رواية احفاد ال رحيم الفصل السابع عشر 17 - بقلم سـيـريـوس | Sirius ✨

,
,
,
,
,
من أشوفك حسّبت حُضنك يصير گماط
وتدگ روحك صليبَ بحضنِي بالشبَگه
وأشِد من غيبتك ماصِخ طلع ملگاك
اجيت وثگل جدَمي ودمعَتي تسُبگه
آنه مالحَ وأغزّر من أدوسّ  الگاع
شني ما غزرت وياك بالمَلگة ،
المُبدع والشهَيد عليّ رِشم .
,
,
,
,
,
_____________

نور. جدو احس نفسي تعبانه ومخنوكة واريد اروح للزيارة واطول هناك

الجد. اي والله هية النفسية طلبت زيارة يجرالج بس نشوف اخوانج حسب الدوام حتى نروح كلنا سوة شتكولون بابا مقتدى مهند

مقتدى. جدو انا الاسبوع الجاي فارغ

مهند. وانا جدي اكدر اخذ اجازة الاسبوع الجاي لان مماخذ اجازة صار هواي

الجد هاي هية حظرو نفسكم الخميس باليل نطلع زين بالنسبة التحاليل اخوانكم شلون

مقتدى. جدي باجر ان شاءالله من ارجع اجيبهن وياي وها مومل باجر يردوك بالمستشفى مسوين احتفال للدكاترة ويردوك

مومل. ان شاءالله

صار الصبح.
مقتدى. مومل مومل يلا كوم حتى نروح سوة

مومل. صباح الخير اي كايم
كمت سبحت ولبست ملابس واخذت الصدرية ونزلت تريكنة وطلعنه مسوين تكريم للدكاترة الاشتغلو خلال فترة الخفارة الصارت الحادث بيها وكرمو احسن دكتور واشطر واحد جان مقتدى كافضل جراحي عامة وكرمو موتمن كطبيب قلب ومهتدى وبعد كم دكتور وممرض وراها كرموني وثبتو اسمي بس اتخرج اداوم هنا بسبب تدخلي بعملية نور وخلص الاحتفال رحنه نجيب فحوصاتهم

مفتدى. الفحوصات الباطنية وجراحية وجسمهم الحمدلله بس نور بعده عدها نقص فيتامينات وفقر دم ونقص حديد لذلك يصير تعب عليها

مومل. وتشخيص القلب

موتمن. للاسف عدها ضعف بعضلة القلب وتشنج وخفقان زائدا لازم تعالج الفيتامينات وفقر الدم

مومل. احم والعلاج

موتمن. انت دكتور وتعرف بس حسب الخبرة اكلكم حالتها بدائية ممكن نعالجها لكن لازم متتعب لا تعصب لا تشم روائح قوية كلش لا تتوتر ولا تضوج لان كل هاي خطر ع حياتها لازم تنتبهون عليها وبعد شهر نعيد الفحوصات ونتاكد اذا مثل مشخصنه او شي ثاني

مقتدى. انهد حيلي وكعدت كعدة. مثل شنو

موتمن. قوي روحك يخوي ممكن يكون شي بصيط واحنه مشخصيها هيج ممكن انسداد بواحد من الشرايين ومتحتاج بس قسطرا وتنحل

مقتدى. ان شاءالله خير احنه الجمعة طالعين للزيارة ونظل اسبوع معليها شي

موتمن. لا معليها شي

مقتدى. يلا مومل امشي نروح

رحنه للسيارة كعدنه اثنينه واحد حالته مو احسن من حالة الثاني

مقتدى. لزمت ايد مومل وضغطت عليها مومل احنه لازم نقوى ونساعد بعض حتى منخليها تمر بكل شي حذرنا منه موتمن وننتظر للفحص الجاي ونتاكد وعد لو نفس الحالة ناخدها ونعالجها برا بس ساعدني

مومل. هزيت راسي. مقتدى يصير منكول الاحد

مقتدى. هو اكيد مرض قلب نور محد يعرف بيه لان ما شاءالله كل واحد عنده مرض شي ويخلصوها بجي ونور راح تسوء حالتها لان راح تضوج اصلا نور منكلها ولا مهيمن ولا سيلين ولا حتى مهند.

مومل. ليش مهند متكله

مقتدى. لان راح يحمل نفسه مسووليه حالة نور لذلك اريدك توعدني محد يعرف حالتها غير احنه الاربعة

مومل. وعد

مقتدى. رحنه وصلنه للبيت رسمنة ضحكة بس ماتعبر عن البداخلنه وهو نار تاكل بينه دخلنه للبيت ببدنه التحاليل وصدارينه والادوية وشهادات التكريم

الكل. الله يساعدكم

مومل ومقتدى. هلا الله يساعدكم

الجد ها بابا هاي شنو البيدكم

مقتدى. جدي كرمونه على شغلنه خلال الخفارة الصارت

الجد. بشنو كرمو

مقتدى. جدو كرموني ع ان انا افضل طبيب بال،،،،، ومومل افضل طالب طب اشتغل بالمستشفى ومن هسة نحجز مكانه

الكل. الف مبروك

ابو مهند. جا بابا شبيكم جنكم مفرحانين

مومل. لا عمو بس تعبنة من الصبح الهسة ع هلوكفة والجو حار

ابو مقتدى. زين بابا الغحوصات طلعت

مقتدى. اي بابا طلعن ومهيمن زين وضعة بس يحتاجلة فيتامينات وينتبه هلشهر ع صحتة من ناحية الاكل يبتعد عن الاكل الدسم كلش المقليات الحار وهذا علاجة وماشرين عليه ونور وضعها تمام هم بس عدها نقص حاد فيتامينات وحديد وعدها فقر دم. ولازم تنتبه للاكل ماكو لا دسم لا حار لا مالح ولازم ننتبه لا تتعب ولا تتوتر ولا تعصب منا الشهر نعيد فحوصاتها ونطمن عليها اكثر والتعب والدوخة بسبب النقص

ام مقتدى. ان شاءالله ماما نلتزم بالاكل والعلاج هذا يمك لان متردلك طلب

نور. مقتدى ليش علاجي اكثر من علاج مهيمن.

مقتدى. لان انتي الج سيروم وابر حديد لازم بسيروم  وابر فيتامينات وعلاج للفيتامينات وعلاج الفقر الدم وهذا علاج خفيف الكلبج حتى ليصير سرعة بدقات كلبج

نور. تمام

مومل. من رخصتكم اصعد اسبح وابدل

مقتدى. وانا هم

الجد براحتكم بس لا تتاخرون حتى يصبون الغدا

مهيمن جدو صاعد اصعد العلاج
صعدت ورا مومل شفته ضايج وخليه غراضة ع المكتب.  شبيك مومل ع هذا الخبر لازم تكون طاير انا منك جان سويت حفلة اتمنى انا بمكانك

مومل. انا امنيتي لو مصاير كل هذا ولا عشنة ذيج الفترة واخذت ملابس ودخلت اسبح وعفته بصفنته فتحت الدوش وصرت جواه وافكر بحالت نور وولكيت نفسي ابجي لان نور احسها توامي ع كد ما متشابهين بهواي اشياء واحد يحس بالثاني مسحت عيوني حيل بدلت طلعت لكيت مهيمن بعده

مهيمن. شبيك مومل ليش حجيت هيج انا اتمنالك كل الخير بس جنت اشاقيك

مومل. ماكو شي لتهتم ومديت سجادة الصلاة وصليت هو نزل ونزلت وراه انا ومقتدى كعدنه ع سفرة اكلنه انا اكلت قليل لان بيه حالة اذا اضوج ما اكل بس اكلت غصب علي حتى ما ابين الهم

ام مومل. ماما مومل ما اكلت

مومل لا اكلت تدرين بيه اذا اتعب ما اشتهي

الام. براحتك

ام مقتدى. ها ماما نوارة خلصتي

نور. اي ماماتي راح اصعد اخذ علاجي

مومل. اجي وياج. غسلنه وصعدنه شربت علاجها

مومل. نوري

نور. يروحها

مومل. شنو اكثر شي تحسين بيه هسة

نور. ماكو شي بس من افحط او اتعب احس نغزات بكلبي

مومل. اسم الله على كلبج ريتهن بكلبي ولا كلبج هاي اثر تعب الجسم من العلاجات

نور. اسم الله عليك لتكول هيج بس اكدر اسال

مومل. كولي يروحي

نور. ليش اليوم من اجيت والهسة ضايج لا تكلي تعبان لان ادري بيك حتى بتعبك ضحكتك مرسومة بس اليوم رغم تكريمكم اجيتو اثنينكم مو على بعضكم

مومل. لا يروحي لا تفكرين هذا عدنا ولد اعرفه  ويانه خطية فقير كلش من عائلة فقيرة اخته مريضة قلب وهو معيش اهله وعدهم بيت باسم ابوه باعو البيت العمهم عمهم كلهم امشو نحولة والفلوس بالبيت من حولو البيت بس رجعو عمهم طردهم وربع ما انطاهم والولد من كد ما محتاج فلوس من وقع الورقة ما قراها وراد يبلغ ع عمه جان عمه يكله انت اتنازلت ما بعت وهسة الولد اخذ امه واخته وطلعو من المحافظة كلها وما حصلناه ولا نعرف عنه شي

نور. ياا خطية الله ينتقم ع كل ظالم الله ياخذ حوبتهم اذا تلكاهم كلي وانا امن الهم سكن

مومل. شلون

نور. من نرجع من الزيارة اكلك

مومل. تمام

نور. مومل انا راح انام احس نعست انت وين رايح

مومل. ترديني يمج لو اروح

نور. اممم تعال يمي
اجه وصار بصفي ظل يمسح ع راسي بسرعة نمت

مومل. رحت يمها ظليت العب بشعرها ونامت ضلن يجن براسي تخيلات اخاف اخسرها مادري بنفسي نمت

ثاني يوم كعدت كعدت نور

مومل. صباحو يحلو

نور. good morning

مومل. يلا كومي وراج علاج

نور. تمام خلي نتريك بالحديقة واريدك بشغلة

مومل. تمام
رحنه سبحت وبدلت نزلت اتريكت وياها اي نونو شنو تردين

نور. اريدك بشغلة بس وعد محد يعرف

مومل. وعد كولي

نور. اريد اروح لل،،،،،،،

مومل. احلى شي سمعته يلا امشن

نور. يلا سوسو بس مثل مكلنه محد يعرف

صعدنا بدلنه نزلنه ثلاثتنه سوة رحنه لكيناهم كلهم كاعدين بالصالة.

نور. جدو راح نطلع

الجد. وين بابا رايحين هسة

نور. جدو رايحين نجيب كم شغلة ومومل راح ياخذنه لتخاف مو وحدنه

الجد. تمام بابا بس مو تتاخرون

نور. جدو احتمال نتاخر لان رايحين نتسوك كم حاجة عدنه نقص ونتغدة برا

الجد. براحتكم بس من نتصل عليكم ردو لا تخلونة بقلق

نور. ان شاءالله جدو

مقتدى. ليش مكتيلي انتظري اجي وياكم

نور. لا حبيبي منريد نتعبك مومل ويانه لتخاف علينه محتاجين شي اجيبلكم ويانه

الكل. لا سلامتكم

نور. صعدنه بالسيارة ورحنه. اكول امولي اكو شي ضاميه علينه

مومل. احم لا شنو ضامين ليش

نور. انت ومقتدى ماعاجبيني من رجعتو من المستشفى الهسة وضعكم مدري شلونه

مومل. ماكو شي غير السالفة الكتلج بيها

سيلين. يا سالفة ليش متكلولي

نور. ماكو شي بس صديقهم مسافر وميحصلونه

سيلين. هاا ان شاءالله تحصلونه

نور. ما ريحني جوابة ادري ضامين شي علينه وصلنه ضلينه نفتر ونشتري كلشي نحتاجة واشترينه الشي الاجيت عليه انا وسيلين واشتريت عباة راس الي والسيلين خاف نروح للزيارة وكم شال وي البس وكم حاجة واشتريت عباة الماما وعماتي وهيام وكم قطعة ملابس النه واشتريت دشاديش للشباب لون ابيض والبابا وعمامي لون بيجي وجدو جوزية وجودي جبتلة لون ازرق

مومل. انا راح اجيب شماغات النه الشباب والجدو اخذ الكل واحد لون

نور. امولي كافي خلي نتغدة جعت

مومل. يلا

رحنه تغدينه وشربنه عصاير

نور. مومل اريد نروح محل اكسسوارات

مومل. امشن

رحنه اشترينه واشتريت سوار انفنتي 5 اثنين بناتي عليهن كرستال وثلاثة  ولادي واشتريت اسوار الجودي بس سنسال غلفتهن بلا ميدرون واشتريت كم قطعة اكسسوار محابس وطلعنه صارت ب2

مومل. ترحون المكان بعد لو لا

نور. لا كافي تعبت اذا احتاجيت شي بعد اودي واحد منكم صايرة بسرعة اتعب

مومل. تدللين شفتها وجها صار احمر وبين عليها تعب. شرايكم تشترون عصاير لو موطة

نور. اريد عصير موز وفراولة واريد ice cream

مومل. مو تدللن وسوسو

سيلين. اريد عصير رمان وموطة

مومل. صار

راح وحاب النريدة وجاب موطة للعائلة وماي النه

مومل. وين تشربنها

نور. بالسيارة

رحنه بالسيارة شربنه العصير واكلنه موطتنه وصلنه

الجد. هلا بابا الله يساعدكم

الشباب. ويساعدكم جدو

ام مقتدى. شبيج نور ليش وجهج هيج

نور. ماما من الحرارة والفرة تعبنه

مقتدى. اكلتي اخذتي علاجج

نور. اي

مهند. هاي شنو مشترين المول كله

نور. وين كله هية كم شغلة

الجد روحو بابا الغرفتكم سبحو وبدلو

نور. ok بس بالاول هاي الكم انطيت الجدو علاكة دشداشتة وبابا وعمامي هم والشباب
اتمنه القياس نفسة قياسكم

الكل. ليش تعبتي نفسج عشتي ع هلذوق الحلو

نور. هاي نلبسهن من نروح نزور الامام الحسين
عليه السلام

الكل. ان شاءالله

نور. وانتن نبع الحنان ما نسيتجن وانطيتهن العبي

الامهات. ليش كلفتي ع نفسج ماماتي

نور. احم هيام هاي الج

هيام. شكرا

مهند شوف شنو جبت الجودي

مهند. شنو جبتيله

نور. شوف شوفتت الدشداشة والسبحة صغيرة وسوارة

الكل. فدوة يجنن

مهند. مشكورة خوية

نور. يدلل جودي وابوه ع قلبي

الكل. هههه

نور. حسيت تعبت ومحتاجة ارتاح انا اروح الغرفتي

الكل. براحتج

نور. يلا سوسو امشي نظم غراضنه

سيلين. يلا. رحنة غرفتنه نونو بالليل نجهز الجنط

نور. تمام
خليت الغراض دخلت سبحت لبست ملابس خفيفة ونمت كعدت العصر شوي احسن غيرت لبسي نزلت لكيتهم كلهم كاعدين رحت يم مقتدى وملت راسي ع جتفة وهم يحجون ويخططون للسفرة

مقتدى. نوري بيج شي شو ساكتة

نور. لا ابد بس ماعندي شي احجيه

مقتدى. انا اخاف من تسكتون انتي ومهيمن

نور. شنريدنة نكوم نتعارك قابل بعدين داحمل طاقتي للزيارة لان صايرة مدري شبيه بسرعة اتعب

مقتدى. اي غير من ايدج ادري جسم مابيه قطرة فيتامين ومن تتمرضين تجيلي مقتدي ليش ما عندي مناعة ليش شعري يطيح

نور. شاسوي مو داكل

،،،،،
مهيمن. اباوع ع مقتدى ونور وشلون يحجون بيناتهم واتمنى لو بس تبادلني واحد بالمية من نفس شعوري اتجاها

الجد. اكلكم الحادث متخيلين قلل كلام الضراير

الكل. ههههههه

مومل. جدو منو الضراير

مهند. يقصد نور ومهيمن

نور.  جدو شنو ضراير انتم ليش تردونه اله نتعارك

الكل. ههههه

صلينة وتعشينن وكلمن راح يجهز جنطته حتى نطلع سبحت ولبست ملابس محتشمة وشال خليته ع جتفي وعباتي بجنطتي مالت اليد وطلعنه انطاني مقتدى علاج غثيان لان ادوخ من السيارة ومن وصلنه بالاول للنجف رحنه فندق ارتاحينه وتريكنه وطلعنة زرنه الامام علي وطولنه للعصر يلا ركبنه الكربلاء وصلنن قبل المغرب حاجيت مومل كتله خلي ينزلون وانا وسيلين وانت نتاخر وراهم لان اريد، ،،،

مومل. تمام

مقتدى. هاا وين نور وسيلين

مومل. روحو انا اجيبهم نور جاي تسبح بس لا ادخلون انتظرونه بين الحرمين

مقتدى. تمام دربالك عليهن كلش زين

مومل. بعيوني

نزلو لبسن نور وسيلين ولبسو كلهم الزي العربي الاشتريناه ونزلنه كلها الناس تباوع علينه وصلنه بين الحرمين وبالتحديد للمكان الكاعدين بيه اهلنه ومن شافونه كلها ضلت مصدومة، ،،

،،،،،،،،،،،،،،،،،،،

للحكاية بقايا

انتظرونا