رواية احبك .... وانت الفصل الثاني وأربعون 42 - بقلم وردة عمري

البارت السابـع والثلاثون ...

وردة عمري ...

#احبك_وانت...

سهـر ... ياسر ...

سهـر ...
درت وجهي عنه ... تقرب مني ... خله ايده علئ كتفي الئ ان وصل لراسي ... ضغط راسي علئ بطنه ...حيل وكال للمرضه

ـتكدرين تأخذين العينه هسه ...

استسلمت سهر اخيرا و انطت ايدها للممرضه ...ضغطت راسها اكثر عليه بخوف ...تغمض عيونها مثل الطفله ...تخاف من بزة الابرة ...سمعت صوتها هوي تهمس بأسمي ...تستنجد بيه ....مااعرف ليش ضحكت ...

ـ ياسر ...

ماارديت عليها بس ايدي جانت اداعب شعرها من ورة ...من طلعت الممرضه ...مسحت سهر دمعه توتر طلعت من عينها ...بدون حتئ ماتباوع عليه ...بعدت عني بهدوء ...بس اني منطينها المجال اخذت وجهها بين اديه امسح دموعها ... اباوع لعيونها المغمضه ....

ـ وجعج الابرة يمدلله ...

حركت راسها بمعنـئ لا

سالتها بصوت مبحوح....

ـ لعد اني الي اذيتج صح! 

بس حجيت هي وهي انفجرت بالبجي ...تخنك نفسها وتحاول تسيطر علئ روحها ماكو ...مااكدرت امنع نفسي ...ملت لها واني اقبل خدها ... واحجي بندم فضيع حاس بيه ...

ـ انسي كل الكلام السخيف الي كولته لج علئ التلفون ...اني جلف مانطاق ليش انتي ماتعرفيني يعني ...

فتحت عيونها تفيض منها الدموع ...

ـ ابدا مراح انسئ ياسر ...انته ماتحبني حتئ ماتعرفيني حتئ تحجي هيج ...لان لو تحبني لو تعرفيني مستحيل تشك بيه وتشك بحبي لك ..

حجيت واني احس مشاعري دا تفلت مني ...كل كلمه تطلع من نار الغيرة الي دا احس بيها

ـ انتي ماتفهمين ....ماتفهمين سهر خبال غيرتي منه ...هو تحديدا ...سهر ...اني عفت العراق والي بيه  لمن خطبج .. قبل سنين ...ماتحمل ...تعرفين شنو يعني ماتحمل ...لحد هاي اللحظه بداخلي نار ماتنخمد كل مااذكر انو رضيتي بيه قبلي ...

صفنت عليه .. مسحت وجهها ..

ـ ليش ياسر ليش ماكلتلي بمشاعرك اتجاهي ايام الكليه .. ليش ماكلت قبل لا هو يتقرب مني واحبه .. ليش واني جنت كدام عيونك 24 ساعه ...ليش مااخذتني منه

رديت واني كولشي بيه دا يتجمد .. يتصلب

ـ لان لي كبريائي سهر .. كبريائي يسبق كلبي ويسبق اي شي بالدنيا .. وماجان عندي شي اقدمه لج حتئ تقبلين بيه .. جنت بعدني بالبدايه وكلنا معتمدين علئ رافد بكولشي .. حتئ بمصروفنا اليومي .. واني جنت اسمعج وانتي تسولفين عن فارس احلامج وشلون تردينه .. ومنو اني حتئ اطلب منج تصبرين ويايه وعلئ وضعي ..

ـ كبرياء بالحب ... ! ياسر لي اعرفه وضعكم جان كولش زين .. ممحتاج ..  تطلب مني اصبر وياك

ضحكت

ـ تردين انطيج امل واحنا معتمدين علئ رافد بكولشي بأكلنا وشربنا ولبسنا .. مستحيل! 

واجت سلسله من الاعترافات بدون حتئ مااحس بيها

ـ تعرفين جنت لبس نظارة حتئ اباوع عليج بكيفي ...وبدون ماتحسين .. الموضوع صدكيني صعب ...مثل واحد يحجز مشاعرة وكل مايحس بيه بمنطقه رماديه حتئ محد يشوفها ...
جانت اغلئ امنياتي لمسه وهمسه منج ...بس خطوبتج اجت وحطمت كولشي ... خصوصا
عبست وشفت الالم رجع بعيونها ...

ـ كل .. هذا ماينطيك تحجي هيج وياي ياسر .. الحب ماينطيك الرخصه تهيني وتشك بيه ...بحجه الشك ...اني ...اني

قاطعتها ...

ـ يرضيج اذا كولتها لج! 

رمشت وهي صافنه عليه ...

ـ شنو ...

زفرت نفس قويه ...حاوطت خدها بيدي ...وهمست

ـ اكولج كلمه صريحه طلبتيها مني مرة ورة مرة واني ابخل بيها علئ نفسي قبل ماابخل بيها عليج ...

ارتفعت حواجبها متعجبه .. صافنه بعيوني ....واني جنت نار .. كل حواسي يمها ولها ...

ـ كولها هسه ...اذا جانت راح تمحي من كلبج وعقلج كل الكلام لي كلته لج وزعلج مني

نزلت راسي ..
ـ اني ...اني

مااعرف شلون رفعت ايدها وخلتها علئ حلكي قبل مااحجي .. رفعت عيوني لها متعجب .. جانت تهز راسها برفض ..

ـ لا ياسر لا تكولها هيج ...اريد تطلع منك بعفويه ...كون تطلع منك وانت حاس بيها بدون ضغط .. بدون قيود ..

جانت تقصد كل كلمه تكولها..

اعرف هذا كولش زين ...

عرفت ماتريد كلمه حب مني و بهاي الطريقه ... الي دا تشوفها مو من كلبي ... كلمه و عفويه مفتعله ...

سالت وايدي تضغط علئ خدها اكثر

ـ لعد شسوي ساعديني ...

باوعت عليه بحباط .. وحجت بنبرة تضحك ..

ـ فوك مااقاسي وخبيث .. نوب حتئ مراضا متعرف تراضي ...اي شطلعت هاي

بأبتسمت لعيونها ...

ـ علميني انتي يا ام ابني ...

فتحت عيونها علئ وسعهن ...

ـ عرفت منو كال لك ...

ضحكت عليها بدون ماارد .. وهي تتنهد .. تبعد ايدي بقوه مثل قوتي وعنفي وياها .. 

ـ اريدها ...ورديه ...عيونها سود ...عدها كبرياء مثل ابوها .. وبداك اليوم راح ننتقم منك اني بنتك ياخبيث..  الي مايعرف حتئ يحجي

زادت ضحكاتي ...واني اعرف هذا وعد وردي خاص .. 

ايهــم ... هاجـر ...

اخذني ايهم لمدينه اللالعاب ... وفعلا تونست.  ماكو لعبه مالعبتها وصعدت بيها .. اكلنا وشربنا وجننا صدوك فرحانين..  نسيت كل الي صار بحظات ...

بس ديلاب الهوا ...عالي كولش .. واني مااحب الاماكن العاليه .. حتئ من جانت امي خطيه تجيبنا بالاعياد مااصعدها ...اشتري شعر بنات واضل اباوع عليهن وهن يصرخن .. 

بس ايهم ماادري شلون قنعني ..  علئ ابو اني وياج ولا تخافين ...

صعدنا ...اول مرة مجنت خايفه ...بس هو تحرك ...واني صرخت ...

خاصه من كام يعلي ... حضنت ايهم حضن ...

ضحك وهي يهمس بأذني ...

ـ والله لو ماناس جان سويت سالفه ماتسولف ...شحلاتج واني بحضني وبكيفج ...

رفعت وجههي له ... خايفه ...وضايجه منه

ـ خل انته دا تتسلئ علئ حسابي ...بالله هاي عرفتك بالونسه ...والله ولو ادري هيج فلا طلعت وياك ...

جانت غلطه سخيفه مني .. بالله اني شجاب كلمه الونسه علئ لساني ...الرجال تغير لونه كام يصفر ويخضر ..  دخليك ربي ...

اديه احتوت خصري ...

ـ والله لو مااناس جان عرفتج علئ الونسه من صدوك ...

درت وجهي عنه ...اخفي شعوري بالخجل ...الخوف والقلق ...

من رجعنا ... بعد العشا ... وكفنا علئ باب الغرفه وكفه البارحه نفسها ... بعد الكلام الي سمعنيا ايهن بالمدينه كلت حيفقد نفسه من نرجع للبيت ويمكن مايكدر يتحمل اكثر من هيج .. بس لا جان مسيطر ... مااسوة اي شي بالعكس حسسني كولشي طبيعي ....

واكفين الباب مسدود شويه واني واكفه .... بس توتري اقل من امس.   همست

ـ تصبح علئ خير

ادنه يمي حسيته دا يتعذب من صدوك ....

ـ خليني ادخل انام يمج بس كولشي مااسوي

جنت اعرف بيه جذاب مجرد ماايدخل ...مراح يهدأ لا يسكن له بال الي يأخذ الي يريدة .. مني ...والي سمعته منه بمدينه الالعاب خلاني اخاف ومستحيل اصدك كلامه

هزيت راسي بـ لا وسديت الباب وقفلته بالمفتاح ....

ايهـم ...

ثاني اليوم الصبح ....

اللكمه قبل لا تدخل بحلكي خليها بحلكها ...واتعمد لامس شفتها ...

اليوم هيه عروس بأمتياز ...لان لابسه فستان حلو وانيق يظهر روعه نحناءات خصرها وجمال تناسق جسمها ....

ـ ايهم لا تباوع عليه هيج! 

عضيت شفتي واحجي بحركه ....

ـ نروح لمدينه اللالعاب ....مرة ثانيه ...

ـ بحلامك روح انته عيني وركب ديلاب الهوا لوحدك ...

ضحكت من كلبي ...

ـ لا هل مرة اشوفلي فد مكان اضلم ومنغزل اخذج له ...

ضحكت هي  انزلت  راسهاللموبايل ....تتلمس بيه وتكلب بيه ..

ـ شنو منتظرة اتصال من احد

رفعت عيونها لي ...وحجت بحزن

ـ امي مشتاقتلها ...مصلت بيه ولا حاجيتها ...

ـ يجوز عافونا نأخذ راحتنا يعني بعتبارنا معاريس

سكت .... رجعت اني كملت ...

ـ خابريها انتي لعد اذا مشتاقتلها هيج عمري

شالت موبايلها ...وتصلت ...

خليت استكان الجاي بمكانه ..  واني ااراقب كل حركه منها .. حنايا جسمها الرقيقه دا تشوش علئ تركيزي ...

مااعرف الئ متئ اكدر اصبر واكبت ... احاول بكل ماعندي من قوة ..  اراعي .. وعاملها بهداوه ...بس هي عنيدة كولش ..

هاي ثاني ليله واني ممتقرب لها ...معقوله اكدر اصبر بعد ليله ... طاقتي خلصت واني دا امثل القوة السيطرة علئ النفس .. واني مشتاق لها فوك الوصف ...هذا الجوع لها ينهشني نهش ...ويخليني متمد علئ ارض الحرمان الجافه القاسيه ..

تمام ...الموضوع محتاج .. انو ادفع الي برادتها ... واذا مااعبرت لها عن مشاعري كامله مراح اوصل لها ...

شفتها تأفف ...وهي ترجع تتصل مرة ثانيه ...

حلكها الزغير لمن يأفف يصير مثل حبه كزر شهيه ..

بلعت ريكي واني اباوع علئ ركبتها الحساسه الدافيه ...اني اعرف كولش زين شكد هي دافيه

لا .. مااصبر ...مراح ماشيها برغبتها ...الطفوليه ... ( انو اصبر عليها اكثر) 

الليله اخذها فد مكان انونسها بيه ..

الليله ادخلها لعالمي .. مثل ماادخلتي عالمها وحبيته ..

غصبا عليه توترت ...

ـ هلو رافد..  شلونكم ...دا اتصل علئ البنات ماكو وامي هم صاير شي ..

نتبهت حواسي كولها وياها ... شفتها شلون صفرت

ـ شنو ...يمته ...اي ليش ماخابرتوا .. هسه جايين ...

بجت ...وسدت الموبايل

ـ شبيج ...
كامت علئ حيلها ..

ـ كوم ايهم وديني لماما رجلها مكسورة ...وصابينها ...

كلت بكلبي ... جانت عايزة لتمت ...

رحنا ....وبالسيارة عيونها مابطلت بجي ...

لزمت ايدها احاول اهديها ...

ـ شبيج هاجر ....شسالفه خالتي مابيها شي وانتي خابرت رافد كال مابيها شي ...

ـ ولو ماابيها شي جان اتصلن عليه ...

ـ مابيها شي وداعتج حبيبتي ...

من وصلنا للبيت ...نزلت ...وركضت قبل حتئ لا اطفي السيارة ...

ضليت كاعد بالسيارة ....اباوع عليها .... يمته ارجع كلبج لي ماادري ...

نزلت علئ كيفي ودخلت وراها ... لكيتها ...حاضنه خالتي وتبجي ....والبنات يمها هم يتباجن ...واني يمهن تسكت بيهن ...

ـولجن اسكتن ادري فاتحه اسم الله مرة عثرت و نكسرت رجلها ...بسجن ...

تلكتني خطيه باستني ...

ـ مبروك يوم منك المال ومنها العيال بعد عمري ...

تحسرت

ـ الله يبارك بيج يوم ..

رحت علئ خالتي باوستها ...وحضنتي

ـ الحمد لله علئ سلامتج خاله

ـ الله يسلمك ...خربت فرحتكم ...اني كلت لا تكولولهم ... بس رافد نطق جنه ابو الهول

ضحكنا كولنا ...

ـ اها خاله صرت مو زين لو لان نسيبج القديم وهذا جديد تريدين تكسبينه ....

رجعنا ضحكنا وهاي كاعدة بين اخواتها .... تضحك وتمسح بدمعتها .... هو اني وحدها مالحتها هل نوب بين اخواتها ...

اللمه جانت حلوة ...بين اهلك وناسك .... رافد وغاليه يتضاحكون وصايرين اهل البيت وسهر وياسر ... سهر حامل ...وهاي جانت فرحه ثانيه .... كلها تصافت بس اني بعدني ...وي هاي لي راسها عبالك حجارة مو راس ....

بالليل بعد ماتغدينا وتعشينا .... كمت علئ حيلي ... وكلت لها

ـ يلا هجورة ...نروح لبيتنا ...

ابدا ماتوقعت ...جوابها جان صادم لي ...

ـ اني ابقئ هنا يم ماما ...

كولها سكتت ... وبهت الحجي ...

خالتي شفتها شلون ندستها حيل ...

ـ شنو هل حجي ماما كومي وي رجلج ...

شلت مفاتيح سيارتي ... وكلبي موجر منها ...والعصبيه تقرا الف ...يمكن لو ازمها ...اكطعها .. حجيت واني احاول يطلع صوتي طبيعي بارد ... خافت

ـ خليها خاله براحتها ....

ـ لا خاله صدوك جذب ...قابل اني كاعدة بالشارع اشو اخيتي يمي وبناتي يمي ...وانتم بعدكم عرسان اخذ مريتك وتوكل خاله ...

دارت وجهها علئ امها ...

ـ ماما ...

ـ اشش كومي وي رجلج ....

كامت لفت حجابها ....بهدوء ... طلعت وهي وراي ....

شغلت سيارتي لا لحكت عليه وركبت ....

بس حركت صرخت بيها ...

ـ ليش هيج دا تسوين بيه ... يعني مخلص عقابج ست هاجر ....مانتهئ ...واني صابر وساكت ومتحمل واريدج بس كون راضيه ...ونوب ترخصيني كدام اهلج واخواتج ....واخواني .. ماشي اصبريلي لعد ....

هاجـر

كلبي يخفك .. خوف منه ... وحب له ..  احبه مااجذب اموت عليه بس اعاندة ...اثير جنونه حتئ بس انتقم من كلبه .الي وجعني ....وجعني كولش ...ادري بيه راح يتخبل اذا كلت خليني ابات ......

حاولت اخلص ايدي منه لي لازمها حيل ...
ـ ايهم ...شبيك ردت ابقئ يم امي بيها شي ...

ـ تعرفين كولش زين خالتي ممحتاجتج ..  ليش تباتين يمها اها .. ولج ثاني يوم عرسنا تريدين باتين بغيد عني لعد شكد اني رخيص عندج ...اصلا المشكله كولها بيج انتي .. اني اتقرب انتي تبعدين ميه ميل عني .. اي ليش واني احبج ....احبج ... حاضنج مثل الغركان وانتي تبتعدين عني .. ماتسوين شي غير تبعدين و تخلصين طاقه صبري وياج ...كولي ليش ...شتريدين حتئ ترضين ...حجي .. شلون ترجع هجورتي ام الكلب الطيب شسوي كوليلي ...

وصلنا للبيت واحنا ... سكته بعد هذا الحجي ....نزلت قبله ...ردت اخلص نفسي منه ..  ركضت بس ماالحكت ...ادخل للغرفه ...لحكني ... ولزمني من ايدي ...سحبني له ..

دك موبايله ...

حجيت واني لهث ...

ـ اكيد ماما تريد تطمئن علينا ...

فتح الخط بسرعه وعيونه بعيوني ...

ـ الو ...خاله وصلنا للبيت لاتخافين ...

بس شفت لونه تغير .. وسكته خوفتني ...

ـ ايهم شصار ماما بيها شي ...

همس ...

ـ سميه .. !

نتفض كلبي من صدري ...حاولت اخلص ايدي منه ماكو ...

اخذني بحضنه وظهري صار علئ صدرة وايدة حاضنه جسمي وكوله ...شفته فتح سبيكر الموبايل .. ادفع بيه ماكو ..

وجه صوت سميه ..

ـ مرحبا ايهم...

وكملت ..

ـ مااردت اتصل عليك ...بس مااكدرت ... والله مااكدرت ... اتصلت عليك مرتين مرديت عليه ...

اويلي ...اويل كلبي ...يعني تتصل بيه ...بعدها مافاقدة الامل بيه رغم كل الي صار بيناتهم ...

رد عليها ايهم بقسوة

ـ مرديت عليج سميه المغروض الجواب يجيج واضح ...انو ماريد احجي وياج ...

شهكه سمعت منها ...

وصوت مكسور ...

ـ يعني الي سمعته صح ...انته تخليت عني ايهم .. يعني تفكيري صحيح ...الفلوس لي دزيتها لي الموخر مالتي ..  شكول لاهلي .. ايهم ماافكرت بيه

ـ ماافكرتي بنفسج وانتي تسلمين نفسج لواحد غريب ..  سميه اني وانتي نعرف انتي تعرفين ادبرين نفسج لا ادخلين من هل طريق لان ماينفع وياي .. شوفي طريقج .. الله يسهل لج

جان جسمي يرجف واني اعيش نفس التجربه .. ونفس الالم .. بس هسه المشاعر تختلف المشاعر مختلطه ..  ماافهمها ...

اني دا تالم ... وما تألم ...

لزم ايدي حيل ...

ـ سميه بعد لا تتصلين ...اني سويت كل الي عليه وزايد ... واذا تريدين بعد مساعدة اكدر اساعدج ...بس ترجع علاقته بعد لا .. اقطعي الامل نهائيا ... اانتي طلعتي من مسووليتي

حسيت نفسي دخت .. "بعد شكو ايهم " كالتها عيوني لعيونه ...

صرخت سميه ...

ـ اي كول هيج انته سويت هيج ودزيت هل المبلغ حتى تخلص نفسك مني ...

ـ علمودج سميه .. انتي المستفادة اكثر مني اني ... اقبلي سميه .. وانسي وعيشي حياج وانسيني تماما وشيليني من حساباتج ...

ـ انته سويت هيج علمودها هيه ...هي تطلب وانته تنفذ

ردت اوكع لو ما ايهم لازمني .. خله جبينه علئ راسي من ورة ... ويحجي

ـ هي ماتطلب بس تتالم ...وانس سبب هذا الالم ووعدت نفسي امحيه ...حتئ لو كلفني حياتي .. ماااكدر اشوفها تتوجع ...لان هي تتوجع قبل لا اني اتوجع زرعت بيه احساس انو احنا روح وحدة بجسمين .. نتشارك بكولشي حتئ بالوجع .. حتئ لو مافهمنا السبب ..

يحضني اكثر واكثر له ....واني اذوب بين اديه ..

ـ كافي سميه الله بخليج ...تحرري مني .. مثل مااتحررت منج ..

سالته ..

ـ تحبها .. !

رجف جسمي ..... ويمكن حس بيه ..

ـ مو سالتني هل سوال قبل مرة ...تتتذكرين من شفتج اول ماارجعتي .. 

ـ كلت اكتشفي هذا الشي بنفسج ...

بديت حاول اخلص جسمي منه ...لا بعد مااتحمل ...اي كلمه ...مااريد اسمع ...

بس هو مثل القيد من حديد مااكدرت اهلص نفسي منه ..

سالها يلح عليها ...

ـ واكتشفتيه سميه ...

ـ اي تحبها ... واني انتهيت من حياتك حتئ منطيتني رابط معين حتئ ابقئ وياك .. علمودها هي .. بس وعد ارجعك لي لو بعد سنين واتزوجك ..

وسدت خط .. 

ماادري شلون خلصت نفسي منه ...واني اركض اريد اوصل للغرفه .. اريد اسد بابها عليه وارتاح .. اريد بجي ...اصرخ ..  اضرب نفسي .. قبل مااسد الباب ...اندفع حيل ..
يلهث .. فعرفت هو جان يركض وراي .. سالني بصوت مبحوح

ـ ليش شردتي ... لا صرتي تعرفين مو ...وبعدج خايفه ...بس انتي بقرارة كلبج تعرفين كلبي لج وحدج انتي وبس ...

رديت واني ارجف ...واني اشوفه نزع سترته ...وذبها بالكاع ..

ـ اطلع ...ايهم ...اطلع اريد ابقئ وحدي ...

رد عليه وهو يضحك ...يرجف مثلي

ـ شنو الي مخوفج ...حبي لسميه !? سميه الي حبيتها يوم من الايام رحت بلا رجعه واخذت وياها ايهم القديم ... وهذا ايهم نولد علئ ايدج انتي ...يحبج وحدج انتي .. رغم كل هذا تخافين منها اذا تقربت مني ...ولج انتي ملكتيني وملكتي كولشي بيه ... ونهيت اي صله بيني وبينها علمودج ... شنو الي مخوفج بعد ....خايفه من حبي لج .. لان ا
عند هاي النقطه اكولج انتي دا تخدعين نفسج هاجر ...يمكن دا تحمينها حتئ ماتنجرحين .. بس اني متأكد من قرارة نفسج تعرفين ....اني لج وحدج ...واحبج

خفك كلبي ...

ـ فدوة ...ايهم عوفني ...عوفني بس لليله خليني استوعب وباجر شتريد يصير ...

ابتسم ...ابتسامه تخوف وهو يفتح ...دكم قميصه ....

ـ ماكو رفض هجورتي ...اني مستعد ابقئ وياج لنهايه النقطه الي تقلقج ...بس اني هسه مجتاجج كرجل ...رجل عاشك ...

نزع قميصه وشمرة بالكاع مةل مااسوة بسترة قبل شويه ...
ـ اجه الوكت يزغيرونه ...ترة لعبنا هوايه وتعبت اني ...

كمل بنبرة رجوليه خشنه ...

ـ اريدج ... خلينا نبدي القصه من جديد ...عروس ببدله عرسها .. وعريس يريد يوصلها بأي طريقه كانت ...يريد يملك كلبها وروحها قبل كولشي ...

مد ايدة ...قفل الباب بالمفتاح ...واني رجفت ...رعب اصاب كل حواسي ...وجمدت بمكاني ...همست اتوسل بيه ...وهو يتقرب مني ... مثل اسد مستعد يفترس غريمته ...

ـ فدوة ايهم ...اااه

تعجبت شلون نزعني حجابي حيل ...بحيث الدبوس خدش خدي ...صرخت بيه واني اريد لي بس حجه...

ـ جرحت خدي ... !?

لزمني من كتافي عبالي راح يحضني ...بس مال بوجهه ناحيه خدي يقبله .... بوس اثر الخدش الي علئ خدي ...

سالته
ـ شدا تسوي ...

ـ اراضي خدشج  ... جرحته

ايدة دا تفتح بسترتي يريد يفتحها ..

ـ لج كولي اي .. حتئ اشكك هاذي الملابس الي كرهتتها .. وبعدها اكضي الليل اراضي كل خدش بجسمج ...

احس الدم صعد لراسي من الخجل ...ادفع بيدة عني .. 

ـ اوكف ...ايهم ...لا تحجي وياي بهل طريقه ...

يرد عليه ... ويضحك

ـ لازم تتعودين علئ هل حجي ... غير رجال ومرته ...

ضوجتني ضحكته ...
ـ وهمجيه الزوج استاذ ايهم هم لازم تعود عليها ...

ماادري شلون فلتت منه ...كمت اركض بالغرفه منا ...ومنا وهو وراي ...صعدت علئ الجربايه ... راد يسخلني ... طفرت ...نزلت من الجانب الثاني ...ضحك ويحجي ..

ـ تعالي اارنوبتي الخايفه ...وراح اكلج علئ كيفي ...

طكيت سن بسن واني حجي .. 
ـ خل اشوفك شلون يأكلني يبن رضاب ...

ضل يضحك ...مكيف ...راوغته ...وهو كدامي ...مايخليني اعبر ...كل ساع يمد يدة يريد لزمني ...بس اني فلتتت .. وركضت علئ باب الحمام ...وقبل لا يدفعه سديته ... وقفلته ..

ـ افتحي الباب ...هجورتي ... مراح اكسر الباب راح انتظرج تفتحين الباب مثل اي بنيه حبابه مؤدبه ومطيعه ...

صحت من ورة الباب وانل لهث تعبانه ..
ـ ماافتحه ...

اجاني صوته يتوسل ...

ـ لا صيرين قاسيه هجورتي ...عصفورتي ...

ـ مراح افتح ...مراح افتح ....مراح افتح بكيفك ... شيريد تسوي سوي ...

ـ ماشي ...لعد حبقئ هنا يم الباب انتضرج لمن اطلعين

ـ بكيفك اني نفسي طويل مراح امل ...

ـ واني نفسي اطول انشوف ...

بس مابطل هو يلعب بأعصابي ....

مرة يغني .. باعلئ صوته واسمع خطواته يتمشئ بالغرفه ...مرة يهددني يلعب بغراضي يذل الي ميعجبه منهن برة الغرفه ... بسله الزبل ....مرة يحجي كلام غزل ...يحجي عن اشتياقه لي ولوعته عليه .. ويحاول يحنن كلبي عليه ...

مرة يحجيلي عن طفولته ...عن مغامراته وسوالفه ...وشكد روحي تفرفح عليه ...حتئ ابوة وخالتي حجه مااكو شي مااسولفه لي .. وظل يحجي ...ويحجي لمن سكت ...

مرن ساعتين علئ الحجي .. ساعتين .. واني محبوسه بين اربع حيطان ...تذكرت رجفه جسمه لمن جان يحجي وي سميه...عبالك ميحجي وياها ....يحجي وياي ...كل كلمه منه تدخل لكلبي ....لعقلي ...لروحي ...كان لي وحدي ...محسيته متخربط بمشاعرة بالعكس ...جان ثابت ...كل كلمه تطلع منه مليانه ثقه ..

فتحت عيوني

ـ ايهم لج هاجر ...لج وحدج ...مهما حاولت سميه تخدعج ...فهو لج ... مو جنتي تطلبينها وتتمنينها ...هاي صارت ...بس هو صح لي كاله ...انتي تخافين تصدكينها ...

بأستسلام ... مرهق ...فتحت الباب ...لكيته كاعد بالكاع ...متجي علئ الجربايه...ووجهه لي ...شعرة كفشه ...ملامحه فرحانه ..

حجيت بلوم وعتب

ـ اني تعبت ...

كام من مكانه يهمس
ـ واني مراح ولا راح اتعب ...

استسلمت لديه وهنه يفكن شعري .... يحررني من كل مايعيق طريقه ....
ويهمس بأذني ...

ـ احبج ... عمري مااحبيت مثل مااحبيتج انتي ...

...

بعـد سبع اشهر ...

ياسـر ....سهر ...

سهـر ...

ـ هاي شبيك ياسر ...تسحل بيه ليش اني اكدر امشي ... بعدين وين ماخذني

ـ اووف دمشي ولج شكد لوحه انتي .. 

ـ مو غاليه فرشت وخلت العشا ...بعدين جايين نتونس لو حضرتك تسحل بيه من مكان لمكان

ـ ولج هيه نص ساعه ورجعج .. قابل الاكل طاير ..

خذني للنهر ... واكفين باوع عليه ...

ـ ياسر مو الجو حار حتئ اللييل ... اووف شوكت يخلص الحر ...

بس ولا عليه بيه ...عبالك ومو ياي بمكان ثاني ..

ـ ياسر .. 

خذ ايدي خلها ...بيدة ...عصرها حيل ..

جان الضوة مكعوس بعيونه ... لمن لتقت بعيوني ...

ـ احبج ...

ـ واني هم احبك ...

...

رافد ...غاليه ...

فرشنا علئ الثيل الاخضر ... وين عركه .. وسوالف لليل الا رضئ رافد يطلعنا .. 

جمعمين كولنا اباوع لاخواتي ...شلون فرحانات ...بنتي الي دا تلعب .. تمشي وتوكع ..

هاجر الي مخليه ايدها علئ بطنها لان حامل بخامس ... وسهر الي واخيرا سمعت الي تريدة ...

امي وملامحها المرتاحه ... وخالتي الي دا تحلم بالعمرة والحج بس للاسف بعدها مصاحه لها ... وان شاء الله تصير وتروح ...

خله همس رافد بأذني .. 

ـ وين صافنه ...

درت وجهي عليه ...
ـ بيك صافنه .. ماادري افكر اكول شكد احبك ...امس اكثر لو اليوم اكثر ...لو يمكن باجر اكثر منهن كولهن ...

باس كتفي ...

ـ
اشر علئ عبير ...

ـ باجر اسويلها جنسيه .. خو متبقئ بدون جنسيه ... اسجلها بأسمي ...

تحسرت ... ابوها الي ختفه فص ملح وذاب واهله ابد لا سألو لا فكدو ا

ـ اصلا ماتعرف اب غيرك... عبير بنتك انته رافد .. احنا اثنينا بناتك .. 

تمــت ...

يوم الاحـد ...الساعه .. 11:12 دقيقه ...

في الختام اشكر كل من دعمني .. بتصويت ...او تعليق .. او كلمه طيبه .. اشكر كل متابعيني الي صبروا عليه علئ ضروفي ودعموني وحفزوني حتئ استمر

شكرا لكم من القلب ... قلب يحبكم وعاش وياكم وتعلق بيكم ...

اشكر ست روعه علئ تعاملها الراقي الجميل .. انسانه في قمه الادب وللاخلاق والطيبه واتمنئ لها كل الخير ...

اشكر المبدعه الجميله ...الراقيه ...الصديقه .. الممصمه المشاركه معي في هذا القليل الي دا اقدمه ...

ندوش الوردة وعلئ تصميمها الراقي ...وكل تصاميمها راقيه وجميله وانيقه مثلها اتمنئ لها اعلئ المراتب ...
N____W
واخيـرا ... انتضروني في قصه جديـدة ....

حيث ..

"كفئ حبا " ...
"انوثه مشوهه .. قلب ممزق "

ماذا يحصل .. اذا خسرت الفتاه شرفها بين لليله وضحاها ...

بعد الاربعين ان شاء الله ...
ا

استودعكم الله ... احبتي

ياسر ...سهر .. يشبهووهم ..

شبيهه غاليه