رواية احفاد ال رحيم الفصل السابع وخمسون 57 - بقلم سـيـريـوس | Sirius ✨

مُو تعَودني عَليك وتمشي مَني
خَل اگلك كلِشي عني
انَا طيِب مَا أنَام مِن أسمَع حچَاية
تَغثني چي وَفي مَحد فهمِني
انَا يَمكن رَقم وأحد بالحِزن
بَس جَاي أكابِر .

,,,,,,

جنت لابسة

وسيلين

نور. دخلنا انا وسيلين فرحانين لان تم تكريمنا ع مشروعنا وبسبب نجاحة تلكتنه ماما وعمة ام مهند

ام نور. ها يمة بشرن خفت عليجن من كد مامتوترات

نور. ماما نجح مشروعنه وتكافانه عليه

ام نور وام مهند. الف الحمدلله والشكر ربي ما ضيع تعبجن 🫂بوسنه

نور. الحمدلله يلا ماما نصعد نبدل ونصلي ع مايجون الولد

ام نور اي ماما روحن ارتاحن

نور جاي نحجي انا وسيلين ونصعد الدرج جان نشوف جود يريد ينزل جود عمرة سنة وكم شهر وقبل اسبوعين صعد بايتين وطاح ما انتبهنه ع نفسنه ركضنه احنا وغراضنه ركضت سيلين قبلي وانا وراها سيلين وصلت وشالته وانا استوني وصلت اخر باية جان تنعوج رجلي ووكعت ع الدرج ع جهتي اليسرة اخخخخخخ بعدها ادحرجت من الدرج الا ان وصلت للكاع

سيلين. جاي نصعد وشفنه جود ركضنا اثنينه عليه انا لان لابسة حذاء رياضي فركضي اسرع ونور وراي تركض وصلتله شلته وصعدت الدرج نور وصلت اخر باية وما احس الا طاحت من اخر باية للكاع نوررررررر نزلت ركض وراها وماشوف غير الدم ترس الكاع

ام نور. يمهههه بنيتي ماتت نور نور

ام مهند. عمة نور نور

ام مومل ولجن اتصلن باحد ياخذها

سيلين انطيت جود لبنت ام سامي وطلعت صحتله. سامي عفية شغل. السيارة وتعال شيل نور طاحت من الدرج

سامي. روحي وجاي وراج

سيلين. دخلت وشفتها تضحك وتغمض عينه وتفتحة

النسوان. يمهه يمة راحت البنية

سيلين. وخرن تعال فدوة شيلها شالها صعدت ركض صعدت غراضنه وقفلت الغرفة ونزلت وراه ركض بيدي بس تلفوني كعدت يمها وساق
فدوة بسرعة 😭راح تموت

سامي. هاي والله جاي اسوق بس اتصلي بالولد قبل لا يطلعون خلي يتحضرون

سيلين. اي صح مسحت ادموعي وايدي ترجف دكيت ع مقتدى دك. سداه دكيت مرة ثانية

مقتدى. الو سوسو

سيلين. بجي مقتدى احنه اهه جايين للمستشفى

مقتدى. بس اهدي ليش شصاير ماجاي افهمج

سيلين. مسحت دموعي. اجينه من الدوام جاي نصعد نبدل و

مقتدى. اسكتو خلي افهم سيلين وشنو فهميني

سيلين. وو وطاحت نور من اخر باية للكاع 😭

مقتدى. شنوووو هسة جاي

سيلين. لا احنه راح نوصل جبناها انا وسامي لان محد بالبيت جان

مقتدى. تمام بس نور بيها شي

سيلين 😭 سابحة بدمها بس بعدها عايشة

مقتدى. الحمدلله ايدي ترجف كامت حيل بسرعة خلي يسوق

سيلين. اي بكل سرعة جاي يسوق هاي وصلنه

وصلنه وكف سامي السيارة باب المستشفى اجو كلهم يركضون مقتدى ومومل ومهيمن وموتمن ومهتدى شالها مقتدى وركض بيها وانا وراهم دخلوها الغرفة وضليت انا برا ابجي ربع ساعة واجو ماما وعمة وعمة وعمة وعمامي وجدو وبابا ومهند يركضون

مهند. سيلين وينها نور

سيلين 😭😭 جوة ودخلو وياها الولد وممرضات هواي ودكاترة بعد

مهند. اشش حبيبتي مادام ما طلعو ماكو شي 🫂
سيلين 🫂😭

مهند. شنو هذا الدم بايدج

سيلين. اهه. اهه دم نور

مهند. تعاي وياي غسلي

ربع ساعة واجه ابراهيم واهله

ابراهيم. شبيها نور شصار

مهند. جوة ماندري بعد محد طالع

شوية وطلعو الدكاترة بقن بس الممرضات مقتدى وموتمن ومومل وياهم دكاترة طلعو ركضو الغرفهم بقة مهتدى ومهيمن

الجد. وكفت كلبونه شصاير وليش ركضو

مهتدى. الهسة مانعرف حالتها شنو جسمها بكل مكان اكو شي عدها جرح براسها جبير وحدها جروح وكسر بجسمها وهواي اشياء حاولنه نوكف النزف ماكو راح ندخلها عمليات والولد راح يتجهزون ويجهزون الاجهزة للفحص حالتها خطرة ادعولها

الكل يبجي

مهند. عمة يمة اذكرن الله كالو ادعولها دعائجن مستجاب
شوية وطلعوها ملبسيها لبس مستشفى ويدفعون بيها

ام نور. بنيتيييي نور لا تخليني وترحين مالي حمل فراك مرة ثانية

كعدن يهدن بيها

ام نور. والله اجن فرحانات من الدوام ناجح مشروعهن ومكرمينهن والله اجن ما سايعتهن الدنيا من الفرح ليش ربي ليش هلبنية مايدوملها الفرح ليش

مهند. اذكري الله عمة دعيلها وان شاءالله ترجع بخير وسلامة

دخلوها للعمليات ولا ساعة ولا ساعتين صار 5 ساعات عمتي ام نور صار صعد عدها السكر ووكعت حولوها الغرفة وانطوها علاج وجدو صعد عنده الضغط مرت 8 ساعات هسة 10 بالليل طلعو الدكاترة من ضمنهم مقتدى ركضنالهم كلنه والكل ع وجهة علامات القلق وماكو واحد عنده الجراة يسال

ابو نور. 😢 ها

مقتدى والولد ساكتين

موتمن. الحمدلله ع سلامتها كدرنا نوكف النزف حالتها جانت كلش خطرة ومازالت خطرة لان الطيحة صايرة ع راسها وهذا السببلها نزيف وعدها كسور بجسمها وجروح وعدها كسر حتى باصابع اديها لان ممكن جان تحمي وجها حاليا وضعها بعده مامستقر وخطر خليناها بالعناية المركزة الا ان تصحة ونشوف الوضع عدها العافية ان شاءالله

العمة. يمة يعني شنو تشوف الوضع

موتمن. يمة الطيحة صايرة ع الراس يعني اذا تاثر ع جسمها احتمالات هواي منها شلل او شلل نصفي او فقدان ذاكرة او عمى او فقدان النطق او السمع وهواي وحتى اذا لاسامح الله ورجع النزيف ممكن نفقدها انتم بس ادعولها وان شاءالله ماكو شي. رحنه للغرفة بدلنه الملابس وغسلنه مقتدى شبيك

مقتدى. ماكو شي

مهتدى. شلون ماكو شي شوف وجهك شصار

مقتدى. كلت ماكو شي لا تلحون كعدت ع الكرسي ورجعت راسي ليورة لان صارت عندي دوخة قوية ورجفة بايدي. كعد يمي مومل يفرك براسي

مومل. اشش اعرف شبيك خليني

مقتدى سكتت شوية وكمت

مهتدى وين

مقتدى. اروح اطمان ع نور وابلغ الاهل يرجعون

موتمن امشي

مقتدى رحنه كبل دخلنه للغرفة شفنه الوضع نفس الشي طلعنه

ابو نور. ها بابا طمني مو كلبي خلص

مقتدى. سلامت كلبك يابا والله تحت رحمة ربك مانكدر نكول غير هيج ماندري لا شوكت تكعد ولا شنو الراح يصير

ابو مهند. عمو وشنو الحل

مقتدى. اتاخر الوكت هسة روحو ومنا الباجر الله كريم انتم هم تعبتو صح الوالدة وين

مهند. عمتي صعد عدها السكر وحولوها لغرفة وياها امي وسيلين

مقتدى. تمام اروح اشوفهم وارجع

مهند جاي وياك. مشينه شوية. مقتدى شنو وضع نور بدون لا تضم

مقتدى. والله مثل ماكتلكم

مهند. وانت شو كلش ماعاجبني

مقتدى. ماكو شي بس تعب دخلنه للغرفة اجت سيلين تركض وشبكتني اول مرة تسويها كدامهم وتبجي

مقتدى. اشش لا تبجين نور ماتحب احد يبجي عليها ادعولها بس

سيلين. اهه اهه جنة كاعد نضحك فجا تحول كلشي

مقتدى. هذا قدرنا شلونها امي

ام مهند. زينه عمة نزل سكرها بس اكو دكتور كال انطيتها مهدء حتى تهدا وتنام

مقتدى. شلون صار وطاحت

سيلين مو وكتها تكعد نور وتحجي

مهند. ليش اكو شي بالسالفة

سيلين لا عادي

مقتدى. مهند اخذهم ورجعو للبيت كلها تعبانه ودربالك ع ابوي

مهند وانت مو خلصت شغلتك

مقتدى لا تنسة نصها الي واكدر اضل بكيفي بعدين امي ونور هنا ونور من مسوليتي خاف كلشي يصير اخذهم وروح جدي وابوي تعبو حتى الولد من الصبح ماماكلين وتعبو ودربالك ع مومل لا يطيح علينا

مهند. ان شاءالله

سيلين. خلي اضل هنا فدوة ماكدر اعوفكم

مقتدى. لا حبيبتي روحي انتي تعبتي اليوم وباجر الصبح تعاي وي مهند ومومل من يجون وجيبي وياج ملابس الي والامي

ام مهند. يمة انا اضل هنا صح اخيتك ماكو داعي واحد يمها بس ابقة يم امك

مقتدى. براحتج عمة يلا مهند وانتي مثل ماوصيتج تلكينن نسخة من مفاتيح غرفتي بمفاتيح نور واكلي لان كلبي خلص ماتحمل بعد

سيلين. ان شاءالله بس دربالك ع نفسك

مقتدى. طلعنه كلنه يلا يابا جدو رجعو للبيت حتى انتم شباب ابراهيم خوية اخذ الاهل ورجعو ضلتكم ما منها فايدة

ابراهيم. ماكدر اعوفها

مقتدى والله خوية ماكو داعي اصلا باجر وهم ماندري تكعد لو لا لان الضربة قوية

الجد. بابا مرت عمك وين

مقتدى. راح تضل يم الوالدة وانتم خوية مهتدى موتمن. مشكورين ع وكفتكم اخذو عمتي وروحو تعبتو اليوم

مهتدى ماتسكت شنو هلحجي بعدين انت اخونه ونور اختنه مثل ماهية اختك وانخاف عليها اكثر منك مالك حق هيج تكول

موتمن. انا ماروح اصلا باجر جمعة وماعندي شي وماعوف نور وعندي عملية الصبح لازم اجهزلها

مقتدى براحتك بس انت مهتدى روح خوية ارتاح وباجر تعال

راح الكل بقة موتمن رحت الغرفتي توني افتح الباب ودخت كلش لزمت الحايط

موتمن ها خوية شبيك اسم الله

مقتدى ماكو شي بس دخت

موتمن خاف هبوط

مقتدى. لا ماكو شي

موتمن. تعال ادخل ارتاح دخلته كعد قست السكر والضغط هبوط عنده اتصلت ازهار فتحت خط هلا بنيتي

ازهار شلونك

موتمن. الحمدلله وانتي

ازهار الحمدلله قلقت عليكم اليوم ماكو لا انت ولا البنات صاير شي

موتمن. اي نور طاحت من الدرج وجابوها للمستشفى وملتهين بيها

ازهار. يمة عزاا وشلونها خو مامتاذية

موتمن. مدمرة دمار ووضعها خطر ادعولها

ازهار. ربي يكومها بالسلامة وهسة انت وين

موتمن. بالمستشفى وي مقتدى

ازهار وشلونه

موتمن. تعبان كلش منا اخته ومنا امه ارتفع سكرها ومنيميها مستشفى

ازهار. الله يساعدكم ويساعده مايستاهلون عادي اجي

موتمن. اذا تردين تجين تعاي باجر واتصلي بامي وخلي تمرلج من تجي

ازهار. تمام دربالك ع روحك وطمني

موتمن. ان شاءالله سديته مقتدى انتظر اجيب عصير واجي طلعت جبتله اكو يم المستشفى مطعم كلشي يبيع جبت عصير طبيعي وخليتله منوم ينوم ساعتين 3 خفيف يصير لان هذا مخبل يضل يفتر وهو ماماكل ولفات لان خطية عمته هم وديتلها الها والام مقتدى ورحت المقتدى هاك بغلاة نور اكل حتى لو بس شوية

مقتدى. تمام اكلت شوية من اللفة وشربت العصير وماحسيت بعد غير نمت كعدت راسي بيه دوخة خفيفة ونايم بغرفتي ع القنفة ومتغطي باوعت ساعة 6 الصبح كمت غسلت وطلعت رحت الغرفة امي وعمتي نايمات رحت النور لكيت موتمن يمها

موتمن. صباح الخير شلون صرت

مقتدى. صباح النور مادري شلون نمت بس احسن همزين نمت هاا شلونها

موتمن. مثل ماهية ننتظر يستقر وضعها وتكعد ونشوف

مقتدى. الله كريم

طلعنه رحنه للغرفة موتمن. مقتدى اكعد راح اجيب اريوك ونروح يم عمة واكل يمها وطمنها لا يصيرلها شي

مقتدى. تمام

رحت جبت ريوك ورحنه دكينه الباب

ام مهند. تفضل

دخلنه

مقتدى. صباح الخير شلونج يالغالية

ام نور. 😢 شلوني واخيتك ماعرف عنها شي

مقتدى. وداعتج ما اخليها بس قوي نفسج وادعيلها ولا تبجين

ام نور. ان شاءالله

مقتدى. فدوة يمة ساعديني وكومي ع حيلج اثنينج ماكدر ما اتحمل ع الاقل انتي قويني حتى اقوة واساعدها

ام نور. الحمدلله ع كل حال لا تخاف يمة مابيه شي

مقتدى. جا اكلي حتى تاخذين علاجج

ام نور. تاكل وياي وتخليني اشوفها

مقتدى. من عيوني اكلنه اخذتها تشوف نور

ام نور 😢 سودة علية بنيتي ملفلفة كلشي ما مبين منها رحمتك ربي هية هلبنية عندي لا تفجعني بيها

رجعتها للغرفة شوية واجو الكل

الجد. ها بابا شلون اخيتك

مقتدى. تحت رحمة الله

الجد والنعم بالله ماكو احسن منه

مقتدى. جا وين ابوي

مهند. عمي غبش من الفجر.راح للامام علي وراح وياه مهيمن يكول ماكو احسن منهم بعد ربي هم ينقذون بنتي

مقتدى والنعم بالله انا اروح وانتم ضلو هنا يم الوالدة واي شي يصير ابلغكم

مهند. ان شاءالله

طلعت اجت وراي سيلين

سيلين. شلونك

مقتدى. الحمدلله بعد عندي قوة اتحمل

سيلين. الله يكومها بالسلامة هاي جبتلك غراض الك

مقتدى. شكرا تعبتج

سيلين. تدلل غير انت زوجي واذا انا ماوكف وياك منو يوكف وبعدين نور اختي

مقتدى. سيلين عادي تجين وياي للغرفة عندي حجي وياج

سيلين اي عادي رحت وراه للغرفة

سيلين. اكلت شي لو باقي بلا اكل

مقتدى. اي اكلت وانت

سيلين. اي

مقتدى. سيلين شلون طاحت نور

سيلين. 😢

مقتدى. بداعري اذا تحبيني كولي

سيلين. نصي صوتك وراح اكلك

مقتدى. اي كولي

سيلين. بصوت ناصي. اجينه من الدوام فرحانين لان كرمونه ع نجاح مشروعنه فعمة كالت روحن سبحن وبدلن وصلن ونزلن ع مايجون الولد نصب غدا وجان جدو وبابا وعمامي معزومين ع غدا فجاي نصعد ونشوف جود يريد ينزل الدرج بش يمشي اليورة نور جانت لابسة تكرم كعب وانا رياضي فركضنه خفنه لا يطيح انا ركضت اسرع من نور نور من وصلت الاخر باية انلوت رجلها وطاحت من الجهة اليسرة مالتها وخلت ايدها ع وجها وادحرجت الدرج كله ركضت وراها لكيتها سابحة بدمها وتبتسم طلعت السامي وجابنه😭

مقتدى. استغفر الله هم صخام هم صخام شوكت تخلص هلبنية كل مشكلة تصيرلها وراها صخام كل ضيمها منها

سيلين. هدي فدوة عليك الله بداعت نور وغلاة امك لا تحجي خلي نور تكعد وهية تتصرف

مقتدى. شلون فهميني شلون

سيلين ماريد تتهورون وبساعة عصبية اتسوون شغلة بعدين تندمون عليها لاتنسة انتم الاخوة ال3 النور كلكم عصبيين واندفاعيين وخايفة ع مومل شفت سابقا شصار خلي نور تكعد وهية تحكم بكيفها

مقتدى. استغفر الله استغفر الله 😒 اكول خاف لان مرت اخوج ما تقبلين عليها

سيلين.😢 رحم الله والديك هيج طلعتني انانية وجلبة وكل حس مسولية ماعندي ليش الجوة مو اختي واعز من روحي وانت مو زوجي. من حقي ماخليك تغلط غلطة تندم عليها ليش مو مهند اخوي ابن امي وابوي وماريده يغلط غلطة يدفع ثمنها هذا مخبل خبلتها الشرطة يكتلها مايرفله جفن ويروح ضحيت تهوره لو مومل الاندفاعي وعصبي الي لو عصب ابوه مايوكف بوجها وع ساعة يرجعله مرضة واخسره هيج طلعتني انتم كلكم ماتهموني وتهمني هيام مشكور

مقتدى. موقصدي هيج

سيلين 😭 وطلعت من الغرفة رحت للحمامات بجيت بعدها غسلت من داخلي عاذرته لان مهما يصير اخته بين الحياة والموت بس ظاهري ضايجة مايصير هيج يتهمني طلعت لكيت جايين عيالها وعمة جايبة البنات ازهار ورسل وريان وليان وجاية اذن الظهر راحو مهند وابراهيم جابو اكل بس لاحظت مومل مايحجي ومنعزل جابو اكل محد اله نفس ياكل بس انجبرو ياكلون شوية صار العصر اجه عمو ومهيمن ونور بعدها رحت يم مهيمن شبكته وبجيت

مهيمن. شبيج يروحي

سيلين. عادي نطلع منا

مهيمن تعاي طلعنه. شبيج

سيلين. خايفة ع نور

مهيمن. نور قوية لاتخافين عليها تدرين دخلت من دعيتلها برد كلبي وطاح هذا العلك بيدي حاولي ادخلين وتربطيه بيدها

سيلين. ماكدر

مهيمن. ليش شصاير

سيلين. ممنوع الزيارة حالتها خطرة

مهيمن. صاير شي انتي ومقتدى

سيلين. ماكو شي هيج تحاجيت انا وياه

مهيمن. هو بيا حال وانتي فوكه ما تشوفينه جنه مخبل صاير مايعرف شيسوي

سيلين.عوفك مني مهيمن لا تعوف مومل من امس لليوم ما حجة واكل لكمتين وكام ومادري شبيه انطيه العلك هو يدخل ويربطه بلكي يرتاح شوية

مهيمن صار تعاي دخلي ولا تضغطين ع الولد البيه مكفيه

سيلين. ان شاءالله دخلنه مهيمن اخذ مومل وطلعو

مهيمن. شبيك خوية

مومل. مابيه شي بس بالي يم نور وسالفة طيحتها ما داخلة راسي

مهيمن. ان شاءالله تكوم بخير وسلامة هاك هذا

مومل. شنو هذا

مهيمن. هذا علك من دخلنه انا وعمو جاي ادعيلها جان يطيح بايدي واجه هذا لازم ريشة كال هذا هدية من الامام المن جاي تدعي ربطة بايده وان شاءالله خير

مومل. تمام رايح اشوف مقتدى واشوف

مهيمن. امشي رحنه الغرفة مقتدى لكيناه كاعد وي الولد. السلام عليكم

الكل وعليكم السلام

مومل. مقتدى اريد ادخل النور

مقتدى شسوي

مومل. هذا علك من الامام هدية النور اريد اشده بايدها

مقتدى شنو هدية

مهيمن. حجيتلهم السالفة

مقتدى. تعال وراي

مومل. رحنه دخلنه ايدها اليسرة مكسورة واصابع ايدها اليمنه وراسها ملفوف اخ ياخوية شديت العلك بايدها اليمنة بيه ولا بيج

مقتدى اسم الله عليك كلمن وقدرة امشي نطلع طلعنه صارت ب8 طلعت الممرضة تركض من غرفة نور اجو الدكاترة ومقتدى وموتمن دخلو شوية وطلعو

ابو نور. ها بابا شبيها اختك

مقتدى. ،،،،،،

،،،،،،

انتظرونا