رواية أحبها فياليتني احصل على حبها الفصل الخامس عشر 15 - بقلم نور الشمس

اجتني حلا طلبت منها تطلعني ونحچي وحدنه
..حمزه صاير شي احچي
..حلا تعرفين كلش زين شهم رايدچ ويعتبر شرعا زوج الچ انتي شجاي تشوفي ليش وياه تتصرفين تصرفات مو يم شخصيتچ ليش وي شهم بالذات تتغيرين لأن يحبچ تحبين تحسسينه بضعفه لو مجاي تتقبلي ابد جاوبيني حته افهم
..حمزه انتوو ليش هيج تشوفوني يعني ليش هيج مفكر بيه
..لأن هذا الي جاي نشوفه
..مو صح هالحچي اني مو ممتقبلته ولا احاول ابين ضعفه يمي بس الضروف الي حكمت وهيچ صار
صح تسرعت وحچيت كلشي اله انو اني مااحبه وهالكلام بس مچنت اعرف راح تتغير مشاعري اتجاها مو اگلك اني هسه احبه لا بس تقبلته واني چنت ممتقبلته نهائيا
..ليش وافقتي اذا ممتقبلته جاوبي تره موضوعچ دوخني واحس وراچ شي حلا اني مو غبي ركزي وياي زين وفهميني كلشي شنوو اليخليچ توافقين على شهم واني بنفسي گتلج مراح نجبرچ ليش تورطينه وياچ
..ارتبكت حيل وسكتت شفته حيل عصب جاوبته ماوراي اي موضوع شعندي قابل چنت مااحبه بس وافقت مجبوره انتوو مجبرتوني بس تقاليدكم تجبرني يعني شهم احسن واحد بأولاد عمي واني لو اموت مراح تزوجوني الغريب هذا شيسموو جبر لو لا
..لما انتي اتعرفي احسن واحد شنو رايده بعد ليش متحمدين ربچ وتمشين عشعجب؟
ا سمعيني زين تمشين عدل وياه لا والله ووحق علي
اني انهي كلشي واخلي يشوف غيرچ اسلوبچ هذا غيري واذا عرفت اكوو شي مااعرف بي تعرفين شراح اسوي مواضيعج هذي مجاي تدخل مخي مو غشيم اني وتمشيهن عليه مااعرف ليش ممرتاح صار فتره افكر شنوو الي يخليج توافقين من اول مره حاجيتج واعرف محاجينج على شهم لما مالين چنتي ترفضين والزييد شكوكي بيوم عقدچ تعترفيله انتي مرايدته  ولا راح تحبي
هذي سوالف المسلسلات والأفلام الي ماليه دماغچ بدليها وامشي عدل فهمتي
..خفت حيل من كلامه وجسمي صار ينفض حسيت راح ينكشف موضوعي والأفكار بدت تودي وتجيب بيه مجاوبت شي بس دموعي نزلت
من ردت اگوم عنه صاحني
..حلا لو متهميني ومااخاف عليچ محاچيتچ بهالطريقه اني مربط مااعرف شلون اتصرف وانتي جاي تزيدين همي احسج مو على بعضج
اذا ماعندج شي حاولي تكسبين ابن عمچ من يجي گعدي يمه حاچي مو تختفين واذا متردي گليلي واني اگله وانهي الموضوع من اصله بس لتتلونين وياه لتخلينه متعلگ ساعه رايدته ساعه تقاليدكم جبرتني ذولي احنه وهذي تقاليدنه وصدگي لو شهم مو ادمي مااخلي اي احد يجبرج ولااعترف بالتقاليد من اساسها انتبهي التصرفاتچ واتصرفي طبيعي حالچ حال اي وحده مخطوبه اصلا عيب اني احچي وياچ بهالموضوع بس ماكو غير طريقه هسه روحي نزلي وفكري بكلامي زين

حلا..
مااعرف شصار بيه توترت حيل صدگ حچيه اني شنوو اريد رامي الي حبيته وچنت مأمنه بي تركني بدون ميبررلي شي ومن اقارن بي وبين شهم فرق بينهم كلش كبير شهم احسن بهواي من كل النواحي والأهم يحبني وصابر عليه وابن عمي يعرف اني شنوو ليش جاي ابعد عنه وممكن اخسره واخسر اهلي الهالدرجه تصرفاتي تثير الشكوك حمزه الي عمره ممحسسنه انو هوه يراقبنه او متخوف منه اليوم واضح علي القلق وبينلي شكوكه اكثر من مره
بس اني هواي تغيرت مشاعري بديت اشتاقله واحبه بس مااعرف ليش مجاي ابادر بشي وابينله حبي
تعبت والتفكير تعبني
مااعرف احچي وياه اطلب منه يفهمني اكثر
لو لا
لزمت الفون بيدي طلعت رقمه ترددت اتصل
مااعرف ليش اتردد
خجل لو اكابر معقوله صدگ وياه اختلف
واحب اشوفه ضعيف بحبي ومااتنازل اله
معقوله اني هيچ
قررت اتحده نفسي اتصلت

شهم ..
رجعت للبيت فرحان وانطيت الأمي واهلي خبر وفرحوو هواي الكل جان اباله اكو احتمال ميصير عنده جهال
صحت علا وهشام
..شلونك هشام مبروك راح تصير خال وزوجتك تصير عمه
..الف الحمدلله الله يبشرك بالخير
..الله يسلمكم يوم الألكم وافرح بأبنكم
صعدت الغرفتي غسلت وارتاحيت تمددت
خليت اديه جوه راسي وغمضت عيني اتخيل حياتي وي حلا معقوله راح ننجمع وتجمعنه غرفه وسرير
اووف كلشي مااريد اريد ساعه وياها وحده وبعدها خل شيصير يصير
ساعه وحده بهالساعه كون تحبني مثل مااحبها ونتبادل نفس المشاعر
شوكت احس هالأحساس شوكت ارتاح
ياربي ريحني لو تموت هالگلب واخلص
اريد انام مرتاح انام بدون ماافكر بيها مو حب هذا مرض بلاء وابتليت بي
شگد احاول اكابر ومن اشوفها كلشي يختلف عندي
ليش تخربط كل موازيني ليش وياها اضعف
احس گلبي يطلع من مكانه
ودي يوم تتلگاني ملهوفه على شوفتي ودي يوم نگعد سوه تطلب مني تحتاجني ليش بس اني احتاجها
رنة الفون قطعت افكاري
شويه وانقطع
منو حلا تتصل معقوله
زين ليش قطعت الأتصال
افكاري تگلي شي ميخصك احتمال محتاجيك عمك او حمزه بس گلبي يگلي هيه مشتاقه يمكن او حست بيه
ترددت اتصل لو لا
اتصل لو انتضر منها اتصال شويه واجاني مسج
..شلونك شهم
..الحمدلله منو معقوله حلا؟
..ليش ممعقوله اي اني حلا والله
..شعجب محتاجين شي حمزه عمي اكو شي
..اني شعليه بيهم اني حبيت اسأل عنك
..بشوفة حروفچ اني بخير اكيد ..بس شعجب؟
..شنوو العجب؟
..سؤالچ عني وعن حالي
..ليش
..هاي الليش هواي الها اجوبه يطول الشرح بيها اني اريد افهم منچ لتجاوبين سؤالي بسؤال
..اكوو وحده تسأل على خطيبها او زوجها يگلها ليش
..من قريت الكتبته ابتسمت وحيل فرحت جاوبتها
..اكيد الي مثلي يسأل لأن ممحسستني بأهتمام ولاامر على بالچ اكيد احب اعرف شنوو الغيرچ
..اني هم مااعرف شنوو الغيرني كل الي اعرفه اني محتاجتك محتاجه تفهمني وتعرف انو حلا القديمه مو نفسها وياك هواي اشياء تغيرت بداخلي وبديت تاخذ مساحه بتفكيري وبگلبي
..يعني اكو امل انحب مثل مااحب لو يبقه حبي هوه الي متغلب
..مااعرف بنسبة حبك شگد بس الي اعرفه راح تشوفني شلون احبك وشلون اتغير على ايدك
..اعتبره وعد منچ لو مجرد كلام
..اعتبره وعد
..حلا هالوعد مو كافي مااريد كلمة احبك وبس اريد اشوف الحب بعيونچ بتصرفاتچ مااريد كلام اريد شي ملموس وراح انطيچ وقت شگد متردين ممجبوره تگليلي احبك وانتي محاستها فهمتيني
وهسه ياروح شهم وگلبه انتي انتبهي الدراستچ ومستقبلچ اخاف سمامعه شي من احد لتهتمين الكلام احد اني ميهمني كلشي ميهمني اعترافچ بقدر اهتمامچ والي يكلمچ بهالموضوع گليله شي بيني وبينه خاص لتنطين الأي شخص مجال يملي عليچ شروط انتي ممفطره بيها
..انصدمت شمعرفه اني حاچين وياي جاوبته
..شلون عرفت حاچين وياي
..اعرف لأن لو ممحاجيج مچان حاچيتيني هالوقت حلا لتخلين احد يضغط عليچ بسببي اني اعرف انتي شنوو واعرف شنوو تفكيرچ وانتي مغشيتيني ولا وخليتيني بوهم گلتيلي مااحبك واني تراهنت يجي يوم واسمعها منچ بس مو بهالطريقه اريد احس بيها مو بس كلام ينگال
مستعد اصبر عمر اذا النتيجه چانت اسمع كلمة احبك منچ بس توصلني احس بيها مو مجرد كلام فتحتي موضوع وياي وهوه مو مال رسائل اذا وحدچ اريد اتصل بيچ عادي
..عادي اتصل

الوو
..هلا حلا ادخل بالموضوع لو انتي تگليلي شنو الي خلاج تراسليني وتحچيلي هالكلام
..مااعرف بكيفك صدگني الكلام الگلته مو كذبت بي ولا بالغت بس صح احساسك اهلي جاي يلوموني انو اني مااعرف اتصرف وياك وممكن اخسرك وجاي يشوفوني اتكبر عليك او استغل حبك
..وانتي شتشوفين
..اني اشوف نفسي حايره مااعرف شنوو اريد ولااعرف اتصرف بس الكلام الگلته الك وتغيير مشاعري اتجاهك حقيقه هالشي
..واني مااريدج تحتارين ولااريد احد يضغط عليچ بسببي
اريد الكلام الگلتي تگولينه الي بأحساس صادق وبدون مضايقه من احد معليچ بأهلچ واهلي ومعليچ مني فكري بنفسچ وبس وشوفي نفسچ راضيه لا
تنهدت حلا تعرفين شگد احبچ
ومااشوف بالدنيا غيرچ انام واگعد على نفس الحلم انتي الي وكلامچ هذا فرحني بس بنفس الوقت خلاني احس بأحساسچ اني اريد تحبيني بدون سبب هيج مثل مااني حبيتچ واذا محسيتي بهالشي لتگليلي احبك الأي سبب لأن راح اعرف هالكلمه صقه لو لا
عادي عندي احبچ بدون مقابل احسن بهواي من مااحبچ حب صادق وتمثلين عليه دور الحبيبه والولهانه مو جاي انتقص منچ لا والله
بس مااريد تحملين نفسچ اكثر من طاقتچ
..شهم شلون اتصرف وياك انت هم حيرتني والله انتو محد حاس بيه كلكم تردون مني ومحد يعرف البيه شنوو
..شنوو البيچ ياروح شهم مو جاي اگلج اني لأن احبج ماريد احس اني مسببلج مشكله واحراج انتي مقتنعه تزوجيني خلاص نتزوج وبعدها اكيد راح تحبيني وتگوليها الي بصوره اوضح واجمل من النطق واحلى مواقفچ هيه الي راح تثبتلي
..يعني انت بعدك متمسك بيه ورايدني
..تنهدت ياالله شگاعد الغي اني شنو هالسؤال
..ليش الكل يحسسوني انت تاركني وممهتملي ومتغيير عليه
..وانتي شعليج بالكل ليش متشوفيني عكس ميشوفوني همه اني مشاعري الچ المفروض انتي تلتمسيها شعليچ بالكل
..شهم اطلب منك طلب
..روحي الج
..تسلم روحك الي اريده نبقه على تواصل اني وياك افهمك وتفهمني اكثر ممكن
..اكيد ممكن هذي يرادلها لعب الچوبي العبه اباب بيتكم لچ والله گلبي خلصان اني ويوميه الف موته اموت واني افكر بيج تالي تگلي ممكن نتواصل
..هههههه
..اي ضحكي حته الدنيا تضحكلي هيچ اريدچ وياي دائما فرحانه مااريد اشوف نضرة الحزن الي بعيونچ
..تعرف انت حيرتني
..ماعاش الي يحيرچ ليش
..اگلك احبك ومشاعري تغيرت مقبلت وممقتنع گتلك نتواصل فرحت ليش عود
..لأن هذا الصح انتي مفاهمتني ومتعرفين تفكيري شنو ولامقدار حبي الچ ولأن حجيتي الكلمه بدون احساس محسيتها صادقه منچ عبالك شخص وگايلچ حاولي تكسبي وحبيتي اطبقيني بهالكلمتين بس التواصل اني محتاجه محتاج اتواصل وياج اكثر لهذا فرحت
..شهم فدوه لتعلقني بيك وتتركني الأي سبب مهما سمعت عني او وصلك كلام خلي ابالك قبل مچنت افكر بيك بس هسه كلشي اختلف لتتركني اترجاك لأن بديت ماارتاح الشخص گد ماارتاحلك
..شنو مناسبة هالكلام لو اگدر اعوفچ چان عفتچ من زمان بس حبچ صار الي بلاء واني راضي بقضاءالله وقدره يمكن انتي قدري
..هسه اني صرت بلاء
..واحلى ابتلائاتي حلا
..ها
..احبچ وراح ابقه احبچ الأخر يوم من عمري
..مهما صار ومهما گالولك
..مهما صار مراح يتغير شي حبي الج اذا ميزيد مينقص

يتبع
البارت بدون مراجعه
عذرا ع الأنقطاع لكن توقفت احترام المصاب ال البيت عليهم السلام
والبارت اليوم كتبته وبعد ممراجعته