رواية أحبها فياليتني احصل على حبها الفصل العاشر 10 - بقلم نور الشمس

حلا..
بعد العقد تعودت على شهم تعودت على اتصالاته و ع الغزل حسيت نفسي تسرعت من حچيت وياه بالعقد بس مو احبه بعد..بنفس الوقت مااكرها ومرات افرح باتصاله حسسني بشي حلوو كل بنت تحب اكو شخص يحبها ويقدرها حته لو مچانت تبادله المڜاعر الي انتبهتله وين شهم الي چنت اكرها كل كره ماكو بگلبي. صرت اشوف اشياء حلوه بي مشايفتها
بس لحد الأن مااحس نفسي احبه مااعرف فكري مشوش
بالدوام هوه ينشغل يگضيها وياي مسجات اخر مسج وصلني منه حبيبتي اني راجع من الدوام وانتي راح ترحين للدوام اليوم دوامچ عكس دوامي راح اشتاقلك نتواصل بالليل .
مرديتله شي جهزت نفسي ورحت للدوام
من رجعت لگيت البيت مگلوب امي وابوي والكل منتضريني مافهمت الصار
ابوي گلي حسابچ وياي بعدين
هاي الكلمه وحدها خلتني اعيش برعب
عمره ابوي ممتوعدلهنه اكيد اكو شي
امي خواتي الكل وجوهم تحچي
گتله شكوو يابه
..روحي هسه خلي امچ تفتهم وتفهمني وحسابچ بعدين
رحت للغرفه من خوفي مشفت الفون ولاقربتله بدلت وانتضرت امي

شهم ..
بعد ما اتصلت عليها هواي وماكو رد دزيت رسائل  هم ماكو رد
توترت حيل وصارت عندي فكره هيه الي مطلعه الحچي حته اعوفها
وقررت اروح افتهم منهم واتركها صدگ هالمره بس صعبه فكرت بحمزه وريحانه وفكرت بهشام وعلا
ذولي اخاف يتأثرون عمي شراح اگله
بس الصوچ مو من عندي الصوچ ابنتهم
بالعكس المفروض همه الي يفكرون بيه اني شنوو السويته حته استاهل هالحچي الصار
اقرب الناس الي امي حچت هالحچي .الغريب شراح يحچي
قررت اروح البيت عمي طلعت وصلت الركن
شفت صديقاتها رايحات للدوام
تذكرت هيه اكيد راحت او مشغوله تحضر نفسها
يمكن تسرعت بحكمي
شلون انتضر هالگد وقت فكرت اروح للدوام واطلعها وافتهم منها بس صعبه حيل صعبه راح يطلع حچي اكثر واكثر
طلعت من البيت ماردت ارجع اخذت سيارتي ورحت للبساتين مالتنه اريد ابقه وحدي
احتاريت اكسر بعمي وحمزه واتركها واكسر گلبي قبلهم
لو ادوس على كرامتي واتزوجها وادري هيه مرايدتني الأثنين بالنسبه الي شي اصعب من شي
حمزه اخوي وعمي عنده كلشي ولاوحده من بناته بخطوبه تنترك خاصتا بعد العقد
شراح اسوي مااعرف بقيت هناك وصارت دنيا ليل  بده فوني يرن
شفت المتصل حمزه
جاوبته واتمنيت من الله ميدري بالصار
الوو
..هلا حمزه شلونك
..الحمدلله شهم أنت وين
..اني موجود ليش
..اعرف الموضوع شهم اهلك مخبوصين عليك ليش مترد عليهم وابوي هم جاي يشوفك وين انت مختفي
..حمزه مامختفي ولاشي موجود اني بگيعانه بالبستان ماحبيت احچي بالموضوع ولو ادري بيك تريد تحاچيني بخصوصه چان مارديت عليك گلهم موجود وين يروح ارتاح وارجع
..شهم اني مااعرف شگلك بس همه مفتهمين غلط وانت هم شلون تضم هالموضوع وحلا حسابها وياي واكيد الوالد ميقصر  لاتعتبرها مسألة كرامه كرامتك محفوضه بس هذي غبيه وماعرفت تحچي اكيد ماتقصد شي
..حمزه تره مصار شي مو الحچي الي انحچه المضوجني الضوجني موضوع بينه شلون طلع ماالها غير سبب واحد انتو جابرينها وحبت تخلص مني بهالطريقه واني اعتمدت عليك وأكدت عليك مااريد احد يجبرها ومااريد يقنعها اريد موافقه منها وبس
..والله هذا الي صار شهم اني احاول اجي و
هذا الموضوع اني احله
..ميحتاج حمزه اني بعد اشوي اروحلكم وافتهم منها واشوف راي عمي شنوو وانهي الموضوع ونبقه مثل مااحنه
..براحتك شهم بس اني چنت احچي وياها قبل شويه وتحلف ماتعرف شنو الموضوع ومنو الي حاچي هيه مسولفه يم امي والبنات بس وقبل لتوصيها انت انو متحچي السالفه والهسه متمسكه بيك ورايدتك اني احچيلك هالشي مو علمود أثر عليك لا والله بس اريدك تفتهم الصار ونفتهم وياك
..اني اروح وافتهم ليضل بالك

سيد كريم جان مقابل على ام هشام تحچي هيج وي ابنها
كلها انتي تعرفين شهم يعاند وميسوي غير الي براسه وهوه عاقل ويعرف يتصرف
وابد ممقبوله منچ تردي يفسخ خطوبته وي بت عمه علمود اخوانچ يدورون حچي ويودون ويجيبون مصيره هوه يقرره .ومنو يگول البنيه حاچيه هالحچي صح وشمعرفهم همه
..قابل يجذبون عليها مو أني استغربت شلون وافقت بسرعه وصار شگد هيه ممقتنعه ادري بي يحبها وادري بت اخوك وماتقبل عليها بس شهم يستاهل وحده تقدره ابيش هيه احسن منه حته تشوف نفسها علي
..علويه اتركي الموضوع واني عندي ثقه بشهم هوه يحل اموره وممنوع بعد اسمع هيج سوالف ابيتي الي تجيبلچ هالحچي اعرفها زين واعرف راح تاخذ حچي وتودي مشاكل بيني وبين اخواني مااريد والزواج يتم رضت مارضت ماكو شي اسمه فسخ وبعد حرف مااريد اسمع .

حلا ..
بقيت متوتره بدلت وطلعت قبل لا اطلع اجت انسام گالت وين فونچ حمزه حرك البيت حرك عليچ ولو يگدر جان اجه من دوامه هسه حته يكسر راسج

..لچ ليش شكوو شصار
..اخذي حاجي وبعدين افهمچ
..ألوو
..حلا لچ انتي على شنوو ناويه وين تردين توصلين اتمنيت اني يمچ الا اكسر ضهرچ كسر لچ شمسويه انتي شمخربطه
..حمزه شكوو شصار
..لچ شگايله الشهم انتي شنو ماتحبينه وشنوو متگدرين تحبي مجدي منچ هوه شتشوفينه بي شي وذاب نفسه عليچ انتي شنو اشايفه نفسچ 
مو اني اخوچ واحترمتچ وگعدتچ يمي وسألتج اكثر من مره وگلتي موافقه هذا الحچي شنوو
..بقت بس دموعي تصب ومااعرف شحچي حچه وغلط الحد مسد التليفون جاوبته برساله
..هوه گلك هالحچي
ردلي
..لا ماحچه شي بس كلها درت بالموضوع هيه هاي المشكله الحچي منچ طالع
..حمزه والله والله وغلاتك اني محچيت بس الأمي وخواتي وتندمت وهسه اني رايدته ومتمسكه بي والله مو مني الحچي
..خلي امي تخابرني ع السريع غضب الله عليجن وع الدوام الي مربط اديني ورجليني

طلعت افتهم الصار من حاچيتهن امي وخواتي وهنه هم عرفن الموضوع
گالن ماكو غير من رحتي تبدلين احنه اجتمعنه بالمطبخ
وزوجة عمي علي چانت موجوده بس بالصاله هيه وبنتها وضلينه نتناقش بالموضوع اكيد هيه الي وصلت هالحچي لأن اختها زوجة خال شهم
ماكو غيرها بعد
عرفو الموضوع بس بقت غصه بگلبي وشهم شنو موقفه وهوه مأكد عليه مااگل الأحد اني اتسرعت وحچيت الأمي وره ماحچيت يلله وصاني
بعد ماامي شرحت الأبوي الصار
ابوي هم رجع حچه عليه وحيل اذاني بكلامه اكيد هوه من حرصه عليه وجان خجلان من عمي وشهم هم
گلي السويتي ماينسكت علي ولو ابن عمج مارايدج وخله النه خاطر چان عافچ بنفس اليوم
المفروض تحمدين الله وتشكرينه على شهم واخلاقه راح اروح وافهمه واعتذر منه شهم اعتبره ابني وبسوايتج هذي كسرتي عيني مستحي شلون راح اشوفه واني الضاهر ماعرفت اربي زين
طلع وابوي البيت عمي واني ضليت ابجي
اتصلت علا على امي وگلتلها كل الي صار وشلون عمتي محاجيته وهوه راد عليها
بوكتها صدگ احتقرت نفسي وحسيت روحي وحده انانيه اني من البدايه غلط اعرضه الهيج موقف
رحت للفون لگيت ١٥مكالمه وعشرين رساله
بيهن شعر من قريته حسيته نها كلشي
بعتاب
الرسائل الي بعدها داز
..ليش حلا .اذيتچ اني ليش هيچ تخلين اليسوه والميسوه يحچي عليه
..ليش تخلين الحچي يطلع تتباهين بحبي الچ لو باذلالج الي
..اني شوصيت وشحچيت ردت انطيج فرصه بس الضاهر انتي استعجلتي عبالي تشوفين بيه شي زين بس انتي كتلتي كلشي حلوو بيه
بعدها داز رساله دمرتتي ماعرفت شلون اتصرف بعدها
گليلي شي يخليني اكرهچ
گليلي شي يخليني انساچ انطيني شي يخليني استقر من اذكرچ.. اخذي صورتچ من خيالي
ورجعيلي گلبي وراحة بالي.. رجعيلي روحي السكنتچ
رجعيلي كلشي الي واخذي كلشي الچ
اخذي روحي وخلصيني ..
حلا انتي رايده نترك چان گلتيلي
اعوفچ والله اعيش بعيد عنچ ومخليلچ صوره حلوه ابالي
احسن ماانتي يمي وتحاولين تهينيني
وتكرهيني حته نفسي

من قريت كلامه حسيته شگد مجروح ومتأذي يامرحله اني موصلته
خابرته
رن مره مرتين ماكو رد
اتصلت ثالث مره

شهم ...
بعد مااتصل عليه حمزه ماحبيت ارد على احد وعفت الفون وره شويه رن مرتين الثالثه شفته
جريت نفس وجاوبت
چنت مخنوگ حيل قريت الها هالقصيده بصوت هادئ
ألوو..
..دورلي عذر وصدگني معذور
اخاف اقربلك اني وابتلي بيك
طول اليوم شاغل بالي وياك
اخطط من اشوفك هيچ احاچيك
واذا اوگف گبالگ انسه الحروف
يلف الخجل وجهي لما الاگيك
واعض شفافي حسرة ليل مشتاگ
شوكت اني الي بيه يصير يعنيك
نهر انت شحيح مغازلك ليش
وشنو نفع النهر لو مايرويك

..شهم.. حاچيته بصوت مخنوگ
..اعرفت من صوتها هيه تبچي
تنهدت واحس بگلبي سچاچين وجبل من الهموم على ضهري جاوبتها
..گولي
..شهم والله مو متقصده والله حچيت الأمي وخواتي قبل لتوصيني مااحجي بس طلعت گتلهن ورزلني ومقبلن عليه واني اصلا تندمت لأن حچيت هالشكل بس والله مو قصدي اسببلك مشكله والله
..أي
..ممصدگني موو.. اقسملك بالله وجدنه محمد محچيتها بقصد ولا قصدي اذلك مثل ماانت مفكر

..ألذله اني جبتها النفسي اذا اكوو لوم اللوم عليه مو عليچ
..شهم انت راح تتركني
..انتي تردين هيچ ليش تعيشين وي شخص مستحيل تحبي من حقچ تحبين وتنحبين يمكن هيج احسن النه
..شنو الأحسن شهم تتركني بهالوضع ليش تتركني هسه ليش بعد ماعلقتني بيك
..مامتعلقه بيه ابد.. تنسين
..وانت تنسى
..أني ماانسى
..يعني تحبني
..أي احبچ.. رايده تسمعيها بعد مني
احببچ واموت عليچ هذا الهوه من اتنفسه واني قريب من بيتكم احسه يختلف عن باقي الهوه
احبج بحيث من حبيتچ رخصت نفسي
وكرهت نفسي الي توصلني الهالذله وياچ
حبيتچ وماكو يوم ماتخيلتچ الي مرتي ام بيتي
ادللج وانطيچ كل مشاعر الحب والأحترام
وهذي احلامي وصلتني الطريق ميلوگلي ..
اني وياچ اختلف ليش
ليش مااعلي صوتي عليچ وحته واني مقهور نبرة صوتي تخوني وتهدأ
ليش عصبيتي وياچ تنگلب حنيه
حلا كرهت ضعفي وياچ وكرهت نفسي وماكرهتچ
گليلي شسوي انطيني حل اريد اخلص
سنين واني افكر بيچ وانتضر يوم يوم تكبرين وتصيرين الي ومن صرتي الي شنوو الي صار
شنو الحصلته منچ غير المغثه وحرگان الگلب وياريت لو بس على ذني لا كل هذا ميكفيج لايكفيج حب ولا احترام ولا شخص ميريد من الله كلشي بس كلمه منج تثبتله حبچ كل هذا ميكفيچ لمن خليتي الكل يحس بيه مذلول وطالب رضا الخاتون حلا
يلله هسه حنيتي وجايه تعترفين وتعاتبين شلون اعوفچ وانتي متعلقه بيه ..متعلقه مو غير شي
احچي صح كلامي لو مو صح
حلا اني تعبت تعبت اريد ارتاح
راحتي بالحالتين فاقدها مااريد افقد كرامتي وياچ
اعتبري كلشي انتها ويجوز الصار بي صالح النه
سديت الخط وغلقت الفون
وماحبيت اروح الأحد صار الوقت متأخر رجعت للبيت صعدت بدون مابررت الأحد شي ولاحاجيت واحد منهم
افكر السويته صح اي هوه الصح لشوكت ابقه هيج اني بس هذا الصح يريحني
راح ارتاح لو ابقى مهموم اريد اتنفس مثل العالم ليش احس روحي مخنوگ
أريد انام واتمنى مااگعد

يتبع ..