رواية أحبها فياليتني احصل على حبها الفصل الحادي عشر 11 - بقلم نور الشمس

خليت راسي ع المخده
اريد عيني تغمض مااگدر اكو شي يخنگني
يارب اريد ارتاح كلشي مااريد
حاولت مگدرت انام
اخذت باكيت الجگاير وفتحت السطح
اريد اتنفس ليش النفس ضاع عليه
اني شبيه هيچ
ماكو نفس احس ضاگ صدري

نزلت جوه صح زعلان على أمي بس محتاجها
اريدها تقره عليه تدعيلي كل مره من اتمرض
لو احس نفسي متضايق اخلي راسي بحضنها واغمض عيوني وهيه تقرالي وتدعيلي الحد مااحس روحي اكتفيت
نزلت
علا صارت مقابيلي
سلمت عليها ردت السلام مشيت عنها اروح الغرفة امي
صاحتني
شهم
..انداريت عليها گولي علا
..شهم تره كل الصار والله مو قصدنه بي شي ولا حلا قصدها تتغلا عليك هيه تسرعت بس والله مو متقصده يطلع هالكلام اذا اكو لوم هوه علينه احنه من عدنه طلعت نسينه يمنه مرت عمي وحچينه
..علا هذا هوو صار الي صار بعد ماكو لوم على اي احد اذا اكوو لوم عليه اني بوقتها من اسمعت هالحچي المفروض اخذ موقف مو هسه
..شهم ابوي اجه عليك اكثر من مره يريد يشوفك وحمزه كل شويه يتصل يسأل عليك انت غالي بالنسبه النه مو ابالك علمود حلا
..اعرف والله وانتو اغلى بالنسبه الي عمي يجيني على شنوو اذا يريدني اني اروحله واتفاهم وياه وحمزه اني اتصل عليه ليضل بالچ
هشام وين
..هشام موجود يم عمي
عفتها ورحت امي ماده مصلايتها تصلي صلاة الليل اعرف هذا وقت صلاتها وگفت بالباب اباوع الها
شويه سلمت واشرتلي اگعد
يمها
دخلت بدون مااحچي حرف گعدت وعيني عليها
شفتها لمت مصلاها ودنت عليه
اكو يمها فوطه شديت بيها عيوني وخليت راسي بحضنها
ماحچت شي افتهمت شمحتاج
اسمع صوتها قرتلي
سورة الأنشراح
ارتاحيت وبقيت على نومتي گعدت بصلاة الفجر لگيت جوه راسي مخده ومتغطي اعرفت امي الي مغطيتني توضيت وطلعت اصلي وي اخوتي وابوي
من خلصت صاحني ابوي گلي
..شهم تعال نحچي
..گول يابه
..يابه انت ليش هيج شصاير بيك وين شهم الي اعرفه الي بيك حته مايلوگ بأسمك انت السبع الي مايهزك شي من مشكله عاديه هيچ تنهار
امشي ع الي تريده شنو تريد اني وياك بس البنيه بعد ماتعرفك انت شنوو .من تشوف حبك واهتمامك غصبا عليها تحبك لاتضوج وليدي اريد اشوفك مثل قبل
..يابه مو بيدي مااعرف اريدها ومااريدها اريد انهي كلشي وارجع الگه نفسي مااريد غيرها
كل الأريده هسه تنطوني وكت اعرف اني شنوو وهيه هم تعرف شتريد اني البارحه بلغتها  راح انهي كلشي بس راح انطيها وانطي نفسي مجال بدون ماتعرف بعد متمسك بيها اذا رايدتني هيه راح تبينلي هالشي واذا لا ماكو فرق عدها اني هم كرامتي تعز عليه اعيش بكرامه ومامرتاح احسن من ما ابقه لاراحه ولاكرامه
..كرامتك محفوضه سوي اليعجبك شهم بس عمك لاتزعله منك فهمه الصار وشنو تريد حته ليضل اباله شي
..صار يابه ..طلعت من ابوي ارد اصعد صاحتني امي
..شهم يمه زعلان مني
..مشكلتي مااگدر ازعل لامنچ ولامنها اثنينجن راحتي يمجن وانتن اتعبني زعلان ومانمت الا بحضنچ زعليش هذا ابتسمت الها اكيد مااگدر على زعلچ يمه اني مو زغير ولا مااعرف اتصرف تعرفيني كلش زين لتخلين الحچي ينسيچ اني منوو وشنوو يعني ابالچ اني ذليل ومكسور بس لأنو هالحچي وصل لأخوانج تعرفين يمه حته الحچايه متوصل نفسها البارحه طريقتچ وياي اذتني عبالك طفل اني وتملين عليه شروط صار هواي ممتعاملين وياي هالشكل من جنه مراهقين انتي جنتي تحترميني وتعتبريني عاقل وقراراتي مدروسه
شنو الي تغير هسه بعد ماكبرت وهسه بعمر ال٢٦
..حقك يمه انت براحتك بس اني ردتلك الزين واذا بيها صالح الك الله يجمعكم ويهدي سركم واذا لا الله يبعدها عنك اني والده وغصبا عني أريدلك الزين مااريد احد يمن عليك بشي حته لو بكلمه
..محد يمن ان شاءالله انتي ارتاحي واني اقرر شنوو اريد تأكدي مراح اخييب ضنج ولابيوم انزل من كرامتي الأي احد
..ربي يوفقك وليدي

من حاجيت امي ارتاحيت
كمل يومي وحاولت اشغل نفسي بأي شي
قطعت كلشي بيني وبينها لا اتصال ولاروحه ولارسائل
بس غصبا عني ابقه افكر بيها واشتاقلها واحن الها احن الكل موقف جمعنه بهذي الفتره

حلا..
من حاجاني ونها كلشي ضجت واحس روحي اختنگت بعدين گلت هذا هوو هوه ميمهني اني ليش ضايجه
بس اكو شي بداخلي يذكرني بي يمكن صدگ متعوده عليه فتره وانساه
عادي
حاولت اقنع نفسي بهالكلام بس بداخلي اتگطع
معقوله حبيته
اتذكر ابتسامته بوجهي وعيونه الي يسحرن ماچنت اشوفهن هيچ
گمت اشغل نفسي بأي شي وره فتره الگه نفسي افكر بشهم وجياته وكلامه والغزل
ارجع واگول مستحيل يتركني هوه ميشوف غيري ويموت عليه مستحيل يروح الغيري
وره يومين الشغلنه شي ثاني
حمزه الفوج مالته متحرك المناطق ساخنه
وهذا الشي قلقنه
صح نتصل بي كل شويه ومرات نحصل ومرات لا بس ممقطوعه اخباره عنه.. باقي الأجازته يومين
وذني اليومين صارن علينه بسنتين
بيتنه خييم علي الحزن والقلق قبلها مشكلتي وهسه الكل يفكر  بحمزه محد فتح موضوعنه
امي وريحانه كل شويه وضلن يبجن نحاول نهديهن واحنه نريد من يهدينه
حمزه  مو بس اخو النه حمزه صديقنه واخونه الوحيد الي يسندنه
عمره ماضوجنه اول مره حچه وياي بهالطريقه لما حاجاني علمود شهم واعرف كلش زين من حرصه عليه وخوفه على علاقته بشهم همه من الصغر اصدقاء كلش وحمزه قريب الشهم اقرب من اخوته

بقينه ندعي من ربي يرجعه سالم
بعده عريس
شهم بقه ميتواصل وياي وكل شويه يتصل على ريحانه يگلها حصلته زين ويسلم وهيه من تخابر حمزه وتحصله هم تخابر شهم
مااعرف ليش من يتحاچون احس گلبي ينشرح ودي يسأل عليه يذكرني بس مچان يجيب سيرتي ابد

ريحانه ..
احس روحي تلوب ادعي من ربي يرجعلي سالم شوداه هناك مكانه جان احسن
يارب مالي غيرك بعدني مشبعت منه هذي اول مره يداوم وره زواجنه
عمي وعمتي يكسرون الخاطر واني مااعرف شسوي
صارت روحي بشهم كل شويه اتصل بي اگله فدوه گله خل يرجع
..رحانه حبيبتي ادعي من الله يسلمه وربنا ميقصر شلون يرجع غير بواجب هوه تصورين حمزه من اگله هيج يسمع كلامي خلي ايمانج بربج
...ونعم بالله بس الخوف كاتلني
..لتخافين ماكو شي ان شاءالله چنت احاچيها واصبر عليها واني الخوف كاتلني
صار وقت النزول ونريده بس يگول طلعت حته نرتاح
اتصلت حته افتهم منه طلع من دوامه بعده
..الوو حمزه اجيت بعدك
..هلا شهم لا ولله ياابني عمي ماكو نزول عدنه انذار واللوضع موشي بيني وبينك انطينه هواي شهداء ونحاول نصمد وجاي تجينه تعزيزات
بس لتبلغ اهلي ولاريحانه گللهم عنده انذار وبس
..حمزه خوفتني عليك شصاير
..لاتخاف يمعوود عليمن هالخوف والله بنص الموت اني وماخايف على شي خوفي بس على ابوي وامي والبنات والا ريحانه ادري بيها انتو موجودين ومراح اتركوها
..حمزه شلك بهالحچي هذا خاف على روحك وبس نريدك سالم وكلشي منريد وخواتك حالهن حال ريحانه بس انت غير عنه دير بالك على روحك الخاطرهم حمزه بأمانة الله ورسوله وجدك موسى أبن جعفر
..ونعم بالله وبرسوله وال بيته
..حبيبي كل شويه دزلي رساله ريح بالي
..ان شاءالله ليضل بالك جريت نفس .شهم
..گول حمزاوي
..حلا امانتك ادبها بس لاتكسرها
..حمزه كافي جاي تأذيني والله ليضل بالك حير بنفسك ربي ينصركم
..مع السلامه
..الله وياك
سديت الفون واني القلق ذابحني وكلامه قلقني اكثر
ضل ابالي عمي
بدلت وطلعت اشوفه شمحتاج مامحتاج

حلا..
چنت بالمطبخ اغسل مواعين ع السنك
واندگت بابنه طلع ابوي شفته سلم على شخص وسلامه مال خطار عزيز ع الوالد من نبرة صوته والسلام
ركزت زين دخل شهم بقيت بمكاني الماعون بيدي عبالك جمدت اسمع المي يجري بس بالي مو يم شي بالي يم شهم
أول مره اشوفه هيچ
طوله جسمه ملامحه .الي كلها وسامه عبالك اول مره اشوفه وين چنت عنه قلل ليش ماچنت اشوف كل هذا شنو الغشاء الي چان على عيوني
بقه ابالي معقوله جاي عليه جاي يشوفني يسأل عني
اكيد عرف نفسه صار هواي مقاطعني وجاي يريد يعتذرلي او يوضحلي الصار لأن اني اعتذرت منه بس هوه ماقبل اعتذاري وجرحني
بس يحاچيني راح اعنرفله راح اعترفله اگله اشتاقيت الك
الهمسك للغزل الكلشي منك مشتاقه كل كلمه چنت اسمعها ومااحس بيها
كلهن باقيات ابالي حفظ بدون احسلس بس بغيابك من اذكرتهن تغير احساسي
بقيت انتضر منه يدز عليه
اجت امي اخذتله جاي ومي
گالت قدميهن اله
گتلها لا هوه زعلان مني اذا دز عليه اروح اذا لا معناها ميريد يشوفني
رحت بدلت ورتبت نفسي وتعطرت وبقيت انتضر منن يصيحني
اطلعت للمطبخ شفت ابوي ؤاجع من الباب ودخل للهول
عرفته طلع هنا ضجت حيل واحتقرت نفسي مو غني مااريده ومااهتمله ليش اسوي هالحركات هذا هو كلشي انتها
اني غبيه غبيه عبالي صدگ يحبني طلع تفكيره يخليني احبه هوه يريد مني اني اگله احبك وهوه الي يذلني ولاتسمع هالكلمه مني بعد
دخلت الغرفه  غيرت ملابسي وطشرت اغراضي وبدت دموعي تنزل
اني شريد وليش مهتمه مو هذا الأريده مو طول عمري چنت مااريد شهم زوج الي المفروض هسه افرح المفروض ارتاح
ليش ضايجه على شنوو
شويه واندگت الباب
مسحت دموعي وعدلت شعري فتحت الباب
..هلو ريحانه
..هلوو حلا شبيچ
..مابيه هذا الكحل ردت اجربه ملائم عيوني
..على شهم موو
..لا
..حلا تره شهم يحبچ بس هوه مجروح منچ
..لا شهم چنت شي صعب بالنسبه الي ومن حسني اتعلقت بي وحبيته تركني هوه اصلا سكوته بيوم العقد على كلامي لأن راهني گلي راح انتي تحبيني ومن حس بحبي تركني راد يثبت النفسه انو هوه مينرفض وهسه صار الي يريده
..مو هيچ حلا انتي متفكرين بعقل شغلي عقلچ وعرفي انتي شنوو تردين اعتبريني اختچ وانصجج
طلعت منها مقهوره وبگلبي حچيت والله متستاهلين شهم متستاهلين حبه ابد ماكو عقل عندچ
رحت اتصل على حمزه
اتصل مره مرتين تلاثه ماكو رد
هنا الخوف سيطر عليه واحس جسمي بده يرجف مثل السعفه
مااعرف شلون اتصرف لا اگدر احچي جوه اخاف عمي لو عمتي يتأذون ضليت احاول واحاول
تركت الجهاز
شويه واتصل عليه رقم غريب
اول ؤنه مفتحت تركته بعدين تذكرت اخاف من طرف حمزه محذرني مااجاوب رقم مااعرفه شلون
رن مره ثانيه تركته كوه الثالثه بس رن فتحته واني ارجف من الخوف مية فكره اجت ابالي
احد من جماعته وهوه صارله شي
جاوبت وصوتي يرجف
..ألووو

يتبع ..

البارت بدون مراجعه