رواية احببته وكرهني💔 الفصل السابع وثلاثون 37 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 37

• وهسه اشلونچ احچيلي ؟
• گالولي عليچ عيونچ مغيمهَ
• واجتني الناس تشكيلي 💚 !
________

شفته دخل وهوه ويا رجال جبير وعيونه حمر وايده كلهه مجرحه ويطلع منهه دم ماعرف شصار بيه
رحت لبست شال بسرعه ورحت عليه بسرعه لزمت
الرجل. اسف بنتي بس ماعرف شلون طلع بوجهي ودعمته متأذه حيل بس مقبل يروح للمستشفه

رؤيا. ماشي عمي تسلم

راح الرجال وهوه راسن سحب ايده مني وعافني ومشه

رؤيا. حمزة اوكف ايدك وراسك كله جروح😢

حمزة. مالج علاقه

رؤيا. رحت ورا الغرفته كعد ع السرير رحت جبت الاسعافات وبديت انضفله جروح ايده وجبينه ودموعي تنزل

رؤيا. اسفه اني السبب اسفه

حمزة. اني السبب الي وصلنه لهلحاله

رؤيا. لا اني زودتهه

حمزة. حقج بس اني تعبت

رؤيا. اني تعبت اكثر منك

حمزة. رؤيا انسي

رؤيا. والله احاول

حمزة. ماريد تحاولين اريدج تنسين

رؤيا. حته لو بين الك اني نسيت بس اكو شي بكلبي فليش اجذب عليك خليني انسه كلشي

حمزة. بس تعبت واني انتضرج تنسين

رؤيا. واني تعبت لحد ما وضحت الحقيقه

حمزة. رؤيا خلي نبدي صفحه جديده تلاثتنه

رؤيا. احاول

حمزة. رؤيا

رؤيا. ها

حمزة. ا ا...........

رؤيا. شنو

حمزة. احبج

رؤيا. .......

رؤيا. كمت بسرعه ورحت الغرفتي ماريد اسمع شي مو الي ادري ميحبني بس علمود انسه هيج كال ماريد ماردي كلمه بالجذب يحجيهه نزلت دموعي اكثر واكثر
كعدت ترف رحت شربتهه حليب وضلت صافنه عليه
رؤيا. شوفي ابوج دا يحجي هيج حته انسه بس ماريد كلمه جذب اريدهه من كلبه اريدهه الي ماريد اصدكه
اريد يحبني اريده الي وبس هذا حبيبي الي بس كلبه مو الي شكد احاول اخلي يحبني ميحس بس هسه كالهه كلمه عابره شلون
رؤيا. دا احجي ويه ترف وهيه كاعده وتضحك خررب احجي ويه طفله وكلشي مدا تفهم عليه 😅

شلتهه وطلعت لكيته كاعد بالصاله خليت ترف بحضنه ورحت سويت عشة الي واله
خلصته ورحت للصاله جان ديلعب وياها

رؤيا. انطيني ياها خلي انيمهه

حمزة. عوفيهه يمي شويه مبين منعسانه

رؤيا. انطيني ياها وتعال اكل وخلص واخذهه

حمزة. اوك

حمزة. احبهه اي حبيتهه هواي تجاهلت هذا الشعور مجنت اريد اصدك بس صدوك حبيتهه وجنت اكابر حته لا اضعف

ماريد اتعلق بيهه خايف لا تصير مثل علا وتعوفني بس هيه تحملت هواي ممعقوله تعوفني بعد مصار عدنه طفل بس هيه شرطهه نطلك من تكبر ترف وخايف تسويهه صدوك وتعوفني والله حيل حبيتهه مااتصور يومي من دونهه حبيتهه من اول معرفت حامل بس مردت ابين الهه اني مهتم وادري الي سويته ميسوي العدو من عفتهه من جانت تتأذه بس جان عبالك احد يتحكم بيه واسوي هيج خررب

كتلهه احبج ومجنت متصور راح انطقهه بس هيه راحت للغرفه اعرف ممصدكتني بس شسوي مكدرت اضم اكثر

اجت وانطتني ترف صدمتني معقوله راح يتغير شي بحياتنه

انطيتهه ترف وكعدته ناكل مباوعت بعيوني تمنيت بس ترفع عينهه بس تحجي شي حته تريحني ماكو

كملنه اكل وانطتني ترف وراحت تغسل المواعين
خلصت واجت تاخذ ترف
حمزة. خليهه يمي اليوم

رؤيا. لا ماكدر تكعد بليل وتضل تبجي

حمزة. اووف😔

رؤيا. ا ا اذا تريد نام بغرفتنه

حمزة. صدوك

رؤيا. مم

حمزة. اوك

رؤيا. حاولت اعود روحي ع شي معرف اذا صح او غلط رحنه الغرفتي غيرت ملابس ترف وغسلتلهه ولبستهه ملابس عاديه وبعدهه ليهسه تلعب هاي متريد تلعب واني ميته تعب خرب😣😣

حمزة. نامي اني ابقه يمهه لحد متنام

رؤيا. عادي متعوده عليهه

حمزة. ميخالف نامي تعبانه انتي

رؤيا. بس

حمزة. نامي متثقين بيه تره هيه بنتي

رؤيا. ماشي

رؤيا. تمددت ع السرير وترف بالنص وهوه اجه ع الجهه الخ يعني ترف صارت بالنص هوه بقه كاعد يمهه واني غمضت عيوني لان حيل تعبانه

بس مااجاني نوم معرف جوز لان ترف كاعده
سمعته يحجي وياها
حمزة. بابا حبيبي شوفي ماما نايمه مثل الملاك
تدرين حبيبتي احبهه حيل الامج بس هيه اكيد ممصدكه بيه اريدهه تسامحني بس ماعرف اذا راح تنسه لو لا
بس ادري الخاطرج راح تنسه كلشي اريد نصير احله تلاثه ميفرقنه شي اريد الدنيه كلهه تدري بيه احبكم انتي وامج
رؤيا. ابتسمت ع حجيه وحسيت بي حض ترف ونامو

كعدت الصبح لكيت بعده حمزة نايم وترف ع ايده

اول مره ترف متكعد الصبح وتناغي فوك راسي قبلتهم ثنينهم وكمت
سويت ريوك ورحت حته اكعده لكيته كاعد ويتحارش بترف حته تكعد
رؤيا. صباح الخير

حمزة. صباح النور 😉

رؤيا. عوفهه نايمه اول مره تجرهه نومه وحده

حمزة. بس شويه عضه من خدودهه ورجعي نيميهه

رؤيا. دعوفهه حباب

حمزة. اوووف ماشي 😣
زين وانتي
رؤيا. شنو اني

حمزة. عضه من خدودج

رؤيا. امشي احسلك

حمزة. شويه حبابه

رؤيا. حمزة امشي

حمزة. نشوف وين توصل وياج

رؤيا. ديله تحرك الجاي برد😅

حمزة. هههه يله

رؤيا. اكل وكال عدي شغل وطلع اني هم كملت اكل وكمت عزلت شويه البيت وترف كعدت وكامت تبجي رحت عليهه شربتهه حليب وخليتهه بالكرسي مالتهه وخليت كدامهه العابهه حته تلتهي شويه بين مااكمل

خلصت تنضيف تقريبا ب١١ سمعت تلفوني يدك
رحت شفته جان رقم علا اول مرديت سدته وصلتني رساله منهه
(ههه عود صدوك واثقه انتصرتي عليه لا حبيبتي لو تموتين اني مااخسر وهسه حبيبج راح يجيني هسه هوه بالطريق واذا متصدكين شوفي هاي صوره المحادثه مالتنه)

ودزت صوره للمحادثه وجان مضمونهه

(علا. وينك حبيبي
حمزة. بالطريق حياتي
علا. مو تتأخر كلبي
حمزة. لا حب مبقالي هواي راح ادخل منطقتكم
علا. اوك كلبي منتضرتك
حمزة. ماشي باي
علا. باي)
ضليت مصدومه مستحيل يسويهه.... وصلتنه رساله ثانيه منهه

(ادري متصدكين بس من يوصل اسوي تسجيل صوت وبعد بكيفج تصدكين او لا بس اني مستحيل اخسر خليهه ببالج)

رؤيا. بدت دموعي تنزل واني كلبي يكلي دا تجذب حبيبي مستحيل يجذب عليه
رحت شلت ترف خليتهه بمكانهه وضليت انتضر التسجيل الي تكول عليه ع امل حجيهه جذب
وحبيبي ميسويهه هوه حالف ميجذب عليه لو مدري شيصير ياربي يطلع حجيهه جذب والله مااتحمل اذا صدوك حجيهه
تستمر القصة أدناه

مرت نص ساعه وصلتني رساله وجانت مقطع صوتي
بلكوة حمل خرررب
جان جسمي كله يرجف رجلي مااحس بيهه
فتحت التسجيل اول كلمه منه عرفت هوه صوته غمضت عيوني سديت التسجيل
اني مو رؤيا الضعيفه وحبيبي مستحيل يسويهه فتحت التسجسل مره ثانيه جان صوته كلبي ديصير الف قطعه
جان المقطع 👇
(حبيبي علا اعشقج وربي ماكدر بلاج دا احس يومي مابي طعم اذا مااحجي وياج اريدج الي
مشتاقلج حيل دا اموت الف موته باليوم الي مااحجي وياج بي صدكيني حياتي متسوه شي بدونج الدنيه كلهه متكدر تنسيني حبج اوووووف شكد مشتاقلج علا احبج مدا احس بيومي وانتي ماكو )
رؤيا. اسمع التسجيل واني دموعي تنزل صوته هوه حمزة هوه مستحيل ياربي مستحيل

وصلتني رساله منهه

(ها شو ساكته متحجين شفتي حبيبي المخلص هه كتلج مينلعب وياي حبيبتي العبي بعيد لان متكدريلي لو شمسوين 😏😏😏)

رؤيا. معقوله يسوي هيج بيه امنت بي وبديت انسه كلش ماريد اصدكهه عدت المقطع شي ميت مره نفس الصوت مستحيل مااعرف صوت الشخص الاحبه من طفولتي

ضليت كاعده منتضرته يجي ودموعي موكفن
صارت ساعه ب٢ ياله اجه
حمزة. شبيج رؤيا ليش تبجين

رؤيا(بهدوء). وين جنت

حمزة. جانت عدي شغله كولي شبيج

رؤيا. شنيه الشغله

حمزة. جان صديقي عده مشكله ورحت حته اشوفه

رؤيا. وهذا صديقك استقبلك زين

حمزة. مفهمتج

رؤيا. من طول عمرك متفهمني

حمزة. غير افهم شبيج وشنو معنه حجيج وليش دا تبجين

رؤيا. انته شوعدتني

حمزة. بيا خصوص

رؤيا. كتلك تنسه شي اسمه علا اسمهه مااسمعه تنساها للابد

حمزة. وهسه اني جايب اسمهه

رؤيا(بصراخ). لا يا عيني مجايب اسمهه بس عادي تروح عدهه وتتغزل بيهه لك ليش هيج ليش شسويتلك ليش مو بديت انسه كلشي ليش انته مو تكره الجذب ليش دا تمشي حياتنه بجذبه
شنو ذنبي ذنبي حبيتك؟ مو حرام مو ع اساس تغيرت مو ع اساس تحبني لو بس تريد تأذيني والقران اذيتني ولو يختارون منو اكثر واحد يأذي مرته بالعالم انته تطلع الاول عليهم
حمزة. كلشي مدا افهم منج علا شجابهه بموضوع واني وين شايفهه وين حاجي وياها ليش هيج تحجين

رؤيا. كافي جذب مليت كافي هاك هذا التسجيل اسمعه زين واني بعد ماعدي كعده هنا لو مدري شيصير

حمزة. يا تسجيل

رؤيا. دزيتله التسجيل والرسائل مال علا ورحت لبست بسرعه شلت ترف واخذت غراضهه طلعت من الغرفه جان كاعد بالصاله فتت من يمه هوه... +

حمزة. جذب هذا كله جذب

رؤيا. مستحيل اصدكك واجذب الي سمعته

حمزة. اخلي اشرحلج

رؤيا. ماريد اسمع منك حرف واحد واريد اوراق طلاقي توصل بأقرب وقت

حمزة. رؤيا

رؤيا. بنتك لو تموت متشوفهه ولو اعرف متهمك لو تهمك متسوي هيج

حمزة. لججج رؤيا اسمعيني

رؤيا. طلعت من البيت واني دا احس كلبي خدر من وره الوجع البي
وصلت البيت اهلي سلمت عليهم وهمه اخذوني حاصل فاصل
خليت ترف يم ماما ودخلت الغرفتي القديمه
جنت بس اريد انام بس اريد ينتهي كلشي كله هذا اريده حلم ومن اكعد يخلص
حمزة. رجعت للبيت وجانت كاعده بالصاله ودا تبجي من حجت ع علا صدمتني سمعت الستجيل واني عبالك جبل وكعد فوك راسي منين اجه هذا الستجيل وشلون صار هيج

حسيت بنفسي متت من كالت اريد اوراق الطلاق وبعد متشوف بنتك واني جنت اباوع ع ترف شلون نايمه

اخذتهه وطلعت جنت ممستوعب الي صار ردت اشرح كلشي بس احس الساني مربوط وميطلع مني الحجي وهيه مقبلت تسمع شي
عفتهه اني اريد ارتاح وهيه اكيد مراح تقبل تسمع مني
ضليت يومين احاول اتصل برؤيا متجاوب اهلي واهلهه عرفو وميقبلون احجي ولا اشرح شي من اروح وجوهم ثكيله ورؤيا اصلا مشفتهه ولا مره رحت بيهه لا هيه ولا ترف تعبت حيل

وحاولت كومه اتصل ع علا بس مترد اهر مكالمه ردت عليه

علا. ها حب كول

حمزة. اليوم اريد اشوفج

علا. من عيوني بس وين

حمزة. بيتي فارغ تعالي

علا. ماشي حب شي ساعه واجيك

حمزة. ماشي انتضرج

_________

- إشـ زرعتي بداخلي ؟
- وخليتچ تحصدين ؛
- غيرچ حآولن مآ شوفتهَن طين ،♥️ !
_________
هلووو😉

شنو رأيكم👆 شتتوقعون يصير

تتوقعون هذا كله من تخطيط حمزة ؟؟