رواية احفاد ال رحيم الفصل الرابع وستون 64 - بقلم سـيـريـوس | Sirius ✨

انتَ خليك بمكاني
وكلي بالحل اليريح...
بيه صوت يهزله دنيا
وما كدر باسمك يصيح
طحت.. ما اخذت النصيحة
وهيه مو كل طيحة طيحة!
فرق بين تطيح صخرة والجبل كله يطيح

سمير صبيح

,,,,,,,,,,

مقتدى دخلت الغرفة نور لكيتها نايمة والغرفة باردة شغلت التدفئة ورحتلها نورنور

نور. امم

مقتدى. كعدي اريد اتغدة جوعان

نور. يخسة الجوع الله يساعدك

مقتدى. ويساعدج حبيبتي شبيج

نور. ماكو شي والله لا تفكر يلا روح بدل عماتنزل تلكاني محضرة الغدا

مقتدى. ماشي حبيبتي

نزلت حضرت الغدا تغدينه وخلصنه سويت جاي المقتدى وغسلت اماعين اجه ع بالي اسوي كيكة جهزت المكونات خليت الهتفون باذني وسويتها خليتها بالفرن نضفت المطبخ ع ماستوت طلعتها تبرد صعدت غيرت ملابسي لبست

القميص اطول شوي بعد ونزلت ماماتي تردين كابتشينو

الام. اي ماما بس بلا شكر

نور. وانت بابا

الاب. اي بابا

نور تدللين يا احلى ام واب رحت سويت كبتشينو هواي وخليت بترمز خاص للكهوة وخليتهم بصينية واكواب وصحن خليت قطع كيك وانا خليت بكلاصي ،

ورحت يمهم مشغلين الهيتر كاعدين يمة صبيتلهم. بابا ضوك هسة طلعتها من الفرن

الاب. عاشت ايدج باباتي معدلة بنيتي

نزل مقتدى من فوك. الله شهل الريحة الشتوية

نور. تعال تريد اصبلك

مقتدى. اي والله الريحة نزلتني مع انو قبل ساعتين اكلت

نور. الف عافية تفضل

مقتدى. عاشت ايدج حبيبتي

كاعدين سوالف وضحك اندك الباب

مقتدى. اكعدي انا افتح. رحت فتحت الباب بيت عمتي وولد العم عدا مهيمن . هلا بيكم حياكم الله تفضلو

الكل. الله يحيك دخلو. السلام عليكم

نور وابوها وامها وعليكم السلام اهلا وسهلا تفضلو

العمة نعتذر اجينه بلا مانكول

ام نور. يا هلا بيكم البيت بيتكم شوكت ماتردون

الكل. الله يخليج

نور. شلت الصينية سويت كبتشينو زيادة اجه مقتدى اخذ ماي رتبت كواب للقهوة بصينية ورتبت صحون كيك وكرزات وشوكلاته اجه مقتدى شال صينيتين الكيك والكرزات وانا اخذت الكهوة خليناهن ع المييز وقدمت الكهوة وبعدها اخذت كوبي وكعدت يم مقتدى حجي بيناتنه

العمة. شلونج نويرة

نور. الحمدلله عمة انتي شلونج

العمة. الحمدلله يمة بس شو جنج ضايجة وماتناقشين ويانه

نور. ماكو شي عمة لا ماضايجة بس احب اللمتنه ولمة اخواني

العمة. ان شاءالله دوم المة والله يبعد عنكم كل حاقد وحاسد

الكل. امين

مومل. دبدوب الشتة محليك اكثر

نور. انا دوم حلوة

مهند. ولج نور جود يكلي اريد اصير دب هههه

نور. يروح عمتك احلى دب اسويك تعال. اجالي ركض. تعال يروحي هسة اسوي احلى دب مرخصتكم رحت للغرفةلبسته

ولبسنه برجلينه

انا

جود برجلينه نزلنه راح لابوه يركض بابا امة اوتني دب اوف يعني عمة سوتني دب شوف

مهند. فدوة للدب مالي

نور. رحت للمطبخ جبت حليب دافي اله بكلاص ع شكل ممة وجبتله كيكة بصحن

نور. جود تعال شوف شنو جبتلك

جود انو

نور. هاي للحليب مالتك تلبسها شوف وخر الدب هذا واسحب الحليب وهذا صحنك الكيك

جود. امة الي

نور. يلوح امة اي الك ولك اكلك

جود. لا امة كيك

الكل. هههه

جود امة ابج. يعني عمة احبج

نور. عمري انا احبك هواييي ووكلته

مومل. لو هيج العمة لو بلاها متاكد لو عدنه عمة جان صارت مثلها بس الحمدلله الله هم رزقنه بعمة حنونة

مهتدى. اي والله بس نور مختلفة لان حنونة وتحب الكل وطيبة

موتمن. ماكو واحد يحب الكل صح نور زينه بس لابد اكو اشخاص ماتحبهم

مهند. صح ماكو واحد يحب الكل بس احنه نكول نور طيبة وحنونة مو مثل الباقي اكو عمات اولاد اخوهن المن امه وابوه مايحبنهم بس نور ماتهتم انت اخوي من امي وابوي لو رضاعة الحلو بنور ماتفرق

مومل. وبيها شغلة حلوة ماتحب الخير بس الها
تفكر بغيرها دائما مو نور

سيلين. اصلا نور ماتفرق بينه كلنه مو بس اخوانها

رسل. صح من شفتها كلت هاي من عائلة غنية اكيد ماتتحاجة ومتكبرة بس من حجت وياي سبحانه الله كلها قبول وحنان وتواضع وماعدها سالفة التكبير وشيلة الخشم هسة اكثر البنات تشوفهن ماتتحاجة بس نور ونعم الاخت من تكول اخت صدك اخت

نور. شكرا ع مدحي صح ماكو احد يحب الكل بس كلمن يتعامل باصلة وتربيته واخلاقه

مقتدى. صح بنيتي

نور. اي مهتدى ماقررتو شتسمون البيبي واوكل جود

مهتدى. والله محتارين بس نريد اسمائهم بيهن اول حرف من اسامينه يا ريت تساعدونه وتقترحون علينة

مقتدى مرتجى وميرا

مهند. مصطفى ومرح

مومل. كرار  وماريا

سيلين. راما  ورامي

العمة. مهدي . ورياحين

ابو نور. ميلا وماهر

ام نور. ميار. وممروان

موتمن. مراد. وسيدرا

مهتدى. وانتي نور

نور. بنات مسرة او مرام او مياسين  او سيرين
ولد موسى او ميسر او سلام او مرتضى

بس الاحلى مسرة ومرتضى لان احروفكم الاثنين بيهن

مهتدى. الاسامي كلهن حلوة بس عجبني
اسماء مقتدى ومومل ونور شتكولين حبيبتي

رسل. عجبني اسماء نور مسرة ومرتضى. لان بيهن معاني فوك معانيهن

مهتدى. شلون

رسل. مسرة تعني الابتسامة والفرح والرقة والايجابية وبيوم الصارو بطني صار فرح وفرحنه وبيوم كشفهم هم فرحنه بيهم وبيك انت واخوانك وهم هم اسمها بيه اول حرف واخر حرف من اسم عمة ومرتضى جاي اسمه من الرضا والقبول وهو احد القاب الامام علي عليه السلام وهم احرف اسم عم الله يرحمة بيه الهن معاني عميقة

مهتدى صح والله شتكولين يمة

العمة. اي كلش حلوات تدري راح يصير وياك مثل ماصار وي ابوك هم من سميناك مهتدى بعدين اتذكرنا اسمك يبدي باول حرفين من اسماء جدك وجد ابوك

مهتدى. شكرا الكم كلكم وشكرا نور

نور. تدلل خيو ح وسكتت

مهتدى. ليش ماكملتيها ما استاهلها

نور. لا والله مو هيج لا تفهمني غلط بس بس

مهتدى. بس شنو

رسل. ههههه

مهتدى. شبيج تضحكين

رسل حسبالها اغار اذا كلتلك

مهتدى. صدك نور

نور. هزيت راسي

رسل. لا حبيبتي ما اغار منج عادي انتي اخته ويحقله يدللج ويتغزل بيج مو غريبة

الكل. هههههه

موتمن. يعني ماتغارين علي من امي ونور

رسل. كوة يريد يحجيني سكته مهتدى

مهتدى. اسكت عنهن موتمن

موتمن. اننن انا احسن منك مرتي تغار علي من الهوا الطاير حتى من امي

العمة. صار غروب احنه نترخص

ابو نور. وين لا والله تضلون ع العشة

ام نور. اي والله ماطلعون تتعشون يلا شنو هاي مو عيب علينا

العمة. شنو احنه غربة وجايين نجربكم احنه اهل

ام نور. لا والله ماطلعون ازعل عليج

مهتدى. يمة اكعدي عمتي حلفت

العمة. والله ماكو داعي تحلفين

ام نور. ماكو خلينه متونسين

كمنه صلينه وبابا اتصل بجدو وعمامي اجو كمت انا وسيلين واجت رسل ورانا للمطبخ

رسل بنات اساعدجن

نور. لا حبيبتي ارتاحي

رسل. لا والله ولا اقبل انتن تسون وانا كاعدة

نور. جا هاج وانتي كاعدة سوي زلاطة واحنه نسوي العشة

رسل. تمام

نور. سوينه كباب بالفرن احنه ماما تجهز وتجمد وكلينه كبب وفنكر وسوينه شوربة وطماطة وباذنجان وشويت دجاجتين متبلات وعصاير ولبن وراح مقتدى جاب خبز حار جهزنا السفرة صارت تموت شكلها ورسل سوت اكثر من نوع مقبلات منظر السفرة يشهي جدو كال صبو بالكاع احسن صبينة وضحك وسوالف. ورا العشة كاعدين

مومل. خلي نلعب لعبة

مهند. مو مال لعب

موتمن. اي شنو

مومل. صراحة جراة

الكل. اي

رادو يكعدون بالكاع

نور. لا ع الميز لان رسل ماتكدر

الكل. صح

كعدنا انا ومقتدى وموتمن ومهتدى ومومل ومهيمن وسيلين ورسل ومهند فر مومل البطل طلع البطل ع مقتدى وموتمن.

موتمن. حلو جراة لو صراحة

مقتدى. انت ما ارتاحلك صراحة

موتمن. هم حبيت او انعجبت بوحدة طول حياتك ها طول حياتك

مقتدى. الصراحة اي

كلها التفتت مهند. شلون ومنو

مقتدى. اهدا اختك ماسوت سوايتك. اي صح نعجبت بوحدة من جنت صغير ومن كبرت حبيتها وهسة زوجتي سيلين

مهند. ايا طايح الحظ وكدامي تحجيها

مقتدى. جا ما مسوي حرام ولا عيب ولا مجذب احب اختك وازوجتها

الكل. هههه.

فر البطل مقتدى. طلع ع سيلين ومهيمن

سيلين. مهيمن صراحة لو جراة

مهيمن. صراحة

سيلين. مهيمن هل توجد فتاة في قلب اخي

مهيمن. نعم وبدون اي استفسار اخر فريت البطل طلع ع نور ومهتدى

مهتدى. نور صراحة لو جراة

نور. صراحة

مهتدى. شنو احلى لحظا  بحياتج

نور. احلى لحظا من نلتم احنه كعائلة وبالاخص من اكون وي اخواني اكون اسعد وحدة بالدنيا

فريت البطل. طلع ع مهند ومقتدى

مقتدى. صراحة لو جراة

مهند. جراة

مقتدى. رتب حبك لاخوانك بالترتيب بدون ماتكرر بنفس المرتبة اكثر من اثنين

مهند. ايا خبيث تريد تشعلها

مقتدى. جا بس انت تريد تشعلها بيني وبين خطيبتي

مهند. بالمرتبة الاولى سيلين ونور لان انا احب البنات اكثر من الولد وجنت متمني اول طفل بنية بالمرتبة الثانية مهيمن ومومل. لان احسهم اطفالي بعدها انت
وراها موتمن ومهتدى
وفريت البطل طلع ع نور ومومل

نور. صراحة لو جراة

مومل. صراحة

نور. هل يوجد حب في قلب مومل وهل اذا كان نعم انا اعرفها

مومل.  الصراحة نعم ونعم

مقتدى. منو

نور. لا سر

فريت البطل طلع ع موتمن ومهتدى.

مهتدى. جراة لو صراحة

موتمن. جراة

مهتدى. حلو هذا الاريدة تروح تجيب هدية النور وتعتذر ع كلام الصبح

موتمن. اي كلام

مهتدى. تعرف اي كلام

نور. ماكو داعي اصلا انا مازعلانه منه ادري بيه يشاقة

مهتدى. هو اختار جراة لازم يروح يجيب ويجي يعتذر منج كدام الكل

نور. لا مهتدى قابل هو شسوة حتى لو جان كلامه صح هم حقة وكيفة مو كل الاخوة يحبون اختهم

مهتدى. وهم الاخت مو هية التجي الله يخلقها فمو حقة يتعدة ع شي مو من ارادتنه لا تخليني ازعل انا هذا تحدي مالتي

موتمن. تمام كايم بس ما تلعبون

مهتدى. لا مانلعب

موتمن اخذت الفروة مالتي ورحت افتريت ما لكيت احد مفته بس ابو السوبر ماركت دخلت جبتلها كيكة وعصير وجبس وجلاتين ومرشملو جيسين وحليب وبسكت ورجعت دخلت ركض وكفت يم نور كامت وكفت نور انا اسف ع الكلام الكلته مالكيت احد برا ان شاءالله يعجبج الجبته

نور. هزيت راسي الهدية مو بقيمتها المادية كد ما هية بقيمتها المعنوية اهم شي طالعة من كلب الانسان عسة ما تكون ابسط شي حبة علج مادام نابعة من الكلب فهاي تعني هواي عندي
كعدنه كملنه لعب فرو البطل صار ع مهند ومهيمن

مهند. جرااة لو صراحة

مهيمن. جراة

مهند. تكوم هسة تروح للمطبخ تجيب صحن وكلاص وتكسرهم

مهيمن. مهند احنه مو بيتنه عيب من عمتي

مهند. معلي

مهيمن. انا الك كمت جبت صحن وكلاص خليت بيه ماي وصلت يمهم سويت نفسي عثرت وطاحن وتكسرن

الكل كام اسم الله اسم الله

مهيمن. اسف عمة عثرت بالزولية

ام نور. يا فدوة اللك يمة اهم شي انت مابيك شي

مهيمن. لا مابية شي

نور رايحة المة لميته واجيت

مهند. والله لوتي فر السالفة

مهيمن. جا شلون

فرو البطل طلع ع موتمن ومومل

موتمن. صراحة لوجراة

مومل. جراة

موتمن. تكوم تروح العمتي ام مهند تكلها عمة لكيت عمي يمشي وي وحدة بالسوك وانا ما حبيت اخليج ماتعرفين

مومل. هلا هلا لعبتي

مقتدى. لا لاتعلكوها غيرها موتمن لا تخبث

موتمن. جاي نلعب عادي

مومل. رحت العمتي عمة

ام مهند ها عمة

مومل. انتي هم امي والشي الماارضاه ع امي ما ارضاه عليج

ام مهند. خير يمة كول

مومل. عمة بصراحة هو شفت عمي قبل 3 ايام بالسوك يمشي وي مرة ما عرفتها منو حبيت اجي وابلغج لان انا ما ارضاها ع امي

ام مهند. شنو شجاي تكول شنو هلحجي محمدد كلي هاي تالي عمري

مقتدى. عمة والله جذاب ذول جاي يلعبون جراة وتحدي

مهند. الله يطيح حظكم حبيبتي الغالية والله جذب

ام مهند. مومل كلي جذب لو صدك

مومل. خزروني مقتدى ومهند. جذب عمة والله جذب هو اكو مثل اولاد رحيم اسف

رجعنة نلعب فرو البطل طلع ع رسل ومقتدى.

رسل. جرئة لو صراحة

مقتدى. صراحة

رسل. شنو الخلاك انت تكون جبير عائلتي اهلي بيوم خطبتي ويجون يخطبون منك وهل هذا صح انو اجو خطبوني منك

البنات متفاجاة
مقتدى صح انا جنت جبير عائلتج لعدة اسباب منها. مرة كتلكم مرة ومرة وكلتها الخواتج انا اخوجن وحاسبجن بمثابة نور امام الله وحلفت بهلشي والسبب الثاني بيوم الخطبة شفت نور ضايجة ومن سالتها كالت شافتج تبجين لان ماعندج مثل البنات اخ او اب يطلبونه منج وانا بالاساس قبلها بيوم متفق وي امج انا وكيلج اكون والاخ مايترك اخته باهم يوم بحياتها

رسل. الله يحفظك ويخليك اخ ونعم الاخ ماقصرت ويانه وما احتاجيناك ورديتنه

مقتدى. هذا واجبي

فرو البطل طلع ع نور وموتمن

موتمن. جراة لو صراحة

نور. جراة

موتمن تكومين اطكين مهند ومقتدى كلمن راجدي وتذبين ماي عليهم

نور. ما اسويها غيرها

موتمن. ما اغير لا تصيرين جبانه

نور. مو جبانة بس هاي يسموها قلة ادب ما اقبلها

موتمن. براحتج خسري وطلعي

نور. اي اطلع ولا اقلل ادبي واتجاوز ع اخواني الكبار

موتمن. مع الاسف اختي تفشلني وطلعت جبانه

نور. كمت شتريد تعتبرها اعتبرها بس ماكو اخ يعلم او يحرض اخته ع طياح الحظ ويعلمها تتجاوز ع الجبير انا اترخص كملو لعبكم مهند راح اخذ جودي وياي

مهند. تعاي لا تزعلين هسة اكوم اطيح حظة

نور ما زعلانه بس هو يحاول يسوي اشياء ندري شلونها من عرف احنه اخوته الهسة كله يذب كلام ومدري شنو وهسة هية لعبة للونسة ما طلب طلب بيه خير كله طياح حظ المهم ما اريد اعكرها عليكم تونسو انا اصلا من البداية ماردت العب بس الخاطركم كعدت  انا رايحة اكعد هنا هم لا تضوجون ما اصعد الاعب جود

مهتدى. اريد اعرف شنو هاي تصرفاتك الى متى شنو غايتك منها

موتمن. شنو غايتي نتونس ونضحك مو طلبتو وسالتو انتم احد اعترض

مهتدى. بس مو هيج صحيح حجي نور من الحفلة والهسة انت ماعاجبتك الصار شنو التغير اشو من زمان احنه نفس الكعدة ونفس الشقة ونفس الشي شنو ااتغير

نور. طاحت دمعة من عيني مسحتها ورحت للمطبخ شربت ماي. ورجعت مهتدى لا تعكروها خلينا متونسين لا تضوجونه حتى هاي راح اكعد وبعد لا تخلون جراة

مهتدى. تمام وانتي ساليه هم

نور. اي بس لا تضوج الخاطري خلينه متونسين بالمة الشتوية

مهتدى. ان شاءالله

نور. شي تتمناه وماصار

موتمن. اكون المدلل مال البيت

مهتدى. وليش مو مدلل رغم نفس العمر بس انت اكثر واحد مدلل

موتمن. كلمن يتمنة شي

نور. فريت البطل طلع ع مهند ومهتدى

مهتدى. مهند هم ناوي تسوي شي بحياتك جديد

مهند. اشياء براسي هواي وخطط وان شاءالله اسويهن

الكل. ان شاءالله

نور. رايحة اسوي شي دافي شتردون كهوة لو حامض

مقتدى. نور ما تشربين كهوة العصر شربتي

نور. لا راح اسوي ككو حليب

الكل. سوي الاثنين ولو نتعبج

سيلين. اجي وياج

نور. لا حبيبتي كملي لعب ماعندي شي بس دربالج ع جود جاي يلعب. رحت سويت حامض الهو نومي بصرة حار وكهوة وسويتلي انا ومومل وجود ككو حليب وديت للكبار رادو نومي بصرة

الجد. اللف رحمة ع والديج عاشت ايدج مو من اكول تشبه بيبيتها ما تصدكوني شوفو نفس التصرفات بالشتة

نور. الله يخليلنه ياك جدو وصبيت للبقية ورحت للشباب صبيتلهم مقتدى وسيلين ومهتدى ورسل بهذن رسل صبيتلج بالبني ككو حليب

ومهند ومهيمن وموتمن بهذن

نور. مومل انت هسة اجيب مالتك رحت للمطبخ خليت بصينية

ورحت يمهم. مومل عوف اللعب وتعال جبت شي احلى منه رحت يم الهيتر

مومل. هلا هلا اجيت رحت يمها. الله صار شكد مامسويها نشوي مارشملو هلا هلا بالضلع ومسويتني ملك يمةةةة

ام مومل. وطمة شبيك تجوعر

مومل. يمةةة بعد  ماريدكم اضل يم نور

ام مومل. هو انت منو يتحملك ضل كاضتك

الكل. ههههه

موتمن. شبيك طفل

مومل. ضل عود هو جبير هو يحلة الشتة اذا مو كلاص حليب ككو ومارشملو شوي تعال خالو جود تعال يمنة

جود. ايد امة نون

نور. ياروح عمة تعال تحب هذا

جود انا احبت

نور. فديت انا جاي ناكل ونام جود ع رجلي واحنه ناكل

رسل. كمت الوب اريد ندست مهتدى

مهتدى. شبيج

رسل. اشتهيته اريد

مهتدى. روحي اكلي

رسل ماعيب استحي

مهتدى. نور ماتكول شي امشي اخذتها ورحنه يمهم نكعد هم كاعدين يحشون بالناس

نور. هاكم تفضلو

مهتدى. شكرا خيتو

الجد. يلا يابة احنه نروح اتاخر الوكت

نور. جدو ابقو باجر جمعة

الجد. لا بابا ماعرف انام الا بفراشي

نور. جا مهند ابقو انتم وهم جود نايم

مهند. لا مناك يبقون وحدهم

نور. جدو خلي يبقون

الجد. ابقو بابا ضلو تونسو وهم باجر ماكو شغل ولا شي

مهند. تمام

العمة. جا احنه هم طالعين

نور. عمة ابقو شعدكم بالبيت اشو بيتنه جبير الحمدلله

العمة. يمة انا انام من وكت

نور. عمة تختاري الغرفة الترديها ونامي وخلينه كاعدين اذا رحتي الولد مايكدرون يعوفونج

ام نور. اي خية خليهم الولد هم خطية يتونسون من الشغل كله شغل واشكال يشوفون

العمة. ماشي بس انا اريد انام

نور. امشي عمة بغرفتي الجوة دافية ونظيفة وكلشي بيها ومعطرة تساعد ع النوم راحت عمتي نامت وبابا وماما هم بقينه كاعدين كامت سيلين سوت شامية ةانا اصلا مخلية ع الميز كرزات وجوكليت وحلويات كعدنا ع القنفة المدورة انا وبصفي مقتدى وبينه جود ومن الجهة الثانية مومل وبصفة مهيمن وسيلين ومهند وموتمن ومهتدى واخر شي رسل كعدنا ضحك وسوالف

مهند. نور اريد اكول شي بس اتمنة ماتضوجين

نور. كول حبيبي انا وصلت المرحلة ماكو شي يضوجني بعد

مهند. اهل خطيبج السابق ابراهيم

نور. شبيهم

مهند. ورا طلاكج الولد كدما يحبج يومية طلابة وي اهله ويومية متخربط وناقليه للمستشفى الحد قبل شهر ابوه طلق ام ابراهيم وذبها بالشارع ذبت الجلاب لان رايده تبصمه ع اوراق تنازل عن بيت ومدري شنو وبتهم فسخو الخطوبة وابراهيم عاف اهلة وسافر اتشتتو تشتت

مقتدى. الله وياهم مايربطنه بينهم غير قرابة من بعيد

مومل. حيل بيهم هاي حوبت نور عساها ماتتخطاهم عافوها باول شدة ميتة ع الفلوس حية الفلوس

مهيمن حيل وزايد وياهم

مهتدى. لا مايصير نتشمت بالناس لا ننسة الدنيا دوارة وكما تدين تدان

مومل. بس نور بنية نضيفة والله مايترك حقها

نور. مهما صار الله يسامحهم والصار وياهم هم مو شوية عائلة تدمر وتتفكك وتطشر فدوة سدو الموضوع ناس جانو بيوم جزء من حياتنه وخلص راحو الله وياهم. بصراحة انقهرت وضجت خاصة بخصوص ابراهيم صح مابادلته الحب بس يبقة شخص عشت وياه فترة

مقتدى. اي سدو الموضوع شرايكم نباوع فلم

الكل. ايي

شغلنه فلم وجبت غطوات ووكاعدين نباوع اشوفهم نصها نامت. مهتدى اخذ رسل خطية للغرفة هناك خطية

مهتدى. اي كايم

نور. مهند كعد سيلين خل تصعد بغرفتي وانتم صعدو بالغرف الفوك ع ما الم لم الصالة واخذ جود

مقتدى. لا صعد سيلين انت مهند انا اجيب جود يمهن

مومل. انا اساعدج نوارة

كلمن سوة شغلته وراح المكانه اجتلي رسالة من مهتدى

نور انتي زعلانه من موتمن

نور. لا بس شوية ضوجني كلامة ليش هيج صار

مهتدى. هذا موتمن اذا حب شخص مايحب يبين اله

نور. والله تمنيت لو مو اخوان ولا هيج

مهتدى. لا تكولين هيج والله احنه نتمنه عدنا اخت بس موتمن طبيعته يغار يحب يكون هو مميز عن الكل

نور. مهتدى اذا سويت شي ما ياذيني

مهتدى. اسم الله شنو ليش ياذيج موتمن اكثر واحد بالدنيا يحب تكون عنده اخت

نور. مثلا عادي نكضي يوم كامل سوة انا وياه

مهتدى. اي هو اخوج بس هم اخذي اذن من اهلج خاف اكو اشكال

نور. تمام. نمت كعدت ثاني يوم الصبح قبلهم لكيت ماما وبابا وعمة كاعدين صباح الخير

الكل. صباح النور

كعدنه نتريك.  عادي اطلب طلب

ابو نور. كولي بابا

نور. بابا انا وموتمن صايرة بينه زعولة صغيرونه واعرف موتمن يحب يكون متميز عن الكل و،،،،،،،

ابو نور. اي عادي بابا انا ما اخاف عليج انتي سباعية بعدين هو اخوج حاله حال مقتدى ومهند

نور. تمام جا اسمعو شراح اسوي، ،،،،

ابو نور. مادري بابا بس اذا حسيتي الوضع ماارتاحيتي لا تكملين

العمة وانا هم اكول

ام نور. بس لا ترحين مكان بعيد

ابو نور. بس بابا منو يوديج

نور مهتدى الوحيد اليكدر يساعدني

ابو نور. خوش روحي بابا ودربالج ع نفسج

نور كمت بوستهم رحت للغرفة بدلت لبست

واخذت جنطتي وتلفوني ورحت المهتدى كعدته كوم مهتدى

مهتدى. هاا خير

نور كوم شوف شراح اسوي، ،،،،،

مهتدى. بالله ماصار

نور. انت اشعلها من يمك

مهتدى تمام بس اغسل وابدل غسلت بدلت وديتها ورجعت تريكت وكعدو الكل مر ع روحة نور ساعة صارت 10 ونص وهية ماكو جان

،،،،،،،،،،،،،،،،،،،،،

انتظرونا