ياد : ( كعدت الصبح شفتهه كاعده عالسرير والطفل بحضنهه )
_ياد : حضري نفسج حتى ارجعج لأهلج
_نرجس (بأستغراب) : ليش صاير شي؟؟
_ياد (كمت للحمام وكلت : وورقة طلاقج باجر يوصلج
_نرجس : !!!!
.......
نرجس :كمت بأستغراب حسيت نفسي بدوامة جبيرة ، ياد متغير كلش ابد مجان هيج ليش من اجه الطفل تغير هيج !!ماناقشته بشي و كمت حضرت جنطة الي وجنطة للطفل . ياد طلع من الحمام ونزل الجنط ورجع شال الطفل وكال يلا امشي وكل هذا وهو ميباوع عليه ، نزلنه جوه شافتنه ام ياد ..
_ام ياد : هايمه خير شو لامين غراضكم وين رايحين ؟
_ياد : ارجع نرجس لأهلهه
_ام ياد : بسم الله ، شتسوي يمه؟؟
_ياد : اسوي الشي المفروض من زمان مسويهه ،يلا نرجس
_ام ياد : والله نرجس ماتطلع من هالبيت، مرتك جديد جايبه وعليهه نفس ميصير تطلع
_ياد : يمه....
_ام ياد : لتحجي شي ، نرجس رجعي لغرفتج متطلعين وياد صعد اغراضهه يلا
_نرجس (مدمعه) : لاخاله خلي اروح احسن
_ام ياد (سندتهه) : يلا اوصلج لغرفتج ...
_نرجس :(وصلت لغرفتي وطكيت بجي حسيت نفسي ثكيله عليه وميريدني وبس يريد يخلص مني ليش ، ليش تغير عليه ؟)
_ام ياد : بنتي اني امج احجيلي شنو صاير بينكم وياد اتخذ هالقرار؟ هو يحبج شنو الخلاه هيج يسوي؟
_نرجس(تبجي) :مااعرف خالة والله مصاير شي قبل ولادتي بيوم ياد زين ويايه ومن يوم ولادتي وبالمستشفى حسيته تغير ماادري ليش حتى ماسأل ع الطفل .. خاله حتى ميعرف اسم ابنه😭
_ام ياد : يلا لتبجين موزين ،عوفيه الي اني احجي وياه وافتهم منه .
هسه انتي بدلي وارتاحي وديري بالج ع ابنج
_نرجس : تمام
......
_ام ياد : (عفت نرجس بالغرفة ونزلت شفت ياد بالمطبخ كاعد ومتعصب ) : ابني شجالك ؟
_ياد : يمة ليش ماخليتيني افض السالفه؟
_ام ياد : لان ادري بيك ممقتنع بالي تسويه واذا سويته تعض اصابعك ندم وتكول ياريت ماسويته. هسه انت بحالة غضب هيج تفكر
_ياد : (سكت ونزل راسه)
_ام ياد : احجيلي ابني شبيك
_ياد : يمه متريدني ،مااعرف شسوي الهه بعد !كلشي سويت لخاطرهه وهي رافضتني .. اي يمه اني احبهه وادري راح اتندم اذا عفتهه بس كبريائي متسمحلي اعيش وياهه وهي تكرهني
_ام ياد : ومنو كال هي متحبك !!
_ياد : بالمستشفى، من جانت تحت تأثير البنج دخلت عليهه وهي كامت تعيط ماريدك وعوفني ومن هالسوالف
_ام ياد : انت كلتهه بنفسك ، جانت تحت تأثير البنج يعني مو بوعيهه يعني متعرف شجاي تحجي
_ياد : حتى لو مو بوعيهه غير هذا الحجي من كلبهه طلع
_ام ياد : لا يمه مو هيج ،مرتك تحبك يجوز ممبينه هالشي الك بس شوفهه شلون تبجي بحركة من كلت تطلكهه
_ياد : يصير خير يمه ،يلا اني طالع
_ياد : (مرتك.. طلعت و هالكلمة بقت براسي وفرحت من سمعتهه يعني هي تخصني ،هي مالتي ، احبهه والله احبهه)
....
_ياد :(رجعت بالليل ،البيت هادئ وكلهم نايمين صعدت فوك شفتهه دتنيم الطفل ومن دخلت خلت الطفل بسريره ونامت هي ، دخلت للحمام سبحت وجيت عالسرير نمت بصفهه وعيوني عليهه مبينه عليهه تعبانه وعيونهه مورمة من البجي غفيت واني عيوني عليهه )
_نرجس :(صار الصبح كعدت لكيت ياد قريب مني كبل كمت من السرير قبل لا يكعد ونزلت جوه حضرنه الريوك كعدنه كلنه وياد هم نزل كعد ويانه )
_ام ياد : ياد اذا ماعندك شي الثرية مال الحديقة خربانه واشتريت وحده جديده تكدر تنزلهه وتركب الجديده ؟
_ياد : يمه اني شمعرفني بهالسوالف
_ام ياد : اي هو شنو قابل ،تصعد عالدرج وتسويهه
_ياد : ديلا جيبيه خل اشوف (صعدت عالدرج ووخرت الثرية وانطيته بيد امي وناوشتني الثرية الثانية دااخليهه وصعدت باية لاخ عالدرج وتزحلكت ووكعت )
_نرجس : ياااااد
(جاي اغسل مواعين الريوك وام ياد وياد برة يعلكون الثرية وفجأة سمعت صوت قوي شفت من الشباك ياد واكع كبل صيحت وطلعت ،، واكع ع ايده وطالع دم
_نرجس : ياد كوم ناخذك للمستشفى
_ياد (بالكوة يحجي) : لا ميحتاج مستشفى مابيه شي اكيد ايدي انفسخت 😣
_ابو ياد : هسه اخابر صديقي المجبر يجي يشوف ايدك ، يلا دخلوه للبيت
_نرجس : (اني وام ياد سندناه ودخلناه للبيت وتمدد عالقنفه ، اجه المجبر شاف ايده كال كلش متأذي لان واكع عليهه ولفه اله وميصير يحركهه ورجله بيه جروحات بسيطه داواه وراح )
_ام ياد : كله مني الله لاينطيني شسويت بأبني
_ياد : ههه يمه لاتدعين ع نفسج هياتني كدامج مابيه شي اسبوع واصير زين
_ام ياد : اي بس تصير زين والله بعد مااطلب منك شي
....
_نرجس : (مرت 4 ايام وياد متمدد جوه واساعده بالاكل واذا يريد شي اني اجيبه اله ، بس منحجي سوه اكمل وكبل اكوم وهو مايحجي شي )
...
_ياد : (مسابح من زمان كمت امشي ببطئ واخذت الخاولي وردت ادخل لحمام وتلكتني امي...
_ام ياد : ها يمه شتسوي
_ياد : اريد اسبح يمه
_ام ياد :لالتدخل وحدك متكدر ويجي ماي عالجرح ميصير هسه اصيح مرتك تدخل وياك تساعدك
_ياد : (واني مكلت لا )
_ام ياد : بنتي نرجس تعاي ساعدي زوجج وسبحيه
_نرجس : هااا ! مو مو جاي احضر العشه
_ام ياد : عوفي الي بيدج اني اكمله تعاي لتعوفيه وحده يدخل
_نرجس : تمام خاله (اخذت كرسي للحمام حتى يكعد عليه ،، كعد وهو مسوي نفسه فقير وادري بيه وكح ومراح يكعد عاقل ، نزعته التيشيرت كال :
_ياد : شبيج تتحرشين بيه
_نرجس :ياد اسكت ولتحجي شي لحد مااكمل
_ياد : لا بله ،وبلكي اغتصبتيني هم مااحجي ؟
_نرجس : ياااد بله هالحجي
(هي متعصبه وهو يضحك عليهه )
_نرجس : خليت الشامبو ع راسه واحرك ايدي ع راسي
_ياد (بصياح) : آخ لاتخرمشيني ع كيفج
_نرجس : ياد راح تلم العشيرة كلهه فوك راسنه.. لتصيح
_ياد : اي شسوي انتي تعتدين عليه
_نرجس : (جبت الصابونة والليفة وبعدني ممسويه شي هو كبل صيح )
_ياد : لا ليفة لا يوجع
_نرجس : والله راح اطلع واعوفك معليه بيك
_ياد : ههههه تعاي تعاي راح اسكت والله مااحجي بعد
(هي تغسل واني صافن عليهه وماحجينه شي لحد ماكملت وخلت الخاولي ع راسي وطلعنه للغرفة وطلعتلي ملابس
_ياد : تعاي لبسيني مااعرف البس
_نرجس : متبدل انت شبيك !
_ياد : يمااا ، يبااا
_نرجس : اسكت ياد فضحتنه يلا تعال البسك🤦♀️
_ياد (بخبث) : اي هيجي صيري عاقلة وسمعي الكلام 😌
_نرجس : شبيك جنك طفل متعرف تسوي شي
_ياد (بفخر) : لاعيني اني رجال والرجال الوحيد هنا
_نرجس : لا مو انت الرجال الوحيد اكو غيرك
_ياد (بتعجب) : منوو !
_نرجس : ابني 😌 رجال وسيد الرجال
_ياد (دفعهه عالسرير): لعد خلي رجالج ينقذج مني
(تقرب عليهه وباسهه بلهفة من خدوده واجه ع حلكهه وباسهه ونزل ع ركبتهه
_نرجس :هههه ياد ع كيفك
_ ياد : مشتاقلج
.......................................
سوري عالتأخير جان عندي امتحان كملت ونزلت الكم هالبارت . ان شاء الله يعجبكم 😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!