رواية احفاد ال رحيم الفصل الرابع 4 - بقلم سـيـريـوس | Sirius ✨

مَكتوب دوم إلها الحِزن
هيَ دموع بلا وَعي
تنزِل تنام بخَدها !
شنسوي قسمتها بعد
چا همه گالوها قبل
كِل حِلوه حَظ ما عِندها

---------------------------------------

نور: عفته وراي يحجي لان دخت كلش وضليت ما اركز وتوجهت الغرفتي بعدني توني اريد افتح الباب واغمى علي بعد محسيت بشي

مهيمن: شفت نور تبجي والوجه احمر صاير مادري من البجي لو حرارة تركتني وانا احاجيها وراحت الغرفتها بس بخطوات متثاقلة وتنفسها بالكوة تتنفس الى ان وصلت الغرفتها بس فتحت الباب اغمى عليها انا يم الدرج واسمع هوسة جوة ضليت اصيح عليهم ميسمعوني لان صوتي رايح من المرض رحتلها وانا بعدني اصيح الا ان صعد مقتدى ومومل اعتقد جانو جايين الها شافوني وركضو الها بسرعة وشالها مقتدى دخلها للغرفة ووياه مومل قاس حرارتها مقتدى وتنفسها راسا صاح

مقتدى: مومل روح بسرعة الغرفتي جيب جنطتي وجهاز الاوكسجين

ركض مومل بلا ميحجي وعلامات القلق عليهم جاب الجنطة واجه قاسو حرارتها ونبضها وجانت حرارتها كلش كلش صاعدة وتنفسها صعب ركب مقتدى جهاز الاوكسجين وضربها ابرة بالكانونه موسع قصبات  وكتب بورقة كم علاج وانطاه المومل يجيبه اثناء منزل مومل ركض صعدو الاهل كلهم الغرفت نور وامها وامي وعمتي بس يبجن ومقتدى هداهن وطلب منهن يسكتن حتى يعرف يكمل علاجها واجالي مهند يسالني شبيه وليش واكف برا كتله غرفة بنات مااكدر ادخل اخذني الغرفتي وطلب من المساعدة تجيبلي اكل وراح يم مقتدى

سيلين : بعد مصارت المشكلة جوة جدو لعب لعب بهيام ورزلها رزاله معدلة واثناء هو ميرزلها نزل مومل ركض نحاجيه ميرد علينه راسا صعدنا كلنا وجان نلكه نور منومها مقتدى عل الجرباية ووجه احمر كلش ومشكللها جهاز الاوكسجين وامها بس تبجي حسبالها بيها شي حاجاها مقتدى يطمنها

مقتدى: امي حبيبتي بس هدي مو زين لا عليج ولا عليها البجي بيش مفاولتها هسة تصحة وتكوم تلعب علينه لعب بمقالبها وسوالفها افا متثقين بيه مو هاي جاي اعالجها واندارلي بلا زحمة عليج سيلين ولو راح اتعبج بس ممكن تجيبين مي بارد بطاسة وشوي خل خلي عليه ومنشفة صغيرة اسويلها كمادات على ما يجي مومل ويجيب الدوة

سيلين: اي ان شاءالله ونزلت جبت واجيت بسرعة وكعد مقتدى يسويلها كمادات ويقيس نبضها وتنفسها وحرارتها وانطاها خافض حرارة جابه مومل وعلكلها سيروم مغذي وضرب بيه ابرة ماعرف المن وضلينه كاعدين يمها منتضرين تكعد لو يتحسن وضعها

مهيمن :بعد موداني مهند للغرفة اجت المساعدة احنه نسميها خالة لان من احنه صغار هية عدنا شربت بس شوي حليب ما اشتهي ومرت ساعة ومحد اجالي اساله على نور ضل بالي يمها لان وجها حان ميطمن كمت اروح اشوف شكو حسين بدوخة كلش قوية ضليت واكف وامشي على كيف الا ان وصلت الباب غرفتها واشوف شنو بس بلا ما اطلع صوت التفت مومل اجالي وحسيته قلق وضايج حيل
مومل ـ شبيك مهيمن ليش حالتك هيج.
مهيمن ـ افلانزة واجيت اطمان على بنت عمي
مومل ـ امشي اوديك الغرفتك واشوف مقتدى واجيبلك علاج
مهيمن ـ اريد امشي ودخت دوخة قوية ردت اطيح وصاح مومل على مقتدى ساعدوني ودوني الغرفتي واجت امي
الام سهىـ يا يمة شجاكم شنو عين وما صلت على النبي انحسدتو امس شحلاتكم شحاكم اليوم
مقتدى ـ هدي عمة وضلي يمة هسة ادزله علاق وي مومل وسويله كمادات لان هذا اعتقد فايروس لان صاير كل شخص بجزء من جسمه فهو صايرة بعضامه وحرارة اما نور لان مناعتها كلش قليله فصار بكل جسمها تعال مومل اخذله علاج
راحو مقتدى ومومل وانطاه علاج وضلت امي يمي تسويلي كمادات وسادتها عن الصار حوة وليش هوسة كالت بعدين هسة بس اتحسنو والله كريم لانجدو جان امرهم يسكتون هسة
مقتدى ـ اختي وبنتي كدامي حالتها مطمن بس كتلهم زينه حتى لا يتخربط علي احد واحير بيهم لو بيها حرارتها مجاي تنزل وتنفسها مومنتظم ورا ساعتين نفس الشي
مقتدى ـ ماما كومي جيبي ملابس لبسوها راح اخذها للمستشفى نسويلها فحوصات وتحاليل لان حرارتها متنزل
الام علا ـ يم بداعتي بداعت نورك بيها شي احجي والله كلبي مامرتاح
مقتدى ـ لا امي حبيبتي مابيها شي بس فحوصات لان مناعتها موتتني اقل برودة وتمرض واريد اشوف حل كل يوم يومين وخوفتنا عليها
الام ـ ان شاءالله يمة اطلع خل ابدللها وربي يرجعها سالمة الي بجاه كل من عنده جاه

طلعو الكل بدلن ملابسها واخذها مقتدى ومومل للمستشفى وبالطريق خابر مقتدى صديقة موتمن يجهزلة غرفة لاخته ووصلو واجو دكاترة وسوو فحوصات وتحاليل  مقتدى ـ هاا موتمن طمني مطلعن التحاليل انا ما اكدر اعوفها واروح
موتمن ـ هدي ابو الشباب ان شاء الله ما بيها شي هسة رايح اشوفهم واذا مخلصات اجيبهم بس هدي شوي ضلعي شبيك.
مقتدى ـ لك هاي روحي واختي وبنتي وصديقتي لك هاي الهوى الاتنفسه روحي بيها معلكة من تتمرض احس كلبي بيه شي

موتمن ـ سلامت كلبك ضلعي لتخاف ان شاء الله ماكو شي رايح انا
دقائق واجه موتمن
مقتدى هاا بشرر
موتمن ـ لا اطمان ماكو شي بس فايروس حراري ولان بنية جسمها ضعيفة ومناعتها قليلة لمزمتها حرارة وتخربطن فعاليات جسمها وعدها فقر دم ونقص فيتامينات وحديد ليش هيج ممدارية روحها
مقتدى ـ هاي كلها ومابيها شي استغفر الله تضحك علي انت
موتمن ـ لا حبيبي ما اضحك بس الانسة ليش هيج كلش ممهتمة النفسها ومتاكل
مقتدى ـ لو تشوف غرفتها متصدك يجي يوم واشوفها اذا تقبل وادخلك الغرفتها وشوفها ما تحجيلك بس هيه دائما تهتم للكل والنفسها متهتم وهسة شنسوي بحالتها
موتمن ـ افا انت تسالني بس راح اجاوبك مبين متوتر ومتعرف تصرف حاليا لازم تضل تحت المراقبة على الاقل 3 ايام الا ان يستقر جسمها
مقتدى ـ اوك حبيبي تعبتك وياي
موتمن ـ تدلل كم مقتدى عدنا واذا تريد ترتاح غرفتي موجودة
مقتدى ـ تسلم حبيبي
طلع موتمن شوي ودخل مومل عيونه حمر مبين باجي  بيده ابطالة مي وكهوة جايب المقتدى
مومل ـ ها شلونها طلعن التحاليل
مقتدى ـ اي طلعن وعاد كلام موتمن الفوك
مومل ـ ان شاءالله خير وانت شبيك ليش مدنك راسك ولازمه بيدك بيك شي
مقتدى ـ لا خوية مابيه شي بس ضايج على نورايتي شلون ذبلها المرض انت شبيها عيونك ليش حمر بيك شي لو باجي ووين جنت
مومل ـ لا خوية ما بيه شي هاك هذا ماي وهاي كهوة اكيد راسك يوجعك وجنت برا اتصل اطمن امي وعمتي على نور
اخذ منه مقتدى الكهوة والماي بس شكله ما اقتنع من جوابه وضلو مكابلين نور وكاعدين واتصل مقتدى بامه وطمنها

الساعة 4 عصرا اجت ام نور وابوها وجدها ومهند وام مومل وابوه وابو مهند وسيلين وجايبين كم لبسه النور شافو وضعها وسالو عليها ومقتدى هلمرا جاوبهم بالنتائج وامها خلصتها بجي
الام سهى ـ خية شجاج هاي بدل ما تكعدين تدعيلها تقرين قران وان شاءالله ما بيها شي هية صخونه ومو تدرين بنتج من تتمرض تصير روحها بالقران اقريلها شوي يم راسها
الام علا ـ اي صح راح اقرالها
صارت ب 6 المغرب
مقتدى ـ استاذن منكم بس اليوم منو يبات يم نور انا عندي هسة خفر
الام علا ـ انا ابات يمها
مقتدى ـ لا يمة انتي مريضة واحنه نخاف تتخربطين عملي ابو مهند بعد اذنك تسمح السيلين اذا تكدر تضل يم نور هي ومومل وانا راح اضل كل ميصير عندي وقت اجيهم
العم محمد ـ اي بني عادي خليها يم اخيتها تضلين يم اختجبابا سيلين
سيلين ـ اي عادي بابا اصلا ماكدر اتركها بهيج حالة
العم محمد ـ بارك الله بيجباباتي
يلا حجي يلا عيني كومو نروح لازم ترتاح وانت بابا مقتدى شنو تريد اتصل علينه
مهند ـ مقتدى خوية محتاج شي تريد ابقة يمك م اجيبلك غراض من البيت
مقتدى ـ تسلم عمي لا حبيبي ابو الجود عندي يالسيارة نسيت نور تخلي احتياط الي وما ريد غير سلامتك دربالك على البيت وعلى مهيمن لان هم فايروس وهذا العلاج اخذه وياك انا استاذن
الكل ـ الله وياك وليدي بحفظ الرحمن
الكل راحو
راح مقتدى بدل ملابس المستشفى وافتر الشغلة وكل ساعة يروحلهم يطان عليهم وعلا نور وتعشو وقريب 11 بالليل راح الغرفت نور راد يدخل وسمعهم شنو يحجون
سيلين ـ كاعدين يم نور منتظرين شوكت تكعد ولازم موبايلي اطمن عمتي عليها واسمع صوت واحد يبجي.

------_----------_----------_--------

الى هنا ينتهي البارت اليوم عندي امتحانات ان شاء الله بس اخلص اطول البارتات الكم بس ادعولي

الكاتبة NOORAT2002