رواية احفاد ال رحيم الفصل الثامن وخمسون 58 - بقلم سـيـريـوس | Sirius ✨

,
ما متعود ارجع من حرب خسران
ولا متعود اغفى وواحد ببالي
رجعت من السما تارس جنطتّي نجوم
حتى من السما ما عرف ارد خالي
شجاع بكلهن من الجذر للجمار
واذا ع الكرم سيفي انطيه لكتالي
يمكم بيركم، مالح حلو تشربون
ما مجبور أجاملكم بشلالي..

،،،،،،،

مقتدى. الحمدلله اتعدت مرحلة الخطر وبدت تكعد راح نحولها بغرفة من تصحة ويستقر وضعها تكدرون تشوفوها

الكل. الف الحمدلله والشكر

طلعناها بغرفة بدت تصحة سوينه فحوصات كعدت نور

مقتدى. ها يروحي شتحسين

نور. اممم اممم راسي راسي

مقتدى. هسة يصير زين
ورا ربع ساعة فتحت عيونها الكل يمها موجود
وانا وموتمن واكفين يمها

مقتدى. الحمدلله ع سلامتج نور

نور. اخ الله يسلمك

موتمن الحمدلله ع سلامتج شلونج اكو شي يوجعج

نور. ايدي اليمنه وراسي بس

مقتدى. بس شنو

نور. مقتدى مقتدى ايدي اليسرة ورجلي ماجاي احس بيهم

موتمن. ع كيفج هدي ممكن بعدة تاثير البنج

مقتدى. لحظا اخذت ابرة ضليت ابز برجلها ها نور وهسة

نور. والله والله ماجاي احس بشي

مومل. اصبري حبيبتي هسة تطلعع الفحوصات ونشوف شكو

اندك الباب

موتمن. اتفضل دخل الممرض

الممرض. العفو دكتور هاي تحاليل ست نور طلعن

موتمن. تمام شكرا.تعال مقتدى
طلع الممرض شفنه الفحوصات ومثل ماتوقعنه شلل نصفي

ابو نور. هااا بوية شكو ليش هيج نخطف لونكم

مقتدي. بلعت ريكي واخذت نفس نور صار عدها شلل نصفي

الكل. شنو

الام. يمة بنيتي

والكل دمعته ع خده

نور. لحظا لحظا شنو شلل نصفي قصدك انا

موتمن. اي

نور. جذب انت شدتحجي اكيد غلط

مقتدى. اهدي حبيبتي

نور. شهدة  يعني هاي هية بعد ما امشي ولا اتحرك شنو تكول انت يعني كلشي راح احلامي ومستقبلي وكلشي وكلشيي لاااا

مقتدى. 🫂لا تبجين حبيبتي اهدي مو زين عليج توج طالعة من عملية خطرة

نور. عساني ميتة ولا هيج

موتمن. افاا هاي انتي المومنه هيج تكولين هذا قضاءالله وقدره

نور. طلعو برا اطلعوووو ماريد احد هنا وضليت اذب شكو شي يمي والكانونه ضلت تذب دم اطلعوووو

مقتدى. اطلعو برا لا تنتكس حالاها

طلعو الكل بقيت بس انا يمها اهدي حبيبتي والله ترجعين تمشين ووعد مني اسويلج جلسات علاج فيزيائي وراح اخابر دكتور جيميس هم اذا تحتاجين عملية خليني اعدل كانونتج

نور 😭😭😭

عدلت كانونتها شفتها تعصر وجها بالم شبيج

نور. راسي

مقتدى. هاي من الصياح انطيتها ابرة مهدء شوية وهدات حبيبتي ارتاحي راح اودي تقاريرج لندن واجي حتى توصلنه كلشي بسرعة

نور. هزيت راسي

طلعت كلها التمت علي.

الاب. ها بابا

مقتدى. عوفوها راسها رجع عليها راح اسوي كلشي بس حتى احصل امل بحالتها

الجد. يعني حالتها كلش صعبة

مقتدى. جدا بس ماكو شي مستحيل عند ربك
انا اروح عندي شغل

ابراهيم. مقتدى اريد ادخل

مقتدى. ماتقبل احد يدخل

ابراهيم دقايق واذا ما قبلت اطلع

مقتدى. تمام بس لا اطول

ابراهيم. دخلت يمها لكيتها صافنه بالسكف وبس الدموع تنزل رحت يمها. هاي العيون ماتستاهل تبجي

نور. باوعت عليه وعضيت ع شفتي وزدت بجي

ابراهيم. لا تبجين حبيبتي انتي

نور. اهه 😭 ابراهيم طلكني

ابراهيم. ليش حتى اطلك

نور. لان انا بعد مانفع شي انا هسة بس مجرد نفس يصعد وينزل لا اكدر اتحرك ولا اكدر اسوي اي شي ابسط شي بعد ما اكدر اسويه

ابراهيم. منو كال انتي عندي شلل نصفي يعني تكدرين تتحركين وكلشي تسوين والطب اطور وماكو شي ماله علاج وان شاءالله ترجعين احسن من قبل

نور. ماكو حالتي كلش خطرة وصعبة مالها حل مالها مافيدك

ابراهيم. ماكدر ماكدر افهميني

نور. شفهم شنو التريده كوله شنو الماتكدر

ابراهيم. نور من اول ما شفتج دخلتي كلبي وتربعتي بيه صح مو المكان مناسب ولا الضرف مناسب بس نور انا احبج واعشق واموت بيج جنت ماعايش بس من دخلتي حياتي عشت جنت كله طلعات وونسات بدون ما اهتم من دخلتي حياتي كمت اهتم بكلشي حتى من اريد شي جنت اخذه جاهز من عاشرتج علمتيني اللذة بالتعب والنجاح بدونج جنت كافر ملحد انتي علمتيني اصلي وادعي وحتى من عندي شي ما اروح للعبد اروح للمعبود نور كلشي بيج احبه يومي مايبدي اذا مو بصوتج صح احنه التقينه بضروف وصار كلشي بس احلى شي صار بحياتي انتي انتي نعمة من الله وهدية ربي دزاها الي شلون ترديني اعوفج وانا كل ذرة بيه متعلقة بيج بعدين هذا مايسمونه حب اذا من اول مشكلة تصير وياج اعوفج

نور 😭😭 ماريد اضلمك وياي وانا حياتي مجهولة ماريد انت اكيد تتمنة مرة تتلكاك من ترجع من الدوام وتلكة كلشي متحظرلك تنطيك واجباتك تسندك توكف وياك بكلشي وتشاركك هاي غير عن الاطفال واكيد اهلك ما راح يقبلون جنتهم الوحيدة مشلولة

ابراهيم. قابل بكلشي بس لاتجيبين ذيج السالفة لان تقضين علي تموتيني بيها مسحت ادموعها وبست ايدها لا تبجين لان يذبحني دمعاتج

نور. هزيت راسي

ابراهيم راح اطلع تردين شي محتاجة شي

نور. بس صيحلي سيلين اذا موجودة

ابراهيم من عينوني ينور عيوني طلعت وعيوني حمر سيلين تريدج نور

سيلين. تمام دخلت

ابو ابراهيم. وين رايح

ابراهيم. هنا هسة اجي

سيلين. ها يروحها السيلين بيه ولا بيج

نور. اسم الله عليج هم احد سالج ع السبب

سيلين. كلها سالت ماجاوبت بس مقتدى عرف كلشي

نور. وشسوة

سيلين. راد يلعب لعب بس ماخليته وحلفته بغلاتج سكت

نور. امم سيلين روحي المقتدى وكليله اي شي يصير وياك بالفحوصات لا تكول شي ونور راح تفهمك بعدين

سيلين. ليش

نور. مو هسة تعرفين

سيلين. ماكدر اروحله

نور. ليش

سيلين مو 😢من كتله بالسالفة ومنعته يحجي يكلي اي ادافعين المرت اخوج ماتشوفين ما تقبلين احجي

نور. الخاطري هلمرة

سيلين صار

طلعت

مهند. وين رايحة

سيلين رايحة احاجي مقتدى بشغلة واجي

مهند مو وقتها هسة مشغول

سيلين. نور ودتني

مهند. امشي اجي وياج

سيلين يلا. بكلبي شلون اقنعه يروح وصلنه غرفة مقتدى دكينه الباب

مقتدى. تفضل

دخلنه لكينه مقتدى وموتمن

مهند. اسفين ازعجناكم

مقتدى. لا عادي اكو شي

سيلين ممكن شوية

مقتدى. شكو نور بيها شي

سيلين تعال شوية

موتمن ضلو وانا اطلع

مقتدى. لا ضل هسة اجي تعاي سيلين طلعنه برا بعدنه عن الغرفة شوية شكو شبيج

سيلين. اهدا بس نور تكول اي شي يطلع بالفحوصات لا تكوله ومن تروحلها تفهمك

مقتدى. امم تمام جا ليش ماحجيتي جوة

سيلين . تكول ماريد رابع بالسالفة

مقتدى. وابراهيم طلع من يمها

سيلين. اي وجانن عيونه حمر وهية من طلع كلي نور تريدج

مقتدى. تمام وانتي شبيه وجهج اصفر

سيلين. نور صح بعد مالها علاج

مقتدى. ماكو شي مستحيل والله موجود لا تبجين

سيلين تمام

دخلت يم موتمن كال الدكتور جيميس ربع ساعة واردلك خبر طلعت رحت النور دخلت انا وموتمن

موتمن. ها بخيتنه شلونها

نور. مادري

موتمن. شنو هاي المادري اكلك مقتدى خاف نسينه شي بعقلها شو اختك صايرة هادية

نور. لا تعبان كال اكو دكتور خلص العملية كلها يجوعر

موتمن. اي هسة نور

مقتدى. شنو معنه كلامج وي سيلين

نور. طلع موتمن واكلك

موتمن. يابة انا اتركم بالباب واكف

مقتدى. اي رحم الله والديك

نور. طلع موتمن مو ابراهيم اعترفلي انو يحبني بعد ماطلبت منه الطلاق

مقتدى. شلون اطلبين هيج شي

نور. لان ماريد اضلم احد وياي المهم اعترفلي يحبني وانا اريد منك اذا اكو امل اتعالج لا تكول كول حالتها صعبة وبس

مقتدى. تمام بس ليش تردين تسوين هيج

نور. اريد اعرف يبقى وياي ويحبني بكل حالاتي لو مايصبر ويعوفني وعود بلغ موتمن هم لا يفضحنه

مقتدى. تمام راسلته اجه

موتمن. ها خلصتو

مقتدى. اي شي يصير بخصوص حالت نور يضل بينه فهمت ماريد كائن من يكون يعرف

موتمن. تمام بس ليش

نور. بدون ليش اخ كون بس تحجي اله اخلي ازهار اطلكك

موتمن. لا كلشي ولا زهرتي بالعباس مااحجي

مقتدى. اثكل شوية

موتمن. صح يردن يجنلج

نور من اطلع للبيت صح شوكت اطلع

مقتدى. الباجر اذا كلشي طبيعي اطلعين

موتمن. رد الدكتور

مقتدى. اخ بس

نور. شنو

مقتدى. لازم ننتظر بعد 15 يوم ونعيد الفحوصات

نور. الحمدلله

مقتدى. شبيج

نور. نعست

مقتدى. تمام نامي وانا راح اخليهم يرحون

نور. خلي سيلين

مقتدى. تدلل يحلو طلعت.

الاب. هاا بابا شلونها

مقتدى. زينه اخذت علاجها ونامت انتم تعبتو روحو للبيت ارتاحو هية اتضل الباجر وبالنسبة الوضعها مانكدر نحدد شي منا ال15 يوم نعيد الفحص يلا

ام نور. ابقة يمها

مقتدى. لا حبيبتي روحي ارتاحي بالبيت وتبقة سيلين ومومل يمها

الجد. جا امشو حتى باجر نجي
راحو وبقت سيلين ومومل

مقتدى. ادخلو يمها وشنو يصير اتصلو علي

مومل. ان شاءالله دخلنه يمها نايمة ثاني يوم الصبح كعدت بال6 اباوع ع نور مشددة وزراك اكو بوجها اخ ياخوية شوكت ترتاحين كعدت

نور. صباح الخير

مومل. صباح الورد

نور. شنو مانايم

مومل. لا توني كعدت تردين شي

نور. مقتدى كاعد

مومل. اي اجه مقتدى جابلها ريوك واخذت علاج واجو كلهم انتظرنه للعصر مقتدى كال راح نطلعها رحنه انا وياها وسيلين بسيارة مقتدى وصلنه جدو ذبح جوة رجليها خروف السلامتها جابلها مقتدى كرسي متحرك دخلها بيه

نور. اريد اصعد الغرفتي

مقتدى. ضلي جوة ع ما تصيرين زينه كلش بعدين اصعدج

نور. تمام دخلها بالغرفة الجوة مال الخطار شالني خلاني ع الجرباية تعبت نفسيتي كلش من حالتي

مقتدى. صاعد ابدل وانزل

مومل روح انا يمها

مقتدى تمام

الجد. بابا هذا كله امتحان من ربج اصبري وعوض ربج موجود

نور. والنعم بالله صار الاذان كلها طلعت اباوع ع مومل ضايج وقليل يحجي مومل

مومل. يروحه

نور. شبيك

مومل. مابيه شي ليش

نور. مو علي

مومل. نور ريحي كلبي هيام الها علاقة بطيحتج

نور. لا

مومل. جا شلون

نور. جاي اصعد ولابسة كعب ماانتبهت انلوت رجلي وطحت

مومل بس هيج

نور. اي والله نلوت رجلي وطحت

مومل. الحمدلله حسبالي هيام السبب

نور. لا وانت هذا المنعك لا تجي يمي لا مثل قبل من اتمرض

مومل. اي تدرين متت حسبالي

نور. اسم الله عليك

مومل. 🫂 اخ بيه ولا بيج

نور. اسم الله عليك حبيبي

ام نور. وهذا العشة مشاوي جابهم مهند

مومل. جيبي عنج عمة وارتاحي اخيتي انا اوكلها

نور. ضجت كلش لان ابسط شي الاكل ما اكدر اوكل نفسي

مومل. لا تضوجين ما تكيفين واحد يوكلج واحد يشربج وعمتي تسبحج

نور. ههه اخ من سوالفك بس فدوة لكم صغار مو مثل كلمرة

ام نور. الله يحفظكم ويكومج بالسلامة اكلي ماما لان عمتج والبنات يردن يجن وبيت عيالج

نور. صار اكلت شوية وشبعت

مومل. شنو نص شيش بس

نور. اي ماكدر والله كلش تعبت

مومل. تمام اروح اغسل

نور. صيح السيلين وياك و  مقتدى.

مومل. تردين شي

نور. اي اريد اروح للحمام

مومل. انا اخذج

نور. لا

مومل. ازعل والله

نور. خلاني ع الكرسي ودفعني اخذ صابون غسل وجهي بعدها شطفة بالماي ونشفه ورجعني راد يشيلني. لا صيح السيلين وخلي تجيب مشطي وعطري

مومل. تمام طلعت سيلين وينج

سيلين. ها هنا

مومل. نور تكول تجيب عطري ومشطي

سيلين. صار رحت صعدت اخذت عطرها ومشطها ومرطب مالتها ونزلت ها حبيبتي تردين امشطلج

نور. اي فدوة البنات راح يجن

سيلين تدللين مشطتها ع كيف لان راسها يوجعها من الضربة وخليتلها عطر شالها مومل رجعاها بمكانها خليتلها شال ع راسها نور راح اصب اكل وي عمة واجيج

نور. لا روحو اكلو انتم تعبتو وياي

مومل. تمام

سيلين. صح ميليسا وجولي اتصلن ورادن يحجن وياج

نور. من تخلصين خابريهن

مومل وليش من نخلص انا عندي حل ليش ما اجيبلج الاستاند مال التلفون الطويل واثبتلج عليه التلفون واحجي وياهم ع مانخلص

نور. تمام جابهن مومل واتصل من تلفون سيلين وثبته وراحو حجيت وياهم بعدها سدوه واجو البنات هنة وموتمن ومهتدى وعمتي

العمة 🫂 الحمدلله ع سلامتج يمة بعدوينج ان شاءالله  هاي عين وما صلت ع النبي

نور. الله يسلمج عمة

مهتدى. الحمدلله ع سلامتج خوية ماتشوفين شر

موتمن. الحمدلله ع سلامتج ام النور الله يكومج بالسلامة

نور. الله يسلمكم

رسل. الحمدلله ع سلامتج حبيبتي هاي مني انا ومهتدى

نور الله يسلمج عمري

ازهار الحمدلله ع سلامتج حياتي

نور الله يسلمج

ريان. الحمدلله ع سلامتج خيتو ماتشوفين شر

نور. الله يسلمج ليش مكلفة ع نفسج

ليان. الحمدلله ع سلامتج حبيبتي

نور الله يسلمج عمري

سلمن ام رسل وازهار علي ورا نص ساعة راحن شوية واجو عيالي

ابو ابراهيم. الحمدلله ع سلامتج بنيتي

نور. الله يسلمك عمو

ام ابراهيم. الحمدلله ع سلامتج حبيبة

نور. الله يسلمج عمة

ابراهيم. الحمدلله ع سلامتج نور

نور. الله يسلمك

ابراهيم. شلونج ان شاءالله احسن

نور. الحمدلله

ابراهيم جان جايب

وبيت عمي جايبين

كعدو شوية وراحو كاعدين كلنا ماعدا سيلين شوية واجت

سيلين. مهند يردوكم برا انت ومومل ومقتدى ومهيمن

الجد خير بوية صاير شي

مهند. لا جدو يمكن وصلت طلبيتنه

ابو نور. طلبيه شنو

مقتدى. خلي نشوف ونرجع نكولكم

طلعو الولد شوية ودخلو كل واحد بيده بوكيه شكل وراهم سيلين شايلة شي جبير

مهند. هاي طلعت الطلبية واصلة تفضلي حبيبي نور

مثلها بس مغطيها بلاسق حراري مال اكل
نور. شكرا حبيبي

مقتدى. وهاي النوارتي

نور. شكرا عمري

مومل. وهاي مني يا احلى اخت

نور. شكرا حياتي

مهيمن. وهاي مني

نور. شكرا ليش مكلفين نفسكم

مقتدى. بعد هاي من جاد وجولي

نور. شكرا حسيت بوجع براسي سديت عيوني حيل

مقتدى. شبيج

نور. راسي

مقتدى. اصبري ع مايمشي العلاج

انطيتها العلاج شوي وسكن الوجع نامت وامي نامت يمها كلمن راح الغرفتة بعد 15 يوم رحت الصبح سويت الفحوصات وشلت الجبيرة من ايدي واصابعي وفتحو خياطات راسي  ورا ماخلصت رجعنا للبيت دز مقتدى التقارير الدكتور جيميس كله ننتظر للعصر

صار العصر الكل تجمع بيت عمة وعيالي اجو صارت ب5 اجت رسالة المقتدى جنت كاعدة يمه قريت مضمون الرسالة ان حالتها جدا صعبة ولكن اكو احتمال 20 بالمية تتعالج من خلال العلاج الفيزيائي

الجد. ها بابا شبيكم شو ضليتو صافنين

مقتدى. غمضت عيوني وفتحتهم نور حالتها كلش صعبة

ابو نور. يعني شنو احجي

مقتدى. يعني ماتكدر ترجع الوضعها الطبيعي

الكل مصدوم ونور دموعها تصب

الام يمة بنيتي عزا العزاني

الجد. لا حولة ولا قوة الا بالله

مانعرف نواسيها لو ننقهر ماكمنه نعرف ورا ساعة راحو عيالها

موتمن. يعني ماكو نسبة علاج الها

مقتدى. دز علاج وكال اكو نسبة 20 بالمية ان تخضع العلاج طبيعي بس مو اكيد 100 بالمية ترجع تمشي لان ماتصيرلها عملية واحتمال يسوء الوضع اكثر واكثر

مهتدى. لا حولة ولا قوة الا بالله عندي دكتور باستراليا راح ادزله التقارير هم هذا بروفسور بجراحة الاعصاب والدماغ

مقتدى. اي عادي

نور. اريد اصعد الغرفتي

مقتدى. اخذج جوة

نور. لا اصعد فوك

مقتدى تمام شلتها وصعدت وصلت الغرفتها خليتها ع الجرباية وجاي اعدل بالفراش

نور. مقتدى ليش مامتت

مقتدى. وكفت عن الحركة انصدمت منها. احم اسم الله عليج ليش هيج تحجين بعدين هذا امر الله

نور. جا شنو حياتي بعد ما فقدت كلشي انا صرت عالة عليكم كلكم 😭 جاي اتعبكم فوك تعبكم ابسط الاشياء ماجاي اكدر اسويهن جاي اتعبكم من اريد اروح المكان لو الاكل لو الحمام بكلشي جاي اتعبكم تعبت انا هم ليش ماتحسون لو ميته ولا هيج ليش ربي ليش كله انا

مقتدى. اششش لا تبجين حبيبتي ووعد علي لاخليج تمشي واحسن من قبل

نور. لا تحجي هيج ماريد اتامل وبعدين كلشي ماكو

مقتدى معليج يمي

مر اسبوع حالتي من اسوء لاسوء اكلي قل ماحجي وي احد وماريد اشوف احد اجن البنات وماقبلت اشوفهن واجو الولد وابراهيم وعمتي  والليل كله مخلصته بجي ادمرت نفسيتي كلش كاعدة بالغرفة وصافنه بالفراغ بعد ما توسلو كلهم بيهة اكل واكلت شوية شوية واندك الباب

نور مسحت دموعي تفضل

مقتدى وسيلين. نور بيت عيالج جوة ويردوج ضروري

نور. ماريد اشوف احد

مقتدى. نور فدوة بلا عناد الخاطري يكولون عدهم موضوع ضروري

نور. استغفر الله تمام بس انطيني سيلين عباية اسلامية من عباياتي وشال

سيلين من عيوني ساعدتها لبستهم ولفيت شالها وثبته الها نزلت انا الكرسي مالها ومقتدى نزلها خلصنه الدرج كعدها ع الكرسي ودخلنه جان الكل موجود حتى بيت عمة

نور دخلت سلام عليكم

الكل وعليكم السلام

نور. اباوع ابراهيم مو ذاك الاعرفه يباوعلي ويدنك رايه بس متغير ذبلان وحتى سواد جوة عيونه اجه

ابراهيم. شلونج

نور. تحت رحمة الله

ابراهيم والنعم بالله

ام ابراهيم احنه من الاخير مانريد انطول بالموضوع انتي بعد ماتنفعين تصيرين جنتنه

الكل مصدوم

ابراهيم. هم رجعنا ماكافي ماسدينه الموضوع شلون تحجين هيج يمة

ابو ابراهيم انتي ماتملين يمرا مو دمرتي الولد صار اسبوع ماتهمج حيات ابنج

ام ابراهيم. لا ما امل انا شعندي غيره هل وحيد شلون تريدني ازوجة وحدة كلشي ماتكدر تسوي وعايشة ع الكرسي

الجد. شنو هلحجي هذا شنو السالفة ابو ابراهيم

ابو ابراهيم. نعتذر منك عمي امسحها بوجهي مرتي الظاهر ماتعرف تحجي

ام ابراهيم. لا اعرف احجي ما يشرفني وحدة مثل هاي ماتنفع بشي تصير جنتي من البداية حسيت بيها مو وجه نعمة ولا بيها خير لان لو بيها خير جا كونت نفسها

ابو نور. شكاعد يصير انتم جاي تهينون بنتي وبيتنه

ام ابراهيم. شوف هاي كدام الحاظرين لو نور تصير جنتكم لو اطلكني واغضب عليك يبن بطني ليوم الدين

ابراهيم. ليش هيج وياي ليش تحاربيني باعز شي عندي ليش،ماهمج حياتي ليش عكس الامهات انتي ليش ماتردين سعادتي انا سعادتي يم نور وبس ليش اموت نفسي يلا ترضين هااا

نور. ابراهيييم

كلها دارت عليها

نور. اذا من صدك تحبني طلكني وروح عيش حياتك

ابراهيم. ماكدر والله ماكدر احبج يابنت الناس احبج فهموني

نور. 😢مسحت ادموعي انا الفاهمتك بس سوي مثل ما كتلك من اول يوم وانا بالمستشفى كتلك انا ما اكدر اصير الزوجةالتتمناها طلكني لان مو انا الابني حياتي ع هدم حيات غيري ولا انا ارضة تنخرب حياة عائلة من وراي ولا اقبل امك تغضب عليك

ابراهيم ياناس يا عالم ماكدر ماكدر

نور. بلعت غصتي  مقتدى خابر ع شيخ شي سيد يجي يطلكنه

مقتدى.شنو هلحجي نور

نور. فدوة مقتدى

مقتدى. باوعت ع جدي هز راسه. صار

الجد. احنا هم العائلة التهين بتنه باول طيحتها ماعدنا الهم مرة بعد

اجو مقتدى ومومل ومهند ومهتدى وموتمن وراي صارو. ولا احنه النفرط باختنه وننطيها الناس ماتعرف قيمتها وتتركها باول طيحة الها

اجه الشيخ اخذ اوراقنه وضل ينطي نصايح عن الزواج وابغض الحلال الطلاق انا منزلة راسي وابراهيم هم

الشيخ بدا يسالنه. شنو سبب الطلاق

الجد. البنية صار وياها حادث وصار عدها شلل وماتكدر تزوج
بدة ينصح وينطي حكم ومواعض بعدها سالنه

الشيخ هل موافقين ع الطلاك

نور. بلعت ريكي. نعم

ابراهيم. ما اكدر حتى احجي طاحت دمعة مسحتها. ن نعم

الشيخ كوم اوكف كدامها وانطق الكلمة

ابراهيم كمت وكفت كدامها اريد احجي ماكدر

الشيخ يلا ابني

ابراهيم. نور انتي غمضت عيوني وفتحتهن انتي طالق

نور اخر جزء باقي بيه ادمر بس اصريت اضل قوية حتى لا ابين ضعفي كدامهم ام حية مثل امه ما شفت. كمل الشيخ كلشي وطلع

ابو ابراهيم. احنه نترخص ونعتذر ع كلشي

الجد. الله وياكم

نور. اوكفو كلها ضلت تباوعلي حتى ابراهيم

ابو ابراهيم. كولي بابا

نور. انتظرو ثواني اذا ماكو زحمة. مقتدى

مقتدى كولي

نور. همستلة وراح هو ومومل ومهند شوية واجه

ابو ابراهيم شنو هاي

نور. هاي حلقتكم جنت نازعتها لان بسبب ايدي وهاي الذهب مال المهر والهدايا مالتكم الجبتوها الي وهاي هدايا الجابهن ابراهيم بكل مرة نلتقي لو مناسبة وهاذة مهركم وكلشي يخصكم وجبتو حتى الدب والورد

ابو ابراهيم. لا بابا هذن الج وباعتبار احنه ردنه الطلاق فهنة حلالج

نور. العفو عمو بس ماريد ابين بنت فكر واخذهن الحمدلله عيني مليانه واهلي معروفين وجدي معروف وانا خفيدة ال رحيم

ام ابراهيم. لا خليهن جيبهن هية مبينه شنو

ابو ابراهيم. اسكتي وحسابج بس نرجع

نور. اخذوهن من مقتدى والولد الغراض. واريد اكول شي قبل ما ترحون

مومل . لا نونايتي لا تعبين نفسج انا اعرف شنو راح تكولين. مع احترامي الكم بس ما يشرفني اكلكم عمي لو عمتي لان ماعدنه هيج بالعائلة بس نور بنت نعمة وخير وشايفة وعينها مملية مو مثل ما تكولون انتم تدرون نور ثاني اغنه وحدة بعائلتنه بعد جدي تدرون نور بنت نفسها بنفسها بدون ما احد يساعدها تدرون نور عدها عمارة ونص مستشفى بلندن باسمها وبيت وعدها هنا مزرعة بمنطقة، ،، الي تعتبر اغلى شي وعدها عمارة ومحلات 3 ومشغل خياطة وعدها اغلى سيارتين بالعالم وهي جي كلاس وبي ام دبليو لو لا تدرون نور عدها ربع مستشفى التعالجت بيه وربع المركز الطبي النداوم بيه نور عدها اكثر من كيلوين ذهب و3 عقود الماس من غير حسابها البنك تدرون ليش تكولون عنه مو وجه نعمة لان ما يهمها الفلوس ولا المضاهر كل همها ترضي ربها واهلها وتعامل الناس مثل ماتحب يعاملوها

ام ابراهيم. ههههه ضحكتوني اذا صدك كلامج ليش ما حجيتو من البداية

مهيمن. لان ما رادت تصغركم وتطلع هي اغنة منكم مارادت يحجون عليكم الناس ويكولون زوجوها ابنهم الخاطر فلوسها جانت رايدتلكم الخير بس مع الاسف عليكم

ابو ابراهيم. الله يوفقج بنيتي ويزيدج اكثر واكثر ويعوضج بكلشي ويعوضج بالاحسن من ابني واهل احسن منه اتمنه تسامحيني والله احبج واعزج بمعزت ولدي يلا امشو

طلعو ضلن بس دموعي ينزلن

ابو نور. لا تنقهرين عليهم هم الخسروج خسرو جوهرة ثمينه

نور. لا بابا ما انقهر ع شي بس ابجي ع حضي. مقتدى فدوة اريد اصعد

مقتدى. امشي اخذها صعدتها الدرجة دخلتها للغرفة. اباوع ع نور شبيج نور

،،،،،،،،،

انتظرونا