رواية احفاد ال رحيم الفصل الثالث وستون 63 - بقلم سـيـريـوس | Sirius ✨

يكولون التحبه تضمه بل عين
اضمَك ويَن؟
مَن يَا عِين؟
هوَ المَثلك شينضَم
يَلـ جَنك بخور هنوَد
مَن سَابع سلف يَنشم .

,,,,,,,,,

سيلين رحت وياهم جان نور تكوم من الكرسي شهكت

نور. اشش فضحتينه

سيلين. نور تشافيتي

نور. اي

سيلين. ياحياتي الحمدلله الف الحمدلله ليش ما كلتي

نور. لان اريد اسويهامفاجا هسة الهم

سيلين. جا يلا بدلي بسرعة خلي نفاجئهم

نور. اي

مهند. مقتدى وينك بدة العد التنازلي

مقتدى. جاييين

مهند. 10 9 8 7 6 5 4 3 2 1 طخ طخ طكينه الزينه جان تجي نور تمشي الكل بقة صافن متفاجا

الجد. بوية نور هاي انتي،

نور. كل عام وانتم بخير. HAPPY NEW YEARS

ابو نور. نور انتي تمشين

ام نور. الحمدلله والشكر ربيي الف الحمد لله يمة نور يعني يعني رجعتي

نور. اي الحمدلله تعافيت بس مو 100 بالمية بعد اخر فحص بعد يومين

الكل. اللهم صل ع محمد وال محمد

الكل باركلي واحتفلو بيه وبالسنة خلصناها ونسة خلص العيد بعد يومين رحنة انا ومقتدى ومناك راح تجي رسل ومهتدى وليان  نسوي فحص سوة لان رسل حاليا بالسابع بس ماقبلت تروح تعرف جنس البيبي لحيت عليها يلا سويت فحوصاتي طلع كلشي تمام بس لازم ما اجهدها لفترة وبعدها دخلنه لدكتورتها طبعا هلسنة تدرس فسوت انتساب وتركت المشغلة وبدالها جانت اكو وحدة طول الفترة الفاتت وياها فكتسبة مهارة رسل وصارت بدالها وصل سرانا دخلنه للدكتور السلام عليكم

الدكتورة. وعليكم السلام اهلا وسهلا دكتورة رسل شلونج

رسل. الحمدلله دكتورة

الدكتورة. دوم يارب شلونه دكتور مهتدى شعجب مو وياج هلمرة ماعرفتينه ع الحلوات

رسل. زين والله عنده كم شغلة وما حبيت اشغلة هم هههه الحلوة اختنه كلنا المهندسة نور اخت دكتور مقتدى واختي ليان صيدلانية

الدكتورة. اهلا وسهلا بيجن حبيبتي كل الهلا عاد انت نسمع هواي عنج وكل المستشفى تحبج ع حب مقتدى الج وسمعت بالحادث مالتج كلش نقهرت شلون صرتي

نور. اهلا بيج حياتي تسلمين الحمدلله قبل شوية كملت فحص الحمدلله كلشي تمام اكدر ارجع الحياتي وروتيني

الدكتورة الحمدلله اي رسل زيارتج مو ضمن الموعد اكو شي لا سامح الله

رسل. لا دكتورة بس اجيت اعرف جنس البيبي

الدكتورة. واخيرا اقتنعتي

رسل. اي كل هذا بفضل نور وقناعتها الي

الدكتورة. والله هنيالكم ع هل النور تنحب بسرعة

نور. تسلمين

الدكتورة. يلا نروح للسرير ونبدي فحص ونشوف الجنس

نور. عادي دكتورة ماتكولين وتكتبيه وتنطيني اريد اسويلهم مفاجا

الدكتورة. اي عادي

رسل. هاي شنو تردين ترديها الي

الدكتورة. بديت خليت الجهاز تحبون تسمعون النبض

نور. اي والله ياريت علت الصوت والصوت يقشعر البدن فرحتي ماتوصف وفرحتنه خلصت الفحص الدكتورة ورجعنا

الدكتورة. الحمدلله وضعكم تمام وضلي ع الفيتامينات وتفضلي ست نور هذا التقرير كامل وهذا الضرف بيه جنس البيبي

نور. شكرا الج

طلعنه من يمها لكينه الولد منتظرينه

مهتدى. ها شنو وضعكم

رسل. تكول زين الوضع كلشي تمام

موتمن. اي شنو اول حفيد راح يجي

نور. تؤ مو هسة باجر ان شاءالله اكو احتفال وتعرفون

موتمن. ليش منو يسوي

نور. خالته تسويله

موتمن. منو ليان

مهتدى. لا تكلفين ع نفسج حبيبتي نوارة

نور. اشش معليك انا كتلكم اسوي حفل عليك تتجهز انت ومرتك وبس

رسل. شكرا حبيبتي

موتمن. منين اجيتي خالته انتي

نور. انا عمته وخالته واختهم وامهم عندك اعتراض

مهتدى. فديت عمته انا

رجعنا للبيت وجانو الكل منجمع بيت جدو

العمة. ها يمة شلونج شلون الطفل

رسل. الحمدلله عمة بخير

العمة. دوم ان شاءالله اي وماعرفتي شنو بيج

رسل. عمة سوتلي فحص بس النتيجة عد نور ونور تريد تسوي احتفال كشف جنس البيبي

العمة. شنو نويرة شبيها

نور. عمة والله حتى انا مادري بعدني باجر تعرفون

ام نور. وانتي فحوصاتج

نور. كلشي تمام

الكل. الحمدلله

مر الوقت واجه الاحتفال لبست فستان ابيض رسل ومهتدى وانا هم فستان ابيض لان ماحرك المفاجاة حضرت توزيعات للحفلة شموع معطرة وحلويات وكيك وبدت الحفلة الكل لابس ابيض بس اليكول بنية ياخذ بروش بنت يخليه ع ملابسة والولد كذلك سوينه الحفلة بحديقة بيت جدو لان كلش جبيرة

نور. مرحبا اهلا وسهلا بيكم بحفلة جنس البيبي للزوجين رسل ومهتدى. ما تحلة الحفلة اذا مانسوي بيها فعاليات اول فعالية هي اكو طاولة هناك يمها لوحة جبيرة واكو مجسمات بيبي لاصقة كل واحد يلزك المجسم اليختارة بنت او ولد شنو يعتقد ويكتب جواه اسمه داخل مربع بدت موسيقة حماسية للتحدي بدو الكل يخلون ويكتبون وكلها جانت منتظرتني

موتمن يلا عيني دورج خنشوف شلون اطلعين منها

نور. ههههه رحت مسيطرة طلعت قلب نصة وردي ونصة ازرق خليته وكتبت اسمي

موتمن. شيطانة لاعبتها صح

نور. التحدي الثاني. اريد تنقسمون قسم البنت وقسم الولد وتشجعون راح نروح يم لوحة لعبة الاكس او والابوين هم يلعبوها بس بشرط المربع بالنص اخر شي ينفتح هيج شكلة

مهتدى. تمام رحنه نلعب ومتوتر حيل فتحت اول وحدة وراي رسل وهيج الا ان وصلنه لاخر وحدة وهي بالنص كلبناها جان يطلع ابيض

الكل. هههههه

رسل. شنو هاي نور ليش

نور. حتى نتونس مانريد راسا نعرف اريد تكثر التسائولات بعدين انا مجهزة اكثر من لعبة

طبعا. جان اكو معازيم اصدقاء واقارب

موتمن. اي نور شنو اللعبة الجاية

نور. مو لعبة بس تكدرون تكولون هدية باسمكم وهي هناك اكو ميز عليه لبس بيبي ابيض اريد باستخدام لونين تسون رسمه صغيرة عليه واتركوها ذكرة للبيبي

الكل. تمام بدو يرسمون الا ان خلصو

مومل. اي نارو شنو القادم

نور. التحدي القادم هو الاب والام راح يفتحون البوكس الوراكم وراح يطلع نفاخ صغار هواي اي لون الاكثر هو جنس البيبي

الكل تمام بدو يفتحون شريط وخلينه الصندوق جبير والنفاخ من الصغار ومخلين اعداد هواي بدو يفتحون الشريط وطار النفاخ

مومل. بنية انا حسبت الوردي اكثر

موتمن. لا ولد ازرق اكثر

مهيمن. بنية

مهتدى. شنو هاي نور

نور. لا تتعاركون اكو بعد اريدكم تفكرون اكثر

التحدي الجاي. هو اكو كتاب اول اربع صفحات الورق تخلوه فارغ بعدها يبدي يفتر عليكم تكتبون شي للطفل بالجنسين حتى من كبر يذكرون

ضل يفتر من جدو لاخر وحدة انا كتبت وسديته وضميته

مهند. والله مسوية فعاليات حلوة

ليان عاشت ايدج نونو

نور. هسة تحدي للابوين. هو اكو لوح هناك مثل الاكس والاو بس نفاخ تاخذون الابرة واطكوهن والبنص هم اتركوه للاخير كل نفاخة بيها لون

بدو يطكون واخر وحدة طلعت ابيض

الكل ههههه

نور. قبل لا تحجون التحدي الجاي اكو لوحتين اشجار لوحة زجاجية للاهل والمعازيم كلمن يبصم بالون اليتوقعه اما الوحة الثانية للابوين بداخل الكلب اريد يبصمون كلمن بلون الجنس اليتوقعه هم

لوحة المعازيم

لوحة الابوين وهاي اللوحة كلما يكبر الطفل شهر تبصموه الا ان يوصل سنة بعدها كل سنة

بدو يبصمون وصلي اخر شي

موتمن. ههههاي وين تشردين منها ماكو غير لون

نور. ههههه راح تشوف اباوع ماكو غصن فارغ بس الجذر بصمت ازرق ووردي ع شكل كلب بالجذور

مقتدى.ههههه هااا ارتاحيت

نور. التحدي الجاي هو تحدي المضلة

راح تفتحوها والزينه البداخلها هية التحدد جنس البيبي فتحوها طلعت ابيض

موتمن. نوووووور

مهتدى. ولك شبيك خلنتونس

نور. التحدي الجاي يرادله تركيز لازم تكعدون كلمن ع كرسية وبديت اوزع عليهم وهاي لوحات بيهن لغز لازم تحلونه

طبعا مسوين للمعازيم اعداد متساوية للازرق والوردي واليكشف الجنس بيدي بدينه نسوي كلها خلصت بس انا اتجاهين ويلتقن سوة وما يطلعن

مومل. الاعداد متساوية ونور ناسين الفتحة

نور. التحدي الجاي لابو البيبي شايف هذيج النفاخة ع اللوحة لازم يفجرها

مهتدى تمام اخذت قوس وسهم وبديت اقنص فجرتها جان يطلع ابيض

نور. التحدي الجاي. هو اكو غيمة هناك لازم تسحب الخيط حتى تمطر واليسحبوها الابوين

رسل. تمام
سحبوها وطلع ابيض

الكل. هههههه

نور. مابقة شي لا تضوجون بعد 3 تحديات شبيكم ونوصل للحقيقة انتظرو رحت جبت

هاي تكسروها بدو يكسروها هاي مصنوعة من ككو مهتدى يكسر ورسل وانا ناكل طلع الداخلها ابيض هم

موتمن. ادري تحدي اكل لو كشف البيبي

مهتدى. خليهن صحة وعافية

نور. التحدي الجاي خلي نحرك عم البيبي شوية اكو هاي المعلكة لازم تكسرها وتعرف شنو بداخلها قبل لا تكسر اذا حزرت اللون اهل البيبي لازم يقدمولك هدايا واذا خسرت لازم تجيب هدية للبيبي ذهب حسب الجنس بعد مانكشف شنو نوعة

موتمن. تمام

نور. مهتدى ورسل انتم بعد كعدو خلصت فقراتكم ننتظركم بالفقرة الاخيرة يلا ابدي موتمن

كعدو ها موتمن احزر

موتمن. اتوقع راح ينزل وردي

نور. يلا ابدي بدة يضرب ويضرب جان يطيح الزينه ابيض

الكل. هههههه

مهتدى. ههه حضر جيبك ابو الشباب

موتمن. يدللون اطفال اخوي

نور. التحدي اليجي هو الخالاته لازم تختارون وحدة من خالاته تجي اطك النفاخة الجبيرة

ريان احنه نختارج انتي لان انتي اكثر وحدة تستحقين هلشي

نور. هههه حبيبتي انا اليجي اصير عمته اكثر من خالته فختارو وحدة منكم

ريان. احلى عمة والله روحي ليان انتي

ليان. بسم الله طكيتها. جان يطلع ابيض

موتمن. رسل خاف عندج قالون وصار كم شهر اتضحكين علينه شو كله ابيض

الكل. ههههههه

نور. الفعالية الاخير اريد تختارون شخص يشغل شمعة من الشمع الابيض المفرد ويشعلها

مهتدى. انتي اختاري وشعلي بما انو انتي عمته

نور. تمام رحت اخذت وحدة وجبتها اريد اشعلها

موتمن. حزري البداخلها مثلي

نور. ابيض وشعلتها ذابت كلها وماطلع لون

موتمن. ايا غشاشة

نور. مو غش بس الشمعة بيضة ولو بداخلها لون جان صار ضل بعدين انا جايبة هدية قبل لا ادخل ضمن الفعالية

وهسة اعزائي وصلنه الفقرة الكيكة مومل انت وموتمن روحو جيبوها

مومل. صار

جابوها وجانت هيج شكلها

نور. اريد تعرفون الجنس قبل لا تكصوها من خلال الفعاليات الراحن وكلشي سويناه ومن خلال الكيكة بالاخص

مهتدى. ولد لان الازرق اكثر من الوردي

رسل. بنية لان شريط الوردي اكثر

مقتدى عادي اشارك

نور. تعال شاورني انا اكولك لان هذا تحدي للابوين

مقتدى. شاورتها

نور شنو السبب وشلون عرفت

مقتدى. من الكيكة انتي كلتيها

نور. صح

موتمن. شنو مقتدى

مقتدى. ههه لا مو انا اضيع متعة المفاجاة ياذكي احزر

نور. كصو قطعة من الطابق الجوة واكلوها على ما اجي
رحت جبت هديتهم جانت

مغلفة بلايلون وبالون بني وخليت الحل مالت الغز بيها وطلعت رحت الهم

نور. هاي هدية لاطفال اخوي من عمتهم المطلوب منكم تشوفون الناس شنو بداخلها وحل اللغز وكشف نوع البيبي تلكوه جوة خلصت مهمتي وياكم اكشوف مولودكم

مهتدى. شكرا الج ع كلشي الله يحفظج ويبعد عنج كل مكروه نردها الج بافراحج ماقصرتي خيتي لو عندي اخت من لحمي ودمي ماجان سوت شي

رسل. شكرا الج جنتي اخت ونعم الاخت النه اثنينة ماكول غير بس الله يبعد عنج كل شر ويوفقج بحياتج وشكرا ع الهدية الكيوت هاي

نور. ماسويت غير واجبي وواجب الاخت تجاه اختها وهسة يلا ماتردون تعرفون شنو بداخلها

رسل. اي بديت اطلع ملابس جواريب مناشف خاولي صداري قبعات مميات لهاية شامبو مرطب باودر عطر كلشي يحتاجة الطفل موجود اثنين منه وجان اكو علبة بيضة ملفوفة بشريط بني. نور. هنا الحل مو

نور. اي افتحوها

مهتدى. فتحناها وجان يطلع خاتم الماس مثل

رسل 😢🤭

مهتدى. نور تؤام ولد وبنية

نور. اي حبيبي الف مبروك الكم يا احلى واحن ابوين جدد الله يتتم ع خير ويكوم رسولة بالسلامة

العمة الف مبروك يمة حبيبتي يتربون بعزكم وكلها باركتلهم ولبسها مهتدى الخاتم

مهتدى. شكرا الج مااعرف شلون اجازيج من زواجي الهسة ماقصرتي وفوك تكاليف الحفل جبت هذا الخاتم الالماس الغالي لان هلحجرين كلش غاليات

نور. كلشي يرخص لعيونكم وكلشي فدوة الضحكتكم وسعادتكم انت هم ماقصرت وياي بشدتي وجنت داعم الي معنويا قبل كلشي بهاي الفترة الي

مهتدى. اتمنة شغلة وحدة هسة بس متصير

نور. شنو

مهتدى. اريد اتعامل وياج مثل معاملة اخوانج الج بس اخاف من الحرام عليج

العمة. ماكو حرام يمة حلال اشبكها

نور. شلون عمة

العمة الكل يعرف مهتدى وموتمن واحد اكبر من الثاني بس الحقيقة هم توام بس مهتدى اكبر من موتمن ب10 دقائق اما انتم وولدي فمرة اتمرضت وادهورت صحتي وصارت عندي حمة بعد الولادة وجانت امج صار 4 اشهر جايبة هم توام مقتدى وميامين فاضطر المرحوم ياخذني للمستشفى ينومني وجان صديق ابوج حيل وعمامج وجدج الحجي الله يحفظه ويطول بعمرة جان يعاملنه مثل ولده واكثر فمن نقلوني للمستشفى احتار وين يخليهم فجابهم وانطاهم الابوج وامنه عليهم وكله خليهم وي جهاللك والله ينطيهم ابو مهند وام مهند اجو ويانه فامج اهتمت بيهم وجانو معلمين ماياخذون حليب ممة والمرة لازم تاخذ اذن رجلها قبل لا ترضع طفل غيرها فرضعتهم امج 20 يوم وي اخوانج فيصيرون اخوانج بالرضاعة

ام نور. صح هلكلام جان محد يدري بيهبس ام مهتدى وزوجها وابو نور وانا والجد

مهند. يعني انا هم اصير اخوكم

مومل. وانا

موتمن. واكول امي ليش كلما تجون تكول اجو اخوانكم

الجد. صح كلامهم نور تصير اختهم بالرضاعة لان نور. امها الرضعتهم فيصيرون اخوانكم يعني مومل ونور ومقتدى ومهند ومهتدى وموتمن اخوة

مهتدى. احلى اخت بالدنيا الحمدلله والشكر ربي انعمت علي بهدايا لا يكفيني شكرها الف عام

نور.احلى خوان والله

كملنه الاحتفال وخلص ووزعنه ع المعازيم

هاي الشموع ودخلنه للبيت

مقتدى. محد يروح راح اطلب عشة لان هاي اللمة شيكررها بعد راح تبدي امتحانات وكلمن يلتهي

بدينه بالعشة وتعشينه وخلصنة وحلينه

موتمن. مقتدى انت حزرتهم توام

مقتدى. اي وحتى الجنس عرفته

موتمن. شلون خاف مغششتك

مقتدى. لا يالذكي يالدكتور نور بداية كلامها كالت هاي الحفلة مثل اللغز لازم تفكرون فمن لزكنه المجسمات لزكت لونين بكلب وانت تتحارش بيها ضال بعدين بالرسم هم رسمت كلب بلونين ع الملابس وبالتوزيعات مخلية دبين شمع والكسرتها انت جانت كلب بيه نص وردي ونص ازرك ولعبت المتاهة جانت الحاسمة بيدها وجان المدخل نفسة يودي للجنسين والخروج مسدود والوحيد جان هيج وبالبصمات بصمت قلب بيه لونين بالجذر ولوحة الاستقبال مالت الحفلة بيها دب ذكر ودب انثى والكلب مال الككو نص بنص واخيرا الكيكة من كالت اخر فرصة بالكيكة فالكيكة فوك كلش اكو حوض بيه طفلين بنية وولد

نور. وهم اكو شغلة ما انتبهتو الها الغيمة بيها خيطين وكل خيط بيه لون وصندوك النفاخ بيه نفس عدد النفاخ للجنسين وهدية البيبي من كلشي اثنين موجود

موتمن. خرب بالحماس ماركزت

الكل. هههههههههههه

نور. جدو بما انو اليوم كله فرح الله يديمه علينه ليش مانحدد عرس اخواني

موتمن. بس لا تقضديني انا ماحب يكون عندي اخت

نور. منو حاجي وياك . جدو اقصد مقتدى وسيلين

الجد. اي والله بنيتي جبتيها مادام الجو بارد ليش مانسويها بنص السنه اشو حتى طابقكم بعد اسبوع ويخلص كلشي

مقتدى. التشوفه جدي من ناحيتي ماعندي شي

الجد. ها سيلينا جدي

سيلين. بكيفكم

الجد. شوكت تخلصون امتخانات

مهيمن. جدي 31 واحد

الجد. جا 4 بشهر ال2 عرسكم

العمة. حجي حدد عرس موتمن هم جنتي بعد شهرين اتجيب والتهي بيها ما اكدر وراها خليه هم ب2

الجد. جا خلوه 15 بالشهر يعني ورا عرس مقتدى ب11 يوم لو وياه

العمة. لا وراه احسن ياخذون راحتهم كلمن نفرحله بيومه

الجد. ع بركة الله شتكولين ام ازهار

ام ازهار. القرار قرارك حجي والبنية بنيتكم

نور. خطية ذاك الولد راح يخسر هديتين

الكل. هههههه

موتمن. اكول زهورة طلعت عندي خوش اخت سريعة القط.

نور. تؤ ماحزرت ابدا مو كل اخوتي مهتدى كل اخ ووقته يجوز بيومك مفلسة بعدين انت مو كلت ما احب يكون عندي اخت

موتمن. انتي تفلسين مااصدكها

العمة. لا بارك الله بيك الله يفكس عينك ولك خليت عينك ع البت واريد ازوجة ياناس وهو مفشلني

الكل. هههههههه

نور. عذريني ازهاري انتي اختي ع عيني وراسي ومعزتج بمعزة رسل وما افرق بيكم بس من تجي ساعتكم اله اسويلكم كشف البيبي بصحن تمن انا الكم

الكل. هههههه

الجد. بابا ليشش ماتنقلون هنا

ابو نور. يابة خليها قبل عرس مقتدى من يخلصون الولد امتحان

الجد. براحتكم

ابو نور. دك تلفوني ابو جاد ياستار. الو هلابيك خوية وعليكم السلام

ابو جاد شلونك المرة شلونها الاهل

ابو نور. الحمدلله كلهم زينين يسلمون عليك انتم شلونكم

ابو جاد. الله يسلمك الحمدلله اعتذر اتصلت بهلوقت بس رايدك بشغلة

ابو نور. لا اهلا بيك باي وقت كول امرني

ابو جاد. مايامر عليك ظالم والله رايد تشوفلي بيت زين طابقين كون بمنطقتكم واريد مصدر رزق يعني مستشفى او شي

ابو نور. اي تدلل باجر ان شاءالله اشوف بس ليش

ابو جاد. تعبت من الغربة يومية بدولة اريد ارجع واستقر ماكو احسن من الاستقرار واريد يمكم لان احنه ماعدنا لا اقارب ولا شي كلمن بجهة

ابو نور. كل الهلا بيكم اي والله ماكو احسن من الاستقرار

ابو جاد ازعجتك خوية سلملنه واخذ راحتك

ابو نور. اهلا وسهلا بيك خوية ماكو اي ازعاج

ام نور. خير ان شاءالله

ابو نور. يسلم عليكم يريد يجي يستقر هنا وررايد بيت ومكان شغل يشتري

الكل. الله يسلمكم

مهتدى. عمي جيرانه بيت ام غسان يردون يبيعون بيتهم ومرتب وجبير البصف بيتنه

ابو نور. اي خوش باجر اروحله واشوفه ياه ويرد مستشفى

موتمن. ليش مايدخل شراكة ويانه مقتدى مو دكتور اسامة يريد يسافر ويريد يبع حصته

مقتدى. شوكت كال

موتمن. اليوم جنت يمه وسمعته

مقتدى. اشوفه باجر

ابو نور. اي بوية شوفه واتصل بخالك كله

مقتدى. ان شاءالله

كلمن طلع البيته صباحا

نور. صباح الخير

الكل. صباح الخيرات والسعادة

مقتدى. نور ليش،ماتشوفيلج شغل مادام تشافيتي الحمدلله احسن من البيت

نور. لا ماريد هسة اريد اقوة اكثر وهم اريد اشوف شغلي لان ذيج الفترة كله هاملته خلفلة عليكم وهم ارتاح

مقتدى. براحتج شنو عندج شي طالعة

نور. اي اريد اروح اجيك ع الشغل واشوف خاف نقص تعديلات

ابو نور. ماترحين بحدج شوفي احد وياج

نور. ليش بابا

مقتدى. لان جسمج بعده مامتعود لا تنسين ماصار هواي من رجعتي طبيعي فممكن يصير عندج شد عضلي

نور. وشلون

مقتدى. مومل ماعنده شي هسة اتصله اتصلت عليه

نور. هاااا

مقتدى مايرد راح اتصل بمهند
الو صباح الخير

مهند. صباح النور هلا بالسند

مقتدى. انت بالبيت

مهند. اي اريد اطلع للدوام

مقتدى. مومل وين اتصل ومايرد

مهند.  نايم ماعنده شي

مقتدى. خوية عادي تكعدة نور تريده عدها شغل ومانكدر نخليها تسوق مثل قبل

مهند. اي تدلل انت ونور هاي صاعدله ولك مومل مومل

مومل. اممم عوفوني انام كتلكم بهذا البيت ماتخلون الواحد ينام شلون انام وين

مهند. ولك نور تريدك كوم مدري شبيها

مومل. شنو نور شبيها شبيها

مهند. شبيك اهدا هههه نور تريدك تريد تطلع وتاخذك وياها

مومل. اي تمام بس كلها ريوكي عليج

مقتدى.ههه من التلفون كوم ابو ريوك تعال بسرعة مادام السفرة ممدودة

مومل. جايكم جايكم كمت طلعت ملابس اريد ابدل

مهند. هاي شسوي جا ماتغسل

مومل. هو منو يغسل بهلبرد

مهند. والله زلمة امشي اسبح وغسل لا تطلع هيج

مومل. شنووو اسبح ليش الما يسبح ينسجن امشي روح الشغلك خوية وما اوصيك فتش المركز والماسابح اجلدة والله يا الله اسبح الصبح بهلبرد

مهند. ههههه الحمدلله ع نعمة العقل

مومل. طلع مهند بدلت ولبست كوت قبلها غسلت ومشطت واخذت السويج ونزلت صباح الخير

الكل صباح النور

ام مومل. هاا مو كلت ما اطلع وين

مومل. نور مدري شنو عدها ورايح وياها

ام مومل. هاا اي يمة وديربالك ع اخيتك جا ما تتريك

مومل. لا هناك اتريك طلعت رحت البيتهم وانا ادردم ع مهند. صباح الخير

الكل. صباح النور

نور. شبيك معبس وجهك وتحجي وي روحك اذا ماتريد ماروح عادي مو مهم

مومل. لا حياتي مو وياج هذا مهند

مقتدى. هههه شبيه

مومل. بالله عليكم يكلي كعدني وشافني ابدل يكلي بدون سبح بالله اكو واحد يسبح والبرد يكص كص

نور. لا مايصير تتمرض المفروض نسبح بداية الشتا ونهايته

الكل. هههههه

مومل. الحمدلله والشكر

ام نور. عمة شتريد اصبلك جاي حليب عصير

مومل. جاي عمة

اتريكنه وطلعنه

مومل.نطلع بسيارتج سيارتي مابيها بانزين

نور. تمام امشي

مومل. وين تردين

نور. اخذني بالاول للعمارة اشوف خاف بيها شي رحنه فرينه كلشي الحمدلله كلشي تمام صارت ب1 وغيمت حيل بدت تمطر واحنه قريبين ع المستشفى. مومل خلي ندخل

مومل. اي امشي دخلنا ونصها تسلم ع نور. نور شو نصها تعرفج

نور. غلطان كلها تعرفني بس هاي نصها تعرفني شخصيا اما كلها تعرفني بالاسم جاي نمشي جان نشوف دكتورة ليالي دكتورة رسل سلمت عليها

دكتورة ليالي. اهلا وسهلا نورتي المستشفى

نور. اهلا بيج منورة بيكم

ليالي. شلونها رسل شلونك مومل

مومل. الحمدلله

نور. الحمدلله زينه

ليالي. دوم ان شاءالله شنو جاية تشوفين اخوج لو عندج موعد

نور. لا والله جنت طالعة انا واخوي مومل عندي كم شغلة واجيت اشوف اخواني حتى نطلع سوة

ليالي الحمدلله تعاي نعزمج

نور. تسلمين حبيبتي ماتقصرين بس غير مرة عندي شغل

ليالي. براحتج بسمومل يصير اخوج شلون مو ابن عمج ومنو خوانج هنا غير مقتدى

نور. هههه مومل. اخوي بالرضاعة واخواني دكتور مهتدى وموتمن هم اخواني بالرضاعة

ليالي. يا شكد حلو منو راضع وي منو

نور. الكل الوالدة مرضعتهم مهتدى وموتمن وي مقتدى ومومل وياي وبعد عندي 3 اخوة بالرضاعة

لياليي. يا شكد حلو الله يحفظكم

نور. ويحفظج احنا نستاذن

ليالي. اهلا وسهلا اخذو راحتكم

مومل. اخ شكد لغت

نور. شبيك وي الناس وصلنه الغرفة مقتدى دكينه الباب

مقتدى. اتفضل

نور ومومل. سلام

الشباب. وعليكم السلام هلا بالجاي

نور ومومل. هلا بيكم

مهتدى. هلا بنورة نورتي المستشفى

نور. منورة بيكم خياي

مهتدى. الله شكد جنت متمني عندي اخت حنونة مثلج سبحان الله جان اطلعين انتي اختنة احلى شي بالدنيا بعد شريد

نور. تسلم خيو

موتمن. منين احلى شي جانت اخت صديقنة وبالكوة بالعها هسة اختنه طلعت ايييع اخت مثلها ما تنراد الله يسامحج يمة ضلمتينه

مقتدى ومومل ومهتدى. نجب تاج راسك

نور. ضجت بس ماحبيت ابين الهم

موتمن. هههه شبيكم كبيتو اشاقة هو اكو احلى من الاخت

مهتدى. مو كلشي شقة ماتعرف المقابيلك ممكن ينجرح من كلمة انت تكولها بنية شقة بس ممكن تاثر عليه

نور. رحت للشباك تمطر خفيف سديته

مهتدى. اسف نيابة عنه

نور. 🙂لا خوية ما اهتم ادري يشاقة مقتدى شسويت ع سالفة المستشفى

مقتدى. كلت الخالي والمدير واتفقو بس يجون يكملون كلشي وصح يجون 31 بشهر الواحد

نور. تمام يلا مومل وكف المطر خلي نروح لا تمطر مرة ثانية وامي تلكاها خاتمة القران ههه

مومل. يلا

مهتدى. ابقي بعد شوية ونطلع احنه هم

نور. لا اخذو راحتكم وكملو شغلكم مانريد نعطلكم وهم حبيت اشوفكم واطلع

مهتدى. واذا اكلج عازمج ع غدا

نور. تسلم حياتي عزيمتك واصلة غير مرة بس والله تعبت طالعة من الصبح غير مرة ايام هواي وتعرف هاي اول مرة اطلع هيج بعد حالتي . بيباي وبست مقتدى.

مهتدى. وانا مالي بوسة

نور. بسته اعذرني مامتعودة بعدني دربالكم من الطريق وطلعتركبنه السيارة

مومل. نور زعلتي من موتمن

نور. لا عادي

مومل. نويرة مو علي اعرفج ترا ادري بيه يشاقة

نور. لا مازعلت عادي اصلا قابل جديدة علي

مومل. هاي وصلنه للبيت دخلت السيارة امشي نزلي وانا رايح

نور. وين تعال اتغدة

مومل. شمسوين

نور. باجة وكراعين

مومل. الحمدلله والشكر اروح البيتنه احسن

راح دخلت للبيت هلاو ماما

الام هلا بيج شبيج

نور. تعبانه يمكن لان صار هواي ماطالعة وطلعت يمة صاعدة للغرفة اخذ قيلولة ومن يجي مقتدى اكعد اتغدة

الام. براحتج

صعدت بدلت رحت للجرباية كلام موتمن براسي دمعت عيوني شوية ونمت

مقتدى رجعت للبيت هدوء بس امي كاعدة
سلام عليكم يالغالية

الام. وعليكم السلام الله يساعدك وليدي

مقتدى. ويساعدج بستها براسها شو بحدج

الام. نور رجعت ونامت كالت تعبانه وابوك راح البيت جدك عدهم واجب يريد يروح وي جدك

مقتدى. شبيها هم من اجت كالت

الام. تكول يمكن لان طلعت بعد فترة هواي

مقتدى. اي رايح بش بيا غرفة هية

الام الفوك

مقتدى. تمام صعدت الغرفتي خليت الغراض ورحت الغرفة نور دكيت الباب ماردت دخلت واشوفها

،،،،،،،،،،،،

انتظرونا