رواية احببته وكرهني💔 الفصل الرابع وثلاثون 34 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 34

وبِداخلي جَرح أبكم يَعجزُ عن الصراخ وجعاً ..!
فَيكتَفي بِغيبوبة صَمتْ لا مُنتهية ..
تَحرق الحياة داخِلي دونَ أن يَعيَ أحد ..!😞
___________

رؤيا. جان ديسمع كل الحجي ومنزل راسه والكل واكف مصدوم بتسمت بداخلي لان اني الي انتصرت بينت كل الحقيقه وبأسهل طريقه الحمدلله والشكر الله ميعوف احد مضلوم
من كتلهه اذا تردي بالعافيه عليج رفع راسه وباوعلي وعيونهه كلهه اسأله سديت الخط اخذت نفس وكأن جبل انزاح من ضهري
نزلت دمعه من عيني ومكدرت اسيطر ضلت دموعي تنزل بقوة اجت سمر وحضنتني +
سمر. حبيبي ليش تبجين كلشي انتهه هسه

رؤيا. اي خلص كلشي 😢😭

ابي. خويه اعرف راح تصير مشاكل بينه كول الابنك خلي يطلكهه وماله يمي بنيه

رؤيا. سمعت هلكلمه من بابا حسيت الدنيه كلهه فترت بيه

عمي. خويه هاي مشاكلهم بينهم وهمه الي يقررون ليش احنه ندخل ويصير بينه كطع

ابي. بس بنتي شافت الويل من ابنك شلون ارجعهه اله

عمي. والله اعرف وحقك بس خليهه هسه خلي ترتاح ونشوف حفيدتنه ونطمأن عليهم وبعدين يصير خير ع هلحجي

ابي. اي انشالله

رؤيا. الكل طلع راحو دا يشوفون ترف بقه بس حمزة

حمزة. راح ترضين تطلكين

رؤيا. الي يكول بابا اني اقبل بي

حمزة. وبنتنه

رؤيا. اكيد تبقه يمي اني وعدتك متحس بيهه وعد وعدي لهاي الحضه

حمزة. لا تحجين هيج

رؤيا. بعد حجيت اكدر ارتاح شويه

حمزة. ماشي

حمزة. ماعرف شصار بيه واني اسمع علا دا تحجي ع الي سوته بيه وبرؤيا والقران بس لو اعرف مكانهه مااخليهه عايشه لحضه وحده
حجه عمي ع الطلاق بس ردتهه تكول لا مااطلك بس مكالتهه
وفاجأتني من كالت ابويه الي يقرر معقوله هاي كلهه بسببي معقوله كل هذا سويته اني
ليش مشفت حبهه من البدايه ليش مصدكتهه اوووووف ياربي
طلعت من الغرفه رحت عليهم الغرفه ترف فدوة اسمهه لايكلهه
جان الكل موجودين ديباعون عليهه ويبتسمون شكد حلو شعور واحد يصير اب
تأخر الوقت والكل راح بس بقبت اني وام رؤيا طبعا اني اله بالفلوس ياله خلوني ابقه

صار ثاني يوم الصبح ..... طلعو ترف من غرفه الخدج اخذتهه بأيدي جانت ناعمه كلش ولحمهه لين خفت خاف توكع من ايدي انطيتهه الام رؤيا

ودتهه الرؤيا جنت اني امشي وراها اول مدخلت امهه شفت لهفتهه عليهه اول مخلتهه بحضنهه ضلت تقبل بيهه وتحضنهه وتشتم بعطرهه ودموعهه تنزل
شكد تمنيت اروح احضنهه هيه وبنتي بس مااكدر اكيد مراح تتقبلهه مني
ضليت اباوع عليهه ومبتسم معقوله كل هلمحبه الهه وهيه البارحه اجت للدنيه
لعد اني شلون جانت تحبني من قبل 😣

رؤيا. ماما جابتلي ترف شفته عبالك روحي رجعتلي جانت تخبل ضليت اشتم بعطرهه واحضن بيهه
رفعت راسي شفته جان منزل راسه ويلعب بأصابيعه تمنيت يجي يحضني ويشيل بنته
بس متأكده ميسويهه
صار الضهر سوولي الخروج مالتي وطلعنه جانت ماما وياي وبابا اجه من ردنه نطلع

ابي. بنتي تجين ويانه

حمزة. عمي شلون بس ....

ابي. اني حجيت يله رؤيا كدامي للسياره

رؤيا. حاضر

حمزة. عمي اسمعني

ابي. مالي حجي وياك

حمزة. عمي الله يخليك

ابي. كافي مااتناقش ويه واحد مثلك

حمزة. راحت صعدت بسياره ابوهه وعمي مرضه يسمع مني شي شعل سيارته متحملت رحت عليهه فتحت الباب واخذت ترف من ايدهه
قبلتهه بقوه وحجيت بأذنهه
حمزة. احبج بابا وراح ارجعج انتي وامج لا تخافين

رجعتهه بحضن رؤيا وسديت الباب بقت ترف تبجي اوووف ريحتهه مينشبع منهه اريد احضنهه اكثر مدا اكدر ابقه ويه بنتي اكثر من دقيقتين هاي وين صايره

رجعت للبيت دخلت سبحت ورحت نمت صلي يومين منايم
كعدت المغرب رحت البيت اهل رؤيا الي هوه نفسه بيت اهلي
رؤيا. صعدت بسياره بابا واجه حمزة اخذهه من حضني للحضه تخيلته راح ياخذهه وميقبل ينطيني ياها مو حبا بيهه بس مجرد انتقام ادري مراح يصدك الي حجته علا كدامه بس شسوي اكثر بعد
اخذهه قبلهه وحجه شي بأذنهه مكدرت اسمع شكال ورجعهه بحضني
بس ترف ضلت تبجي ماعرف شلون اسكتهه كمت ابجي وياها
رؤيا. ماما حبيبي شبيج ليش تبجين

امي. ههههههه هاي اذا كل وحده جابت وابنهه كام يبجي وتبجي ويا جان محد خلف

رؤيا. بس ماما شوفيهه مدا تسكت

امي. انطيني ياها بعدج متعرفين شلون تتعاملين وياها

رؤيا. اخذتهه امي مني وبقت تلوليلهه وتهز بيهه ياله هدءت ونامت شويه
وصلنه للبيت نزلت استقبلوني عمي ومرت عمي باركولي وصعدت الغرفتي شربت ترف حليب ونامت جنت كلش نعسانه خليتهه بصفي وغفيت
كعدت تقريبا ب٧.٣٠ المغرب سمعت صوت جوة مابيه حيل اكوم وجانت ترف تبجي
شربتهه حليب بس مسكتت شلتهه وكمت اهز بيهه ومسكت كامت تشهك بالبجي خفت خاف يصير عليهه شي صحت ماما
رؤيا. ماما 😢😢😢 يااااماما وينج تعالي بسرعه

رؤيا. اني عيوني كلهه دموع وترف دا تبجي انفتح البلب بقوة جان حمزة ورا دخلو كلهم

حمزة. شبيج ليش تصيحين ترف بيهه شي

رؤيا. مدا تسكت شربتهه حليب وجانت نايمه وهزيتهه وهيه تبجي ومسكتت

امي. شو جيبيهه

رؤيا. اخذتهه امي من ايدي وغيرتلهه حفاضتهه ياله سكتت

امي. كل عقلج تبجين ع بجيتهه

رؤيا. شمدريني عبالي بيهه شي ومدا تسكت 😢😢😭

حمزة. وصلت للبيت دخلت جوة طبعا عمي وعمتي ميحجون وياي حاولت اوضح الي صار بس همه ميقبلون يسمعون مني شي
جان صوت ترف دا تبجي وبعدهه سمعت رؤيا دا تصيح ع امهه معرف شصار بيهه كل بالي ترف صارلهه شي من البجي صعدت بسرعه فتحت الباب جان كاعده ع السرير ودا تبجي وبيدهه ترف هيه هم دا تبجي
اخذتهه امهه منهه وغيرتلهه حفاضتهه سكتت ابتسمت بداخلي ع بجي بتهه دا تبجي لعد باجر عكبه من تتمرض شلون شسوي
شلون عدي كلب وكسرت ارق انسانه بهلكون شلون مجنت شايف كل هلحنيه الي بيهه
جنت صافن عليه صاير تخبل وره مجابت خرررب كل هلجمال حلالي خررره بيك وين جان عقلك من جانت بين ايدك
نيمتهه عمتي وطلعو بقت هيه كاعده تباع عليهه ضلبت واكف اريد احجي وياها بس مالي عين احجي وياها
رؤيا. نومتهه امي وطلعو بقه بس حمزة يباوع مردت اباوع عليه ماردي احجي ويا
صاحه بابا وطلع اوووف مشتاقتله حيل اريد احجي ويا حته لو نتعارك اريد اسمع صوته شتاقيت الكلشي بي
حمزة. صاحني عمي ونزلت بدو يحجون

عمي. ممكن تشرحلنه

حمزة. عمي سمر الي حجته كله صدوك مو اكثر من هيج وهسه اريد ارجع مرتي وبنتي

عمي. هسه ياله عرفت بتك ومرتك

حمزة. عمي خلي نفسك مكاني جانت هيه راس البله بنضري وجانت دا تجذب هم بنضري وحسب مجنت فاهم شلون اتعامل وياها
مع هذا ممديت ايدي عليهه غير يمكن مرتين لان جنت عصبي حيل وهيه تجادل فمسيطرت ع روحي
وغير هذا ممسويلهه شي واي صح اغلط واهين واسمعهه حجي بس شسوي جنت اثول ومتندم
سمر. والله لو هسه تموت مراح اصدكك

حمزة. بعد ماعرف شنو الي لازم اسوي حته اثبت اني ندمان وعلمود لا تخرب الخوة البينك وبين ابويه ع سالفه بيني وبين مرتي خلينه ننهي السالفه

عمتي. وتريد ارجع بنتي للجحيم الجانت عايشه بي

حمزة. والله اسوي الهه جنه بس خلوني اني ومرتي نحل المسؤله لان هاي الشغله بيناتنه

عمي. قسم بالله يا حمزة لو ادري او مجرد سامع خبر هيج جنت تتعامل وياها وربي من اول يوم اطلكهه ومااهتم لا للخوة ولا لشي هاي بنتي واعز من الهوة الاشتمه انته صار عدك بنيه وصير بمكاني لو بنتك هيج مسوين بيهه شجان سويت

حمزة. عمي وربي ندمان متتصور شكد

عمي. ميفيد ندمك بنتي مترجعلك

ابي. ابو رؤيا مو بالعصبيه ينحل هيج موضوع

عمي. تره زين متحمل وجوده

تستمر القصة أدناه

ابي. تره هوه هم ابني ميصير هيج

عمي. والله ابنك لعد وبنتي الي جانت تتعذب وحدهه بيد ابنك شنيه هاي

ابي. حقك بس هوه ندمان مثل متشوف

رؤيا. بابا حبيبي ميصير تعصب مو زين عليك اهده شويه

عمي. بنتي ليش نزلتي مو زين عليج ولا تدخلين بهلموضوع انتي

رؤيا. بابا حبيبي بس اكعد انته وعمي خلي نتفاهم ماشي

ابي. ماشي

رؤيا. كعدو الكل والكل هده منتضريني احجي

رؤيا. الحمزة ماارجع

حمزة. بس .....

رؤيا. خليني اكمل

حمزة. اوك 😔

ابي. بنتي اي قرار تاخذي اني وياج بي لا تخافين ع علاقتي ويه عمج احنه اخوان وميصير بينه شي

رؤيا. بابا خليني اكمل وبعدين انتو قررو

سمر. اوك احجي

رؤيا. ارجع بشروط

حمزة. الي هيه

رؤيا. اول شي ممنوع تتقرب عليه وكل واحد ينام بغرفه

حمزة. ماشي

رؤيا. بنتي مضخهه اصلا

حمزة. بس هيه بنتي هم

رؤيا. معليه اني

حمزة. اوك كملي

رؤيا. متدخل بحياتي ابد

.علا تمحيهه من حياتك واسمهه مينجاب ع السانك ولو لمره وحده

. اثاث البيت الي هيه مختارته كلهه تتغير

. ممنوع تخابر بنات او تلتقي بيهم لان وغلاوة بنتي بس مجرد اسمع خبر مااهتم لا البنتي ولا البطيخ

. اصدقائك الساقطين كلهم تعوفهم

. تكبر ترف شويه وبعد ماعدي علاقه بيك لان بس علمود بنتي هسه هيه محتاجتك

حمزة. مستحيل

رؤيا. هذا الموجود تقبل بهذني الشروط ع عيني وراسي متقبل بكيفك

حمزة. شرطج صعب كلش

رؤيا. بس قبل من جنت كل ماتحجي حجايه والخ عادي كلمه الطلاق تجي بالسانك

حمزة. هاي قبل مو هسه

رؤيا. متغير شي

حمزة. ماشي الي تردي يصير

رؤيا. واريد كلمه رجال متغلط وتجرح بالحجي وابد متتأمر عليه بشي

حمزة. ماشي قابل

رؤيا. اوك الخاطر بنتي بس اني راجعه

سمر. كل عقلج ترجعين

حمزة. سمر لا تدخلين بيني وبينهه

سمر. انته اخويه وهيه اعز من روحي لهذا السبب مستحيل اوكف وياك بشي فهمت ومستحسل اخليهه تغلط نفس الغلط

حمزة. مكتلج اوكفي وياي لو وياها بس لا تدخلين بينه

سمر. هيه غبيه بسرعه تصدك المفروض احد ينصحهه

رؤيا. سمر حبيبي هلمره اعرف شدا اسوي

سمر. بعد براحتج

___________

• الخمر يُسكر من يُعاقر كأسهُ💫
• وشفتاكِ خمر بِلا كؤوس تَسكر 💓."