رواية احببته وكرهني💔 الفصل الثالث وثلاثون 33 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 33

- ومدري ليش ،😍
اتمآيزك وردة گرنفل 🌸
اتيّه روحي بريحتك✨
واحتآر من يآ صفحة اشمَك !🌚🙊
___________
الدكتورة. انجبرنه نسويلهه عمليه قيصريه وجابت التوم بس الولد بنيته ضعيفه مكدر يتحمل ومات بقت بس البينه

حمزة. بدون شعور نزله دمعه من عيوني واني اسمع حجيهه ابني موته بأيدي شلون يعني راحت الدكتورة ضليت بمكاني طلعوهه من غرفه العمليات واني اشوف بشرتهه صفره وذبلانه هذا كله بسببي الله ياخذي شكد حقير

ودوهه الغرفتهه سمر مقبلت افوت اشوفهه ضليت كاعد بره طلع فرات وره ساعه كال صحت
اريد ادخل اشوفهه اريد احجي وياها اريد اعتذر اريد اسوي اي شي دا احس نفسي دا اموت
رؤيا. كعدت واني احس جسمي كله خدران تذكرت الي صار خليت ايدي ع بطني ماكو شي وجانت سمر يمي عيونهه كلهه دموع

رؤيا. س سمر ج جهالي

سمر. حبيبي اهدي هسه

رؤيا. و وينهم جهالي ا احجي

سمر. مابيهم شي لا تخافين

رؤيا. جذابه ل لج ا احجي وينهم

الدكتورة. الحمدلله ع السلامه

رؤيا. شكرا دكتورة ج جهالي وينهم ش شنو صارلهم

الدكتورة. انتي جبتي عمليه والطفل من الزنف مدر يتحمل ومات بقت بس البنيه

رؤيا. دكتورة تشاقين اكيد

الدكتورة. اني اسفه

رؤيا. مستحيل ابني مابي شي لا تجذبون

الدكتورة. يله الحمدلله ع السلامه لا تتعبين روحج مو زين عليج واهدي

رؤيا. سمر حبابه كوليلي جذب ابني مابي شي ادري دا تشاقون لا تشاقون هيج اني دا انتضرهم يوم يوم شلون اخسره بلحضه فهميني

سمر. يروحي اهدي الله يخليج وعدج بنيه وهسه تعوضج عن ميت ولد صدكيني

رؤيا. ولج هذا قطعه من روحي شلون فهميني😭

سمر. يعمري اهدي شويه

رؤيا. اريد اشوف بنتي

سمر. هسه خاليهه بالخدج

رؤيا. الله عليج بيهه شي

سمر. لا والله بس لان اجتي من وكت خلوهه بالخدج باجر يمكن يطلعوهه مطول

رؤيا. حلوه😢

سمر. مشفتهه

رؤيا. ليش

سمر. مو طلعوج من العمليات وراسن اجيت عليج لهنا

رؤيا. روحي شوفيهه خاف بيهه شي

سمر. ماشي حبيبتي هسه رايحه لا تخافين

رؤيا. ماشي😢

حمزة. جنت واكف بالباب ودا اسمع كل الحجي كل حجايه عبالك خنجر بكلبي ومن كالت ع الطفله حته اني نسيتهه طلعت سمر من الغرفه
ردت ادخل احجي وياها راح اموت اذا محجيت وياها
سمر. لا تدخلهه نفسيتهه تعبانه

حمزة. بس احجي وياها

سمر. وهيه اكيد متريد تحجي وياك

حمزة. مااطول والله

سمر. دا اكلك البنيه متريد تشوفك لا تلح

حمزة. وين رايحه انتي

سمر. انته شعليك

حمزة. سمر احجي عاد

سمر. رايحه اشوف الطفله

حمزة. اني هم اريد اشوفهه

حمزة. رحنه اني وسمر للخدج جنت اشوفهه من وره الجام جانت كلش ناعمه وبيضه تخبل فدوة بس ضعيفه حيل وخاليلهه اوكسجين

حمزة. اكدر ادخل شويه

الممرضه. اي عادي بس تعال البس هذني

حمزة. لبسوني صدريه وكمامه وكفوف ماعرف شنو الفائده منهن
دخلت فتحولي الجامه الصغيره ودخلت ايدي جان جسمهه كلش ناعم اول مطخيتهه تحركت اني لا شعوريا نزلت دموعي
حمزة. بابا حبيبي اني اسف اني السبب بكلشي اني السبب بموت اخوج والله مو بقصدي اسوي شي يضركم
لا انتي ولا اخوج ولا امج انتي قطعه مني شلون اكرهج اريد افهم انتي بنتي والله مراح اعوفج
اني اسف ع الحاله الي انتي بيهه بس اني غبي دا اضيعكم من يدي وماعرف شلون
الممرضه. عيني بلا زحمه ميصير تضل اكثر من هيج

حمزة. ماشي طالع

حمزة. مسحت دموعي بسرعه وطلعت جانت سمر بره عفتهه ورحت ع غرفه رؤيا

سمر. لا تدخل

حمزة. اريد احجي وياها سمر لا تدخلين

سمر. مو بكيفك كافي السويته بيهه

حمزة. هوه لان سويته بيهه اريد اشوفهه وبعدين مرتي متمنعيني منهه

سمر. لا شو امنعك تدري ليهسه مكايله العمي

حمزة. لج خررب روحي كوليله شسويلكم روحي احجي اول تالي راح يعرفون روحي احجي شتردين تسوين سوي

حمزة. دخلت الغرفه رؤيا لكيته نايمه كعدت يمهه لزمت ايديهه

حمزة. رؤيا كعدي ...... رؤيا حبابه بس باعيلي

حمزة. حسيت بيهه فتحت عيونهه بس مجاوبتني

حمزة. رؤيا جاوبيني حبابه ..... اوك براحتج تدرين
بنتنه تخبل بيضه كلش وجسمهه ناعم بس ضعيفه اول مخليت ايدي عليهه تحركت
رؤيا. 😭😭😭

حمزة. رؤيا اني اسف ع السويته مجان قصدي لا اأذيج ولا اأذي جهالي والله

رؤيا. حمزة اطلع بره حباب

حمزة. لا تسوين هيج خلي احجي وياج

رؤيا. ماريد نحجي اطلع ماريد اشوفك

حمزة. صدكيني تندمت ع كلشي سويته وياج

رؤيا. شيفيد ندمك وابني مات بسببك

حمزة. والله العضيم مجنت قاصد لا تكولين بسببك والله دا تموتني هاي الكلمه

رؤيا. هاي الحقيقه حباب اطلع والله مدا اتحمل وماريد احجي وياك

حمزة. ماشي بس والله اسف

رؤيا. ممكن تصيحلي سمر

حمزة. ماشي

حمزة. طلعت واني روحي طالعه مني ماعرف شريد اسوي رؤيا برودهه وحجيهه يجرح مجنت متوقع هاي رده فعلهه بس اكيد حقهه وشريدهه مثلا تستقبلني وهيه فتتحتلي حضنهه اووف شكد غبي وين راح يوديني غبائك

رؤيا. جنت نايمه هلكد ما متأذايه لان العمليه كلش دا تأذيني
بس حسيت ايد لزمت ايدي وصوت حمزة دا يكعدني مجنت رايده افتح عيوني ماريد اشوفه ماريد اضعف كدامه
حجه ع بنتنه واني ميته ع شوفتهه اريد اشوفهه اريد اشيلهه اريد احضنهه اشتم عطرهه بس لا يخلوني اروحلهه ولا يجيبوهه الي
جانت نبره صوته كلهه ندم وحزن بس كافي شلعان الكلب كافي مذله بس الخاطره تنازلت هواي عن كرامتي
بس جنت الخاطر جهالي بس هسه ابني ومات بسببه شلون اتحمل طلع من الغرفه
دخلت سمر
رؤيا. سمر كلتي الاهلي

سمر. هسه خابرتهم تخبلون وامج وامي بس يبجن وهسه راح يجون

رؤيا. ماشي .... شفتي بنتي

سمر. اي ماشالله تخبل شراح تسميهه

رؤيا. ترف

سمر. ليش هلاسم

رؤيا. احبه ولو ابني عايش جام سميته انس😔

سمر. حبيبي لا تحجين هيج ميصير هاهيه ممقسوملج

رؤيا. ي يصحيح

رؤيا. احنه ودا نحجي اجت الدكتوره

الدكتورة. عفوا ابنج الي مات شنو ردتي تسمي حته نطلعله شهاده ميصير هيج يندفن

رؤيا. انس😢

الدكتورة. اوك

رؤيا. دكتورة عادي اشوفه

الدكتورة. لا ميصير

رؤيا. مره وحده

الدكتورة. بنتي الطفل مات شتشوفين منه

رؤيا. ممكن تطلعون بره شويه

سمر. براحتج حبيبي

رؤيا. ضليت دموعي تنزل وره نص ساعه تقريبا دخلت ماما ومرت عمي يبجون ياربي ممتحمله احد هسه

تستمر القصة أدناه

امي. حبيبي بيج شي احجي

رؤيا. لا ماما مابيه شي

مرت عمي. ولكم احجو شلون صار هيج

سمر. اني اكلج ماما

رؤيا. سمر سكتي

سمر. انتي انجبي خليني الغي كافي عاد وبعدين تضلين هيج

رؤيا. بس ....

حمزة. خليهه تحجي كلشي

سمر. والله ياماما ابنج العزيز هوه وره كلشي كله السبب منه هوه سبب موت ابنه وهوه ......... (حجت كل الي صار بالتفصيل)

عمي. لك انته شكد حقير 🖐

حمزة. بابا والله .....

عمي. انجب ولا كلمه ماريد اسمع منك شي

امي. ولك ليش هيج واني امنتك ع اغله قطعه عدي 2

حمزة. عمه صدكيني مجنت اعرف شدا اسوي

عمتي. هيج اني ربيتك هيج علمتك تسوي ببنات العالم مخليت اختك بين عيونك اذا جانت هيه مكان رؤيا شجان صار بيهه

حمزة. 😔😔😔

رؤيا. خلص يله كلشي راح بوكته

ابي. وانتي ليش محجيتي دائما اسألج وتكولين ماكو شي وكلشي تمام

رؤيا. متعلمت اطلع اسرار البيت حته لو الاهلي بس ممتعلمه اطلع هيج اشيااء

ابي. صحيح بس مو معناها تعذبين ومحد يدري بيج

رؤيا. هاي فتره وانتهت ماكو داعي هسه لهلحجي

عمي. ابو رؤيا اني اسف ع السوا ابني بس ماعرف شكلك اني هم خسرت حفيدي 😔

رؤيا. عمي بس حفيدتك موجوده

عمي. ههه ليش ميطلعوهه

سمر. بابا البنيه شويه ضعيفه فخلوهه شويه تصير زينه ويطلعوهه

امي. شراح تسميهه

رؤيا. ترف

مرت عمي. اي حلو هلاسم انشالله تتربه بعزكم حبيبي

رؤيا. شكرا خاله ..... ممكن تنطيني تلفونك

حمزة. ليش

رؤيا. اريد بشغله

حمزة. هاج

رؤيا. اخذت تلفون حمزة ودكيت ع علا لان اعرف تلفوني مراح ترد عليه

رؤيا. ممكن متحجون شي

سمر. ليش شتردين تسوين

رؤيا. بس لا تطلعون صوت وانتو تعرفون

الكل. ماشي

رؤيا. وره مخابرتين ياله ردت فتحت مايك

علا. هلو حبيبي

رؤيا. هاي اني

علا. شكو مخابره من تلفون حمزة

رؤيا. تدرين مات ابني وكله بسببج

علا. ليش انتي حامل

رؤيا. اي حامل ومات بسببج

علا. اي تستاهلين عساج بموت انتي هم

رؤيا. مو موضوعنه ممكن تشرحيلي ليش هيج سويتي بيه

علا. لا ماكو داعي اشرح

رؤيا. علا اني بالكوة لازمه روحي وموتج انتي ويا وهسه بالكوة اخذت تلفونه منه حته ميحس دا اخابرج كوليلي ليش هيج سويتي حته كلياتنه نرتاح

علا. ههه واصدكج تطلكين منه

رؤيا. اي صدكي لان شفت الويل منكم انتو الثنين

حمزة. 😔😔

علا. مو بس تدرين لعبه حلوه

رؤيا. لعبه شنو

علا. يعني اني ادري بيج تحبي من زمان بس جنت خاله عيني عليه وبعدين اني انضحك عليه من ولد جنت اعرفه وخلاني افقد عذريتي ومجنت اعرف شلون اخلص روحي من عرفت يحبني جنت دائما رافضه فكره الزواج منه ودائما اكله بعدين بس هوه لح واني مكدرت اطلع اني الخسرانه ذبيتهه براسج ع انو انتي تحبي واني مااكدر اخسر صديقتي علمود شخص هيه تحبه

واكيد صدكني لان بنضره اني الملاك وانتي الشيطان واعرف مجان يعاملج زين
وهذا جان يفرحني بس حرامات معرف بحملج جان سويت المستحيل علمود لا تتهنين بي
واني الطلعت الربحانه والي ضحك عليه اجه تقدملي بس اني رفعت غليه قضيه اغتصاب وربحتهه شفتي شلون الحض واكف وياي
رؤيا. تدرين عاشت ايدج ع السويتي ويجي يوم واجي اشكرج ع هاي افعالج وبخصوص حملي متهنيت بي حته انتي تجين تخربي

واني هسه اشكرج كلش هواي لان بينتي كل الحقيقه كدام الكل وماانساها الج هاي الدكه الناقصه مثلج 2

واذا تردين حمزة بالعافيه عليج تعالي اخذي لان هوه هسه عرف كل الحقيقه يله باي

علا. ياكلبه حمزة كله هذا اتفاق وياها هيج احجي

رؤيا. هلمره هم اكيد راح يصدكج بس بعد ميهني منو راح يصدك باي

علا. الله ياخذج

رؤيا. ماشي 😏
___________

- و حتى گلبك ذاك الاسود 👌
هم مدحتة ، و گتلك بلـون الكحل