رواية احببته وكرهني💔 الفصل السادس وثلاثون 36 - بقلم عہٰ۪۫ہٰ۪۫صہٰ۪۫فہٰ۪۫ہٰ۪۫ورة

بارت 36

_________

- احبكٓ❤
مهما رفضت هذا الحب💔
_________
رؤيا. طلع من البيت واني صدوك مخنوكه اريد ارجع مثل مجنت اني اريد اتعذب بحبه بس من ناجيه ثانيه تعبت وراحت شخصيتي ويا اريد ارجعهه اريد ارجع رؤيا القويه المستحيل تنكسر
بس شيفيد بعد انكسرت واريد اصلح هذا الكسر بس مع الاسف راح يببه الاثر مالته شسوي احاول شكد مااكدر
كعدت ترف رحت وشربتهه حليبهه ونيمتهه رجت اشتغلت كك شغله خفيفه لان بعد العمليه توجعني ومشايله الخيط

انتضرته بس طول ياله اجه سويت اكل وكعد ياكل اني عفته وردت اروح للغرفه بس

حمزة. تعالي اكلي وياي شويه

رؤيا. ماريد

حمزة. لا ترحين تعالي اكلي علمود ترف اني طالع

رؤيا. ماريد شبعانه قبل شويه اكلت فواكه ماكو داعي تطلع

حمزة. رؤيا اني.....

رؤيا. شنو

حمزة. هيج ولا شي بس حته لو متاكلين كعدي شويه وياي

رؤيا. ماشي

رؤيا. كعدت كباله وبده ياكل واني عيوني مكدرت اشيلهه عنه شصاير لو هوه هيج من قبل مجان صار كل الي صار جان هسه احنه احله تالثه

سمعت ترف كامت تبجي طمت حته اشوفهه 1

حمزة. رؤيا جيبيهه

رؤيا. اريد اشربهه حليب وانومهه

حمزة. ميخالف جيبيهه شويه

رؤيا. هممم

رؤيا. رحت ع ترف اول مشلتهه سكتت يعني مجوعانه اخذتهه وطلع للصاله جان بعده دا ياكل اول مشافهه عاف الاكل

جمزة. رؤيا انطيني ياها

رؤيا. لا تنسه الشروط

حمزة. بس اشتم عطرهه والله تعبت اريد الزمهه الزم ايدهه

رؤيا. مو هيه مو بنتك 😏😏

جمزة. خرررب رؤيا لا تحجين هيج

رؤيا. هذا حجيك😏

حمزة. انطيني ياها

رؤيا. تريد تنام اروح انومهه😏😏

حمزة. اووووف اووووف😠

حمزة. اريد بنتي والله حرام هيج 😢
من شالتهه وراحت كامت تبجي رحت وراها اخذتهه من ايدهه اول مشلتهه سكتت
لان صدوك اريد اشيل بنتي يعني ميصير تبقه بحضني اكثر من خمس دقايق
رؤيا. حمزة جيبهه

حمزة. اششش خلي تنام وانطيج ياها

رؤيا. حمزة دا تخالف الشروط

حمزة. والله ممجبور التزم بيهه

رؤيا. لا مجبور واذا ممجبور والله اخذ بنتي وباجر اطلك

حمزة. ههه ع اساس هيه بكيفج وهيته الطلاك

رؤيا. اي هيته الي اريده اسوي مفهوم انطيني بنتي هسه

حمزة. ماانطي خليهه بحضني شويه من اول مجتي واني مشايلهه اكثر من خكس دقايق وشوفي اول مشلتهه سكتت

رؤيا. حمزة لا تعاند لا والله اسوي

حمزة. سوي الي تردي واوراق الطلاق مااوقع عليهه

رؤيا. مو اله توقع 😏

حمزة. وشلةن بله

رؤيا. اكللهم انته مو كد الزواج

حمزة. شنوووو شنوووو شكلتي

رؤيا. مثل مسمعت😏😏

حمزة. شوفي دا تهينين رجولتي وساكت الخاطر بنتي ماريد اغلط بحقج او بحقهه علمود لا اخسرهه
وثاني شي اذا اني مو كد الزواج بنتج منين
رؤيا. هه اكللهم جنت مزوجه قبل

حمزة. هاي وين عايشه انتي مو همه غشمه وتضحكين عليهم بهلحجي

رؤيا. الفلوس كلشي تسوي

حمزة. وحق القران ساكتت ودا اسيطر ع عصبيتي مو الخاطرج الخاطر بنتي فكافي تجفصين بالحجي احترمي شويه

رؤيا. لا والله بهلحجايتين يعني غلط بحقك وانته شجنت تسوي

حمزة. رؤيا اكو فرق بين المرة والرجال الرجال مستحيل يسكت من ينحجي ع رجولته موفهوم واني دا اعوذرلج ع كلشي سويته بيج
فحمدي بربج هسه ساكت ودا احجي بهدوء
رؤيا. 😏😏😏

رؤيا. اصعب شي من ابين اكرهه واني اموت عليه
ادري بالكوة لازم نفسه ميسوي شي لان عيونه صار حمر وشرايين رقبته بدت تبين حسيته راح ينفجر
والله مردت احجي هاحجي بس علمود لا ابين ضعيفه ويكدر يكسر الشروط ويتماده ويسويني لعبه بأيده
خله ترف بأيدي وطلع من الغرفه بعصبيه سمعت صوت الباب كال الصاله نضرب حيل
اعرف غلطت كومه وحجيه كله صحيح لان صعبه تنهان رجولته بس كل هذا علمود يعرف غلطه
جانت ترف نايمه خليتهه بمكانهه ورحت لميت الاكل وغسلت المواعين ورحت تمددت يم ترف ضليت اباوع عليهه شكد حلوة وهيه نايمه وتشبهه ابوهه حيل نفس العيون نفس الخسم ونفس النومه

رؤيا. تدرين حبيبي انتي تشبهين ابوج بكلشي مماخذه اشياء هواي مني
ههههه جوز لان جنت اباوع عليه من ينام واني حامل طلعتي تشبهي
بس تدرين شكد احب ابوج اعشقه ومتصورين شكد بعد حب الطفوله مينتهي بين يوم وليله
وهسه دا ادوس ع كلبي واجرحه بحجيي بس شسوي جوز الي دا اسوي رد اعتبار ماعرف ليش هيج دا اسوي
ادري بي يحبج لان انتي قطعه من روحه بس ماريد اشوف حنيته الج خاف اضعف كدامه وانسه كل الي صار والي شفته مو سهل

رؤيا. تعبت حيل واني انتضره صارت ساعه ب١١.٣٠ ومااجه حته اكل مااكلت راسن نمت

حمزة. طلعت من البيت واني بالكوة مسيطر ع روحي ماسوي شي
رحت الجماعتي وكلعاده شرت نركيله لمه كلت بس
وبعدهه رحت كعدت كبال نهر دجله (الي يم نصب الشهيد) صارت الدنيه دليل طلعت مناك ورحت فتريت شويه ماريد ارجع للبيت بس مااكدر خاف رؤيا تحتاجين علمود ترف رجعت للبيت تقريب ال١٢ بليل
صعدت الغرفه رؤيا اخذت ترف ورحت الغرفتي حته انام لان يعجبني انام ع ريحتهه لان ريحتهه حته روحي تنسينياها
خليتهه ع صدري ونمت
رؤيا. كعدت بليل لكيت ترف ماكو يمي تخبلت منو اخذهه وين راحت حسيت الدنيه نسدت بوجهي
بدت دموعي تنزل نزلت جوة مجان اكو احد صعدت ع غرفه حمزة جان حاضنهه ونايم

كعدت ع الارض خليت ايدي ع عيوني وشهكاتي بكدرت اسيطر عليهم

حمزة. سمعت صوت احد ديبجي عبالي ترف كعدت لكيت رؤيا كاعد ع الارض وتبجي وخرت ترف من ايدي وكمت بسرعه عليهه

حمزة. رؤيا شبيج احجي

رؤيا. 😭😭😭

حمزة. شنو يوجعج باعيلي ليش تبجين احجي شي رؤيا

رؤيا. ل ليش ا اخذت ت ترف من عندي عبالي صارلهه شي 😭😭

حمزة. اششش اشش خلص بعد مااعيدهه بس معبالي راح تكعدين وردت احضنهه وانام مشتاقلهه حيل

رؤيا. ليش هيج سويت بيه😭😭

حمزة. والله مو عن قصد والله مدري حيصير هيج

رؤيا. 😭😭

حمزة. خلص كافي تبجين الخاطر الله والله اسف

رؤيا. 😭😭

حمزة. تعالي

حمزة. مجانت تجاوبني بس تبجي شلتهه وخليتهه ع السرير وخليت ترف يمهه ورحت ع الجهه الثانيه وحضنتهه

حمزة. اسف ما اعيدهه

رؤيا. والله حسيت اكو قطعه من كلبي ضاعت شالني حمزة وخلاني ع السرير وخله يمي ترف وحضني اووووف شكد مشتاقه الحضنه مبعدته خليت مخاديد يم ترف من الجهه الثانيه خفت لا توكع او شي وانداريت عليه وحضنته وخليت راسي برقبته ونمت

حمزة. حسيت بيهه حضنتني وخلت راسه ع رقبتي ابتسمت مستحيل تتغير تبقه طفله حضنتهه اكثر ونمت

بقينه ع هلحاله تلاث اشهر متقبل لا اتقرب عليهه ولا اشيل ترف موتتني اله هيه متدري اروح اشيله والعبهه
وفدوة حبيبه بابا كبرت وكامت تفرق بيني وبين امهه وكل متشوفني تكوم تحرك بيدهه واروح عليهه واشيلهه وتجنن صارت سمنت شويه وصار حيل تشبهني
ادري رؤيا بدت تنسه شويه شويه بس دا تكابر واني عايفهه براحتهه

سمر جابت ولد سمو عمر وكل خميس وجمعه ننجمع يم اهلي
اليوم يوم جمعه وكلعاده رؤيا كعدت مخبوصه متعرف شسوي لان تكعد متأخره من وره ترف
رؤيا. كعدت الصبح واني حيل مخبوصه ومتأخره معرف شسوي هاي حالتي كل جمعه كعدت ترف غيرتلهه ملابسهه وشربتهه حليب والفطيره بس تضحك واني مخبوصه عفتهه ع السرير وغيرت ملابسي وهيه كامت تبجي اله اشيلهه ياله تسكت شلون بله
بلكوه خلصت لبس واجه حمزة
حمزة. انطيني ياها بين متكملين لبس

رؤيا. خلصت مبقالي بس الشال وهسه تسكت

حمزة. مراح تسكت انطيني ياها مراح اكلهه

رؤيا. ماكو خلص بس لفت الشال بقت

حمزة. متبطل عنادهه عفتهه ورحت ع ترف اول مشافتني سكتت وكامت تضحك شالتلي ايدهه بمعنه شيلني شلتهه قبلتهه وهيه بس تضحك خرب شكد فطيره اكيد ع امهه طالعه

بقيت اباوع ع رؤيا وهيه تلف الشال شكد حلوة يعني اكو واحد يصدك هاي متزوجه وعدهه طفل

خلصت لف الشال واجتي اخذت ترف من ايدي بعصبيه

رؤيا. يله خلصت

حمزة. اوك بس اهدي

رؤيا. هاديه

حمزة. ماشي بس اغير ملابسي بسرعه وجاي

رؤيا. اوك

حمزة. رحت غيرت ملابسي بسرعه وطلعنه وصلنه للبيت وسلمنه ودخلنه طبعا عمي وعمتي ليهسه ميحجون وياي مثل قبل بس شي ع شي زين

رؤيا. وصلنه ع بيت اهلي سلمنه ع الكل وجانت سمر موجوده كعدنه وكلعاده كل ما نتكابل نكضيهه سوالف +

سمر. شلونج ويه حمزة

رؤيا. عاديه

سمر. يعني شلون

رؤيا. يعني كلمن بغرفه مااخلي لا يتقرب عليه ولا يوصل يم ترف بس ادري بي من يشوفني مشغوله شويه يروح ويشيلهه ويلعبهه وهيه لوكيه ولا عبالك اني الي ظا اعتني بيهه راسن تذب نفسهه ع ابوهه

سمر. هههه فدوة حبيبتي اكلج شنو مشاعرج تجاها

رؤيا. نفس ماهيه

سمر. المعنه

رؤيا. بعدني احبه واعشقه واريد كلشي يرجع مثل قبل بس منتضرته هوه يبادر

سمر. يعني شيسوي مثلا يبادر شو انتي مدا تنطي مجال علمود يسوي شي

رؤيا. مادري بس شنو يعني اروح اكله تعال ننسه كلشي واني ليهسه احبك مراح اسويهه

سمر. مدري شكلج بعد جوز منتضر اشاره منج

رؤيا. يعني مثلا عيوني تطلع ضوه اخضر ياله يتحرك 😒

سمر. عههههه وج لا بس بعد ماعرف شنو تفكيره

رؤيا. ولا اني ادري

سمر. 😑😑

رؤيا. جانت ترف بحضن بابا وعمر ابن سمر بحضن عمي لمحت حمزة اخذ ترف من ايد بابا ابتسمت ع تصرفه يبقه طفل

حمزة. شفت رؤيا ملتهيه تسولف ويه سمر رحت ع عمي واخذت ترف من ايده بقثت العبهه وهيه بس تضحك وبعدين تعبت ونامت

اخذتهه خليتهه ع السرير مال غرفه اهلي وخليت مخاديد ع الجهتين للاحتياط
طلعت من الغرفه وصارت بوجهي رؤيا
رؤيا. وين ترف

حمزة. نامت

رؤيا. ومنو سمحلك تشيلهه

حمزة. اني السمحت الروحي

رؤيا. وبصفتك شنو

حمزة. بصفتي ابوهه

رؤيا. مو ابوهه

حمزة. رؤيا كافي مليت تره وصلت حدهه صلي تلاث اشهر كلشي مشايف ماعرف شسوي قبلتي لو لا هاي بنتي وبكيفي اشيله العبهه اطلعهه عجبج عجبج معجبج بعد بكيفج
كافي اشيلهه بالختله شنو بايكلس بوكه
رؤيا. لا والله تره والله اخذهه واطلك

حمزة. كافي تهديدات اوراق الطلاق ما اوقعهم وهسه بكل بساطه تكدر اروح ارفع دعوة واطلبج بيت الطاعه

رؤيا. مستحيل اصلا اني يمك شلون راح ترفع هيج دعوه

حمزة. وربي اسويهه كافي تهديدات وحته لو اخليج ترجعيلي مثل قبل

رؤيا. متكدر تسويهه

حمزة. تجربين

رؤيا. لا

حمزة. 😏😏

رؤيا. هذا صدوك يحجي خررب 😠😠😠
رجعنه كعدنه يم الكل وهوه كل شويه يباوع عليه ويبتسم لو يغمزلي خررب ماريده ينتصر مره ثانيه 😣😣
صار الغدة وتعدينه وضلينه نحجي وصار العصر ورجعنه للبيت

حمزة. يله ياحلوة نقلي غراضج الغرفتي

رؤيا. لو تموت

حمزة. شكلتي عيدي مسمعت

رؤيا. الي سمعته هوة نفسه متخوفني بتهديدك

حمزة. يله يله اختصري وروحي جيبي غراضج

رؤيا. مستحيل