رواية احفاد ال رحيم الفصل الثاني وخمسون 52 - بقلم سـيـريـوس | Sirius ✨

ما أجامل
عيني مو عين أُمك
تشوفك غَزال
و المُسامح مو كَريم
لا غَشيم
والخَلل بيه
انه انطيتك مَجال .

كرار سعيد

,,,,,,,,,,

نور. بالبداية جنت مامتقبلته وبعد تفكير طويل قنعت روحي هاي شغلة ما منها مفر فلازم اتقبل الامر واحاول الين شوية وبديت اتقبله شوية وعادي يعني قبل جنت حتى استحي احجي وياه واذا اتصل ومرديت استحي اتصل عليه هسة عادي كمت احس اتقبلت وجودة

مقتدى. يعني ماكو حب بكلبج اله

نور. لا بعدني ماواصلتلها

مقتدى. تمام اهم شي صحتج كلشي ما اريد

نور. ان شاءالله

مقتدى. تردين اجيبلج شي جوعانه

نور. اي جوعانه بس اريد شي خفيف وماياذيني

مقتدى. تمام رحت جبتلها حليب ككاو حار من كوفي قريب ع المستشفى وكرواسون والي هم. وهذا احلى هوت جوكليت الام النور

نور. فديتك الله لايحرمني منك

مقتدى. تدلل نونايتي

نور. اكلت وكمت غسلت ورجعاني مقتدى المكاني شوية وحسيت رجفة صارت بجسمي

مقتدى. شبيج نونايتي

نور. مادري بس بردانه

مقتدى. بس اشوف اهووو هم رجعت حرارتج لحظا اجيب العلاج واجي

نور. تمام شوية واجه

مقتدى. خليتلها العلاج وانطيتها شربت هم

نور. مقتدى ممكن طلب

مقتدى. امري حبيبتي

نور. مقتدى اذا نايمة عادي دخل اليريد يشوفني بس بسرعة طلعة بس اذا مصخنه وكاعدة لا ادخل احد لان اضل اهلوس ولا اكول شي ماينكال

مقتدى. ههه ان شاءالله شوية واندك الباب باوعت نور نايمة. اتفضل

ابراهيم. صباح الخير

مقتدى. صباح النور

ابراهيم. شلونها ماكعدت

مقتدى. نزلت حرارتها وكعدت واتريكت ورجعت صعدت حرارتها انطيتها علاج ونامت

ابراهيم. الله يشافيها ما تتحمل المرض كلش

مقتدى. لا هية جانت اقل من هيج بس اخر فترة من كثرة العلاجات والعمليات جسمها تعب

ابراهيم تريد تروح للبيت تبدل تنام روح انا يمها

مقتدى. تؤ عندي غرفتي هنا وكلشي بيها وع النوم متعود ع السهر وهم ماكدر اعوف نور كلشي يصير لان انا ع تواصل وي دكتورها السوالها عملية كلبها

ابراهيم تمام. ضليت اباوع ومقهور عليها سبحان الله تدخل الكلب بسرعة بنية بيها قبول ومحبوبة بشكل تحس براحة نفسية من تكعد وياها صح كتومة وخجولة بس بنية ادب واخلاق وقبول ورزانه وحنونة ع كلشي. شوية واندك الباب

مقتدى تفضل

دخلو الجد وابو نور وامها وعمامها ومهند ومومل ومهيمن

الكل صباح الخير

مقتدى وابراهيم صباح النور

الجد. هاا بابا شلونها اختك شو بعدها نايمة

مقتدى. لا الحمدلله نزلت حرارتها وكعدت الفجر وتريكت وقبل ساعة رجعت ارتفعت انطيتها علاج ونامت

ام نور. رحت كعدت يمها ذبلت فرد ذبلة. ماما مقتدى لا تضم علية فدوة اختك شبيها شوفها شصاير بيها

مقتدى. رحت يم امي 🫂 كافي بجي وداعتج وداعت عزيزتي النامت جوة التراب مابيها شي كله فلاونزة ونور ماتتحملها وانت تعرفيها من الصغر هيج شحال لو ما اخر مرة اسبوع يلا فكتها ان شاءالله يصير بيه شي لو منقص حرف

الام. لا اسم الله حبيبي مصدكتك

مقتدى. مومل ومهيمن ماترحون للعيادة

مومل. لا احنه من نداوم مثل كلمرة مانروح حتى بالعطلة

مقتدى. تمام. ورا ساعة

نور. كح كح

الكل كام

مقتدى. نور نور شبيج

نور. مي

مقتدى. اي جبت ماي شربتها

نور. الحمدلله

مقتدى. شبيج اكو شي

نور. جنها بدت الفلاونزة بصدري

مقتدى. هسة اشوف لحظا

ام نور. الحمدلله ع سلامتج يمة

نور. اللهيسلمج

كل تحمدلها السلامة

ابراهيم الحمدلله ع سلامتج

نور. الله يسلمك. باوعت ع مهيمن مبين مقهور. مهيمن بلا زحمة عادي تشوف مقتدى وين راح

مهيمن. تمام

نور. احس شوية ارتاحيت من طلع لان ادري ينقهر من يشوف ابراهيم

ابراهيم بهمس عساه بيه ولا بيج

نور. اسم الله عليك لاتكول هيج

ابراهيم. مردتي كلبي مرد بهاي نومتج تعودت ع نور الفرفوشة الخجولة هذا المرض اخذ حيلج كله

نور. اسفة شفتني بهذا المنظر ونزلت راسي

ابراهيم. ليش تتاسفين انا اول مرة اشوف وحدة بكل حالاتها حلوة حتى بمرضها بعدين المرض هذا من ربج مو احنة النتحكم بيه

نور. خجلت بعد من يمي دخل مقتدى ومهيمن

الجد. ها بابا شصار

مقتدى. لحظة جدو رحت يم نور عدلت حجابها وكعدتها عدل هذا موتمن يريد يسالج كم سوال

نور. اي تمام

موتمن. هلا بنورة الحمدلله ع سلامتج

نور. الله يسلمك

موتمن. اي ام النور ستحين

نور. احس حركة بصدري وجسمي نهلان شلون المكسرة ودوخة

موتمن. والحرارة

نور. ب5ونص تقريبا جانت 37 وب7ونص رجعت ارتفعت 39 وهسة بعدها بس اقل تقريبا

موتمن. لا تخافين مابيج شي هاي تدلعين علينه لان خلصتي امتحان تردين دلال

نور. موتمن بدينه مو الكاع محظورة

موتمن. لا اعتذر وان شاءالله مابيج شي انطيني مقتدى

مقتدى. ها يا م،

موتمن. لا مو هسة اسمعني وغمزتله

مقتدى. اي شنو

موتمن روح اخذها القسم الاشعة سوي الصدرها وسويلها تحليل دم شامل

مقتدى. ان شاءالله سديته.نور طالع اشوف القسم واجي اخذج حظري روحج

نور. تمام ساعدتني ماما عدلت حجابيي وملابسي

مومل. خوية تكدرين تمشين لو اروح اجيبلج كرسي

نور. لا اكدر امشي

مومل. تمام

مقتدى. يلا امشي

ابراهيم. اجي وياكم

مقتدى. لا ارتاحو اخذها اكمل وارجعها

مومل. انا رايح الدكتور ابراهيم لان موتمن دزلي شغلة اله

مقتدى. جا تعال وياي موجود اجه يشوف وضع نور

مومل. تمام

طلعنه والولد لازميني من ادية وودوني القسم الاشعة اخذت وراها سحبو مني دم

دكتور. ابراهيم. لا الحمدلله ماكو شي بس التهاب بسيط

مقتدى. شكرا دكتور اخذتهن ورجعتها للغرفة ودزيت التقارير الموتمن

ابو نور. ها بابا ان شاءالله خير

مقتدى. الحمدلله ماكو شي بس التهاب بسيط بالقصبة الهوائية هذا علاج تاخذه وكلشي تمام

ام نور. الحمدلله

نور. اكول شوكت اطلع

مقتدى. يستقر حالتج يلا

نور. اووووف

مقتدى. موتمن يكول العصر طلعها

نور. اوكي

مهند. نونايتي ماجوعانه

نور. اباوع ع مقتدى صفح لا

مقتدى. مهند نور جوعانه معليك بيها لا تخافين ماكله جيبلها شوربه

نور. اخخخ الحمدلله

الكل. ههههههه

مهند. شنو تحبين اجيبلج حياتي

نور. بكيفك عمري

مقتدى. جيبلها شي تحبة

مومل. شرايج جدر دولمة لاجعة

نور. اي فدوة اهم شي حامض مالح مو حلو

مومل. تدللين هسة باتصال الخالة ام رسل اشوفها مسوية

نور. حتى لو مسوية ماتلحك

مومل. تؤ عدها طلبيه اليوم وسمعت ريان كالت غدانه دولمة باجر

نور. تمام جا انا اخابرها وين موبايلي

مقتدى. ماجبناه بالبيت هاذ تلفوني بيه رقم ام رسل لان ريان وليان بالعيادة راح اتصللها

نور. تمام

مقتدى. الو السلام عليكم خالة

ام رسل هلا بيك خالة وعليكم السلام شلونك الاهل شلونهم

مقتدى. ربي يسلمج الحمدلله عدنا بس نوارة مريضة وتخربطت جبناها للمستشفى

ام رسل. سودة عليه شبيه وشلونها

مقتدى. لا الحمدلله اسم الله عليج خالة خالة بلا زحمة بس طلب

ام رسل. اي يمة تدلل

مقتدى. نور صارلها شهر كاطعة الشهية وهسة تشتهت دولمة عدكم مسوين جاهزة

ام رسل. والله يمة عندي مجمدة بس ما مستوية واطول يلا يرادلها ساعتين

مقتدى. تمام خالة مشكورة اشوف مطعم واجيبلها

ام رسل اوكف يمة انا مسوية للبنات مشتهيات عادي اشيللها تعال اخذلها

مقتدى. لا خالة مشكورة غداكم هذا الف عافية

ام رسل لا والله يمة تجي وتاخذلها اصلا مسوية هواي انا بطبعي اكثر حتى ادزلي كم بيت من جوارين ثواب

مقتدى. ثواب الواصل تمام خالة مسافة الطريق واكون يمج الله وياج

مومل. ها شكالت

مقتدى. عدها بس يطول ع مايستوي بس نوارة حاله خاصة تكول اصلا حاسبة حسابها واتصلت عليها ماترد تعال اخذ حصتها لان مسوية ثواب للحجي

ام نور. الله يحفظلها البنيات

مقتدى. مهيمن تروح وياي

مهيمن. اي

مقتدى. شنو اجيبلكم غدا

الجد. اي شي

نور شوف خالة ام سامي خاف تودي بالاول لان تعرفها هسة تحوس منو يوديلنه

مقتدى صح اتصلت بيها هههه مثل ماكلتي مودية غدة ودازته بيد سامي تكول شلون اعوف نوارتنه

مومل. شدازه

مقتدى. تكول برياني وتشريب لحم وتمن ومركة بامية ومقبلات وسوالف ام سامي بعد

نور. فدوة خالة شكد حنونة

مقتدى. يلا رايح انا

راحو وماما كاعدة يمي طبعا مقتدى حاجز غرفة وحدي فماخذين راحتهم

ام نور. الحمدلله امي استقرت حرارتج ان شاءالله بعد ما ترتفع

نور. ان شاءالله. بهمس ماما غرفتي قافلتها

ام نور. اي بس طلعتو قفلتها انا اجيت وراكم مو وياج

نور. الحمدلله

ام نور. ليش هيج متكتمين ع الغرف انتي واخوج

نور. ماما وغراضنه واسرارنه كلهن بغرفنه

شوية واجه مقتدى ومهيمن بديهم جدر متوسط بيه دولمة وعصاير جايب وياه وسامي واصل دخلو منه الغدة

مهند. جيب انا اوكل نورايتي انت اكعد اكل كافي تعبت

مقتدى تمام

نور. اجه مهند يمي كعد اخذ دولمة بصحن من الجدر ترسه وجاب عصير وماي

مهند. اي نوارتي هسة تاكلين صحنج كله والج هدية مني

نور. لا حبيبي اكل ع كد استطاعتي وهديتك واصلة

مهند. بهمس شبيج ترست الصحن ادري ماتاكليه كله بس الريحة صطرتني فحتى اكل وياج

نور. الف عافية بدة يوكلني من صدك خالة تسوي الدولمة تموت

مهند. بهمس جني راح ازوج ع هيام واخذ ام رسل حتى تطبخلي وادلع معتدي

نور. خصيت بالاكل من الضحك

مهند. اسم الله هاج شربي ماي

مقتدى. شبيك وياها ع كيفك

مهند. شدعوة عيني هدي جاي تاكل وغصت قابل مغصصها

نور. راحت الغصة وكملت ضحكتي

مومل. الله لا يجذنبي جانو يحشون باحد وهلنور تضحك

مهند. اشتعلت الغيرة يلا حبيبتي نوارة افتحي حلكج اجت العمية بالطيارة بالطيارة وشات دولماية صغيرة وكلتها عم عافية بالشاطرة

نور. يتصرف وياي كاني طفلة وانا مندمجة الحد ما اكلت الكمة اباوع ع اثنين احسهم نار الغيرة تشعل بكلبهم هو يغور بمومل ومايدري اكو اثنين كبت عدهم خلصت اكل كافي هنودي شبعت

مهند. مع الاسف ردت اغور مومل بعد تعاي شربي عصيرج جعل محد غيرج يشرب عصير

الجد. ولك مهند

مهند. اسف جدو حسبالي جاي تشرب جاي

الكل. هههههه

نور. وخرت الغطة وردت اكوم

مهند. وين وين

نور. اروح اغسل

مومل. اجي اساعدج

نور. لا حياتي كمل اكل اكدر امشي رحت للحمام غسلت وعدلت شالي وطلعت باب الحمام واجتلي دوخة قوية اجالي مهند يركض. نور شبيج وعلى صوته كلها التفتت

نور. احم مابيه شي بس رجلي تنمل فوكفت كملو اكل بهمس مهند دخت ساعدني اروح المكاني لا تحسس احد

مهند. تمام اخذتها وصلتها المكانها. وانطيتها علاجها

نور. روح اكل حبيبي

مهند. ماريد مو اكلت وياج

نور. الخاطري روح كمل اكلك

مهند. تمام نزلت يمهم اكلت شوية خلصنه لمينه الاكل انباوع نور نايمة راح مومل جاب جاي واجه

مقتدى. روحو والعصر نطلعها

مومل. حتى انت روح انا ابقة يمها وهم جاي بسيارتي

مقتدى تمام امشو

كلها طلعت رحت يمها بستها من راسها اخ يانور شنو تشوفين بحياتج بعد صار العصر اجه الدكتور كشف عليها وكال تكدرون اطلعون سويت الخروجية واخذتها وطلعنه بالتلفون. هلا مقتدى

مقتدى. هاا شنو طلعتو

مومل. اي بس ما جايين للبيت

مقتدى. ها جا وين

مومل رايحين نمر للمحل نور تريد كم نوع حلو تجيب

مقتدى. تمام بس دربالك عليها

مومل. افا هاي رويحتي

نور. يبعد روحي

مومل. شنو تردين اجيب

نور. من كل نوع جيب لان خاف يجي احد

مومل. مو تدلل نوري

نزل جاب واجه ورجعنه للبيت ودخلنه جوة

الجد. بابا نور بالليل يجون اهل ابراهيم

نور. هلا بيهم جدو

مقتدى. اتصعدين ترتاحين

نور اي وهم اريد اسبح واغير ملابسي من ريحة المستشفى

مهند. انا هو اريد اصعد امشي

سيلين. وانا جاية وياج

صعدنه فوك راح مهند الغرفته كعدت ع الجرباية

سيلين. نور. البنات رادن يجن للمستشفى كتلهن راح تطلع كالن جا بالليل نجي لان العصر مايكدرن

نور. هلا بيهن كمت سبحت وبدلت نشفت شعري وخليت مرطب وصليت وكعدت ع الجرباية فتحت موبايلي اتصالات محترك حرك ابراهيم والبنات وجاد وجولي اول شي اتصلت بجاد

جاد. هلاو نور الحمدلله ع سلامتج

نور. الله يسلمك الحمدلله احسن صرت

جاد. الحمدلله حرارتج بعدها

نور. لا صرت احسن بس التهاب بصدري

جاد تهون

نور. جولياني شلونه

جاد مشتاقلج خابصني اريد عمة نور واريد عمة نور

نور. يعمري فديته بوسلياه وسلم ع الاهل وميمي

جاد. الله يسلمج يوصل

نور. شنو شوكت تجون مو كلت اجي

جاد. قريبا نجي

نور. شوكت

جاد مادري ع مانكمل الاوراق

نور. تمام دخلت سيلين حبيبي انا اترخص لازم اسدة سلملي وبوسلي جوجي

جاد. يوصل دربالج ع روحج حبيبتي بيباي

سيلين. تحجين وي ابن خالج

نور. اي

سيلين. تكول عمة تنزلين تتعشين لو نصعده الج لا يجون بيت عيالج

نور. لا نازلة جنت لابسة دشداشة لبست حجابي ونزلت

الجد. هلا ببنيتي تعاي هنا اليوم كعدي

نور. حبيبي جدو

مقتدى. يلا اكلي اكلج وماريد شوية وكلتي شبعت

نور. تمام اكلت وشربت عصير وكمت غسلت صعدت فوك اشرب علاجي اجه مقتدى

مقتدى. نونايتي امي تكول خلي تبدل وتنزل اجو عيالج

نور. تمام انتظرني هنا حتى ننزل سوة

مقتدى تمام

نور. عندي دشداشة تفصالها مال بدلات لبستها وخليت مرطب وجه وحمرة ورديه خفيف ولبست شالي وطلعت

مقتدى. شنو هلجمال

نور. لا تجامل هو شمسوية هو مرطب وحطيته

مقتدى. جمالج الداخلي مغطي ع جمالج الخارجي بعدين انتي حلوة بكل حالاتج

نور. فديتك حبيبي نزلنه سلمت عليهم

الجد. كعدي بابا يم خطيبج

نور. تمام

ابراهيم. بهمس شلونج شلون صرتي

نور. الحمدلله احسن جان جايب ورد وعلبة حلويات شكرا

ابراهيم تدلل نوارتي

لم ابراهيم. شلونج جنتي ان شاءالله بخير

نور. الحمدلله

ام ابراهيم. الحمدلله انتبهي ع نفسج مرة ثانية

نور. ان شاءالله الصراحة ضجت من كلامها تحسسني انا مرضة روحي

شوية واجو عمتي ام مهتدى والولد كمت سلمت عليها والولد من بعيد

ام مهتدى. تعاي بنيتي يمي

نور. اي عمة

ام مهتدى. يمة شصاير بيج بعدوينج ولا بيج

نور. ههه تسلمين عمة

موتمن يمة لا تخافين مابيها شي حبت تدلل علينا تريد اهتمام

نور. ماكدرت ارد عليه كاعدين بيت ابراهيم ردت امه عليه

ام مهتدى. معليك انت ماتشوف الوجه شصاير بعدين يحقلها تدلل اذا مو نورايتنه تدلل منوو يدلل

الكل. ههههه

مهتدى. شلون صرتي نور

نور. احسن من امس بس شوية صدري ماذيني

ابو ابراهيم. احنه نترخص نروح

ابو نور. وين بعد وكت كاعدين

ابو ابراهيم. واللهالكعدة وياكم حلوة بس بيت اختي يردون يجون

ابو نور. براحتك بس مو ماتجون بعد

ابو ابراهيم. لا ان شاءالله النه جية قريبة

طلعو وبده مشاكسات

موتمن. ولكم نويرة ام دميعة صارت مرة وازوجت وانا بعدني

ام موتمن. ومنو لازمك مو اتوسل بيك تتزوج

نور. من تصير رجال نزوجك

مومل. طن طارت الجبهة

مهند. بعد اذا حجيت كلمة يا موتمن تندم

مقتدى. هو بعد يكدر يحجي وي نور كلمة

ابو نور. عيب بابا مايصير

مهتدى. لا عمو خليه من امس  يتحارش بيها خلي احسن

اجو ام حمزة و ام رسل ورسل وليان وريان وام ازهار وازهار وام سمارة وسمارة سلمنه عليهم ودخلو سوة ويانه وتعرفو ع بعض

الجد. امشو بابا نخليهن بحدهن واحنه نطلع عندي شغلة وياكم

طلعو جدو وبابا وعمامي والولد وضلينه بس نسوان

ام موتمن. نويرة يمة منين هذني

نور. عمة شايفة هذيج المرة المتعوبة مبينه

ام موتمن. اي

نور. هاي ام رسل مرة تعرفت عليها قبل 5 اشهر تقريبا بشغلة وهذن بناتها هاي الحلوة الطويلة شوية رسل بتها الجبيرة خياطة ماهرة  بعدين احجيلج قصتهن وهذن اليشابهن ريان دكتورة باطنية وتشتغل وي مهتدى وهاي ليان صيدلانية هم تشتغل بالصيدلية مالت المركز وهاي البنية الناعمة ام عباية الراس هاي ازهار وهاي امها المرة الضعيفة الحمرة وهاي المرة المبينه صغيرة هاي ام ليث وهاي بتها سمارة

ام موتمن. الله يحفظهن يخبلن ما شاءالله ادب واخلاق وجمال

نور. عمة وام رسل عدها بعد 4 بنات اثنين توام بكدي واثنين اصغر

ام موتمن. الله يحفظهن بس ظروري تحجيلي قصتهن

نور. من يطلعن نطلع انا وياج بمكان ونحجي

ام رسل. شلون صرتي ماما نوارة

نور. الحمدلله خالة جا ليش ماجبتي البنات وياج

ام رسل. خالة عفتهن بالببت وهم خلينه حمزة والجهال يمهم

نور. مرة ثانية تجون كلكم

ام رسل. ان شاءالله

ام مهند. نويرة صدقة شنو هلجمال والاخلاق ليش ما عرفتينه عليهم من زمان ومنين تعرفيهم

الكل. تسلمين

نور. خالة ريان هاي البنية الحليوة تشتغل دكتورة وي مهتدى ومهيمن وليان صيدلانية وياهم بالمركز واختهن رسل الجبيرة خياطة شاطرة تذكرن البدلات الجبتهن والقمصان

ام مهند. اي والله كلش حلوات عاشت ايدها

رسل. تسلمين خالة

نور. وهاي خالة ام ازهار. التخيط بردات ونزلات وسوالف البيت بس طلعت خالة ام ازهار شاطرة بشي احسن منهن

ام مومل. شنو

نور. طلعت تخيط عبي وبشتات وجبب احسن من الجاهزات والتفصال الترديه

ام ازهار. هذا من ذوقج

ام مهند. جا ليش ماجانت من قبل تخيط

نور. لان ملتهية بالبيت وزوجها

وكعدنه نحجي وسوالف

ام حمزة يلا احنه نتر خص اتاخر الوقت ومناك الجهال

ام نور. بعد وكت

ام رسل. لا تعرفين بنات وحدهن واخاف عليهن

ام مومل. حقج عيني

نور. لحظا انتظرن اصيح مقتدى يوصلجن

ام رسل مايقصر بس منا نروح اكيد تعبان

نور. لا خالة والله يزعل عليجن ريان ليان احجن كلمة معلي لو زعل منجن

ريان. ماما لا تحرجينه وياه احنه مرة نسينه كناله دكتور زعل اسبوع لان ماكناله خوية انوب نطلع بدون مانكول

ام رسل. امري لله

نور. انتظرني طلعت كاعدين برا

مقتدى. هلا باميرتنة بيج شي

نور. لا بس يردن يرحن وتعرف دنيا ليل عيب يطلعن وحدهن

مقتدى. اي انا اوصلهن صدك جذب

نور. بس السيارة ماتكفي

مهتدى. انا وياك اوصلهن سيارتي جبيرة

نور. تمام شكرا خيو

مهتدى. تدللين نونو

نور. دخلت. خالة منتظريكم مقتدى ومهتدى راح يوصلوكم برا

ام رسل والله زحمة راح نتعبهم

نور. والله خالة اصلا بعدني بس كلت يردن يرحن مقتدى كال احنه نوصلهن

ام رسل. الله ينطيه العافية ويحفظه الشبابة ويفرحكم بيه ويرزقه بنت الحلال التسر خاطرة

ام نور. تسلمين ويحفظلج البنات

سلمن وطلعن طلعت وراهن همست الرسل من توصلين طمنيني وانا اراسلج بعدين ع كم شغلة

رسل تمام دربالج ع روحج صعدت خالة ام رسل وبناتها وام حمزة وي مهتدى والباقي وي مقتدى. دخلو البقية جوة

ام موتمن. الله يحفظهن البنات ادب واخلاق والنعم التربية

موتمن. اي والله يمة الف رحمة ع والدين الرباهن لو تشوفين هناك مانسمعلهن صوت
حتى مرة مهتدى زاد راتب ريان ماقبلت كلتله انا هنا شلون اتفقت وياي نمشي عليه واذا شخصت حالة مريضة صح وادا انطيت علاج مضبوط هذا شغلي

ام موتمن. اي مبينات

مومل ومهند ومهيمن. هههههههه

الجد. شبيكم ولكم اتسودنتهم

مهند بالكوة لازم الضحكة لا ماكو شي

ابو مهند. لا بالله احجو

مومل. انا احجي مرة جنة طالعين وموتمن ضوج نور فنور رادت تردها اله  فاتصلت علي حتى تشوف احنه بيا مطعم فكتلها اسم المطعم فنور عازمة هذن صديقاتها وجابتهن وما مخلية شي ماطالبته الطلب واصل بالميتين هيج فقبل لا يكومن انتبهنة انا وموتمن عليهن فكام مقتدى ومهند يسالون نور خاف محتاجة شي وكمت انا وياهم جان يجي ورانه موتمن وموتمن يموت ع الجنس الرقيق فلح الا الحساب هو يدفعه وبوكتها هو جان عازمنه هم فدفع ب400 الف مدري اكثر وخلص الطلعة علينه يلطم ويصيح انا نويرة القزمة تضحك عليه واحنه ميتين عليه ضحك

ام موتمن. حيل بيه ملكوف بكلشي مدخل روحه

الكل هههه

ام موتمن. مرخصتكم عمة نور محتاجتج بشغلة

نور. اي عمة اخذتها للصالة الثانية

ام مهتدى. اي احجيلي عنهن شنو القصة

نور. اي وحجيتلها كلشي طبعا انا ما اضم شي ع عمتي كلشي تعرف

ام موتمن. الله يخليهم تدرين عجبني البنات بلكي الله يهدي الولد ويزوجون

نور. ان شاءالله

راحو صعدت الغرفتي بدلت بملابس خفيفة اتمددت ع الجرباية فتحت الموبايل لكيت رسل دازتلي وصلت وابراهيم داز شلونج نمتي بعدج

نور دزيتله الحمد لله هسة صعدت جانن صديقاتي عدنا

ابراهيم. وبيت عمتج

نور توهم راحو وصعدت الغرفتي

ابراهيم. تمام اخذي راحتج ونامي عدل

نور. تعجبت من طريقته بس كلت عادي انا هم تعبانه كتبتله تصبح ع خير

ابراهيم. وانت بخير 🌷

راسلت رسل رسولة شخبار الشغل

رسل. الحمدلله واحسن من قبل بعد ما ام ازهار صارت ع قسم العبي وانطت الام حمزة البردات وشغلات البيت

نور. والبنات الوياكم

رسل. لا زينات مخلين عليهم الاطفال والدشاديش العادية بس الفصالات الثكيلة والبدلات علي وجاي ندز للمحل هم زين صارت عليه رجل وجاي نروح كل يوم وحدة للمحل وثبتنه بالحسابات احنه كل وحدة يا يوم تتواجد حتى نستقبل الزبائن والبنية التشتغل بيه هم خوش بنية

نور. تمام انا هل كم يوم امرلكم

رسل كل الهلا

نور. اكول رسولة

رسل كولي

نور حاي ارد عليها واجتلي رسالة من مهتدى رحت للمحادثة كاتب نايمة كاعد اعتذر راسلتج بهذا الوقت

نور. لا كاعدة عادي شسالفة لا تعتذر

مهتدى. نور اريد اسال سوال بس هاي السالفة تضل بيناتنه

نور. كول خيو امن سرك بير

مهتدى. هاي صديقتج رسل شكد عمرها وموتبطة لو لا

نور. اعتقد 25 لو 26 لا مامخطوبة ليش

مهتدى. الصراحة عجبتني وانا ما احب هاي السوالف مال حب وتعاي نحجي قبل الزواج اريد اخطب وكلشي اعيشة بالحلال

نور. حلو تدري حتى عمة مساع تكلي ياريت يقتنعون الولد واخذلهم من البنات

مهتدى. امي تخب الناس كلها نور عادي اطلب منج شي

نور. تريد اجيس نبضها مو

مهتدى. اي صح

نور. انتظرني ثواني

نور. رسل اكول اذا اتقدملج واحد تقبلين

رسل. والله مادري شاكلج بس هذا الشي اولا يم ماما ثانيا نور انا مسولة عن اهلي كلهم من انا وصغيرة واشتغل حتى اعيشهم

نور. اذا بخصوص الشغل تكدرين تحجين وي الشخص اليتقدملج وتشرطين عليه مثل ما انا شرطت عليه واذا قبل وافقي واذا لا لاتوافقين بعدين انتي داتكبرين اسم الله ع خالة اسم الله بعد يومين اذا الله اخذ امانته وخواتج ازوجن انتي منو الج فكري بيها

رسل. مادري مادري ما مفكرة

نور. يعني ماعندج مانع اذا اتقدملج احد

رسل. لا القرار الاول والاخير الامي بعدين منو هذا عندج واحد

نور. لا بس هيج حجي لا تخافين وتاخذين نظرة مو حلوة مقتدى مرته موجودة بعقلي يعني مخليها علي

رسل. الله يسعده مادري كتلج هاي السالفة يم ماما ولو انا ماكدر اعوف اهلي

نور. يلا حبيبتي اخذي راحتج اروح انام

رسل. تصبحين ع خير

نور. مهتدى رسل تكول، ،

،،،،،،،،،،،،

انتظرونا