رواية احببتك انت الفصل الحادي والثلاثون 31 - بقلم ESRA'

#احببتك_أنت
#جيانا
.
.
سبرااااااايز 💃
مو كتلكم رح انزل 😁💪
قراءه ممتعه احبتي 💜
.
.
.
.
نام بأاحضان التحبه ولاتكوم💋
تدري حضن بي وفه شكد دافي😉
حتى لوصاحوك جنك مادريت 😌
طكها صفنه وسوي روحك غافي😍
.
.
.
.
محمد :
بعد ما تطمنت على سارة طلعت
رحت لاسامه .. هم اشوف مكان شغله
و هم أقضي وياه وقت شوي

وصلت الحله اتصلت عليه حت اخذ العنوان
منا و منا و منا دوخني شبجها شو
غلقته و نزلت أسأل ع المكان من سكان المنطقه أحسن منه ع الاقل بعرف مضبوط

ساعه و نص لحد ما وصلتله
زين المحكمه حلوة و مرتبه
دخلتله كاعد بمكتب وياه 3محامين

محمد. «سلام عليكم»
اسامه .«هلا عليكم السلام كلت مرح تجي»
محمد. «والله ردت ارجع لان دوختني»
اسامه .«هههه تقصدت والله حت ارجعك»
محمد. «مطول هنا»
اسامه .«اي بعد ساعتين يلا تبدي الجلسه»
محمد. «حييل ، لعد اني شوي و ارجع سارة تعبانه خاف يحتاجلها طبيب شي»
اسامه .«لعد شكو اجيت»
محمد. «غير هاي سوتلي عرس ما تروح و ما تروح ، جان هسه اني قريب ما اوصل»
اسامه .«ههه االله يعينك»
محمد. «اوف ، يلا اروح انت كمل شغلك»
اسامه .«اطلبلك جاي و تروح»
محمد ّ«لا لا ممشتهيه»
اسامه .«على راحتك»
محمد .«يلا مع السلامة»
اسامه .«الله وياك»

اف اسماء ، هو صوجي هم صدكت
يعني كلش ممعقول أسامه عندة شي
وجودة هنا لشغله و بس مو مثل ما مفكرة
اندري تركيبه عقلجن شنو حت ارتاح

صعدت سيارتي و دكيت عليها
محمد. «الو »
أسماء .«الو هلا محمد»
محمد. «هلا سومه ، شونها سارة»
أسماء .«بعدها نايمه لا تخاف»
محمد. «ليش نايمه ! صار ساعتين من طالع»
أسماء .«عادي لا تقلق ، وصلت انت»
محمد .«يي وصلت و كعدت وياه و هاي الخرابيط اللي براسج انسيهن و حافظي على بيتج احسن»
أسماء .«الله كريم .. ترجع !»
محمد .«اي طبعا شعندي باقي»
اسماء .«ماشي هلا بيك»
محمد .«يلا اروح ، نسيت المناظر و الشاحن بغرفه اسامه»
اسماء .«دومك تنساهن ، روح يلا .. سلام»
محمد. «ههه شسوي ، يلا سلام»

رجعت دخلت للمحكمه اخذ غراضي
لازم انساهن .. اخرتي احطهن بزنجيل 😂

دخلت الغرفه مالتهم .. شفته يخابر و ظهرة إلي

اسامه .«ما اجي ، كتلج بلا ملحه»
اسامه .«يوووو وج بابه خلص طريق و انكطع لا تحاولين»
اسامه .«اي انكطع ، ولي و سديه الخط صوتج ماريد اسمعه بعد»
اسامه .«وج بابه ماكو امل ، طلاك و تم بعد لو تصعدين لسابع سمه مالج رجعه»
اسامه .«ولي يلا ولا تتصلين»

بقيت استمع بهدوء و ذهول !!!
معقول متزوج !! ليش ما كالي ؟؟
حت لو يريد سر ! غير يكوللنه ؟؟
اشو مرته زينه البنات على شنو ياخذ غيرها !؟

محامي. «تفضل محتاج شي حضرتك»
محمد. «اااا اي جاي على استاذ اسامه»
محامي. «تفضل هذاك اهو»
محمد .«تمام»

التفت عليه اسامه بصدمه
حاولت اخفي تفاجئي و ضحكت
محمد .«نسيت جهالي يمك»
اسامه .«كلت اخلص و ادكلك حت ما تدور عليهم»
محمد .«اي نسطرت بالسيارة عبالي وكعوا»
اسامه .«اخذهن هاي هن»
محمد .«اي ، يلا أروح»
اسامه. «الله وياك»
دك التليفون عمتي !
رديت عليها و هذا مترقب السالفه

محمد .«احتمال اروح لبيت جدي ، حاول ترجع من وكت»
اسامه .«تمام ، اخلص و ارجع»
محمد .«زين ، يلا في أمان الله»
اسامه .«الله وياك»

بقه متوتر .. طلعت و احاول ما صدك افكاري
أكيد متفهم غلط .. يستحيل يكون صح

رجعت للبيت ، الطريق شطوله صار من التفكير
أتمنى يكون غلط ، لان ساعتها اني الرح اوكف بوجهه ... مرته ما مقصرة بشي حت يدور غيرها

محمد .«سلام»
أسماء .«هلا شو رجعت»
محمد .«رجلج شغله ممل شعندي باقي»
أسماء .«هاي اذا جان شغل»

مرديت عليها ، ماريد اكذب و اطمنها واني هم شاك عندة شي

محمد .«سارة ما كعدت»
أسماء .«اي عمتي صعدتلها قبل شوي»
محمد .«تمام»

صعدت للغرفه سمعتهم يحجون

امي .«عمه سارة خاف صار حمل اللي هيج متأذيه و حرارتج»
سارة .«لا عمه قابل يصير بهالسرعه»
امي .«وذا عمه اكو من اول يوم يشكل عدهم»
سارة .«لا عمه فدوة ماريد هسه ، خل اكمل دراستي»
امي .«هذا رزق يمه ما يصير تعترضين»
سارة .«الله كريم عمه .. اذا صار اكيد مالي اعتراض ، بس انشالله مو هو»
امي .«لا عمه .. أريد أشوف جهال محمد بسرعه لا تأخرون الحمل»
سارة .«اذا الله كاتب ، يصير»

ديالله ، بعد مصايرلنه اسبوع
يتناقشن ع الحمل و الطفل
اخ من النسوان أخ
دخلت الغرفه تفاجأن ثنينهن

امي .«هاي رجعت»
محمد .«اي ، سلام»
سارة .«ليش ما رحت»
محمد .« 😒 غير مرضتي نفسج»
سارة .«هااا صرت مرضت نفسي هسه مو!!»
محمد .«يمه عمتي مليكه خابرت ، رح أروحلهم تجين»
امي .«لا يمه وين اروح هنا بيت اخوك و ابوك يرجع اليوم»
محمد .«اي شنو عليه أبويه خل چنته تخدمه»

سارة .«روحي وياه عمه ، اني و اسماء هنا»
محمد .«ومنو كال انتي اهنا»
سارة .«اني طبعا»
امي .«لا تتعاركون لعبتوا روحي ، انت تاخذ مرتك و تروح انتهى بدون نقاش»
محمد .«ماشي ، صار»
سارة .«لا مو صار ، عمه اني تعبانه ماروح»

امي. «وج سارة لا تعاندين عمه .. يلا اشربي هذا التشريب حت تصير بيج شوي طاقه»
محمد .«اي يمه بس مرت ابنج و ابنج طز»
امي .«ولك محمد وخر من وجهي 😠»
محمد .«هههه حبيبي انت غير اغار عليك»
امي .«وخر مني ، يلا بدل و حضر نفسك»

طلعت من الغرفه التفتت على سارة
كعدت تشرب التريب و ممعبرتني 😒

جاهله صارت من اجت البيتي
عود ماخذلي مرة اسمالله 😏

بدلت و توضيت أصلي ، كملت و تركتلها المصلايه كامت هي هم حت تصلي

مددت بفراشنه اخذتلي غفيه
ساعتين و كعدت حت نروح للبصرة
شفتها نايمه يمي هي هم
شاقيتها لحد ما كعدت

سارة .«خليني انام حباب»
محمد .«لا حبيبي كومي تحضري نروح»
سارة .«وين نروح محمد فشله عالم تجي تبارك و احنه مو هنا»
محمد. «عادي كأنما رايحين شهر عسل 😉»
سارة .«فشله والله»
محمد .«لا مو فشله كومي بدلي لو ابدلج اني»
سارة .«افف كوم عني اشو»
محمد .«سارة ماحب تكولين اف بوجهي»
سارة .«افففف افففف افففف معليك 😠»
محمد. «انتي من شفتي صار عرس بعد تخبلتي»
سارة .«تندمت مو رجعني لأهلي يلا»
محمد .«بلشت سعاد ، يلا كومي تحضري»

كمت ع الكنتور اطلع غراض احتاجها
هي هم كامت حضرته الجنطه
جمعنه اغراضنه

محمد. «اخذي فستان مال مناسبه و هاج هذا القاط مالتي هم»
سارة. «شنو نوع المناسبه ؟»
محمد .«شاك انه يحددون عرس فرح لهذا ناخذ احتياطنه»
سارة. «هااا ماشي ، اخذ فستان حنتي»
محمد. «لا ، اخذي شي مستور فستان حنتج ماشالله»
سارة. «أخذ مال عرس غيداء»
محمد. «افف وخري اني اختارلج»

دورت بفساتينها ماكو. «ماخذ واحد ماروني جبته بآخر سفرة قبل عرسنه وين»
سارة .«ما ادري ، ما شفته»
محمد .«وين صار ولج ! خاف عد اهلج تاركته»
سارة .«أصلا ما شايفته شيوديه لأهلي»

بقيت أفكر وين يعني راح
متأكد خليته هنا بالكنتور من شدينه الغرفه
و خاله بالحافظه مالته حت ما تشوفه !

محمد .«اخذي هذا الأبيض هسه و هناك اذا صار مجال نطلع نشوف غيرة»
سارة .«شنو هذا لبسته بمهر غيداء»
محمد. «دا اكول اخذلج غيرة .. اخذي اي واحد امشي»

راحت تجهز و لفت حجابها
كملنه كلشي طلعت الجنطه و تاكدت من الشبابيك ، طفيت الكهرباء و قفلت الغرفه
نزلنه سلمنه على اهلي و طلعنه

محمد .«نمر على المستشفى»
سارة .«شعندك»
محمد .«شغله وي ابويه»
سارة. «تمام»

وصلنه المستشفى دخلت لأبويه بسرعه
نطيته علم رايح للبصرة و حجيتله مختصر سالفه اسامه و هو يستلم الموضوع لحد ما ارجع

توكلنه للبصرة وصلنه قريب الـ8 بالليل
اتصل عليه عباس
محمد .«الو»
عباس .«هلا ضلعي ها وينك»
محمد .«جيت براس الفرع»
عباس .«هلا بيك»

سارة. «عليك الله لا تتعارك وياي كدامهم»
محمد.«وانتي لا تعاندين كدامهم»
سارة. «ماشي لا تتعارك ما اعاند»
محمد .«لا تعاندين ما اتعارك»
سارة .«الأولى صح»
محمد .«الثانيه»
سارة. «ماااا .. »
محمد. «سارة»
سارة. ،«هففف سكتت»
محمد .«يلا نزلي»

مرتجى. «يا اهلا وسهلا بعريسنه الغالي»
محمد. «اهلا بيك شلونك»
مرتجى .«حمدلله ، شونج سارة»
سارة. «حمدلله شلونك انت»
مرتجى .«حمدلله ، تفضلوا تفضلوا»

دخلنه جوة تلكتنه عمتي مليكه تهلي و ترحب
الجو مبين بيه شي !
محمد. «اييه وين جدتي»
عمتي. «بغرفتها عمه ادخللها»
محمد .«تعاي سارة»

دخلنه لجدة. «سلام عليكم»
جدتي .«هلا هلا هلا برويحتي هلا بيك بعد جدتك»
محمد .«هلا بيج شلونج»
جدتي .«من شفتك صرت آنه بخير»
سارة. «هلا جدة»
جدتي. «هلا بمرت الغالي هلا يمه تعاي احبج بعد بيتي»
سارة .«يحفظلج بيتج جدة»
جدتي. .«بت اصول يمه خير ما اختار محمدنه»
سارة. «رحمالله والديج جدة»

دخلت فرح الغرفه. «هلا بالحبايب»
سارة .«هلا بيج فروحه»
فرح .«شلونك محمد»
محمد. «هلا بيج حمدلله انتي شلونج»
فرح. «من بعد شوفتكم كل الخير صابنه»
محمد. »«رحمالله والديج»
جدتي .«يمه فربحه اخذي سارة غرفتها ترتاح»
فرح .«اي تدللين ، يلا سورة»

اشرتلها تروح وياها ارد انفرد بجدتي
محمد .«اي جدة هاي اجيت ، شنو السالفه فهميني»
دخلت عمتي مليكه .«اني افهمك بعد عمتك»

__________ سارة تروي ___________

صعدت فوك وي فرح بس هي موجودة
سارة. «البنات مو هنا»
فرح .«مرام راحت وي رقيه بيت عمتي سميه ، يرجعون فد بالعشرة هيج»
سارة. «هااا اي زين حت نسهر»
فرح. «حت محمد يطردنه وحدة وحدة»
سارة. «ههه لا نسهر كلنه عود»
فرح .«هاي اذا اكو نفس للسهر »
سارة. «شنو الموضوع فرح؟ ليش عمه مليكه طلبت نجي»
فرح .«مرتجى يريد يتزوج و بس محمد يكدر يطلب العروس»
سارة. «منيه هاي تعرفوها يعني»
فرح .«بلسم حماة رنا»
سارة .«هاااا زين ليش ما ينطوه انتو بينكم نسب»
فرح .«بلسم و مرتجى يحبون بعضهم لهذا رزاق شوي عصبي و ياهم»
سارة. «خطيه ، الله يجمعهم لبعضهم»
فرح .«آمين ، يلا اطلع انتي بدلي ارتاحي»
سارة .«لا عادي أبقي مو إله هسه أبدل»
فرح .«ادري بيج مريضه ، ارتاحي لبين ما كمل العشه»
سارة. «انزل وياج احضر»
فرح .«بيج دفرة وج هستوج جايه و خطار شتحضرين»
سارة. «خلص روحي لا تدفرين»

طلعت فرحه و كمت بدلت ملابسي
احترت بين امدد ارتاح لو أنزل جوة
صح خفت حرارتي بس جسمي بعدة نحلان
كعدت ع القنفه اكلب بالتلفون و انتظر محمد
على كعدتي اخذتني غفيه
حسيت على عمه مليكه تصحيني

سارة .«ها عمه كعدت»
عمه مليكه .«ليش هيج نايمه عمه كومي لفراشج»
سارة .«لا جنت انتظر محمد و غفيت»
عمه مليكه .«دكومي مددي عمه اعرف بيج مريضه»
سارة .«لا لا زينه ، انزل يمكم جوة احسن»
عمه مليكه .«محمد دزني عليج كال اشوفج ، نامي عمه من يكمل العشه نكعدج»

ما عاندت اكثر لان نعسانه حيل
سارة .«ماشي عمه رح ازحمكم»
عمه مليكه .«عيب هذا الكلام انتي بتنه بعد»
سارة .«حياتي عمه تسلميلي»
عمه مليكه .«يلا ارتاحي اني اروح»

طلعت و سدت الباب
شكو كعدتوني لعد بس خربت نومتي 😭
شوي شوي رجعتلي النومه و غفيت
حسيت على محمد يمي مدد
خليت راسي على صدرة و حضنته حيل

سارة .«اسفه لأن خربت سفرتك»
محمد .«لا تعتذرين انتي هم حقج»
سارة .«شوكت نرجع»
محمد .«ما اعرف ، خل اشوف سالفه مرتجى»
سارة .«شعجب انت اللي يردوك تحلها»
محمد .«ما تكيفين رجلج يحسبون حساب لكلمته»
سارة .«اكيد اكيف طبعا ، هالشي مفرحني بس ردت اعرف شعجب يعني»
محمد .«لان اكبرهم اني و عشت وياهم 14 سنه مو قليله»
سارة .«عشتهن هنا»
محمد .«اي»
سارة .«ليش لعد ما حبيت رنا»
محمد .«عشت وياهم مثل ابنهم ، ابراهيم و رنا إخواني .. عمي الله يرحمه امني عليهم لان معتبرني ابنه»
سارة. «شون رح تحل مشكلة مرتجى»
محمد .«ما أعرف دايخ ، قبل شوي اجه هو و رنا فتحو بيت عمتي بلقيس مدري شكو»

بقيت افكر ليش هسه يلا اجت رنا لبيت اهلها
معقول لأن احنه هنا حت تخرب !!
لا لا اكيد محمد مرح ينطيها مجال
و رجلها وياها يعني
اي وذا وياها قابل رح يگابلها

سارة .«محمد»
محمد .«هممم»
سارة .«عليك الله لا تحجي وي رنا»
محمد .«نامي 😒»
سارة .«الله يخليك ، شوف تعبانه ماريد تزيد حالتي»
محمد .«انتي بطلي غيرة ما يصير بيج شي»
سارة. «مو بيدي ترة .. من حبي الك اغار»
محمد. «نامي اشو»
سارة. «ما ، جوعانه»
محمد .«ما تعشيتي»
سارة .«عمه مليكه كالت تكعدني بس ما حسيت غير من اجيت انت يمي»
محمد. «اففف كومي لبسي حجابج خل ننزل نشوفلج اكل»
سارة .«خلص عوف مو مهم»
محمد. «كومي باباتي»

يخليني اكزكز من يكولي باباتي
سارة .«خل اعضك حباب فدوة»
محمد .«لا صرتي خطيرة امشي اوكلج قبل لا تهجمين»
سارة .«ما شو تعال 💏 افيش شفت شون سهله»
محمد .«ههه نتنازل عن العشه»
سارة .«لا كوم 😂»
محمد .«غير ارديالج»
سارة. «لا ماريد هاي بلا مقابل»
محمد. «هههه كومي يلا»

كمت لبست صايه على التراك مالي
و لفيت شالي عدلته و نزلنه ثنينه

ضوة الصاله مفتوح
محمد .«لحظه اشوف منو»
سارة .«لا تشوف خاف البنات»
محمد .«لا لحظه»
تنحنح سوة صوت
و نزل اخر درجات طلع صوت
طلعوا مرتجى و فرح من الصاله

فرح .«ها كعدتوا»
محمد .«اي سارة ممتعشيه»
فرح .«تعاي وياي سورة»
سارة .«لا تعبين نفسج كملي اني و محمد نروح»
فرح .«لا حياتي امشي خل محمد وي مرتجى يبقى أحسن»

مدري شنو اشرت لمحمد و هز راسه أي
رحنه للمطبخ و الأفكار بدت تنهش براسي
ارد اعرف شكو
راحت ع الشباك فتحت البردة
البيت المقابيلهم معلوكه اضويته كلها

سارة .«فرحه»
فرح .«ها حب كولي»
سارة .«عادي تكوليلي شصاير لان رح اموت»
فرح .«هههه خبال ، رنا بت عمه هنا هي و رزاق»
سارة .«اي محمد هم يدري»
فرح .«دنريد نشوف اذا بلسم وياهم لو لا»
سارة. «ليش؟؟»
فرح .«مرتجى ضغطه صاعد و متخبل يريد يشوفها لهذا كاعدة يمه لا يروح يسوي شي»
سارة .«خطيه شكد يحبها»
فرح .«لانها صغيرة ، و حسسته بحبها إله
كلشي يكوللها تكوله اي ، و اذا شي معجبها تناقشه و تنطي رأيها .. مرات ما يقبل بس يرضى لأنها تسمع كلامه»

سارة. «ولا مبين عليها»
فرح .«بلسم خجوله كلش ، بس مرتجى علمها شون تكون جريئه وياه»
سارة .«شون حبوا بعضهم»
فرح .«اندري فجأة كرار كالي»
سارة. «وانتي شون حبيتي كرار»
فرح .«ما اعرف .. بس جنت احس بشي ناحيته من صغري»
سارة. «حلو الحب من يبدي هيج»
فرح .«اي .. انتي شون حبيتي محمد»

شلون حبيته ؟؟؟؟ ! مدري
هيج فجأة شفته الوحيد اللي يخاف عليه
الوحيد اللي اكدر اثق بيه
الوحيد اللي جنت متأكدة مهما صار
يستحيل يسمح بأذيتي

فرح .«هيوو لا تسرحين»
سارة .«وياج ، حبيته من صار رجلي»
فرح. «يعني ما جنتي تحبيه»
سارة .«لا خطوبتنه تقليديه من جهتنه و من جهته اختيار»
فرح .«شون يعني؟»
سارة .«يعني هو جان يحبني من جنت 13 سنه حسب كلامه جنت بالأول متوسط»
فرح .«واو .. وانتي»
سارة .«اني شنو»
فرح .«ما حبيتي»

حبيت يا فرح ، بس مجان هو نصيبي
الله عوضني بمحمد و احمد الله على عليه

محمد. «لا فرحه اني الوحيد اللي بحياتها»
فرح. «شكو سمعتنه»
محمد .«جنت جاي و سمعت قابل شدتحجن»
سارة .«تعال اكل»
محمد .«ماريد حبيبي بالعافيه»
فرح .«شون صار»
محمد .«فرح خابري كرار اريدة باجر»
سارة .«شرح تسوي»
فرح .«هو جاي باجر علمود رزاق»
محمد .«اي زين لعد»

تجاهلوني !!! اريد اعرف شكو هفف
سويت لفه كباب و بتيته و بيذنجان و طرشي
و قوطيه ببسي .. شنو بعد ؟ هذا اهو مو !

سارة .«يلا حياتي نصعد»
محمد.«واني ؟»
سارة .«انت شنو؟»
محمد .«لفتي وين ؟؟»
سارة .«مو ما ردت انت !»
محمد .«اي بس هسه اريد ، جيبي لفتج و روحي سوي ثانيه»
سارة. «يووووو محمد شكو ما حجيت من اول»

فرح .«هههه شوفها رح تبجي 😂»
محمد. «خلص ماريد امشي نصعد»
سارة .«هاك اروح اغص »

نطيتياله ورحت اسوي غيرها
هم بقوا على كعدتهم
دخل مرتجى للمطبخ .«فرحه سويلي إلي هم»
فرح .«اكولك فدوة تزوج بسرعه و اعتقني»
مرتجى .«اروح اجيبها هسه حت ترتاحين»
محمد. «حت اموتك غير ، اصبر تصير نصيبك .. كومي فرح سويله اكل»

فرح. «ما سوي رجلي يغار عليهّ😂»
محمد. «هو بيج خلقه حت يغار»
مرتجى .«اي والله جنج اخويه الماشايفه»
فرح .«والله لو تموت ما ساعدك وكول ما كتلك»
محمد. «اي عفيه تعاركوا و كعدوا العائله كلها ، سارة وياج سوي لمرتجى»

سارة «ماشي»
فرح .«عوفي اني اسويله ، اطلعهن من عينك بس تتزوج»
مرتجى. «خل احصلها و شتردين تسوين سوي»
سارة .«ليش ما تنذرها مرتجى»
مرتجى .«شنو انذرها يعني»
محمد. «يعني اطلبها من اهل البيت تكون قسمتك و انشالله خير و تنجمعون»

مرتجى «زين انتو شهود ، نذر لو صارت قسمتي انشالله ، اخذها و نروح لكربلا مشي»
محمد. «ادري بيك نستله ما تتحمل مشي 😂»
فرح .«غير نذرك حباب»
مرتجى .«لا شوف هو صدك رح اخذها بس من تصير الاربعينيه حت ما نحس بالطريق 😄»

سارة .«هي مو مهم شلون ، المهم توفي نذرك»
فرح .«شنو اقصى شي ناذرته سارة»
سارة .«جانت امتحاناتي خارجي لأني ممكمله اعدادية لهذا خفت كلش إنه افشل ، نذرت البس اسود محرم و صفر كامله لـ5 سنوات على مصاب الامام الحسين و اهل بيته عليهم السلام و حمدلله نجحت و وفيت سنتين بقن تلاثه»

محمد .«شو ما ادري»
مرتجى .«واله تدري يعني»
سارة .«اندري ، ما جنت رجلي حت اكولك»
فرح. «خل اضحكج .. رنا من جانت اعداديه عادت سادس .. بالسنه الثانيه نذرت انه اذا تنجح بعد ما تكص شعرها ابد 😂 بس بعدين كالولها ما يصير لازم كل فترة تكصه وهيج نكسر نذرها»

محمد. «هو هذا هم نذر جانت مكيفه بيه»
مرتجى .«بس شنو غير شعرها يخبل صار»
محمد .«منيله ام عطوب ولا تهتم بيه»
فرح. «لا ليش غير انت ما شايف من ترتبه»

رح اموت ، شنو يحجي عن شعرها
شنو معقول مجانت محجبه منه !!!!
عزة والله انتحر هسه
لا و الأخ كاعد يحجي مترهي
ما يكول صخام مرتي هنا عيب لازم اراعي 😭

خليت كدامهم الماعين
و اني العصبيه تطلع من عيوني
انتبه عليه بقه يباوع يريد يعرف شبيه
طنشته و كملت لفتي
اكلت گلبي وياها حت بعد ما يحب هذا الإنسان

يعني زحمه خل يكول لازم اراعي مشاعرها
بس لا هو متقصد والله
بقيت ع الصامت كاعدة و هم يكملون حديثهم الشيق عن الست رنا اللي مخبلته بشعرها

كملوا اكل و شلنه الماعين
فرحه غسلتهن و اني سويت جاي

صبيتلهم جان تندك باب المطبخ
خترعت ! عزة منو إجه هالوقت
طفروا محمد و مرتجى يشوفون

محمد .«منو هناا»
مرتجى .«منو هااي شفتك اطلع»

الخيال يروح و يجي
يممممه الحكيلي 😭
سارة .«خل نطفي الضوة وندخل فدوة»
محمد. «لا غير اعرف منو»

شوي و صار حجي برة و صوت بجي
محمد رأسا فتح الباب و طلع

محمد .«خير شبيها شصاير؟»
طلع وراه مرتجى .«خيركم شنو شبيها»
مدينه راسنه اني و فرح

رنا شايله زهرة و تبجي بيدها
سارة .«فرحه شون كدروا بدخلون»
فرح. «هذا المشتمل مال بيت عمه بلقيس وهم بيه الليله باتوا»
سارة .«اعرف ولج اقصد شون دخلوا»
فرح .«رنا عدها مفاتيح ، خل اشوف شبيها زهرة»

طلعت يمهم و بقيت واكفه بمكاني اني
شوي و دخلوا كلهم

رزاق .«سلام عليكم»
سارة .«عليكم السلام هلا رزاق ، شلونج رنا»
رنا .«زينه ، فروح مي لزوزة»

راحت تصبلها مي فاير
مرتجى .«صبري اكعد امي تشوف شبيها»
محمد. «لا كعد جدة احسن تعرف اكثر من عمتي»
فرح. «كعدوهم ثنينهم مهم يشوفوها»

دخلوا يكعدوهم واني واكفه يم محمد
انتبهت على ملابس رنا
يعني ما ملتزمه بحجاب كدامه
تراكسود و حاطه شال على راسها
بس من جانت ابيت عمي
ملابسها أكثر حشمه !!

بعدين محمد ما يحجي على ملابسها
بس اني خانكني لبسج و شعرج ووو 😒
اصبرلي اذا ما اعضك ما اطلع سارة
هاي قهرتي كلها اطلعها 😏

دخلت عمه مليكه المطبخ
طبعا مطبخهم كبير بيه كعدة هم

عمه مليكه .«ها رنو خاله شبيها الصغيرة»
رنا .«خاله بس تغصغص و ما تبلع شي»
عمه مليكه .«خاف بالعه شي»
محمد .«لا عمه لو بالعه ينسد عدها التنفس»
رزاق .«ناخذها مستشفى أحسن»
عمه مليكه .«خل اشوف لحظه»

اخذتها و دخلت و هم هم وراها راحوا
سارة .«رح اصعد أنام»
محمد .«صبري نصعد سوة»
سارة. «لا تعبانه و اريد اخذ دوايه .. انت كمل عود و تعال»
محمد. «ماشي ، بس لا تنامين عندي شغله وياج»

عفته و صعدت ، اعرف شنيه
بيك خير انتبه على كلامك من تحجي عنها
حت ما تلكه تغير بتصرفاتي
شربت دوايه و نمت ما اهتميت إله
مدري شوكت صعد
بس حيبت عليه اخذني لحضنه

_________ رنا تروي ________

دخلت بيت امي ، ريحتها دخلت افادي
حسيتها و كأنه حضنتني
الاثاث كله مغطى
كلشي متروك من 14 سنه

رنا .«رزاق شيل الغطه هذا خل اخلي زهرة و افتح الغرفه»
رزاق .«جيبي المفاتيح افتحهن لا تخرب نومتها كل شوي نشيلها»

نطيتياله و صعد كدامي فوك
رنا .«تعال هنا ، خل نبقى بغرفه امي»
رزاق .«لا رنو ، نبات بغرفتج .. بعدين نفتحها»
رنا. «رزاق حب...»
رزاق .«نفتحها وعد بس مو هسه»
رنا .«ماشي»

فتح غرفتي و دخلنه
شال الغطه من على السرير مالي و خليت زهرة

رزاق. «ننطي خبر لاهلج»
رنا .«وينهم اهلي ؟؟ محد اكو منهم موجود»
رزاق .«رنا ، قصدت خالتج و بيبتج»
رنا .«مو مهم ، هم يشوفون الضوة و عود يعرفون»

تركني و نزل جوة
فتحت حجابي و بدلت ملابسي
رتبتهن بالكنتور و ملابسه هم

نزلت رتبت شوي و عدلت الصاله
شلت الغطايات كلهن
يراد حمله تنظيف معدله
حت يرجع البيت مرتب

رزاق .«اطلع اجيب عشه»
رنا .«تعشى و تعال ماريد اني»
رزاق .«لا لازم تاكلين ، فكري عندج طفله تريد اكل»
رنا .«رزاق .. باجر ارجع للبيت ، ماريد عمه تندعي و بعدين هم اتعاقب على انه اخذت ابن من امه»

رزاق .«شوفي ، اول شي مو طفل أني تمام !
ثاني شي الله ما يعاقب على كل دعوة تنرفع إله
الله ديشوف و يعرف منو صح ومنو غلط»

رنا .«تعبت رزاق ، ع الاقل اذا تختفي هسه احسن مما ارجع اامن انت يمي و انوب ترد تتركني»

رزاق .«تركتج بأرادتي !! لو باقي هذا الشهر الغبته ، جان هسه انتي عد اهلج رنا»

رنا .«كافي »

خليت و صعدت
ماريد اذكر اللي سويته بيه أكثر
اعرف اذيته لدرجه روحي تحترك وياه
يا رب .. يا رب ساعدني ارجع ثقه بيتي

مددت يم زوز
دخل هو بدل و مدد يمي

رزاق .«ما حجيت حت اانبج اكثر ، لأن اعرف انتي عرفتي حجم خطئج .. رنا اللي حسيته صعب ، ثقي ماكو احد غيري يبقى وي مرته بعد هيج موقف .. بس شسوي لكلبي المتمسك بيج ، شسوي اذا هذا الشهر ما كدرت امحيج بيه ، من اعصب تحمليني لحد ما ترجع علاقتنا من اول .. شطارتج هنا ، انتي اللازم ترجعيها»

ارجعها يا رزاق .. ارجعها
بس خل اهدئ روحي بهالمكان
محتاجتج يمه .. ليش عفتيني هيج
ما كلتي شلون اروح و عندي بنيه تحتاجني
يا ربي ليش اخذتها و حرمتني منها

رنا .«رزاق اريد امي ، وديني الها»
رزاق .«خل تهدئ الاوضاع و نروح»
رنا .«مشتاقتلها ، مو حرام هيج تعوفني»
رزاق .«ادعيلها هي هسه بمكان افضل ، يلا نامي مدام زهرة نايمه»
رنا .«ما تجيب عشه»
رزاق .«اذا انتي ما تاكلين ، مالي نفس»

التفتت عليه و حضنته حيل
رنا .«ساعه و كعدني»
رزاق. «ماشي»

غفيت بسرعه .. وجع ابطني متحملته كوة
انام أحسن حت ينشغل بالي عنه
مدري شكد و حسيت على نعوصه زوزة

سحبتها يمي ارضعها بس شو هاي ما تشرب!!
يمه شبيج ماماتي

رنا .«رزاق .. رزاق كوم شوف زهرة»
فز .«شبيها شو اشوف»
رنا .«شوف ما ترضع و تغصغص»
رزاق .«جيبي»

اخذها و كام فرفها
فتح المشد عنها هوه جسمها شوي

رزاق .«باباه ، شبيج حبيبي .. ليش هيج تغصين باباتي»
رنا .«هاك ممه نطيها ماي بالله»
رزاق .«يلا باباتي مي مي ، هذا مي مي»
رنا .«يمه شبيها ما تشرب ، رزاق فدوة سوي شي»
رزاق .«لبسي ناخذها للمستشفى»
رنا .«اي»

رحت اطلع صايتي شفت مطبخ بيت جدي مفتوح ضواه
خليت شال على راسي
رنا .«ناخذها لجدتي ، امشي»
رزاق .«نايمه هسه»
رنا .«لا مشغلين الضوة»

نزلت وهي بيدي
طلع رزاق يدكلهم الباب

رنا. «اصبر لا تدكها هسه»
رزاق .«وج شون نطب لعد»
رنا .«هل نرجع لان محمد هنا»
رزاق .«وذا ، رنا المهم هسه بتي ماشي»

فتح الباب محمد استغرب وجودنه
محمد .«خير شبيها ، شصاير ؟»
رزاق .«ما اعرف فجأة كامت تغص»
مرتجى هم طلع يمنه

رنا .«مرتجى ابتعد باردة خل ندخل»
مرتجى .«اي اي تعاي فوتي موزين ع الطفله»

دخلت و مثل ما توقعت سارة هم هنا
لا رنا ، ما لازم تغلطين اكثر و كوني طبيعيه
حاولي ما تخطاين ابد

دخلت وي خالتي حت تشوف زهرتي
مدري شنو شربتها شوي شوي رجعت مبيها شي

رزاق. «ليش هيج صار بيها خاله»
خالتي مليكه .«وج رنا حليبج مخثر بيها ، شنو راضعتها وانتي عصبيه»
رنا. «لا ابد »
رزاق. «اي مو رضعتيها قبل لا نجي»
رنا .«بس ما شربت هواي»

خاله مليكه .«حت لو خاله طفله هاي مو زين»
رزاق «انشالله تنتبه اكثر»
خالتي. «انشالله ، اييه شو هنا لعد ليش ما بتي عدنه خاله»
رنا .«ردت افتح بيت امي و لو اكوللكم مرح تقبلون»
خالتي .«اي خاله غير تتاذين»
رنا .«لا هاي مابيه شي و رزاق يمي لا تخافين .. يلا نروح بعد وانتو هم ناموا ، طرگناكم بالليل»

خالتي .«لا خاله هلا بيكم»
رزاق .«مشكورة خاله»
خالتي. «تدلل خاله»

طلعنه من الغرفه مرتجى و محمد متكين ع الدرج و فرح كاعدة تنتظر يمهم
مرتجى .«ها شون صارت»

رزاق .«احسن لا تخاف»
محمد .«اي حمدلله على سلامتها»
رزاق .«تسلم حمودي»
محمد .«الله يسلمك ، باجر موجود انت»
رزاق .«والله ما ادري ، احتمال انزل لبغداد»
محمد .«ماشي ، الصبح يمك اني»
رزاق .«خير محتاج شي»
محمد .«ههه خلها لوقتها يالله لبيتكم الطفله تروح تستبرد»
مرتجى. «اكول هي ما خلصت سنه»
رنا .«لا بعدها 10 أشهر رح تصير»
رزاق .«يلا تصبحون على خير»
محمد .«وانت بخير»

طلعنه من يمهم لبيتنه
طول الطريق افكر
شيريد محمد !!
معقول لان فتحت البيت ؟؟
بس اني عمري هسه 25 سنه
يعني بعد هو ماله دخل بيه
الوصيه تقرة لحد عمر 25 وهسه هذا عمري

الله يمشيها على خير و بدون مشاكل
صعدتها و نزلت ع المطبخ اشوف
سويت قائمه بالاشياء اللي احتاجها
صعدت شفته كاعد يمها و ينظرلها بس

رنا .«نام مو تريد تطلع»
رزاق .«اروح اجيب مسواك و امر لبيتنه اخذ بلسم و ارجع ما طول»
رنا. «رزاق ليش رافض مرتجى؟»
رزاق .«لأن ما طلبها من البدايه ، فضل الحب على الحلال»
رنا .«هو بسببي ترى تأخر ، من حتركت طلبت منه ما يكولك لأن وضعنه جان مربك»
رزاق. «يعني هم سوى من وقت الحركه»

رنا .«لا جانت بلسم ما تعرف شي»
رزاق .«رنا لا تشجعيهم ع الخطأ»
رنا .«مو اشجعهم رزاق بس حبهم نقي يعني مبيه تجاوز»
رزاق .«واصلين مرحله احبك و احبج و ترديه نقي»
رنا .«انت تشك بيها»
رزاق .«اشك بابن خالتج اكيد حرف عقلها»
رنا .«اصلا ما تنطيه مجال يتمادى وياها .. رزاق فدوة من يطلبوها لا تعاند»
رزاق .«هفف الله كريم»

يا رب كون تمضي على خير

إنتهى 😁
قصير ، كتلكم
بس هاي حاليا الاحداث اللي يمي
نكمل على اتصال سويرة الثاني
كون ما تطول عليه حت ما اطول عليكم

مهم شونه البارت ؟؟؟

لا تنسون الفوت ⭐
الكاتبه : إسراء الخزرجي 😇