رواية أحبها فياليتني احصل على حبها الفصل الرابع عشر 14 - بقلم نور الشمس

حبيبي ان شاءالله تتحسن انت بس ارتاح
هسه گلي انت محتاج شي اجيبلك شي
..لا محتاج اتمدد بس واريدچ انتي يمي
..حاولت اساعده حته يتمدد مگدرت هنا شفت الحيره والضوجه بعيونه ردت اخفف عنه گتله
..تره اني جسمي مو قوي بس شكل اليشوفني يگول ماكو هيچ
..لتلومين نفسچ اني جسمي ثگيل عظم وعضلات حقچ عادي انتضر شهم يجي يساعدني
..ليش مو اصيح البنات وياي
..لا ريحانه خليني على راحتي
..براحتك حبيبي خليته شويه التها ع التلفزيون وطلعت خابرت شهم
..الوو
..هلوو ريحانه خير حمزه بي شي
..گعدتك من النوم اني اعتذر بس ماعندي غيرك استحيت اخابر هشام ورضا مااعرف ليش انت اقرب الحمزه احسه مينحرج منك
..عادي ولايهمچ بس قلقتيني شكوو
..عفيه من ترتاح مر علينه وچني ممخابرتك حمزه يريد يتمدد ومگدرت اساعده مقبل أكل الخواته يساعدني
..لچ بعده ممتمدد شبقه بي يمعوده شلون نسيت اني غير تگليلي من وكت جايكم اني
..فدوه مو تبيين اني متصله بيك
..ليضل بالچ وانتي هم لتحسسي انتي مقهوره خليج طبيعيه
رحت الحزه وساعدته مبينتله شي بقيت بهاي الفتره هواي اتردد على بيت عمي
چنت من ادخلهم احس نفسي كلها تتغيير
اكو شي بداخلي يتحرك احن الها والكلشي يربطني بيها
بقينه فتره منلتقي ابد
الا ان يوم عمي دز عليها واني موجود
گلها جيبي فراش الرجلج يتمدد هنا يمي
من يحتاجه حمزه يروحله
بهاي الفتره اني من الدوام ارجع البيت عمي وماارجع البيتنه الا ينام حمزه واتأكد بعد ميحتاج شي
من سمعت حچاية عمي حسيت بفرحه بداخلي
رغم البعد كان مني چنت اعرفها تجي مرات تريد تشوفني نفسها بس تجاهلتها وره الكلام الگلته الها اول يوم اجينه من المستشفى مكلفت نفسها واتصلت بيه
بقيت اكابر وادوس على نفسي زايد
جابت الفراش الي واجت
رادت تفرشه گتلها عوفي اني افرش
شكرا
ردتلي العفوو وراحت
صوتها وحده ياخذني الغير عالم
مااعرف ابقه هيچ اني دائما احبها لو يجي يوم واتغيير عليها ويتغيير حبي الها
اگدر اصبر اكثر لو اروح اصالحها وانهي كلشي
من طلعت عمي حاچاني
..شهم وليدي وگفتك وياي ماانساها نعم الأخ الي رباك متركتنه لحضه ولاعفت اخوك لو عنده اخ هم تعب وتركه وانت متعبت
..عمي ماسويت غير الواجب وحمزه الله يشهد اكثر من اخ الي وانت بمثابة والدي ماكو فرق
..هذا ضني بيك ابني ..ولو هسه مو وكتها بس لازم احچي وياك اذا رايد تاخذ مرتك اخذها لايأخرك حمزه تره يفرحلك وانت هم ترتاح اني ماعندي مانع
..لاعمي هسه مااگدر لمن يرتاح حمزه ويستقر وضعه يلله اگدر اخطي خطوه وهيه هسه تدرس خليها على راحتها
..أنت بعدك زعلان منها
..انحرجت من عمي دنگت گتله مو زعلان بس مجروح وجاي احاول اطيب جروحي بروحي وانسه
عمي يمكن صعب وياك احچي هالكلام بس مدام انت سألتني راح احچي
حلا اني رايدها مو خطوبه وزواج وبس وارد اكون عائله وعلاقه زوجيه وهذا الشي الي يتزوجون علموده لا ..حلا رايدها هيه بدون ماافكر بكل هذا رايدها شريكه الي ومااتصور اشوف بديل غيرها
بس مجاي احسها مرتاحتلي ومنطيها راحتها شوكت متحس نفسها تميلي او اقتنعت بيه وتشوف بيه شي واحد من الأشياءالحلوه الجاي اشوفهن بيها
ذاك الوكت اتزوج بدون تردد
حاليا هيه بالها مشوش جديده على فكرة خطوبه وزواج
وامتحانات جايتها هم خل تلتهي بيهن وبعدها نقرر بس اتأكد مراح اتركها وخلي بالك صافي من جانبي
..اني هذا الي ردت اسمعه هذا هوو انت اعرف

ريحانه ..
صار على زواجنه تلث اشهر واني التهيت وي حمزه احاول ارضي بس وصل مرحله صار اعصاب من كلشي واني بهذي الفتره گمت مااتحمل رأسا دموعي تنزل من يشوفني هيچ يتخبل بالزايد يگلي مو گتلچ متتحمليني روحي تركيني
وصل مرحله يطردني من يمه
وهوه حقه اني مااعرف شبيه
بس انتبهت النفسي اني التهيت ونسيت نفسي من زواجي الهسه ماكو شهريه وگلت اكيد من القلق والرعبه الي اكلتها على حمزه وحالتي النفسيه تركت الموضوع
بيوم اني دخلت الغرفه وشفت حمزه يحاول يجيب الريمونت يحاول ميلوحه قبلها چان الريموت عندي
من انطيته اله گلي انتي متعمده تبعدينه حته تحسسيني بعجزي وتحسسيني اني لاشيء بدونچ شفته صار اعصاب واني انذهلت حته مبررت شي النفسي شمر الريمونت ع الشاشه فقد ايش يمه وتلوحه ايده طشره
وبده يحچي
..ليش تهينيني بهالطريقه تعبتي مني انسحبي من حياتي بهدوء
..بس صوتك عيب والله هيچ تحچي بحقي حمزه ليش تأذيني اني مو هيچ افكر ليش تتهمني احس روحي اختنگت والعبره متكسره بصدر
صار اعصاب وكلامي زيد اعصابه خفت عليه اريد شي يهدي ماكوو
گتله اني تعبت انت شنوو يرضيك بس گلي اريد شي يرضيك
بعدني احچي وصعدوو عمتي وشهم
من شافني شهم احچي وياه واعلي صوتي خزرني وگلي اشش حچايه مااسمع منچ اطلعي
صحيت على نفسي وعرفت السويته غلط من نضرة شهم الي  بس احس عضامي ترجف ودوخه عندي كلش قويه ردت اطلع وصلت يم الباب حسيت المكان اضلم ويفتر بيه اريد الزم الباب احسه بعيد عني وهمه يحچون مااسمع شي ولاأگدر اصيح واحد منهم يسندني

شهم ..
چنت جاي من الدوام ومنتضر اصعد الحمزه اشوفه شمحتاج اعدل گعدته وادلك رجليه اونسه انزله جوه بده يتكأب وحالته تتأزم وشگد مااحاول اخفف عنه يبقه ضايج وحقه شاب يمشي على طوله رأسا يلگه نفسه بهالوضع خاصتا هوه عريس يعتبر
دخلت جوه وصاحتني عمتي اتغده وصاحت الحلا تحضر الغده مرات احس عمي وعمتي متعمدين يصيحوها كدامي
جاوبتها عمه حلا تدرس خليها هسه ريحانه تنزل تحضرلي غده
دخلت حلا گالت لاوقت استراحتي وسلمت عليه هالمره حسيتها ملهوفه او هيه الي محتاجه تشوفني من طلعت عمتي
گمت وگفت يمها
..ليش اتعبين نفسچ چان جايه ريحانه محضرتلي الغده
..لا هذا واجبي مو انت تعتبر شرعا زوجي
..تقريبا صح بس شنوو اليوم تذكرتي
..لا يوميه اتذكر بس اليوم اني گلت الأمي لأن تعبت منك وانت تتجاهلني
..انتي التعبتي
..هم گول انت مهتم
..لاوين مهتم اصلا مرتاح كلش بحيث من اخلي راسي ع المخده رأسا انام ماافكر بيج ولابخشمچ اليابس ولااگول مشتاق نصيت صوتي ولامشتهي منچ بوسه ولاحضنه ذني كلهن مو ابالي
..بده يحچي بجرأه مااعرف الساني انربط بعدني ممكمله شويه وسمعنه صوت صياح حمزه وچان ابد مو طبيعي
شهم..حلا ابقي هنا اني صاعد اشوف شكوو مو تصعدون وراي صعدت بسرعه لگيت عمتي قبلي
دگينه الباب مفتحوه فتحته اني شفت حوراء معصبه وتصيح معجبني اسلوبها خزرتها وگتلها اش ماريد اسمع منچ طلعي
اجيت اشوف حمزه چان منهار دنگت عليه ارد افهم منه صاح بصوت ريحانه شهم الحگ شوفها
تخربطت حاولنه نصحيها رشيت عطر وشممتها
تصحا شويه ويغمه عليها اخذتها اني وعمتي وطلعنه للطبيب

حمزه ..من شفتها وگعت انتهيت شگد عذبتها واني احس بتعبها ويأنبني ضميري وارجع اغثها اعرف مو ذنبها بس فقدت السيطره على نفسي بقيت بقلق وندم منتضر يجون
صحت البنات اجت حلا خابرت انطتني فوني وخابرت شهم
..شهم شلون صارت چان صوتي يرجف من القلق والخوف عليها واحساسي بالذنب دمرني المفروض بعدها عروس مو هيچ تقضي ايامها
..لتخاف حمزه ضغطها نازل بس هواي نازل وجاي يرفعوه الها بمغذي وطلبوو منهه تحاليل بعد النتيجه مطالعه
..صحت هيه
..تصحا ليضل بالك شويه ونجيكم
بقينه ننتضر وصحت ريحانه حاجيتها وحاولت اهديها بس چانت تبجي وندمانه مااعرف عليها ضغوط هواي صارت
شويه وطلعت التحاليل چانت عمتي حيل فرحانه اجت واول مره تضحك بعد حالة حمزه واصابته
باست ريحانه وگالت يمه انتي حامل
شفت دموع ريحانه ممزوجه بضحكه حيل فرحت وخابرت حمزه
..گول شهم خو مصار عليها شي
..لا مصار شي بس اني راح اصير خال
..شنوو يعني چنت ممستوعب كلامه ولامفكر بي اصلا
..يعني راح تصير اب
..شهم تحچي صدگ
..اي والله قابل اشاقيك يلله جايينكم
..هلا بيكم وهيه هسه زينه
..زينه لتخاف بس يرادلها راحه
..مااعرف بيومها حسيت ماكو شي يمنعني لارجليني ولاشي عن سعادتي عبالك طاير بالسما
بس حيل ضجت من نفسي شلون راح اباوع بعيون ريحانه
اول مدخلوو سمعت صوتهم جوه وامي تهلهل ودي انزل يمهم مااگدر اصعب شعور لما انت تريد شي بس متگدر ماكو شي يعينك شويه شويه اقترب صوتهم باركولي وطلعوو ريحانه چانت ماخذه على خاطرها مااعرف تعبانه
اجت گبل بعدهم وهمه واگفين تمددت ونامت على طرف السرير
من طلعوو مشيت الكرسي ودرت عليها
..ريحانه حبيبتي أني اسف والله مو قصدي مااعرف شبيه عذريني بستها براسها بقت مغمضه عيونها
ريحانه مبروك ياعمري مااعرف اعبر شي يبيين اعتذاري ولا اعرف اعبر عن فرحتي الي نطيتينياه اليوم شي خيال چان بالنسبه الي اشكر ربي اولا واشكرچ انتي شفت دموعها بدت تنزل
قربت عليها بصعوبه
ريحانه حبيبتي احچي شي عاتبيني احچي عليه بس لتسكتين
..من سمعت كلامه گمت حضنته وبچيت العبره خنگتني وماگدرت احچي شي دموعنه اختلطت دموع الفرح والندم اني چنت ندمانه على كل كلمه گلتها اله بساعة عصبيه ومقدره ضروفه ومزعلانه منه ابد بس چنت مستحيه ارفع عيني بعينه وهوه هم چان يحاول يبررلي ويعتذر عن تصرفاته الي اعرف هوه من حالته النفسيه والضوجه الي هوه بيها هيج يتصرف
همسلي بصوت كله حنيه حسسني بذنبي اكثر
..كافي بچي ياروحي انتي اني مااستاهلچ اعرف والله عذبتچ وملحگت اسعدج واونسچ
..جاوبته حبيبي اني اسفه وبعد متنعاد وشماتسوي بيه صدگني اتحمل مااعرف شبيه هيج تصرفت يمكن من الحمل واني مااعرف
..ياعمري انتي اني وصلتچ الهالشي عادي اني مسامحچ بس اريدچ تسامحيني ومااريد هالعيون الحلوه تبچي بعد لچ اموت بعيونچ كلشي ولاهنه
..بسته حبيبي تدلل ..اليوم ربي العالمين انطانه امل انوو كلشي بيده سبحانه وتعالى يارب يوم يفرحنه بشفائك وترجع مثل قبل واحسن
..أمين يارب ..يعني صارلچ تلث اشهر حامل
..تقريبا شويه اكثر
خابر شهم گله اني اسف واعتذر منك بوجودك وعليت صوتي على ريحانه بس تعرف بغلاتها عندي الي صار غصب عني مااعرف صاير مااتحمل بس الخبر الي اجاني اليوم راح يخفف عني اكيد
..ليش تعتذر انت اخوي وهيه اختي وانتو حبايب شي بينكم هذا هيه هم غلطت انتوو تصافو بينكم اني اخوو الك والها خلي هالشي ابالك
..نعم الأخ حبيبي انت
..لك والله اليوم الفرحه الي بيه يمكن بس بيوم عرسي هيچ افرح راح تصير اب حمزه واني خال الحلوو يطلع ابنك عليه يخبل بس كون حضه احسن من حضي ويطلع على ابو محبوب من البنات مو عليه ذابح نفسي على وحده وهيه ممفكره بيه
..هههههههه شحدها هالوحده وين تلگه احسن منك بعدين هوه ابوه شعنده هسه هذا قبل چنت محبوب صح
..هههههههه لا ترجع ان شاءالله ذاك الأعرفك عندك تلث اجهزه وكل جهاز بي اثنين
..ههههههه انت ناوي تخرب بيني وبين اختك بعد ماصالحتها بطلاع الروح
..ههههه يابه حقها تزعل وتدلع ام ولي العهد صارت ..بربك حمزه دير بالك عليها تره الطبيبه گالت اهم شي ترتاح واني هم وصيتها عليك واثنينكم اجي واشوفكم ابتليت بيكم شسوي
..يعني جياتك بس علينه
..طبعا عليكم على منوو بعد
..اشوف كثرت جياتك وگعداتك معقوله لعيوني يعني ماعندك شي منا منا
..والله ماوراكم شي انتوو لك يابسه وداعتك كلشي ماكو حته السلام تذبه وتموع بعد متنشاف
..يطلع من عينها بعدين اذا بيك خير خليها تتحسر على شوفتك
..انت گلتها اذا بيه خير واني وياها كل خير مابيه اتوعد منا من اشوفها انسه كلشي وعدت نفسي بي
لك اشوو اني مصدگ وياك وحچيتلك كلشي چنك جاي تزحلگني وخوش تسحب مني الحچي ههههه
..ههههههه اي ردت اشوفك
..دروح يلله حير بمرتك والي ابطنها وعوفني بحالي
..رايح يلله مع السلامه
من خلص اتصالي وي شهم گلت الحلا اريدچ تجيني بسرعه اريد احچي وياج

يتبع ..

مساء الخيرات..
البارت بدون مراجعه عذروني ع الأخطاء 
طبعا مجاي الحگ اني اسفه عندي مجالس وخطار وبيت وحدي ومجاي الحگ التمس منكم العذر