رواية احفاد ال رحيم الفصل الأربعون 40 - بقلم سـيـريـوس | Sirius ✨

حيل بينه ،
احنا ضيعنه العمر
من بين ايدينه
واحنا تانينه القطار
وما مشينه
بلكي شي منكم يجينه
ردنه تنسى و ما نسينه
ردنه نبچي و ما بچينا
ونعتب ونحجي وعليمن
ويا هو يسمع لو حجينه
تأكل الحسرات بينه
و ما بچینه كلها من
كلوبنا العمت علينا .

,,,,,,,,,,,,,,,,,

نور. خالة الصراحة اريد اسالج كم سوال عادي تجاوبيني

ام حمزة. تفضلي

نور. خالة شلون عايشين وصار شكد من اتوفه زوجج الله يرحمة

ام حمزة صار 5 سنوات من جان عمر حمزة 7 والتوام 3 وجنت انا اشتغل اخذت فترة اشتغل وي خياطة سنتين وشالت بعدين ضليت اخبز وابيع للناس لان ماكدر اعوف جهالي بحدهم ومن صار عمر حمزة 11 ضل يشتغل ومايخليني انا اشتغل مرة عاف البيت وطلع يوم كامل لان مااخذت بحجايته واشتغلت

نور. زين خالة مو زوجج شهيد ليش ما مطلعة راتب

ام حمزة. والله خالة رحت وسويت المعاملة وكلولي ع السنه الجديدة ويومية ياجلون وكلشي مماكو

نور. خالة الجهال يدامون مدارس

ام حمزة حمزة لا بطل ب5 بس التوام مكملين

نور. خالة اذا ساعدتج تقبلين

ام حمزة. شنو المقابل

نور. بدون مقابل

ام حمزة شلون تساعدين بدون مقابل

نور. خالة ما اريد اتباها بس احنه عائلة الحمدلله الله ناطينه من خيرة وانا عندي كم مشروع اريد اسويه وان شاءالله ما انساج حتى والدتي عدها جمعية خيرية بس مو هنا خارج العراق احنه اصلا ماجنه هنا جنه خارج العراق بس صار 3 سنوات من اجينه واستقرينه هنا.

ام حمزة الله يكثر خيرج بس شلون راح تساعدينه

نور. انا حاليا ماكدر اساعدج بكلشي بس اكدر اساعدج بمعاملت راتبج عندي اخوي عقيد اخليه يمشي بمعاملتج وانطيج مبلغ مالي هو قليل بس ان شاءالله تكدرين تلبين حاجت البيت والجهال بس بشرط

ام حمزة شكرا. شنو الشرط

نور. ماتخلين واحد من الولد يطلع يشتغل ولا انتي لان مرد كلبي مرد اليوم حمزة وانا اشوفه بين السيارات

ام حمزة بس خالة انا ماكدر اخذهم هيج لازم اشتغل

نور. تمام خالة انا راح انطيج مبلغ هسة وعندي سفرة علاج الي بس هذا سر محد يعرف بيه بس اخوي الجبير وجدي خليها بينه وادعيلي ارجع بخير وسلامة ومن ارجع نتفاهم ع الشغل لان ماكدر هسة عندي بس باجر

ام حمزة. الله يشافيج ويعافيج وخليج الاهلج ويرجعج سالمة والله يا خالة اكيف ولدي ما يرجعون يطلعون

نور. وعد خالة اذا رجعت اله احسن تعليم اخليهم يتعلمون واحلى عيشة تعيشوها خالة حظري كافة المستمسكات باجر العصر ان ساءالله نجيج انا واخواني

ام حمزة ان شاءالله

نور. خالة انطيني رقم تلفونج اطمن عليكم

ام حمزة. والله يا خالة ماعندي

نور. جا خالة ما تتواصلين وي اقاربج اهلج

ام حمزة. خالة انا وحيدة اهلي والمرحوم هم وحيد اهله انا وصغيرة ماتو اهلي رباني عمي وجان معيشني عيشة كله مذلة الا ان شافتني عمتي ام زوجي وخطبتني المرحوم وازوجنه ومن مات اهله وراها بسنه ماتو وماعندي احد

نور. اعتذر الله يرحمهم خالة انتظريني رايحة للسيارة واجي طلعت

مومل. نور اتاخرنه واتصل مقتدى كتله كاعدين ناكل بمطعم ساعة ونجي ونور بالحمام

نور. زين تسوي بس انتظرني عندي بالسيارة تلفون نوعيته قديمة بس مو كلش احبه وبيه خط جديد وطلعت 500 الف عندي وعندي علاكة حلويات بالسيارة ورحت الام حمزة.  اتفضلي خالة هاي الفلوس ان شاءالله تكفي وخالة هذا تلفون خليه يمج اتصل عليكم اطمن ع الجهال وهاي علاكة حلويات للجهال

ام حمزة الله يكثر خيرج ويعلي شانج ويحفظج ويردج سالمة

نور تسلمين خالة طلعت حمزاوي انت زلمة البيت ماما راح تحاجيك لا تراددها اسمعها للاخر ودربالك ع البيت واخوانك وانا ان شاءالله باجر اجيك

حمزة. ان شاءالله بس شنو تحبين اصيحلج

نور. كلي خيتاي خيتو نور اليعجبك

حمزة تمام خيتو بوستهم وصعدت

وطلعت

مومل. هاا شفتهمتي منها

نور. مومل حالتهم تكطع الكلب ناس مكطوعين ومن عمر حمزة 5 سنوات متوفي زوجها تدري المرة مشتغلة بالخياطة وبالخبز حتى بسس تعيشهم من صاير عمر حمزة 11 مبطل ومامخليها تشتغل عايشين ع البساطة والحب وقررت اساعدهم

مومل. شلون وثقتي بيهم

نور. انا مو غبية نوصل وتشوف صورتهم مثل ما كتلك مو

مومل اي

نور. تمام خلي كلشي بينه سر

مومل. تمام

نور. صح هاي بمناسبة سلامتك الورد الك

مومل. اوف وين اكو ورد يهدي ورد

نور. انت الورد
وصلنه للبيت

ابو مقتدى. وين صرتو بابا خفنه عليكم

نور. باباتي حبيبي لا تخاف بس طلعنه تريكنه لان عدنا علاج ومومل امس نزف هواي دم بسببي قررت اتحمدله السلامة بطريقتي

مقتدى. وهذا الورد شنو

مومل. 😉 نور اشترته الي تتحمدلي السلامة وشربنن هوت جوكلت ورحنه المكان يجنن

نور. مومل شكلنه

مومل. خلص سكتنه

الكل ههههه

ام مومل. يمة شلون صارت ايدك

مومل. الحمدلله يالغالية

نور. يلا مومل امشي نبدل وننزل يم جدو

مومل تمام صعدنه بدلنه ونزلنه صار الاذان صلينه وتغدين وشربنن جاي

نور. برسالة. مقتدى عادي تصيحنة كدام جدو واطلعنه برا كول اريدكم بشغلة مهمة

مقتدى. تم. احم. مومل نور من رخصت الكاعدين امشو اريدكم بشغلة برا

الجد. خير بابا شتريد منهم

مقتدى. جدو اكو اوراق ضامهن عند نور اريدهن اطيهن المومل يجي عليهن موتمن العصر لان العصر انا طالع بشغلة

الجد براحتك

طلعنة برا بالحديقة

مقتدى. اي نور شنو تردين

نور. شوف حجيتله قصة ام حمزة واريدك تكلف شخص يراقبهم الباجر العصر لان وعدتها بمساعدتهم

مقتدى. تم صار يمي

نور. بس هذا سر

الشباب ابد منحجي

صباحا خلصنه ريوك الشباب طالعين ساعة 11 عمة ام مومل كاعد تثرم زلاطة وسيلين تلاعب جوود نمت ع رجل ماما بالصالة

ام مقتدى. يا شجاج ماما اذا منعسة كومي بغرفتج

نور. ابد اريد ع رجلج حتى لو غفيت لا تكعديني اريد اشبع منج

ام مقتدى. هههه بعدج ع سوالفج

ام مهند. ليش شبيها

ام مقتدى من هية طفلة ماتفارقني واذا غبت عنه يوم الكاها تبجي

ام مومل. هم هذول يشيبون وهم اطفال بعينه

ام مقتدى. صحيح كلامج شوفن هلنامت صارت 12 دخل مهيمن

مهيمن. السلام عليكم

الكل وعليكم السلام نصي صوتك

ام مقتدى. جان شالها يمها خليته ع راسها وعدلت غطاها

مهيمن. شببها نور.

ام مقتدى. مابيها شي يمة هاي سوالفها من تسافر شعجب جاي ع وقت

مهيمن. الحمدلله والله عمة راسي يوجعني ورجعت ماعندي شي والولد شوية ويجون

ام مهند. روح غسل وبدل وتعال

مهيمن. صعدت سبحت وبدلت نشفت شعري ونزلت نبع الحنان عادي انام ع رجلج وتفرجين راسي

ام مهند. تعال بعد امك
مهيمن نمت ضلت تفرج الا ان رخت اعصابي ونمت

ام مقتدى. يلا شوفي هذا الثاني هم نام

الكل ههه
ام مقتدى. نور نور كعدي اريد اروح اصلي

نور. والله ماكوم بالعباس ماكوم بعد

ههههههه

بعد مرور ساعة دخلو مقتدى ومومل ومهند. سلام عليكم

وعليكم السلام

مقتدى. ماما شبيهم ليش نايمين هنا

ام مقتدى ماكو شي ماما لا تخافون نور سوالفها من تبعد عني ومهيمن اجه راسه يوجعه عمتك فرجت راسه ونام

مهند. الحمدلله جا ابوي وجدي وعمامي ما اجو

ام مهند. كالو نص ساعة ونوصل روحو بدلو ع مانصب غدا بس تعالو اخذوهم منه

مقتدى. نوري نوارة كومي

نور. هلا حبيبي اجيت بنعس

مقتدى. كومي وياي للغرفة صلي علمود ننزل نتغدة لان مومل جوعان

نور. يخسي الجوع عدلت حجابي خليت الغطة ع راسي وصعدت

مهند. مهيمن مهيمن كوم اصعد صلي وانزل نتغدة.

مهيمن. اي كايم صعدت

مقتدى. شوفوهم شلون يمشون جنهم سكارة

هههههههه

نزلنه تغدينه واجو جدو عمامي ورا ساعة نور غطوتها بيدها

نور. بابا عادي انام ع رجلك

ابو مقندى. اي بابا حبيبتي

نور. نمت. مقتدى مو تنسة شغلتنه العصر ما تكعدني عليها

مقتدى. لا ان شاءالله

مهيمن. يابة اليوم اجيت الامي اكلها يمة راسي يوجعني تكلي ولي ابوك ما يقبل تنام ع رجلي

ابو مهند. طايح الحظ مو منا البنات

مهند. بابا تقبل انام ع رجلك انا واغور بمهيمن

ابو مهند. حياك الله وليدي

مهيمن وانا

ابو مهند. ابو راس ولي تريد تكسر رجيلاتي

ام مهند حل حتى تحمد الله ع نعمتي

مهيمن. ماما الغالية

ام مهند. تعال حبي. تعال

مومل. شنو هاي اريد رجل

الكل. هاااا

مومل. قصدي رجل احد انام عليها

هههههه

ام مومل تعال ماما نام لان ابوك بحضنه جود

خلصناها ضحك. بس نور النايمة

مقتدى. نور نور كعدي صار عصر

نور.  اي تعال وراي

ابو مقتدى. خير شصاير

نور. بابا موصيته ع شغلة للسفر
طلعنه صعدنه فوك هااا مقتدى بشر

مقتدى.      

،،،،،،،،،،،

انتظرونا 🦋