شمِا يلتمَ شمِلنة ألگانيّ خسَران
الحِطب يلتمَ حِرگ مَو لمّة أخوَان
بعَد گلبيّ أشتعِل بلكَت يشوُفوك
ينشِاف الهَوى مِن يصَير دُخان
صِرت للمَالة أيّ موضِوع عَنوان
الچّان يحَبني لِا يمكَن ولِا چَان
اليحَضن روحِة يشبةٌ ورَد ذبلِان
يّا روحِي عَليچ هِواية زعَلان
رمَاد بنِارة صَرتيلة وتغِنين
تغطَيت وبعِدني الليّلة بَردان
مِن شفَتي الغصِن بيّت العَصافير
مِا شفَتي الغصِن للورَدة سجّان
إذِا بعَيونك أصغِر صّيتي كَبران
الگُمر يتمِنى صَيت هِلال رُمضان
السَفينة وياهِا أغَرگ عشِگي مَوات
مِا أتركَها بيةٌ عنِاد قُبطان
00000000000
ابو مقتدى. بالاول ليش خالج باع حصته
نور. لان يردون ينتقلون الالمانيا
الام. ليش
نور. جايهم شغل ومدري شنو واحسن من لندن فيردون ينتقلون
الاب. زين خالج بايعه ب50 مليون دولار لازم ادفعين 25 انتي ساحبة 21 مليون شلون
نور. مو بابا انا بعت بيتي ب4 ملايين دولار
الاب ليش بعتيه
نور. السبب الاول مااحتاجة بعد ولا مستفادة منه شي الشي الثاني ما اكدر اكوله وغمزتلهم فهموني
الاب براحتج بابا
نور. اي هسة وقت هداياكم
مومل. كل الكراتين النه
نور. تؤ هنة 12. بس 6 الكم
مومل وشلون تعرفيهن
نور. مرقمتهن. فتحت الكارتون الاول بيه بشتات من براند خليجي هناك بشت شتائي نسائي ورجالي كل واحد اله واحد حتى الجود والي بس كلمن لون انا اسود مطرز ذهبي وجدو هم بابا وماما نيلي بذهبي الرجالي عادي والنسائي بيه كبوس اهل مهند بني بذهبي اهل مومل زيتوني بذهبي مقتدى وسيلين بيجي بذهبي ومهيمن وهيام ازرق وذهبي ومهند وجود جوزي فاتح
الكل. كلش حلوات الله يرزقج
فتحت الكارتون الثاني بناطير كلمن بنطرونين واحزامين للشباب وبابا وعمامي وجود وهيام بس انا وسيلين جبنه نوعيتين كابوي وقماش للدوام
فتحت الثالث. قمصان وتشيرتات كلمن قميص وتشيرت بس انا وسيلين اكثر من نوع وحزامات
فتحت الرابع جنط شبابية للرياضة وجزدانات للفلوس الهم وبابا وعمامي وجدو وجنطة الماما وجنط العماتي وهيام وجنط النه انا وسيلين
فتحت الرابع. احذية شوزات للشباب واحذية رسمية البابا وجدو وعمامي جلد طبيعي وسلبرات الماما وعماتي وهيام وشوزات وكعب النه انا وسيلين وي الجنط وسلبرات
الخامس فتحته كوتات طوال الجدو اسود وبابا هم وعمو وعمو بني ومهند كوته اسود بس شبابي ومقتدى هم ومومل ومهيمن وهيام بني وانا وسيلين كوت اسود وبيجي والجود هم وجبنه جاكيتات فرو طوال يصير فرو ناعم وقصير اسود وابيض وجويتي وجوزي وكوت رصاصي ومشمر او منفع او وشاح ما اعرف اسمه بالضبطمثل هذا
الماما اسود وام مهند بني وعمة ام مومل ازرق وجبت لفافات الي والسيلين كم لون والشباب اسود ومنقش اسم البراند علي بغير لون
فتحت السادس تراكات كل واحد تراك شباب وبنات وجدو تراك داخلي يسموه وشورتات للولد وانا وسيلين برمودات وبجايم نوم وتراكات وماما وعماتي دشاديش والجودي
نور. هاا عجبتكم
الكل. اي الله يرزقكم
مومل الباقي المن
نور. السابع للبيت ابو سامي وبيت ابو علي
وال8 غراض مقتدى ماتشوفها كلش جبير وال4 الباقيات غراضي
مومل. موجبتي ويانه
نور. لا اكو غراض هناك ماجبتهم احتاجهم وكم غرض من البيت اخذتهم وال3 الباقيات اشتريتهم محتاجتهم
مقتدى. وصح نونو غراض المزرعة يوصلن بعد شهر
نور. تمام
مهند. طلبتي غراض بدل التكسرن
نور. احلى بعد واكثر. شباب بلا امر عليكم صعدو وياي الكارتونات لان ثكال
الشباب صار
نور. سوسو ودي غراضج وتعاي وراي
سلين تمام
نور. صعدوهن ونزلو وفتحنه صندوك ام علي وام سامر عزلتهن ونزلت انطيت الام سامي وتشكرت مني وصعدت فتحت كارتون رقم 9 شامبوات وشغلات سكن كير وعناية بالشعر والبشرة والجسم وكم نوع مكياج من كل قطعة اثنين الي والسيرين عزلناهم كارتن رقم 10 شغلات للاكسسوارات وللشعر وشسوار بكج كامل وبجايم نوم مريحات وغطوة مخاد ستن ماياذن البشرة والشعر ودريسات برشلونه 6 كلهن رقم ميسي بس كلمن دريس سنة مو كلنه نفس النقش وموقعين عليهن اللواعيب وربطات شعر وكرستالات وهاي السوالف الشعر وشغلات اكسسوارات للسيارة والحصان 11 و12 ما فتحتهم نزلنه اتعشينه ورا العشة بدت العبة برشلون صعدنه بدلنه انا وسيلين ونزلنه مندمجين هم
نور. مو عيب تباوعون لعبة واشجعون نادي بدون دريس
الشباب. ايييهههه الله حيو. 👏
نور. مهند هذا الدريس الوعدتك بيه وانت اهم واحسن دريس بينه لان ميسي بنفسة موقع عليه
مهند. جنت اشاقة وياج يالخبلة الله يحفظج الي يا اجمل هدية من ربي 🫂
نور حبيبي يلا سوولي مكان يمكم اشوف ضحك وونسة
ثاني يوم
نور. دزيت رسالة الجدو اريد اطلع انا وانت ومومل ومهند ومقتدى ضروري
الجد تمام
نزلنه جوة الكل كاعدين
الجد. مهند ومومل اريدكم وياي نروح ولد صديقي مسوي حادث نشوفه
مهند ومومل. صار جدو صعدنه نبدل
الجد. مقتدى اتصل علي موتمن اكو بنية عدكم مسوية حادث ويردون بنية تحاجيها لان تخاف من الكادر الطبي اخذ نور وروحو
مقتدى ونور. صار جدو وكمنه نبدل
الجد. مهيمن انت وسيلين راح يجي الفلاح ابقة يم عمامك خاف يحتاجوو شي
مهيمن صار جدو
خلصنه تبديل طلعنه انا ومقتدى بحد والشباب وجدو بحد
نور راح نلتقي بمطعم، ،،، دزيتلهم وصلنه
مقتدى. شنو تشربون
الجد. كهوة
الشباب ونور عصير. طلبنه
الجد. اي بابا شنو تردين
نور. جدو حجولك ع ام حمزة
الجد اي وقبل اسبوع دزيتلها مصرف هلشهر
نور. جدو انا بعت بيتي الهناك الغاية وحدة شفت ام حمزة انطتني مهلة شهرين وراها اذا مدبرتلها شغل ماتاخذ الفلوس بعد وانا ابالي مشروع بس ما ادري اذا فلوسي يكفن او لا
الجد. كولي شنو واحنه وياج واخوتج مايقصرون
نور. بالاول لازم الكه بناطية ع الاقل 5 طوابق سكنية
مهند. اعرف بناية بالجبيلة نفس المواصفات وكل طابق بيه 4 شقق وكل شروط السلامة بيه
نور. تكدر تتصل
مهند لحظا. الو السلام عليكم وياك العقيد مهند. اهلا وسهلا العفو اريد استفسر بخصوص بناية سكنيه عارضيها للبيع ممكن التفاصيل والسعر. اهاا تمام شوكت فارغ نكدر انمرلك. شكرا جزيلا اشوف وارجعلك خبر في امان الله
الجد. ها شنو كلك
مهند. يكول 5 طوابق كل طابق اربع شقق كل شقة غرفتين وصالة وصحياة ومطبخ ومزودة بكاميرات ومولد خارجية وسعره 2 مليون دولار وبنائه حديث
الجد. عندج نور
نور. اي
الجد والشغلة الثانية
نور. اريد اشتري بيت يكون تفصالة ع الاقل بيه 5 غرف اسويه مشغل خياطة
مقتدى. اي اعرف بيت ب،،،، بيه ست غرف وصالتين برانيات وومطبخ وصحيات اول مادخلين دوانية وباب ثاني صالة والثالث ممر بفصل بين الغرف ومملحقات البيت
نور. حلو شكد سعرة
مقتدى. سعره 400000 الف دولار
نور. اتصله
مقتدى. الو ابو هاشم. اهلا وسهلا وياك مقتدى. اهلا بيك عمي عمو اكو بيت عارضة للبيع اي بيه 6 غرف. الحمدلله عمي حابين نشوفه عادي نجي. اهاا تمام فد ساعة ونكون يمك مشكور عمي
نور. هاا
مقتدى. موجود بناء خديث ويكول سعره قابل للتفاوض ويكول تعالو بعد ساعة
نور. كلش تمام حتى اذا هاي باجر نوكل محامي يمشي بيهن سوه
الجد. جا شنو التردينه من الولد
نور. جدو الولد كلمن وضيفته اله مومل اليشتغلة بالعطله يضمه للدوام يصرفه لان تدري ماياخذ من عمو فانا اكول ورا ما نشغل المشغل نفتح المحل نبيع بيه الشغل النخيطه واذا اكو طلب من خلال المحل يكون شكلت
الجد. بارك الله بيج بابا مومل شرايك
مومل. والله جدو فكرة حلوة بس ماعتقد فلوسي يكفن
نور. البناية الكال عليها مهند الارضي مالها 3 محلات شكد عندك بسعره اسجلك نسبة من العمارة شكلت محل الك و2 اجارهم وفلوس الاجار الك
مومل. التشوفوه
الجد الله يبارك بيج بابا
نور. جدو انا بالحقيقة عندي بحسابي 40 مليون دولار سحبت 22 مليون بقن 18. و2500000 راح يرحن يبقن 11 مليون و500 الف دولار واريد ابني مدرسة خاصة تكون قسم ابتدائي بنات وقسم ثانوي بنات واريد مدرسة ثانية قسم ابتدائي ولد وقسم ثانوي شتكول
الجد. والله يا بابا ماعندي مانع حلو تشغلين فلوسج وتفيدين غيرج بس سالفة المدرسة يرادلها هواي امور وشلعان كلب
نور. جدو اكو هواي حالات. مثل ام حمزة وغيرها اعرف مرة معيشة سبع بنات وحالتهم يرثى لها انا اكول مدرسة نشتريها انا ومدرسة شوف منو يشتريها وندخل بيها ابناء العوائل المتعففة والايتام الماعندهممعين وحالتهم تعبانه مجانا ونستفيد من ابناء الناس الزينين بفلوس واجور الاساتذة من العمارة
الجد. زين المدرسة الثانية منو يشتريها
مقتدى. انا اكدر
الجد. شكد تكلف تقريبا
نور. جدو نحتاج الف متر مربع وبالمركز سعره 5مليون دولار تقريبا ومليون بناء هاي 6 ومليون اثاث 7
الجد جا تمام بابا حلو هيج هسة شنسوي
نور. بالاول نروح للجبيلة نشوف العمارة وراها نروح للبيت وبعدها اريد اروح لام حمزة تردون ترجعون تردون تجون وياي كيفكم لان جبتلهم كم حاجة وياي واشتريلهم هم كم شغلة واروح بس بالاول لازم اريد توعدوني محد يدري بكل هذا
الكل وعد ونجي وياج
نور. تمام خيو هنودي ولو راح نتعبك اريد بس تشوفلنه محامي معدل
مهند. من وسط عيوني
نور. تسلم عيونك ابو الجود
رحنه شفنه العمارة كلش حلوة وكلشي تمام اتفقنه ع باجر وراها شفنه البيت وهم تمام وراها رحنه اخذنا مسواك وحلويات وعشة ورحنه الام حمزة
نور. دك دك دك
ام حمزة منو
نور. انا خالة انا نور
ام حمزة. يا هلا خالة هلا بيج الحمدلله ع السلامة شلونج يمة
نور. هلا بيج خالة الحمدلله انتي شلونج الجهال
ام حمزة. الله يسلمج يمة يسالون عنج شلونك حجي شلونكم يمة تفضلو تفضلو
الجد. الله يسلمج زاد فضلج اجينه بوقت مو مناسب بس نور اصرت ومانكدر نرد نوارة
ام حمزة كل الهلا بيك حجي البيت بيتك حمزاوي حر حرة تعالو شوفو منو اجه
الجهال. خيتاي شلونج احنه نحبج ليش ما اجيتي بعد
نور. ياروحها الخيتاي الحمدلله انا هم احبكم جنت مريضة وعمو مهند اجه بدالي صح
حمزة. اي صح انا من اكبر اريد اصير مثل عمو مهند
مهند. ان شاءالله حبيبي
نور. تفضلي خالة هاي حاجات جبته وياي مناك وهذا كم شغلة اشتهيتها الكم
ام حمزة مشكورة يمة ليش تعبتي نفسي خيرج سابق
نور. لا خالة لا تعبت ولا شي خالة عادي اجي وياج للمطبخ
ام حمزة اي يمة كل الهلا حمزاوي ابقة انت وخوانك يم عمامك ولا ادوخونهم
نور. رحنه للمطبخ خالة احنه جايبين عشانه ونريد نتعشة وياكم
ام حمزة كل الهلا ازعل عليج ليش جايبة عشاج وياج جان كتيلي واسويلج التشتهيه عينه
نور. ماردنه نتعبج اصلا جنة بشغل واجيت اشوفكم بدل مانتعشة برا ناكل وياكم
ام حمزة. براحتج حبيبة
نور. خالة الفلوس كفنج تردين بعد عليج الله بداعت ابو حمزة كولي
ام حمزة لا يمة اصلا زادن
نور. امشي خالة ناكل ورا العشة عندي خبر كلش حلو
رحنه ناكل واثناءالاكل اجه اتصال المهند استاذن وطلع شوي ورجع
مهند. نور الاخبار الحلوة كلها سوة
نور. خير ان شاءالله
مهند. خلصو وبعدين نحجي
خلصنه غسلنه سوت ام حمزة جاي شربو انا موزين علي
نور. اي مهند شنو الخبر
مهند. محامي لكيتلج من اشطر المحامين بالبصرة وراتب خالة ام حمزة طلع عكب باجر نروح نستلم اول راتب الها
الكل. اللهم صل ع محمد وال محمد
ام حمزة 😢 الله يفرح كلبكم ويحقق امنياتكم مثل ماساعدتوني
نور. لا خالة لا تبجين وانا جايبتلج خبر ثاني هم
ام حمزة اكثر من هيج شنو
نور. خالة لكينه بيت انسويه مشغل خياطة باجر نروح نوقع وهاي السوالف ومن الاسبوع نكمل كلشي ونجيب الشغلات التحتاجيها واريد كم بنية يعرفن خياطة اذا تعرفين
ام حمزة. الحمدلله والشكر ربي الله يوفقج ويسعدج ويفرحج بحياتج وما يخلي يوم حزن يمر عليكم يا احفاد ال رحيم الله يحفظك حجي ويطول بعمرك ويخليك خيمة فوك روسهم
الجد. الله يخليج بابا ام احمزة احنة شنو تردين بالخدمة واكو هواي اخبار بس هسة مانكدر نكول الا ان يصيرن تمام
نور. خالة اريد منج اذا تعرفين ناس كلش حالتهم كون تحت الفقر اتصلي علي
ام حمزة ان شاءالله
الجد. اتاخر الوكت احنا نترخص
ام حمزة. كل الهلا هلا بيكم بعد عمري
طلعنه رحنه للبيت لكينه الكل كاعد
سلام عليكم
الكل وعليكم السلام
ابو مهند. يابة اتاخرتو وشلون رجعتو سوة
الجد. طلع صديقي بمستشفى اليدامون بيه الشباب ومن خلصت نور طلعنه نتمشة ونتعشة
الكل. بالعافية
الجد. نويرة الصبح نروح انا وانتي ومقتدى
نور. ان شاءالله
ابو مومل. وين يابة ان شاءالله خير
الجد. ع مود التوصيل والشحن يردون ولي امرهم حتى يتاكدون عايشين بالعراق
الكل راح للنوم
نور. نزلت الغرفت اهلي دك دك
ابو مقتدى. تفضل
نور. بابا عادي احجي وياكم شوية
الاب. اي تعاي بنيتي
نور. بابا، ،،،،،، وحجيتله كلشي. راح نسويه
الاب. بارك الله بيج وعاشت ايدج وشنو ينقصج تعاي وكوليلي بس مشغل الخياطة لازم تشوفيلج خياطة شاطرة حيل تخيط
نور. بابا انا ليش ردت غرف هواي حتى كل غرفة خاصة الخياطة معينه مثلا غرفة خياطة ملابس نسائية وغرفة خياطة عبي وغرفة مفروشات وغرفة اطفال وهيج شي وحتى بالمستقبل افكر افتح دورات خياطة اذا اضطر الامر
الام. عفية خوش خطوة اكو هواي ناس محتاجين شغل
نور. ومفكرة اذا لكيت كم بنية او مرة يعرفن سوالف معجنات حلويات ووجبات جاهزة هم افتح محل
الاب. خوش فكرة تحتاجيني باجر
نور. لا لان ماريد العين تنفتح علي باباتي هذا كله بس احنه الرباعي نعرف وجدو وانتو
الاب. براحتج
نور. انا اروح تصبحون ع خير
*** هسة تكولون منين نور عدها كل هاي الاملاك وعمرها كله ع بعضة 21 احب اكلكم بالولايات المتحدة اذا كان الابوين عدهم اقامة دائمية فاثناء الولادة تلقائيا يحصل المولود ع جنسية وهذا الصار وي نور وهناك اكو قانون مايصير التصرف باموال الاطفال يعني مثلا اذا اكو طالب من الاوائل يمنحوه مكافاة مالية واذا كتب بحث او شارك بفعالية ونجحت كذلك اله مكافاة مالية ويضيفوها الحساب الطالب البنكي ونور جانت من الاوائل كذلك عدهم قانون نسبة من دخل رب الاسرة لازم للابن فنور جانت ما تصرف مصرفها فجمعت الا ان صار 18 سنه كدرت تصرف بفلوسها وتشتري البيت اما العمارة فجانت هدية من ابوهم كلمن ينجح من السادس بتفوق اله عمارة اما بخصوص السيارات ف البي ام هدية جدها لان الجد هم كلمن ينجح من السادس اله سيارة وجي هدية مقتدى ومهند بعيد ميلادهم يعني نور اشترت بس البيت والمزرعة من فلوسها اتمنه وضحت الفكرة
صباحا
نور كعدت لبست رسمي ونزلت انا ومقتدى وجدو طلعنه بسيارة مقتدى ومهند بسيارته ورانا توجهنة للمحكمة كملنه كلشي وصارت العمارة والبيت باسمي بس العمارة صار اكو نسبة 15 بالمية باسم مومل
مقتدى. هسة لازم تتفقين وي الموجرين الجدد انتي المالكة والمحلات مابيهن احد اما البيت لازم تاثيث واحتياجات الخياطة
نور. الموجرين هسة اروحلهم اما شغلة المشغل لازم اشوفلي خياطة توب يلا لان ماريد بس اخسر
الكل براحتج
رحت للموجرين فهمتهم انا المالك الجديد ورجعت للبيت ثاني يوم رحت لام حمزة
نور. خالة مومل يبقة يم الجهال واريدج تاخذيني تعرفيني ع المنطقة. الما يعرف ام حمزة ساكنن بمنطقة شعبية قديمة بس بيتها ملك الحمدلله
ام حمزة. اي يمة صار من عيوني
اول شي ودتني بيت الحجي والحجية الشفناهم باول جيتنه هم صح عايشين بيت كلش تعبان واكثر من عائلة بس لاحظت نسوانهم لابسات ذهب وانا اعرف الذهب من غير الذهب من اول ما شفتهم وكعدو يتمسكنون حسبالهم اقدم تبرعات واخذتني جولة بالمنطقة بيهم الزين وبيهم الحالتهم كلش تبجي
نور. خالة شنو وضع بيت الحجي ابو رضا. هو نفسة الحجي
ام حمزة والله يا خالة هذول اليشوفهم ينكسر خاطرهم عليهم بس همة من جوة اليجوة تجار مال ذهب بس الناس من تسال نسوانهم يكون تقليد ابو حاجة الف
نور. خالة زين ام رسل شنو قصتها
ام حمزة هاي مرة الله يستر عليها اتزوجت وعائلتها حالتهم مو شي وتزوجت رجال ماكو بكرمه صحيح حالته مو شي بس جان يشتغل عامل بمحل ملابس ويوميته 35 لان شاطر بالشغل ويعرف يكسب زبائن ويحب مرتة وبناته وكريم بشكل مايعرف ياكل ويشوف احد جوعان فبيوم من الايام راجع من المحل وي عبرته للشارع اندعم ومات بساعتها المرة اهلها كلولها بعد ما تعيشين بحدج ودي بناتج العمامهم وتعاي عدنا عمامهم ما استقبلوهن وكلولها اذا ماتردينهم ذبيهم بالميتم هية اصلا العمامهم ماجانت تقبل يرحن فكلت الاهلها البيت الما يريد بناتي ما اريده وعافت اهلها واشتغلت للناس بس بيتها هية عدها مكينه بس قديمة بس تفصل فصالات بدلات تكولين واليريد تطبخلة معجنات حلويات اكلات في سبيل ادرس بناتها فبناتها الجبيرة تركت الدراسة بس خلصت سادس وكامت تساعد امها فصارت الاصغر من الجبيرة دكتورة باطنية والاصغر صيدلانية والاصغر مهندسة ميكانيك تدرس وتوامها تدرس تحليلات وعدها مرحلة ثانية وحدة تدرس قانون والصغيرة تدرس سادس كلهن طبخهن يجنن بس الدكتوة والصيدلانية كاعدات ما متعينات قدمن وما طلع وهنة بالبيت يساعدن امهن
نور. والله عاشت ايدها والنعم منها زين شلونه شغلها
ام حمزة. يوم اكو ويوم لا لان تعرفين منطقتنه مو كلها حالتها زينه
نور. زين خالة وام محمد شنو قصتها
ام حمزة. خالة هذول قصتهم ما تسولف هذول عائلة متكونه من ام واب واثنين بنات وولد جانو عائلة جبيرة والوحيد ابو محمد معدل وعرف يكون نفسة ويرضى اهله مات الجد وطلع مسجل نص املاكه باسم ابو محمد وهمة 5 اخوان فابو محمد عنده محمد عمرة 25 سنة وعندة بنات وحدة هسة22 وحدة 19 فا ابو محمد كتب الاملاك والمحلات اليشتغلون بيهن باسم محمد حتى ما يداعونه هنا جان عمر محمد 20 سنة فمحمد جان يحب بنية واصدقاء السوء ابو محمد زوج ابنه جنته لعبت بعقل الابن كلتله بيع كلشي ونسافر ونعيش بيهن احسن من ما عمامك ياخذوهن فباع كلشي وسافر وكاتب رسالة الاهلة انتم طيحتوني بورطة من سجلتو كلشي باسمي وانا خلصت روحي وبسبب الخبر انضرب جلطة الرجال ونشل وصفو بالشارع فالمرة يومية تشتغل بمكان الا ان تعرفنه ع خياطة جانت فاتحة محل خياطة يم السوك ورحنه اله انا ورسل بنت ام رسل وام محمد وتعلمنه منها فانا عرفت منه اخيط دشاديش وام محمد نزلات ع بردات وغطوات ورسل تعلمت بدلات لو دراعات بتطريز وحتى بدلات حفلات مرات تسويهن بشغل يدوي وام محمد ضلت تصرف علاج رجلها غالي فالبنات من شافن الحالة الجبيرة خلصت سادس وكعدت والثانية ثالث وكعدت الصغير اداري بابوهاوالجبيرة جانت تروح وي ام رسل تساعدها بالطبخ وتنطيها القاسم الله
نور. زين خالة هسة اذا طلبت منهن يسون
ام حمزة اسالهن تردين
نور. اي خالة ورجعيلي خبر باجر فدوة حتى ع الخياط
ثاني يوم رجتلي خبر عادي نزلت
نور. ماما عادي تجين شوية
الام عادي
نور. طلعنه بالحديقة. ماما اريد تساعديني
الام بشنو
نور. ماما اكو عائلتين عرفتهم عن طريق ام حمزة واريد اشغلهم فاريد اجرب شغلهم واريدج تجين وياي
الام. اي عادي شوكت نروح
نور. هسة
الام. وابوج
نور. هسة تعاي احاجيه. دخلنه. العفو اقاطعكم بابا عادي اخذ ماما اريد احيب كم شغلة
الاب. اي بس لا اطولون
نور. فديت لا ان شاءالله مانطول
بدلنه ورحنه بالاول للسوك اشترينه اقماش بردات وقماش نزلات وغطوات ميز واشتريت قماش بدلات وقماش دشاديش ورحنه الام حمزة سلمنه وعرفتها ع الوالدة
نور. خالة بالاول اريد اروح الام رسل
ام حمزة صار
ام حمزة لبست جواريبي وشيلتي وعبايتي واخذتهم الام رسل
ام رسل اهلا وسهلا نورتونا ماما رسل جيبي ضيافة
ام نور. تسلمين عيني ما جاي نجربكم
ام رسل لا مايصير هاي اول دخولكم النه
نور. بصراحة خالة احنه بالاول نعرفج بنفسنا انا نور وهاي ماما
ام رسل. اهلا وسهلا
نور. خالة بصراحة احنه اقارب ام حمزة وحجتلنه عليكم بكل طيب واحنه جدد هنا وما اعرف خياطة زينه فخالة ام حمزة كالت المحروسة بنتج رسل تخيط فساتين وبدلات دشاديش شغل يدوي
ام رسل صح. هاي من طيب اصل ام حمزة بس لحظا يمة رسل رسل
رسل. السلام عليكم
الكل وعليكم السلام
ام رسل. ماما نور حابة تخيط كم موديل وتريدج تخيطيلها
رسل اهلا وسهلا
نور. بصراحة انا قبل شهرين لبست حجاب وانا شوية ذوقي صعب بالاختيار من جنت برا بنت خالي تحب التصميم جانت ترسم التصميم وعندي خياط هناك يخيط انت شنو تعرفين تخيطين
رسل. تشرفت بيج عيني اعرف قمصان ستر بناطيل تنورات فساتين طلعات بدلات مناسبات دشاديش كلشي تقريبا
نور. تمام شوفتها موديل قميص اريد من هذا تعرفيه
رسل. اي اكدر اي تصميم تجيبيه اسويه
نور. واريد مثل هذا الفستان واريد هيج سترة واريد هذن موديلات الدشاديش وهاي البدلة
وهذن قماشهن
رسل تمام بس اخذ قياساتج واسبوعين وتعاي تلكيهم جاهزات
نور. شكرا. زين هم تشتغلون بالطبخ وهيج سوالف
ام رسل. اي انا والبنات يساعدني
نور. شنو اكثر اكله توب بيها لان عندي عزيمة بعد يومين ومحتاجة اكل عراقي بحت
ام رسل. انا اكثر اكلات اضبطهن دولمة بانواعها كليجة كبب بانواعها سمبوسة بورك كباب طاوة برياني مروكات روبيان مكشت مقلوبة شيخ محشي همبركر كباب شوي شاورما
المايعرف المكشت شنو هو سمج نوع يسموه الحمام يسلكوه ويفصلون العظم عن الحم يحمسون السمج بصل وشوم وتوابل، ،،
نور. زين خالة حلويات بس كليجة
ام رسل الصراحة ما يضبط عندي كلشي بس بنت ام محمد تعرف شاطرة بيهن اذا رردين ادز عليها
نور. لا خالة انا اروح واستفسر منها زين خالة اريد جدر وسط دولمة وحدة مالحة وحدة حلوة واريد تشكيلة كبب كل نوع وحد وكل نوع منه 8 قطع وكذلك السمبوسة واابورك وكباب طاوة فد 20 قطعة وكباب شوي فد 8 اشياش و8 قطع بركر وشاورمة نوعين وكليجة بس اريد حلقوم وجوز وتمر ونوعيها يعني حظريهن تكدرين بعد يومين
ام رسل اي اكدر
نور. شكد يكلفن خالة
ام رسل لا خالة خليهن علينه
ام نور. لا والله مايصير.
ام رسل. يصيرن 200
نور. خالة هاي 150 وباقي الفلوس عند الاستلام
ام رسل. لا خالة ماخذ عربون
نور. ميخالف خالة بس هلمرة مني
ام رسل تمام
ام نور. احنة نترخص
ام رسل وين بعد وكت كاعدين
ام نور. لا والله ورانه ام محمد وراح تصير غروب هم يالا
طلعنه رحنة البيت ام محمد
ام محمد. اهلا وسهلا تفضلو نورتونا
ام نور. منور براعيه
ام حمزة. اقاربي نور وام نور
ام محمد. اهلا وسهلا
ام نور. بصراحة مصار هواي من انتقلنه هنا وكلولنه خياطة ماهرة بالبرادي ونزلات وسوالف البيت
ام محمد. تفضلي.
ام نور. انا احب يكون الشغلة بيتي مميزة فاكو كم تصميم هذول شوفتها تصاميم بردات ونزلات غطوات اتكدرين
ام محمد اي سهلا
ام نور. هذن القماشات بس الخياط
ام محمد تدللين اسبوعين ومخلصات
ام نور. وشكد السعر
ام محمد. والله عيب ضيفتنا وناخذ منج
ام نور. لا والله ابد مايصير
ام محمد. جا بردة ونزلتين وغطوات 50
ام نور. هاي 50
نور. خالة كالو بنتج تسوي معجنات ع حلويات صح
ام محمد. اي صح
نور. عادي تصيحيها
ام محمد. اي تدللين ماما ازهار ازهار
ازهار. السلام عليكم
الكل. وعليكم السلام
ام محمد. نور تريد منج كم طلب
ازهار. اي تدلل
نور. حياتي تعاي كعدي وكليلي شنو تعرفين اطبخين هواي مدحت بيج خالة ام رسل
ازهار. اعرف كيك بكل انواعه حتى قطع كبكيك بان كيك كليجة شكرلمة بسكت كريب
بيتزا فطائر بسبوسة خلية نحل اصابع زينب داطلي لقيمات كرواسون زلابيه بقلاوة زنود الست. كنافة قطايف. كوكيز وحتى حلاوة بكل الانواع
نور. تمام اريد كيكة مزينة حدة وكيكة بركانية وكيكة بالمكسرات قليلة الشكر واريد 8 قطع كب كيك وجبة بان كيك 10 قطع شكرلمة 10 قطع منسمة بسكت كعك ابو السمسم كريم واريد بيتزا وسط وحدة لحم وحدة دجاج وحدة خضار وحدة جبن فطائر مشكلة صينية بسبوسة صغيرة وصينية صغيرة كنافة وصينية صغيرة خلية نحل وصينية صغيرة بقلاوة وصينية صغيرة زنود الست واريد نص كيلو داطلي ونص كيلو لقيمات ونص كيلو زلابية واريد 8 قطع قطايف ونص كيلو اصابع زينب ونص كيلو كوكيز
ازهار. ان شاءالله بعد يومين جاهزات
نور. متعرفين احد يعرف مقبلات
ازهار. جيرانه ام ليث بنتهم سمارة
نور. منو هذول خالة
ام حمزة هذول يمة عائلة مرة عدها ولد وبنية البنية اكبر من الولد ب10 سنوات رجلها نفقد وجانت الام عدها سمارة 12 سنة وليث سنتين الام تشتغل جانت تخبز وتبيع للناس تسوي طرشي وتبيع وبتها سادس وهم ماكملت تركت والولد هسة 15 سنة وسمارة 25
نور. تمام اي عيني شكد يكلفن
ازهار شنو يطلع من ايدج هو يصير 250
نور. هاي 200 والباقي عند الاستلام
طلعنه ورحنة البيت ام سمارة طلبت منها باذنجانية فتوش فتة سيزر عمبة سلطة روبة يعني جاجيك تفاحية رمانية بابا غنوج وسلطة يونانية وسلطة غربية وانواع سلطات
كروب ال رحيم 2
بيه نور ومومل ومقتدى وسيلين ومهند
مقتدى. ها نارو شسويتي
نور. ولكم طلبتلكم اكل ب500 الف حتى اجربهن
مهند. سودة علي خلصن الفلوس قبل المشروع
نور. هاا بدة الضحك
مومل. لا من صدك شصار
نور. بعد اسبوعين عدنا اسبوع تجارب يومية شي
الشباب. الله يوفقج
نور. صح مقتدى حاجي مهتدى بنت ام رسل دكتورة باطنية ما يخليها وياه بالعيادة
مقتدى. ان شاءالله
نور. وبنتها الثانية صيدلانية مو محتاج صيدلانيه وي الصيدلاني كرار
مقتدى. اي
نور. تمام ورا ما استلم طلب اقترح عليهن
سيلين. نور لازم نحظر للتخرج
نور. خيولون مانطلب وياهم خلي اشوف اذا خوش خياطات نخيط عدنا والتصميم النريده
سيلين تمام
بعد اسبوعين
نور. اتصلت ام رسل خلصت وسمارا هم وازهار
رحنه انا ومقتدى كلمن بسيارته جبناهم واجينه والخياطات هم منجمعين الكل وحتى موتمن ومهتدى
مقتدى. اتفضلو بس احجو الصراحة
اكلنه اكل يجنن وطعم خيال
موتمن. خوش مطعم منين جبتوه
نور. مرة تبيع بالبيت
ام نور. والله عاشت ايدهن شغل مضبوط
ام مهند. اي والله كلشي تمام
خلصنه. وجبت البردة شغل كلش حلو والنزلات وكلشي حتى ملابسي اليكول مشتريتهم
سيلين. نور. اريد مثلهم وصيلي
نور. تمام. باوعت برضا الجدو هز راسه
خلصنه وكلمن راح الغرفته نزلت الجدو. ها جدو شتكول
الجد. والله بابا كلش زين وطيب وبالتوفيق
نور. يعني نبدي احاجيهن
الجد. اي بس قبل لا تشتغلون سويلج شي يجيب زبائن
نور. هو هيج راح افتح حسابات ع الانستا واروج وبيوم افتتاح المحلات اسوي افتتاح بسيط والاكل مجاني
الجد. الله يبارك بيج
نور. اتصلت بمقتدى مقتدى شكلك مهتدى بخصوص بنت ام رسل
مقتدى. كال عادي اهلا وسهلا
نور. تمام تصبح ع خير
مقتدى وانتي بخير
ثاني يوم رحت انا وام حمزة البيت ام رسل
نور. خالة عاشت ايدج كلش عجبهم الاكل وجايتج بطلب هلمرة غير
ام رسل. كولي يمة
نور. خالة انا عندي مشروعين وجايتج محتاجة مساعدتج
ام رسل. كولي حبيبة والاكدرله اسويه ان شاءالله
نور. ماتقصرين خالة بصراحة عجبني شغلكم انتي والمحروسة رسل والصراحة انا فتحت مشغل خياطة بالجديد ومحتاجة خياطات راح تكون خالة ام حمزة موجودة وردت وياها خياطات بعد فاريد رسل انا مقسمة المشغل الى اقسام فام حمزة راح تكون مسوولة ع قسم الدشاديش ام رسل اريدها القسم التصاميم الخاصة يعني فساتين بدلات قمصات وما شابه وحتى راح احاجي خالة ام محمد هم القسم المفروشات شتكولين
ام رسل. والله هاي كدامج ساليها
نور. شتكولين رسل انا راح اوفرلكم كلشي تحتاجوه وحتى اخوي عنده محل فارغ راح يعرض بيه شغلكم
رسل. تمام وياج
نور. تمام انا كم يوم واجيجن نسوك اجي اخذجن واذا عندج صور الشغلج ياريت ادزيلياهم حتى انشرهم بحساب الخياطة
رسل تمام ان شاءالله
نور. وخالة عندي طلب ثاني
ام رسل كولي حبيبة
نور. خالة عندي محل واريد ابيع بيه ماكولات جاهزة مثل كبب دولمة سمبوسة معجنات يعني شي تتجمد واريدج تشتغلين وياي
ام رسل. ان شاءالله يمة الله يوفقج
نور. خالة ريان وليان اشتغلن
ام رسل لا والله كاعدات
نور. خالة صديق اخوي دكتور باطني ومحتاج وياه دكتورة باطنية لان هم عدهم مجمع طبي اخوي واصدقائه اثنين ومحتاجين صيدلانية هم
ام رسل. والله ياريت يمة
نور. باجر اجي اخذهن واوديهن للمجمع يشوفن الوضع اذا عجبهن يكملن بالشغل
ام رسل. الله يوفقج وينجحج ويعلي شائنج
نور. شكرا خالة احنه نروح لبيت ام محمد هم احاجيها
رحنه لام محمد واستقبلتنه
نور. اي خالة انا جايتج بطلبين واتمنى ماترديني
ام محمد. كولي حبيبة وان شاءالله ماردج
نور. خالة منو يشوف الشغلات الاشتغلتيهم يتعجب عليهن وانا الصراحة فتحت مشغل خياطة ومحتاجة خياطات رسل وام حمزة وياي وانا اريدج القسم المفروشات شتكولين
ام محمد. والله يمة ماكول غير رحمة الله ع والديج بس انا اخيط بالبيت وعيني هم ع بنياتي والرجال
نور. خالة شغل المشغل غير راح يوفر شغلات اكثر ومكائن احدث وراح نفتح صفحة ع الانستا وننشر شغلكم وهيج يصير زبائن اكثر
خالة اعتذر عن الشي الراح اكوله خالة اكدر اقدملج المساعدة بعلاج زوجج بدون كلشي بس اعرف نفسج عزيزة وماتتقبلين مساعدة فبتعبج راح اتكونين انتي متفضلة علي مو انا المتفضلة عليج
ام محمد. ان شاءالله يمة مثل ماتردين
نور. وخالة ترا بضاعتج كلها راح تنعرض بمحل
ام محمد. الله يرزقج ويحفظج يمة
نور. والطلب الثاني الكل عجبهم حلويات ازهار ويردون منهن وانا عندي محل حلويات ومعجنات فاريد من ازهار اجيبلها كل المواد التحتاجهن وكلما احد يوصي تجهز طلب وهم راح نعرض بالمحل وخالة ام رسل راح تسوي ماكولات تفريز وحتى مقبلات راح احاجي سمارة
ازهار. اي ماما اريد احسن ماكاعدة هنا لو احصل طلب لو لا
ام محمد. تمام بس خالة التواصل شلون راح يكون
نور. راح اخلي موبايل خاص للحسابات والحسابات راح يكون كل حساب مفتوح عندي وعند اخوي لان احنه شركة
ام محمد. الله يجزيكم خير ويوفقكم ويرزقكم
نور. شكرا خالة
طلعنه وكلمت سمارة هم
ثاني يوم اخذت ريان وليان وطلعنه متوجهين للمركز
نور. شلونكم بنات
ريان وليان. الحمدلله انتي شلونج
نور. الحمدلله حبيباتي لا تخجلن انا اختجن الصغيرة شنو تردن كولن اذا مايعجبكم شي كولو لا تستحون احنه لا مسوين فضل ولا منية ولا حسبالجن ازعل اذا ما وافقتن لا والله ابد ولا ياثر علي بشي
ريان وليان. ان شاءالله حبيبتي
نور. اريد تصيرون صديقاتي تقبلون انا ماعندي صديقات مااحب اختلط بالناس هواي
ريان وليان النه الشرف
وصلنه صفيت السيارة ونزلنه
نور. الو هلاو حياتي
مقتدى. هلا حبيبتي وصلتي
نور. اي وصلت ماعندك احد مو
مقتدى. اي اليوم ما استقبلت مراجعين هواي
نور. تمام صاعديلك. يلا حبيباتي دخلنه هنا الطابق الارضي بيه دكتور موتمن اخصائي قلبية صدرية يكون اخو دكتور مهتدى الاصغر منه وياه يشتغل دكتور مومل اخوي بالرضاعة هو مو دكتور بعده طالب بس حتى يتعلم ع ممارسة المهنة وهاذا الطابق كله الهم وكل غرفة خاصة الفحص معين. شلون تحبون نصعد درج لو مصعد
ريان وليان اليريحج
نور. تعالو بالدرج حتى اعرفكم ع المركز. صعدنه. وهنا خاص الدكتور مهتدى اختصاص الباطنية ريان اهنا راح تكونين ان شاءالله وياه يشتغل ابن عمي دكتور مهيمن هم نفس الاختصاص يريد فهم طالب بعده مرحلة 5 وهنا هذا الطابق كله الكم وتحاليل وسونارات واذا صرتي شاطرة وما احتاجج بعد مهتدى افتحلج غرفة خاصة بيج
ريان تسلمين
نور. اي وهذا طابق الخياي مقتدى هو دكتور جراحة عامة وكسور هنا كلها اله والمصعدين واحد خاص المقتدى لان بسبب وضع مرضاه مايكدرون يصعدون درج واحد المهتدى
ريان وليان. الله يوفقهم
نور. تسلمون تعالن نقتحم غرفة مقتدى دك دك
مقتدى. اتفضلو
نور. هلاو دكتور مقتدى عادي ندخل
مقتدى. هلا بيج توة مانور المكان تفضلو وكمت
نور. منور براعيه دخلو بنات. مقتدى اعرفك دكتتورة ريان حجيتلك عنها والدكتورة الصيدلانية ليان
مقتدى. اهلا وسهلا تفضلو. كعدن عندي ثلاجة طلعتلهم عصير وككو تفضلو وماي
نور والبنات. شكرا
مقتدى ولو. اي انسات احجولي شوية عنكم كدراسة وين ادربتو وتقدييركم
ريان. درست بجامعة البصرة وتقديري كان جيد جدا وادربت بمستشفى، ،،،،،
ليان. وانا هم
مقتدى. حلو. شعجب ما تعينتو او اشتغلتو
ريان. قدمنه ماطلعن اسامينه اعترضنه كالو اكو اعلى منكم وهو جذب لان اعرف هواي تقديرهم مقبول وتعينو
مقتدى. الله كريم انا حاجيت دكتور مهتدى وكال بس اخلص اتصلك وننزله ودكتور كرار هم ورا ما نخلص شغلة ريان ننزل نشوف شغلتج ليان وريان انا اساعدج واخليج بنفس المستشفى ويانه ان شاءالله
البنات. ان شاءالله
مهتدى. السلام عليكم
مقتدى. وعليكم السلام دكتور مهتدى
مهتدى. خلصت تعالو
مقتدى. تمام. يلا نور ننزل طلعن البنات قفلت الغرفة حاجيت السكرتير مالتي همام خلصنه شغل اليوم تكدر تروح انا نازل يم دكتور مهتدى وباجر تعال ع وكت
همام. صار دكتور
مقتدى. يلا نوارتي نزلنه بالمصعد وصلنه لكينه مخلص مراجعيه دك دك
مهتدى. اتفضلو. وكمت
،،،،،،،،،،
انتظرونا بالبارت القادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!