رواية احفاد ال رحيم الفصل الثامن عشر 18 - بقلم سـيـريـوس | Sirius ✨

,
,
,
,
مِن ضحكتي بوجهي بَست الناس كلها
وَحاضن اليطلبني ثار
وَياهو اشِوفه أهديلة وردة
وكمت أدلل بالزغار
گَلبي كام بصدري يحچي
وخضر بَروحي الخَضار
الدنيا چانت ظلمة عَندي
شطلع بوجهي النَهار
لا تضحك ويّ غيري
عوفي گلبي بلايه نار
النَاس مَا وَدي تشوفك
مو أنوب وَياك تضحك
يعني فوك الغَيرة أغار
,
,
,
________________

الكل. اللهم صل على محمد وال محمد
شنو هلجمال

مقتدى. اجه حظني نور متاكدة من قرارج وعيونه مدمعة

نور. اي من زمان جان بخاطري بس هسة اجه وقت الجد

الجد. بارك الله بيجن باباتي

ابو نور وابو سيرين. بارك الله بيجن بابا احسن قرار

شافنه سيد من السادة اجه يمنه سلم ع اهلي واجه يمنه

السيد. بارك الله بيجن الله يحفظجن بحق سبط الرسول ويبعد عنجن كل مكروه ويوفقجن بحياتجن

وباوع علينه وجه كلامة السيلين. انتي حياتج حلوة وراح تضل حلوة ومتفوقه وراح يجيج خبر او امر يصير بحياتج انصحج توافقين عليه لان هذا خير الج

وباوع علي. كال. انت مرحة وتحبين الحياة وتحبين الخير والمساعدة وما تحبين احد يلزم عليج شي وتحبين الخير الغيرج اكثر منج بس انتي حياتج هواي متعذبة بيها ودائما تصيرلج مشاكل وظروف انتي مالج اي شي بيها بس تطيحين انتي بيها واكو روح مراقبتج وتحبج وتتمنالج الخير بس انتي هواي متعذبة بحياتج وراح يستمر هذا الاشياء بس عندج جانب حلو هو عندج اهداف وان شاءالله تتحقق وعندج عمل او حاجة او حاجتين وحدة منهن بيها شريك وهذن الحاجات بيها خير الج والغيرج انصحج تستمرين بيهن بس دائما خلي الشي التردين تسويه سر الا ان يتم

مقتدى. العفو سيدنا الاشياء الموزينه التصير وياها مالها حل

السيد تنحل. باذن الله بس اي مشكلة او شي يصير وياها خلي تذب حملها ع الله ومحمد وال بيته وهمة يحفظوها ويطلعوها من كل امر مو زين لان عدها ايمان ونية كلش صافية وحلوة وايمانها قوي. انا اترخص منكم الله يحفظكم

االكل. شكرا وفي امان الله

رحنه نزور دخلنه زرنه وصلينه وطلعنه نتمشة انا بوسط مومل ومقتدى وسيلين بوسط مهيمن ومهند واهلنه كدامنه

مقتدى. نوري ليش اتخذتي هذا القرار هسة

نور. الصراحة من الحادث صار جان كل ما اتالم مرات ما اكول الكم لان اشوفكم تعبانين فاسوي نفسي نايمة حتى تنامون ورا متنامون اضل ادعي وابجي فجانت اكو مثل النور يجي علي وانا نايمة يمسح على جسمي ويهدي واكدر انام ومرة من المرات كلي انتي امانج قوي بس ماكامل انصحج تكمليه فاتخذت هذا القرار لان انا من زمان براسي هاي الفكرة وكلت السيلين وكالت وياج ومومل لان احتاجينه شغلات نجيبهن فماكو غيرة ياخذنه لان ردناها مفاجاة الكم وهو الوحيد النكدر نطلع وياه اثنينه بلا ما ينحجي علينه

مقتدى. ههه الله يحفظج الي ويثبت ايمانج فديت اختي 😘 وهذا ابو المصايب بكلشي موجود

مهيمن. لا والله ما ادري ليش كلها براسي

مقتدى. هههههه ولك انت منو يمك انا احجي ع مومل تعترف انت ابو المصايب

الكل. هههههه

مهند. مقتدى لازم نسويلهن حفلة بخصوص هذا الشي

مقتدى. اكيد

نور. لا منريد الشنو الحفلة قابل

مهند. لا ميصير لازم نسوي

سيلين. براحتكم

نور. بهمس مقتدى اكو بعد شي اريد اسويه من نرجع

مقتدى. وهو

نور. انا اريد اروح الدار الايتام افرحهم بكم شغلة

مومل. وانا وياكم

مقتدى. ولك اذان الفارة هية تهمس همس انا كوة اسمعها شلون سمعت

مومل. معلي وياكم جا تردون الخير بس الكم اذا ما اخذتوني اكللها كلها

مقتدى. تامرين حبيبتي من نرجع ورا بومين ناخذ موعد ونروح

نور. ليش احنه كم امولي عدنا اذا مناخذك ناخذ منو اكيد ناخذك بدل مناجرلنه بنكلادش يشيل ويانه الغراض

مقتدى ونور. هههههههه

مومل ها هيج مو من عيونه وعافني وراح يم هيام زعل

مهند ع شنو جنتو تحجون حتى ضحكتو ضحكونه وياكم

مقتدي. غمزلة. لا ماكو شي شغلة تافهة

هيام ها زعلوك وجانو يضحكون عليك متاخذ حجي مو كتلك لتنطيها وجه مو وجه نعمة

مومل. اسكتي ولا تدخلين افتهمتي مثل ما انتي اختي هية اختي والها حق علي بعدين سغلة مالج دخل بيها لتدخلين وعفته واخذت جود  ومشيت ليكدامهم

مهند شبيج وياه ليش هيج زمخ بيج

هيام. ماكو شي هيج

نور. مقتدى مومل زعل مني وعصب والله جنت اضحك وياه

مقتدى. لا ما زعل مومل ميكدر يزعل منج

نور. انا رايحة احاجيه

مقتدى. لا حبيبتي عوفيه بعدين حاجيه

نور. 🥺 لا رايحتلة

مقتدى. تمام بس لا ادمعين هذا يتخبل المخبل

نور. مومل امولي خياي خيو فلذة كبدي عمري وحياتي ورويحتي وقلبي زعلت مني افا

مومل. لا حبيبتي ما زعلت

نور. شلون ما زعلت وانت عفتني وصيحت ع هيام بسبب عسى لساني مقطوع ولا حاجية عساني ميته ولا مخليتك بهل حالة

مومل. نجبي وبعد لتحجين هيج شي انا ضايج من شغلة ما حبيت اضوجج وياي بس

نور. شلون مزعلان وانت متضحك انا من تضوجون تضلم الدنيا بعيني

مومل. ينور عيني انتي والله مزعلان كم نور عندي حتى ازعل منها انا بس ضجت من شغلة شفتها ولج نويرة الحجاب مطلعج احلى واحلى شنو هلجمال

نور. يمة استحي جمال عيونك

مومل. شايفة لو يجيني جلب ابن جلب يخطبج ما انطيج بالباب واشبعه دفرات واطرده

نور. ههههه حيل بس ليش

مومل. جا ياخذ نور منه نصير ضلام دامس وتضل هيام تتنغوص فوك راسي هسة بلا مهند شنو شاف بيها حتى تزوجها والطركاعة الكبرة جود يخبل مدري عليمن طالع

نور. ليش تحجي ع اختك هيج ميصير بعدين جود طالع ع خاله وعمته اثنينهم حلوين

مومل. نور ممكن سوال

نور. تفضل

مومل. حجيج عن هيام ومتقبلين ينجاب طاريها حتى لو شقة بش مو زين من كلبج لو تجامليني لو لان انا اخوها والخاطري

نور. بالاول هية اكبر مني ميصير اتجاوز عليها
ثانيا حرام نحجي ع شخص بظهرة وتدري بيه من اريد احجي ع شخص اطكها بوجه ثالثا هية من حقها تتصرف هيج لان تغار عليكم مني بس هية تصرفها بطريقة خطا رابعا اكيد اخلي خاطر الك وهنودي وعمو وعمه وجدو
خامسا. انا ما اكره ولا احقد ع احد مدام الله موجود هو ياخذ حقي

مومل. فديت كلبج العسل هذا وشبكتها ولج انتي وين اخليج واضمج من الناس انتي شي نادر واحسن شي صار بحياتي 😘

اشترينه كم شغلة ووصلنة مطعم اكلنه

ابو مقتدى. شباب انتو اذا تردون تفترون براحتكم احنه نرجع للفندق

مقتدى. ها تبقون ترجعون واشرت المومل ع نور حتى يرفظ

مومل. لا انا ارجع وياكم تعبت وانتي نور

نور. انا ارجع وياك للفندق لان تعبت كلش وعلاجي مماخذته

مهند.  لا كلنه نرجع وبعدين نطلع ضالين هواي هنا ونطلع براحتنه

ابو مهند. بكيفكم بابا
ورجعنه للفندق.

مقتدى. شبيج نوارتي ليش هيج شكلج تغير

نور. ماكو شي بس تعبت

مومل. اشتريلج شي قبل لا ترجعين

نور. لا بس ماي

مومل. تدللين

مقتدى. جيب وياك عصاير وكم حاجة الها

مومل. من عيوني.

ضلينه نمشي على كيف هم سبقونه ومقتدى حاضن نور من ورا ويمش يخاف عليها دخلت انا للاسواق اشتريت كلشي وطلعت فتحت بطل المي ردت انطيه النور

مقتدى. لا اوكف نور منين يوجعج راسج

نور. من ورا ودوخة بس شمدريك

مقتدى. اعرفج كلش زين. مومل انطيها عصير لا تنطيها ماي

مومل. صار فتحت العصير واحنه نمشي مقتدى يشربها وانا لازم ايدها وصلنه للفندق لكيناهم بعدهم مصاعدين الغرفتهم

مهند. وين جنتو ليش اتاخرتو.

________________

بالاول. كل عام وانتم بخير يارب تحققون كلشي تتمنوه

اعتذر على التاخير وان شاءالله اعوضكم هذا الاسبوع ببارت ثاني.

جانت عندي امتحانات ونتائجي بعد كم يوم ادعولي بالنجاح.

انتظرونه بالبارت القادم