتضح أنه كان يمسكها منة

يتبع بقلمSamah

احببت شيخى

البارت10صدم أسر بشدة من منظر شمس واتجة الى رامى يسدد لة العديد من اللكمات لم يقدر رامى على مواجهة أسر بسبب قوة أسر

عند شمس كانت منكمشة على نفسها وتبكى بشدة

اتجة إليها أسر وقام بخلع جاكته

أسر وهو يغض بصرة:إلبسى دة

أخذته منه شمس ببكاء وشكرته

أسر بغضب:يلا نروح هتفضل هنا انتى ازاى تيجى مكان زى دة لوحدك بقلم سماح

نظرة شمس لرامى وجدته لا يتحرك من كثرة الضرب

رفعت راسها لأسر وقالت ببكاء:انا كنت جاية ازور صحبتى عشان تعبانه مكنتش اعرف انها متفقة مع رامى عليا لومكنتش جيت كانوا وبكت بشدة

نظر إليها أسر بحزن :يلا يا شمس وذهب أمامها

بعد قليل كانت شمس تركب مع أسر فى سيارة

أسر :انا هاخدك على اى محل ملابس مينفعش تروحى كدة

ذهب اسر إلى أول محل ملابس قابله واشترى لها دريس وخمار

أسر لصاحبة المحل : هخلى المدام تيجى تلبسهم فى البروفة ممكن

صاحبة المحل:اكيد اتفضل

ذهب اسر لشمس وطلب منها أن تخفى ملابسها بالجاكيت الخاص به

بعد نصف ساعة كانت شمس وأسر فى السيارة متجهين إلى المنزل

شمس لأسر : شكراً

نظر إليها أسر وجدها تبكى بصمت

أسر : الحمد لله عدة على خير بطلى عياط واشكرى ربنا أنه نجاكى منهم

لم تجيب شمس بل كانت شاردة

بعد قليل وصل أسر لمنزل شمس وطلب منها النزول لم تجيب

أسر :شمس وصلنا عند بيت انزلى

فاقت شمس من شرودها ونزلت بصمت

عاد أسر إلى منزلة

سلمى :شمس عامله اية يا أسر

أسر:الحمد لله لحقتها وحكى لها ما حدث

أسر:سلمى الموضوع دة مش عايزة ينفتح مع حد حتى مع نفسك تمام

سلمى :اوعدك يا أسر الحمد لله عدة على خير

انا هبقا اروح اشوف شمس بكرة

أسر بحزن على شمس : ماشى هروح انا الجامع سلام

عند شمس دخلت الى غرفتها ولم تكن والدتها فى المنزل وظلت تبكى

عاد ولدت شمس وجدتها فى غرفتها تعجبت من قدومها الان ودخلت إليها وجدتها تبكى بشده

والدتها بخوف :مالك يا شمس

شمس بحزن :ماما انا وحكت لها كل شىء

والدتها بحزن على ابنتها: الحمدلله يا بنتى انك بخير انتى تبعدى عن البنت دى وانا هخلى ابوكى يشوف الموضوعة دة عشان ميتعرضوش ليكى تانى

شمس بحزن:انا مكسوفة من أسر اوى يا ماما انا قلتله الصبح كلام وحش وهو انقذنى

والدتها :شمس انتى بعدتى عن ربنا ارجعى شمس بتاعت زمان انتى لازم تفكرى كويس فى مستقبلك عايزة تبقى كويسة ولا لاء

وتركتها والدتها وذهبت أما شمس ظلت تفكر فى حديث والدتها .

شمس لنفسها:........

يتبع

بقلمىSamah