رواية أحبها فياليتني احصل على حبها الفصل السابع 7 - بقلم نور الشمس

علا ..
رجعت للبيت امي كالت حضري نفسج
راح يجيج أبن عمچ
احتاريت شنو اختار والبس واني چان حلمي هذا اليوم
اختاريت فستان قصير ربع ردن من يم صدري وخصري  ضييگ ومنفوش قليل من جوه لونه تركواز
ولبست علي اكسسورات وحذائي الكعب  عدلت شعري واتمكيجت خفيف وبقيت انتضر وحايره اخاف اطلع محلوه
اجت امي
..ماشاء الله تبارك الله يمه تخبلين طالعه
..يعني زينه مو مخربطه
..تخبلين يمه عين الله تحرسج
.. خواتي وگالن حلووه حته حلا فرحتلي تمنيتها تگوم وتكمل فرحتي بيها
امي گالت اجه هشام انزلي
الخطوات من غرفتي للخطار صارت سنه مااعرف شلون اهدأ ضليت اسحب نفس واريد بس ارتاح ترددت بالباب اخر شي دخلت سلمت

هشام ..
چنت منتضرها اهز برجلي ومتوتر
سمعت صوتها گمت ركزت بشكلها ملاك تعدت حته الرسمه الي ابالي الها كلشي بيها حلوو
جسمها وي اللون الي لابسته والفصال بارز اكثر
لاگيتها بالباب اخذت منها العصير والكيك
خليته ع الطبله ورجعتلها
اشوفها مرتبكه وخدودها حمر
لزمت ايدها بستها وبست راسها بعده الخوف مسيطر عليها گتلها گعدي گعدت يمي
..شلونچ علا
..منصيه راسي الحمدلله
..حقچ تخجلين أول مره نلتقي بس خلي ابالچ انتي زوجتي وگعدتنه وحدنه لاعيب ولاحرام ويعجبني اشوف عيونچ الحلوه
..ابتسمت گتله اعرف والله گوه خليت عيني بعينه شفته مبتسم
..حبيبتي صح احنه منلتقي بس اعتقد تعرفين انتي شنو بالنسبه الي واني اعرف انتي الي من زمان لتتخيلين يجي يوم وانتي مو على بالي يعني اتصور اني اعرفچ وانتي تعرفيني حته لو ممتشاوفين ماله داعي الهالرسميات خلينه نحچي ونفتح گلوبنه البعض
أني جبتلچ فون وحفضت بي رقمي تگدرين تتصلين عليه بكل وقت ومن اليوم انتضرچ
..أن شاءالله

حمزه ..
بدلت وتعطرت سبحت بالعطر
..انسام كالت هاي وين هالگد سبح هوه
.. حقي لو مو حقي يابه والله حقي حقكم مشايفين عيونها
..وين رايحه عنه ومشايفيها يابه حقك الصراحه تسوه هالعطر
.. ضحكت اني هم اگول تسوه ضليت ادندن. بگلبي گلت اويلي شيلزمني لوشفتها طبعا ممرتبك ولامتوتر
الشي الي مخوفني اخاف اشوفها وانسه نفسي
رحت البيت عمي والشله تلگتني شهم ورضا
..بضحك ها خيرر بدينه
..أمشي لك انت وياه خلوني عايش اللحضه لو تستحون جان طلعتوو شكوو باقين هنا
رضا..والله اني طالع بس صديقك يگول اني اگعد يمهم
..منوو اليگعد درت وجهي على شهم شتريد ولك مال من وجهك والله اريد اغيير روح توكل لااعرفك ولاتعرفني
..ههههههه هيچ صارت لك أنت مو أمان عاد انت قبل شلونك انوب صرت ضابط لاهواي تلتزم حمزه
خلي بينكم مسافات غمزتله وضحكت
ً..گدام الله هيه مرتي وابوك العقدلي طالبني بطلابه لاتخليني اسوي العرس باچر ومصباح عرسي التحق
..ههههه روح توكل فوت جوه تلگه العلويه هيه تصيحها الك اني طالع
..الله وياك ومحمد وعلي ادعيلي
..ضحكت ادعي الله يعقلك ويهديك

دخلت سلمت ع العلويه شلونچ عمه
..هلا عمه تفضل هسه اصيحلك مريتك
..بگلبي يايبه مريتي يعني صدگ اني مو احلم
انتضرت مريتي اشو هذي طولت
شكو عليه انتضر خليت رجل على رجل وگعدت انتضر اخذت راحتي شويه واجت ريحانه
گمتلها اخذت منها صينية التقديم
گتلها الكيك شكوو جايبته انتي كيكتي ويكفيني انتي يمي
..ابتسمت 
..فديت هالبسمه قربت عليها بستها براسها
شلونچ يحلوه
..خليت عيني بعينه الحمدلله
..اووف شنو هاللون لچ مجانن هيچ لون  قبل عيونچ  صايرات احلى
..نصيت راسي ابتسمت
..هاي شطلعت كلساع منزلتهن ششوف اني لو چي گتلچ حلوات
..ضحكت لاوالله بس جاي تخجلني
..بعد محاچي شي ولامسوي شي لاحگه ع الخجل ياگلبي أنتي
..گلت بگلبي راح يستلمني من اليوم صح اني احب الشخص الي يضهر مشاعره ويتغزل بس حمزه تخطه الحدود بده يتقرب عليه وأني ارجع وهوه يتقدم
..يحليوه وگفي هذا حدچ تره لو تصيرين بحضن عمي هم الحگج الحضنه غمزتلهها وابتسمت
شفت الخجل واضح عليها وزادها جمال
رفعت راسها بأيدي وقررت اضوگ الشفه
زوجتي وحلالي وفرصه واجتني وراي دوام وين الگاها بعد
تذكرت المقوله الي تگول فاز باللذات من كان جسورا
قربتلها وحسيت بأنفاسها بس الخوف واضح عليها وچانت حيل متشنجه
قبلتها الحد مارخت وخرت عنها وبستها براسها
گتلها انتضري مني اتصال مو تنامين
اريد اطلع شالت منديل الورق ومسحت وجهي
ضحكت
..راحت من بالي هالشغله اخذته من ايدها وانتبهت النفسي اكو مرايه بالمدخل ضبطت شكلي وطلعت

ريحانه ..
طلع واني بعد دگات گلبي مخربطه واحس وجهي صاير نار
بس هاليوم مستحيل انساه احلى لقاء بالنسبه ألي
ضليت انتضر اتصاله وكلساع ذاكرتي تعيدلي الصار

حمزه ..
رجعت للبيت صعدت الغرفتي غسلت وارتاحيت
تمددت وخليت ايدي جوه راسي
اتذكر شكلها من دخلت
ريحانه كلشي احبه بيها جسمها متروس حلوو
لابسه فستان ضيق قصير لونه ماروني
شفتها مليانه وعيونها وحدها سحر بالنسبه الي
اتذكرت شكلي واني يمها مگدرت اسيطر على نفسي الا لما قبلتها وزاد بيه الشوق اكثر ماحبيت اطول وطلعت
هالمره قررت بس انزل مجاز اتزوج
ومن باچر اخلي امي وأبوي يبدون يجهزون تذكرت حلا نزلت اشوفها
دكيت الباب على كيف البنات گالن ادخل
..مرحبا شلونهن الحلوات
..الحمدلله
..حلا شلونچ اليوم
..زينه الحمدلله رجلي شويه بدت تتحرك
..ياالله اتمنى تمشين قبل لا التحق عگبه اريد بالي يرتاح من جانبچ
..لتشغل بالك الله كريم
..الله كريم جاي تسوين التدريبات
..أي اسويهن
..أن شاء الله بسيطه بستها وطلعت
صعدت اخابر حبيبتي

شهم ..
رجعت للبيت لگيت الأخ محتل الغرفه يخابر محبوبته
والاخت هم تشتغل ع الهمس ضحكت وصعدت فوگ
لازم ابدي ارتب غرفتي الفوگ حته استقر
شويه ولحگني رضا
..ها رضا طردك هشام
..ههههههه بدون ميطرد الغيره ذبحتني
..ههههه اعوذ بالله منك خلي الولد لتخلي بالك يمه
..يمعوود الف وحده تتمنه مني اتصال
..اي ليش لا شوفلك وحده من الألف وروح حاجيها وخليني وحدي جاي افكر
..والله موصوجك صوجي اني جاي يمك
..ههههههه هم صح هوه صوجك
..لك وين اروح اني احسن شي اروح الزهراء تسويلي اكل جوعان
..هههههه زهراء هاي اذا گامت
.لا اني متردلي طلب تحتاجني اذلها من تدزني على شي اذا ممسويتلي الأريده
..انتو اثنينكم اصحاب مصالح
..هيه هاي الدنيا ابو الأفكار عود فكرلي وياك بمكاني

مرت الأيام والتحق حمزه
وضليت على اتصال وياه المشكله بعد مااعترفتله بكلشي گمت استحي اسأله على حلا مهما يكون بعد ماكو شي رسمي وعيب الح وياه حته لو هوه يعرفني كلش زين
بهذي الفتره اريد اي شي يطمني عنها سالت ريحانه عليها گالت بدت تمشي بس الا بمساعده
..ياالله اكو تحسن اهم شي تتحرك تصير زينه ان شاءالله
من عرفت بيها متحسنه حيل فرحت
شلون بيه بگلبي هذا شوكت ارتاح
يعني اني ممدرمرني غير المثاليه العندي لو خاطب هسه حالي حال هشام مو أكدر اروح بنفسي اشوفها وارتاح اجلت الموضوع حته ليضل ابالهم زواجنه بدل الضاهر محد مهتم الهالموضوع بس اني
وجنيت على نفسي بهالمثاليه
حلا لو تدرين شنو انتي بالنسبه الي

بهاي الفتره اجه عمي وبلغ ابوي على حمزه يريد الزواج بهذي اجازته
ابوي هم حاجه هشام وقرر زواجهم نفس اليوم يصير
بقه على اجازة حمزه اسبوع
والكل مشغول يحضر
العرس راح يصير نهاية اجازته حته يحصل اجازة عرس اضافه النزوله
الكل مشغول واني هم مشغول جسد بس بالي ماكو غير حلا شاغلته
بأجازة حمزه
وبيوم نزوله رحتله
لگيت الكل فرحان ابالي علمود حمزه ونزلته وموضوع العرس
بس الي صار فاجأني وريحني
حمزه گلي حلا مشت وگدرت تمشي
ماحسيت على نفسي الا واني حاضنه
تسرعت صح بس ميهمني خل يعرف الي بگلبي خل كلها تعرف ماكو شي يهمني اكثر منها
رجعت للبيت اكو شي مرتاح من جانبه بقه همي الأكبر شوكت اسمع صوتها او نضره منها تكفيني
اريدها تصير حلالي وبس

ريحانه .
فرحت بجية حبيبي طبعا من نحچي اني وياه ونتخابر ونتراسل احس چني احچي وياه من سنين بسرعه انسجمنه وعلاقتنه اطورت حيل
اول ماوصل خابرني گلي اتحضري العصر اجيچ
سويت ترايفل وكيك وعصاير حضرتهن من وكت وتفرغت النفسي
بدلت وكشخت وتسريحه ومكياج
وبقيت انتضر مكالمته يجيني
اتصل وگال اني بالباب
طلعتله أمي وفوتته
بس هالمره چنت اني قبله بالخطار
من دخل لاگيته بلهفه حضنته وبوسته وچني صار سنين مشايفته او شخص اعرفه من سنين وبعيد عني هوه اسلوبه حلوو وشخصيته حلوه خلتني اتعلق بي غصبا عني
حضنته شالني وفرني بيده
حمزه ..
من شفتها هيچ ملهوفه عليه من الفرحه الأني بيها شلتها وبوست خدها ميلت شعرهة على جها وشميت رگبتها
بقينه فتره متحاضنين گتلها گعدي تعالي يمي
چنت جايبلها وياي مداليا ذهب اول حرف من اسمي وأسمها شالتلي شعرها لبستها المداليه وبستها
..حبيبتي مشتاقلچ
..واني هم هواي مشتاقه
..الصراحه شوقج فاجأني وحيل فرحني ملگاچ
الي .حبيبتي مباقي شي على زواجنه ايام حضري نفسچ واهم شي تخلين ابالچ كلشي وصيتچ علي اريدچ تحفضي ابتسمتلها وجريت خشمها
..تدلل كلشي باقي ابالي اني
..نشوف . وشخصيتي عرفتيها والأيام البعد الزواج راح تعرفيني اكثر ادللج واعيشچ ملكه بس اهم شي مااريد تعاندين
..ان شاء الله
..اني احچي وياها وسمعت صوت شهم وهشام گتلها يلله حبيبتي روحي اريد اسلم ع الولد انطيني بوسه وروحي
..راحت بقيت گاعد شويه واجوو سلموو
وگعدنه نسولف بتحضيرات الزواج

شهم..
مرت الأيام وصار يوم الحنه هنا اعراسنه معروفه الكل تحضر اقارب وجيران ومعارف
نعزم احبابنه كلهم وبيهم الي يحضر بدون عزيمه
اهلنه حته الي بغير محافضات معارف والدي هواي
بنينه مضايف قريبه البيتنه عشه الحنه والعرس
وصار عرسهم واحد الكل فرحانه
وحيل مشغولين نحضر
ابوي كلفني اوصل عصاير البيتنه وبيت عمي
رحت اول شي البيت عمي لأن اقرب الي واني راجع من السوگ نزلت البيت هوسه وكلها معارف
نزلت الصناديگ بيدي ووصلتهن الباب المطبخ رفعت راسي شفت حلا بوجهي
احس روحي انسلبت سلمت شلونچ حلا
..هلا بيك الحمدلله
..سلمي على عمتي وخل تشوف ذني كافيات لو اجيبلكم بعد
..أوگف اصيحها الك
..كلشي بجسمي تغيير احس شي بداخلي تخربط جريت نفس وغمضت فتحت عيني على صوت عمتي
..هلا عمه هلا شهم
..هلا بيچ عمه ذني كافيات لو تردين انزل بعد
..لايمه كلش كافي مشكور وليدي
..تدللين عمه
طلعت منهم وصورتها متفارگني
هيچ يجي يوم وننجمع اني وياچ

حلا ..
بعد فتره تحسنت الحمدلله ومشيت وفرحتي بعرس حمزه كملت لأن گمت امشي چنت شايله هم العرسه اخاف ابقه هيج بس الحمدلله
اجه يوم الحنه الصبح
أمي كالت عدلي المطبخ رتبي رحت ارتب والباب چان مفتوح
اجيت اسده وصار شهم گبالي
سلم عليه رديت السلام مو نفس الكره الي بگلبي قبل بس هم مااتقبله صح شكله حلوو وشهاده وسياره وتتمناه البنات بس اني طبيعتي اعاند واحس امي وخواتي لو حچوو عنه جنه فرض مفروض عليه
الشي الي خلاني احسه هيج تلميحات حمزه دائما يلمحلي شهم سأل عنج شهم هيج حچه وشهم هيچ گال يعني واضح كلش يگلي انتي اله حضري نفسچ
هالشي يوترني
صارت عندي قناعه  هوه نصيبي بس مستحيل ابادله المشاعر ومستحيل احبه
وراح يعرف هالشي بنفسه

صارت الحنه العرايس كل وحده ابيت اهلها
بس سوو حنة ريحانه وحمزه العصر وحنة هشام وعلا بالليل
وحنة الولد العكس الي حنه زوجته العصر جماعته سوو حنته بالليل
والي حنه زوجته بالليل صارت حنته العصر
يوم حلوو جان للعرسان واحبابهم
وصار وقت الزفه
بيوم العرس ام هشام گالت ميطلعن اثنينهن بزفه وحده نخاف عليهن ينچبسن وتنحرم وحده منهن من الخلفه (اكو ناس يعتقدون الي يتزوجون سوه وحده من العرايس تتأذه وميصير عدها جهال هالشي ماكو اثبات عليه بس كل شخص واعتقاده )

بس الولد ماقبلوو شلون يعني منو يطلع اول
شهم اقترح عليهم يطلعن نفس الوقت بس كل زفه تطلع من شارع ويلتقون ع الشط يكملون الزفه ويرجعون نفس الطريقه كل واحد من شارع وكل عريس يروح البيته
هذا جان بالنسبه الهم حل وسط واقتنعوو
وسوو الزفه مثل مااتفقوو

هشام ..
بهاي الفتره حضرت غرفتي الفوگ وجهزتها
جبنه العروس ودخلناها البيت گعدت شويه يمها وگمت خلصوو عشه المعازيم وصارت الزفه لازم ادخل ع العروس

علا..
بگد ماچنت فرحانه احس بطني تلويني من الخوف من سمعت هوساتهم وحسيتهم قربوو عليه
عمتي وصتني وطلعت
ضليت بخوف وقلق ومرتبكه حيل
صح احبه وتعودت عليه بالمكالمات ويجينه كل يومين چان بس خفت غصبا عني تمنيت الغي كلشي
شويه ودخل هشام
زاد خوفي اكثر
..من باوعتها مبينه خايفه ومرتبكه تقربتلها بست راسها وخدها گتلها نصلي لو انتي ممتوضيه
..لا متوضيه
..الحمدلله ارتاحي لتخافين ماكو شي يقلق عادي هدأي وانسي كلشي
خلصنه صلاه وبدلت وهيه هم بدلت گتلها نتعشه
ردتها ترتاح يلله احاول وياها
طلعت الأبوي باذان الفجر اعرفه يبقه ينتضرني بلغته الموضوع انتهه باركلي هوه والحجيه
غسلت وصليت

حمزه..
اني بالسياره ومنتضر عروستي شوكت احضه بيها
وصلنه البيت نزلت لازمها بأيدي والفرحه مسايعتني
بقيت گاعد يمها ونسيت نفسي الحد مااجتني امي
..حمزه شنوو راح تبقه هنا
..ضحكت ها نبع الحنان ضايقتچ شنو غير عروسي قابل اعوفها يمكم
..لك مو وكت سوالفك الناس بره شكوو مجتمعه غير يباركولك روح عيب من عمامك وابوك لاتنسه ابوها واخوانها منتضريك عشاكم سوه يعني يحسون عليك گوم
..لا والله ولو حسوو محسستني بايگها ياامي غير زوجتي
..ولك امشي عيب عليك
..ماشي بس مااطول بس يخلص العشه گلي الأبوي يزفني
..ياا ولك استخفيت شبيك
..يمكن ماادري زفوني من وكت قبل لاافشلكم غمزتلها وضحكت
بست عروستي وطلعت
الكل يتباركون الي والهشام
صار العشه والناس بعدهي وانطوو الچاي وذولي بعدهم
شهم جان قريب يمي گتله
..لك شنوو ذولي ناوين يباتون ادري شوكت تزفوني
..باوعتله لك انت صدگ متستحي شدعوه هيچ مستعجل بعدين مالگيت الا اني تشكيلي حالك بهاليوم
.. ضحكت بصوت عالي وغمزتله اعذرني حبيبي نسيت انت اخوها
..زين هسه تذكرت اسكت بعد
..مااسكت لما يزفوني شوفلك حل لاافضحكم وافشلكم هسه اهوس النفسي وادخل
..هههههه والله انت مو عاقل تسويها
..وربك اسويها امشي گل الأبوي وابوك خل يزفونه حته العالم ترحمنه وتخفف
زفوني بهوسات
ورحت العروستي احس گلبي يطلع من مكانه
ريحانه ..

چنت انتضره اكوو رهبه صح يس فرحتي چانت اكثر چنت مشتاقه الهذا اليوم الي ننجمع بي
من سمعت صوت الهوسات عرفته اجه
فتح الباب گمت لاگيته بس منصيه راسي
..رفعت راسها بأيدي بستها وشميتها صلينه
ركعتين رحت يمها حضنتها وصارت ملكي

شهم ..
بعد مازفوو العرسان حسيت بفراغ راح اشتاق الريحانه هيه بسمة بيتنه
بگد فرحتي الها بس ضايج عليها
صح قريبه علينه وأگدر اشوفها بكل وقت بس مو مثل ماچانت يمنه
فرحان الها والهشام والحمزه
اتذكرهم وادعي ربي يسعدهم ويكتبلي الفرحه واتزوج الي اريدها

يتبع ..