احبك .... وانت الفصل السادس وأربعون 46 - بقلم وردة عمري

السلام عليكم بنات ...

شلونكم اخباركم ..

حبايبي عندي قصتين ... ومحتارة بينمن ابدي منو اخلي ... الاولئ "كفا حبا " نزلت عنها اعلان وبدايه ...ضيفوها ادخلو علئ حسابي تلكوها وهاذي ... "كابوي "هم ضيفوها وياكم

احس هاي مختلفه ..القصه راح تكون علئ لسان صاحبتها فقط هي هيج رادتها ...
قررت اخذ رأيكم لي تحصل اكثر تفاعل علئ الاعلان اخذها ...

مشهـــد ...

-ما مرتاح
عيوني تستحي بس الدموع وكاح
-الليلة كطرات العمرناكوط حب سهران-
مالكه غير العلم كلي
شيفيدك؟
كتلة غربة
ومن نموت اهناك
جا بيش انتغطة
-انا وين؟ وانتي وين؟
انا لحظةاشجابهه اللحظة تدك باب السنين
-يا طيور الليل وديني عله نهران الحبيب
خلي اسجد عالرمل و اشكيله
وانزع عيوني عيوني
براحته وهنه العيون امعلمه

كاظــم اسماعيل كاطع ...

كابوي ..

وردة عمري ...

مشهـد ...

عم الهدو۽ فجأة.عبالك فد شي خطير وقف الزمن عن الحركه .. وهذا الي دفعني حتئ اكشف عيوني اريد اشوف الي دا يصير ...جان الكل موجهه انظارة للباب ...واذا بشاب تقريبا عمرة بأواخر العشيرنيات او اكثر ...عليه سمات الوسامه الخشنه ...مظهرة مايوحي علئ اي نوع من القسوة والوحشيه ..

لابس سترة جلد حاله حال اي شاب ..وشعرة مشطه لورة ...هي مشيته لي تختلف عن اي شاب شافته عيني .. ليش نظرات الرعب تنطق من وجوهه الموجودين ... بالخصوص رشيد ..

رغم غرابه الي دا يصير زاد الوافد الجديد الموضوع غرابه اكثر واكثر .... لتفتت الي اول ماادخل عبالك رجليه دا تقودنه ناحيتي بشكل سلس ومرن ...لمن وكفه الي اسمه دوخه ...
مااعرف اسمه او الالقاب يتلقبون بيها نفسهم ...وايأشر علئ رشيد ..

ـ هذا جكجكه ... كابوي دا تشوفه كدامك .. طلع خريط لا جكجكه ولا صخام بوجهه ...

الي اسمه كابوي حسيته متردد شنو يختار اني لو رشيد ....لمن يروح ومنو يترك .. وفضحته نظراته بيني وبين جماعته .. واخيرا وكع اختيارة علئ رشيد ... والي لظاهر فوك اسمه يسموه جكجكه ... يافجعتي ولوعتي وياحظي المصخم ...

وشكد كثرت المفاجات علئ راسي هل ايام ...واظاهر مراح تنتهي مدام بدت .. يعني مستحيل واحد يطلع من المستنقع بدون مايوصخ نفسه ...

بعد مااكدر اتحمل ... كعدت بالكاع ...لميت رجليه وحضنتهن حيل بأديه وشيصير خلي يصير .. اني معليه ... معليه

اخيرا نطق الي اسمه كابوي ...

ـ شلون جكجكه ماتحجي ...

كلامه كان مبهم ... شيريد منه يحجي ...? دخلوا عليه وهجموا و يريدة يحجي بعد فوك هذا كوله ...

وعبالك رشيد استسلم اخيرا ...

ـ الشيطان كابوي الشيطان وسوس لي وخلاني هيج اسوي

ـ خليتك يوم من الايام محتاج فلوس

ـ لا

ـ لعد! ?

ـ سامحني الله يخليك فدوة بعد مااسويها توبه .. اترجاك

صرخ بصوته يشبهه هوايه ..

ـ تتوسل ياخاين ... شلون فكرت تتأسس جماعه ونوب بطريقتي القديمه فوك ماانته خاين نوب فاهي وغبي ... لو اعرف بيك غبي لهل درجه مجان انطيتك مهام الجندي .. جان خليتك ماسحه يوميه امر عليها ببابي ...

ـ اني اسف ..

ـ سمعتوا ... دا يتأسف الاخ ...

ظل يأشر عليه وهو يباوع علئ الي اسمه الدوخه ويحجي ...

ـ انته تعرف كلش زين مصير الخاين شنو ... فصير رجال ولا تتوسل ولا تترجئ ولا تتأسف

نظرات رشيد كتلتني ....جان خايف ويعرف الي دا يصير وياه شنو ...ومصيرة الي دا يحجون عنه هم يعرفه شنو ....يترجاه بعيونه ...بس بدون اي امل حقيقي ... مع انو كابوي هذا ماجان مبين عليه الشر .. بس مجان اكو اي ذرة رحمه بكلبه .. حجه دوخه ...

ـ خلصت منه! ?

ـ طبعا...وانت تعرف كلش زين شنو جزاء الخاين لا سماح ولا رجعه وي الخونه ...

رد عليه دوخه

ـ بكيفك بعد انته الي تقرر

بهاي اللحظه لتفتت لي كابوي ...تقدم ناحيتي حتئ مابقت مسافه جبيرة بيناتنا ...

ـ شسوين هنا ....

كالها وعبالك يعرفني ....شلت عيوني له ... لاكتني عيونه بلونهن الاخضر مو غريبات عليه شايفتن ....وين ...!? زين منو هو ....معقوله يعرفني?

ظل واكف كدامي .... دفؤ غريب يطلع منه ... غير الانسان لي جان وامف ويأمر وينهي ... مو ذاك الانسان الي دفن كلبه قبل لحظات ... الكل يباوعون عليه ويشوفونه شدا يسوي .. بعد فترة لزمني من معصم ايدي ...وحجي

ـ كومي يلا كومي ...

انتجيت علئ الحايط ...وهو يكوم بيه ...وعيوني تبجي مثل الشلال ... اقترب مني وعبالك راح يكول شي ...بس اجه صوت رشيد يصرخ

ـ عوفها كابوي ...هي ماالها شغل .. مالها دخل بالموضوع

بطريقه غريبه باوع عليه كابوي هذا .... وسالتني

ـ شنو انتي حبيبته! ? تواعدينه هااا مو بالله

هزيت راسي حيل بـ لا لتفتت للزلمه واشر لهم ...وطاحوا علئ رشيد ضرب كل واحد من جهه .. جان يصرخ يتوسل بيهم يعوفونه .. اسمع هاي الضربات عبالك دفه طبل بأذني ...

خليت اديه علئ اذاني ...وغمضت عيوني .. ورغم هذا وصلني الصوت .. تعبت روحي من الالم الي دا تشوفه بين فترة وفترة .. فتملكتني شجاعه غريبه مااعرفها بيه .. ردت اتحرك من مكاني واني اصرخ عليهم ...

ـ عوفوة ... الله يخليكم عوفوة

بس لزمني كابوي هذا ... وبعدني اريد اساعدة اريد افلت ايدي منه حتئ اخلصه منهم .. رجعني وثبتني حيل علئ الحايط ....جنت باوع لرشيد ...عيوني عليه ونفسي يصعد وينزل بسرعه وعيوني تجري ...

لتفتت له وطلبت منه ...

ـ كول لهم يعوفوة فدوة ...

دار راسه لهم وصرخ ...

ـ تركوة ...

تفاجئت بيه لمن سمع لكلامي ماجنت اعرف لهذا الشي نوايا وحسابات ثانيه ...

ـ باوع عليه استاذ جكجكه ...

لتفتت حتئ يشوف رشيد متنبهه عليه او لا ... سحب المسدس من ظهرة الي جان مثبت بحزامه ...وخلاه براسي ... جسمي كوله رجف ...جسمي كوله توقف عن الحركه وعيوني بعيون كابوي ..

ماادري .. جان عندي احساس قوي .. مراح يقتلني يمكن لان وقت موتي بعدة ماحان ... هيج جنت افكر...

بالنفس الباقي منه حجه رشيد ...

ـ تركها كابوي البنيه عدها اخ زغير محتاجها ..

ـ اذا جنت تفكر بيها لهل درجه لعد ليش طلبت من العامل مالتك يجيبلك منوم اهاااا! ?

شنو منوم ... علمود هيج جان رشيد يريدني اشرب العصير بأي طريقه ....زين شيريد يثبت هذا كابوي بكلامه .. نظراتي ظلت مطشرة بيناتهم .. اسال بداخلي ..

ليش! ?

شدخلني اني! ?

عوفوني بحالي وانتم تحاسبوا براحتكم شدخلني بيناتكم .. عوفوني مااريد اي علاقه تربطني بيكم ..

حجه رشيد ..

ـ لاتأذيتها كابوي

ـ كمت تنتطي اوامر حضرتك ...تمام لعد خلينا نشوفك شكد مخلص بالله

كال كابوي وملامحه مليانه ثقه ...بالنتيجه .. عبالك يعرفها قبل لا يحجي ..

ـ شوف شراح يصير .. هسه عندك فرصه تخلص نفسك ...بس المقابل شنو .. حياتها ..لو انته لو هيه ? اختار ...اكتلها وخليها تعوف اخوها الزغير وحدة وتعيش انته لو اكتلك وترجع لاخوها شتكول

الكل سكت منتظر رشيد يحجي واني نفسي اباوع عليه بدون توقعات منتظرة مصيري .. قدري المحتوم .. والي هو بين اديه .. وكفت حتئ دموعي .. متصنمه منتظرة نهايتي او نهايته بكل الاحوال راح يخسر واحد من عدنا حياته. وهاي النتيجه ماجنت توقعها او تخيلها بحياتي ...اعيش حياه مالها معنئ او مغزئ ..

ماادري شكد مرت دقيقه او دقيقتين يمكن سنه او سنتين علئ الاقل هذا الي دا احس بيه لح عليه كابوي حتئ يقرر رفع رشيد الي عيونه عرفت الي بيهن ...وزاد يقين كلامه ..

ـ اسف ...اسوله سامحيني ...

نزلت دمعتي ...وغمضت عيني ...حيل ...فتحتهن برعب علئ صوت كابوي ..

ـ اهاا شختاريت ...

شنو مافتهم الي يريدني اسمع?

ـ تعرف شختاريت كابوي ..

ـ اريد اسمعها منك لي مااسمعه مااعترف بيه ..

ونظراته عليه الي اسمه كابوي ...عبالك يريد يثبت فد شي الي .. ومااعرف شنو سبب كل هذا ...

رد عليه رشيد برعشه وي صووته

ـ اكتلها هيه ماارريد اموت

تصميم الجميله N____W. شوفو حسابها وكتابها بيه. هوايه تصاميم قصص راح تحبوها