رواية احفاد ال رحيم الفصل الحادي والعشرون 21 - بقلم سـيـريـوس | Sirius ✨

,
,
,
,
,
,
تهمُوني بـ محَبتك والله لو يدرِون
عَلى ضِيم العلِيه يظل يُواسونِي
مَا يدرون عَايفني بـ مهبّ الريح
وانا وياك عَفت المايعُوفوني
اليحبُوني شكثرّ والجيِتي يتانُون
وأخجّل من كِثر ما گام يتنُوني
وانتَ الما تحَبني شلون بالله وياك؟

,
,
,
___^_^______^_^_____

مقتدى.  ادري انطونه مجال نحجي

الكل. احجو

مقتدى. من خلصنه شغلتنه اجاني اتصال من المدير يريد كم ورقة عندي ومستعجل عليهن كلتلهم ارجعكم للبيت لو وياي كالو وياك ومومل كال نور بعدها مماخذه ابرتها بالمغذي خلي نخليها ع متخلص شغل ونرجع سوه وهاي كل الشغلة

ام مقتدى. جذب كلبي يكول غير هيج وتصديق الكلامي وجهم شوف شلون ونور انتو لازميها معناها بيها شي

نور. والله ماكو شي ماماتي لازميني لان الابرة ادوخ وانا اصلا تعرفين عندي هبوط من زمان فزادت الدوخة ووجوهنة لان تعاركت انا ومومل

الجد. تعالي حبيبت جدج تعاي عوفيها يمرة خليها تكعد استلمتيهم من الباب

كعدني جدو يمه بينه صرت وبين مقتدى ومومل بصف مقتدى.

الجد. اسم الله عليج حبيبت جدج بعدوينج ان شاءالله بعدج دايخة هواي وليش تعاركتو انتي واخوج

نور. الحمدلله جدو هيج خفيفة. تعاركنه لان من وصل العلاج للنص ماردت اكمله لان دخت وعاندتهم رفع صوته علي وانا جرحته بالكلام واصلا انا جنت ضايجة منه لان ذكر مقتدى بالابرة لان ادوخ من اخذها

الجد. الحمدلله بس ميصير بابا لازم تكملين علاجج هم غير يخافون عليج وعلمود اطيبين هيج يسوون بعدين ليش تجرحيه بااكلام وهو ع كولتج توامج وتوام روحج

نور. اسفة جدو بعد ما اعيدها 😔

الجد. لا بابا اتاسفي من اخوج لان هو يحبج وانتي تعرفين شكد

نور. ردت اكوم مخلوني. اسفة مومل اعتذر منك انا تجاوزت هواي وانتم حقكم بعد ما اعيدها😔😔

مومل. لا عادي حبيبتي مصار شي اصلا انا مزعلان منج

الجد. يلا بابا كلولهم يصبون الاكل يلا بابا هيام كومي

هيام. صار جدو

الجد. اليوم مسوين دجاج بالفرن وي خضروات وكباب بالفرن والنور بيتزا لان ادري متحبين الكباب

نور. شكرا جدو

صبو الاكل. وكمنة للميز
مقتدى. نور تردين اللبن هسة لو بعدين

نور. اي هسة واريد ثلج

مقتدى. تدللين

مقتدى. خالة ام سامي بلا زحمة عليج اكو علاليك بالصالة اثنين لون ابيض ووحدة ازرق ممكن تجيبين الزركة وكلاس ترسيه ثلج

ام سامي. من عيوني

مقتدى. تسلم عيونج خالة

راحت جابت العلاكة طلع بطل لبن جبير الي خلاه مقابيلي ووزع الباقي البان وعصاير للكل جايب وجابت ام سامي ثلج فتح بطلي خلالي بالكلاص وقدملياه

مومل. تكدرين تاكلين لو اوكلج تردين ملح

نور. لا حبيبي تسلم اكدر اكل لا ماريد
اكلت وخلصت اترخصت اروح للغرفة
مومل. شوي اجيج اشيل الكانونه  ولا تشربين علاج هسة من اجيج شربي لان ميصير ورا اللبن

نور. تمام.
صعدت بدلت ملابسي وحضرت علاجي ولزكت جرح صعدو مقتدى ومومل شلونج نور

نور الحمدلله

مقتدى. وهاي علاليكج اخليهم بالثلاجة

نور. انا اخليهم عوفهن هنا

مقتدى. لا انا اخلي

مومل. انطيني ايدج اشيلها. شلتها وخليت لزكة جرح وشربت علاجها

نور. امولي ليش هيج وجهك ومضحكت من جنه بالمستشفى الهسة الى متى تضل هيج

مومل. بعد هاذ طبع من انا صغير حاولت هواي اغيرة ماكو نتيجة

مقتدى. اي نور بعد اسبوعين نعيد الفحوصات انتي ومهيمن اكلي زين حتى تكون النتائج زينه وتخلصين من شلعان الكلب الادوية

نور. ان شاءالله اكول مقتدى

مقتدى. كولي يروحة

نور. شوكت تزوج

مقتدى. نور انتي نعسانه

نور. اي بس ماريد انا وحدي اريدكم يمي عادي

مقتدى ومومل. اي مو تدللين
نمت بنصهم درت ع مقتدى. اي مقتدى جاوب شوكت

مقتدى. من تخلصين دراسة فهمتيني ان شاءالله شاقصد

نور. اي فهمت بس هواي كلش

مقتدى. لا مو هواي لان انا مشغول طول فترة دراستج والمرة الاتزوجها لازم اكون كد مسوليتها والها حقوق لازم اكون كد المسوولية

نور. تمام مقتدى اقرا قران مثل من جنت قبل اتمرض وتجي تقراعلى راسي

مقتدى. صار بديت اقرا ونامو اثنينهم غطيتهم ونمت يمهم

،،،،،،

مهيمن. مرحبا خلي احجيلكم عن نفسي شوية انا مهيمن ادرس طب باطني اصير ابن عم نور ومقتدى وهيام ومومل انا ابن محمد انا اكبر من نور وسيلين اختي من واحنه اصغار احب نور وجنه نلعب سوة واجت فترة كمت اضوج من مومل لان قريب عليها بعدين بيت عمي سافرو ومومل اتمرض وخلصها بجي وانا ضليت دوم وياه الا ان قنعه عمو كل فترة ياخذه وضليت اتمنة شوفتها وكلما اكبر حبها يكبر بقلبي الا ان رجعو وشفتها حبيتها اكثر وكمت اغار عليها حتى من اخوها بس ماكدر اظهر هلشي لان انا ابن عمها مو من حقي عسنة سوة وحبها يوم عن يوم يكبر بكلبي الا ان اجه يوم عدنا بيه مناسبة وجانت هية ويانه بالسيارة وعطلت السيارة بطريق ما بيه شبكة ولا ناس قليلة اظطرينا. نتاخر ع البيت ومن رجعنه نمنه بوكتها كعدت انا مريض وسمعت اصوات من جوة غسلت وبدلت واول مفتحت الباب صارت بوجهي نور حالتها وتبجي ومشيتها مو منتظمة وصلت الغرفتها وواغمة عليها من طاحت احس روحي طاحت وياها رحت يمة وضليت اكعد بيها واصيح الان صهدو وشافوها دخلوها غرفتها وجانت مصخنه وهم مريضة فضلت هيام تذب حجي وهذا كله انا ما اعرف القصة شنو انا هم تعبت واخذوني الغرفتي ونور اتازمت حالتها ونقلوها مستشفى. بعد فترة عرفت انو تاهمينه نحب بعض بعدين من رجعنه انقلنه الغرفة نور لان مقتدى ميكدر يصيطر ع الوضع فبيوم جنت ماخذ علاج وشفتها كلها نايمة ضليت احجي عن مشاعري اتجاه نور ونمت ما ادري اذا اكو احد سمعني الا ان تحسنه وبعد مرور كم يوم جنه طالعين والشباب صار عدهم شغل ومهند اخذ عائلته فظطرت نور ترجع وياي وكيفت لان راح نكون وحدنه الا ان شفنه سيارة ورانه وصار الصار واتاذينه حيل بالاخص نور لان جانو مستهدفينها حسبالهم هيام او سيلين  ونقلونه مستشفى وضلينه ايام فاقدين فمن كعدنه صار عنديوجع بكلياتي فهنا اتضح انا امر بحالة نادري وعندي 2 كليات بجهة وحدة ورا يومين نور هم صار وجع وهذا الوجع سبب نزيف ولازم يلكون متبرع باسرع وقت وكان الاكثر انسجتهم ممطابقة فاقترحت ع دكتور مهتدى انا اتبرع وكال بس يسال عن الوضع واتضحله انو انا لازم اصلا يستاصلون احد الكليات وخبرت الاهل انا اتبرع وماقتنعو الاان اجاهم خبر خطر ع حياتي ففرحت هواي لان راح انطي النور جزء مني وتمت العملية ع خير وطلعنه وبيومها هيام اتهمت نور ومومل انا هم انصدمت منهم وضنيت بيهم سوء تركت كلشي ورحت الغرفتي صار عندي نحول ومادري شنو نمت بعدين فهمت القصة وصخنت لان من اضوج او انقهر اصخن والاعتنه بيه هو مومل وسهر علي الا ان طبت وبيوم الفحوصات جان يوم تكريمه فتفاجاة هو ضايج ومو ع بعضة وايقنت حالة نور بيها شي لان مومل ع كد ما كله سوة حفظته واعرف كل تصرف شنو يعني ضليت الح عليه بالسوال يكول ماكو شي اقترحت نور نروح للزيارة ورحنه وهناك تفاجانه بالزي الابسينه وقرارهم وفرحت كلش الهن وبالاخص نور وبالحجاب صارت بعد احلى وعيون الناس عليها لو بيدي اشلع عيونهم لان وصلت مرحلة ما اريد احد يشوفها غير وخايف عليها خاف اصارحها بمشاعري وخاف حتى احنه تعوفنه وتسافر لان نور انا وياها من الصغر واحد يحارش الثاني جدي يسمينه الفارة والبزون ع كد منتعارك وهاي كل قصتي

_________

انتظرونا بالبارت القادم