رواية احفاد ال رحيم الفصل الحادي وخمسون 51 - بقلم سـيـريـوس | Sirius ✨

وأسولفلك على الرادوني
وأنت تكول شو مغرور
مو مغرور بس وداعتك
مليت حبوني شكثر
هالناس بس
غيرك ولا حبيت

،،،،،،،،،.،،،،،.،،،،،،،،،،

نور دخلنه تفاجئنة لكيناهم كلهم جوة وكيك ونفاخ ومكتوب ع الكيكة مبروك الخطوبة

مهتدى الف مبروك خيتو

الكل. الف مبروك

نور. شكرا. الله يبارك بيكم

ريان ولو زعلانه بس الف مبروك

نور. الله يبارك بيج بعدين الحجي

ليان مبروك حبيبتي

نور. الله يبارك بيج سلمن ع سيلين

نور. شكرا ع كلشي مهتدى خوية شكرا وشكرا ع الهدية لي كلفت ع نفسك وانت موتمن هم

مهتدى. انتي مو تكولينلي خوية معناها هذا حق الاخوه حالي حال مقتدى لو غير شي

نور. ونعم الاخ اخ عزيز وغالي الله يفرحني بيكم واردها الكم بافراحكم

موتمن. انا مطبق مقولة رد المعروف بمثله او احسن منه فجبت حتى تردينها من ازوج ومرتي يصير عدها هواي

نور. اهوو بديت بس خلي اريحك حتى لو ازوجت فراح احيب الخاطر زوجتك مو الخاطرك

موتمن. هيج صارت

مقتدى. موتمن. هاا شكلنه نور تعاي اريدج شوية مرخصتكم

الكل مرخوص

طلعنه برا

مقتدى. نور شبيج

نور بعدين مو هسة

مقتدى. تمام وعندج فلوس كافية

نور. اي شايله خير امشي اروح اخذ البنات حتى نرجع من وكت

مقتدى. تمام

نور. يلا بنات

البنات تمام اجن صعدت ريان كدام

ريان. شبيج نور.

نور ماكو شي بعدين نسولف راح امر اجيب البنات حتى نروح المطعم

البنات تمام

رسل. مبروك نوارة ولو زعلانين لان معزمتينه

نور. لا والله اعتذر بالاول صارت بسرعة شغلة ثانية انتن صديقاتي وخواتي فلازم تكونن بوقت فرحي وادري بيجن متقصرن بس انا جنت مامرتاحة ومتوترة واذا  عزمتجن ماراح اتونس وياجن فهاي الطلعة عربون صلح

رسل. لا نشاقة ندري مالحكتي يومين يطيرن مثلا

وصلنه للمطعم نزلنه اكل واكلنه خلصنه

نور. جان بالي شغلة اعوضجن بيها ونروح المكان بس ماعندي وقت لان عكب باجر دوام هاي جيتنه من السوك

ازهار. لا حبيبتي عاذرينج وهم الله يساعدج كلهن دفعة وحدة

نور. اي شلونة الشغل هليام

رسل. الحمدلله مومل بعد اسوه بيجات النه صار شغل زين وناس تطلب واكو ناس طلبت محافظات بس اعتذرنه بسبب التوصيل

ازهار. والله الله يوفقج شغل رحمة من الله والمحل عليه رجل هم صارت بالقسمين

ريان واحنه مرتاحين الحمدلله بالشغل صح بالبداية جنة مترددين لان بس ولد بس الحمدلله طلع عكس توقعاتنه وسكرتير مهتدى طلع تعيينه وراح يترك الشغل فمهتدى كال نجيب سكرتيرة احسن

نور. الله يوفقجن وريان انتي راح يعتمد عليج اكثر مهتدى لان مهيمن راح يداوم فيترك الشغل

ريان. الله كريم صح هو شلون صار

نور. ليش شبيه اذا ع مرضة فزين صار

ريان. لا كال دكتور مهتدى متخربط امس الظهر

نور. باوعت ع سيلين هزتلي راسها

سيلين لا اليوم احسن بس ماداومو عدهم شغل

نور. ليش ماكلولي امس وليش ماعرف من غير تصرفات مهند ومومل المتغيرة بكلبي

نور. حبيبتي رسل انا راح اشوفلكم هلايام سالفة التوصيل وابو الخط زين وياجن

رسل. تمام اي زين

نور. رسل عادي اكلفج تهتمين بالشغلين لان انا راح انشغل بالدوام وانتن متعرفني بالدراسة توصل ايام اهلي ماشوفهم

رسل. اي عادي حبيبتي

نور. واخلي ماما تمرلكم كل كم يوم تهتم بالامور وانتي تناقشي وياها وي مومل

رسل تمام خلصنه وسوالف وضحك وطلعنه وصلتهن ورجعنن للبيت

سيلين. شبيج ضجتي نور

نور. ليش مادري بمهيمن متخربط امس واكو شي صابر

سيلين. اصلا كلنه مندري متخربط الظهر من طلع وي مهند والولد مستلمين وضعه احنه المغرب يلا عرفنه ولا ماكو شي صاير

نور. تمام

دخلنه. سلام عليكم

الكل وعليكم السلام

الجد شبيج بابا

نور. مابيه شي

ابو مقتدى. جا وحالتج هاي ومبين ضايجة

نور. لا بابا بس تعبانة

الحد. روحي بابا الغرفتج سبحي وبدلي وانتي ترتاحين

نور. تمام. صعدت خليت الغراض ع جهة ودخلت للحمام سبحت وبدت دموعي تنزل لان احس بمهند ومومل اكو شي صاير

طلعت نشفت شعري ولبست بجامه نوم وصرت ع الجرباية ولفيت روحي بالفراش وبدت دموعي تنزل مرة ساعة اندك الباب ما تحركت ولا رديت سمعته نفتح سويت نفسي نايمة بس الشهكة لازمتني ودموعي ع خدي

مقتدى. نور حبيبتي نايمة لوكاعدة

نور. مارديت

مقتدى. سمعت شهكة طلعت منها لزمت وجها كله دموع ومنكعو المخدة نور ادري كاعدة شو باوعيلي

نور. فتحت عيوني

مقتدى. بيج شي صاير شي ليش تبجين

نور. لا ماكو شي

مقتدى. شلون ماكو شي ابراهيم وياج

نور. اهه اهه لا مو هو

مقندى. جا شبيج

نور. ليش تضمون علي يعني انتم والدنيا عليه كافي والله تعبتتت

مقتدى شبيج شصاير

نور. ليش امس متخربط مهيمن ومادري سالني البنات فشلت ماعرفت شجاوب من غير مومل ومهند المتغيرين علي

مقتدى. تخربط الظهر والكل نايم والعصر طلعتي انتي ومادري بيج ماتدرين بعدين مومل ومهند شلون متغيرين

نور. مادري نظراتهم الي ومومثل قبل يشاقوني وباقي السوالف

مقتدى. شو مسحي دموعج وهسة اشوفهم شبيهم

نور. لا عوفهم هية بقت عليكم اذا الدنيا كلها ضدي

مقتدى. اششش عمت عينه اليعوفج لو ينام وانت مقهورة تعاي 🫂 اتصل بمهند. الو مهند وين انت

مهند. بالحديقة كاعد ليش

مقتدى. منو يمك

مهند. مهيمن ومومل

مقتدى. تجيب مومل وتجون الغرفة نور بسرعة

مهند. شكو صاير شي

مقتدى. لا بس اكو موضوع ونريد ناقشه وياكم

مهند تمام

صعدو الولد دخلو فجاة

مهند. شبيها نور ليش هيج حاضنها

مومل. شبيها تبجي منو وياها

مقتدى. انتم

مهند. احنه ليش شمسوين

مقتدى. اذا مو كفو تصيرون اخوان لا تبينون اهتمامكم بعدين تعوفون وتمشون

مومل. شبيك شنو تحجي شبيها نور نوارة شبيج

نور. اهه اهه تعبت كافي رحموني كلشي جاي يصير فوك طاقتي تعبت والله تعبت

مهند. شبيج باباتي حبيبتي فهميني شنو السويناه ومزعلج

مقتدى. سالو نفسك وتصرفاتكم المتغيرة من امس لليوم من وقت التخربط بيه مهيمن الهسة نظراتكم الها وابتعادكم كلمرة تتعاركون يم منو تكعد لو ع الاكل تتسابقون وتحيرون شتخلون كدامها اليوم كلش وياها شسوت

نور. كافي مليت اطلع من سالفة ادخل بسالفة من المرض المرض يومية اهه اهه مرض شكل ومن شوية نفتحلي باب امل رجع انسد بوجهي وصار الاعظم من المرض وطحت طيحة جبيرة وصرت ضحية كلمة نكالت الطفل بديوان وانكلبت حياتي الف درجة من كون عساها بخت من هيجاها اهه اهه والله تعبت ماجاي اتحمل فدوة لا تصيرون انتم والدنيا عليه اذا تضوجون مني لو ماتردوني بحياتكم والله اترك كلش واروح في سبيل ترتاحون اهه اهه🫂 وشبكت مقتدى.

مهند. والله ماصاير شي ولا احد حاجيلنه عنج شي ولا اي شي كلما في الامر عفناج ترتاحين من الهوسة الصارلنه اسبوع بيها

مومل. اموت ولا ازعلج ولج تتوقعين انا اكدر بيوم ما اشبكج واحجي وياج

مهند. من كون تنعمي عيونه اذا هاي العيون تبجي علينه

نور. اهه اهه اسم الله عليكم

مومل. مسحي هاي الدموع تعاي حبيبتي اسف لان هيج تصرفت بس ردت اعودج من هسة ع حياتج الجاية

نور لا تغيرون شي عوفو الايام هية تكشف مصيرنه

مهند. تعاي حبيبتي والله اسف بس انا جانت شغلة شاغلة بالي فما منتبه التصرفاتي 🫂

مومل. وانا حسبالي ابراهيم مسويلج شي جاي متحظر حتى اكتله

مقتدى. والله اذا زعلتو نوارتي بعد انا اريدها من الله تزعل خاف هسة اتصلت بيكم لان وكفن بعيني دموعها ولك المخدة منكعة مرة ثانية اشعلها بالزايد

مهند ومومل. حتى يحلالك الجو والله شوفوني انا الاخو الكفو وانتم لا

مقتدى. يلا حبيبتي كافي يوجعج شي

نور. اي راسي

مقتدى. اي من البجي صارلج ساعتين يلا كافي لا تتخربطين غطيتها وطلعنه

مقتدى. مهند مومل شما يصير وياكم لا تعوفون نور. قوتها الكدامنه وراها نور ثانية حساسة ضعيفة تكلي والله مستعدة اعوف كلشي واسافر ما اخليلي اثر ولا واحد منكم يزعل مني لو بسببي يصيرله شي

مهند. لا والله بس شغلة شغلت بالي حتى جود اصلا زمخت بيه وخليته يبجي

مومل. انا حبيت اشاقيها

مقتدى. لا تسوونها بعد ترا كلبها بعده يرادلها فترة راحة واجواء مناسبة حتى يطيب وهذا الجاي يصير كله العكس وزيادة عليه اجه الدوام. لازم نغيرلها جو نونسها نريحها ترا هية تعبانه متخيلين انتم شجاي يصير وياها.

مهند. ان شاءالله يلا روحو نامو

نور. كعدت الصبح عيوني وارمة وراسي يوجعني من البجي دخلت سبحت وبدلت ونزلت اتريك. صباح الخير

الكل. صباح النور

ام مقتدى. نوارة ليش عيونج مورمة باجية

نور. لا ماماتي بس امس دخل شامبو بيهن وظلن يحركني ومقتدى كلي اليوم يجيبلي قطرة معقم حتى لا تلتهب

ام نور. دربالج مرة ثانية امي انتي عيونج حساسات

نور. ان شاءالله مهند ومومل منزلين راسهم. كلمن راح الدوامه طلعت بالحديقة انا وسيلين نتمشة

سيلين. نور ليش باجية امس بسبب الموضوع الصار

نور. اي جنت مفكرة شي وطلع شي ثاني

سيلين ان شاءالله نحلت

نور. اي

سيلين. نوري خلي نسوي كعدة مشاوي بالليل

نور. تمام وهم راح يبدي الدوام ونلتهي

سيلين. نور نروح بسيارتج لو السايق مال جدو

نور. بسيارتي واليوم المابينه خلك السايق

سيلين تمام دخلنه صلينه واجو من الدوام كعدنه نتغدة وخلصنه غدا كاعدين متجمعين كعدة ورا الغدا

الجد. باجر يبدي دوامكم اريد هلسنه احسن من السنه الفاتت

نور وسيلين ومومل ومهيمن. ان شاءالله جدو

الجد. هلمرة الهدية ثمينه للجيب اعلى شي التجيب اوائل واعلى من الثانية الها عمرة الى بيت الله الحرام وبالنسبة للولد هم ع حسابي

الكل. الله ان شاءالله جدو

دك تلفون بابا

ابو مقتدى. هذا ابراهيم

الجد. رد شوفه شيريد

ابو مقتدى. اهلا وعليكم السلام

ابراهيم. العفو عمو ازعجتك بس سوال

الاب. اتفضل ابني

ابراهيم. عمو نور بيها شي صايرلها شي

الاب. لا ليش عمو

ابراهيم. عمو امس اتصل عليها ماكو واليوم الصبح وقبل الاذان وهسة بالي يمها

الاب. الله لا يشغلك بال ع احد مابيها شي بس لحظا انطيكياها

ابراهيم. اي عمو اذا ماتصير زحمة

الاب. بابا نور خطيبج يريدج

نور. اخذت الموبايل من بابا وطلعت من يمهم. الو

ابراهيم. الو السلام عليكم

نور. وعليكم السلام

ابراهيم. شلونج

نور. الحمدلله وانت

ابراهيم. الحمدلله هسة صرت زين خفت عليج كلش من امس اتصل وماتردين ليش ضايجة مني سويت شي خطا

نور. اسفة خوفتك وقلقتك بس امس من رجعت دخل صابون بعيوني وضلن يحركني انطاني علاج مقتدى وسوة موبايلي صامت حتى لا يزعجني وانام لان ضلن يحركني حيل ومن نزلت الصبح مانزلته وبعدني ماصاعدة فما شايفته اسفة

ابراهيم. سلامتج وسلامت عيونج والله خفت كلش عليج حتى كلما انام افز اتخيل بيج شي ماكدرت انام

نور. الله يسلمك ممكن اسد الاتصال  ونص ساعة اصعد واتصل من تلفوني

ابراهيم. اي اخذي راحتج صح عيب من ابوج

نور. تمام بيباي

ابراهيم. بيباي

رجعت التفون البابا

الاب. بابا نور جا وين تلفونج

نور. من امس سويته صامت من نمت ونسيته فوك مانزلته وياي

الاب. مرة ثانية نزليه وياج لان اي اخد بمكانه يقلق اذا اتصلنه ومارديتي

نور. ان شاءالله

الجد. اي بابا هلمرة الشباب يرحون سوة بسيارة وحدة والبنات هم سوة بسيارة وحدة

مومل. تمام جدو

مهيمن. يوم نروح بسيارتي ويوم بسيارتك احسن

الجد. بكيفكم بس ماترحون كلمن بسيارة اشو انتم سوة حتى بالقاعة وانتن بنات

نور. جدو انروح بسيارتي
بالامتحان ياخذنه السايق

الجد. تمام بس شلون خطيبج مايعرف عندج سيارة

نور. جدو يعرف انا اعرف اسوق ويدري عندي شهادة سياقة وكتله السيارة مال سيلين ومرات انا اسوق

االجد براحتكم. نوارة بابا تعاي شوية للغرفة

نور. صار جدو. رحت وياه دخل وسد الباب

الجد. نور بابا صارت عندج مسوولية وهسة انتي مسوولة من رجال ماريدج تلتهين بسوالف التعبانه وتلتهين وي خطيبج وتقصرين بحق دراستج

نور. لا جدو اصلا حتى راح ابلغة اذا مارديت عليه او يريد نطلع يقلل طلعاته لان تدري جدو انا عندي ادراستي رقم واحد

الجد. عفية بنيتي واريدج من تحاجيه بادب واحترام وتشيرينه بكل شي لان حرام اذا بدون علم رجلج

نور. ان شاءالله جدو انا اليوم هدلعكم

الجد. شلون

نور. نام واكعد وشوف

الجد. فدوة للبنيات النادرات

نور. ههههه حبيبي جدو احبك

الجد. والشغل شلون

نور. جدو المشغل كلفت رسل ادير بالها وراح اخلي ماما تمرلهم بين يوم ويوم او كل يومين

الجد. اي زين هيج

طلعت صعدت للغرفة نزعت شالي واتصلت بابراهيم.

نور. الو

ابراهيم. هلا بيج شلونج

نور. الحمدلله

ابراهيم وشلون صارن هسة عيونج

نور. الحمدلله احسن

ابراهيم الحمدلله اجي اخذج للدكتور

نور. لا مايحتاج صار احسن

ابراهيم تمام اذا تحتاجين شي كولي

نور. ان شاءالله

ابراهيم. شلون المعنويات لاول يوم دوام

نور زينة

ابراهيم. شسوين راح

نور. انام اكعد العصر نحظر مثل كلمرة كعدة عائلية مسائية نتعشة واصعد احظر ملابسي وجنطتي واسوي سكين كير وانام

ابراهيم. حلو ومنو ياخذج باجر تردين اخذج انا

نور. لا تسلم انا وسيلين نروح سوة بسيارة سوسو

ابراهيم. تمام خلي ادير بالها من الطير لو انتي راح تسوقين

نور. مادري الله كريم للصبح ضلينه نحجي شوية وسدينه الاتصال شفت الوقت ملل وضايجة راسلت سيلين

نور. سوسو كاعدة

سيلين. اي نونو

نور. تكومين نسوي كم طبق حلويات ع معجنات

سيلين. اي اصلا جنت ضايجة

كمنه سوينه كيك وبسبوسة وخليه نحل كملنه حظرنه المشويات تبلناهم وسوينه عصاير وحظرنه المقبلات صار غروب صعدنه نسبح ونصلي ونزلنة

الجد. ها نور وين الغراض

نور. جدو جهزت كلشي خلي يرحون بس يشوون

الجد. مهند. بابا اخذ اخوانك وروحو واشوو

مهند تمام الكل كعد برا نقلنه الحلويات والمقبلات والعصاير

ابو مهند. هذا كله انتن سويتنه

سيلين. اي بابا

ابو مومل. عفية باميراتنه النادرات

ام مقتدى. هاي الندارة بعد مانشوفها منا لمن تخلص السنه

نور. اكيد ماماتي مو تكولون مستقبلكم اهم من كلشي واحنه هلجاي نسوي كلشي علمود. مستقبلنه

الام هو احنه شنريد غير كلمن يلزم شهادته تعشينه وكعدة وضحك صارت ب10 كمنه انا وسيلين صعدنه الغرفتي سوينة سكن كير وحظرنه ملابسنه ونمنه كعدنه الصبح بدلنه واتحهزنه للدوام ونزلنه تريكنه وطلعنه وبدت من اول يوم معاناتنه بالدوام محاظرات وكوزات وتقارير والى اخره وتعبنه وابراهيم باليوم يتصل مرتين 3 من اطلع للدوام ومن ارجع وبالليل وبديت شوية الين وياه واتعود ع وجودة وجان كل خميس يوصلني باقة ورد واقترح كل خميس نطلع بالليل بس انا اعتذرت منه لان هو بس الخميس عندي اشوف اهلي بيه فكتله كل شهر نطلع يوم  الا ان وصلنه للامتحانات فاينل الكورس الاول وجان كلش ضغط علينه وجنت كلش تعبانه ع روحي وبدت الامتحانات وبدت معاناتي شهيتي تنسد نوم قليل وصلت بيه حتى اهلي ما اشوفهم يعني ارجع ب3 اغسل واتغدة واصلي انام ساعة بعدها اكعد ادرس وكت العشة مانزل مرات انسة اتعشة لوما بابا وماما واخواني ويلحون الا ان اكل صح قليل بس احسن من ماكو الا ان اجه اخر يوم امتحان و،،،،،،

نور. اجه اخر يوم امتحان جان مادة صعبة كلش خلصت نص يوم بس ابجي من وراها كعدت الصبح بعد ما نمت ساعة وحدة بس كلش كلش مالي خلك ومتوترة وقلق مال الامتحان لبست رسمي ونزلت دوخة لازمتني حتى تلفوني مشفته اخذته حطيته بالجنطة وخليت غراضي ونزلت صباح الخير

الكل. صباح النور. شبيج

نور. مابيه شي بس متوترة

الكل. ان شاءالله مايضيع تعبجن

الام ماما هاج هذا حليبج اشربيه وهاي قطعة توست خليتلج عليها جبن اكلي ومن تخلصين اقري اية الكرسي والفاتحة لام البنين وان شاءالله خير

الاب. بابا اهم شي صحتج لا تاذين نفسج الخاطر الدراسة تالي نخسرج شنستفاد

نور. ان شاءالله شربت الحليب وخلصت ريوك انا وسيلين وطلعنه السايق يوصلنة وصلنه دخلنه للقاعات بدو يوزعون الاوراق وانا احس شوية واتخربط ضليت نص ساعة صافنه بالاسئلة اتذكر وين موجود والكلام والملاحظات بس من اريد احل ماعرف الامتخان جان ساعتين كال الراقب بعد ساعة وربع والاسئلة يرادلها اربع ساعات يلا ينحلن بديت اكتب كلشي اعرفه وايد بيها حاسبة وايد انقل من كد السرعة حسيت ايدي بس ما اصيطر عليها كل بعد نص ساعة وانا بعدلي سوالين ماحالتهم الا شوي ابجي كمت شيجي بالي احل حتى مادري شنو الصح وشنو الخطا خلصت قريت الاسئلة مرة ثانية والاجوبة وجان يسحب الاوراق مني خلص الوقت طلع الدكتور المراقب علينه وانا خليت راسي ع الستيج اجت سيلين

سيلين. ها نور شبيج

نور. والدمعة بطرف عيني مابيه شي

سيلين. شنو مجاوبة لا

نور. مادري مادري احس كلشي خطا

سيلين. هاج ماي اهدي وكومي نطلع والله كريم انا هم ما متاكدة بس حليت

نور. شربت ماي وايدي رجفتها ما هدت اخذت اغراضي وخليتهم بالجنطة كعدنه برا بالخديقة راحت سيلين جابتلي عصير هاج يمكن هبوط عندج

نور. لا مو هبوط هاي من التوتر والسرعة شربت العصير وضلت تفرج ايدي حسيت شوية احسن

سيلين. شلون صرتي

نور. شوية احسن

سيلين. راح اتصل بالسايق يجي

نور. تمام

سيلين اتصلت بالسايق ماخذ ماما وعمتي للسوك. اوف

نور. شبيج

سيلين. ماخذ ماما وعمة للسوك وهسة شلون

نور. استغفرالله مومل هسة بدة امتحانه مالنه غير مقتدى ومهند

سيلين. مهند اليوم عنده مهمة

نور. راح اشوف مقتدى. الو

مقتدى. هلا حبيبتي شلونج

نور. زينه

مقتدى. شبيه صوتج بيج شي

نور. لا بس السايق طالع والولد بالامتحان ومهند عنده مهمة تكدر تجي تاخذنه

مقتدى. تمام هسة اجيكم مسافة الطريق اخذ اجازة زمنية واجي

نور. اوك نص ساعة واجه مقتدى اتصل علي طلعناله لكيناه واكف بالباب كلش صعدنه

نور وسيلين. سلام عليكم

مقتدى. وعليكم السلام ها بشرن شلونه الامتحان

سيلين. صعب بس زين جاوبت

مقتدى. وانتي نونة

نور 😢 مادري

مقتدى. شبيج

نور. مادري اليوم شبيه اصلا من وزعو الاسئلة نص ساعة اخذتلي صافنه بعدين اريد احل ماعرف شي ضليت شيجي بالي اكتب الا ان خلصت وخذو الاوراق حتى ماراجعت شكتبت اصلا حلي كله خطا

مقتدى.  اششش يولي اصلا انتي محتاجة 10 درجات لان سعيج كامل لا تضوجين خلي يولي بيج شي ثاني

نور. اي راسي

مقتدى. شبيج

سيلين من خلصنه امتحان رحتلها لكيتها دايخة وايدها ترجف بشكل مو طبيعي اشتريتلها عصير ومقبلت تاكل شي

مقتدى ليش

نور. مادري معتدي ماجاي تتقبل

مقتدى. من نوصل للبيت اكليلج شي خفيف

نور. تمام وصلنه ورجع مقتدى للدوام

ام مقتدى. هلا يمة الله يساعدجن

نور وسلين. ويساعدج حبيبتي

الام ها مجاوبات

سيلين. الحمدلله سوينه العلينه

الام ان شاءالله الله ما يضيع تعبجن

نور. انا اصعد ابدل. وصعدت

الام سوسو شبيها نور

سيلين. عمة نور دايخة ومانايمة عدل وصار عدها هبوط كلها مقتدى اكلي شي

الام. روحن بدلن وتعالن اصبلجن مادام الغدا مخلص مسوية شلون برياني

سيلين. تمام عمة

نور بدلت ولزمتني دوخة قوية نزلت صبتلنه ماما اكلت شوية وشربت لبن ورا شوية حسيت معدتي موتتني ركضت للحمام تقيئت يلا ارتاحيت

ام مقتدى. شبيج ماما

نور. مادري معتدي ماجاي تستقبل الاكل

الام. هاي كله من التوتر هاج هذا العصير

نور. شربته. ماما صاعدة انام بداعت ميمي لا تكعدوني الا ان اكعد انا

الام. براحتج

نور. صعدت الغرفة دافية احنه هسة ب2 باردة برا كعدت ع الجرباية واحس اعضامي شلون المكسرات فتحت الموبايل لكيت ابراهيم متصل 5 مرات وراها دازلي

هلا نوارة شلونج شلونه الامتحان

نوارة ليش ماتردين قلقت

نور منو اجه اخذكم

نور بيج شي خوفتيني

نور. دزيتله هلا بيك اعتذر اي رجعت للبيت واسفة جنت جوة الوالدة ماقبلت اصعد الا اكل

ابرهيم. اووووف ريحتيني خفت عليج حسبالي صارلج شي

نور. اطمن

ابراهيم. الحمدلله خلصتي ارتاحي وان شاءالله الله مايضيعلج تعب

نور. ان شاءالله

ابراهيم خلي نطلع اليوم اغيرلج جو ونطلع من جو الامتحان

نور. لا فدوة خليها غير وقت اليوم كلش تعبانه حتى مالي خلك واريد بس انام ان شاءالله باجر او عكبة

ابراهيم براحتج بس راح اتصلج بالليل

نور. ان شاءالله

ابراهيم اخذي راحتج روحي نامي وارتاحي

نور. تمام دربالك ع نفسك بيباي سديته منه ونمت ما كعدت الا ان اسمع اصوات بس ماكدر افتح عيوني

مقتدى رجعت من الدوام انا ومهند سوة دخلنه السلام عليكم

الكل وعليكم السلام الله يساعدكم

ام مقتدى. روحو غسلو وبدلو ماما وتعالو راح نصب غدا

مقتدى ومهند. تمام. صعدنن بدلنه ونزلنه كاعدين ع الاكل

مهند. جا وين نور وسيلين

ام مقتدى اجن من الدوام صبيتلهن اكلن وكالن راح انام لاتكعدونه الا ان احنه نكعد

مقتدى. ماما نور اكلت لو لا لان معدتها توجعها

ام مقتدى اكلت شوية وما كدرت ذبته وانطيتها عصير شربته ارتاحت وصعدت تنام

مقتدى. كله من الزفت الامتحان دمرها

الجد. خلوها براحتها لا اتضغطون عليها

مقتدى. تمام. وانتم شباب شلونه الامتحان

مومل ومهيمن. الحمدلله

الجد. الحمدلله الله لا يضيع تعبكم وان شاء النجاح

الكل ان شاءالله خلصنه وكلمن صعد الغرفته صار العصر الكل كعد قبل المغرب نزلت سيلين

ابو مقتدى. بابا ماشفتي نور ماكاعدة

سيلين. عمو دخلت عليها لكيتها نايمة عفتها ونزلت

مقتدى. صاعد اشوفها كافي نوم خلي تكعد تاكللها شي وترجع تنام. صعدت دكيت الباب ما فتحته دخلت لكيتها لافة روحها لف وعركانة اتصب ماي لزمت راسها نار حرارتها كلش قوية نور نور ماترد بس ترجف طلعت من جرارتها جهاز قياس الحرارة حرارتها اربعين اتصلت بموتمن

مقتدى. الو موتمن وين انت

موتمن. بالمستشفى بعدني ليش صاير شي

مقتدى. لا تطلع جايك نور حرارتها 40

موتمن. بالاول غسللها بماي بارد لا يصيرلها شي بالطريق

مقتدى. تمام سديته اتصلت بمومل. مومل بسرعة اصعد انت وسيلين الغرفة نور

مومل. ليش شبيها نور

مقتدى. بسرعة ماعدنا وقت

مومل. تمام سديت التلفون كومي سيلين امشي بسرعة الغرفة نور

ام نور. ليش شبيها بنيتي

مومل. مادري عمة صعدنه ركض وكلها ورانه دخلنه للغرفة ماكو احد

مقتدى. شلتها وديتها للحمام عدها هية كرسي كعدتها وهية بس ترجف سمعتهم دخلو مومل خلي بس سيلين تدخل بسرعة دخلت سيلين

سيلين. شبيها نور

مقتدى. حرارتها مرتفعة وموزين عليها حاولي تغسلين جسمها بماي بارد وطالع انطيج ملابس حتى اخذها للمستشفى بسرعة

سيلين صار

مقتدى. طلعت لكيتها كلها بالغرفة ولكل يسال

ابو نور. بابا شبيها اختك

مقتدى. مصخنة حيل دخلتها تغسللها سيلين حتى اخذها للمستشفى موتمن هناك كال جيبها ماما اخذيلها ملابس ودخلي

الام. اي اي يمة دخلت لكيته ترجف غيرنه ملابسها وخلينه شال ع راسها وطلعنه عباية واخذها مقتدى ومومل ركضو بيها وانا وام مهند اخذنه ابو نور وجدها

مقتدى. نزلنه ركض دخلناها الغرفة سوالها فحوصات وخلالها علاج موتمن

موتمن. هدو مابيها شي ماخذة برد صار فترة الفايروس بجسمها ما لاحظتو عليها شي

مومل. جانت من تاكل تتقيئ ودايخة بس

موتمن. هو هذا

مقتدى وكلبها

موتمن. ماكو شي ان شاءالله اصلا بعد 5 ايام لموعد فحوصاتها

مقتدى وهسة حرارتها ماجاي تنزل

موتمن. لا حبيبي تنزل بس لان قوية كلش فطول امشي نطلع الاهل برا

مومل. بيه ولا بيج خوية شوف الوجه صار اصفر

طلعنه كلها التمت

ابو نور. ها بابا شلونها

موتمن.  مابيها شي عمو مجرد فايروس فلاونزه بعد هذا موسمه وهية ما تحملته اصلا صار فترة بجسمها ومن نامت طلع عليها

ام نور. اي هية اخر فترة اكلها قليل ومعدتها ودايخة

موتمن. اي انطيناها علاج وان شاءالله معافاية لا تخافون اصلا روحو لازم شخص واحد يبقة يمها اليوم نومها هنا وباجر نعيد الفحوصات ونشوف ع حالت حرارتها اذا نزلت تطلع ما نزلت تبقة

الجد. ان شاءالله وليدي شوية ونروح

ام نور. مقتدى ماما اريد ادخل اشوفها

مقتدى. تعاي ماما والله مابيها شي امشي

ام نور. دخلت وشفتها شلون نايمه. سودة علية بنيتي بسرعة تذبل من تتمرض وجها صاير اصفر بيه ولا بيج يمة

مقتدى. اسم عليج يالغالية بعدين لا تبجين هية ماتخب احد يبجي عليها  وحرارة مثل كل مرة وحتى فحوصاتها باقيلهن 5 ايام وتعيدهن مال كلبها ادعيلها طابت لان تعبت كلش

ام نور. ان شاءالله

مقتدى. يلا يمة كافي خليها ترتاح

طلعنه صارت ب9 جان يدك تلفون بابا

ابو نور. هلا عمو ابراهيم وعليكم السلام

ابراهيم. اهلا بيك عمو عمو نور اتصل عليها من العصر الهسة ماترد بيها شي

ابو نور. اي عمو اتخربطت وجبناها للمستشفى

ابراهيم. شللون عمو شبيها

ابو نور. لا تقلق وليدي بس فلاونزة وصخنت وجبناها لان هية حرارتها عنيدة وحتى تكون تحت اشراف دكتورها

ابراهيم تمام عمو جاي مسافة الطريق

ابو نور. هلا بيك

مقتدى. شبيه

الاب يسال عنها لان متصل وماراده فراح يجي

مهيمن من خطبها ولليوم كلما يجي لو يتصل عليها لو ينجاب اسمه احس بكلبي يصير الف قطعة اتحمل كلشي الخاطرها سهر ودموع وتغيرت كلش صرت هادئ عكس قبل اشاقي واضحك بس حاولت اتقبل وما ابين الخاطرها حتى بس ما ينجاب اسمها بالموزين صح بالبداية احسها ما متقبلته بس اخر فترة احسها لانت عليه لان تحجي عادي مو متقيدة مثل قبل اخ يالحب شكد يدمر  الشخص خاصتا اذا كان من طرف واحد

اجه ابراهيم وامه وابوه

ابو ابراهيم. الحمد لله ع سلامتها خيرها

الجد. الله يسلمك والله فايروس افلاونزة وحرارتها ارتفعت وهية من تتمرض وترتفع حرارتها لازم يوم يومين يلا تنزل وبالمستشفى وتحت اشراف دكتورها القلب

ابو ابراهيم. الحمدلله وهسة شلونها

ابو نور. والله تحت رحمة ربك صار اكثر من ساعتين يلا نزلت درجة

ابراهيم. رحت يم مقتدى. مقتدى عادي ادخل اشوفها

مقتدى. لا لازم راحة وبعدين فايروس معدي

ابراهيم. ميخالف فدوة بس اطمن عليها

مقتدى. باوعت للولد هزو راسهم امشي بس 5 دقائق وتطلع

ابراهيم ميخالف بس اهم شي اشوفها دخلت نايمة والوجهة اصفر صاير والخدود ذبلانات وضعفانه منا مرض ومنا امتخانات رحت كعدت يمها لزمت ايدها بستها نواره حبيبتي اي. اعترف انتي حبيبتي عمري حبيتج من اول يوم شفتج بس ماكدر اعترفلج الا ان تلينين اكثر وتتعودين علي لان اعرف كمت كلش زين بعدج ما متعودة ولا متقبلتني 😢 طاحت دمعة مسحتها كومي حبيبتي مو كلتي بعطله نصف السنه نعقد محكمة وانا محظر الكلشي يلا حبيبتي رجعي احسن من قبل اريد اشوفج الحب والدلال ع حقيقته

مقتدى اباوعله من بعيد شلون يتعامل وياها بكل حب وقلقه عليها ودمعته من طاحت اتحمحمت احم ابراهيم كافي خوية يلا

ابراهيم اي خوية كمت بستها من راسها من فوك الحجاب وطلعنه

اجه موتمن. السلام عليكم

الكل. وعليكم السلام

موتمن. الكل يروح ويبقة شخص واحد يمها

مقتدى روحو وانا باقي يمها

ابراهيم روح انت عندك الصبح شغل انا يمها

مقتدى. لا باجر ماعندي العيادة بيها صيانه روحو وانا باقي واعرف حالتها هم واكدر اتصرف

مهند. خوية مثل ملتريد واذا تحتاج شي اتصل علي باجر ماعندي دوام ومن الصبح اجي

مقتدى. تمام راحو وبقيت انا دخلت انا وموتمن

موتمن. اكلك شغلة ولو مو وكتها

مقتدى. لا كول

موتمن. شبيه ابراهيم راد بس يبقة ومن يحجي واحد بيكم يتغير

مقتدى. زوجها ومن حقة ممكن يغار عليها

موتمن. هم يحبون بعض

مقتدى. هاي خصوصيتهم وما اكدر اكول بعدين همة زوج وزوجته اكيد راح يحبون بعض وراهم حياة طويلة

موتمن. صح

مقتدى. انت ماتروح مو خلص دوامك

موتمن. هو اجيت اشوف وضع نور واروح

مقتدى. اتفضل

موتمن. لا زين نازلة ووضعها ترا ما مستقر

مقتدى. الحمدلله راح موتمن ونمت كعدت وي الاذان كمت الغرفتي صليت ورجعت رحت يم نور حرارتها زينه شوية وبدت تكعد

نور. اممم ما ماما

مقتدى. ها يروحي

نور. انا وين وشبيها

مقتدى. بالمستشفى حرارتج ارتفعت وجبناج

نور. امممم بيش الساعة

مقتدى ب5 ونص الفجر شلونج انتي

نور. مادري جسمي خدران ومابيه حيل احس

مقتدى اي هذا فايروس افلاونزة

نور. هم اجة احد وياك

مقتدى. اي كلها جانت هنا وحتى خطيبج واهله وبالليل راحو ب9 هيج

نور. تمام

مقتدى. نامي لان اكيد بعدين كلها تجي

نور. مايجيني نوم

مقتدى. عادي اسالج سوال وتجاوبين بصراحة

نور. اي كول

مقتدى. شنو مشاعرج تجاه ابراهيم

نور.  ليش هلسوال اكو شي

مقتدى. حاب اعرف جوابة بس الصراحة

نور. ،،،،،،،،،،،

،،،،،،،،،،،

انتظرونا