رواية احفاد ال رحيم الفصل الخامس وأربعون 45 - بقلم سـيـريـوس | Sirius ✨

يا طموحاتي الاخيرة
ويا مُعاناتي الاخيرة
المُهم حبني علمودك
وين تلگه انسان مثلي
حَبك بگلبه وضميره.

,,,,,,,,,,,

مهتدى. كمت استقبلهم

مقتدى والبنات. سلام عليكم

مهتدى ومهيمن. وعليكم السلام

مقتدى. اعرفكم دكتور مهتدى ودكتور مهيمن. ودكتورة ريان والصيدلانية ليان

الكل تشرفنا

حجو عن كلشي يخص الشغل

مهتدى. راح اخليج تحت التجربة يوم اذا عجبج الوضع تستمرين تمام

ريان. تمام دكتور

مهتدى. اي شلونها لندن عجبتج

نور. اشفت منها هنا بالمستشفى وهناك اكلتها عدل اسبوعين بس احلى شي سفرة برشلونه

مهتدى. منو اكثر مدينه تحبيها

نور. لا اطيحني بسوالفك البصرة ماكو احلى منها

الكل. هههههه

نور. يلا مقتدى نشوف ليان موضوعها

مقتدى. اي حبيبتي مهتدى من اخلص موضوعها الكاكم مخلصين حتى نطلع نتعشة

نور. وين 😒

مهتدى. كعدة شباب ماريد بنات

نور. اممم اردها الكم اصبرولي

طلعنه

الكل. سلام عليكم

كرار. وعليكم السلام دكتور. اهلا وسهلا

مقتدى. كرار هاي  ليان الكتلك عنها

كرار. كل الهلا بيها وبيكم

مقتدى. وهاي دكتورة ريان اختها راح تباشر وي مهتدى

كرار. كل الهلا احنه هسة خلصنه تجي باجر وتشوف الوضع عجبها تستمر ماعجبها بكيفها بعد

مقتدى. ها شتكولين

ليان. تمام دكتور

نور. طلعنه. اهووو شوف منو اجه

مقتدى. نور شكلنه

نور. اذا صنف ماسكت هاي كتلك. اشش بهمس بنات هذا موتمن اي شي يحجيه راح يحجيه بشقة لا تتحسسن ولا تاخذنها بغير قصد

موتمن ومومل. سلام عليكم

الكل وعليكم السلام

موتمن. اووووف وانا اكول المراجعين اليوم ليش كلها مرتفع عدها السكر اثاري مصنع الجكليت كله هنا عدنا

نور. اننننن ماتضحك

مقتدى. احم موتمن اعرفك دكتورة ريان راح تباشر وي مهتدى ودكتورة الصيدلانية ليان راح تباشر وي كرار صديقات نور

موتمن. احم اسف ع الكلام قبل شوي متعود اشاقي نور اتشرف بمعرفتكم

ريان وليان. لا عادي النه الشرف

مقتدى.  بنات اعرفكم دكتور موتمن اخو دكتور مهتدى هو دكتور اختصاص قلبية واخونه دكتور مومل

مومل. اهلا وسهلا بيكم

البنات وبيك اكثر

مقتدى. يلا احنه نترخص انروح نور وين رايحة هسة

نور. اخذ البنات ونرجع

مقتدى. اعتذر المفروض اعزمكم ويانه بس ماعرف اذا تقبلون او لا

ريان. لا دكتور لا تعتذر احنه مانكدر نطلع بدون اذن من الوالدة واحنه مبلغيها نجي نقابلكم ونرجع مانتاخر هسة تقلق علينه

نور. روح خيو اخذو راحتكم معليكم بينه

مقتدى. تمام تردين واحد منه يروح وياج

نور. لا حبيبي روحو واتونسو

مقتدى. تردين نجيبلج شي ويانه

نور. هو مشتهية شي بس مادري تقبل لو لا

مقتدى. شنو

نور. اريد كابتشينو وشعربنات

موتمن. لا ميصير

نور. انا ما محاجيتك هاي اولا ثانيا عناد بيك اكلهم اليوم

مقتدى. نور موقصة عناد بس مو زين عليج

نور 😔 تمام مثل ماتريد يلا بنات. صعدن البنات اجه وراي مومل

مومل. لزم ايدي لاتزعلين حبيبتي فترة وتعدي بس خل يخلصن هل 5 اشهر

نور. تمام لا تفكر ما ازعل بس كلي يا مطعم رايحين ومنو عازمكم

مومل هههه موتمن ومطعم، ،،، ليش

نور. ترقبو من توصل بلغني تمام

مومل. تمام. صعدت نور وانا رحت ركبت وي مقتدى لان ماجاي بسيارتي

نور. بنات شرايكم اعزمكم ع العشاء فدوة

ريان. والله ماما ماتقبل نتاخر

نور. اذا اقنعها عادي

ريان مادري

نور. زين منو صديقاتكم مقربات من المنطقة

ليان. ازهار وسمارة

نور. جا شوفن شراح اسوي

اتصلت ع خالة ام رسل

نور. الو خالة شلونج

ام رسل. هلا بيج ماما الحمدلله البنات شلونهن خومابيهن شي

نور. الحمدلله لا مابيهن شي بس عازمتهن ع العشا عادي

ام رسل. لا خالة خلي يرجعن لا يتاخر الوقت

نور. عفية خالة وحتى رسل هم نريدها

ام رسل. والله مادري شاكلج

نور. عفية خالة الخاطري اعتبري عشا عمل

ام رسل. تمام خالة بس قبل ال9 هنا راجعات

نور. فديتج خالة من عيوني خلي رسولة تتجهز جايين

ام رسل. تمام بنيتي دربالج عليهن

نور. من عيوني مع السلامة

نور. هاا اهاا وخالة وقنعناها ورسولة حتجي

ريان. تدرين هاي اول مرة نطلع بدون ماما

نور. صرتن صديقاتي شما اضوج اجرجرجن وياي

البنات. هههه

نور. اوكفن شوفن راح اخابرمن

نور. الو خالة ام محمد شلونج

ام محمدد. هلا يمة بخير انتي شلونج

نور. الحمدلله اكول خالة طلب صغيرون وبداعت اعزاز كلبج توافقين

ام محمد. كولي يمة

نور. خالة نريد ازهار عازمتها ع عشة وي البنات رسل وريان وليان

ام محمد. لا يمة عذريني اخاف عليها

نور. افا خالة تخافين مني

ام محمد. لا يمة مو منج بس لان ماطالعة وحدها اخاف عليها

نور. والله تحت امانتي وشيصير انا المسولة فدوة خالة لا ترديني

ام محمد. خوش بس ترجعن من وكت قبل ال9

نور من وسط عيوني خالة بس خلي تجهز نفسها احنه جايين

ريان. والله كفو خوش تقنعين

نور. بعدكم متعرفوني

نور. الو خالة ام ليث شلونج

ام ليث هلا بيج خالة الحمدلله

نور. خالة طالعة وي البنات عازمتهم ع عشة واريد سمارة ويانه

ام ليث. لا يمة شلون تطلع وياج وحدها اخاف عليها هاي لا طالعة ولا شي

نور. بامانتي خالة والله نرجع قبل ال9 وياي رسل وازهار وريان وليان فدوة

ام ليث. خوش بس دربالج عليها

نور. بعيوني خلي تجهز نفسها

مريت عليهن وطلعنة كلنه بالسيارة

نور. شنو تحبون نسمع

رسل كاعدة كدام يمي عادي اطلب بس لا حسبالكم معقدة او شي

نور. لا حبيبتي ماعندي هذا التفكير كولي

رسل شغلي حديث الكساء احب اسمعه

نور. وليش حسبتي اكول عليج معقدة بالعكس انا مادرس اذا ماشغلة هو ودعاء توسل زيارة عاشوراء ودعلء يستشير وباقي الادعية وما انام اذا مو قران بالعكس مااحب الاغاني

رسل. اسفة ماقصدي شي بس هواي متعرضة المواقف بسبب الاغاني

نور. صح

شغلته ودزلي موقع المطعم مومل رحنه ونزلنه دخلنه انا حجزلي مومل الطاولة بس بعيدة عنهم بشوي سويت نفسي ما منتبهة

نور. اي بنات هاي المنيو طلبن شنو تردن لا تستحن

رسل. مادري بكيفكم

نور. طلبن ومعليجن عليجن الله طلبن لا تتقيدن وياي صح ما اخالط ناس وعندي رهاب اجتماعي بس صدكن بس الاشخاص الارتاحلهم اكعد واسولف واندمج وياهم لا تزعلني طلبت كل وحدة طلب واجه اخذو طلباتنة

نور. اي بنات ع مايوصل الاكل اريدكم شنو حاباة تعرفن سالن

رسل. ولو تدخل مني بس اريد اعرف انتي لهجتج ما مضبوطة الملامح والوجه بصراوي بس تصرفات ع كلام لا

نور. هههه لا مو هيج انا بنت البصرة ابوي وامي من البصرة بس انا نولدت بلندن بحكم شغل جان عند بابا ورجعت قبل 3 سنوات

ازهار. شعجب رجعتو والاعرفه قبل 3 اشهر مو سنوات

نور. رجعنا لان احب العراق وماجنت حابة اكمل دراستي برا ومال رجعنا قبل 3 اشهر جان عندي شغل هناك رحنه ورجعنه يعني سفرة قصيرة بس انا بيت جدي واقاربنه كلها هنا

سمارة. كم اخ واخت عندج

نور. اخوان حقيقين عندي اخ واحد وتوامه اخت بس توفت بحادث وعندي 3 اخوان واخت بالرضاعة واحد ابن عمي اكبر من اخوي بسنه ماما رضعته واخوي الثاني ابن عمي الصغير بعمري وابن خالي وبنت خالي مرت خالي.رضعتني بس عندي بنت عم صح ما راضعة ولا اختي بالرضاعة بس هاي توامي كد ما مقربة لحظا بنات

نور. الو جدو

الجد. هلا بابا وينج توني جاي اتصل

نور جدو عزمت البنات ع عشا بلغ ماما وبابا وياك

الجد. ليش ما بلغتينه

نور. جدو لحظا بنات عن اذنكم بس حجي وي جدو ماجاي اسمعه هنا طلعت منهن جدو البنات اول مرة يطلعن وياي وعزمت ازهار وسمارة ورسل هم وانا سويت خطة خليت مومل يبلغني بيا مطعم همة ورحت النفس المطعم بس الهسة ماشافونه فلا تخاف

الجد. ايا ملعونه لاعبتها صح بوية دربالج عليهن وع نفسج وانا ابلغ اهلج اخذي راحتج وتونسي

نور. تمام بيباي جدو اممح

رجعت. اي بنات وين وصلنه

ريان. نور دكتور موتمن ومهتدى اقاربكم

نور. لا بس اعرفهم قبل لا نجي هنا درسو وي مقتدى الطب وماجستير.وهم اصدقائه حيل واحنة هناك عدنا عادي الاختلاط

ليان. نور الحجاب لبستيه اجباري لو بقناعة وشلون

نور. لا بقناعة مصار هواي شهرين لو 3 انا كلش احب ديني واحب ادخل بتفاصيلة بس جنت حابة كلشي اعرف يلا اصلا سويتها مفاجاة الاهلي من رحنه للزيارة

وصل الاكل وكعدنه ناكل

الشباب

مومل جاي ناكل ودخلن البنات شفتهن كعدن بعدين نور طلعت تتصل ورجعت ووصل الاكل مالهن واحنه كاعدين نشاقة وخلصن اكل طلبن حصير وحلويات

مومل. مقتدى هذيج شلة البنات مو وياهن نور وهذن الدكتورات الاجن. كلهم التفتو

مقتدى. اي بس ماكالت راح اطلع

موتمن. جايبة مصنع الكيك كله وجاية اختك والله عدها ذوق

مهند. ضربته من وره اكول لو تسكت ابو الشباب احسن امشي مقتدى نشوفها خاف محتاجة شي

موتمن. اجي وياكم

مقتدى. لا اتضل تجفص وتفضحنه

موتمن. وداعت زليخة لا بس اكلهن انا ادفع الحساب بلكي ينعجبن بيه

مومل. حتى نور تغردلك

موتمن. لا راح اخجلها باخلاقي شوف

كام مهند ومومل ومقتدى وموتمن

رسل. نور هذول الولد تعرفيهن اشو جايين باتجاهنه

نور جنت اشرب بالعصير. احم اي اخواني

مقتدى. السلام عليكم اسفين ع مقاطعتكم والازعاج

البنات. وعليكم السلام لا اهلا وسهلا

مهند. نور محتاجة شي

نور. لا حبيبي سلامتك بنات اعرفكم هذا مهند ابن عمي الجبير واخوي بالرضاعة وهذا مقتدى اخوي وهذا مومل اخوي بالرضاعة وابن عمي الصغير وهذا دكتور موتمن

البنات. اهلا وسهلا اتشرفنة

نور. شباب اعرفكم الاخت رسل اخت ريان وليان الجبيرة وريان وليان تعرفوهن بس مهند ما تعرفهن وازهار وسمارة

الشباب اهلا وسهلا

مومل نوارة بلغتي البيت

نور. اي اتصلت بجدو وبلغته وكلي اخذي راحتج وراح يكول الماما وبابا

مقتدى. تمام لا تتاخرين

نور. لا اصلا كايمين بس اروح ادفع الحساب

موتمن. لا خليها انا ادفع

نور. تسلم مايصير انا عازمتهن

موتمن. لا والله هلمرة ع حسابي

البنات. شكرا دكتور

نور. شكرا خيو نردها الك بالافراح يلا بنات

مقتدى امشي ندفع

موتمن. هجم بيتي علي ولك الحساب يرادله راتب

مومل. كايليلك ادك صدرك

موتمن. غير ردت امن مستقبلي

الشباب ههههه

نور. صعدنه بالسيارة. ههههه

رسل شبيج تضحكين

نور. ريان موكتلج اله اندمه لان منعني من الاشياء الاحبهن

ريان والله ماتنكدري كفو

ازهار شكو فهمونا

نور حجيتلهن الصار

سمارة واكول تكول طلبن وتجيب وتعبي بالطاولة

نور. اي اخذ حكي حتى مايطفل ع حياتي.

جاي نمشي باوعت للساعة بعد ساعة الا ربع.

نور. بنات تعالو نزلو وياي اريد اخذ كم حاجة من السنتر

البنات. خاف نتاخر

نور. لا بسرعة

نزلنه انطيت الرسل وخواتها سلة
وانطيت ازهار سلة وسمارة سلة واخذت انا سلة

ريان. شنسوي بيهن

نور. بالعباس اذا ماتشترن شنو يعجبجن بعد ما احجي وياجن ابد ورسل اخذي الخواتج هم هاي بدال العزيمة

رسل. نور. كافي هواي السويتيه اليوم

نور. لا حبيبتي ماسويت شي بعدين هذا بمناسبة اول يوم كصديقات وبعدين الاسبوع الجاي ابدي دوام اصير مثل هلال العيد لو ابين لو لا

رسل والشغل

نور. اجي كل فترة ايجوز اسلمه بيد احد او ماما وانا هم كلما افرغ اجي يلا بسرعة ماظل وقت انا اخذت اكل للببغاء وللبلبل واخذت شغلات دايت الجدو بابا وماما وعمامي واخذت شغلات خاصة السوسو لان هسة تزعل واخذت شغلات الجودي والحليب مالتي مخلص والكورنفلكس اخذت ورحنه للكاشير

رسل. نور الشغلات هذن كلهن الج شو كل شي يختلف

نور.  هههه لا انا بس الحليب وكورنفلكس الي هذا اكل للطيور مالاتي وهذن شغلات دايت للعائلة لان سكر وهذن شغلات اطفال الجودي ابن اخوي مهند وهذن فصل السوسو لان هسة الكاها زعلانة لان طلعت بدونها

البنات ههههه الله يحفظكم

كل وحدة فرغت سلتها وحد وخلاهن بجيس وحد انا اخر شي حاسبت وطلعت

ريان نور صارن هواي مو

نور. لا عادي فدوة نفس سعر كلمرا من اجي اصلا يكلي اليوم ماخذة مفرد صاير شي كلمرا اخذ سيت سيت لان ما اخب اشتري النفسي بس هذا طبعي

البنات. حلو هيج الله يحفظج

نور. تسلمن وصلتهن بالاول نزلت رسل وخواتها وسلمتهن بيد خالة. خالة هاي امانتج وصلتها بخير وسلامة وقبل الوقت

ام رسل. الله يحفظج الشبابج حبيبة بعد كلب والدة واكيد تعرفين

نور. صح خالة يلا في امان الله تصبحوو ع خير

الكل وانت من اهل الخير

وصلت باقي البنات ورجعت للبيت

نور. السلام عليكم

الكل وعليكم السلام

الجد. شلونه يومج واشرلي ع سيلين لان كاعدة زعلانه

نور. حلو بس ماتونست لان ماطلعت سيلين وياي

الاب شعجب طلعتي اليوم

نور. بابا صديقاتي جدد تعرفت عليهن وحبيت اطلع وياهن اجيس نبضهن بعدين شفنه الشباب بالصدفة بنفس المطعم حتى موتمن ما قبل اله يدفع الحساب

الام جا هاي العلاليك شنو

نور. صح هاي علاكة الكم جماعة الدايت وهاي اكل للطيور وجود بحضني وهاي علاكة حبيب عمته جودي كول عمة نور

جود. امة نون

نور. يروحه العمة 😘🫂 وهاي علاكة نصي الثاني وابشرج ولدج مسوين حصار علي كله موزين

سيلين. شكرا

الام غير يخافون عليج

نور. ماما اروح ابدل وارجع اخذت علاكتي اكول سيلين تعاي حبيبتي شوية محتاجتج

سيلين تمام

نور. دخلت للغرفة وسديت الباب 🫂 اسفة واعتذر طلعت بدونج بس ضوجني موتمن لان ردت كهوة وشعر بنات وادخل وبسببه الولد كالو لا حبيت اضوجع جنت قريبة يم بيت البنات واخذتهن ورحت وانتي تدرين وين جنت. واخذت حقي طلبت اكل ب300 الف

سيلين. عادي حبيبتي ما زعلت

نور. فديت اختي ابدل وانزل بدلت بملابس مريحة اخذت عصير ونزلت اشرب بيه

الجد تعاي يمي حبيبتي

نور. جدو منو احلى واحد بالطفولة

الجد. تدرين احلى واحد انتي وراج مقتدى انتي اول ماجابتج امج شكرة وعيونج صفر شكلبج مادري

نور. احلى هيج بشرتي ماحب الشكار

الجد اي صح

نور. ،،،

نور. جدو احفادك اليوم منعوني من شي تقبلها

الجد. لا ما اقبلها شنو

نور. كتلهم مشتهية كابتشينو وشعر بنات
هذا موتمن كلهم لا مايصير وماقبلو يجيبولي

الجد. بس يجون اطيح حظهم بس بابا مايصير تاخذين شي موزين عليج

الولد. السلام عليكم

الكل وعليكم السلام

مهند. سمعت طياح حظ حظمن راح يطيح

الجد. حظكم

نور. لا جدو هنودي ماجان موجود

الجد. جا حظ هذول

مقتدى. ليش جدو

الجد. شلون تخلون بنفس اختكم شي وهية مشتهيته

مقتدى. جدو موزين عليها وموتمن كلها مايصير

نور. ليش يدخل موتمن

مقتدى. انتي ليش هيج وياه

نور. لان كلما يشوفني يعايب علي ع طولي

مومل. افا اكو احلى من طولج بعدين بعد العملة السويتيها دزالج هذن ويكول انا اسف زعلت ونوركم صح مو زين عليها بس خلي تاكل وتشرب شوية بس اطلعها من نفسها لا يصير بيها شي وماماكلتهن واطيح براسي
ويكول كفوني شرها منعتها من شي بالفين دينار خسرتني ميات

الكل. هههه

نور. ماريدهن خلوهن اله

الجد. هههه انا اطيح حظه بس يعايب ع طولج بس هذن اخذيهن اخذي قليل منهن وبعدين شنو العملة المسويتها بالولد

نور. مثل ما منعني من شي احبه خليته يخسر شي يحبة

الاب شسويتي بابا

مومل. هية من حجة زعلت جان تكول انا ما رايدة من فلوسة اذا ماندمته لان كال لا جان تعزم صديقاتها وجابتهم النفس المطعم الاحنه بيه وموتمن كال انا ادفع حتى تنعجب وحدة بيه مايدري بالمسويته نور منزلة قائمة الاكل والحلويات كلها وجان يطلع الحساب ب300 الف واحنه هو عازمنه دفع خير من الله

الكل. ههههه

الام. عيب ماما شلون هيج

نور. ما ضربته ع ايده هو اجه يدفع يكول اريد امن مستقبلي ابو مستقبل هههه

الكل. ههههه

نور. احم انا اروح انام لان تعبت اليوم

الكل. تصبحين ع خير

نور. كعدت ع الجرباية ومطلعة فلم وع واهس الفلم اكلت شعر بنات كله والكهوة حسيت كلبي زادت دكاتة طنشت بديت اتعرق رغم الغرفة كلش باردة وحسيت بدوار وضيق نفس

مقتدى ورا نور ب10 دقائق. انا صاعد الغرفتي تصبحون ع خير

مومل وانا هم

الكل وانتم بخير

مقتدى. مومل انا رايح النور لا ياخذها الواهس وتاكل كله هاي بالعناد كارثة

مومل امشي وياك دكينه الباب ما ردت دخلنه شفناها العرق يصب ومختنكة

مقتدى. شبيج نور

مومل. هاي شمسوية مقتدى شوف

مقتدى. لاااا هاي شسويتي استغفرالله هية مال عناد شبيج لحظا الو موتمن ولك هاي ماكلة شعر بنات كله والكهوة هم ولكيتها مختنكة وكلبها خفقان

موتمن. قيس الضغط والسكر

مومل. الضغط بيه صعود  والسكر معلك

موتمن. بسرعة انطيها ابرة انسولين ومدرر وانطيها اكو حباية بيضة بعلبة من علاجها الجديد انطيها وحدة بسرعة واخذوها للحمام تغسل و،،

مقتدى. تمام. نور تكدرين تمشين

نور. لا شوف حتى ايدي ترجف

مقتدى ضربتها الابر واخذتها للحمام غسلت وجها وهسة

نور. احسن ممكن تطلع

مقتدى. اي

نور طلعت وراه بشوي بالكوة امشي دوار مو طبيعي وصداع

مقتدى. شوفي شسويتي بنفسج هسة الله واعلم شراح يصير

مومل. كافي شوفها بيا حال

نور. 😢 صح بعد اي شي يضرني لا تخلووني اجيبه وطلعوه من غرفتي ماريد اتاذة واذيكم

مقتدى. اششش كافي هذا موتمن

موتمن. ها بشر

مقتدى شوية راحت الخنكة غسلت بس بعدها كلبها ودوار عدها

موتمن. مقتدى باجر العصر جيبها نسويلها تحاليل وفحوصات

مقتدى. ان شاءالله تصبح ع خير خوية اخذ راحتك

موتمن. وانت بخير

مقتدى. باجر العصر لازم نسويلج فحص

نور. ليش

مقتدى. حتى نشوف اكو شي لو لا

نور. 😢😢

مقتدى. لا تبجين مومل جيب ماي. شربتها اش علاجج اخذتيه

نور. لا كلت اخلص واخذه

مومل. هاج شربي

نور. شربت العلاج دخلت للحمام غسلت وطلعت
روحو الغرفكم ارتاحو

مقتدى. شلون نعوفج وحدج

نور. مابيه شي هاي صرت زينه روحو واذا احتاج احد اتصل عليكم

مقتدى. تمام طلعنن وعفناها

نور. طلعو وخلصتها كل نص ساعة رايحة للحمام الا ان قست الضغط والسكر زين طبيعي اذا الفجر صليت وراها قريت دعاءوالزيارة كتبت المقتدى

صباح الخير لا تخاف مابيه شي وهاي قبل 5 دقائق دزيتله صورة قياس الاجهزة وهسة يلا راح انام لا تكعدوني الا ان انا اكعد

ونمت ما كعدت الا ب2 ماما تكعد بيه

نور. صباح الخير ماماتي بيش الساعة

الام صباح الظهر الساعة 2 ونص

نور. افف هلكد نمت

الام ليش ما نايمة باليل

نور. علاجي مالت الليل بيه نسبة مدرر فخلصتها يارايحة يا راجعة يمكن عندي ارتفاع

الام تمام كومي اكلي

نور. لا عندي فحص اليوم خليها ورا الفحص

الام تمام كومي سبحي وصلي وبدلي ب4 ترحون

نور. تمام. كمت سبحت وبدلت وتجهزت اتصل علي مقتدى.

مقتدى. ها ياحلو شلونك

نور. الحمدلله

مقتدى انزلي انتظرج جوة

نور. تمام نازلة. اخذت جنطتي ونزلت. سلام

الكل وعليكم السلام

الاب. ها بابا شلونج

نور. الحمدلله

مقتدى. يلا امشي يلا مومل. طلعنه نور تكعدين كدام

نور. تؤ خليني ورا

مومل. نور بيج شي

نور. لا

مقتدى. جا شبيج

نور. يمكن لان كعدت متاخر

مقتدى. شغلتلها دعاء ومشينه وصلنه للمركز صفيت السيارة ونزلنه سلام عليكم حسام

حسام وعليكم السلام دكتور

مقتدى. حسام اكو احد يم الدكتور

حسام. لا اصلا قبل دقائق وصل تريد ابلغه

مقتدى. اي كله دكتور مقتدى برا

حسام. تمام دكتور دكدك

موتمن. اتفضل

حسام. العفو دكتور بس دكتور مقتدى ينتضرك عادي يدخل

موتمن. اي خلي يدخل

حسام تفضل دكتور

مقتدى. شكرا. دخلنة السلام عليكم

موتمن. وعليكم السلام اهلا وسهلا

مقتدى. اهلا بيك

موتمن. اي كالو المهندسة مرتفع عدها السكر حقها اذا مكابله الحلويات وكاعدة امس شلون مايرتفع

نور. خزرته لان مالي خلك كلش 😠

مقتدى. بلا كلامك وشقاك هسة مو وكته

موتمن. مبينه النفسية كلش صاعدة

نور. استفزني بكلامه ماتحملة 🤨

موتمن. اي شنو حسيتي شلون بدة عندج الاعراض

نور. جنت مندمجة واخلصت عليهم بالبداية دكات كلبي ارتفعن بعدين بديت اعرق ودوخة واختنك الا ان كلمك مقتدى

موتمن. اخ حوبتي هاي شوفي اعثر

نور. انا احجي وهو يصنف شلت جنطتي وكمت اطلع

مقتدى. وين رايحة

نور. ماتشوفه بس يصنف ماريده اروح الغيره احسن او ماسوي فحوصات شنو شايفة روحه شوفة ع شنو بالله

مقتدى. مو هيج هدي ماتعرفينه

نور. صار ساعة متحملة كلامه بعدين محد ضربك ع راسك وكلك ادفع انت لحيت وانا ماحبيت اخجلك كدام البنات

مومل. ميخالف حبيبتي الخاطري تعاي هسة يكتبلج الفحوصات وانا اخذج بايدي 😗من راسها عفية باختي العاقلة

نور. تمام هاي الخاطركم خلي نشوف وين تصفة بعد

مقتدى. موتمن اشتغل عدل هية بروحها مالها خلك ترا ساكت لان مكان عمل

موتمن. يابة اسف نعتذر تعاي بعد ما احجي

كعدنه

موتمن. ومن اخذتي العلاج هدا الوضع

نور. اي

موتمن. تمام سوي هاي الفحوصات وتعاي مومل اخذها ودربالك عليها

مومل. بدون ماتوصيني هاي الروح والرية امشي خيتاي

مقتدى. انا صاعد العيادتي من تخلصون اتصلولي انزل

نور. طلعت وياه رحنه للمختبر سوولي تحاليل ورحنه غرفة ثاني سويت تخطيط ورحنة الغير غرفة سوولي ايكو وطلعنه

مومل. خلصنه فحوصات ننتظر التحاليل نص ساعة ويطلعن اجيبلج شي تاكلينه

نور. خلي نخلص يلا اكول امولي اجن البنات
نسيتهن

مومل. ماادري اروح اشوف هاي بالصيدلية شاسمها

نور. ليان اجي وياك

مومل. امشي. طلعنه لكيتها موجودة سلام عليكم

كرار وليان وعليكم السلام

مومل. انسة ليان ممكن بلا زحمة شوية

ليان. اي دكتور

نور. هلاو ليان شلونج

ليان الحمدلله انتي شلونج شبيج ليش هيج وجهج

نور. مريضة واجيت اسوي فحص اسفة ما اتصلت عليجن شلون اجيتي وريان اجت

ليان. سلامتج ان شاءالله لا عادي حبيبتي اتصلنه عليج هواي مارديتي خفنه عليج ومانندل بيتكم كالت ماما امشي اوديجن وهناك مو يدامون اخوانها ساليهم سالت كرار كال بعدهم ماجايين وقبل شوي راسلتني ريان كالت اجو مابيها شي مبين لان ابن عمها داوم
شلونج شلون صرتي

نور. الحمدلله سودة علي خالة تعبت اي والله تخربطت بالليل واصلا تلفوني مادري بيه خاف مقتدى مسويه صامت

مومل. اي احنه سويناه صامت حتى لا يكعدج

ليان. سلامتج ان شاءالله دخلي جوة ع البرودة ومن اطلعين طمنيني ماعندج غير العافية

نور. الله يعافيج تمام

مومل. امشي طلعن التحاليل راسلت مقتدى نزل اخذنه التحاليل ودخلنه مومل تفضل دكتور

موتمن. اممم لا الحمدلله كلشي تمام خفنه لا صار ضرر بس كلش زين ماكو شي بعد ممنوع سكريات مضافة ولا كهوة ولا جاي ولا دهون كله شوي سلك خضروات فاكهة وعصائر طبيعية بلا سكر ولا املاح

نور. تمام 😒

مقتدى. اكلتي شي

نور. لا

مقتدى. مومل اخذها غديها وراها رجعها للبيت ترتاح

نور. عادي ابقة هنا

مقتدى. شسوين

نور. يم البنات

مقتدى. بس البنات عدهن شغل

نور. اكعد بالصيدلية يم ليان

مقتدى. لا تعاي يمي صعدي ومن يخلصن نزلي يمهن تمام

نور. تمام

اخذني مومل لمطعم قريب عليهم

مومل. شنو تردين

نور. مادري اي شي

مومل. تردين اطلبلج مشاوي لو بيتزا

نور. بيتزا واريد وياها لبن

مومل. تمام

طلبلي بيتزا دجاج ولبن اكلت وخلصت

مومل اطلبلج شي ثاني

نور. اخذلنه عصير ع حسابي لشباب والبنات

مومل. تمام بس البنات شنو يحبن

نور. رمان واحد واحد برتقال

مومل وانتي فراولة وموز

نور. بدون شكر

مومل. تمام طلبلهم رمان وبرتقال وانا فراولة وموز اخذناهم وطلعنه

نورومومل. سلام

كرار وليان وعليكم السلام

مومل تفضل دكتور كرار هاي عصير برتقال الك من ست نور

كرار. شكرا ست ان شاءالله معافية

نور. تسلم تفضلي ليان رمان مثل ماتحبين

ليان شكرا حبيبتي

نور تدللين

رحنة انطينه الحسام سكرتير موتمن برتقال ودخلنه ع موتمن

موتمن. ها بس لا اكو شي

نور. لا بس جبت للكل عصير وذكرتك بلكي يغزر بيك هذا رمان

موتمن. عاشت ايدج ورحم الله والديج

عفته وطلعت وصلت يم الباب صاح
موتمن. كلها جبتيلها كيك ما ذكريني بوحد

اكو طوبه ع رف يم الباب مخليها شلتها وذبيتها عليه صارت بنص راسه وطلعت اضحك

مومل. ولج عيب

نور. جا موعيب اليسويه همزين فهمت البنات فهمتهن هذا طبعه جا شردن واعتبرنه تحرش

مومل امشي نصعد
صعدنه الغرفة مهتدى

مومل سلام عليكم امير دكتور جوة

امير وعليكم السلام دكتور اي تردونه

مومل. اي تفضل هذا بالاول من ست نور وانطيه علم احنه نريد ندخل

امير. شكرا الكم تمام دك دك

مهتدى تفضل

امير العفو قاطعتكم بس دكتور مومل وست نور يردون يدخلون

مهتدى. اي عادي خلي يدخلون

مومل ونور. سلام عليكم

مهتدى ومهيمن وريان وعليكم السلام

مهتدى. الحمدلله ع السلامة نوارة

نور الله يسلمك دكتور

مهيمن. شلون صرتي وخلصتي فحوصات

نور. الحمدلله اي ماكو شي كلشي تمام

ريان الحمدلله ع سلامتج ماتشوفين شر

نور. حبيبتي الله يسلمج

مومل. تفضل دكتور مهتدى عصيرك الرمان المفضل وانت مهيمن برتقال وانتي دكتورة هذا عصيرج هذا من نور

الكل. شكرا

نور. تدللون شوف الرقي والادب بالكلام احسن من بعض ناس

مهتدى. اعتقد تقصد احد بس لا البالي

مومل. هههه اي صارت احداث بعدين نحجي

نور. احنه نترخص ونعوفكم تكملون شغل ريون انا فوك يم مقتدى من تخلصون راسليني

ريان. تمام

صعدنه الغرفه مقتدى انطينه عصير همام ودخلت يمه

مقتدى. هلا باميرتي

نور. فديت اخوي الصاك وهذا عصيرك اليمون
مثل ما تحب

مومل. انت بكلشي مختلفين الاثنين وانا وياكم

مقتدى بالله انا اشرب ليمون يرخي الاعصاب يوازن الضغط والسكر نور تحب عصير الموز والفراولة لان تحب عصير ثخين وحلاة طبيعية اما انت تشرب عصير لو تفاح لو توت لو اناناس شتحس انوب التفاح يجيب الشبهة

نور. نفس النكهات الاحبهن يحبهن توائم

مقتدى. خاف غيرة

مومل. عمي هاي امانتك اجتلك وانا نازل اكمل شغلي مرضانه هواي وخاف الاخ يخربط بعد عملت نور ههه

مقتدى. شمسوية بس لا مخلية شي بالعصير

نور. تؤ اشتهيت عصير وذكرتكم وياي ودخلت بكل ادب انطيته وطلعت بعدني بالباب جان يكلي جبتي للناس قطع كيك جا ماتجيبيلي واعرف شنو قصده ضربته بالطوبة المخليها يم الباب واجت بنص كصته

مقتدى. ههههه ولج عيب بابا مايصير شلون بيكم

نور. خلي لا يندك بيه كعدت يمه اكو كرسي محظرة فتحت تلفوني واكلب بيه لكيت شكد رسائل راسلت ماما وبابا وبلغتهم بالفحوصات وكتلهم ارجع وياهم خلص شغلهم نزلت بالبداية انا يم البنات نحجي

نور. اي بنات شقررتو

ريان وليان، ،،،،،

،،،،،،،

انتظرونا