رواية احفاد ال رحيم الفصل الرابع وخمسون 54 - بقلم سـيـريـوس | Sirius ✨

حبيتك شجاني
         وما حسبت احساب
   خيعونك علي مو انا خيعوني
  متحبني واحبك والمصيبه انوب
    اريدك ونهزم من ليريدوني !

جبار رشيد

,,,,,,,,,,,,,,,

نور. دك التلفون نسيت ابراهيم اخذت التلفون فتحته وخليته ع اذني بنعس  الو

ابراهيم. هلا بهلصوت

نور. امم منو انت

ابراهيم. شنو منو انت انتي وين

نور. بلغرفة

ابراهيم شسوين

نور. نايمة

ابراهيم.  هههههه روحي حبيبي نامي نوم العوافي سديته ونمت

نور. كعدت الصبح ع صوت الموبايل عمتي ادك

العمة صباح الخير حبيبتي

نور. صباح النور عمتو

العمة شني يمة نايمة وكعدتج

نور. اي بس همزين وراي هواي شغل وعندي علاج

العمة. هاا موردتج بشغلة

نور. تامرين عمة كولي

العمة. يمة ردت كم شغلة للبيت اشتريهم واريد احجز كيك وشغلات للحفلة

نور. صار عمة اخذ اذن من خطيبي وجدي واذا قبلو اجيج العصر

العمة. يمة فدوة للبنات الله يحفظج

نور. تسلمين عمة ويطول بعمرج تردين احد اجيبه وياي

العمة. هلا باليجي

نور. سديته كمت غسلت وبدلت ملابسي لبست حجابي وكعدت جولي واتصلت بابراهيم

نور. الو صباح الخير

ابراهيم. يا هلا بهلصباح صباح الورد والياسمين. شلونج

نور. الحمدلله وانت

ابراهيم. انا من اكون وياج اصير احسن شخص صحيح امس شبيج من اتصلت

نور. اتصلت شوكت

ابراهيم. شنو شوكت امس ب11 ونص اتصلت وانتي نايمة يمكن

نور. اي نايمة وشحجيت وياك

ابراهيم. كلشي ماكو خلصتيها اممم ما امم

نور. اي مو امس تعبت حيل فنمت ع وكت

ابراهيم اي شنو الاخبار شصار ما صار

نور. الحمدلله كلشي تمام وصح عمة تريد اطلع وياها العصر تحظر للحفلة اروح

ابراهيم. بيها الخير. اي روحي بس من اتصل جاوبي فدوة لا تقلقيني

نور. تمام بس ها هسة راح انزل وراح اعوف التلفون فوك خاف تتصل وماتحصلني لا تقلق

ابراهيم. براحتج يلا عيني انا استاذن عندي شغل

نور. الله وياك قفلت الغرفة ونزلت صبحت عليهم وتريكنه وكلمن طلع المكان بقيت انا والبنات هيام راحت وي عمتي تريدها بشعلة. جولي الغرفة قفلتها اذا تردين تصعدين كليلي انطيج المفتاح

جولي. ليش قافلتها

نور. بيها شغلات مهمة والولد من يدخلون مرات ياخذون شي مايرجعوه بمكانه وتصير علي هوسة

جولي تمام العصر عندج شي

نور. اي اروح عمة تريدني

جولي ها تمام ردت اروح افتر واشوف فستان للخطبة

نور. باجر نروح

ورا الغدة. نور. جدو بعد اذنك واذن الحاظرين عمة اتصلت علي تريدني اروح وياها للسوك اروح

الجد. اي بابا ولا تقصرن وياها هية مرة وبحدها وانتم بابا الشباب هم لاتقصرون وي اخوكم

الكل. ان شاءالله

نور. جا انا اروح اتجهز حتى اروحلها ع وكت

الكل براحتج

اجن وراي البنات لبست بنطرون وتشيرت وفوكاه جاكيت طويل اصلا احنه بشته وخليت حمرة ومسكارة وواقي لبست اكسسوار وجهزت جنطتي واخذت فلوس. شوفن هذا المفتاح واحد عند جولي واحد عند سوسو تفقفلن الباب زين لان مهري وفلوس بيها وذهبي وكم شغلة خاصة بالولد انا قفلت الكنتور مالتي بس للاحتياط لان اوراق خاصة مالت الولد يمي

البنات تمام اخذت سويج السيارة ونزلت هسة ب2

الجد. ها بابا رايحة

نور. اي جدو هم يالا

الجد. منو يروح وياج

نور. جدو بسيارتي

مقتدى انا اروح يم الوللد

نور. تمام تعال رحنه بسيارتي لان الولد بعد شوي يجون البيت عمة وصلت استقبلتني وحجينه ع كم شغلة وطلعنه تسوكنه والكيكة راح ازهار تسويها لان كيكها يجنن ومرينه للمحل. حلويات حجزت كم نوع حلا المحل مو مالنه لان تريد كمية كلش جبيرة والشغل ما يلحك خلصنه كلشي بيتهم حيل جبير ماخلت لا بردات لا مقدمات لا ورد مسواك كله تجديد صار مغرب رجعنه تعبانين موتمن كال ماطلعون اله عشا طلب من برة اكلنه وكتبنه قائمة للولد يجيبوهن غراض ماي عصاير ككاو كيك وتوزيعات المهر رجعت للبيت كاعدة يم البنات  اتصلت علي رسل

رسل هلو نور شلونج

نور. هلا بيج الحمدلله

رسل اريد اطلب طلب بس خجلانة

نور. افا تخجلين من اختج كولي

رسل احم اريد باجر نروح نحجز بدلة وصالون عمة كالت شوفي منو تاخذين اريدج وياي لان ماما ماتكدر تروح وياي ملتهية والبنات وياها بس ريان وياي واحنه مانعرف

نور. مو تدللين اذا لاختي ماوكف المن اوكف

رسل. فدوة احلى اخت اخ

نور. شبيج

رسل شلون تغزلت بيج كرصني

نور. ع عنادهن عكب باجر اخذج المكان يموت

البنات ههههههه

سديته منها ثاني يوم رحنه حجزنا بدلات والي وللبنات هم وصالون قبل العرس بيوم رحنه حجزت حمام مغربي وقبلها صالون تنظيف وحف رحنه مهند حجز الهيام وسيلين راد يحجزلي ماخليته وجاد حجز الجولي وميليسا ومقتدى حجز الي وانا حجزت الازهار وسمارا ومهتدى حجز الرسل وخواتها حجزت صالون يجي للبيت الماما وعماتي  واحنه البنات انا وي رسل ومرت خالي  والباقي بغير صالون

يوم الخطبة

خليت مقتدى يزين سيارتي الجي ورحنه للصالون مكيجنه وخلصنه واجت ويانه مرت خالي طلعت رسل تموت تجنن حصنتها مرت خالي قرت علينا ايات قرانية وادعية وصلتها للبيت دخلت البنات مسوياته يجنن وهنا طالعات يموتن ترتيب الحفلة نجي عائلتنه وعيالي وبيت عمة مشية للبنية يعقدون عقد قران وبعدها نروح للقاعة هناك المعازيم وحفلة  لان بيتهم صغير ومعازيمهم هواي

نور. رسل ليش ضايجة حبيبتي

رسل. نور انا لا ابو يوكف ولا اخو عندي

نور. كلنا اهلج حبيبتي لا ضوجين اليوم يومج فرحي. ادري صعب الفقدان وصعب بهيج يوم البنية ماكو يمها لا اخ ولا اب طلعت انا ومرت خالي للبيت بس وصلت راسا صعدت الغرفتي لان ما بدلنه بالصالون ماكدر اسوق لبست

ونزلت لان انا مسوية شعري ومكياج بالصالون لبست فوكه عباية وشال

العمة. اللهم صل ع محمد وال محمد ق اعوذ برب الفلق

نور. تسلمين عمة مو بجمالج
طلعنه كلمن بسيارتهم وانا ردت اصعد بسيارتي

ابراهيم. نوارة تعاي وياي

نور. تمام

ابراهيم اخخ شهل الجمال هذا

نور. مو بجمالك شكرا

ابراهيم وخجل رحمتك ربي ارحم بحالي

رحنة البيتهم وصلنه نزلنه ودخلنه للبيت فدوة شطالعة بفستانها تجنن جانت لابسة

العمة. ما شاءالله تبارك الله شنو هذا الجمال عين الحارة باردة

رسل بخجل. تسلمين مو بجمالج

شوية واتصل علي مقتدى
نور. هلا

مقتدى راح نبدي العقد خلي البنية تتقرب من الباب

نور. تمام. عمة مقتدى يكول خلي تتقرب من الباب راح يعقدون

العمة. اي عمة

جابو كرسي وغطو راسها بالبركع مال مهر راسها وكل جسمها ابيض ومطرز اسمائهم عليه وخلو رجليها بماي وورد وفتحو قران بيدها

الشيخ تسمعيني بابا

رسل. ن نعم

الشيخ. بنيتي هل تقبلين ان يكون مهتدى، ،،،،،،، زوجا لكي. كررها ثلاث مرات لزمت ايدها

رسل. نعم

الشيخ. مهتدى هل تقبل رسل، ،،،،، تكون زوجة لك

مهتدى نعم

الشيخ بارك لكم في زواجكم.

باركلهم وطلع شوية ودخل مهتدى بيده ورد

مهتدى. سبحان الله قمر ما شاءالله

رسل. شكرا

العمة. ماما لبسو بس الخواتم وهناك تصير التلبيسة وكلشي

مهتدى. ان شاءالله لبستها الحلقة

ولبستني صورنا كم صورة

العمة. يلا ماما كومي بدلي حتى نروح تاخرنه مناك المعازيم

نور كومناها بدلت لبست

وغطيناها وصعدناها بسيارة مهتدى وطلعنه للقاعة ومن وصلنه سوينالها دخولية دخلت وكعدت بمكانها وبدت الحفلة وركص وكومناها ركصت شوية وكعدت شوية وكالو راح يدخل مهتدى لبسنه شالات وعبي دخل

مهتدى. مسحت كصتي من العرك احم انتي كلما تلبسين شي اطلعين احلى من القبله

رسل. شكرا

مهتدى. ليش ترجفين ولزمت ايدها

رسل. لان متوترة اول مرة

مهتدى. اهاا تمام ان شاءالله شوية شوية يروح

العمة يلا ماما لبست عروستك الذهب

مهتدى. اوك

انطته عمة الذهب

هذا الاول وهذا الثاني وياه سواره بعد

سوو باقي المراسم وصلو للكيك

كصصو وكلو بعض وغيرها من المراسم

العمة. هسة وكت. الهدايا. الف مبروك ماما الله يسعدكم ويوفقكم ويهنيكم بحياتكم الجاية

وهاي هدية من اخوكم موتمن

مهتدى ورسل. الله يبارك بيج ويحفظج وباسوها من راسها

ام مهند الف مبروك ماما الله يسعدكم وقدمت هديتها

مهتدى ورسل. الله يبارك بيج عمة

ام نور. الف مبروك ماماتي الله يجعلها بداية خير وسعادة

مهتدى ورسل. اله يبارك بيج عمة ويفرحج

ام مومل. الف مبروك الله يتمملكم

مهتدى ورسل. الله يبارك بيج

مرت الخال. الف مبروك الله يسعدكم

مهتدى ورسل. الله يبارك بيج خالة

ام ابراهيم. الف مبروك الله يخليكم البعض

مهتدى ورسل شكرا خالة

ام رسل. الف مبروك ماما الله يسهدكم ويهنيكم

مهتدى ورسل الله يبارك بيج يمة وشبكتها رسل

،،،،،،،،،،

انتظرونا