احفاد عمران الفصل الحادي وأربعون 41 - بقلم ضحى اليوسف

الكاتبه ضحى اليوسف

"أحفاد عمران"

النـهـايـة

لا تنسون التصويت+ التعليق بين الفقرات

•~•~•~•~•~•~•~•~•~•
‏الله يوفقك وتنساني وتعيش.
أدعيلك تعوض كلشي فاتك.
الحب غصباً جمعنه بلا خيارات.
بس فراگنه هاذا برضاتك.
ماضن ترهم اعذارك مفاتيح.
وافك الباب وطلع من حياتك.
راح أخذ أحلامي العايشة وياي.
من يغفن جروحي وذكراتك.
ودفن سوالفنه الغاليه أبير.
بلكت ملوحته تكاسر حلاتك.
وميبين مكانگ بين الضلوع.
ولحد يعرف شچانت غلاتك.
•~•~•~•~•~•~•~•~•~•

هزيت راسي بمعنى أي وكمت شلت
الحاجات خليتهن على الكاونتر
وطلعت البرا وجمانه ورايه إلا
أن فتحت الباب ونصدمت وإني اشوفه

_يامرحبااا

ليان:: أمجد

امجد:: بلحمه وشحمه

ضليت صافنه بي شكد متغير واني
صالي شكد ماشايفته شاف جمانه
وكبل شالها يبوس بيها ورجع باوع عليه

أمجد:: شنهو راح تخليني واكف على الباب

ليان:: ها... لا لا اتفضل طب البيت بيتك

وخرت صفحه ودخل هوه شايل
جمانه ولازم جنطته يسحب بيها
سديت الباب ومشيت ورا بس هو
مادخل جوه رجع التفت الي وكال

أمجد بهمس:: أمي وين

ليان:: بالمطبخ

أمجد:: روحي دخلي ولهيها خليها
تنطيني ظهرها

ضليت صافنه عليه هاذا شديحجي

أمجد:: يله شبيج صافنه صفنه أبو صابر

ليان:: هاذا ياهو نعرفه احنه

أمجد:: ليان روحي دخلي الخاطر الله

انطاني جمانه دخلت المطبخ عمتي
بعدها على وكفتها وبس انتبهت إلي كالت

عمه سناء:: شنو منو على الباب

ليان:: ها رجال سئل على أسمر
وكتله مموجود

نزلت إني جمانه وعمتي صارت اطلع
بالدجاج حتى تكلي بهل اثناء دخل
أمجد على كيفه ووكف ورا عمه سناء
رفع اديه وخلاهن على عيون عمه سناء
وضحك عمه سناء كبل رفعت اديها
على ايده وكالت

عمه سناء:: ولهك اسمر...

ليان:: عمه هاذ مو اسمر

عمه سناء بستغراب:: لعد منهو

وخر اديه أمجد من وجهه وضحك
وعمه سناء اندارت واول ماشافته
فتحت عيونها على وسعهن مصدومه
من شوفته مثلي بس هوه بسرعه حضنها

أمجد:: امي حبيبه كلبي يمه

وخرت منه وهيه بس صافنه بي
وهو يضحك عليها وجمانه تكمز
بينهم مكيفه بالك شو شنو واني
مثل الاطرش بالزفه كل شي ماجاي
افتهم شكو دراما جديده عد عمتي
مو هيه إلي نهار كله تخابر شي بس
علمود يرجع وهسه مسويه نفسها
مصدومه ليش لعد هوه ياهو الجره يجي

امجد:: يمه شنهو مافرحانه بجيتي

عمه سناء:: ولك يمه شلون مافرحانه.... مو
جنت احجي وياك ليش ماكتلي راح تجي

حمزه:: غير اسويها الج مفاجئه

عمه سناء:: وأحلى مفاجئه

رجع حضنها ويبوس بيها وهي هم
وشبكها وراحو الصاله واني بمكاني
واكفه جمانه طلعت تلعب بالجنطه
مالته واني رجعت كملت الغده وهمه
بالصاله اسمع سوالفهم وضحكهم

بالنص ساعه وعمه سناء وامجد
بالصاله وجمانه يمهم تلعب كملت
اني الغده وحضرت كل شي ومابقه
غير الصب كلت خلي اصعد اشوف
جود قبل الصلاة صعدت فوك وفتت
الغرفه لكيته كاعده ويلعب باديه
رحت عليه وابتسمت

ليان:: حبيب امه كاعد

شلته بوسته وطلعتله ملابس بسرعه
غسلتله ورضعته ونزلته وياي أول
مانتبهت إلي عمتي كالت

عمه سناء:: شو جيبي خلي يشوفه عمه

باوعت على أمجد أصلاً مخلي جمانه
بحضنه بس عمتي لا هيه هيج ادور
حتى جود عود ميضل عندي رحت
الها ونطيته جود وكبل رجعت
المطبخ واول مادخلت المطبخ
لاكاني اسمر وهو جاي من برا
باوع عليه وحجه مستغرب
وهو يلوف براسه

اسمر:: المن هاي الجنطه

ليان:: ياجنطه

اسمر:: هاي

اشرلي يم باب لمدخل مال المطبخ
تقربت عليه باوعت هاي جنطه أمجد
رجعت باوعت عليه اكيد هم ماكايله

ليان:: ها هاي لامجد

اسمر:: ياامجد

ليان:: كم أمجد عدنه

اسمر:: أمجد أخوي

هزيت راسي بأي وهو ضحك وكبل
دخل جوه واامجد أول مانتبه عليه
هم كام وضحك سلمو على بعض سلام
حار وضلو يسولفون ويضحكون جتي
عمه سناء المطبخ وصبينه الغدا
وكعدنه كلنا على الطاوله وماخلت
من سوالف وضحك أمجد

خلصنا وامجد اخذ جنطته وصعد
الغرفته واسمر هم اخذ جمانه وصعد
فوك وبقه بس جود يمي بالصاله مخليته
يلعب خلصت مواعين ومسحت الكاع
ومحد موجود أصلا

شلت جود وصعدت الغرفه لكيت
اسمر نايم وبحضنه جمانه هم نايمه
وجود يدور يلعب مو مال نومه هسه
رجعت طلعت حتى لا اكعدهم وسديت
الباب عليهم رحت الغرفه ريمه وخليت
جود يلعب على راحته....

•~•~•~•~•~•~•~•~•~•
فرح.....

مر كم يوم حسيت حمزه فعلاً صار
يضوج من تصرفاتي ومن منعي اله
صايره حتى طلعه ماخلي يطلع ونهار
كله مخليته كبالي وكاعده ويا وهو
دائماً يواعد اصدقاء ومن يريد يطلع
ماخلي يطلع

حمزه جابلي تلفون وخط جديد وبوكته
دخلت رقم امي وتصلت عليها وجاوبت
بس أول ماعرفت هاذا الرقم إلي سدته
بوجهي وحضرتني نهايهً بدون حتى
ماتسئل عليه شكد بجيت بوقته بس
جانت عمه صابرين يمنه وضلت تحاجيني
بكلماتها الطيفه بالرغم اني جنه الها
بس هيه اعتبرتني حالي حال ليان
وأبدا مافرقتني عليها

واكفه امسح بالميز وحمزه يمي يلعب
بموبايله شويه وجان يدك موبايله
ماهتميت وضليت امسح بالمرايا وهو
يحجي اخير شي كام وهو يحجي على
التلفون اشرت اله بمعنى وين وهو
اشر إلي عود رايح يشرب مي هزيت
راسي بمعنى أي وهو طلع من الغرفه
واني ضليت اعزل بالغرفه وانضف بيها

شلت سطل المسح وبطنه الوصله
ودخلت الحمام غسلت الوصله والسطل
ذبيت ميه وردت اطلع برأ بالطارمه
باوعت بالصاله ماكو حمزه هاذا
وين راح رحت المطبخ ماكو طلعت
الطارمه خليت الصطل وباوعت هم
ماكو يعني طلع وعافني رجعت دخلت
وكبل الغرفه تمدتت على الجربايه
وضليت صافنه ومقهوره لأن طلع

اريد اغمض عيوني اريد انام ماكدرت
أبدا كمت من مكاني ورحت الكنتور
حمزه طلعت قميصه ورشيت عطر
حمزه عليه ومشيت الجربايه تمدتت
وخليته بحضني اشمشم بي لحد مانمت

فزيت على لطخه باب كبل رفعت
نفسي باوعت حمزه سد الباب
بحذر واجه يمي

حمزه:: بالغلط ماعرف شلون الطخ

عفته ماحاجيته ورجعت خليت راسي
على المخده وهو اجه بسرعه حضني
بتعدت منه وكتله

فرح:: وخر أريد انام

حمزه:: أي نامي منو لازمج بس تعالي يمي

فرح:: شكراً ماريد روح يم الجنت
يمهم وإني انام

حمزه بضحكه:: اهاااا السالفه بيها زعل

فرح:: عشتوو على شنو ازعل روح روح

مابطلت ضليت إني ابتعد وهو يتقرب
إلا أن كمت من بكاني ردت اروح
وبين اله التشيرت ضل صافن بي
نوب كال

حمزه:: اهااا وهنااا الحجي... ماترديني
وضامه قميصي بحضنها شو تعالي...

سحبني من أيدي وخلاني بحضنه
واني أريد ابتعد ماكو ميخليني

فرح:: وخر شبيك

حمزه:: مو إذا اوخر بعد ماخليج تنامين
بحضني ولا تشمين عطري

فرح:: ديله هسه على حوره عطرك

حمزه:: ماشي يله وخري

بعدني عليه بس إني ماكدر استغني عليه
كبل رجعت بحضنه واني اضحك

فرح:: لا لا اشاقه حبيبي

رجعت حضنته وهو على حضنتي حضني
بقوه خليت راسي بركبته ونمنا الصبح.....

كعدت الصبح واني بعدني بحضنه
رفعت راسي اباوعله شلون نايم رفعت
أيدي لوجه وتلمست خده اشو هاذا ابتسم

فرح:: شنو كاعد

حمزه:: لا نايم

فرح:: لعد شلون تحجي

حمزه:: شنهو ماكالولج

فرح:: لا شنو

حمزه:: يوميه الصبح أنا احجي بس نايم

ضحكت عليه وضربته على صدره وكلت

فرح:: حمزةةة

فتح عيونه وهم يضحك اندار عليه
وهوه يبوس بوجهي ويكول

حمزه:: روحه لحمزة

فرح:: شو وخر خلي اكوم

حمزه:: شسوين كايمه ضلي بحضني

فرح:: خلف الله عليك... دوخر وخر

كوه سحبت نفسي منه وكمت اخذت
دشادشه شلحة ودخلت الحمام سبحت......
طلعت لكيته مموجود طلعت من الغرفه
انتبهت عليه بالمطبخ ضحكت ورحت عليه

فرح:: حبيبي شدتسوي

حمزه:: اسوي ريوك الحبيبتي

فرح:: إني اسوي روح اكعد

حمزه:: ماريد اكعد أنتِ اكعدي وأنا اسوي

ماخلاني اسوي شي وكلما اكله إني
اسوي مايرضه ومخليني كاعده سوه
الريوك هوه وصب الجاي وكعد باوعت
إني على البيضه مسويها عيون ولينه
مامستويه ضليت إني اباوع عليها
وحمزه جان ياكل عادي منها انتبه
عليه ماماكله وكال

حمزه:: فرح اكلي ليش ماتاكلين

فرح:: ليش هيج مسوي البيضه

حمزه:: ليش شبيها

فرح:: شكلها أبد محلو

حمزه:: اكليها وشوفي غير بس تاكليها
تكومين يوميه تردين

فرح:: لا حمزه موطيبه خلاص ماريد
منها انطيني الطماطه

حمزه:: ولجج بس اكلي منها تخبل

فرح:: ياحمزه ماريد هسه انطيني الطماطه

ضل هوه يكول طيبه وبس ضوكيه
واني اكله ماريد الطماطه بعيده عليه
وماكدرت اخذها ولا حمزه ينطيني
ياها ويريد إلا اكل من البيض واني
من شكله نفسي كشت نوب اكله بس
هو وين

ضليت إني احجي وهو يحجي واخير
شي سوه لفه إلي وإلا تجين تاكليها
وضل يلح عليه بس إني ماردت بس
انجبرت اخذها من ايده وماردها

اخذتها وخليتها على شفايفي اباوع
لحمزه يباوع عليه واني كوه فتحت
حلكي وعضيت منها وياريتني ماعضيت
منها اول مادخلت حلكي حسيت أكو
ازفره بيها كبل رميت الفه من أيدي
وطفرت المغسله واني مخليه اديه
على حلكي اتقيئت يله ارتاحيت
واجه وراي حمزه يحجي

حمزه:: شجاج

غسلت وجهي واني روحي طالعه
ضليت اذب على وجهي مي الا أن
ارتاحيت يله نشفت وجهي وباوعت
على حمزه كبل كتله

فرح:: كله من ورا بيضك مامستوي

حمزه:: صدك تحجين البيض شعليه

فرح:: غير مامستوي

حمزه:: يا مامستوي هوه غير يخبل بس
انتِ ماتعرفين تاكلين

عفته ومشيت من المطبخ رحت الصاله
كعدت على القنفه وهو واكف بباب
المطبخ يباوع عليه

حمزه:: شنو شو كعدتي

فرح:: لعد شسوي

حمزه:: كومي كملي ريوكج

فرح:: ماريد

حمزه:: ليشش

فرح:: انسدت نفسي بعد ماكدر اكل

اجه كعد يمي اباوع عليه يريد يحجي
ويرجع يسكت استغربت مايحجي شبي

فرح:: حمزه شبيك

حمزه:: ها لا مابيه شي بس

فرح:: بس شنو

تقرب عليه ولزم أيدي وهو كوه يحجي صار

حمزه:: فرح خلي اوديج الدكتوره

فرح:: دكتورتيش

حمزه:: ماجاي تلاحضين تصرفاتج مو طبيعيه

ضليت اباوع عليه شنو مفكرني
وخرت أيدي منه وكمت صاح وراي
واني التفتت اله وكبل كتله

فرح:: شنو شايفني مخبله وتوديني دكتوره

رفع ايده وضربها على كصته ورجع
باوع عليه وابتسم وهو يكول

حمزه:: الدكتوره شعليها بالاخبال
فرح خلي اوديج

فرح:: شبيك حمزه ترا كل شي مابيه
على شنو اروح

حمزه:: ياحبيبتي منو كال بيج شي بس....

فرح:: بس شنو حمزه ترا كل شي مابيه
وإذا لأن ماخليك تطلع روح اطلع الله وياك

عفته ومشيت دخلت الغرفه كعدت على
الجربايه وباوع على الباب مقهوره منه
لأن هيج صاير يتصرف وياي شويه
ودخل هوه ضل يباوع عليه وصافن
بيه ماعرف اني شصالي كبل نزلت
دموعي وهو اجه كعد يمي ويمسح
بدموعي

حمزه:: تخبلتي على شنو البجي هسه

فرح:: أنتَ عبالك خبله اني وتوديني الدكتوره

حمزه:: استغفرالله بطلت عمي لا
دكتوره ولا غيره بس سكتي

رفعت اديه ومسحت دموعي وبتسمت
كمت من يمه طلعت من الغرفه ورحت
المطبخ كعدت على الطاوله أريد اتريك
اجه حمزه وراي وكعد كبالي مستغرب

فرح:: خير شبيك

حمزه:: انتِ مو كلتي ماريد بعد ماشتهي

فرح:: هسه اشتهيت واريد اكل

حمزه:: خوش لعد خلي احرر الجاي

كام خطيه وذب الجاي إلي بالكلاصات
ورجع حمه الجاي بالقروي وصب النا
كعدنه ناكل.... خلصنه وراح حمزه
يريد يجيب مسواك البيت واني هم
ماكعدت ونضفت البيت كله وحمزه
بعده ماجاي

رحت الغرفه اخذت موبايلي وفتحته
طلعت رقم امي عسه ولعل فاتحه الحضر
عني بس ماكو ولكيته بعدها حاضرتني
ومافاتحه الحضر مني كعدت وضليت
ابجي وانوح وحدي واريد كل شي
ينكشف اليوم قبل بأجر بس اليأس
ماجاي يرضى الا يلكه ليث واني لهل
سبب جاي اصبر واصبر

ضليت بالغرفه وكاعده اكلب بالتلفون
ألا إن سمعت صوت خارج الغرفه كمت
من بكاني وطلعت برا للغرفه باوعت
لكيت حمزه جاي وديطبب العلاليك
رحت عليه وكبل كتله

فرح:: الله يساعدك حبيبي

حمزه:: ويساعدج حبيبي

انتبه الي وباوع بعيوني ضل صافن
بيه رجع تقرب ولزم وجهي بين اديه

حمزه:: شبيج ليش باجيه

فرح:: لا ماباجيه

حمزه:: ياماباجيه دشوف عيونج
منفوخه من البجي

رفعت ايدي ولزمت ايده بعدتها عن
وجهي وتحمحمت واني اكول

فرح:: مو من البجي بس شسمه جنت نايمه...

حمزه:: أي عود راح اصدكج

رجع دخل اخير علاكه بس عيونه
تراقبني وهو يعرف كلش زين اني
جنت ابجي بس يعرف إذا ماحجيت
لو مو يرجع يسئل لو كلساعه يسوي
شي مستحيل احجي واكول أي
جنت ابجي

رتبنه وعزلنا اني ويا المسواك كله
وحضرت غدا حتى بعدين ماحير
بي وكعدنه اني ويا......

•~•~•~•~•~•~•~•~•~•
ليان.....

مر كم يوم أمجد منفه البيت وجمانه
طايره بي من كد ماصار يطلعها ويا
وحتى صايره أبوها ماتريده لأن اسمر
كلما أمجد يطلع جمانه يضل يحجي
عليه مايردها تتعلم على الشارع
وامجد عود بوجود اسمر ما يطلعها
ومن اسمر بالعياده لو طالع ياخذها
ويطلع.....

واكفه اغسل مواعين وجود وخليته
يلعب بالحجله عمتي رايحه البيت
اخوها وضلت يمهم وبس اني والجهال
بالبيت امجد هم جان طالع بس رجع
ومن رجع أخذ جمانه وطلع وضلينه
بس اني وجود

كملت غسل المواعين ونظفت المطبخ
كله على اصوله وبقيت كاعده بالصاله
واباوع على جود شون يمشي بالحجله
لحد ماسمعت فتحه باب كلت أكيد هاذ
امجد كمت من بكاني ورحت المطبخ
لكيته يدك بالباب بس مالمحت منو
فتحته وظهر إلي اسمر فتحت عيوني
شجابه هاذا كبل كتله

ليان:: شكو

اسمر:: انتِ ماتبطلين هاي عادتج الناس
تكولل اللله يساعددكك

ليان:: ها... الله يساعدك

أسمر:: خوش ويساعدج

ليان:: شلونك

أسمر:: بخير.... شني راح نضل على الباب

ليان:: لا شسالفه اتفضل ادخل

سويتله مجال وهو دخل وجود اول
مانتبه الابو اجه بالحجله ويهادد عليه
وعود تعال شيلني راح اسمر كبل شاله
وضل يبوس بي بس فجأة صار يدور
براسه ويباوع بالبيت كله رجع التفت
عليه وكال

اسمر:: شنو بس أنتِ بالبيت وين أمي وامجد

ليان:: عمه سناء راحت البيت
عمو...... وامجد قبل شويه اجه وطلع

اسمر بستغراب:: وجمانه.!

ليان:: شسمه

أسمر:: شسمه

ليان:: مو هذا شسمه

أسمر:: ليان احجي وفضيها شسمةة

ليان:: طلعها أمجد

أسمر:: هاذا ميتوووب ابدد

ليان:: ياعيني هسه واذا طلعها

فرك راسه ورجع جود الحجله مالته
راح كعد على القنفه وهو يكول

أسمر:: ليان ماراح تفتهمين ليش
ماريدها تطلع

رحت إني كعدت بصفه على القنفه

ليان:: كلي ليش ماتريدها تطلع

أسمر:: لأن ليان راح تتعلم وأي شخص
راد يطلع تلزك تريد ويا أمجد هسه
ماعنده شي ومكيف عليها ويطلعها
بس باجر عكبه هم يمل منها وهم
يزوج وتصيرله مسؤليه هو ماكاعد
الجمانه راح يعلمها هسه علينه وبعدين
احنه نبتلي

ليان:: بعدها صغيره لا تخاف ماتتعود

اسمر:: هاا صغيره ماتتعود هوه خوفج
من صغيره وتتعود

ليان:: هاي هيه بعد ماخليها تطلع وي امجد

أسمر:: سمعناها هواي ونرجع نلكه
نفس الشي

ماعرف شلون وميلت راسي خليته
على كتفه واني اكول

ليان:: لا هاي أخير مره

أسمر:: خوش نشوف

ضليت إني مخليه راسي على كتفه
بس هو ماكعد رفع ايده وخلاها على
زندي حاضني وخرت راسي ردت اوخر
بسرعه بس هوه قوه قبضه ايده كبل كال

أسمر:: خليج

رجعت راسي على كتفه ومديت ايدي
خليتها بايده وصرت العب بصابيعه وجود
يمنه يلعب يروح ويرجع يهادد البيت
هدوء وماكو صوت غير صوت انفاسنه
بس اسمر كسره لهل هدوء من كال

اسمر:: ليان

ليان:: هممم

اسمر:: ليوين انضل هيج احنه

ليان:: ليش شبينه

اسمر:: علاقتنه ليوين اضل هيج

ليان:: شبيها علاقتنه حلوه

اسمر:: هاي علاقتنه تسميها حلوه شنو
الحلو بيها

ليان:: جمانه جود واني طبعاً

اسمر:: وانا ابيع خضره

ليان:: لا حبيبي انتَ دكتور

وخرني من حضنه بسرعه ستغربت
منه ليش وخرني باوع بعيوني وكال بلهفه

اسمر:: شنو كلتي

ليان:: ترا سمعت

اسمر:: عيديها

ليان:: ليشش

اسمر:: هسه دعيديها

ليان:: انتَ دكتور

اسمر:: لا مو هاي القبلها

ليان بستغراب:: شنهيه القبلها

اسمر:: كلتي حبيبي !؟

ليان:: هاااااا

اسمر:: كلتي مووو أنا مو متوهم

ليان:: أي أي كلت صح

اسمر:: يعني كلتيها

ليان:: اهوووو اسمر شلزكت تراجعت
على كلمتي

ضحك بخفه ورجع حضني حيل
وضمني الصدره واني هم رفعت
ايدي وحضنته من خاصرته ماهجسته
غير شخص تحمحم

كبل وخرنه من بعض ونباوع باتجاه
المطبخ واشوفلكم امجد واكف وشايل
جمانه وهيه تاكل جبس اسمر حك حواجبه وضحك بس اني كمت من القنفه اعدل
بملابسي من الخجل ماعرفت وين اضم
نفسي وامجد كبل ضحك وكال وهو
موجه الحجي النه ثنينه

أمجد:: عدكم غرفه ورحو الها اشو
ماتستحون...... وزين على الأقل
اقفلو الباب ماتكولون شخص يجي

حسيت ارتفعت حرارتي من حجيه
صرت ابلع بريكي اريد أسمر يرده بس

أسمر:: شيمك انتَ هسه امك تزوجك

ماحجه أمجد واني حمدت ربي وشكرته
لأن لو يحجي شيخلصنه نزل جمانه وهيه
تأكل جبس وملوصه اديها وحلكها كبل
أخذتها ومشيت بيها للمغسله اغسللها..

اسمع همسات أسمر وامجد بس
ماافتهم شنو يحجون لأن بعيدين
عليه بس سمعته صفكه ايد وضحكه
أمجد رجت البيت واني نشفت ادين
جمانه ونزلتها راحت الهم واني بقيت
واكفه بمكاني لحد مانتبهت من المرايا
امجد صعد فوك ورحت اني على
السريع لاسمر

ليان:: عود ليش ماقافل الباب

اسمر:: ياباب

ليان:: باب المطبخ ياباب يعني

اسمر:: وأنا شلي غرض واقفله غير انتِ
النادره الدخلتي ورايه

صرت افرك بصابيعي وهو منتبه عليه

اسمر:: ليان شبيج

ليان:: هسه امجد بشنو يفكر بينه
وهو شافنه هيج

اسمر:: ترا شي عادي وإذا شافنه
رجال ومرته شيشوف مثلاً

عفته واخذت جود من الحجله غيرتله
ورجعت كعدت يمه واني أريد احجي

ليان:: اسمر

اسمر:: هاا

ليان:: خلي اليوم نروح البيت حمزه

اسمر:: خوش

ليان:: يعني شنو

اسمر:: مو تردين ترحين نروح هاي هيه

ليان:: يعني نروح

اسمر:: استغفرالله ليان شكد صايره تحجين

سكتت وماحجيت بعد ويا وهو كام
اخذ جمانه وصعد الغرفه واني بقيت
جوه ماصعدت فوك وهم ضجت من
كلامه شنو هواي احجي قصده ضليت
كاعده ومخليه جود يمي وهو يلعب
مكيف لحد ماخفه محلل واني هم
ردت اعوده هيج ينام افضل ما
يتكمط......

شلته وصعدته الغرفه لكيتهم نايمين
خليت جود بالكركوت مالته ورحت
عدلت الغرفه ولميت ملاعيب جمانه
لأن امفلشتهن بالغرفه ورجعت اني هم
تمددت يمهم ونمت...

للمغرب... ماعرف شلون فزيت
واجت عيني على الساعه كبل
كمزت من بكاني

ليان:: شنووو هاي شكدد نايمه

باوعت لاسمر على نومته وجمانه
بحضنه ماكعدتهم عفتهم نايمين
وطلعت من الغرفه نزلت جوا لكيت
امجد كاعد ويكلب بموبايله
رفع راسه وانتبه إلي كبل كالي بابتسامه

أمجد:: هلا بمرة أخوي

ليان:: هلا بحمايه

أمجد:: رجلج وين

ليان:: قصدك اخوك نايم

أمجد:: يااخوي من يوم الزوجج غيرتي
علينه

ليان:: ليشش يمهه شمسويههه

عدل كعدته ورجع ضحك ضليت اني
اباوعله بس هو أشر الي اروح اكعد يمه
رحت اني واريد اشوف شيحجي كعدت
بس بعيده عليه شويه

ليان:: أي اتفضل أستاذ أمجد

امجد:: خير مرة اخوي شكو

ليان:: شمغيره من اخوك اني

امجد:: هو غير انتِ الحيهه غيرتي
اخونه علينه

ليان:: شغيرته شنو جان خطيه يجي
يسافر يمك وهسه اني منعته

باوع عليه مصغر عيونه ورجع يكلب
بالموبايل هو هاي سولته يشاقه ويسكت
حتى شقاه مايكمله بقينه كاعدين ماكو
عمتي

يعني ماكو نطنكه فوك راسي
وتعالي سوي هيج وجيبي هيج ومايصير
هيج لا اليوم ماخذه راحتي شويه ونزل
اسمر من فوك بس وحده يعني جمانه
ماكاعده اجه كعد يمنه وكال وهو
يوجه الكلام الي

اسمر:: عفت الباب مفتوح خاف جود يكعد

هزيت راسي بمعنى أي ماحاجيته اني
ضليت ساكته شويه وكمت احضر العشه
وصدك سمعت عيطه جود بس اني ماكدرت
اصعد صعد الهم اسمؤ ونزلهم ثنينهم يلعبون
جود بالحجله وجمانه بملاعيبها ويم أمجد

كملت العشه وصبيته كعدنه ناكل..
كمت لملمت المواعين وخليتهن على
السنك اغسلهن لحد مانضمت الطباخ
اجه عليه اسمر وهو يكول

اسمر:: حضري نفسج وحضري الجهال
علمود نروح لبيت حمزه

هزيت راسي بمعنى أي وضليت انضف
وهو واكف يمي ويحجي

اسمر:: لبسيهم ملابس شويه اثخان
الجو بارد وخطيه.... وانتِ هم لبسي
ولبسي شال......البسي عبايه إذا عندج
وإذا ماعندح أخذي وحده من مالات امي.

اني بس استمع أبدا مارديت عليه رجعت
اغسل المواعين بس هوه رجع حجه

اسمر:: ليان

درت وجهي وباوعتله

ليان:: نعم

اسمر بستغراب:: بيج شي

ليان:: لا

اسمر:: لا صدك شبيج

ليان:: رايد شي لو ارجع اغسل المواعين

اسمر:: شبيج انتِ ليش هيج تحجين

ليان:: مابيه

اسمر:: لعد

ليان:: مو صايره هواي احجي خلي
اكرمك بصوتي

ما باوعت عليه وكبل درت وجهي منه
واني اغسل بالمواعين سمعت صوت
ضحكته بس ماهتميت ولا درت بال

بس حسيت بقربه وبالي دااتوهم لان
ماسمعت منه شي بس ايد ونخلت على
بطني كبل فزيت واني احاول ادير
نفسي بس هوه لازمني من بطني
ومقوي قبضه ايده عليها حجيت
واني الكلمات كوه تطلع مني

ليان:: ا.سمر وخر

رفع ايده الثانيه وخلاها على ركبتي
خلاني اميل براسي وهو خلى راسه
بركبتي حسيت جسمي قشغر من
لمساته خليت ايدي وهيه مليوصه
الزاهي على ايده واني احجي

ليان:: عوفني

اسمر بهمس:: شلون اعوفج وانا كل
يوم اتانيج تجين بحضني

ليان:: اسمر امجد هسه يشوفنه وخر

اسمر:: واذا شافنه شريد منه

ليان:: ياا اسمررر وخرر شبيكك

اسمر:: لا تحرميني من هاذا الصوت
لو شكد ماحاجيج لو اصيحن عليج
لا تحرميني منه ليان أنا......

ليان:: خلاص خلاص هاي هيهه بس
عوفني شبيك رح يجي امجد

باسني من ركبتي يله وخر وابتعد
عليه واني متصنمه بمكاني شديصير
اسمر شديسوي رجعت على السريع
اغسل المواعين وهو حجه ومن شاف
ماكو رد طلع من المطبخ عاد اني
كملت المواعين ومسحت الكاع وكبل
اخذت جمانه وصعدت فوك بدلت الها
واني هم غيرت ملابسي ونزلت جمانه

وصعدت جود وهم غيرتله وشلت الهم
مميات وحاجات بجنطه صغيرونه وشلت
جود ونزلت لكيتهم واكفين يتانوني باوع
اسمر عليه من فوك ليجوه واشر إلي برأ
جنت اني لابسه نفنوف اسود بس مستور
وحته ركبه بي وطويل للكاع... مشيت
وردت اطلع وأسمر وراي شايل جمانه
بس فجأة استوقفنه صوت امجد وهو يكول

امجد:: هااا شني وينن رايحين

التفتنه عليه يباوع علينه باوعت على
أسمر وهو رد عليه

اسمر:: وانتَ شدخلك

امجد:: دحجي يجوز اروح وياكم

اسمر:: وشسوي طالع ويانه ضل احرس
بالبيت بين مانرجع

امجد:: لا بويه أنا طالع اصلا

اسمر:: اطلع بس اسكت

هاذا كيف اسمر كله اطلع كامح ووكف
على المرايا يعدل بشعره اشرلي اسمر
نطلع طلعت اني قبله شايله جود وطلع
ورايه وورانه طلع امجد قفلنه الباب
وطلعنه ركبنه احنه بالسياره وأمجد
كبالنه ركب سيارته وشخطها راح اسمر
مخلي جمانه بحضنه ويريد يسوق

ليان:: اسمر انطيني ياها

اسمر:: لا عوفيها ماتكدرين الها ويمج جود

ليان:: جيبها اخلي كبالي

اسمر:: لا خليها مكيفه

وصدك هيه مكيفه بحضن اسمر وهوه
يسوق عاد شغلها ومشينه البيت حمزه
طول الطريق جود يناغي وأسمر طاير
بي كل ساعه يندار عليه يحاجي واني
اصيح الطريق وجمانه تصفك من أسمر
يدك هورن

لحد ماوصلنا نزلنا ووكفنه كبال الباب
دكه اسمر وضلينه نتاني لحد مافتح
حمزه الباب واولخ ماشافنه ضحك

حمزه:: يأهلا اليوم منو منورنه

تقرب عليه وسلم عليه ورجع سلم على
أسمر اني دخلت وهمه بعدهم بالباب
دخلت المطبخ ماكو احد رجعت
دخلت الصاله ولكيتلك ذيج الكوه

فرح كاعده ولابسه ملابس فضيحه
جسمها كله مبين واول ماشافتني كمزت
من بكانها تعدل بثوبها فتحت عيوني
على وسعهن وإني اباوع عليها ركبتها
صاير بيها اثار زرك

ليان:: شبيكم ترا الدنيا بعدها
ماصارت نص ليل

خطيه هيه ماعرفت شنو تحجي كبل
طفرت الغرفه وهيه تنزل بثوبها
ضحكت عليها ورحت كعدت على
التخم وشويه ودخلو ورايه اسمر وحمزه

وحمزه على السريع صار عدل بالمخاد
وكعدو يسولفون شويه وطلعت فرح
من الغرفه لابسه دشداشه ولافه
الشال على راسها

فرح:: السلام عليكم

ردينه السلام عليها وجتي خطيه
باوستني وهيه تهمس باذني

فرح:: اسفةة والله

ليان بهمس:: شسالفه عادي تصير

ضحكت بخجل وراحت على اسمر

فرح:: شلونك أبو جمانه

اسمر:: أهلا أهلا بخير الله يسلمج

راحت المطبخ وجتي جايبه صراحيه
مي وكلاس انطتهم ورجعت قدمتلي
وخلتها على الطبله من الصفحه اليمها
وكعدنه نسولف اسمر وحمزه يحجون
مواضيع وسوالف ممله فااني وفرح
ماشتركنه بالحديث وياهم وضلينه
نسولف سوالف ونحجي بهمس وسولفتلي
حالتها وشلون صايره تصرف

ليان:: فرح

فرح:: هممم

ليان:: بس لا حامل

صفنت بوجهي ورجعت تباوع لحمزه
الي مندمج يسولف وي اسمر ورجعت
باوعت عليه

فرح:: لا لا مو حامل اني هم بالأول
شكيت بنفسي بس لا مستحيل

ليان بهمس:: شكد صارلها فايتج

فرح:: من قبل ماتصير السالفه..

ليان:: اي وانتو شوكت تممتو زواجكم

فرح:: من اول مااجينه بهل بيت

ليان بضحكه:: مبروك حبيبتي حامل

فرح:: شوف هاي ياحامل مو حامل

ليان:: شنو محلله

فرح:: لا

ليان:: لعد شوفي

فرح:: ها

ليان بهمس:: هسه شويه واحنه رايحين
وانتِ دزي حمزه لصيدليه

فرح:: شيسوي رايح لصيدليه

ليان:: خلي يروح ويجيبلج اختبار حمل منزلي

فرح:: لا لا ماريد اتامل ويخيب أملي

ليان:: فرح الدنيا تجارب جربي هسه
شبيج ليسمعج يكول صالج سنين
وماحبلانه

فرح:: ماعرف شسوي

ليان:: مثل ماكتلج سوي وشوفي

هزت راسها بمعنى أي ورجعنه نسولف
فرحت من كلبي ودعيت يارب فرح
حامل حتى شويه تتغير لأمور..

نزلت جود بالكاع وصار يحبي نزلت
جمانه من حضن اسمر وراحت عليه
تريد تصعد عليه وعود تسوي حصان
بعدني ماكايمه وكاملها اسمر سحبها
وكعدها بحضنه..... ضلينه كاعدين
وماخذنه الواهس بس تأخر الوقت
واسمر كال يله كام طلع وحمزه
ويا اني بوست فرح وهمست الها

ليان:: مو تنسين هسه هسه ادزينه

فرح بضحكه:: أي أي

ليان:: عود كليلي

فرح:: هو انتِ منيلج موبايل

ليان:: اخخ كله من ورا ابن عمتج

فرح:: ههه خلي يشتريلج واحد

ليان:: أن شاء الله اني هم اكله.
يله مع السلامه

سلمت عليها وطلعت وسلمت على
حمزه هم ورجعنه البيت.....

•~•~•~•~•~•~•~•~•~•

فرح.......

جنه كاعدين اني وحمزه ومتعللين بس
من اندك الجرس كام حمزه وبالنه كله
واحد من اصدقائه بس انصدمت صدمه
عمري من دخلت علينه ليان نوب ماعرف
وين اطم نفسي من الخجل واني لابسه
هيج لبس عاد كبل طفرت الغرفه وضليت
اخم بالملابس أريد بس شي البسه بالك
الملابس كلها اختفت من الغرفه كوه
لكيت دشداشه وعلى السريع طلعت شال...

ضلينه كاعدين وماخذنه الواهس
بالسوالف ومن سولفت اليان على
الاشياء إلي جاي نعيشها وشلون
صايره تصرفاتي انطتني أمل بأن
اني حامل الفرحه ماسايعتني من
تكلي هيج وهيج وكأن أريد هسه
اكوم واخلي حمزه يروح الصيدلية
وماضل اتاني بس صبرت عيب
من ليان واسمر

لحد ما راحو اني ماطلعت لأن
منبهني حمزه أي شخص يجي
ماطلع ورا الباب البرا ضليت اتاني
بي يدخل حته افاتحه بالموضوع
عشر دقائق واني اروح وارجع واروح
لحد مادخل كبل رحت عليه ولزم اديه
ابتسمت وكلت

فرح:: محتاجه شغله تجيبها إلي

حمزه بستغراب:: شنيه

فرح:: هسه كلي تكدر تجيبها لو لا

حمزه:: اطلبي وكل شي ترديه يوصلج

فرح:: ممممم

حمزه:: احجي شنو تردين

فرح:: تكدر تروح لصيدليه

فتح عيونه وبسرعه لزمني يحجي

حمزه:: شبيجج شنوو يوجعجج علاجج
شنوو تردين احجيي شبيجج اخرسيتي

ضحكت ولزمت وجه واني اكول

فرح:: مابيه شي شبيك احجي على
كيفك.... أريد تروح تجيبلي اختبار
حمل منزلي

حمزه بستغراب:: شسوين بي

رفعت أيدي وغميت كصتي بيها

فرح:: يعني شسوي

صفن وضل يباوع مستغرب بعدين
فتح عيونه وضحك وهو يكول

حمزه:: فرححح حاملللل أنتِ حاملللل

فرح:: اششش شبيك تصيح لا مو
حامل بس اريد اشوف خاف حامل

حمزه:: شجاي تخربطين أنتِ

فرح:: اووو حمزه روح جيبلي هسه
اريد اعرف

هز رأسه بدون مايحجي شي ومشه
لمطبخ اشو وكف ودار وجه عليه
وهو يضحك

حمزه:: يعني راح اصير أب

فرح:: حمزه لا تتأمل يجوز مو حامل
خلي نتأكد

هز رأسه وراح طلع واني ضليت
بالبيت وبس اطكطك باصابيعي
انتظره بس هو ماطول عشر دقائق
وطب واجه عليه بالهفه وهو ينطيني
العلاكه الصغيرونه تبع الصيدليه

حمزه:: يلههه فرحح بسرعههه

فرح:: اصبر خلي اشوف شون استخدمه

حمزه:: مكتوب مكتوب عليه بس
امشي بسرعه

ماخلاني احجي وكام يدفع بيه الغرفه
والحمام دخلني وسد الباب عليه شلته
بيدي اباوع عليه واني خايفه هاي
الفرحه تروح تعلمت استخدامه
وسويت حسب تعليماته.........ضليت
اباوع عليه واتاني ماطلعت كلت الا
تطلع النتيجه يله اطلع....دقيقتين لا
اكثر وظهرت الي خطين عليه......

بقيت اباوع عليه وصافنه ماعرف
شنو اسوي بس دموعي صارت تنزل
على خدي واني اضحك مامفتهمه شي
معقولهه حاملل فتحت الباب وطلعت
واني شايله بأيدي التحليل لكيت
حمزه واكف ويروح يمين ويسار
واول مانتبه إلي طلعت اجه عليه
بسرعه وكف كبالي واني ابجي
عكد حواجبه وكال

حمزه:: شنو طلع

ماعرف ليش هو كال هيج اني خليت
أيدي على وجهي وبجيت وبيدي لاختبار
بس هوه مااخذ لاختبار مني لا تقرب
أزيد وحضني وهو يمسح على شعري

حمزه:: ماصار شي شبيج عبالك تناني
يجينه طفل صار سنين هوه رزق

ضل يهمس بكلام ويريد بس اسكت
واني ابجي وبجيي كله من الفرح وهو
خطيه مايعرف وخرت من حضنه واني
امسح بدموعي بس همست بصوت ناصي

فرح:: حامل

حمزه:: شنو

باوعت عليه يتانيني أعيد الكلام من
بين ببجي ضحكت واني اكله

فرح:: اني حامل

ضل صافن بوجهي مستغرب بعدين كال

حمزه:: مني حامل

فرح:: اني انيييي

حمزه:: فرح لتشاقين بهاذا الشي

فرح:: والله اني حامللل هاك شووف

انطيته يا بايده واني اضحك فرحانه
هو مايعرف بي ضل يباوع ويباوع
ورجع عليه عكد حواجبه

حمزه:: شنو يعني شلون تعرفين حامل

فرح:: شوف طلع خطين

حمزه:: أي!!

فرح:: شبيككك يعنيي حامللل

حمزه:: فرح

فرح:: ها

حمزه:: يعني هسه حامل انتِ وابني ببطنج

ضحكت وهزيت راسي بمعنى أي وهوه
هم ضحك على ضحكتي وتقرب عليه
شالني فرني فر بالغرفه وهو يضحك
وإني اضحك لدرجه حسيت نفسي دخت

فرح:: حمزههه نزلنيي يمهه راح اوكع

نزلني وبقه لازمني لأن دخت وخاف
مااتوازن واوكع رجع حضني وهو يضحك

حمزه:: الحمدلله والشكر الحمدلله ياربِ....

•~•~•~•~•~•~•~•~•~•

ليان...

مر كم يوم البيت كله عليه لحد
مارجعت عمتي عاد استلمت الطبخ
عني وإني هم اهتم بالجهال... تخابرنه
إني وفرح على تلفون أسمر ومن كالتلي
حامل كلش فرحت وكلت بلكي كلها تتغير
عليهم أبويه يرجع يحاجي حمزه واهل
فرح هم يرجعون ويكون هاذا الطفل
عوض الكل شي صار

كاعدين كلنا بالصاله وحتى الجهال
موجودين يلعبون والتي فتحت موضوع
الزواج الأمجد وهاذا كيف بس يريد
يشوفها أخير شي باوع عليه وكال

أمجد:: ليان ماعندج صور الها

ليان:: هو إني عندي موبايل حتى
نوب يصير عندي صور مثل العالم

باوعت على أسمر يباوعلي خازرني بالك
شو شنو حجيت رجع امجد باوع على
عمه سناء وكال

أمجد:: زين أنا حالياً وين اشوفها

أسمر:: حلوه البنيه مثل حلاه ليان

التفتت إله وفتحت عيوني على وسعهن
شنو حلوه هاذا شنو يحجي ضحك أمجد
وجنه أصلاً راضي وعمه سناء هم ضحكت
على ضحكته بس إني كلام أسمر براسي
كبل كتله

ليان بعصبيه:: وانتَ شمدريك حلوةةة

صفن بيه وأمجد اول ماسمعني كبل
صفك ايد بايد وهو يكول

امجد:: جاوبها جاوبها يله صدك شمدريك
ببنات الناس حلوات ماتستحي تباوع
عليهن وانتَ مزوج ولكك ماوكفت
بعينك مرتك

اباوع على أسمر واتاني يجاوب
أمجد وينطي جواب ويفضها مو
بس يعرف يحجي بس هو عدل
حواجبه وكبل كال لأمجد

اسمر:: أمجد كافي لتزيد الطين بله

ليان:: لا هوه مازايده هوه يريد جواب منك

عمتي:: هوه إنتو تدرون شنو

اسمر وامجد:: شنو

عمتي:: أنا بوكته لو اعرفن ميس جان
اخذتها لاسمر ومافوتته وهسه ماريدن
افوتها اريد اخذها جنه إلي

اسمر كبل باوع عليه وفرگ راسه من
كلام أمه بس ماحجه شي وامجد اخذها بشقه

أمجد:: هوه اسمر مقصر غير ماخذ
لحليوه مالتنه

ضل أمجد يلطف بالجو بس إني
حسيت نفسي بلا قيمه وهيه عينك
عينك تحجي هيج كمت وعفتهم
وشلت جود من الحجله وجمانه
اخذتها مشيته بأيدي وصعدنه فوك
أريد اسوي شي بس حتى انسه كلامها
بس ماكو حاولت انضف بالغرفه التهي
بشي بس ماكو وحجيها يررنن باذاني
وكل هاذا اسمر ماحجه شي وكأن
جان عاجبه كلامها

نومت جمانه وجود بعدني جاي
ابدل اله وإني روحي طالعه وهو
يبجي بالهل اثناء دخل اسمر وقفل
الباب راح تمدد على الجربايه وإني
ضليت وي جود إلي فتح حلكه وبعد
ماسده كبل صرخت بوجه

ليان:: كااافييييي هيههههه هاييييي
عيشههههه هيهههه هاييييي حياتيييييي

كام اسمر وبسرعه أخذ جود من
كدامي يسكت بي بدون مايحجي
ويسئل وإني صرت افرگ براسي من
كد ماوجعني بس كمت وأريد اسحبه
منه بس هو دار نفسه ونطاني ظهره
وهو يسكت بي

ليان:: انطيني ياااا

ماحاجاني ورجع يسكت بي رحت اني
وكفت كباله ورفعت أيدي الجود أريد
أخذه بس هوه يدير نفسه ومايخليني
اخذه كبل كتله بدون ما افتهم اني
شنو إلي جاي احجي

ليان:: انطيني يااا هسه صرت إب
حنون وتهتم بييي

اسمر:: لياننن كافييي شبيجج اليوم انتِ

ليان بصياح:: بيهههة مرضض وكون هالمرض ياخذني ويخلصني منكممممم مليتتت منك
ومليتتتتت من امككك

رفع إيده فجأة وبلا ما أحس ضربني
حيل على خدي صوت الضربة بعده يرن
بأذني حسّيت كأن الدنيا كلها سكتت
إلا صفير قوي داخل راسي

لزمت خدي وباوعتله بصدمه
مامستوعبه السواه معقوله
ضربني...رجع لزمني من زندي
بقوه وهو يحجي بعصبيه وصوته عالي

اسمر:: هاذا الحجييي إذا نوببب اسمعههه ماتعرفين شسويلجججججج ادبسززززز... هاججججج روحيييي من وجهييي

انطاني جود بسرعه رماة بحضني
ومشه طلع من الغرفه ولطخ الباب
حيل واني لحد لأن مامستوعبه
شصار- ليش ضربني- معقوله من كلامي

نزلت دموعي حاره على خدي بس
مع هاذا مشيت وكعدت على الجربايه
وهو سكت مارجع بجه واني بس رضعته
كبل نام خليته بكركوته وضليت كاعده
مقهوره منه وكل بالي راح يجي ويعتذر
على ضربه إلي بس مااجه واني ضليت
اتاني واتاني مااجه أبدا أخير شي كمت
وطلعت برأ الغرفه باوعت من فوك لكيت
اسمر نايم على القنفه يعني مايصعد
ولا كال وحده كاتلها بالغرفه وعايفها
مشيت ودخلت الغرفه واني هم نمت......

مرن كم يوم علاقتي باسمر بس
عركات بس خليتها بينه ومادخلت
أحد ولا كلت لأحد علينه وكلت هيه
مشاكلنه احنه نحلها إذا بينه خير....

أما امجد فاقررت عمتي تريد تروح
تخطبله بس اسمر مارضه وكال الهم
اجلوها لورا ديرة السنه مال عمر
وعمه سناء راحت وخابرت عمو
جاسم حتى يرجع ويخطبون ومااخذو
بكلام اسمر أبدا ولا كالو احتراماً
وبالرغم هو مو بس أخو جنتهم لا
هو ابن حماها وابن أخو لعمو جاسم
بس عرفت اليموت ينسي وماحد بحاله بعد

رجع عمو جاسم وراح حجه وي جدو
عمران وعود رايح عمو جاسم مترخص
من أبوي وابوي كايل الهم اخذو وهمه
ماصدكو خوب عمه سناء الفرحه
مالامتها حتى لأسود نزعته وصارت
تشتري ملابس وهيه الخطبه بعدها

ويومين راحو جدو عمران وعمو
جاسم وعمه سناء ووياهم امجد
ومناك عمو ماجد البيت خالتي
وصارت هيه مشيه هيه شوفه ولا
اسمر راح ولا اني رحنه اسمر طلع
طلعه ويا أصدقائه واني بقيت
بالبيت والجهال يمي

واكفه وامسح بالميز بالاستقبال بس
جمانه يمي تصعد من قنفه وتكعد على
وحده واني كل ساعه اصيح عليها

ليان:: ماما جمانهه اكعدييي مو جاي انظف

وهيه حايره تكمز خبلتني وشلعت
كلبي الاحد ماخلصت ومسحت
الكاع هم وسويت الها فنكرات شويه
وخليته كاعده تاكل بالنص ساعه
وجان يجون والوجوه تضحك بس
عمه سناء اول مادخلت باوعت
بوجهي وكبل كالت

عمه سناء:: حضري نفسج خطوبه
حماج الاسبوع الجاي

وضحكت ودخلت الغرفته أما الحجيها
ابدا ماهتميت وصار عندي عادي كل
شي تحجي امجد كبل صعد فوك وعمو
جاسم ماجاي يمكن رايح يوصل جدو...

مرن كم يوم وصارت عمه سناء
يوميه رايحه السوك ويوميه جايبه
شي واسوكت كل شي أما اني اصلا
مقرره مااروح ولا اوصل وحتى اهلي
مارحت عليهم علمود بيوم الخطوبه
اروح الهم

كاعده بالغرفه والجهال نايمين بس
اني كاعده اسمر جان بعده ماجاي...واني
اخذتلي الكعده كلها تفكير على حياتنه
ليش هيج اني وأسمر ماجاي نتفاهم
وبالك كوه متحملين بعض فاقررت
انطي فرصه اخيره لعلاقتنه وابلش
من الجديد بس اذا صار ورجعنه
ورجعت علاقتنه مثل لاول لا احنه
أتأكد مستحيل نكدر نبقه سوه

بهل اثناء دخل اسمر باوع لجهال
نايمين رجع باوع عليه وكال

اسمر:: شعدج مانايمه

ليان:: ها...جنت انتظرك

اسمر:: اي هم عود صدكتج

ذب موبايله ومحفظته ووياهن سويجه
على الجربايه وراح طلع ملابس ودخل
الحمام يسبح باوعت لموبايله بس
مااخذته كلت خاف بي رمز واني ماعرفه
شويه وطلع من الحمام اجه تمدد
يمي واني سئلته

ليان:: اسويلك عشه

اسمر:: متعشي

ليان:: بالعافيه

اسمر:: يعافيج

اخذ موبايله وفتحه وصار يكلب بي
وهوه نايم على ظهره تمددت اني
ووشويه شويه تقربت عليه فتحت
ايده ونمت عليها ونطيته ضهري
وهو بسرعه صار نفسه بركبتي
وهو يحجي

اسمر:: شجاي تسوين

ليان:: مامسويه اريد انام بس تنزعج اكوم!

اسمر:: نامي نامي

ضحكت من كال نامي وحسيته ذب
الموبايل من ايده وحضني بس اني
بسرعه كتله

ليان:: انطيني موبايلك

اسمر:: شسوين بي

ليان:: اكلب بي

انطاني يا ودخلت لتيك توك اكلب بي
واسمر على حضنته حاضني وبالي
كله نام ضليت اني اكلب واكلب لحد
ماطلعلي فديو بنت تركص.....كبل
عبرته بس فززني صوت اسمر وهو يكول

اسمر:: عوفي دنشوف

فتحت عيوني على وسعهن يعني كاعد
مانايم درت وجهي اله واني احجي
بعصبيه

ليان:: ششوفف هاا ششوففف

اسمر:: ششوف غير هاي التركص

ليان:: وا.....

ماخلاني اكمل وقرب راسه باسني
بطرف شفتي وخر راسه يباوع عليه
شلون اباوعله ضحك وكال

اسمر:: اشاقه وياج يله نامي

ضميت الموبايل جوه المخده ورجعت
عليه درت نفسي اله وحضنته خليت
راسي بركبته ونمت.......

الصبح..

فتحت عيوني اني بحضن اسمر وعلى
نومتنه من البارحه ستغربت شنو جود
ماجاع شو ماكعد عليه... وخرت ايده
الي على بطني على كيفي وكمت من
يمه

رحت الجود نايم بس ماعفته شلته
على كيفي ورحت الجربايه مخليته
بحضني وداريد افتح سحاب الدشداشه
وجان يطلع صوت جود بجيه خفيفه
وعلى إثرها كب اسمر باوع لساعه
ورجع باوع عليه

أسمر:: ايبااا شكد ضال نايم ليش ماكعدتيني

ليان:: ليش تروح العيادة اليوم

اسمر:: لا بس مواعد امجد اروح ويا
من يشتري الملابس

ليان:: همم ماكتلي اكعدك

ماحجه بس أخذ موبايله من جوه المخده
ودك على امجد واني اسمع وارضع بجود

اسمر:: هااا رحتت..... اخذتني النومه..... بله ماتسكت... ديله يله... الله وياك

سده ورجع يكلب بالموبايل واني
رجعت جود على نومته ووديته
الكركوته ردت اروح اخذ ملابس
حتى ادخل الحمام بس استوقفني
صوت اسمر وهو يسئل

اسمر:: شنو ماتنطينه ممه

ليان:: ها لا انطي

اسمر:: شكد تنطينه

ليان:: وحده بالنهار كدام عمتي

ضحك اسمر على كلمتي لأن يدري بيه
اني ماخذه كلام امي وماكثر إله مميات
رحت الكنتور طلعت ملابس ودخلت
الحمام سبحت وطلعت.... واكفه على
الميز انشف بشعري واسمر كاعد
على الجربايه

اسمر:: ما طول ما رحت ويا امجد
بدلي خلي اخذج للسوك

ليان:: شنو شسوي بالسوك

اسمر:: تسوينن ملابس يعني شتسوين

ليان:: ها لا ماشتري اني

اسمر:: ليش هو مابقه غير بأجر وعكبه
الخطوبه

ليان:: اني ماروح الخطوبه

اسمر بستغراب:: ليشش

ليان:: شنو نسيت اني حزنانه على
أخوي شنو ترديني اروح الحفلات

اسمر:: بس انتِ ماراح تركصين بس تحضرين

ليان:: ماكدر اسمر ماتحمل فااني كلت
اروح يم امي

اسمر:: خوش ماضغط عليج هواي
اوديج لاهلج

ليان:: أي طبعاً حتى يحلالك الجو
وتشوف البنات

اسمر:: بله ماتبطلين بنات شنو رجال
مزوج وعندي جهال اروح اباوع على
النسوان

ليان:: أي لا ماتروح ماتروح

عفته وشسورت شعري وشلته ليفوك
ونزلت جوا سويت ريوك وتريكنه كلنا......

•~•~•~•~•~•~•~•~•

فرح......

مرن ايامنه ماكو أحلى منهن علاقتنه
اني ويا لو تشوفها العالم راح تحسدنه
عليها اهتمامه بيه صار ميخليني حتى
ادنك امسح وهو يخلي الوصله بالماسحه
ويمسح ويلوص البيت كله واضحك عليه

عمتي أول ماسمعت كالت لتجيبون
طاري هسه وخلوها بعد شهر ونص
يله تكولين حامل لا تنطكون عين
واحنه اخذنه بحجيها وكتفينه بالسكوت
واصلا محد سائل شكد تمنيت امي تعرف
وتكون مثل عمه صابرين وتفرح إلي
بس هيه لا وين أصلاً نسوني وطلعوني
من حياتهم نهائياً

كاعدين بالصاله وحمزه جان يخابر
بعمتي وأول ماسده باوع عليه وكال

حمزه:: حضري نفسج حتى اوديج يم اهلي

فرح:: شنو شكو ليش اروح شكو بيها شي عمتي

حمزه:: فرح على كيفج من
تحجين.... ماكو شي بس لأن
اليوم خطوبه امجد واروح ماكدر
اخليج وحدج حتى لا ضوجين وامي هم كالت جيبها يمنه وليان هم رايحه اهناك

فرح:: هاااا أي أي لعد هسه أحضر نفسي

حمزه:: يله عفيه على السريع

هزيت راسي بمعنى أي وكمت رحت
الغرفه طلعت دشداشه ونسقت وياها
شال وهم حضرت شال على السريع
ولا رتبت نفسي لأن مالي خلك ترتيب
وأريد كل شي على السريع لبست
وكملت وطلعت لحمزه

فرح:: يله

حمزه:: يالله يله

كام بس اني استوقفته قبل مايطلع

فرح:: حبيبي لعد أنتَ راح تحضر
نفسك اهنا

حمزه:: أي!!

فرح:: لعد تانيني احضرلك ملابس

حمزه:: عوفيهن أنا احضرهن

ماهتميت إله رحت طلعت اله قميص
زيتوني وبنطرون قماشه اسود رتبتهن
على الجربايه وطلعت ساعته وعطره
وخليتهن يمهن وهو اجه ورأي

حمزه:: هسه جان عفتيهن أنا حضرتهن

فرح:: لا حبيبي هاذا واجبي.... وهاا
مو تنسه القميص لاخير شي يتدكم
مو تعوفلي الصدر طالع

حمزه:: ههههههههههه

فرح:: سمعتتتت

حمزه:: أي يله بس فضيها

هزيت راسي ومشيت ويا طلعنه من
البيت ورحنه البيت عمو يوسف أول
مافتح باب الشارع حمزه ودخلنه لاكانه
عمو يوسف واول مانتبه عليه كال

عمو يوسف:: هلا هلا عمو شلونج

فرح بابتسامه:: هلا بيك عمو شلونك

ابتسم إلي وهز راسه حمزه لا هوه
سلم عليه ولا عمو سلم عليه يعني
بعدهم ميتحاجون دخلنا البيت لكيت
عمه صابرين كاعده ولابسه عبايتها
بيدها القرآن تقرأ

رحنه كعدنه على القنفه وماحجينه
ولا طلعنه صوت لحد ما صدقت
وكامت سلمت علينه وضلينا كاعدين
حمزه ترخص وطلع وبقيت بس اني
حتى عمو يوسف ماعرف وين راح
بعد ماشفته

عمه صابرين:: شلون يمه شلونه حملج

فرح:: بخير عمه

ضلينا كاعدين ونسولف وهي جنها
حمزه لا تسوين هيج ولازم ترتاحين
وما يصير هيج على المراه الحامل
بالنص ساعه وجان تدخل ليان للبيت
وكدامها جمانه تصفك راحت على عمه
صابرين وحضنتها

عمه صابرين:: يمه البنات

ليان:: هاي شنووو جمانه ماخذه مكانييي

عمه صابرين:: تعالي تعالي يالغيوره
محد يأخذ مكانج

راحت ليان وشبكت أمها وهي تكول الها

ليان:: اعذريني يمه ماجايتج

عمه صابرين:: يمه غير ملتهيه

رجعت سلمت عليه واني اخذت منها
جود خليته بحضني وضلينه نسولف
وجان تكوم تحجي لعمه صابرين

ليان:: يمه ماعدهم إحترام واني جنه
الهم ماحترموني أبدا

عمه صابرين:: هاي هيه يمه لازم تتحملين

ليان:: يمه شتحمل تحجيها صارت
بوجهي وما تكول

عمه صابرين:: لا تحجين يمه وحتى
ديري بالج تروحين تكولين لرجلج
امك هيج وهيج

ليان:: لا يمهه شنهي وين احجي
أني أصلا بس.......

باوعنه عليها تباوع علينه وجنها
تخاف من عمه صابرين بس حجت

ليان:: بس ياخذون لامجد اني أعزل

فرح:: شتعزلين

ليان:: ماضل يمهم احنه نكون نفسنه
ونشوف بيت على كدنه ونطلع

عمه صابرين:: شنو هاذا الحجي يمه

ليان:: لعد شتريدين اضل كاعده وياهم يمه

عمه صابرين:: وإذا كعدتي يمه ياما كعدنه
وي الاعيال منو حجت منو كالت

ليان:: لا يمه اني احجي واكول وبس
ياخذون اني احاجي اسمر

عمه صابرين:: وتحاجينه شتكليله

ليان:: هوه اكله الجهال كبرو وأريد
اخذ راحتي بالبس بالبيت

عمه صابرين:: وشنو يمه هسه اليسمعج
يكول ملبسج بوشيه اشو حته حجاب
ماكو مثل البنات وكل هاذا ماراضيه
شتريدين لعد تلبسيلي شورت وتفترين

ليان:: ماعرف بس اكولها كحجه علمود نطلع

فرح:: اني هم اكلج اطلعي لأن بس
تجي ميس تتغير معامله عمتي وياج
وحتى إذا جانت منطيتج شويه اهميه
انتِ أم جود فاهاي تمسحها من قاموسها

ضلت ليان تقنع بعمه صابرين حتى
تقتنع وتوافقها الرئي لحد ماصدك
قنعتها لعمه صابرين واحنه ضلينا
كاعدين والجهال يلعبون ل6 وماكو
أحد غيرنه ليان نومت جود وخلته
ورحنه المطبخ سوينه عشه وكعدنه
بس احنه ناكل وخلصنه وغسلت ليان
المواعين خطيه وماخلتني اغسل
مواعين ورجعنه نسولف سوالف عاديه

شويه وجوي وحمزه كبل كال يله
ماضل وقت وهم أسمر ويا جاي
على ليان كالتله علمود تبات بس
مارضه ودعنه عمه صابرين ثنينه
وطلعنه الهم راحو همه البيت واحنه
صعدنه السياره ورجعنه البيتنه.......

•~•~•~•~•~•~•~

ليان....

رجعنه البيت واول مادخلنا صادفتني
عمه سناء

عمه سناء:: اييي عينييي خطوبههه حماهاا وماتحضرهااا لج شنو من بشر أنتِ

اباوع لاسمر ياشر الي لا تهتمين وهيه
مستمره تحجي خليت وصعدت فوك
وعفتها تحجي بدلت الجهال ورجعت
نومتهم وعزلت الغرفه اسمر مسويه
هوسه ماعايف شي ممطلعه من
الكنتور وضليت اني ورا ارتب شويه
ودخل الغرفه راح كبل كعد على
الجربايه ويكول

اسمر:: ليان

ليان:: همم

اسمر:: هم ضوجين

ليان:: من شنو

اسمر:: من حجي امي

ليان:: لا أبدا لأن متعوده عليها من
قبل تحجي بس أبدا ماضوج منها

سكت ماحجه بس أني كبل كلت

ليان:: شنو اسمر صغيرون شمسوي
بالغرفه ليش هيج

اسمر:: شسوي ضليت ادور على القميص

ليان:: هنه غير معلكات

اسمر:: نسينه يابه

ليان:: اي اي نسيت شيهمك اني
اضل اعزل وراك

ضل ساكت ماعرف شنو يكول واني
عزلت الغرفه كلها يله رحت تمددت
على الجربايه وهوه اجه تمدد يمي
وسحبني لحضنه

اسمر:: ليون

ليان:: ها

اسمر:: احبج

ليان:: اي

اسمر:: شنو اي

ليان:: غير انتَ كتلي احبج اكلك اي

اسمر:: واي شنو هاذا جوابج

ليان:: اي

اسمر:: نامي نامي ام الاي

وهيج مرت حياتنه كلش حلوه
ومابينا شي وصار يوكف بكلشي
وياي وحتى اذا عمه سناء سمعتني
حجي هوه يردها ومايخليها تحجي
عليه ابدا قرررو عرس امجد ورا
السنه مال عمر

صار تواصل بين امجد وميس بس
ماانسه كلام ريم

جانت جايه علينه وكاعدين اني
وياها نسولف ومحد يمنه وهيه
صارت تحجي كل شي وكال

ريم:: تعرفين شنو كالت بيوم الخطوبه

ليان بستغراب:: شنو ومني

ريم:: بيوم الخطوبه ولج ورا مالبسو
الحلقات ووكفو ياخذون صور هاي
نعل ميس تكل الامجد تكله وين
حمايه خلي ناخذ صوره ويا لو
تشوفين ونوب سئلتني تكلي ليش
اسمر ماطب جوه

اتفاجئت لهل درجه طلعت بلا اخلاق
بنت خالتي وهاذا حجيها على زوج
بنت عمتها

ليان:: والله ولو داخل وماخذ صور
وياهم الا اطلكه

ريم:: ههههه خرب يومج اطلكه هيه اطلكه

ضلو يحضرون ويحضرون للعرس
وجابو غرفه نوم اله وسوو. تحليل
دم وبس يطلع يكطعون مهر حكومه

ومرن ايامنه بسرعه ولا افتهمنه
منهن شي حسيت العمر بسرعه يمشي
صار جمانه صار عمرها ثلاث سنوات
وجود دخل السنه قربت السنه مال
عمر وحسيت كل شي انعاد وبلش
عليه من جديد.....

•~•~•~•~•~•~•~•~•~•
فرح.....

مرت شهرين وصار الي اربع اشهر
بطني برزت حيل وصارت تبين وحمزه
مكيف عليه يكلي احسج صرتي مثل
ليان بطه بس انتِ صارت بطنج أكبر

حضرنه نفسنه ورحنه البيت عمو
يوسف جانت كلها اهناكه ونسوان
وزلم وليان وريم وكلها جانت بس
اهلي ماجاين والي عرفته معتذرين
من بيت عمو يوسف لان ماكادرين
يجون ضجت لان جان بالي اشوف
امي صالي هواي ماشايفته

كلها موجوده وكلماً يحجي شي بس
اني ماهتميت جنه كاعدين اني وريم
وليان بس ساكتين وماحاجين بشي
بس جتي ميس على ليان وهيه تكول الها

ميس:: عفيه ليان روحي صيحي اسمر

ليان:: عفواً

ميس:: شبيج كومي صيحي اسمر

ليان:: وشنو اصيح اسمر اشو
ماتعرفين تحجين

ميس:: هسه شكنالج ياعيني هوه بس
صيحي كليله ميس تريد أمجد

ليان:: بيدج موبايل وروحي راسلي
كليله رايدتك زوجي مايشتغل عدج

ميس:: عشتوو شسوينه اله هسه احنه

ريم:: ميس مثل ماكالتلج روحي راسلي
وروحي حاجي التقي بي لدخلينه بينكم

ميس بضحكه:: شكرا حماتيي

راحت من يمنه وماهتمينه الها لأن
نعرف شنو تريد هيه بس تريد كون
واحد يروح يكول لاسمر ميس تريد
أمجد باله يغار يمه وعلى شنو يغار
والله يالله

رحنه النجف ونعاد يوم الاربعين كله
على ليان وعمه صابرين...

•~•~•~•~•~•~•~•~•~•
ليان....

ورا ماسوينه ديرة السنه كبل قررو
يوم العرس واصلاً ماستغربت.....
امي جبرتني انزع لاسود وحلفتني
بروحه لعمر بجيت وتوسلت متسوي
هيج اريد اضل لابسه لاسود عليه
بس هيه ماخلتني.......

اليوم وكلها موجوده حنه امجد هم
ردت ماابقه بالبيت بس امي مارضت
هم وهم لأن العرس بالقاعه رضيت
ماشتريت ملابس الي لان عندي وبس
شتريت لجمانه بدله وهيه مكيفه
عليها تلبسها وتفتر بيها لحد مايوم
الحنه لبستها وطارت بيها من الفرح

جني البنات وفرح صايره سمينه مو
بس بطنها لا هيه هم سمنانه وصايره
تخبل وريم ريم ياريم خطيه شلع كلبها
زيد وكلشي ماخلاها تسوي حتى رادت
تمكيج ماكو ضل يبجي يدور ابو والياس
ماكدر ياخذه يمه وهاذا ضل يبجي عليها
خطيه اما اني جود دزيته يم امي لان
هيه ماجتي رجليها توجعها فاكالت الي
جيبي الي ليشلع كلبج ووده اسمر يمها

جنت لابسه فستان بس كلش مستور
وماطالع منه شي وحتى ياخه بي بس
لبست ويا حجاب ارتب واحسن لان اني
أصلاً كوه عليه حاضره على شنو اتكشخ
وفاتحه شعري......اما فرح لابسه فستان
حوامل وطلعت تجنن بي..وريم بسرعه
بسرعه حتى مالحكت انتبه للبسها

جتي السيارات وكلها صعدت بس اني
وريم وفرح يم اسمر بسيارته هو وصلنا
البيت خالتي

تصفيك وهلاهل وركص بس اني
واكفه على صفحه واباوع على جمانه
شلون تكمز ومكيفه وكل شويه تجي
عليه تكلي مي واروح اشربها

شويه ودخل امجد وتحنو ثنيهم
وكوموهم يركصون ثنيهن بس انتبهت
على ميس تركص من ورا خشمها
شبيها هاي.... رجعو وكفو ياخذون
صور رفع امجد موبايله على اذنه
وماعرف شنو ومنو يخابر بس
ماحسينه غير صاحت عمه رنا وكالت

عمه رنا:: عيني بنيات استرن نفسجن
أخو العريس راح يجي ياخذ صوره

البنات اصلا بدال ماتستر نفسها اشو
حتى الي جانت مخليه الحجاب على
راسها ذبته على كتافها واني شطت
شنو منو كله يجي ويدور يطب ونوب
ياخذ صوره ماعرف بس حسيت بشي
موحلو واني اتخيله شلون يدخل بذيج
كشخته وفعلاً

شويه ونفتح الباب البرا لان جانت
الحفله بلاستقبال دخل وهو وهذيج
كشخته ولو بيدي اروح عليه واخنكه
واموته واخلص منه على هاي دخلته

ماعرف عمه اقبال شنو شاورته
وخلصته يضحك ذيج الضحكه
وكدام الكل تقرب على العرسان
وهاي ميس اشو بس شافته فتحت
الحلك شعرضه وكف يمهم اسمر
مدنك راسه من البناات الموجوده
شويه وجان ينصاح باسمي

_ليانن...ليانننن

ماعرفت منو جاي يصيحني بس
صرت اتلفت بالاتجاهات واريد اعرف
منين جاي يجي الصوت لحد ما مره
ماعرفها باوعت عليه وكالت

_انتِ ليان

ليان:: اي خاله اني

_حبيبتي جاي يصيحولج علمود الصوره

هزيت راسي بمعنى اي ومشيت ليكدام
واني أصلاً ماعرف منو الي جاي يصيحني
بعدني مارايحه عليهم وجتي ريم بسرعه
سحبتني من ايدي وهيه تكول

ريم:: وينج ندور عليج ماكو اسمر
يريد ياخذ صوره وياج

هوه اني اصلا ضايجه وماريد اخذ
ويا خلي يروح ياخذ ويا النسوان
سحبتني اجباري عليه ودتني يمهم
باوعت لاسمر شلون يباوع عليه
وتقرب سحبني من ايدي وكفني
يمه وهو يكول

اسمر:: يله اخذولنه صوره

وصدك صارو ياخذون بالصور واسمر
كل شويه مسوي حركه شكل واخر شي
خله ايده على خصري واني خليت ايدي
على اكتافه بس ماخليته هيج لا وكرصته
واني احجي بصوت ناصي

ليان:: شعدك بنص النسوان وتاخذ صور

اسمر:: أنا شعلي امجد راد وخطيه
اخلي بخاطره

ليان:: أي أي خطيه تخلي بخاطره

كملنا كل شي ونتهت الحفله رجعنه
البيت ويبو كلها بقت يمنه بالبيت
وصارت حفلة الشباب بليل وبس اني
انشلع كلبي ريم ضلت وي زيد واني
حتى جود مادري بي شلونه وخطيه
كضه اليوم كله مميات
اتسغربت ياسمين شعجب ماجايه
ومن سئلت عمه سناء كالو الها مريضه

خلصت الحفله وناس ضلت وناس
رجعت البيتهم واني جود لليل يله
جابولي يا شفته..

يوم العرس....

كلها كاعده من الصبح والبيت هوسه
وخبصه متعرف هاذا من هاذا رجعت
اني دزيت جود يم امي اخاف عليه من
الجهال ماكدر ابقي يمي ابدا وجمانه
اطرطب وياهم وكل ساعه اصيح عليها
ماكو اليوم ولا تسمع كلامي

غده وغسل مواعين اشياء ماتراد بس
يله شنسوي يوم ولازم نتحمله غصب
علينه

كلها صارت تتحضر لزفه واني اصلا
مامهتمه واريد بس اخلص الجمانه
اهم شي عندي اهم من كل شي ...فرح
ماجتي بيوم العرس والي عرفته لان
امها هم ماجايه ولان سمعانه فرح تجي
بيوم الحنه هيه ماجتي ولهذا فرح ماتريد
تجي وحمزه مبقيها بالبيت حتى يم امي
مارايده تروح

تصفيك وهلاهل وكلها تهوس لامجد
لحد مانزلو من فوك وهو لابس بدلته
البيضه بهاذا اليوم وبهاي الساعه وبهاي
الدقيقه اذكرت عمر جان حلمه يزوج بس
ربه ماكتبله هاذا الشي ولا جان مقسومله

كلها راحت الزفه وبس كم مره بقت اني
مارحت ولا اسمر خليته يروح وبالي كله
راح يروح ويصعد بنات ويا

•~•~•~•~•~•~•~•~•
فرح

بيوم الحنه سئلت عمتي على امي
ومن سئلته ليش ماكو كالت

_والله ماعرف هيه اليوم خابرتني
وسئلتني اذا انتِ تجين مادري بعد
ليش ماجتي

واهنا عرفت اني هيه سائله بس حتى
تعرف اني اروح لو لا وعلمود اذا اروح
ماتروح هيه بس حتى ماشوفها وبيوم
العرس اني قررت ماروح ماريد انقهر
وطلبت من حمزه يبقيني بالبيت حتى
العمه صابرين مارحت بقيت اني بالبيت

كاعده بالصاله واكلب بالموبايل اشو
فجاة باوعت فوك وصفنت واني اكول لنفسي

_اشو ولا مره صعدت لفوك

من نزلنه لحد هاذا اليوم اني ماصاعده
ومن اريد اصعد حمزه يمنعني ميخليني
بس هسه هوه ماكو واني صار عندي
فضول اريد اصعد اشوف وليش حمزه
يمنعني منه الصعده

ذبيت موبايلي وكمت على كيفي صعدت
فوك واني اديه على بطني صعدت لفوك
اباوع الكاع نضيفه

_هاي شلون نظيفه واني ممنظفتها ابدا

عفته ماهتميت لهل شي ومشيت لغرفه
فتحته جانت بيها غراض كلت هاي شنو
والله لو أدري وصاعده من زمان الا جان
شمرتهن كلهن وماخليت شي منهن

عفتهن ورجعت الغرفه الثانيه لكيت بيها
كنتور بس مبين عليه قديم كلت إلا أشوف
شنو ابطنه رحت عليه وفتحته لكيت بي
صندوق وهيج اشيائات ويا بس جذبني
الصندوق شنو هاذا اخذته ومشيت الصاله
الفوك كعدت لأن الكاع نظيفه وفتحت
الصندوق مالكيت بي شي غير موبايل
شلته بيدي وكلت

فرح:: شنو هذا الموبايل وشيسوي اهنا

فتحته رمز مابي كبل فتح وحتى نت
بي ستغربت بس كلبت بي وكلبت
دخلت لانستا ماكو شي لفيس ماكو
شي بس رحت لواتساب لكيت رقم
ماما تفاجأت المن هذا الموبايل وليش
أكو محادثه بي وويامن ويا أمي خليت
ودخلت عليها

بس انصدمت صدمه عمري
وإني اقراها حتى دموعي نزلت
على خدي وإني اشوف حقارته
ليوين موصلته معقوله هاذا الشخص
الحبيته هاذا الشخص إلي ثقيت بي
هيج يجازيني وكفت على حيلي بس
أحس كل حيل مابقه بيه وإني اشوف
هالشي وبعيوني

نزلت جوه وبيدي الموبايل اتاني يجي
ويفسرلي كل هذا وإني كل ساعه افتحه
اقره الرساله وارجع اسده واكعد ابجي

لليل فدنوبه يله انفتح باب المطبخ
ودخل وهو صوت ضحكته مبينه ويكول

حمزه:: أين الحب مالتي

باوعت لمطبخ دخل وهو الضحكه شاكه
حلكه بس من شافني بارده ويا استغرب

حمزه:: شبيج ليش معبسه

ضحكت على كلمته وإني اكوله

فرح:: معبسه وإني لااا على شنوو

حمزه:: فرح!

فرح:: شبيك أضحك ارجع اضحككك
اضحكككك عليهههههه إني المضحككههههههه مالتكممممم اضحكوووووو ارجعووو
كلكممممم نفسسس الشيييي لا اهل
ولا زوج ولا كللل واحددد مابيكم
خيررررر ابداااا

حمزه:: أول شي نصي صوتج
واحجي حجي مفهوم

فرح:: مايحتاج احجي حجي مفهوم
لا انطيك وأنتَ تعرف شلون بعد
احجي حجي مفهوم

حمزه:: شتنطيني

كمت من بكاني وشمرت الموبايل
بالكاع بقوه وإني اصيح بوجه

فرح:: اتفضلللل استاذذ اتفضللللللل شوفففف بعينككك وبعديننن تعاللي وكلييي نصيي صوتججج

يباوع لموبايل مستغرب ويرجع يباوع
عليه يمكن ماجان مفكر ينكشف

فرح:: ليش متفاجئ ها لهل درجه جنت
رخصيه إني وتحجي هيج لامي

حمزه:: باعي بس خلي أفهم......

فرح:: شتفهمني شتفهمنييييييي
شنووو بعدد تريددد تحجييي
وجذبببب بيييي ماكفاككككد أهلي
ولكككك اهلييييي يعتبرونييي بلا
شرررففف وانييي أريد افهمهم بلاخير
الكاكك انتَ تكللهم شلوننن ولككك
شلووونننن انطاككك كلبكككك
تكتبهاااا.... اخخخ يمههه كلبببييييي

حمزه:: فرح لصيحين موزين عليج حاملل

ماتوازنت وردت اوكع بس هوه بسرعه
اجه لزمني من اديه ويحاجيني

حمزه:: ماسويت هاذا علمودد مصلحتييي
سويتههه علمودد احصلجج وتصيرين الييي

دفعته حيل من عندي وكعدت على
القنفه ابجي على حضي وهو راح كعد
كبالي بالكاع ويحجي

حمزه:: صدكيني ماجان عندي هدف
غير احصلجج فرح ماكدر بدونجج
وانتِ جنتي لازكه بالطلاك ومن صارت
السالفه ماجان عندي غير هالخيار فرح
صدكيني ماردت من الدنيا شي غيرج

مامهتمه الكلامه وضليت ساكته بس
باوعت عليه هوه صافن بيه وإني
ماطلعت مني غير

فرح:: طلكني

حمزه:: ماكدر ماكدر اطلكج

فرح:: تكدر وراح اطلكني

حمزه:: الطلاك شيلي من بالج والي
صار صار وصار شي ماضي وهسه
احنه عدنه طفل جاي بالطريق

فرح:: ههههه ومن كل عقلك إني اضل
وياك بعد

حمزه:: فرح بطلي

فركت راسي بقوه وكمت رحت المطبخ
طلعت سجينه من المجرات وهوه بسرعه
لحكني مفزوع ويباوع عليه بصدمه

حمزه:: لتتخبلين شسوين بيها

فرح:: حتى اخلص منك

حمزه:: فرح بلا خبال وذبيها

فرح:: هههههههههه ليش مسوي نفسك
تخاف عليه

اضحك بوجه وهوه يباوع بصدمه رفعت
السجينه وخليته على وريدي واني اكول

فرح:: طلكني

حمزه:: ماطلككك لتتخبليننن

فرح:: اكتللل نفسي والله

حمزه:: فرح عوفي الخبال فكري بطفلنه

بجيت واني اهز براسي

فرح:: هوه جان سبب كل شي ماريدك
ولا ريده ماريد احد بيكم اريد اخلص منكم

حمزه:: فرح حبيبتي خلي نكعد ونحجي بهدوء

فرح:: ماكعدددد ماكعددددد طلكنييي
خلي ارتاحححح مستحيل ابقه وياك
لو اموتت نفسي لو طلكنيي

حمزه:: بس خلي نكعد ونتفاهم فرح
لسوين هيج الخاطر الله

دموعي ماوكفت ولا لحضه واني
اباوع بعيونه نزلت دمعه من خده
وهو يوسل بيه اهد السجينه

فرح:: جنت مستغل محبتي الك
مستغل كل شي بيه الك ليش هيج
سويت كلي اني جنت استاهل هيج
بس كلي جاوبني اني شنو سويت
بحياتي والله مااذيت شخص ليش
الناس كله اذتني حتى إلي سميته
عوض إلي طلع هوه سبب كل شي صار

ذبيت السجينه من أيدي وخليت اديه
على وجهي وصرت ابجي بحركه كلب
تقرب يحاول يحضني بس اني بسرعه
ابتعدت من ومشيت الغرفه على السريع
ودخلت وسديت الباب قفلته وهوه اجه
يدك بي

حمزه:: فرحححح افتحيييي
الباببببب..... موووو جااايييي
احجيييي وياججججج افتحيييي
الباببببب..... فرححححححح

فرح:: روححح منههههه ماطلععع
انيييي إذا ماطلكنييييي

حمزه:: ولججج اطلعييييي ليششش
تخليني اكسر الباب على راسجججج

فرح:: ماطلععع ماطلععععع طلكنيييي
واطلععع انييي مستحيللل ابقه على
ذمه رجالللل جذابببب

بقينه هوه يصيح واني اصيح بس
ماستسلمت وفتحت الباب أبدا كعدت
بالكاع وصار عندي ألم ببطني بس
ضليت كاعده وابجي وهو ضل يدك ويحجي

حمزه:: ولج فريحتي ليش ماتفهميني
ولج من حبي الج انجبرت اسوي هيج
ماجانن عندي أي خيار..... احبج ماكدرت
اتحمل وانتِ تكولين نطلك نطلك

ضل فتره طويله هوه كاعد يم الباب
ويحجي بس اني أبدا ماهتميت لكلمه
وحده وكل بالي اني مستحيل اضل
ويا لو على موتي ماضل ويا ضليت
كاعده وخليت راسي على الجربايه
وضلت دموعي تنزل لحد ماغمضت عيني......

•~•~•~•~•~•~•~•~•

حمزه...

رجعت من العرس وفرحان راح اشوفها
لأن بهل كم ساعه حيل افتقدتها بس الي
صدمني وماخلاني استوعب شي أن هيه
لاكيه الموبايل ماجنت اضن فديوم راح
تشوفه وتعرف الي صار بسببي واهلها
مايحاجوها بسببي

لأن أنا الي رحت وراسلت أمها من
رقم غريب وكلت الها روحي البيت
وشوفي بتج بحضن خطيبها نايمه
وضليت احجي عليهم وعلى تربيتهم
لأن بس ردت فرح تصير الي ووماچنت
رايد شي ثاني غيرها لهاذا سويت كل
هاذا الشي ومن صارت الي أنا وعدت
نفسي اعوضها عن اهلها

ردنه نعرف مكان ليث بس ماكو فص
ملح وذاب وكل دليل ماعدنه على
هذاك اليوم بس انا رحت وحجيت
لابوها كل شي صار وشلون ليث
واخذها ولليل بس ابوها

_خلص انسو عندي بنت انا ولا نريد
نشوف وجهه ولا تشوف وجوهنه

ماكدرت احجي لفرح هاذا الشي لأن
بالنهاية راح تنقهر وتضوج وهيه حامل
ماردت أثر عليها وهم موزين عليها
فاضليت بسكوتي

من عرفت بيه وعرفت أنا مراسلها
لامها وأنا داز عنوان بيتنا تخبلت
وخبلتني تريد تكتل نفسها بسببي
رجعت تبجي ومشت الغرفه حاولت
الحكها بي مالحكت لأن قفلت الباب

ضليت كاعد يم الباب واحاجيها بس
هيه ماكو أي صوت منها بالساعتين
وأنا احجي واحجي وهيه على صمتها
وأي حرگه ماكو بالغرفه خفت لا كون
مسويه شي بنفسها

رحت ادور على نسخ المفاتيح وهم
زين لكيت للغرفه اخذته ورحت الغرفه
وعلى كيفي فتحت الباب باوعت بالغرفه
لكيتها نايمه بالكاع ودموعه نازله قلبي
نعصر عليها تبجي وبسببي أنا تقربت
منها ومديت ايده ردت اشيلها بس
هيه بسرعه فزت...

•~•~•~•~•~•~•~•~
فرح....

إني وغافيه حسيت أيد تنحط جوه
راسي كبل فزيت لكيته حمزه يريد
يشلني دفعته من صدره وكمت على
كل حيلي واني اكله

فرح:: أنتَ شدخلككك الغرفههه

حمزه:: فرح بس لتصيحين خلينه نكعد
ونحجي

فرح:: ماعندي أي كلام اكوله الك ولا
راح احجي شي بس طلكني وخلصني
منك

اباوع بعيونه شلون يباوع عليه

وكأن مايريد مني احجي هيج ويا
ضليت واكفه بمكاني وهو اجه تقرب
عليه ولزمني من اديه حاولت ابعده
بس مقوي قبضته عليهن

حمزه:: ليش هيج تسوين صرخي سبي
بيه بس لا تطلبين الطلاق ماكدر مستحيل
اطلكج ولا تتخيلين هاذا الشي..

فرح:: ترضه بأي شي غير الطلاق

حمزه بالهفه:: أي أي ارضه بكل شي
تكولينه أنا راضي راضي بس الطلاق
شيلي من بالج

فرح:: اطلع من البيت وبعد لا تشوفني
وجهك

حمزه:: فرح...

فرح:: سوي مثل ماردت إذا جنت
تحبني تسوي الشي لاريده

حمزه:: لتستغلين حبي الج فرح

فرح:: أنتَ بلشت وأنتَ إلي استغليت
حبي إلك وجنت تلعب عليه وأنا ماعرف
بس الدنيا دواره وهسه أنا أريد استغل
حبك إلي واذا فعلاً جنت تحبني ولو شويه
حبيتني اطلع من البيت ولا تشوفني
وجهك مره ثانيه

حمزه:: فر...

فرح:: ماعندي بعد حجي وياك إلي ردت
اكوله وكلته وهسه قرار الك

حمزه:: فرح لتخيريني بهل شي

عفته ومشيت طلعت من الغرفه وإني
دموعي تنزل كعدت وضليت ابجي
بسكوت وبدون ماينسمع حسي......

مر كم يوم وحمزه يوميه يجي عليه
ويضل يتوسل بس حتى اكعد واسمعه
بس إني جان عندي قرار ونطيته اله
وهو لحد اليوم ممختار واحد..... أني
بالغرفه أنام وحمزه ينام بالصاله.
الصبح الكه يمي واضل اصيح بوجهه
واطلع حرگه كلبي كلها بي

لحد مايوم كعدت الصبح باوعت بصفي
ماكو أحد ستغربت هوه يوميه يجي
ينام اهنا كمت وشلت شعري ليفوك
عدلت الجرجف وطلعت من الغرفه
باوعت ماكو احد ولا أكو صوت
بالبيت استغربت وين راح اليوم

رحت المطبخ لكيت الباب مفتوح
وبس مردود تفاجئت شلون يطلع
وما يكعدني اقفل الباب طلعت باوعت
بالطارمه ماكو رجعت البيت وسديت
الباب سمعت صوت موبايلي يرن رحت
لغرفه اخذته لكيته ريم ابتسمت وجاوبته

فرح:: شنو شايفتني بالحلمج ومن
الصبح ادكين عليه

ريم:: ها لا شلونج

فرح:: بخير وانتِ

ريم:: زينه كلجج

فرح:: همم كولي

ريم:: شعجب حمزه يريد يرجع لانبار

فرح بستغراب:: شنوو يا أنبار

ريم:: ماعرف اشو البارحه فاتح هيج
موضوع ويا إلياس واليأس اليوم كالي
ومايعرف ليش فاكلت اسئلج شعجب
يريد يروح

ضليت متفاجئه يعني اختار يعوفني
ومايطلكني هذا الي افتهمته منه ضليت
احجي وي ريم وهيه تريد تاخذ مني
حجي بس اني كتفيت بالسكوت لأن
ماردت احجي شي قبل ماافتهم شكو

شويه وسديته منه ورحت كعدت
على القنفه وضليت كاعده اتاني
بي لحد مااجه وكبل وحتى ماباوع
بوجهي راح الغرفه ترددت اكوم واروح
ورا بس كمت ورحت ورا دخلت الغرفه
لكيته فاتح جنطه ومخليها على الجربايه
ويطلع ملابس ويحط بيها حجيت واني
أحس الكلام كوه وغصب عني يطلع

فرح:: شنو جاي تسوي... ها

لتفت عليه وضحك ورجع يلم بالملابس
وهو يكول

حمزه:: مثل ماتردين راح اسوي وعوفج

هزيت راسي بمعنى أي وكعدت على
الجربايه واني اديه صارت ترجف ليش
ماعرف مو اني إلي اختاريت هاذا الشي
ليش هسه مقهوره وماريده يروح شنو
صار فرح لتستسلمين هانج وذلج
وخسرتي حته اهلج بسببه لا تحنين
عليه دير بالج فرح

ضليت اني مستمره بس اباوع عليه
وشلون لم كل شي وماعاف أي شغله
بالغرفه طلع الجنط كلها برأ ورجع
الكنتور طلع منه ضرف ستغربت
هاذا شنو وفاجئني اكثر من تقرب
عليه ونطاني يا عكدت حواجبي
واني اسئله

فرح:: شنو هاذا

حمزه:: اخذي

اخذته من أيده وردت افتحه بس
هوه بسرعه كال

حمزه:: عوفيي لتفتحي هسه

فرح:: شنو.. ليش

حمزه:: خليني اروح وفتحي

هزيت راسي بمعنى أي ورميته على
المخده بصفي راح طلع من الغرفه
واني كمت طلعت ورا وهو طلع الجنط
وحده ورا الثانيه ووداهن السياره لحد
ماخلصهن واجه عليه وكف كبالي

حمزه:: أنا راح اروح

دنكت راسي وكبل كتله

فرح:: روح

رفع ايده ولزم حنجي رفع راسي
وهو يباوع بعيوني ويكول

حمزه:: كوليها بوجهي

فرح:: روح

حمزه:: ماتردين تكولين شي

هزيت راسي لا ورجعت اني كتله

فرح:: وأنتَ

حمزه:: أنا حجيت كل شي

فرح:: يعني بعد ماعندك حجي

حمزه:: لا عندي

فرح:: احجي اسمعك

حمزه:: لا ماتسمعيني راح تشوفين

فرح:: شنو اشوف

حمزه:: أول ماطلع من هاذا البيت
شوفي شنو مخليلج بالظرف أنا
ماريدن هسه احجي أي شي لأن
كل شي كاتبه..... والي اريده منج
بس شي واحد وهو تهتمين بصحتج
اهتمي بطفلنا

عضيت شفتي مانعه دموعي تنزل
ماريد اضعف كدامه مستحيل تقرب
اكثر لزم وجهي بين اديه وهو يردف

حمزه:: احبجج فرحح احبجج وراح ابتعد عليجج... احبج يابعده العمري

تقرب ازيد وخلى شفته على خدي يبوس
بيه اني اهنا متحملت وكبل نزلت دموعي
صرت ابجي وهو رجع حضني بقوه وكأنه
يريد يضمني القلبه وما يريد يوخر ويبتعد
عليه بس اني رفعت اديه وخليتهن على
صدره ابتعدت بهدوء واني اكول

فرح:: الله وياك

حمزه:: فرح

فرح:: يله روح

باوعت عليه هز راسه وفرگ راسه
وهو دار نفسه ونطاني ظهره مشه
المطبخ ضليت اني على وكفتي
ودموعي تنزل عشره عشره واني
اشوفه طلع من البيت كله....

تنهدت ومشيت على كيفي كعدت
على القنفه وصرت ابجي بخبال خليت
اديه على حلكي امنع صوتي يطلع
وضليت ابجي اباوع بانحاء البيت
يعني بعد ماكو هاي هيه انتهينهه

كمت من بكاني وبوجهي الغرفه إريد
اشوف حجيه رحت الظرف اخذته
وكبل فتحته لكيت بي ورقه جبيره
وهواي كلام مكتوب بيها خليت أيدي
على بطني وكعدت على الجربايه
واني اقره بيها

حمزه:: كل الحجي ماكدر احجي بوجهج لأن من اباوع بعيونج كله يطير وماعاد اكدر احجي أي كلمه فرح أنا احبج تعرفين من يوم لجينه عليكم وصارت شوفه شرعيه بينا اني من هذاك الوقت دخلنج كلبي وبايام خطوبتنه حيل تعلقت بيج ههه يكولون الولد ميتعلقون مو مثل البنات بس أنا لا أنا تعلقت بيج صرتي جزء مني من هذيج لأيام ومن اتوفه عمر جيت وحجيت وياج حجي حتى استحي هسه ماجنتي بوعيي وانتِ اجيتيني وردتج بي طلعين ماطلعتي استفزيتيني وخليتيني احجي حجي ماله داعي ومنخ مرت لأيام صرتي اطلبين الطلاق ماجنت مستعد لهاذا الشي ولا مستعد لخسارتج ومن صارت السالفه أنا ماجنت رايد هاذا الشي بس رجعتي وذكرتيني بالطلاق وماجان بالي أي شي غير هالشي اسوي واحصل عليج وتكونين يمي وبحضني جنت يوميه من افتح عيني الصبح اشكر ربي لأن استجاب هاذا الشي وصرت يوميه اصبح بعيونج الحلوه اتخليت عن اهلي وناسي في سبيل احصل فرحه كلبي.. ماجنت اعرف بين يوم وليله راح تخرب حياتنه كلها أنا راسلتها لامج وأنا حجيت ذاك الحجي الماينحجي بس أنا حاولت وحاولت احجي وياهم حاولت ارجع علاقتكم حاولت عده مرات بس بكل مره ابوج دائماً يكول ماعندي بنيه بعد ومانريد نشوفها ماجنت اريد احاجيج بهاذا الشي لأن اعرف بس تعرفين بيهم ولحد هاذا اليوم همه نفس كلامهم راح تنقهرين اني التزمت السكوت وماردت أثر عليج ولا على طفلنا..
هسه انتِ كاعده وتقرين رسالتي وأنا مو يمج موجود ويجوز بجيتي بس لا تبجين على واحد مثلي خليج مثل ماانتِ فرح إلي اعرفها أنا لا ضعفين علمود واحد مثلي اهتمي بطفلنا حافظي عليه أنا مستحيل اكدر بعد ارجع ولا راح ارجع احجي لطفلنا عليه بس لا تحجين بالشي الموزين السويته خاف يكبر ويصير يكرهني وهو مامتعرف على ابو احجي بالشي الزين يمه جان أكو اسماء بالي لطفلنا إذا جان بنت أو ولد نسميهم وجنت رايد افاتحج بيهن بس ماصحتلي الفرصه وصار إلي صار لاسماء جانن _اذا بنت "دنيا" وإذا ولد "فرات" وماعرف إذا جنتي راح تسمين عليهن أو لا بالنهايه شي راجعلج أما اهلي أتمنى كل شي صار بينا يبقى بينا وبيتنا وماتحجين أي شي لأي أحد حتى ليان ماريد شخص ياخذ عليه فكره سيئه اتمنى تحتفظين بهاذا الشي.... عفت الج فلوس بالمجر مال الميز حالياً ماعندي بس ذني وراجع أنا الشغلي وراح ادزلج كل شخص.. أي شي تحتاجي اتصلي باسمر بس لا تروحين اطلبين شي من أي شخص واذا حبيتي روحي يم اهلي اهناك امي ماراح تعوفج وحدج وراح اداريج اعرف بيج ماتكدرين تنامين إذا ماتشمين عطري خليتلج من العطر لخلي والقميص تلكينهن بالكنتور.

احبج فرحه كلبي مع السلامة..

•~•~•~•~•~•~•~•~•~•~•~
ليان...

مرت أيام العرس والسبعه وإني ميته
من التعب بحيث حتى الجهال هاملتهم
ومكتفيه بس بالشغل جمانه صايره
هواي تروح وتدخل بغرفه ميس
وذيج بس تصيح وتسوي سالفه
مامنها داعي

أما إني واسمر فاعلاقتنه صارت
ماكو احسن منها وكلش باخر فتره
تفاهمنه وهسه احنه جنه عرسان
جدد ولا كأن مرينه بكلشي صار كله
خلينه بالماضي وبلشنه حياة جديده
خاليا من المشاكل

سمعت بحمزه رايح لانبار استغربت
بس عرفت عمود شغل رايح وهم أمي
رادت من فرح تروح يمها بس فرح
جانت رافضه وماعرف ليش حملها
باخير فتره حيل متعبها وخطيه حتى
اكلها قليل وضعفانه حيل

كاعده بالحديقه على الكرسي واباوع
على جود وجمانه فرشتلهم فرشه بنص
الحديقه ونزلت الهم كل لالعاب جود
يكعد بس لحد لان مايمشي بس يخلي
وجمانه كل شويه مسويه نفسها عود
هيه الجبيره وتريد تكوم وتشيله واضل
اني اصيح عليها يله تبطل منه عاد
خليتلهم الملاعيب كلها وضلو يلعبون
شويه وجان يطلع امجد من البيت
شافنه وضحك اجه يمنه وكال

امجد:: شنو هاي الأرانب كلها بالحديقه

جمانه بس انتبهت الصوته كبل كامت
وركضت اله وهي تصيحله

جمانه:: هموووو

امجد بضحكه:: ياروحه الهموو انتِ

ضحكت عليهم لان جمانه بعدها
ماتلفظ كل الاكلمات عدله ونص
لاحرف هم ماتكدر تلفظهن وهيه
من تكول همو امجد يكزكز عليها
ويضل كل ساعه يحاجيها حتى بس
تكله همو شالها واجه انظم الهم
بالكعده وصار عود يلعب وياهم
أما اني ضليت بس صافنه عليهم
ومبتسمه على شكلهم شويه وجان
تطلع ميس جتي علينه وهي تحجي
امجد

ميس:: حبيبي خلينه نطلع شنو صار
تلث اسابيع على عرسنه ولحد لان
ماطالعين وحدنه

امجد:: ووين تردين اطلعج عيني

ميس:: لأي مكان المهم شويه نطلع
ونغير جو عفيه البيت خنكه

امجد:: امشي هسه خلي نشوف

ميس:: شنو تشوف عفيه قرر

امجد:: ميس روحي جوا

هزت ايدها ومشت دخلت جوه وهيه
تباوعلي بخزره بالك بايكه رجلها كبر
طمها....

ضلينا كاعدين احنه وامجد مادخل
جوه ضل يم الجهال واني خليتهم
يمه ومشيت دخلت المطبخ سويت
غده ومن ثرمت الزلاطه سمعت صوت
فتحه الباب مال الشارع باوعت اسمر
باوع على الجهال وضحك ورجع صاح
بصوت عالي على امجد

اسمر:: لكك ها زعطوط وين كاعد

امجد:: يم زعاطيطك

اجه المطبخ وستغل الفرصه امجد برا
كاعد تقرب عليه وباسني بخدي وهو يكول

اسمر:: شلونه الحلو

ليان:: زينه

اسمر:: بس زينه

ليان:: مممممم

ميس:: هلا حماي شلونك

التفتنه متفاجئين بيها عدل شعره
اسمر وهو يرد عليها

اسمر:: اهلاً هلا

طلع من المطبخ اسمر وراح على مااضن
صعد فوك بقينه اني وياها اشو هاي
عوجت حلكها وهي دتكول

ميس:: شبيكم ماشايفين نوب بنص المطبخ

ليان:: ششايفتنه شمسوين هسه قابل
شفتيني اتوسل برجلي على طلعه

وهيج مره ايامنه ويا ميس بكل شي
مدخله بينا بهل ثلاث اشهر صارت
بينها وبين امجد مشاكل حيل واربع
مرات راحت زعلانه ووره يوم ترجع
هيه بدون مااحد يروح يرجعها

اما اني واسمر ابدا ماتغيرت علاقتنه
واصلا صارت احسن واحسن من قبل
ردت هواي افتح موضوع أن نعزل بيت
وحدنه بس مالكيت الوقت المناسب ابدا

فرح دخلت بشهرها وسمعت حمزه
مخابر على امي علمود تاخذها يمها
ودير بالها عليها حمزه مايكدر يجي
ورجع يكمل مرحلته الي وكف عليها
وصار يداوم بالجامعه ويشتغل
وفلوسه يدزهن الفرح

الحد اليوم هيه تتامل وتتامل هلبت
يحنون اهلها عليها وجانت تحلم مثل
البنات امها تحضر طفلتها لاوله بس
ماكو ولا سئلو عليها حتى عمه سناء
بوكتها سئلتني

عمه سناء:: شعجب ام فرح ماراحت
هيه حضرت لطفلتها

ليان:: مو علساس الا تدخل بشهرها
يله تحضرها وسبقتها امي وحضرت
كل شي

وفعلاً امي ماقصرت وجهزت كل
الجهاز لازم لام اجهزه فرح من
راجعت لدكتوره طلعت بيها بنوته
وفرحنه بيها ومن رحنه مره ثانيه
واني رحت. ياها طلبت من الدكتوره
تصوريلي وصورت الي وكبل اني
اخذت الها صوره ودزيته لحمزه من
موبايل اسمر وبوكته كبل دك وهو يكول

حمزه:: شنو هاي الصوره

ليان:: هاي صوره طفلتك

حمزه:: طفلتي!! فرح بيها بنيه

ليان:: اييي شنو فرح ماكايلتلك

حمزه:: لا مو انا هلايام مشغول ومامخابرها

شكيت بيهم شي بس محيت هاذا الشي
من بالي نهائياً لأن إني اعرف بيهم
شكد يحبون بعض ومستحيل تصير
بينهم أي خلافات

مجموعين كلنا يم اهلي إني وريم وهيه
فرح يمهم وفرح كل شويه صايحه عندي
ألم بطني وأمي تركض وراها خاف
صارت عدها ولاده وصدك

كاعدين بعدنه وهيه كاعده ويانه بس
كل شويه تغير كعدتها ووجهه يعرك

ليان:: فرح بيج شي

فرح:: ليان بطني توجعني

أمي:: ولجج يمهه خااف ولاده

لزمت بطنها وصارت تعصرها بقوه
وصرخت كلما كمزنه عليها وهيه
تصرخ بقوه حرنه شنسويلها وامي
عرفت هاي ولاده بي إني وريم
ماعرفنه لأن احنه عمليه جبنه

خابرنه على اسمر لأن أبوي رايح
بعزيمه وي جدو وهوه اسمر بسرعه
اجه وويا عمه سناء ماخلنه لا إني
ولا ريم وحده تروح وياهن
وبس هنه راحن واحنه ضلينا بقلق
نومت ريم الجهال وضلينا كاعدين
إني إياها

ريم:: هسه جابت لو بعدها

ليان:: ماعرف شتكولين اخابر

ريم:: لا خلي تمر ربع ساعه

وصدك مرت ربع ساعه ونص ساعه
وساعه وساعتين وندك وماكو واحد
يرد علينه عاد اخذت تلفون ريم
وتصلت على حمزه وهو جاوب بسرعه

حمزه:: ريم!

ليان:: لا هاي إني

حمزه:: ها ليان

حجيت اله وكتله فرح صارت عدها
ولاده وهو كال راح اجي وسده
ورجعت اتصل عليهم ماكو

اجه أبوي وكتله وهم راح عليهم
وعود كتله طمنه بس هم راح وما
دك علينه.....لليل فدنوبه وجان تصير
اصوات برأ الجهال نايمين نومتهم
مال اليل وبس احنه كاعدين كمنه
إني وريم فتحنه الباب وشفنه المنظر

جانت فروحه لابسه فستان وردي
ومخلين الها فوك الشال طوق وامي
إلي أبدا ماشفتها تضحك من توفه
عمر اليوم أني اشوفها أول مره تضحك
وشايله الطفله بايدها رحت بسرعه
فتحت باب الاستقبال ومناك دخلو
سلمت على فرح وباركت الها وشفت
الصغيرونه جانت تشبع فرح الخشم
والشفايف وجانت مقررين يسموها
"دنيا" وسموها بهاذا الاسم

لثاني يوم ضليت إني يم اهلي وكاعدين
بعدنه بس إلي مستغربته حمزه كال
اجي ولازم يجي أصلا بس مااجه
باوعت على فرح وكتلها

ليان:: ليش مااجه حمزه

فرح:: ها مادري

ليان:: إني كتله من أنتِ بالمستشفى وكال جاي

باوعتلي بالهفه وهيه تكول

فرح:: يعني كالج اجي هو كال

ليان:: أي والله ليش لعد مااجه

ضلت هيه ساكته بس أحس عدها
هواي حجي بس ماتكدر تحجي

وهيج مرة ايامنه كلها ومرة اشهر
وكبرت دنيا ومنشنشه وصايره عدها
خدود وتخبل وصرت كل مااروح
عليهم أخذ صور وادز لحمزه وهو
بالك ماشايفها ولا فرح دازتله صور
يكلي بعد دزيلي وإني هم ماخذني
الواهس لأن الموبايل موبايلي
واصور وادز

اسمر اشتره إلي موبايل بس ماقبل
افتح برامج غير الواتساب ردت افتح
الإنستغرام بس مارضه لأن انطي لجمانه
مرات تلعب بي ويخاف لا تروح تنشر صور

إني وميس كاضينها عرايك يوميه إذا
مانتصايح بينه يومنه يصير ناقص...

واكفه اغسل بالمواعين وهيه فوك راسي تحجي

ميس:: والله إني ورجلي يجيبلي بنته
اربيها فلا اقبل

ليان:: وانتِ شعليج

ميس:: غير بنت خالتج وجاي انصحج كافي تهتمين بيها وعبالك امها ترا هيه يتيمه

التفتت عليها وكبل بيدي ماعون شمرته
يم رجليها وجان ينكسر وهيه تكمز من
بكانه باوعت عليها واشرت الها على
الماعون

ليان:: والله العظيممم بس نوب تحجين
هيج حجي شايفه هاذا الماعون مره الثانيه ميتكسر بالكاع لا على راسجج ياچلبه

ميس:: لججج أنتِ علىىى منووو
تغلطيننن اشووو چن شايفهههه
نفسججج

ليان:: امشيي من يمي ناقصنه زعاطيط

ميس:: لججج على منو زعطوطههههه
يرادلججج حبسه بالحمام مثل قبلل

صفنت بيها شنو حبسه حمام وكبل
فتحت عيوني على وسعهن وإني
اتذكر بخطوبه حمزه شصار

ليان:: لججج ياجلبهههه هاااييي أنتِ
دتعالييييي

وكبل رحت عليها جريتها من شعرهااا
بقوهه وهيه تصرخ جوه أيدي اريدها
بس تسكت حتى اكتلها على راحتي
ماكو ماسكتت خليت وضربتها بكف
أيدي على حلكها وكبل حلكها كام
يجري دم رجعت على شعرها وملخته
الها وهيه ترفع بايدها تريد بس تلوح
وجهي بس إني ابعدها وما خليها تتقرب
عليها وكبل دفعتها بالكاع وكعدت على
بطنها شبعتها راجديات

ليان:: ياادبسززز يابلاااا اخلاققق وتربيييهههههه لججج ااانبيي اربيجججج جلبهههههه

ماعرف منين وشلون وشوكت اجه اسمر
وسحبني من بطني بعدني عليها
وهو يصيح بوجهي

اسمر:: شبيجججج تخبلتتتييييي

ليان:: عوفننيييي خللليييي اربيهااااا لهل حيوانههههه

اسمر:: ليااانننن فوككككك

ليان:: مااصعدددددد فوككككك تعرفففف
هيه شمسويهههههه ها....

ماخلاني احجي وكبل خله ايده على
حلكي وشالني من بطني مشه بيه
الغرفتنه وإني ارافس جوه اريده
بس يهدني ماكو ولا هدني لحد
مادخلنا الغرفه يله هدني ووكف
يم الباب ميخليني اطلع

ليان:: افتححح البابببب خلينيييي اطلعع

اسمر:: تخبلتتتييييي شبيججججج

ليان:: ماتعرف أنتَ ماتعرف شنو مسويه

اسمر:: لا اعرف شنو

ليان::يعني جنت تعرف هيه إلي قفلت
عليه الباب بخطوبه حمزه

اسمر:: أي اعرف بس مادرت احجي
واخرب بينجن

ليان:: ياتخرب وخررر خلي انزل الهاا

اسمر:: ليان كافي إلي صار صار

ليان:: والله ماكعدد بهاذا البيت بعددد
لو انييي لو هيه

اسمر:: مايحتاج حبيبتي شنو أنتِ
وتقارنين نفسج وياها أنا اشتريت
بيت وبس اثاثه نروح بي وهاي
هيه فضت

عفت المشكله كلها وضحكت وإني
اتقرب عليه رفعت نفسي وحضنته
من ركبته وإني اكله

ليان:: حبيبي صاير تقرأ افكاري

اسمر:: شلون لعد

•~•~•~•~•~•~•~•
فرح...

ولدت دنيا وصارت هيه كل دنيتي
احسها تكون العوض إلي حمزه
ماراسل ولا خابرني بيوم ولا سئل
لا عليه ولا على دنيا بالرغم إني بس
أول ايام ولادتي كضيتها ببيت عمو
يوسف ورجعت البيتي بس هو ماسئل
بس كل شهر يدز مصرف إلي وهاي هيه

كبرت دنيا وصارت كلش تشبهني
وحتى كلها تشبها بيه..... جنت مفكره
بحملي راح اشوف اهلي أول الناس
بس جنت غلطانه وثاري أنا ضليت
بدون أهل ماحاولت بعد اتواصل
وياهم وهاي هيه إني هم نهيت كل
شي من يمي والله عوضني بعمه
صابرين صارت إلي الام وعمو
يوسف صار إلي الأب إلي مستحيل
أحد يجي مثله

كاعده ويمي دنيا محللتها تلعب اكلب
بالموبايل ودخلت الواتساب باوعت
لكيت حاطين حاله رحت اشوف منو
وبالي البنات ابد ما قريت لاسم وكبل
دخل جان حمزه مخلي حاله جان
فديو يم بحر ومخلايه عليه اغنيه

عَيني مَاتشوِف النُوم
من فَارگتك لهَل يوم
ترَضاها حَبيب الرُوح
مَن حُبك أضل محروم
حبيبيِ بعيني إلك دمَعه
كَلام بكَلبي مَاتسمعه
أريد احجيلك وارَتاح
تَعال الخاطري بسرعه

حسيت بي يقصدني حيل وجعني كلبي
وإني اسمعها وضليت كل ساعه اسمعها
ودموعي تنزل اشتاقيتله حيل وشتاقيت
الحضنه بس ماكدر اسوي شي وهاي
هيه كلماً عايش بمحافظه...

•~•~•~•~•~•~•~•~•~•~

ليان....

من بعد هذاك اليوم عمتي صارت
كلما تشوفني تذب حجي بس إني
ممهتمه أبدا خوب امجد أصلا ولا
بالك كاتله مرته شلون يشاقه
ويضحك اربعه وعشرين ساعه
وياي وإني هم بعنادها اضل
اضحك كبالها

ضلينا إني واسمر يوميه رايحين
المكان عمود للأثاث واخير شي
يله كملنا كل شي ومن بيت اهله
كل شي مااخذنه غير ملابسنه
وحتى الغرفه كال الهم بيعوها أنا ماريدها

مرة حياتنه حلوه بوجود جمانه
وجود إني واسمر هاي هيه وجان
قراري صح لمن قررت انطي فرصه العلاقتنه

صرت على كيفي البس صح ماجنت
البس حجاب اهناك بس هم جان لبسي
كله مستور هسه لا كل شيء البس
عادي وماخذه راحتي....اني واسمر
قررنه أن مانريد أي طفل حالياً
ونريد نشوف حياتنه ونكبر جود وجمانه

نايمه بحضنه ويمنه الجهال جود
مخلي اسمر على بطنه ويضحكه وإني
مخليني على ايده وجمانه بس تكمز
فوكنه واحنه نضحك عليها تقرب
على اسمر وبسته بخده وإني اكله

ليان:: احبك سمورييي

اسمر:: اموتن عليج.

النـهـايـة مو كل النـهـايـات سعيده بعض النهايات حزينه والبعض سعيده لاكن روايتنه جانت من الاثنين النـهـايـة السعيده والنـهـايـة الحزينه

أتمنى اتعلمتو منها

لام مو لتخلف وإنما الام التربي وتتعب
معنه لاخوه
الحقد والشر والكراهيه بلاخير كلها
تنكشف وماكو سر يبقه مدفون انما
يجي يوم وينكشف

ليان....

هاي قصتنه وهاي حياتنه أتمنى
عجبتكم واخذتو نصائح منها
أول مابلشت ضحى تسرد بيها
وشفت كميه لانتقادات عليها
هواي حجيت وي ضحى
ووصلنا أن نحذفها لأن
هواي من الناس مفكره اني ضعيف
واني بلا كرامه صراحاً نقهرت
ضجت بس كلت أكيد ماماره
عليهم هيج اشياء وبالأخص
بالعادات والتقاليد

اترحمو العمر 💔

فرح....

ماجان بالي اصلا فديوم اجي اكتب
واخلي قصه حياتي تنشهر لأن
جنت اشوف قصتي مو مثل قصه
أي بنت ونهايته حزينه واكثر
وبعض الناس مستحيل تشوف هيج
قصص....بس الكاتبه ضحى وريم
وليان طبكن عليه سرا وكل دقيقه
وحده جايه هسه تسردين وتنطين لاحداث
ماجنت أريد انطي كل لاحداث وبلاخص
رساله حمزه بس للأخير انسردت

النـهـايـة

ضحى:: اتمنى عجبتكم وادعو لابطالنه
بالتوفيق.. اعرف اني شلعت كلبكم بالتنزيل
بس يله نعناعااتي إنتو 😂🌿❤

ادخلو الحسابي وصوتو القصه الجديده
عوض من رماد الحرب

تابعوني على لانستا

اهناك احجي وياكم

احبكم نعناعاتي لا تنسوني أبدا 🥺