نرجس : (فتحت عيني لكيت نفسي بحضن ياد ومخلي ايده جوه راسي وايده الثانية ع بطني ، بقيت صافنه ع ملامحه .. ياريت لو احبك بكدما تحبني ،ياريت ابادلك نفس الشعور .... فتح عينه وكال :
_ياد (بأبتسامة) : صباح الخير
_نرجس : صباح النور ،اني انزل احضر الريوك
_ياد (حضنهه) : ماريد ريوك ،اريد تبقين يمي
_نرجس : كافي نوم يلا كوم
(فلتت من ايده ونزلت سويت جاي ورتبت الريوك عالميز وكعدت اني وامه وابوه واخته ونزل ياد
_ياد :صباح الخير
_الكل :صباح النور
_ياد باس راس نرجس وكعد
_ام ياد :اي بس نرجس تحصل بوسات واحنه ياحسرة
_ياد : لا يوم الج هم اكو بوسه (كمت وبست راس امي وابوي )
_ام ياد : هههه الله يرضى عليك ابني
_ياد (بهمس يكول لنرجس) :شوفي شلون الكل تغار منج من كثر اهتمامي بيج😉
_نرجس : (مبتسمه🙂)
........
مرت 4 اشهر ع هالحالة وياد يدللني و يتعلق بيه اكثر ويكول انتي والي ابطنج هدية من رب العالمين ومااكدر بدونكم ، واني اعامله بشكل عادي رغم كل الي يسويه مااكدر احبه لان ماجان اختياري من البداية ....
.
_نرجس : ي ا د ، ياد اكعد ، اكعد مااتحمل
_ياد : شكو شبيج
_نرجس : بببطني
_ياد : راح تجيبين ؟؟؟
_نرجس : آه مااعرف بطني يوجع
_ياد : (باوعت الساعه 4 الفجر ركضت كعدت امي وشلت نرجس للسيارة ورحنه للمستشفى
ننتظر وره ساعه طلعت الدكتورة ..
_ياد : (بقلق) ها دكتورة بشري؟
_الدكتورة : حالتهه صعبة والطفل ماينزل الا بالعمليات ، اذا طبيعي الأم راح تتأذه
_ياد : هذا هو سوو الهه عمليات اهم شي نرجس تطلع سالمة
_ام ياد : اهده ابني ان شاء الله سالمة
_ ياد : ان شاء الله يمه ان شاء الله
_ياد : ( قلقان حيل واروح اجي بالممر وانتظر خبر منهم ،وره ساعه طلعت الدكتورة ..
الدكتورة (جابت الطفل ) :مبروك صار عندك ولد
_ياد : (بفرحة) الله يبارك بيج ، (شلته بحضني وبسته وانطيته لامي )
ياد : صلوات عالنبي الله يحفظه
_ياد : دكتورة اكدر ادخل يمهه ؟؟
_الدكتورة : اي تكدر بس حاليا هي تحت تأثير البنج يعني مو بوعيهه اذا حجت شي ، منا لساعة
_ ياد : تمام شكرا
(دخلت يمهه وطاير من الفرح ، لان صار عندي عائلة وصرت اب ،وفرحتي اكثر بوجود نرجس بحياتي ، بست راسهه وكعدت بصفهه ولزمت ايدهه ،
نرجس فتحت عيونهه وكلت الهه : مبروك النه حياتي ❤
_نرجس : صار صدك؟ الطفل اجه واني امه وياد ابوه؟
_ياد : اي حياتي
_نرجس : ليش هيج ياربي لااا اني ماتخيلت حياتي هيج ، ياد شجابه بحياتي اني ماحبه ماحبه
_ياد (بتعجب) : نرجس شدتحجين !
_نرجس : ياد انت اذيتني هوايه وكلشي جنت تجبرني عليه اني ماعندي مشاعر اتجاهك (بعياط) : ياد اني ماحبك وولااحب الطفل الي ربطني بيك ماريدك عوففففني
_الدكتورة : استاذ تفضل برة مايصير هيج تبجي وتعيط، تفضل لحد ما تصحه وتكدرون تدخلون يمهه
_ياد : ( طلعت واني مصدوم منهه ومن كلامهه اني جنت اتصور هي حبتني بعد ما غيرت كلشي بيه علمودهه جان عبالي هي متعلقه بيه بكد مااني متعلق بيهه بس هي صدمتني بكلامهه تكول اكرهك وتكره طفلنه!! طلعت كعدت ع الكراسي بالممرات واهلهه اجوي والطفل بحضنهم واني مصدوم ومو بوعيي فرحتي كلهه طارت
_الدكتورة : المريضه كعدت تكدرون تدخلون يمهه
_الكل : اي يلا خل ندخل(كلهم دخلوا وحضنوهه وانطو الطفل بيدهه ونرجس مبتسمه وفرحانه بالطفل وبأهلهه والهوسه الي مسوينهه داير مدايرهه )
_ام نرجس : اي شنو راح تسمووه ؟؟
_نرجس : مااعرف ، ياد شنسميه؟ ياد وين ؟؟
(توقعت ياد واكف بصفي ،انداريت ماكو ،مموجد بالغرفة اصلا !)
_كرم : هسه اني اطلع اشوفه (شفته واكف بالممرات يم الجامه ويدخن )
_كرم :ياد شبيك ليش مادخلت؟
_ياد : لامبيه شي هسه ادخل (دخلت جوه وشفتهه مبتسمة وتباوع عليه)
_ياد : الحمد لله ع سلامتج
_نرجس : الله يسلمك ! ي ياد شنو راح نسمي الطفل ؟
_ياد (ببرود) : بكيفج ، اني راح اكمل اوراق المستشفى حتى نطلعج🚶♂️
_نرجس : (مستغربة من بروده ،هو جان فرحان بحملي وهسه ليش مفرحان بجية الولد !!)
_نرجس : اسميه أيهم 🙂
*___طلعنه من المستشفى ورجعت لبيت اهل ياد لان ام ياد ماقبلت اروح يم امي كالت هي وحدهه تتعب اني بناتي يمي يساعدوني ،، فرشوا الي بالصالة وخلو الطفل يمي وناس تجي وتبارك وتروح وهوسة وماشفت ياد لحد الليل ..
نرجس :خالة اريد اصعد فوك انام بمكاني مامرتاحة هنا
_ام ياد : اي ماشي هسه اصيح ياد يجي يصعدج
_نرجس : (اجه ياد وبدون مايحجي ويايه لزم ايدي وصعدني عالدرج ولايباوع علية اصلا ، ومن اكول بطني يوجع يوكف شوية ويرجع يمشيني ،، وصلنه للغرفة خلاني عالسرير وهو طلع وام ياد جابت الطفل )
_ياد : (ضايج حيل وصوت نرجس وهي تكول ماريدك بعدهه براسي ، اني اذا بالبداية وماكدرت اعوفهه هسه بعد شلون اعوفهه اني اتعلقت حيل بيهه وماتوقعت هيج يصير !! بعدما صعدتهه للغرفة اني طلعت بالسيارة افتر احس نفسي مخنوك .. ب12 رجعت شفتهه ترضع الطفل ،ماهتميت رحت عالسرير ودرت وجهي
_ياد : طفي الضوه من تكملين .
_نرجس : ياد شبيك؟ شو احسك مفرحان للطفل؟
_ياد : شتريديني اسوي يعني
_نرجس : أقلها جنت تسأل ع اسمه
_ياد : ميهم .
.....
ياد : ( كعدت الصبح شفتهه كاعده عالسرير والطفل بحضنهه )
_ياد : حضري نفسج حتى ارجعج لأهلج
_نرجس (بأستغراب) : ليش صاير شي؟؟
_ياد (كمت للحمام وكلت : وورقة طلاقج باجر يوصلج
_نرجس : !!!!
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!