طُفه وجهَي بخيالك
لو بعد موجود
من نجمة على
نجمة الليل ورثته
المُطر يوگع مغمُض
والترابَ يشوف
مابللت وجهي
وسافرت سكته
اجي مغيم سهر
يمك وانگط ليل
وطرت مو بالسما
لا بالحجي الگلته
لـِ عليّ رِشمّ .
,,,,,,,,,,,
هيام. الف مبروك الكم هاي من ابو الجود
مهتدى ورسل. الله يبارك بيج ام جود
ميليسا. الف مبروك الكم الله يسعدكم هاي من ابو جوليان
مهتدى ورسل. شكرا
سيلين. الف مبروك حبيبتي رسل الف مبروك خوية
مهتدى. شكرا خوية
رسل. شكرا حبيبتي
جولي الف مبروك حبي الف مبروك خوية
مهتدى ورسل. الله يبارك بيج
نور. تقدمت بيدي علاكة هدايا جبيرة. الف الف مبروك خوية صبرت ونلت واحلى بنت بالدنيا حصلت الله يكتبلكم بس السعادة وعساها بداية فرح وخير مبروك خيتو رسولة
هاي هدية من جدو
وهاي من اخوج مقتدى
وهاي من مومل
وهاي من ابراهيم
وهاي من مهيمن
اما انا فهاي هديتكم
رسل الله يبارك بيج وبيهم تسلمين حبيبتي ليش كلفتي نفسج
مهتدى. انتي السويتيه ويانه اكبر هدية ليش مكلفة نفسج لو تسوينها وحدة بوحدة مو رجلج جايب
نور. انت مو تكول انا اختك الصغيرة وانا مشيت ع هذا الشي لو مامعتبرني اختك
مهتدى. لا والله اخت وكفو والنعم منج اصلا تعبناج صار اسبوع.رغم مريضة ماعفتينه
نور. هذا واجبي
طلع مهتدى رجعنا نركص انا شوية وكعدت لان بعده اثار المرض بيه والتهيت وي عمة بالضيوف خلصت الحفلة ورجعنا للبيت طبعا من نزلو اخذو صور نزلنا انا وابراهيم هم صورنا بس رجعنا كلمن راح الغرفته سبحت ونمت راسا
لبس ازهار
لبس سمارا
لبس ميليسا
لبس جولي
لبس سيلين
كعدنا ثاني يوم جمعة فتاخرنا بالنومة العصر كاعدين كلنا بالحديقة واشوف نظرات مومل الجولي بس ما يبين لاحد كاعدة يم مقتدى
نور. مقتدى بهمس
مقتدى. هلا حبيبتي
نور. خلي نخطبلك شبيك
مقتدى. مو هسة
نور. اعرف بالبالك
مقتدى. شنو بالي بالله
نور. حجيت بصوت عالي مقتدى عادي تجي وياي شوية
ابو نور. ها بابا وين
نور. اريده يسويلي شغلة بالسيارة. هذيج المرة سواها وصارت وهسة رجعت
مقتدى. اي امشي
صعدنا بالسيارة وقفلتها
نور. شوف اعرف تحب سيلين ليش،ماتخلينه نخطبها الك
مقتدى. لا مو صح
نور. افاا تضم علي هيج صارت مع شديد الاسف وسويت نفسي ضايجة
مقتدى. لا مو هيج صح احبها بس ماريد الهيها اريد تخلص يلا افتح وياها الموضوع يجوز تحب احد يجوز حاسبتني بمثابة اخوها
نور. لا هية هم تحبك وماراح تقصر بشي
مقتدى. شلون عرفتي حجتلج
نور لا ماحجت بس عرفت بطريقتي هسة اخطب ترا سيلين كتومة واذا اجو خطابة ممكن توافق لان ماترد كلمة الاهلها
مقتدى. مادري بس مو هسة ماريد هسة
نور. براحتك
نزلنه ورجعنه يمهم رحت كعدت يم جدو
الجد. اي بابا شلونج ان شاءالله زينه ومرتاحة
نور. الحمدلله جدو بخير مادامكم يمي وبخير وسلامة انتم انا شاريد بعد
الجد. فدوة للبنات حبيبتي جدو
نور. احبك جدو 🫂
رجعنه نحجي ونسولف
الجد مادام منجمعين اريد اكول شي
الكل. تفضل
الجد. الظهر خابرني ابو ادهم صديقي قديم جانو بغداد وانتقلو من فترة هنا ومدري منو كله عدنا بنات فكتله وحدة مزوجة ووحدة مخطوبة كال اريد بنت محمد الصغيرة لحفيده الجبير كرار شتكولون
ابو مهند. يابة غير نعرف الناس شلونهم اخلاقهم سمعتهم
الجد. انا اعرف الجد جان صديقي من الصغر وهم عائلة مستواهم المادي زين والناس اخلاق وادب ولد عشاير وابنهم محامي وعنده بيت وسيارة وولولد سامع الناس تمدحة بس ماجنت اعرفه ابن ادهم ابن ابو ادهم شتكولون
ابو مهند. يابة اذا تشوفة زين ويناسب سيلين ماعندي مانع بس الراي رايها والقرار قرارها
الجد. وانتم ولدي ها مهند شتكول بابا
مهند. جدو اذا الولد مودب وماعنده سوالف تعبانه ومقتدر ع ان يعيش اختي نفسي عيشتها او احسن ماعندي مانع اهم شي اختي تظل مرتاحة
نور. اباوع ع مقتدى مبين عصب بس ماسك نفسه دك تلفونه واستاذن وكام.
الجد. وانتم بابا
مومل ومهيمن. التشوفة جدي
نور. سيلين هم مبين ضاجت ع خجلت بس منزلة راسها
الجد. جا بابا سيلين اخذي راحتج بالتفكير واريد باجر ترجعيلي خبر
سيلين صار جدو
نور. جدو انا اروح الغرفتي
الجد. براحتج بابا
نور. سيلين تعاي وياي
كامت سيلين صعدنه وبقوا الكل جوة دخلنه للغرفة باوعت لكيت الوجه خريطة من البجي
نور. شبيج ليش تبجين
سيلين. ماريد ازوج ماريد
نور. ليش
سيلين. خليت ايدي ع وجهي وبجيت اهه اهه
نور. تحبين مقتدى مو. ضلت مستمرة بالبجي احجي ادري بيج تحبيه وادري هو يحبج هم
سيلين. شنو
نور. اي يحبج
سيلين. شلون. وهو حتى مايباوع بوجهي
نور. بعد حب المقتدى هذا
سيلين. وهسة شلون شسوي ماكدر ارفض ماعندي عذر
نور. فكري واخذي راحتج ولا تبينين شي لا يشكون بشي مو زين وباجر الله كريم
سيلين تمام
نور. طلع مقتدى بعد الاتصال وتاخر بلغهم انو طالع وي اصدقائه صديقة مسوي حادث بس جذب اعرف صارت ب11 ونص وكلمن راح غرفته ضليت منتظرته الا ان صارت ب12 ونص سمعت صوت الدرج طلعت
مقتدى. شسوين وليش بعدج كاعدة
نور. منتظرتك
مقتدى. ليش
نور. عادي ندخل نحجي
مقتدى اي تعاي
دخلنه الغرفته وسدينه الباب
مقتدى. شبيج نوارة
نور. 😢 شراح تسوي
مقتدى. بخصوص شنو وليش هلدموع
نور. بخصوص سالفتك انت وسيلين
مقتدى. نور انتي ورا هاي السالفة والسالفة جذب ادري
نور. يا سالفة شبيك
مقتدى. الخطبة خطة منج كولي
نور. لا ابد
مقتدى. ما يمشن علي شمعنه من حجيتي وياي وراها بدقائق حجة جدو فهميني
نور. لان سمعت جدو يحجي بالتلفون الظهر ماتشوفني كتلك استعجل
مقتدى. اممم
نور. اي وهسة
مقتدى. انتي مو تكولين تحبني معناتها راح ترفض
نور. لا ماترفض اعرف سيلين كلش زين تهتم للناس ع حساب نفسها ماتحب احد يحجي عليها انت ماشفت حالتها من حاجاها جدو بس الدموع تنزل حتى بدون صوت صعدتها هنا وكتلها مقتدى هم يحبج وهي خايفة ع زعلك وخلصتها بجي
مقتدى. اذا تحبني ليش ماترفض ليش توافق هاا
نور. لان الف شك راح ينزرع ولا تنسة اكو من يحب المشاكل بالبيت واذا رفضت راح يسالوها اكو احد بحياتها صح احنا عدنا حرية بس اذا حلفونه مانكدر نجذب مثل ما اجه مهند وكلماني خاف اكو احد بحياتي وحلفتله يلا صدك هي ماتكدر تحلف
مقتدى. لا تضوجين روحج ولا تنقهرين الكاتبة الله يصير
نور. شلون ماانقهر تدري اذا سيلين انطت موافقتها راح تدمر حيات اخواني اثنينهم ينتهي كلشي تتحطم كلوبكم
مقتدى. هدي حبيبتي وروحي نامي لا تفكرين الله كريم
نور. تمام. رحت الغرفتي ماكدرت انا واختنكت بجيت لان احس راح ينظلمون ثنائي ثاني وانا ساكته لان الهسة انقهر من اباوع بوجه مهيمن ماريد اشوف هلشعور مرة ثانية باقرب اثنين علي ثاني يوم الظهر كاعدين ورا الغدة الجمعة التصير كلمرة
الجد. بابا نور شبيج شو شكلج ماعاجبني
نور. ماكو شي جدو بس هذا التعب طلع علي
الجد. الحمدلله اي بابا سيلين شنو قرارج
سيلين. جدو انا ماريد هسة ولا مفكرة اريد اكمل دراستي
الجد. اي بابا هسة خطبة ورا ماتخلصين سوو عرس مو هاي اخيتج نور وياج
سيلين. اممم
نور. احس التوتر اكلني اكل مقتدى يمي بهمس مقتدى احجي
مقتدى. عوفيها اريد اشوف شسوي خاف جذب ماتحبني لان مامتاكدين ليش اضلمها وياي
نور. اذا ماتحجي انا راح احجي
مقتدى. بغلاتي عندج لا تحجين
نور. تمام. ورا مارفضت وجدو انطاها مثال انا حسيت سيلين راح توافق لان اعرفها كلش زين
كح كح كحكحكح كح كلها التفتت علي
مقتدى نور شبيج
نور. كح كح اختنكت وكظيت صدري كحكح
ام نور. يمة بنيتي شبيج هاج ماي اشربي
نور. شربت واستمريت اكح سويت روحي دخت ملت روحي ع مقتدى
ابو نور. شبيها بابا
مقتدى. مادري يابا نور بنيتي شتحسن
نور. كح كح اختنكت ودايخة كحكح
مقتدى. مهيمن جيب الجنطة بسرعة
مهيمن اي صار
نور سويت نفسي اتنفس سريع ورخيت جسمي وكمت افتح واسد عيوني مثل اليريد يفقد
مقتدى. نور نور لا تغمضين هسة باباتي
نور. ادري عندي هبوط واليوم اشتميت بخور وعطر قوي وانا عندي بالاصل ربو فستغليت هلشي. غمضت وضل يضرب ع وجهي
مقتدى. وخرو مددتها ع القنفة وقست ضغطعا عدها هبوط بس خفيف ووانطيتها مغذي نور نوري حبيبي كعدي غسلت وجها فزت تشهك النفس بالكوه. فتحي حلكج هذا الاوكسجين سحبي
نور. فتحت حلكي واستنشقته ارتاحيت رجعني عدل نومتي عدلت روحي وسويت نفسي شوية شوية جاي استقر
الجد. ها بابا شلون صرتي
نور. الحمدلله كحكح
مقتدى. شبيج مو جنتي مابيج شي
نور. شميت عطر قوي وحسيته فات الحلكي وهسة اختنكت
مقتدى. سلامتج حبيبتي
نور. الله يسلمك اريد اصعد
مقتدى. انتظري يخلص وصعدي
نور. مامرتاحة هنا بعدين سيلين تصعد وياي
الجد. بابا خليها تصعد لا تضغط عليها
مقتدى. ان شاءالله. ساعدناها وصعدت الغرفة
نور. سد الباب وتعال
مقتدى تمام سديته ورحت يمها
نور. مقتدى ليش خليت مغذي انا مابيه شي بصوت ناصي
مقتدى عندج هبوط بعدين شلون مابيج شي والاغما عليها قبل شوي منو امي
نور. الصراحة جذب انا مثلت
مقتدى وسيلين. شنوو
نور. اي جاوبيني بكل صراحة مو ردتي توافقين سوسو هاا
سيلين. هزيت راسي بالموافقة
نور. هاا مو كتلك راح توافق فما جان كدامي الا هل حل
مقتدى. بس مايصير هيج تسوين ماشفتي شلون خافو عليج
نور. عوفك مني مادامنه وحدنه ليش ماتعترفون البعض
ضلو ساكتين
نور. شوفي سيلين مقتدى يحبج وانت مقتدى سيلين تحبك ليش هل مماطله
مقتدى. نور ما دخلج بهذا الشي ليش تضغطين عليها لان بس انا احبها واريدها ماريد تنجبر علي بسببج
نور. منو كلك جبرتها سيلين ادري هسة ورا هلدموع والسكوت خجل وحب شوفي اذا تحبين مقتدى هزي راسج
سيلين. هزيت راسي وراها طلعت ركض من الغرفة دخلت الغرفتي وقفلتها
نور. ها شكتلك
مقتدى. وشلون نحجي وي جدو راح تطلع الف سالفة
نور. عوفها علي
مقتدى شسوين
نور. علي وشرط جدو اليخطب مو نخطب منه
مقتدى تمام
نور. ساعة وراسلت جدو كاعد
الجد. اي بابا بغرفتي تردين شي
نور. عادي اجي يمك
الجد. كل الهلا
نور. رحت الغرفة جدو دكيت الباب
الجد. تعاي نوارة
نور. جدو خاف ازعجتك وتريد تنام
الجد لا بابا تعاي اصلا اليوم مابيه نوم شلون صرتي
نور. الحمدلله جدو عندي طلبين واتمنة تلبيهن
الجد كولي بوية وان شاءالله خير
نور. جدو الطلب الاول تسامحني
الجد. ع شنو
نور. الصار قبل شوية نصه جذب نص صدك
الجد شلون.
نور. جدو اسمعني للاخير اذا تشوف شخص وكدامك خيارين لو تنقذة وولو تندم كل حياتك شسوي
الجد اساعده اكيد بس مافهمت
نور. جدو مقتدى يحب سيلين ورايدها ع سنة الله ورسولة بس هو متردد من شغلة خاف سيلين تحسبة حسبة اخوها فمتردد يفاتحكم بالسالفة وانا من حسيت سيلين راح توافق سويت روحي اتخربطت لان ماريد اخوي يعيش بانكسار وما احب اشوف الحزن بعيونهم
الجد. والله مادري شنو احجي بس شنو المفروض اسويه
نور. جدو صيح سيلين وخيرها بينهم واذا اختارت مقتدى خير ع خير واذا لا الله يساعد كلب اخوي
الجد. راسليها تجي
نور. تمام راسلتها تنزل. جدو وانا سامحتني
الجد. اي بس بشرط من تردين شي اححي ولا تخوفينه عليج
نور. صار 🫂 اندك الباب
الجد ادخلي بابا
اجت سيلين كعدت
الجد. بابا شوفي احنه مانضغط عليج ولا ثكيلة علينا ونريد نخلص منج كلما بالامر اريد امن عليكم قبل لا الله ياخذ امانته
البنات. اسم الله جدو عمرك طويل
الجد. الاعمار بيد الله سبحانه وتعالة وبكيفه هو بس جدو عرفت ابن عمج مقتدى رايدج وانت انا سبق وكتلج حفيد صديقي يريد والقرار قرارج انتي بنيتي شتكولين جدو
سيلين. ء ء جدو التشوفه انت
الجد مو الاشوفه انا لو علي مالكة احسن من ابن عمج الج وهم تضلين كبال عيوني وماطلعين مني انا ماحب احد يبعد عني منكم كلبي متكطع وماكلني التفكير شلون نويرة راح تروح البيت رجلها
سيلين. امم جدو انا موافقة
الجد. ع منو
سيلين. من التوتر حسيت ايدي راح تنكسر ع م مقتدى
الجد. الله يبارك بيج بنيتي وبستها من راسها الله يوفقكم
سيلين. شكرا جدو وطلعت ركض
الجد. ههه اجه اليوم الراح ازفكم بيه الله يديم الافراح
نور. جدو فتحت المجال الهم شكد توسلنه ماكو
الجد. سبحان الله
نور. جدو وبيت صاحبك
الجد. نكلهم ماكو نصيب والبنية رايدها ابن عمها
نور. تمام اعوفك تاخذ راحتك والعصر ان شاءالله نفرحهم
الجد. ان شاءالله
العصر كلنه كاعدين
مقتدى. نور شسويتي وليش ضايجة
نور. ماسويت شي
الجد. اكول بوية ابو مهند
ابو مهند. هلا يابة كول
الجد. بوية اريد اخطب ايد بنيتك سيلين الوليد مقتدى شتكول
ابو مهند. والله بوية البنية بنيتك والوليد وليدك شاكول مثلا بعدين وين احصل واحد امن بنيتي يمة اكثر من مقتدى وهم بنيتي تضل كبال عيوني وماتروح الغريب بس بوية والولد الطلبها
الجد هسة اتصل عليهم. الو هلا خوية ابو ادهم شلونك شخبارك
والله نعتذر منك خوية بس ابن عمها رايدها وجان مقرر بس تتخرج يخطبها بس هسة من فتحنه موضوعكم كال جدي انا رايد بنت عمي وان شاءالله احنه اهل وما تفرقنه مرة
رحم الله والديك الله وياك
الجد. اي شتكولون وهاي حلينه السالفة
ابو مقتدى. والله يا بوية يوم عيد ازوج ابني وافرح بيه بس هو مامبلغنه وكلما ونحاجيه يكول ما مفكر
الجد ولا كلي اكو شخص وصلي الحجي خلي نخلص من السالفة والي حجي ويا
ابو مقتدى. وين الكه احسن من بنيتنه
الجد. ها بابا صح كلامي
مقتدى. صح حدي
الجد وهسة موافقة بنيتي
سيلين. بكيفك جدو التشوفوه
الجد. ع بركة الله احنه اهل ما بيناتنه هلشي المهر مثل مهر اختها نور 50 ب50 واليوم اثنين الخميس الخطبة
الكل. ان شاءالله
ورا العشة اجو بيت عمة ام موتمن وملتمين
الجد. بوية باركو الاخوكم الخميس خطبته
موتمن. منو بيهم
الجد مقتدى
الكل باركلها
العمة. الله يديم الفرح منو سعيده الحظ الراح تاخذه
ام مقتدى. سيلين
العمة. اللهم صل ع محمد وال محمد زين ماختاريت الله يهنيكم عمة
موتمن. همزين خلصنه من العقدتين يوم الالي واذبح طلي
العمة. اذا زوجتك تعالو عتبو علي ع سوالفك
موتمن. افا نبع الحنان انا المدلل
العمة لا تخليني ادوس بالحجي
الكل ههه وبدينه بالتحضيرات وواستلمت انا وعمتي ام موتمن سوالف البنات من صالون وحجز بدلات وغراض الحفلة وكلها تركض ركض اليوم الخميس يوم الخطبة مثل كل مرة زينو سيارتي وهلنرة كلنه صالون واحد وبدت ام الصالون بسيلين بعدين انا وكملتنه كلنه اتصل مهند بيه
مهند. ها نويرة خلصتو
نور. اي خياي هسة راح نطلع
مهند. تم دربالج عليهن
نور. من عيوني
عدلنه سيلين ولبسناها
فستان العقد
وجولي لبست
ومليسا لبست
وهيام
ورسل
وياه حجاب
وصلنه للبيت دخلنه وكلها تهلهل انا مابدلت جنت لابسة جبة وشال عدلت سيلين وكعدتها وصعدت ابدل لبست
،،،،،،،،،،،،،
انتظرونا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!