رواية أحبها فياليتني احصل على حبها الفصل الثامن 8 - بقلم نور الشمس

بعد تفكير طويل وصراع بين عقلي وگلبي الشي الي مضوجني وياها حته عقلي يوگف
والأفكار كلها تودي بيه للي يريده گلبي
بعد ماأيست من امي ومن خواتي وجابن الي جواب يشفي لاهيه الي رافضه تمام ولا هيه الي موافقه
لا اني ألي أگدر انساها او افكر بغيرها وأكول هذا هوو هيه مترهملي
بعد كل هالشي قررت احاجي حمزه اني وياه قريبين البعض اكيد راح يفهمني
خابرته واتفقت نطلع اني وياه
بدون مقدمات گتله اني رايد اخطب حلا
..يعني تريد مني اساعدك بهالموضوع
..حمزه الي اريده منك تشوفها موافقه لو لا
اذا مموافقه تردلي وبعد مستحيل اجيب موضوعها واعتبرها صفحه وانطوت
..ليش هيچ مستسلم من البدايه
..دنگت ارسم على حافة الشط گتله مو مستسلم بس اني عايش بصراع اني اريدها واكو شي يحسسني هيه متريدني ومرات احس اني فكري رايح بعيد والبنيه صدگ تريد تدرس يعني افكاري تودي وتجيب وماكو غيرها ابالي ولا اتخيلها تصير الغيري
بس مااقبل توافق عليه مجبوره اريد موافقتها برضاها يكون انت فاهمني لو لا
..فاهمك اني كلش زين بس الي تريده مني شنوو يعني اشوف رأيها واردلك متريدني قنعها او انطيها رأيي الصح
..مااريد منك بس تشوف شنوو هيه تفكر ابد مااريد احد يضغط عليها
..تعرف اني بعدلي ايام والتحق احاول اخلص موضوعك قبل لا التحق
..هوه هذا الي اريده
أرتاحيت من حاچيت حمزه
وبده القلق شنوو ردها

حلا..
رجعت للدوام واحتقر نفسي كل مااشوف ريام شگد چنت غبيه
وهيه تتفيك بصور عقد اخوها وتوزع حلويات حته تقهرني وبس
والا اني چنت فتره ممداومه ليش انتضرتني ارجع للدوام يلله سوت السوته
ألي عرفته زواجه قريب واني اريد انساه بأي طريقه
بديت افكر بشهم ليش ماارد اصاع الهم صاعين بارتباطي الشخص حلم بالنسبه الها
شهم جمال وشهاده ومال
بس مجاي اتقبله مااعرف ليش
وره زواج حمزه محد فتح موضوع شهم واني بديت اتوتر اريد احد يفتح الموضوع حته اوافق هم انسه رامي بي وهم اتكشخ بي گدام الي تشمتن بيه
هوه اول وتالي يتزوجني ليش مااستغل فترة الخطوبه بس
صار كل هذا تفكيري
فد يوم اجه حمزه صاحني
..حلا تعالي اريدج بموضوع
..حيل خفت حمزه نبرته متكون هيج جاده الا اذا اكو شي مهم كلش رحتله گلي تعالي وسدي الباب
بده خوفي يزيد اكثر كتله شكوو خو ماكو شي
..ماكو شي اليوم شهم طلب ايدچ مني بس اكد عليه مااجبرج ولا اضغط عليج ابد يريد رأيج انتي وبس الولد يگول اهم شي رضاها واذا متريد اعتبرها صفحه وانطوت من حياتي
..من گال هيچ خفت خاف صدگ يعوفني اني بالفراغ الي اني بي اريدلي اي شي يرجع الثقه بنفسي وانو  اكو من يحبني ويتمنى رضاي تفكيري اناني صح بس چنت امر بضغوطات نفسيه صعبه اني اذيت نفسي بنفسي وگمت مااعرف شلون اطلع من هالدوامه الخليت نفسي بيها
گال شگلتي
..حمزه اني موافقه
..أكيد
..اكيد
..هيج بدون تفكير
..ميحتاج اني اعرف الموضوع احسن
..ع الخير هسه اروح ابلغه ردج متأكده
..براحتك اني متأكده
طلعت منه رحت الفراشي اني شجاي اسوي بنفسي زين هوه شنو ذنبه باخطائي ليش مارفضته
اني مااحبه ليش أنطي أمل
فكرت اغيير رأيي ورجعت فكرت لا متفيد بعد احاول اتقبله يعني كل الي تزوجو يحبون بعض چني مااعرفه وبالعشره احبه مو اكثرهم يزوجون هيج

حمزه بلغ امي وابوي والكل فرحوو سألوني شعجب غيرتي رأيج گلتلهم اقتنعت

شهم ..
جنت متوقع يطول الموضوع
وره تلث ساعات خابرني حمزه گلي مبروك
..چنت متمدد على چربايتي من سمعت حچايته وگفت گتله على شنوو
..ع الخطوبه غير حلا موافقه حاول تعقدون واني موجود اريد افرحلك
..صدگ تحجي لو ناصب عليه حمزه
..لك هيه هاي بيها نصبه وداعت عيون اختك الماكو بحلاتهن احچي صدگ اني بنفسي حاجيتها وبدون اي ضغوط وافقت
..ابتسمت وجريت نفس عبالك جبل وانزاح من گلبي گتله هسه عوفك من اختي واحچيلي بأختك خو ماضغطت عليها يعني الموضوع مابي جبر
..مابي يمعوود تورطت خابرتك جاي تضيع وكتي وكتي محسوب اريد خزين من اختك وراي دوام
..دروح يلله يوم الأختك وهم اگلك هالكلام
..ههههههه دروح لك عود اعقد والله كريم
..ماعندي شي باجر ادز العلويه تتفاهم وي عمتي ع الذهب وهالأمور واني جاهز اعقد من باچر اذا كملن
..الله يوفقك شهومي الغالي
..تسلملي حبيبي روح اني اخرتك
..زين وحسيت على تفسك
..ههههه الله وياك

طلعت الأمي وگتلها بلغي الوالد ع الخطوبه حلا موافقه
..لا بالله
..اي والله ليش مستغربه يعني
..ماادري شمدريك انت بموافقتها
..كلفت حمزه هوه يتأكد بنفسه
..مو چنت خايف يجبروها
..لا حلفته وتأكدت منه مجابرها وبرضاها يلله اجيت اگلكم. يمه اريدج باچر ترحون تتفقون ع الذهب بهاليومين اريد اعقد
. بوسته ع الخير يمه ربي يديم فرحتك
..ربي يحفظج الي حبيبه
بهذا اليوم مانمت للصبح
ثاني يوم انطيت امي فلوس للذهب وكتلها شگد متطلب انطيها
..ان شاءالله يمه
راحت امي حاجتهم وهمه چان عدهم علم وفعلا اتفقوو العصر تشتري ذهب على ذوقها
طلبت من امي اني اوصلهم واروح وياهم
..يمه محد سواها گبلك ماعاقد انت
..ادري يمه امشي حالي حالكم بشارع وامه مكلوبه حاضنها اني والا اعقد شعليه بالگبلي اني اريد اسويها
..براحتك يمه اخاف ابوك ميقبل
..لا اله الا الله ليش ميقبل رايح للسوگ اني مو الفندق للصايغ وبس وهناك اعوفجن واطلع لتهتمن مالچ علاقه ابوي عليه
..أنت ليش هيج معصب يمه المفروض تفرح
..فرحان والله فرحان بس متوتر وانتي جاي تزيديها عليه لتبلغين احد اني تلگني بالسوگ ومناك التقي وياجن
طلعت قبلهن
شويه ونزلن قريب السوگ
مشيت وراهن سلمت عليهن وعيني على حلا
عمتي باركتلي وگالت تجي ويانه
..عمه اذا مراح اضايقچ
..لايمه ليش تضايقني هلا بيك
..وبيج عمتي ربي يحفظچ
امشي وعيني على حلا دخلنه اكثر من صابغ ومثبتت على شي
وره فتره قررت تختار بس شفت امها ماقبلت ع السعر يمكن
گلت للصايغ وزنه وشوف سعره شگد
ورجعت اختاريت حجل عجبني اشوفه عليها
طلبت منها تختار حلقه وبتوت
وگوه اختارتهن مبينه مزاجيه وراح اتعبني هواي تستاهل اتعب الها
اختارت الذهب چان غالي واختاريت الها بعد اشياء صار حسابه مال تجهيز عرايس اثنين مو وحده
أباوع الأمي محجت شي بس عمتي حچت وچنها فشلانه مني
..عمه شدعوه هيج
.تستاهل عمه ماكو شي يغلا عليها حاچيت عمتي وعيني عليها حسيتها محرجه ممعقوله ضايجه اكيد خجلانه فرحتي بوقتها مغطيه على كلشي مااريد افكر بشي اريد اعقد وبس حته اعرف افهم شعورها وأفتهم
أشوف امها فرحانه اكثر منها وامي الفرحتي فرحانه احسها تراقبني ابتسم تبتسم اضحك هيه هم تضحك حته لو متعرف على شنوو اضحك
اعترف امي نعمه يمكن اكو غيرها يدخلون بموضوع شراية الذهب او تحسسني اني استعجلت بس هيه لا بالعكس اشوفها راضيه
عيني على حلا الحد مطلعنه سوه
چنت هايم بيها اراقب كل حركه منها حته الرمشه من ترمشها تاخذني الغير عالم
من طلعنه ترخصت منهم ورجعت للبيت
فهمت ابوي واخواني اريد اعقد بوجود حمزه
ولأن احنه عمام وعلاقتنه طيبه بيناتنه معارضوو
واتفقنه العقد يكون باچر
هنا بروحي اكو حفله
ومستمتع بطربها
خيالي اخذني لبعيد راح اعقد
وتصير محبوبتي الي
أگدر احضنها اسمع صوتها اشم عطرها
ماباقي شي وتحلا دنيتي

أمواطن حسنچ هوايه
أنا اليمته اضل ابلا روح
تعالي وعيشي ويايه

اخ گلبي ليش ماتهدأ الي ردته صار
لشوكت تبقه هيج مأذيني
حبيبتك وصارت الك ليش هالسرعه بنبضاتك

ثاني يوم اجه وقت العقد كشخت ولبست قاطي وتعطرت ومنتضر يعقدلنه الوالد بفارغ الصبر
امي وزهراء راحو قبلنه للحفله واحنه طلعنه وياي اعمامي ولدهم
گعدنه وحچينه الحچي المعروف شويه وطلب والدي يعقد
صارت هيه وره الباب
حمزه طلب منهن الهدوء حته تسمع صيغة العقد
عقدنه ومرت على خير
احساسي بوقتها طاير بس جسد وياهم
ماكو شي يوصف فرحتي
بقوو نص ساعه اكثر والكل طلع بقيت اني وحمزه طلب اروح البسها الذهب
دخلت وسط الهلاهل والفرح والچكليت الي كلساع اشوف مجموعه مشموره عليه
دخلت وعيني عليها
لابسه بدله لونها وردي
صدرها وجسمها كله بارز
شعرها وجهه كلشي بيها يگلي تره تسوه هالتعب والعذاب
.قربت عليها بقت على گعدتها دنگت عليها بست راسها ولبستها الذهب گعدت شويه يمهه حاچيتها
..حبيبتي مبروك علينه
..مبروك
..حلا
..درت  وجهيي عليه حته اسمعه
..تعرفين شنوو حلمي اسمع صوتچ وبس لتسكتين حاچيني
..شنو احچي
..تنهدت وابتسمت الها اي شي بس سمعيني صوتچ وحققيلي امنيتي
..أنت ليش هيچ تحبني
..مااعرف سؤالچ صعب اني النفسي ملاگي جواب
جاي احجي وياها واشوف الموجودين انسحبوو عرفت راح نبقه وحدنه
ابتسمتلها
..ليش هالسؤال حبي الچ مضايقچ
..لا بس ماجاي اعرف ابادلك مشاعرك
..مطلبت منچ تبادليني المشاعر هيه تتحكم بينه مو احنه نتحكم بيها
..يعني الي تقدمه ألي بدون مقابل
..شنو المقابل بنضرج او شنو ضريبة حبي الچ مااريد منچ شي بس رايدچ تقدريني وانتي من تعرفيني زين راح تحبيني
..مااعتقد احبك لأن حاولت ومگدرت خليني اكون واضحه وياك من البدايه
..كلمتها حسيتها سهم دخل صدري ليش بعد العقد جايه تگلي هيچ گوه هدأت وحاولت افهم منها
..افهم انتي مجبوره
..لا مو مجبوره بس وافقت عليك واني ماعندي اي مشاعر اتجاهك وحاولت احبك بس مگدرت
..وشنو الفائده من هذا الحجي هسه
..مااحب انطيك أمل
..مااني متأمل وغركان بأمالي ومتعدي مرحلة الأمل والحب واصل وياچ اكبر من هالشي
..شهم انت جاي تخليني اكره نفسي
..اني نفسي مااگدر اكرهج ليش اكرهج بنفسج
قربت عليها رفعت راسها
..خلي عينچ بعيني شوفي عيوني شنوو يحچن
لچ ذني مشافن غيرچ ولا راح يشوفن
أذا متحبيني ليش وافقتي
..مجاوبته
..حلا انتي مجبوره
..لا ابد اني وافقت عليك
..زين شنو مناسبة هالحچي هذا
..حبيت اصارحكك ليش اضم عنك
..وليش تخلين نفسچ بهالموقف ليش مرفضتي
..ماادري
..شنو الي تدرين بي حلا انتي رايده تكونين الي زوجه
..اي رايده بس مااوعدك ابادلك نفس المشاعر
..مااريد منچ اريد احترام وبس ويجوز انتي بعدين تتحبيني
..لا
..تقربت الها وليش لا ليش موو اي
احس اطرافي كلها ترجف وگوه لازم اعصابي ودي اكسر شكوو شي گدامي سديت چف ايدي بقوه
وقربت عليها اكثر
..ليش موو اي اتنفست قوي عطرها ذبحني ونساني كل الأني بي قربت عليها اكثر حسيت بأنفاسها
قبلتها حاولت تبعدني مگدرت
شويه وحسيتها رخت
رفعت راسي عليها
..ليش مو اي هدوئج وانفاسچ هسه يحچن عكس الي توعدتي بي
..صح اني مااملك شعور اله ولا اريد احبه اصلا بس من حسيت بأنفاسه وقرب عليه قاومت شويه واستسلمت من رفع راسه وحاچاني هيچ احتقرت نفسي
جاوبته
..ماحبيت اعلي صوتي ويعرفون الصار بينه
..أخر كلام حلا انتي رايده نتزوج لو لا
..نتزوج اي بس حبك من طرف واحد
..وأني قابل وويجي اليوم الي تعترفيلي بي بحبچ
بستها وطلعت وصلت قريب الباب درتلها
اشوي اتصل عليج ونفهم وضعنه اكثر
..ان شاءالله

شگد ماچنت فرحان احس فرحتي تنغصت بس مشاعري وياها نفسها من رجعت اتذكر نسيت موقفها وكلامها اتذكرت الي صار من قبلتها وبس

يتبع ..

نزلته بدون مراجعه
وحابه اسمع ارائكم  وشنو توقعاتكم