رواية احفاد ال رحيم الفصل التاسع وثلاثون 39 - بقلم سـيـريـوس | Sirius ✨

حطب روحي بديار البعد  ..هميت
وعلى فراك الاحبهم شكثر ..هميت
المفارك  لا  تحسبه  عدل  ..هميت
ترى الميت والمفارك سويه

،،،،،،،،،،،،،،،،،،،

هيام. مشيت سريع عليها وجاي اضربها لزمها مومل

مهيمن. مومل ايدك وخرتها من ايده

مومل. ياريت بكلبي وخلصتيني منج

هيام.  هههه انا صرت هيج مومل تريد تخلص مني حتى لو بالموت 

مومل. اي الاخت المثلج ماتنحسب اخت ولج اكو وحدة تسوي هيج بت عمها ولج ماوكفو عمامج بعينج عوفي عمامج ابوج امج رجلج هذول هم عوفيهم ولج ابنج ما فكرتي ماكلتي من راح اخلص عمري بالسجن شراح يصير بيه باجر عكبة يكلوله امك المجرمة امك خريجة سجون ترا الكلام يذبح وياثر

هيام. وهسة عود انت تهتملي

مومل. 🖐 بيدي الكلها دم خليت بوجها دمي. انجبيييي طول عمري مخليج فوك راسي واكثر وحدة مهتملها انتي

هيام هههههه

نور. ضليت مصدومة منها ومن تصرفها وانا اشوف الدم يقطر من ايد مومل. مقتدى اتصل بالضابط كله شكرا ع جهودكم وصل التصوير بس هاي جانت تحدي بيناتهم حتى اخوانها يفاجوها بجدد احلى وسد السالفة. جدو باجر ان شاءالله من الصبح نرجع. كافي سدو السالفة

الجد. ليش بابا وحقج ماتاخذيه

نور. جدو حبيبي العيونكم كلشي طايح وواحد يسوي شي الاخرته

الجد. عمر الطويل بابا بس مايصير

نور. جدو لا اكدر اشتكي عليها تبقة من عائلتنه وسمعتها من سمعتنه ولا اكدر اسلمها بيد ربي خاف يعاقبها بواحد من اخواني لو عمامي لو جود وكلهم غالين علي راح اخليها صدقة كلشي راح فدوة النا اهم شي احنه سالمين ما اريد احد يزعل وراي طريق وما نعرف شيصير ميصير ويانه
 

الجد. اسم الله جدو شنو هلحجي

نور. جدو اليروح بامرة مايرجع بامرة هاي امور خارج عن ارادتنه

ابو مومل بابا انا خجلان منج

نور. عمو ازعل عليك لا تخجل ان شاءالله الله يغير وان شاءالله الامور تتغير بمرور الزمن لا تضوجون نفسكم انا من ناحيتي مسامحتها. مشيت خطوتين ردت اروح الغرفتي صارت عندي دوخة قوية وغواش على عيوني لزمت بمومل حيل
.

الجميع. اسم الله اسم الله

نور. مومل سحبني عليه وسندني

مومل. اسم الله شبيج نوارتي .

نور. ماكو شي دخت بس راحت الدوخة لا تخافون واشرت المقتدى

ام مقتدى. ماما لاتخوفيني عليج شبيج

نور. ماكو والله مابيه شي اصلا راحت يمكن لان ماماخذة علاج

مقتدى. روحي للغرفة اتصل بالضابط واجي

مومل. امشي اخذج للغرفة لزمت ايدها حيل واخذتها

نور. كعدني ع الجرباية وراد يطلع لزمت ايده. وين

مومل. اروح الغرفتي

نور وتعوفني وحدي

مومل. ماكدر اضل يمج ولا اباوع بوجهج من ورا هيام وسوالفها

نور. شنو هلحجي بعدين انت شدخلك كل انسان مسوول عن تصرفاته. زين ينطيك كلبك تعوفني بحدي شمدريك ممكن اموت ومحد يمي

مومل. التفتت عليها وكعدت اشش اسم الله عليج ليش هيج تحجين

نور. لا والله احجي صدك تدري شنو حسيت قبل شوية

مومل شنو

نور. حسين مثل الواحد طكني ع راسي ودخت وثصار غواش ع عيني احس شي نسحب مني ومن لزمتني رجع كلشي طبيعي

مومل. سلامتج حبيبي

نور. شبيك

مومل. كلبي خلص وتعبت منها ومن سوالفها

نور. اسم الله ع كلبك خليها الله يهديها

نور. باوعت ع ايده بعدها تنزف كمت

مومل. وين تعالي

نور. اصبر رحت جبت علبة الاسعافات طلعت شاش ومعقم وبديت اعقم بايده

مومل. عوفيها لا تعبين نفسج

نور. اسكت اذا تريدني ارتاح خليني انظفها بعدين هاي صارت بسببي

مقتدى. السلام عليكم حظرة الضابط مشكور ع تعبك ويانه طلعو الشباب يتشاقون بيناتهم ومحظرين مفاجاة النور ورادو يغيرولها الديكور وسوو هيج هههه اي لحظا انتظرني

أبو مقتدى. ها بابا حليتها

مقتدى. اي بس يريد يتاكد من نور لان هية صاحبة القرار رحت الهم

مومل. هها. شنو الوضع

مقتدى. تمام نور الضابط يريد يتاكد منج

نور. اهلا حضرة الضابط شكرا الك اي اخواني بعد لا شكرا متقصر سديته مقتدى ايد مومل تحتاج خياط

مقتدى اي بس اجيب جنطتي واجي .

مومل ماكو داعي

مقتدى. لا لازم احسن ما يصير تقرحات بيها او غير شي لا سامح الله

اجه مقتدى انطاه مخدر وخيطها ولفها اله وانطاه علاجه شربه وعلاج لايده ونام من ورا المخدر

مقتدى يلا ع جربايتج الثانية وشربي دواج وجوة شنو صار وياج

نور. مادري دخت بسرعة وصار غواش ع عيني وحسيت مثل الشي اينسحب مني بعدين رجعت طبيعي

مقتدى. هاي لان اتاخرتي يلا اخذتي علاجج يلا نامي ورانه كعده الصبح

نور والغراض

مقتدى. غراض مومل راح اخلي مهيمن يلمهن وانتي الصبح

نور تمام نمت وضليت اباوع ع مومل ونمت

الجد. وين مومل وشلونها اختك

مقتدى. نايم لا زينة نامت

أم مومل. وين مومل

هيام يم حبيبة الكلب

ابو مومل. انجبييي ماريد اسمع صوتج

مقتدى. اهدء عمو  خيطت ايده وشرب علاج ونام ونور هم

الجد. كلمن يروح الغرفته يلا وب7 الكل هنا

الكل. تمام وكلمن راح الغرفته
في الصباح في الساعة السابعة

الجد. سيلين ، بابا روحي شوفيهم كعدو اخوانج

سيلين تامر جدو. ذهبت لهم وجدت لهم نائمين

مقتدى. انا رايحلهم. نور نور كعدي

نور. امم

مقتدى. ولج نور. رفعت راسها صباح الخير

نور. صباحك فل خيو

مقتدى. مومل مومل رفع راسه. كوم صباح الخير

مومل  صباح الخير

مقتدى. شلونها ايدك

مومل. وجع قليل

مقتدى. لا تخلي يلوحها ماي. وكومو تجهزو

نور ، راح نطول يلا

مقتدى. جا شلون

نور. مقتدى روحو ونجي وراك اخذ جدو وياك ومومل خلي ينطي سويجه المهيمن

مومل. هاك بس دربالكم عليها وكول المهيمن لا يلعب بشي بالسيارة واول ماتوصلون اخذ السويج بامانتك

مقتدى. ان شاءالله جا انا نازل دربالكم ع نفسكم وطفو الكهرباء وقفلي غراضج زين

نور. تمام ومن توصلون طمني احنه نتاخر شوية

مقتدى. تمام

الجد. ها بابا وينهم

مقتدى. جدو كعدتهم يطولون يلا يخلصون ع ما يبدلون ويلمون شغلاتهم كالو روحو واحنه نجي وراكم مهيمن هاك مفتاح سيارة مومل وصل وبيت عمي ومن توصل بوجهك تنطينياه وماتلعب بيه جدو انت ترجع وياي

الكل. يلا جا

نور ، غسلت ولبست قميص وبنطرون اسود وبشت تطريز يدوي اسود ولميت شغلاتي ومومل لبس قميص وبنطرون اسود نزلنه اخذنه شغلاتنه بالصندوك

مومل. انا اسوق

نور. تؤ انا لان ماخذتك المكان يجنن

مومل. وين

نور. تؤ مفاجاة صعدنه بالسيارة شغلة دعاء الصباح وراح حديث الكساء وراه دعاء التوسل وصلنه المطعم ع الشط وخضار يموت المنظر
ها شرايك

مومل. مكان يجنن.

نور. مشغلين فيروز طلبنه ريوك تريكنه وراها شربنه حليب بالكاكاو. هاا نرجع

مومل. اي

نور. يلا امشي صعدنة واكفين بالازدحام اجه طفل يبيع ورد.  بيش الوردة

الطفل. بالف

نور. كم وردة عندك

الطفل. 15

نور. هاك 25 وانطياهم كلهم

الطفل. بس ماعندي خردا

نور. الباقي هدية الك

الطفل لا مايصير

نور. لا انت مثل اخوية وانا هذا الورد ماخذته هدية الاخوي شوف ايده مجروحة وانت اخذ الباقي اشتري بيه شي يعجبك

الطفل. شكرا شنو اسمج

نور. اسمي نور.

الطفل. الله يرزقج ويفرح كلبج ويفتحها بوجهج اختي نور.

نور. تسلم حبيبي انت شنو اسمك

الطفل. حمزة

نور. عاشت الاسامي. زين حمزاوي ليش تشتغل انت ووين عايش

حمزة. اشتغل لان بابا شهيد وماما مرة ماكدر اخليها تشتغل عيب علي هية تشتغل وانا كاعد انا جبير اخواني عمري 12 سنة وعندي بعد اخ واخت توام

نور. يا حبيبي الله يرحم والدك ويطول بعمر والدتك شنو اسم اخوانك

حمزة. اسمهم حر وحرة

نور. يعمري عادي اطلب طلب

حمزة كولي

نور. عادي تصعد وياي وادليني بيتكم

حمزة لا ماكدر اخاف ع اخواني انتي ماعرفج خاف تاذينهم

نور. لا عفية والله مااذيهم بس انا احب الاطفال ولان اختي ماتت وهية طفلة فمتعلقة بيهم حيل

حمزة. توعديني ماتاذينهم

نور. وعد تعال اصعد
صعد ويانه وانفتح السير دلانه ع بيتهم بحي فقير كلش وبيتهم تقريبا 100 متر بس تعبان وعبارة عن غرفة ومطبخ وحمام وصالة وغراض قليلة بيه وتعبان دخلنه. السلام عليكم ام حمزة

ام حمزة وعليكم السلام هلا خالة

نور. اعتذر ع الجية المفاجاة بس شفت حمزاوي وانعجبت بيه وبشخصيته الله يحفظه وحبيت اتعرف عليج

ام حمزة. كل الهلا بيج حبيبتي ولك حمزة انت متوب جم مرة كتلك لا تجيب احد احنه بحدنه واخاف عليكم عذريني حبيبة بس عندي جهال واخاف عليهم تفضلي

نور. لا عادي خالة من حقج بس عادي احجي وياج ع انفراد

ام حمزة. ااا. اي عادي

نور. لاتخافين خالة والله نيتي صافية ما اذيكم

ام حمزة. والله الدنيا ما تتامن اتفضلي

نور. حمزاوي اخذ اخوانك وروح اوكف يم اخوي مومل شوي واجي بس احجي كلمتين وي ماما

حمزة. اوك براحتج

ام حمزة. شنو الرايدته

نور. ،،،،،،

،،،،،،.،،،،،.،،،،،،

انتظرونا