رواية احفاد ال رحيم الفصل العشرون 20 - بقلم سـيـريـوس | Sirius ✨

,
,,

,

,
,
,
,فليتك تحلو والحياة مريرة
وليتك ترضى والأنام غضاب
وليت الذي بيني وبينك عامر
وبيني وبين العالمين خراب
،
،
،
،
_______^_^________

مقتدى. ماما شسوين هنا وشبيهم خو ماكو شي
ام مقتدى. ماكو شي ماماتي بس حبو يعيدون الطفولة

مقتدى. اها رحت عدلت نومتهم وخرتهم من رجلين امي وغطيتهم

ام مقتدى. هم بيهم شي مزعلينهم انتم

مقتدى. طفيت الضوة وشغلت سورة البقرة لان نور متعلمة هيج وسديت الباب لا ماما بس شاقينه مومل وضاج بعدين اعتذرنه منه وطلعنه من يمهم بس اعتقد مومل ضايج من شي لان كلمرة من نشاقيه عادي هلمرة بس ضاج

ام مقتدى. خاف بسبب الفترة الراحت وهو عنده تدريب لذلك عليه ضغط

مقتدى. ممكن

ام مقتدى. انا انزل انام محتاج شي ماما

مقتدى. لا سلامتج يوم تصبحين على خير

ام مقتدى وانت من اهله

مقتدى. نزلت ماما طلع مهيمن

مهيمن. مقتدى ما شفت مومل وين ماكو بالغرفة واتصل ميرد

مقتدى. نايم بغرفة نور وسويت موبايلاتهم ميوت

مهيمن. ليش بيهم شي

مقتدى. لا مابيهم شي بس جانت ماما يمهم وسوالف وغافين خليتهم نايمين

مهيمن. اهاا تمام جا تصبح على خير

مقتدى. وانت بخير.

نور.
كعدت الصبح لكيت مومل كاعد قبلي ورايح  نزلت تريكنه كلمن راح الشغلة وصار العصر بدلت لبست بنطرون وقميص وفوكهم بشت بدلو الولد ونزلنه

الجد. ها بابا رايحين

نور. اي جدو

الجد. الله يوفقكم ويثبتكم ويحفظكم الله وياكم بس لا تتاخرون

الكل. امين

رحنه بسنه راسه وراس بابا وماما وعمامي وطلعنه وصلنه نزلنه الاغراض شفنه الاطفال وكعدت مديرة الدار تشرح قصة كل واحد وانطيناهم الشغلات الجايبيهن وتبرعنه بمبلغ مالي وطلعنه طلعت كلش مخنوكة حتى قلبي صار عندي بيه نغزات صعدت بالسيارة كدام ومومل ورا ومقتدى يسوق

مقتدى. شبيج نور اكو شي ياذيج

نور. لا بس اتاثرت بحياة الاطفال

مقتدى. فديت كلبج الحنون تردين للبيت لو نروح المكان

نور. اروح للشط

مقتدى. تمام

مومل. شفت نور وكلبي يحسسني بيها شي بس جاي تضم علينه واتاكدت من طلبت الشط
رحنه وصلنه صف السيارة مقتدى نزلنه وهية تمشي بوسطنه ومشيتها بطيئة عكس العادة

مومل. نور ليش تمشين بطيئ عكس عادتج

نور. بضحكة مصطنعة اريد استمتع بالجو

وصلنه مصطبات كعدنه اخذت نفس عميق

مقتدى. فرغي البكلبج نوري ادري بيج بجية

بس كلها هيج مقتدى ضمت راسها بصدرة وضلت تبجي

مومل. نوارتي ليش تبجين حبيبي

نور. رفعت راسي بس بعدني ابجي. شلون عدهم كلب يذبون اطفالهم ادري اذا مو كد المسولية ليش تسون طفل والله حالة مادية مو زينه والله اريد ولد ما اريد بنية. دو هذا المتوفين اهله وذابيهم جدادهم لو عمامهم لو خوالهم ليش مو ذول امانه عدكم هم شنو ذنبهم اذا اذا الله كاتبلهم هيج انو يصيرون يتامة من الصغر ليش وبجيت اقوى

مومل. كافي يروحي وشبكتني وضلت تبجي
كافي يعمري كما تدين تدان والدنيا دوارة راح يمر عليهم يوم يبجون دم على الساعة السوو بيها هيج راح يجيهم يوم يحتاجون احد بحياتهم وميلكون اليردوه
رفعت راسها مسحت وجها واشرت المقتدى راح يجيب ماي لزمت اطراف ايدها بيها برودة

مومل. نور اكو شي يوجعج

نور. لا بس دوخة قليلة ليش

مومل. لا ماكو شي بس لان وجهج احمر صار

اجه مقتدى شاف وجهي متغير سالني شبيها

مقتدى. شكو صاير شي

مومل. لا ماكو شي وغمزتله بس خلي تشرب ماي وتغسل حتئ نرجع

هزلي راسه غسلت وشربت ماي شوي هدات رحنه للسيارة بس مشيتها مو طبيعية ولازمتني حيل من ايدي فتحت باب الكدام كعدتها بس حسيت جسمها رخة راح مقتدى يصعد يسوق

مومل. نوري شبيج باوعي علي

نور. بثكل راسي وو و بدت تتنفس بصعوبة واشرت على كلبي

مومل غسلت وجها وشربتها ماي

مقتدى. ضليت اضرب ع وجها نور نور كعدي
بسرعة مومل اصعد ناخذها للمستشفى مدام موتمن هناك بسرعة

مومل. صعدت ولزمت ايدها بديت افرجها الها واضرب ع وجها بس اريدها تكعد ماكو مقتدى مشة بكل سرعته وصلنه نزلت بسرعة شلتها ومقتدى يركض وراي خلينه السيارة مفتوحة واشرنه للحارس اخذها تلكانه موتمن وياه سدية بسرعة ركضو بيها ودخلنه وياها بصفتنه احنه هم دكاترة

موتمن. شكو شصار وياها مقتدى ليش هيج حالته
يحجي ويفتح بالاجهزة

مومل. اشوف مقتدى ميكدر بعد يحجي. احم جنه بشغلة ونقهرت على هاي الشغلة ومن طلعنه كالت بس عندي دوخة خفيفة بعدين بجت ومن لزمت اطراف اديها جانن باردات سالتها كالت دايخة وعندي نغزة بكلبي رحنه للسيارة حتى نرجع جان تتخربط بالسيارة واشرت ع كلبها ونفسها تخربط

موتمن. بس هدو خلي اشوف شغلي
فحصتها دكات كلبها كلش عالية وعدها هبوط علكنه مغذي الها وخليناها ساعة وتطلع بس تصحة

موتمن. لتخافون هاي عدها هبوط ولان انقهرت زاد دقات الكلب وهية عدها خفقان فعادي خليكم اقوياء اذا طيحة بسيطة هيج صار بيكم اذا صار بيها شي لا سامح الله شلون

مقتدى. تنفست بعمق الحمدلله خفت من غير شي لان حتى ما اتجرات الزمها خفت لاسامح الله لان صارت حمرة بشكل ع زراك

موتمن. اي مو كلبها زادن دكاته فالدم يضل يضخ بطيء وياثر على فعاليات جسمها وهية اليوم مو عدها ابرة فيتامين

مقتدى. اي بس بعدها مماخذتها

موتمن تمام راح اضربها هسة حتى تجذبون صدك ع اهلكم وجان يدك موبايل مقتدى

مقتدى. بذكرهم الوالد يتصل فتحت الخط هلا يابة

ابو مقتدى. هلا بابا وينكم اتاخرتو

مقتدى. اي بابا احنة بالمستشفى اليوم موعد ابرة نور

ابو مقتدى. ليش مو بالببت اكو شي كول لان امك كلبها اول ما طلعتو ينغزها

مقتدى. لا بابا بس اتصل علي المدير كم ملف مال مراجعين لازم اوقعهن يردون يطلعون فدخلت نور خليتلها العلاج على ما اخلص اذا تريد انطيك موتمن تحجي وياه هذا هل يمي

ابو مقتدى. لا بابا اخذ راحتك بس كلب اهل من تزوجون تعرفون وتحسون شوكت ترجعون

مقتدى. ساعة ساعة ونص ونرجع محتاجين شي من برا

الاب. لا سلامتكم الله وياك بابا

سديت التلفون من ابوي

مقتدى. هاك شوف مو كتلك

موتمن. ماراح يعرفون شي لتخاف بقة اسبوعين ان شاءالله ونعيد التشخيص

مقتدى. الله كريم كلها تتعدل بس مومل شيعدل وجها راح يضل يومين هيج وتعب وجه نور

مومل. لتخاف عندي الحل من يسالونه نكلهم تعاركنه انا ونور لان مقبلت تكمل العلاج وضجنه وهم يفتهمون

موتمن. انت بكلشي مقنع وتلكه حل نعمة جبيرة يوم عن يوم تثبت مكانك وتخليني اتمسك بيك

مومل. شهادة اعتز بيها

مقتدى. ههه واحد اضرب من الثاني انتم ما تعالجون المرضة بدل ما يطلع بدوة اطلعوه يضحك عليكم حتى علاجه ينساه

موتمن. ههههه يا هذا شبيه ميضحك

مقتدى. مو كتلك بعد وجه هيج يومين يلا يفك

ساعة وكعدت نور

مومل. ها نوارتي اكو شي يوجعج احجي شلونج

نور.  هه الحمدلله لتخافون ماكو شي بس دوخة خفيفة شوكت نطلع

مقتدى. ربع ساعة بعد

نور. شصار وياي

مقتدى. مو تدرين بحالتج بعد مطايبة تمام فصار عندج هبوط لان مماكلة عدل فزادت دكات كلبج

نور. اممم والله اكلت بعدين هاي الكانونه شلون من نرجع وبابا اكيد خابر لان اتاخرنه

مقتدى. اي خابر وكتله عندي شغل بالمستشفى ودخلت نور خلينه الها علاج الفيتامين ومن صدك ترا ضربتج الابرة فالايوم بالبيت متاخذين

نور. ها تمام

مقتدى. بالنسبة اذا سالوج شبيه وجهج ليش مالج خلك ومومل هيج كولو تعاركنه انا ومومل لان مقبلت اكمل علاج وضجنه من بعض وعادي كولي عندي دوخة لان الابر تسوي هم

نور. تمام بس صدك مومل شبيه

مقتدى. متعرفيه من واحد من اعزازه يتمرض لو يصير شي يلبس هذا وجه يومين

نور. فديت الحنون حبيب اخته لتخاف مابيه شي

مومل. حبيبتي عسى كلشي يصير بيج يصير بيه ولا اشوفج هيج

نور. اسم الله عليك عمري
موتمن. الحمدلله ع سلامتج عيني

نور. الله يسلمك انت كلما اتمرض لازم من اكعد الكاك فوك راسي

موتمن. هو تحسين انا الملاك الانقذج كلمرة مو صح

نور. ايع ميته ولا انت تنقذني

مقتدى. اسكت عنها هو ملاك هو لك انت من دخلت طب لزمت كلبي بيدي ساعة السودة الصرت بيها دكتور هو انت عايش من وراها كلما تتمرض انا باجازة وانت بدوام واجيك خرب من حض

موتمن. هيج صارت مو يلا كومو طلعو برا

مقتدى. اي مو كاعدين بيتك تروح لا ازلغ وايرك يم المدير

موتمن. لا لا رايح يابة عندج العافية بس كفيني شر اخوج

الكل. هههه

نور. يلا مقتدى خلي نروح

مقتدى. يعيونه اي يلا

مومل. دايخة لو تكدرين تمشين

نور. اكدر امشي عمري
كمنه وكل واحد لازمني من ايد صعدنه سيارة ومشة مقتدى

نور. مقتدى عادي تنزل للسنتر

مقتدى. تدللين
صفيت يم السنتر
مقتدى. تنزلين لو انا اجيب

نور. لا انزل انت جيب روب منشف بالليمون ولبن اليصير القبق اصفر مالته

مقتدى. تدللين نزلت جبت من كل انواع الالبان والروب المنشف واجيت خليتهم يمهم وصعدت
رجعت نور راسها ليورة وتباوع للشارع

مقتدى. شبيج مهمومة نور

نور. لا ممهمومة بس دافكر بوضعي ليش هيج مجاي يتعالج الفيتامين

مقتدى. لتفكرين حبيبي عندي مريضة صار 6 سنوات نعالج بيه وممنتظم تجي كل شهرين مرة نلكاه 20 ومرة 7 مندري شنو تخيلي بكد علاجج مرتين تاخذ كل شهر

نور. اوف الله يساعدها وانا مقهورة ع نفسي

مقتدى. اي متشوفين احنه كلشي عادي عدنا لان كلشي شايفين

نور. الله يساعدكم

وصلنه للبيت دخل السيارة للكراج ونزلنه ومومل ومقتدى لازمين ادي كل واحد من جهة دخلنه سلام عليكم

الكل. وعليكم السلام

الجد. ليش تاخرتو بابا وشبيها اختكم ليش كانونه ولازميها

ام مقتدى. يمة بنتي شبيها مو كتلك يرجال بيها شي بنتي كلبي يعلم كلب والده

مهند. احجو شبيكم شبيها نور

مقتدى ........

_______^_^__________

انتظرونا بالبارت القادم