تحميل رواية «احببتها رغم انتقامي لها» PDF

روايه احببتها رغم انتقامي لها ♥️

الجزء الرابع عشر

حكت نور كل حاجه كل حاجه حرفيا كانت عايزه تطلع اللي جواها ممكن ترتاح مكنتش خايفه من سيف وقتها كان كل اللي هاممها انها تطلع اللي جواها وبس كانت نور وهي بتحكي كانت منها*ره وهي صعبت جدا على أحمد

تفاجئ جدا أحمد أن سيف اغت*صب نور اللي يشوفه وهو خايف عليها ميصدقش انه عمل فيها كده

نور بوجع / وبعد كل اللي حصلي ده وعايزني اعمل اي

أحمد / الصراحه يا نور انا متفاجئ جدا من اللي بتحكيه ده

نور / تعبت تعبت مبقتش عارفه اعيش حياتي زي اي بنت تانيه

أحمد / انا حاسس بيكي بس لازم تعدي الفتره دي عشان امك وصحبتك اللي كلهم قاقانين عليكي بره دول

نور بوجع / انا اللي مصبرني كل ده عشان امي بس

أحمد / طيب بصي يا نور كل ما يصيبنا إلا ما كتبا الله لنا خليكي مامنه بربنا انو اكيد شايلك الأحسن لو عايزه تدي سيف فرصه تانيه يصلح اللي عمله كويس لكن لو عايزه تطلقي منه انا معاكي وهسعدك تتطلقي منه فكري كويس يا نور

نور بابتسامه / شكرا جدا يا دكتور

أحمد / لاء دكتور اي انا احمد وبس وانا معاكي في اي حاجه هتاخديها

نور / متشكره جدا لحضرتك

خرج أحمد وكان الكل في انتظاره

سيف / خير يا احمد حصل اي

أحمد / اللي نور عدت بيه مش سهل يا جماعه وحالتها النفسيه وحشه لازم تفرحوها وتبعدوها شويه عن الزعل أظن انتو فاهمين كويس

الكل / حاضر يا دكتور

مشي الدكتور ودخل سيف لنور

سيف / ممكن اقعد معاكي شويه

نور بصدمه / ا. اتفضل

جاب سيف كرسي وقعد جنب سرير نور

سيف بندم /انا اسف

نور بسخريه / بتخطت لانتقا*م جديد ولا اي

سيف بندم / نور بجد والله انا اسف الانتقا*م عماني مكنتش بنام الليل يا نور اهلي كلهم سابوني وانا صغير في يوم وليله بقيت لوحدي وابوكي كان السبب في إني ابقا وحيد كنت كل يوم احلم بيهم وهما بيقلولي هات حقنا اوعي تسيب حقنا

بدأ سيف يعيط ونور اتفجئت جدا من دموعه هو عمرو ما ضعف كده قدامها

سيف بوجع ودموع / اهلي وحشوني اوي مش قادر انسى شكلهم وهما غر*قانين في د*مهم مش قادر والله عشان كده عملت فيكي كل ده حقك عليا انا اسفه والله

نور حضنت سيف جامد يعتبر أول مره نور تحضن فيه سيف بس هو صعب عليها فعلا فراق الاهل صعب اوي وكمان هو كل أهله راحو مره واحده

نور / خلاص يا سيف اهدي ربنا يرحمهم

سيف / هتسمحيني يا نور

نور / مش هقدر الوقتي يا سيف اديني وقتي

سيف / براحتك خالص بس جهزي شنطتك

نور /لي

سيف / عشان هنسافر باريس بكره

نور بسرعه / قول والنبي هتوديني باريس

سيف بضحك / ايوه يا ستي جهزي شنطتك قبل ما اغير رائي

جربت نور لكي تجهز شنتطها

ونزل سيف تحت عشان يطمنهم

مديحه / طمني يابني نور كويسه

سيف / ايوه كويسه يا ماما انا هاخدها ونسافر بكره نغير جو

مديحه / ماشي يابني ربنا يصلح حالكو

سيف / متقلقيش من عاصم يا ماما هو تحت ايدي انت هتفضلي عايشه معانا هنا

مديحه / كتر خيرك يابني

سيف / تعالى معايا المكتب يا ساره

دخلو الاتنين مكتب سيف

سيف / انا اسف على كلامي معاكي يا ساره اعزريني

ساره / لاء عادي مفيش حاجه بس توعدني انت متزعلش نور تاني كفايه اللي هي فيه

سيف / اوعدك أني مش هزعل نور تاني

ساره / إذا كان كده ماشي همشي انا بقا عشان اتاخرت على المحل اه صح ابقا عرف نور أن السنه راحت عليها

سيف بعدم فهم / سنه اي

ساره / ماهي كانت في تالته ثانوي وخلاص هما امتحنو

تذكر سيف موضوع الدراسه

سيف / ازاي نسيت حاجه زي دي يعني كده هي هتعمل اي

ساره / تستنى السنه الجايه بقا وهتعيد السنه

سيف / خلاص هبقا اقول لها شكرا يا ساره

ساره / لا شكر على واجب

ومشت ساره على المحل وظلت مديحه وسعاد يتكلمو مع بعض وطلع سيف يجهز شنطته

(طبعا يا جماعه عايزه اقول لكم حاجه مفيش حد يعرف ان سيف اعتدى على نور غير سعاد وأحمد وساره بس لكن ومديحه متعرفش حاجه)

احببتها رغم انتقامي لها ♥️

بقلمي الاء عوض

روايه احببتها رغم انتقامي لها ♥️

الجزء الخامس عشر

تاني يوم

كان سيف في مكتبه بيخلص شغله قبل ما يسافر لكن قاطعه اتصال من صديقه مراد اللي كان في باريس فرح جدا لأنه مكلمهوش من زمان

سيف بمرح / اذيك يا ابو الصحاااب وحشتني اووي والله

مراد بمرح / لو كنت وحشتك بصحيح كنت كلمتني يا واطيي

سيف / معلش والله كنت مشغول مع مراتي

مراد / اي اي مراتك انت اتجوزت من ورانا يا خلبوص

سيف بمرح / معلش بقا يا صاحبي كل حاجه جت بسرعه اي مش ناوي تيجي انت هتخلل في باريس ولا اي

مراد / لاء خلاص كلها اسبوعين وهاجي

سيف / بجد تنور مصر يا حبيبي بقولك انا هاجي بكره باريس اغير جو مع مراتي جهزلي انت كل حاجه

مراد / تنور يا حبيبي

مراد / يلا بقا هسيبك تقعد مع مراتك شويه سلام

سيف / سلام

جهز سيف شنطته ونده على نور مرضتش خبط على الباب ودخل لها ملقهاش بردو بس سمع صوت مايه في الحمام استناها لما تطلع طلعت نور وهي بتغني وكانت حاطه فوطه حوالين جسمها شهقت نور بصدمه عندما رأت سيف واتفاجئ سيف من نور

سيف / احمم انا اسف

وطلع سيف بحرج ولبست نور هدومها وطلعت ليه

نور / انا جاهزه

سيف / يلا بينا

نزل سيف ونور واخدو شنطهم

سعاد بابتسامه / توصلو بالسلامه يا حبايبي

مديحه بفرحه / مع السلامه يا حبيبتي

نور وسيف / الله يسلمكو

ركبت نور جنب سيف وكان سيف هو الي بيسوق في طريقه للمطار

فضلو جوالي نص ساعه ساكتين

نور بمرح / اكيد يعني مش هنضل طول الطريق ساكتين

سيف / صح هنعمل اي

نور / تيجي نشغل اغاني

سيف / ماشي هشغل الاغنيه اللي انا بحبها اشطا

نور بمرح / اشطا

شغل سيف اغنيه( كده وانت معايا)

نور بصدمه / هو انت بتحب الاغنيه دي

سيف/ ايوه بحبها اوي

نور / وانا كمان بحبها اوي

وفضلو الاتنين يغنو مع بعض

كده وانت معايا بتوحش قلبي وعيني💖✨

طب وانت بعيد عن عيني💖✨

انا ممكن اي يجرالي💖✨

ارجوك متغبش ثواني💖✨

دنا وانت معايا بقيت مبخفش عليا💖✨

حبيت طعم الحنيه💖✨

وعشقت حياتي الجايه💖✨

ومكانك هو مكاني💖✨

انا عشت حياتي ومتاثرتش بيها💖✨

غير لما لقيتك فيها💖✨

وعرفت أن الأيام كده احلى معاااك 💖✨

انا عشت حياتي ومتاثرتش بيها💖✨

غير لما لقيتك فيها💖✨

وعرفت أن الأيام كده احلى معااااك 💖✨

نور بانبهار / اول مره اعرف ان صوتك حلو اوي كده

سيف / شكرا

✨✨✨✨✨✨✨✨✨✨

وصلو المطار

نور برعب / انا خايفه اوي

سيف /متخفيش طول ما انا معاكي هاتي ايدك

مسك سيف نور من ايدها وطلعو الطياره

كانت نور خايفه جدا بس سيف كان بيطمنها وبعدين نور نامت على كتف سيف

✨✨✨✨✨✨✨✨✨✨

بعد تعب يوم طويييل وصلو باريس

وصلو الفندق

نور / وااااااو ده جميل اوي

سيف / هو انتي اول مره تيجي باريس

نور / ايوه اول مره

مراد / حمدالله على السلامه

سيف / مراد وحشتني أوي

وحضنو بعض

مراد / وحشتني أوي يا صحبي

سيف / وانا كمان وحشتني

مراد / اذيك يا مدام نور

نور / اهلا اتشرفت بحضرتك

مراد / الشرف ليا يلا اطلعو استريحو

طلعو الاتنين الاوضه

نور بصدمه / اي ده هو احنا هتكون في اوضه واحده

سيف / ايوه انا مش هسيبك لوحدك يا نور

نور / ماشي

سيف كان رايح ينام شويه

نور / اي هو احنا مش هنزل

سيف / تعالى ننام شويه يا نور انا تعبت

نور / ماشي

نامو الاتنين وكانت نور مجرحه جدا بس كان في مسافه بينهم كبيره بس كان سيف بيتقلب كتير مكنش عارف ينام قام سيف وقلع التيشيرت بتاعه ونام تاني ونامو

✨✨✨✨✨✨✨✨✨

بعد ساعه

صحيت نور لقت نفسها نايمه في حضن سيف شهقت نور بصدمه وقامت بسرعه

سيف بنعاس / اي في أي

نور / هو انا اي إللي نايمني كده

سيف بمرح / دا انت طلعتي عنيفه في النوم اوي

نور بحرج / لي عملت اي

سيف / دا انتي وقعتيني من السرير كتير

نور بحرج / انا اسفه

سيف/ عادي ولا يهمك يلا قومي البسي حاجه عشان ننزل

نور / ثواني واكون جاهزه

نزلو الاتنين وفضلو يتمشو كتير في شوارع باريس كان سيف عارف الأماكن

لما كانت نور تعجبها حاجه كان سيف بيجبها ليها

فضلو اليوم كله برا كانو مبسوطين اوي نور عمرها ما اتبسطت كده

نور / المكان هنا تحفه اوي

سيف / عجبك

نور / جدا جدا

روحو الفندق حوالي الساعه ٤

احببتها رغم انتقامي لها ♥️

بقلمي الاء عوض

روايه احببتها رغم انتقامي لها ♥️

الجزء السادس عشر

وهما بيتمشو في شوارع باريس

نور / سيف غنيلي

سيف/ واي المقابل

نور بمرح / واطي يا مان

سيف / خلاص هغني اهو 😂😂

غني سيف اغنيه (حياتي ودنيتي جنبك)

حياتي ودنيتي جنبك 💖✨

متبعدنيش بعيد عنك 💖✨

مليش في الدنيا دي غيرك 💖✨

هعيش واموت وانا في حضنك 💖✨

حبيبي احضني طمني 💖✨

وخذني أكتر كمان مني 💖✨

لآخر ثانيه من عمري 💖✨

واخر ثانيه من عمرررك 💖✨

نور بإعجاب / صوتك جميل يا سيف

سيف بغرور / كلهم بيقلولي كده

نور بمرح / يلهوي على التواضع

قضو مع بعض احلى اسبوع في باريس قربو من بعض شويه وبعدين رجعو مصر

✨✨✨✨✨✨✨✨✨

الاتنين بقو ينامو في اوضه واحده عشان محدش يلاحظ حاجه

نور/ اي رايك نغير في ديكور الفيلا لأن انا حساها كده كائيبه

سيف / ماشي يلا

نور / نبدأ بالجنينه هي كبيره ماشاء الله بس مفيهاش حاجه ولا فيها زرع ولا ورد ولا اي حاجه حتى البيسين مش موجود

سيف / تصدقي عمري ما اهتميت بالجنينه خالص

نور مسكت ايد سيف

نور/ تعالى معايا نفكر نحط فيها أي

نزلو الاتنين اي رايك نعمل بيسين هنا يكون صغير كده

سيف / فكره حلوه

نور / وهنا نحط مرجيحه وهنا كراسي وطربيزه وهنا انا هزرع ورد كتييير اوي

كانت نور بتتكلم وهي مبسوطه خالص وكان سيف بيبص عليها بإعجاب

نور / اي يا عم بتبص عليا كده لي

سيف /لا ولا حاجه من بكره هجيب حد يصمم البيسين واحنا نعمل الحاجات التانيه اشطا

نور / اشطا

خرج سيف علي شغله وفضلت نور لوحدها

انا لازم انسى اللي فات وابدء حياتي من جديد اللي سيف عمله فيا عمري ما هنساه ابدا بس انا تعبت من الزعل والوجع وعايزه اعيش حياتي بقا انا هحاول ابدء مع سيف من جديد لأن هو معزور بعده عن أهله خلاه عايز ينتقم بأي طريقه وعشان انا كنت بحب سيف ايوه انا كنت بحب سيف اكيد حبي ليه مش هيروح في يوم وليله كده يارب ساعدني أنسي إللي حصلي يارب

✨✨✨✨✨✨✨✨✨

بعدها بأسبوع

سيف جاب مصممين عشان يصممو بيسين ونور جابت ورد وزرع كتير وزرعتو في أماكن مختلفه خلت شكل الجنينه جميل وسيف جاب طربيزه صغيره وجنبها ٣ كراسي شكلهم جميل وفي مكان تاني جابو مرجيحه حلوه بقا شكل الجنينه يهبل وغيرو ديكور اوضه النوم بتاعتهم وغيرو حاجات كتير في الفيلا شكلها بقا احلي من الاول بكتير خالص

نور / اي رايك كده

سيف / الصراحه الفيلا اتغيرت وبقت احسن من الاول بكتير

نور / كده الألوان احسن من الاول والديكور اخلي بكتير اوي

سيف / ماشي يلا نجرب البيسين

نور / اشطاا

لبست نور مايو شرعي عشان الحجاب

ونزلت البيسين مع سيف فضلو يهزرو شويه كتار ويلعبو وكانت سعاد ومديحه بيتفرجو عليهم من فوق ومبسوطين اوي

بعدين طلعو واتعشو كلهم مع بعض في جو عائلي جميل

سيف / نور اعملي حسابك مراد صاحبي جيه مصر امبارح وانا عزمتو بكره

نور / ماشي بس ممكن يعني..

سيف / قولي يا نور

نور / ممكن اجيب ساره

سيف/ ماشي عادي مفيش مشكله

نور / اشطاااا اي رايك نجبهم من اول اليوم ونقضي اليوم مع بعض من أوله

سيف / فكره حلوه يلا انا هروح اخلص شغل عندي في المكتب

نور / ماشي

طلعت نور وقالت لساره تيجي بكره وساره وافقت

✨✨✨✨✨✨✨✨✨

تاني يوم

سيف / يا نووووووور اصحى

نور بنعاس / اي في أي

سيف / في أي كل البيت صحي على صوتي وانت لسه نايمه

نور / الساعه كام

سيف/ الساعه ٧

نور بصدمه / ٧ يا مفتري منك لله اطلع يلا وانا هقوم اهو

سيف / ماشي

طلع سيف وكملت نور نوم

طلع ليها سيف تاني ولقاها نايمه

سيف بمرح/ غفلتيني ونمتي يا نور الكلب

سيف شال نور ونزل بيها على تحت وصحيت نور بفزع

نور بخضه / اي في أي نزلي يا جدع انت

سيف رمي نور في البيسين وفضل يضحك عليها

نور / يخربيت هزارك يا أخي قومتني من احلاها نومه

سيف / يلا قومي عايزك تكوني نشيطه يلا يلا

طلعت نور من البيسين وطلعت غيرت هدومها ونزلت ليهم وفطرو كلهم مع بعض

احببتها رغم انتقامي لها ♥️

بقلمي الاء عوض

روايه احببتها رغم انتقامي لها ♥️

الجزء السابع عشر

سيف / هتطبخي النهارده يا ماما

سعاد / ايوه يا حبيبي شوفو انتو هتاكلو اي وانا هعملكو

نور / طب ينفع انا اطبخ النهارده

سيف / اي ده انت بتعرفي تطبخي

مديحه / نور نفسها في الاكل حلو

سيف / إذا كان كده ماشي هتطبخي انت النهارده

نور بمرح / اشطا

✨✨✨✨✨✨✨✨✨✨

عند ساره

كانت ساره ماشيه في طريقها لبيت نور بس ملقتش مواصلات اضطرت انها تمشي المشوار كله كانت ماشيه وفي ايدها فاظه جميله ملفوفه بزينه كانت جايباها لنور

وهي ماشيه كانت بتعدي الطريق بس سمعت تلفونها بيرن فضلت واقفه في نص الطريق عشان تطلع الفون من الشنطه بس مكنتش عارفه عشان الفاظه في ايدها وكان مراد ماشي ومستعجل فضل يعمل ليها الكالكسات بس هي مشغوله بالفون كان خلاص هيخبطها بس وقف العربيه في آخر لحظه بس ساره من الخضه وقع منها الفاظه واتكسرت

ساره بغضب / منك لله يعني عشان معاكو عربيات تمشو تخبطو في خلق الله كده

مراد نزلها من العربيه بعصبيه / انت بتكلميني انا يا بتاعه انتي

ساره بغضب / بتاعه اي ليا اسم يا استاذ انت

مراد بقرف / سوفاج انت ازاي كده

ساره بسخريه / سوفاج يا ننوس عين ماما وبابا

مراد بصدمه / ننوس

مراد / انا مش عايز اغلط فيكي عشان انت بنت

ساره / لا ياشيخ دا انت كنت هتموتيني وجاي تقولي مش عايز اغلط فيكي

مراد / ما انت اللي واقفه في نص الطريق

ساره بشرشحه / ما الطريق كبير قدامك حبكت يعني تمشي من هنا

مراد بنرفزه / بت اسكتي بقا

ساره/ بت اما تبتك يا عد*يم الانسا*نيه

مراد / عد*يم الانسا*نيه لي بقا خدي يا ستي فلوس الفاظه إلى اتكسرت اهي وسلام عليكو مش ناقص قرف ركب مراد عربيه

راحت ساره رمت الفلوس في وشه

ساره بقرف / الفلوس مش كل حاجه يا عد*يم الانسا*نيه انسان معندوش قلب ولا مشاعر عشان غني شويتين ماشي يخبط في خلق الله اسفوخس عليك راجل واطي

قالت ساره كلامها ومشت وكان مراد مصدوم من كلامها

مراد بصدمه / هو في اي البت دي مالها

مشي مراد في اتجاهه لسيف

ومشيت ساره بنرفزه عشان الفاظه انكسرت ومش معاها فلوس تانيه تجيب واحده تانيه قررت انها تروح من غير حاجه

وصلت ساره الأول

ساره/ يا أهل الداااار

سيف / ساره نورتي البيت

ساره / منور بوجودك امال في ساره

سيف / في المطبخ روحي لها

دخلت ساره المطبخ

ساره / وحشتيني

نور / ساره حبيبتي وحشتيني خالص

ساره / بس اي التغيرات دي كلهاسيف ماله

نور / الظاهر انو بيحاول يصلح غلطته يلا تعالي افرجك على الجنينه

ساره بفرحه / يلا

طلعت ساره ونور فضلو يتفرجو على الجنينه شويه

وبعدين قعدو على المرجيخه فضلو يحكو مع بعض شويه

مراد / السلام عليكم

سيف بمرح / عليكم السلام نورت مصر يا جدع

مراد / منوره بوجودك يا صاحبي

اخد سيف مراد ودخلو الجنينه

سيف/ أقدم ليكو مراد صحبي وعشره عمري

ساره بصدمه / انت

مراد بصدمه / انتي

نور/ انتو تعرفو بعض

مراد / أنت اي إللي جابك هنا يا بت انتي

ساره بنرفزه / لااا بقولك اي لسانك جو بوقك متقليش يا بت دي تاني فاهم

مراد / انتي اي إللي دخلك هنا يا بتاعه انتي

ساره بشرشحه/ سيبوني عليه والله ما هسيبه

ساره مسكت مراد من تيشرته وكانت هتضر*به بس نور مسكتها

نور / اهدو يا جماعه اهدو واحكولنا حصل اي

ساره / سيبيني عليه يا نور دنا سكتاله من الصبح

مراد بزعيق / انا اللي سكتلك من الصبح واقفه غلط في الطريق وجايه تز*عقي وقولت ماشي إنما تغ*لطي فيا لاء لحد هنا واستوب

ساره / يامي خوفت ولا اقولك اتر*عبت

مراد / والله لولا انك بنت لكنت ضر*بتك

ساره بشرشحه / لااا والنبي تعالى اضر*بني وانا اقطع*لك ايد*ك يا عد*يم الإنسا*نيه

مراد / اسكتي بقا اي بكابورت واتفتح علينا

سيف/بسسسسس

الكل سكت

(لاء مسيطر يا سيف 😂😂)

سيف / احكو حصل اي وبعدين يا ساره انت كنتي كيوت اي إللي جرالك بس

مراد بطريقه / دي كيوت دي

ساره / ايوه دي كيوت مش عاجبك ولا اي

نور / خلاااص يا جماعه اهدو اي اللي حصل لكل ده

مراد حكي كل حاجه ليهم

سيف ونور انفجر*و من الضحك عليهم

نور / انا حاسه ان انا قاعده مع توم وجيري

سيف / انا فكرت ان حصل كا*رثه معاكو لكن مكنتش اتوقع ان ده اللي حصل 😂😂

مراد / خلصتو فكره الضحك انت ومراتك يا سيف

سيف وهو يحاول كتم ضحكته / خلاص يا مراد سكت اهو

مراد / معنى مش غلطان بس انا اسف يا ست ساره

ساره / وانا كمان مش غلطانه بس اسفه

مراد / كل ده ومش غلطانه

ساره بنفاذ صبر / استغفر الله العظيم شوفت يا سيف هو اللي بيجر شكلي ازاي

مراد بصوت واطي / خلاص سكت اهو أعوذ بالله عليكي انتو مستحملينها ازاي

ساره / بتقول حاجه يا اخ

مراد / بقول عليكي كيوت خاااالص

ساره / إذا كان كده ماشي

نور / الحمد لله يلا نبدأ يومنا

الكل / يلا

سيف / الأول يلا ننزل البيسين

ساره / بس انا مش معايا هدوم تانيه

نور / ودي حاجه تفوتني تعالى معايا

طلعت نور وساره الاوضه عشان يغيرو هدومهم

وسيف ومراد غيرو هدومهم تحت كانو لابسين شورت فقد ونور وساره لبسو هدوم

روايه احببتها رغم انتقامي لها ♥️

الجزء التامن عشر

طلعو نور وساره الاوضه عشان يغيرو هدومهم

وسيف ومراد غيرو هدومهم تحت كانو لابسين شورت فقد ونور وساره لبسو هدوم واسعه ينفع ينزلو بيهم البيسين

ساره / مش ضيق ده يا نور

نور / لاء مش ضيق يا حبيبتي ده واسع اهو

كان كل واحده فيهم لابسه شميز واسع وعليه بنطلون ليجن ضيق وعليهم الحجاب ونزلو تحت

نزلو البنات ليهم

مراد في سره / ما انتي طلعتي قمر اهو

سيف / جاهزين

الكل / جاهزين

نزلو الاربعه البيسين وكانو مبسوطين خالص كانت نور بتلعب بالمياه مع ساره كانت بتحاول تغرقها وتطلعها تاني كلهم قضو وقت جميل ولطيف مع بعض

كانت سعاد ومديحت بيتفرجو عليهم ومبسوطين اوي

وهما طالعين من البيسين ساره كانت هتتزحلق بس مراد لحقها

مراد / حاسبي كنتي هتقعي

ساره بحرج / شكرا

ودخلو الاربعه عشان يغيرو هدومهم

وبعدين نزلو يقعدو في الجنينه

نور / اي رايكو نلعب

مراد / انا موافق بس نلعب اي

نور وهي بتفكر

نور / لقتها احنا نلعب الكوره الطايره

سيف بمرح / بس هنعمل الشبكه ازاي يا ناصحه

نور / هنعمل اي حاجه المهم نلعب

راحت نور جابت حبل كبير

سيف / يا ناصحه هاتي نربتهم

ربتو الحبل بين العمودين كان في بينهم مسافه حلوه

نور / اي رايكو ينفع نلعب بيها وهي كده

سيف / ايوه طبعا ينفع انا هلعب معاكي

مراد / ماشي يلا يا ساره

ساره / اشطا

وقفو كل واحد في مكانه

كان سيف مع نور ومراد مع ساره وكان معاهم كوره الطايره

سيف / جاهزييين

الكل / جاهزييين

بدأو اللعب كانو بيلعبو مع بعض وهما مبسوطين وكان فريق مراد وساره بيخسرو ديمان لأن ساره قصيره

سيف بمرح / الله علينا فريق جامد

مراد بهزار / يخربيت قصرك يا شيخه اطولي شويه

ساره بمرح / انت اللي طويل اوي الصراحه

انتهت اللعبه بفوز فريق سيف ونور

بعدين لعبو كوتشينه لعبو لعبه الشايب والعاب كتيره وفضلو وقت كتير يلعبو

مراد / اااه انا مضحكتش من قلبي كده من زمان

ساره / والله ولا انا فرحت كده من زمان بقالي كتير اوي ملعبتش كده انا مبسوطه جدا معاكو

سيف / خلينا نعمل الزياره دي تاني

الكل / اكيد

نور / يلا الغدا جاهز النهارده هتاكلو من أيدي يارب يعجبهم

الكل اتجهه للسفره كان سيف جنب نور ومراد جنب ساره ومديحه جنب سعاد فضلو يهزرو كلهم مع بعض

سيف/ مكنتش اعرف ان مراتي شيف قد الدنيا

نور / اي رايك

سيف بإعجاب / قممر

مراد / ماشاء الله تسلم أيدك يا نور

نور / بالهنا والشفا

بعد الأكل كانت الساعه حوالي ٤

جابو فيلم حلو وعملو فشار وجابو لب وسوداني وفضلو يتفرجو على الفيلم مع بعض

كان يوم جميل ولطيف جدا كانو كلهم محتاجين ليوم زي ده خلصت السهره وخلص اليوم ومراد وصل ساره في طريقه وكله دخل للنوم

كانت نور مبسوطه جدا حست أن في امل تعيش زي باقي البنات كانت مبسوطه النهارده اوي عمرها ما هزرت ولا ضحكت ولا لعبت من زمان كده وسيف فعلا بدأ يتغير معاها يارب يفضل كده علطول

احببتها رغم انتقامي لها ♥️

بقلمي الاء عوض

روايه احببتها رغم انتقامي لها ♥️

الجزء التاسع عشر

سيف اتغير معايا جدا بقا انسان تاني اتمنيت لو كان جوازنا عن حب خايفه اكمل معاه الاقيه لسه عايز ينتق*م مني وخايفه اسيبه عشان عشان انا بحبه ايوه انا بحبه بس كل ما يكون معايا غصب عني يفتكر اللي هو عمله فيا بحاول انسى والله عشان اعيش حياتي زي اي بنت قطع تفكيري رنه الفون بصيت لقيته الدكتور احمد فرحت جدا ورديت عليه

نور / الو

أحمد / الو اذيك يا مدام نور أخبارك

نور / انا بخير الحمد لله

أحمد / فكرتي كويس يا نور

نور / فكرت كويس بس انا الخوف ديمان بيسيطر عليا

أحمد / ده شيئ طبيعي لأن بعد اللي انتي مريتي بيه مش هتثقي في حد بسهوله وديمان هتكوني خايفه

نور / بس انا خايفه اخد قراري واند*م بعدها

أحمد / توكلي على الله وانا هكون معاكي في كل حاجه

نور / شكرا جدا ليك يا احمد

✨✨✨✨✨✨✨✨✨✨

عند نور

سيف / اي يا نور قاعده لوحدك ليه

نور / نازله اهو

سيف / ايوه صح مفكرتنيش ليه يا نور علي الامتحانات بتاعتك

نور بحزن / حته لو كنت فكرتك كنت هتعمل اي يعني

سيف / كنت هجبلك احسن مدرسين هنا عشان تجيبي مجموع كبير وتنفعي تخشى كليه حلوه

نور بفرحه / بجد كنت هتخليني اكمل تعليم

سيف/ ايوه طبعا بس يلا قدر الله وماشاء فعل السنه الجايه نروح نقدم علطول

نور / هييييي شكرا شكرا

حضنت نور سيف من فرحتها واتفاجئ سيف لأنها اول مره تحتضنه بس فرح جدا وبادلها الحضن

نور بحرج / انا اسفه بس لما بكون فرحانه بعمل كده

سيف بابتسامه / على كده بقا هخليكي فرحانه علطول

يلا ننزل عشان نفطر

نور بابتسامه / يلاا

نزلو الاتنين عشان يفطرو كلهم مع بعض

✨✨✨✨✨✨✨✨✨

عند ساره

كانت ساره مشغوله في المحل وفي نفس الوقت عايزه ترجع لأمها عشان تعبانه قاطع تفكيرها رنه الفون بتاعها لقت مراد هو اللي بيتصل فرحت جدا

مراد / صباح الخير

ساره بابتسامه / صباح النور

مراد / فاضيه النهارده نروح نتغدي سوا

ساره بشرشحه / لااااا مش عشان قعدت معاك امبارح يبقا هنقضيها كل يوم خروج لا يا بابااا فوووق انا مش بتاعت الكلام ده

مراد بنرفزه مصطنعه / اييي في أي هو انا بقولك تعالى معايا شقه مفروشه

ساره / جرب كده بس وانا اموتك مكانك

مراد / تعرفي يا ساره انت جواكي البنت الكيوت وكده بس انت مش أخذه بالك

ساره / لاااا بقولك اي فوق كده على نفسك

مراد / انا غلطان اني كنت هعبرك اسفوخس عليكي بوظتيلي اليوم من أوله

قفل مراد في وشها

ساره / اي ده اي ده استنى يلااا انا كنت بهزر برستيجي وقع منك لله

دخلت ساره عشان تكمل الشغل وترجع لأمها بسرعه

✨✨✨✨✨✨✨✨✨

نفس اليوم بليل

رجعت ساره بسرعه على البيت بس لقت ناس كتير متجمعه عند بيتهم قلقت جدا

ساره بقلق / خير يا جماعه في أي ماما جرالها حاجه

احد الجيران / البقاء لله يا بنتي شدي حيلك

ساره بعدم تصديق / لاء لاء انتو اكيد بتهزرو

جريت ساره على اوضه امها لقت أخواتها الصغيرين بيعيطو وامها متغطيه

ساره رفعت الغطاء من عليها جامد

ساره بدموع / لااااااااااااااااا لا يا ماما عشان خاطري متسبنيش لوحدي قومي يا ماما انا جبتلك العلاج بتاعك اهو جبتو كلو والله قومي يا ماما عشان خاطري مااااامااااا قومي يا مااماا قومي

انهارت ساره في البكاء وأخواتها الصغار جيه وحضنوها

ملك بحزن / هي ماما مش بترد لي

ساره بدموع / ماما هتقوم الوقتي وهتخف متقلقوش ماما هتقوم قوووومي يا ماماااا قومي

قام أحد الجيران بتهدئتها

✨✨✨✨✨✨✨✨✨✨

بعدها بساعتين

كانت الجنازة كبيره جدا لأن ام ساره كانت ست طيبه جدا جدا كان سيف ومراد موجودين وسعاد ومديحه وكانت نور بتحاول تهدي ساره بس ساره كانت في عالم تاني

ساره بدموع / سابتني لوحدي يا نور هعيش لوحدي ازاي هربي اخواتي ازاي يا نور سابتي لوحديييي

مرور بحزن / ربنا يرحمها يا حبيبتي انا عنزي ما هسيبك ابدا

كان مراد شايفهم وحزن جدا على ساره

✨✨✨✨✨✨✨✨✨✨

خلص ايام العزاء كلهم وكل واحد روح على بيتهم

سيف / تعالى يا ساره معانا احنا مش هنسيبك لوحدك هنا

ساره بدموع / انا مش هسيب بيت امي ابدا

كانت ساره مصممه انها هتفضل في البيت وكله مشي بقله حيره بس اكيد محدش هيسبها في الظروف دي

روايه احببتها رغم انتقامي الفصل العشرون بقلم آلاء عوض

اللي مش هينفاعل هشرحه انا بقول اهو🗡️😂

روايه احببتها رغم انتقامي لها ♥️

الجزء العشرون

في فيلا الدمنهوري تحديدا في غرفه نور وسيف

سيف بشفقه / ساره صعبانه عليا اوي

نور بحزن / سيف ممكن تجيبها تعيش معانا هنا انت عارف ظروفها وان بيتهم ايجار ولما هي هتنزل الشغل هتسيب أخواتها الصغيرين فين احنا لازم تساعدها ونقف جنبها يا سيف

سيف / طبعا يا نور منغير ما تقولي انا بس سيبتها ترتاح شويه وبعدين هجبها هنا بالذات لأن انا عارف فقدان الاهل دي شعوره بيكون اي

حزنت نور علي سيف لأن كلامه صحيح هي ابوها توفي الدنيا استودت في وشها ما بالك هو أمه وابوه واخته كلهم ماتو في وقت واحد هيعمل اي

حضنت نور سيف بقوه كأنها بتطمنه

نور / انا اسفه يا سيف

سيف / اسفه على اي

نور بحزن /اسفه أن بابا هو السبب في انك تفقد اهلك

سيف بحنان / متتاسفيش يا نور مش احنا اتفقنا ننسى اللي فات ونعيش حياه جديده وبعدين انا اللي اسف لكل اللي حصلك بسببي

نور / متتاسفش انا مسمحاك يا سيف كل إنسان بيغلط وربنا غفور رحيم وواجب علينا اننا نسامح عشان لما احنا نغلط نلاقي اللي يسامحنا وكمان انا مسمحاك عشان بحبك

سيف بصدمه / قولتي اي

نور / قولت بحبك يا سيف

سيف / مكنتش متوقع اني اسمعها منك يا نور

نور / واديك سمعتها بقولك اي ما تغنيلي

سيف بمرح / قرفتني في عيشتي يا شيخه كل يوم غنيلي غنيلي

نور بمرح / إذا كان عجبك

سيف / عجبني طبعا 🤩

نور / طيب اساعدك ازاي اطبلك

سيف بصدمه / تطبليلي اي يا نور هو احنا في كباريه

نور / خلاص ارقصلك

سيف بغمزه / إذا كان كده ماشي

نور / لالا اشمعنا دي وافقت عليها بسرعه كده انا سحبت كلمتي خلاص

سيف بعند / وانا مش هغني غير لما ترقصي

نور بخبث / اوعدك أن انا ارقص بعد ما تغني

سيف / موافق

غني سيف اغنيه (جوا مني)

جوا مني تعالا قرب من سكات 💖🎶✨

هات ايديك نبعد بعيد سوا من هنا 💖🎶✨

يا طير بيسحرني يا كل المعجزاااات💖🎶✨

حضنك سما بسكنها واحنا لوحدناااا💖🎶✨

انت الكيان وحاجه أرق من الخيااال💖🎶✨

يا ساكن كل حته فيااا مصدقه 💖🎶✨

يا صوره نازله من السما كل الجمااال💖🎶✨

يا دنيا جوا دنيا تانيه انا بعشقككككك 💖🎶✨

بحبككككك💖🎶✨

نور / صوتك جميل اوي يا سيف انا كنت هيعيط

سيف / اي رايك بقا

نور بإعجاب / تحفه تحفه

سيف / طب يلا ارقصي

نور بمرح / هاااا اه اي انا كنت بضحك عليك عشان تغني وبس

سابته نور وجريت وهي بتضحك

سيف / يا بنت الحلوه خدي يا بتتت

فضل يجري وراها وهي تجري وتضحك

سيف بمرح / والله ما هسيبك

نور بهزار / سماح المرادي عشان خاطري يا كبير

سيف وهي بيجري وراها / ابداااا

جريت نور ونزلت على السلم بسرعه جيه يجري سيف على السلم وقع واخد السلم كله زوحليقه 😂😂

سيف / اه يا ضهري اااه

نور بضحك / اهو ده حال اللي بيجي على الغلابه اللي زيي

سيف بوعيد / غلابه وربنا يا هسيبك يا نور

جيه يقوم سيف بس ضهرو وجعو

سيف / منك لله يا نور

نور بضحك / تعيش وتاخد غيرها يا بوص

✨✨✨✨✨✨✨✨✨

تاني يوم

كانو الجميع بيتغدو مع بعض وقاطع صمتهم على صوت رنين فون نور

نور / الو

ساره بدموع / الحقيني يا نور صاحب البيت عايز يطردنا من البيت عشان الإيجار تعالى الحقيني انا مش عارفه اعمل اي

نور بخضه / خليكي يا حبيبتي عندك وانا وسيف جاينلك اهو

ساره بدموع / ماشي

قفلت نور مع ساره وقامت بسرعه

سيف / خير في أي ساره مالها

نور/ صاحب البيت عايز يطردهم عشان عليهم فلوس الإيجار

✨✨✨✨✨✨✨✨✨

اتجهه سيف ونور اللي بيت ساره

ساره اول ما شافت هم جريت عليهم

ساره بدموع / الحقيني يا نور عايز يرمي عفش ماما في الشارع

سيف بغضب / يعني هي دي أصول ولاد البلد يا حج

الراجل / اعملها اي جايلي سكان جداد وفلوسهم جاهزه وهي مش راضيه تندفع الفلوس المتأخره

ساره بدموع / ما قلتلك أول ما اشتغل هجبهالك

سيف / اهدي يا ساره وكل حاجه هتتحل

تسريع الأحداث سيف دفع الفلوس المتأخره للصاحب البيت واخد ساره واخواتها الفيلا معاه

احببتها رغم انتقامي لها ♥️

بقلمي الاء عوض