رواية احفاد ال رحيم الفصل الخامس 5 - بقلم سـيـريـوس | Sirius ✨

بعدنه إحنه
إعله ديرتنه إعله طيبتنه إعله حطّتنه
ولا عنوانّه تغيّر

------------------------------

سيلين ـ رفعت راسي شفت مومل منزل راسه بين اديه وبس جسمه يهتز عرفته يبجي رحت يمه وكتله مستغربة ليش تبجي صاير شي!

مومل ـ كله بسببنه الجاي يصير وي نور والحالة الهية بيها وحركت كلب امها وقلق ابوها واخوها.
سيلين ـ ليش انت شعليك وشدخلك هو مرض فلاونزة وكاي شخص يتمرض ما فهمتك
مومل ـ شلون ما دخلني نور من كعدت مريضة ومصخنه واجت اختي تتهمها بشرفها وهي ما حجت كلمة ضمت بكلبها في سبيل متسوي مشاكل وزادت عليها بالتهم كدام المساعدات وحتى جوة يم جدو ونور متكدر ترفع صوتها وادافع من اخلاقها لان تحترم الاكبر منها فضلت ساكته ومعصبة فهذا هم ياثر اعرفها نور كلش زين سيلين مالي عين اباوع بوجها ووجه مقتدى بسبب تصرفات اختي هي وحيدة اهلي وما عدنا احد بالعائلة خبيث واناني مثلها
سيلين ـ لتضوج نفسك نور ومقتدى لو يسمعوك ميقبلون بهذا كلامك وتدري هسة لو كعدت نور ورجعنه للبيت راح تتصرف نور كانو مصاير شي ابد ولا راح تهتم لان هيه واثقة بنفسها وواثقة باهلها وبينه ما راح نشك بيها.
مومل ـ تدرين ردت اطلع بس من طلب مني مقتدى ما كدرت ارده والله مالي عين اشوفهم نزلت راسي اختي وجان نسمع صوت

نور ـ بصوت كوة ينسمع مع سعال قوي وهي توخر جهاز الاوكسجين ما عاش الينزل راسك مومل راسك دوم مرفوع ميصير نحاسب شخص على غلطة شخص ثاني بعدين هيام بحسبة اختي الجبيرة وتمون وحتى لو تخطا انا اختها الصغيرة واسكت غصبن علي مع سعال
مومل ـ الحمدلله على سلامتج شتحسين شلونج اكو شي يوجعج
دخل مقتدى عليهم
مقتدىـ ههههههه على كيفك وياها كلهن دفعة وحدة رجع جهاز الاوكسجين الحمدلله على سلامتج وتحسست حرارتها نازلة زين والاوكسجين راجع تقريبا تحسين اكو وجع عندج
نورـ وخرت شوي الجهاز اي دوخة قوية ووجع بعظامي
مقتدى ـ اي هذا بسبب الفلاونزة حتى بعد متسبحين وتجين جوة المكيف شنو مشتهية حتى اجيب تاكلين
نورـ ما اشتهي شي ماريد
مقتدى ميصير وانتي من امس مماكله بعدين ست انتي عندج فقر دم ونقص فيتامينات لازم تتغذين
نور ـ كيفك بس لتجيب مشاوي
مقتدى ـ شوربة لو بييزا
نور ـ مقتدى مو تدري ما احب الشوربة جيب بييزا ورجعت جهاز الاوكسجين
مومل ـ انا اروح اجيب
مقتدى ـ لا اكعد انا راح اتصل بموتمن
مومل ـ لا عيب وبعدين هو مو وياك خفر
مقتدى ـ لا خلص دوامه واريد اشلع كلبه مثل ميشلع كلبي من نطلع المكان يطلب ويذبها براسي اريد اقطه هههه اتصلت على موتمن هااا التركي طلعت لو بعدك
موتمن ـ مبين المزاج زين يمكن كعدت روحك اي هسة راح اطلع محتاج زين
مقتدى ـ اي كعدت جيب وياك بييزا اثنين وحدة دجاج وحدة لحم بعد اخوك
موتمن ـ اذا تضل هيج فرحان اجيب المطعم كله ولا قبل شوي وجهك يلطم بعد محتاج شي
مقتدى ـ اي عصاير طبيعية وياك شكل وعلاكة حلويات احجي وياه واغمز النور وهية تضحك ومومل وسيلين وياها وسديت الاتصال
نص ساعة واجه موتمن دك الباب ودخل
موتمن ـ السلام عليكم اميرة ال رحيم الحمدلله على سلامتج متشوفين شر خيتي جانت وجوهم مضلمه هسة نورت بشوفتج اسم على مسمى
الكل هههههههه
مقتدى ـ راح اكوملك الزم لسانك لك شو تتغزل علني كدامنه طايح الحظ
موتمن ـ ما راح ارد عليك اسكتك باخلاقي اي عيني اميرتهم جبتلج بييزا وعصاير وحلويات بس لا تنطين المقتداج هاي هدية سلامتج
مومل ـ اذا مكاملك مقتدى راح اكوم انا هاا
موتمن ـ ههههه لا عمي طالعين اخذو راحتكم
طلع وسد الباب
مقتدى ـ اي يروحي دجاج لحم
نور ـ دجاج اجه كعد يمي كعدني عدل وكل المومل تاكل لا اطيح حظك وبعدين كلام قبل شوي بالبيت نتحاسب عليه من تطلع نور وكعد يوكلني وكلو سيسي وامول وانا اخذت قطعة وكلت مقتدى لان ادري من اتمرض يترك الاكل وهو عنده شغل وشربنه عصير انطاني علاجي ونمت لان دايخة
سيلين ـ اكلنا وكمت لملمت وطلعهن مومل ومقتدى راحيكمل شغلة وشلت الباقي الحلويات على صفحة ونمنه كعدنه الصبح خطية نور كل شوي تفز من السعال ومومل ولا نام خطية كلما تكعد نلكاه كاعد ساعدتها تكوم وراح غسلت وبدلت ملابسها شوي واجه مقتدى جاب ريوك وحليب حار اتريكنه كمت رتبت الغرفة واجت الممرضة انطتها علاجها وراح وراها شوي دخلو اهلي كلها جاية ما عدا امي ومهيمن وهيام لان مهيمن هم بعده حرارته تروح وترجع جان اتصلت علي كام وتحمدتلها بالسلامة
نور ـ دخلو اهلي واجه جدو بوسني من راسي وتحمدلي السلامة
الجد ـ الحمدلله على سلامتج اميرتي البيت اظلم بدونج
سيلين ومومل ـ ههههه
نور ـ التفتت خزرتهم ورديت الله يسلمك جدو منور بوجودك
اجه عمو محمد هم نفس الكلام وعمو محمود وخالة نهى اجهه بابا باسني
الاب احمد ـ الحمدلله على سلامتج بنيتي گلبي يمج شلون صرتي يشمعتي ونور حياتي
نور ـ بعيون مدمعة الله يسلمك باباتي الله يخليكم الي ميحرمني منكم اجت ماما تبوس وتبجي ماما حبيبتي هاي كدامج ما بيه شي بعدين دكتورين فوك راسي وتردين ما اطيب
الكل ههههه
نور ـ ليش عمة سهى ماكو ان شاءالله ما بيها شي
مهند ـ لا خيتي حبيبتي ما بيها شي بس مهيمن هم فلاونزة بس اخف منج شوي فضلت يمه
نور ـ سلامته ان شاءالله بعدنه نحجي واتصلت كام سلمت عليها وسدته
مقتدىـ ميصير تبقون كلكم هنا الزيارة نص ساعة يلا منو يروح انا هم راح ارجع للبيت اسبح وابدل واجي لان خلص دوامي
مومل ـ روحو وتعالو العصر انا وسيلين نبقة
مقتدى ـ لا امشو انتو وياي للبيت لان الليل كله منمتو عدل امي وابوي يبقون وانا شوي واجيكم
الاب احمد ـ لا بابا روح نام واسبح واكل والعصر تعال انا وامك نبقة يم بنيتي روحو ولدي ارتاحو
مقتدى ـ براحتك بابا يلا امشو اخذت مومل وسيلين وياي ورحنه للبيت صعدت الغرفتي سبحت وبدلت ونمت كعدت ب 6 بدلت ورحت اطمانيت على مهيمن ورحت انا ومومل للمستشفى دخلت
مقتدى ومومل ـ السلام عليكم
الكل وعليكم السلام
رحت النور شفت حرارتها زينه وتنفسها زين وشايلين الاوكسجين اجه موتمن فحص صدرها كال زين بس من تجيها خنكة لازم اوكسجين وحرارتها تصعد وتنزل فطلعناها للبيت ويانه لان اليوم خميس وجمعة وسبت معندي خفر فحظل وياهم ورحنا للبيت وصعدتها للغرفة مالتها وكلها التمت يمها وكلتلهم يجيبون مهيمن يمها بالغرفة على الجرباية الثانية حتى اهتم بيهم سوة جابوه وشكلتلهم سيروم خاص الهم سوة وملاطفات الاهل وكاعدين داير مدايرهم صار وكت العشة ونزل الكل جوة وبقينه انا ونور وسيلين ومهيمن بالغرفة صعدن المساعدات عشة نورومهيمن شوربة بعظام ولحم حتى نصير عدهم طاقة سيلين توكل بمهيمن واكلها كلها ونور خاشوكتين وما اكلت لان متحب الشوربات كلتلها بعدين اجيبلج شي لتاخذين علاج هم خلصو واجه الكل يمهم يحجون ويضحكون بيهم حتى ميفكرون بالمرض ويضل بالهم يمه لان النفسية اهم حاجة من يتمرض الشخص صارت ب10 الكل نزل وسويت النور كلاص حليب حار وقطعتين كيك ومهيمن مراد وعشيتها وانطيته علاج ونامو
ملاحظة نور عدها بغرفتها من صفحة اليسار يم استاند الملابس ميز خاص عليه ماكنه كهوة وسخان مي حار ويمه علب حليب وكهوة وانواع الكوفيات وبصفة ميزز طويل يصير خانات ومجرات خاص بس جبوس على كرزات على نساتل وككو وعدها ثلاجة صغيرة بيها رف ماي ورف مشروبات غازية هي تحب كولا وببسي وعصاير غازية ورف عصاير ورف لبن وحليب اترك صورتهن باخر البارت

فرحت ابدل واجيت نمت يم نور على الجرباية ومومل نام على الجرباية الثانية يم مهيمن
نورـ من نمنه فتحو الحايط المتحرك يفصل بيني وبيت مهيمن الحايط يفصل ثلاث ارباع الغرفة فردت اكوم للحمام وسمعت صوت بسبسة فحسبالي مهيمن من الصخونة ضليت كاعدة جان اسمعه يحجي وي مومل
مومل ـ مهيمن انت تحبها النور كلي لتضم علي لو لا
مهيمن ـ شبيك نور بنت عمي وعرضي فاذا احبها كبنت عم
مومل ـ اذا تحبها كلي ليش تضم وبعدين اذا تحبها روح اخطبها من عمي اكيد عمي محيرفضك الا اذا نور موافقت وهذا حقها توافق او لا
مهيمن ـ شبيك خوية صخنت هو انا المصخن نام نام انا احبها واسببلها حجي وكلام شبيك احبها ما احبها ما اقبل عليها بالاول والاخر بنت عمي
مومل مو شفت ردت فعلك من سالتك قوية
مهيمن ـ لا خوية اطمان نام احنة حزام ضهرها ومنقبل ع وحدة من البنات الحجاية
نور ـ رحت للحمام ورجعت مجايني نوم ضليت على الجرباية وسمعت كلام مهيمن وضليت صافنة وافكر هذا شديكول

،
،
،
،
،

،

هذا الميز العليه ماكنهة القهوة والغلاية والمجرات اكوابتي الاعشقهم والقهوة وهاي السوالف

نفس تصميم هذا بس طويل تقريبا 170 طولة خاص للكرزات نساتل جلي وهاي السوالف

وهاي ثلاجتي

----------------------
يا ترى شنو سمعت نور مهيمن يحجي وانصدمت من كلامه شنو تتوقعون
انتظرونا بالبارت القادم

الكاتبة NOORAT2002