رواية احفاد ال رحيم الفصل السابع وأربعون 47 - بقلم سـيـريـوس | Sirius ✨

لابِو اليحّبك بعَد !
لابِو اليّشم هَواك
وخَل مُوسمِك يّنتهي
وخَل تگطِع طيوفَك
مَو ما أهتمِلك صرّت ؟
لا والله " صّرت ما أشِوفك " .

,,,,,,,,

مقتدى. مومل روح جيب جنطتي

مومل. صار

جاب الجنطة قست حرارته 39 وصدره ملتهب

مقتدى. مومل من اقرب صيدلية جيب هذا العلاج

مومل. تمام اخذت السويج جبت العلاج واجيت

مقتدى. مهيمن شهل اهمال هذا تريد هنا لو فوك

مهيمن. لا اهنا

مقتدى. تمام شكلتله كانونه خليتله مغذي وبندول وضربته ابره موسع قصبات وخافض حرارة

ام مهند. ليش يمه ما تهتم الصحتك من طفل شالع كلبي

مهيمن. شسوي غير حارة بعدين هاي مابيه شي ليش الدموع

ام مهند. شنو تريد اسويلك مشتهي شي

مقتدى. عمة سويله شوربة السوائل الدافية تصحيه

ام مهند. اي صار هسة اسويله

سيلين. ليش تخوفني عليك تحب

مهيمن. حتى اعرف غلاتي عندج

سيلين. حقير 😢☺️

نور. عندي سوال للدكاترة

ابو نور ومقتدى ومومل شنو

نور. من ادرسون الامراض وعلاجهن اكو علاج اسمه شوربة

الكل.  ههههه

مومل. ليش

نور. اشو منو يتمرض لو يسوي عملية مقتدى صاح شوربة

مقتدى. هههه لا غير سوائل دافية شنو اشربكم ماي لان المريض يكون محتاج سوائل اكثر واكو مرضة مايستقبلون اكل

نور. 😒

مهند. بهمس بعدج ضايجة نوارة

نور. مادامني يمكم يمكم ماكو شي يضوجني

مهند. تحبين اطلعين المكان

نور. اذا سر بيني وبينك اي والله بس انا وياك

مهند. تمام يمي

نور. شتكلهم

مهند. اكلهم عندي شغلة وحبيت اخذ رايها بيها وهم عيد ميلاد هيام بعد كم يوم

نور. تمام اباوع ع مهيمن نام ووجهة بين عليه المرض عرفت انا السبب مو بسبب البرودة لان هذا طبعه من زمان اذا ينقهر يتمرض

تعشينه وخلصنه مهند كاعد يم جدو يبسبس هو وياه عرفته جاي يبلغة بالطلعة

مهند من رخصتكم عادي نطلع انا ونور

ابو مقتدى عادي بس وين

مهند. عندي شغلة واريد رايها

ابو مقتدى. اي عادي كومي بابا بدلي وروحي وي اخوج

نور. صار بابا صعدت بدلت ونزلت

مقتدى. شبيه مهند شعنده

مومل. يمكن يجيب هدية الهيام  عيدميلادها

مقتدى. اهاا تمام احسن بلكي نور تغير جو

نور طلعنه وصعدنه بالسيارة

مهند. اعرف بالبداية وين اخذج وصلنه للشط نزلنه لازمها من ايدها وكعدنه بمكان بيه ناس قليلة. اي نور طلعي الضامته

نور. بس حجة دموعي بدن ينزلن خلاني ع راحتي شوية وحجة

مهند. كافي دموع شنو المضوجج

نور. مهند خايفة من هواي اشياء بهذا الزواج

مهند. كولي شنو

نور. خايفة يمنعني منكم وخايفة يكون طماع لان هوواي خسرت بسبب الطمع وخايفة يكون يحب وانا اصير طرف ثالث وهيج حياة هواي ناس راح تخرب وخايفة مايخليني اكمل واشتغل وخايفة اهله مايتعاملون زين وياي

مهند. عادي مخاوفج هاي بخصوص الدراسة انتي راح تشرطين عليه دراستج وشغلج وما يمنعج منه واهله تعاملي وياهم باصلج وشلون تعاملينه بالبيت والباقي خليه ع الله وسالفته هو مو راح تكعدين وياه قبل لا تنطين موافقتج بالسانج الحلو اكتشفيه ووعد من تحتاجيني راح تلكيني بظهرج واليشمر عليج وردة احركه هو واهله وكل عشيرته

نور. ههه الله يحفظك ابو الجود حبيبي

مهند. هاج هذا الماي غسلة وشربي وعدلي روحج وامشي اريدج بشغلة باجر عيدميلاد هيام هاي لا تسودن وسوينه اطلابة

نور. هههه يلا تمام كمنه رحنه محل ذهب جابلها عقد بسيط ذهب ناعم مثل هذا

مهند اختاري الج والسيلين

نور. لاحبيبي اريدك سالم ماريد

مهند. ازعل عليج هذا مال سلامتج

نور. حبيبي لا تكلف ع نفسك مايصير كلما جبت شي الهيام تجيبلنه هم تزعل ماريد مشاكل تعبت خلينه شوية هادئين ولو ما يوم هدانا وماندري الايام الجاية شنو يصير

مهند. ان شاءالله مايصير غير الكاتبة الله امشي نروح

نور. تمام رحنه صعدنه بالسيارة

مهند. اهوو ملجبت الوصل انتظريني اجيبه واجي

نور. تمام شوية واجه مانتبهت شنو جايب

مهند. راح نروح نجيب كيكة ورد ونفاخ

نور. اي حلو امشي رحنه اشترينه واشترينه شموع وهاي السوالف كامله مال عيد ميلاد بالطريق

معند. نور اتصلي بمومل

نور. تمام. الو مومل

مومل. هلا نور

مهند. مومل انت وين

مومل. بالبيت كلنا كاعدين

مهند. لا تخلي احد يحس علي اطلع

مومل. تمام طلعت كول

مهند. تروح اطفي كهرباء مال البيت وتقترح عليهم تشعلون شموع ووكلهم اتصلت بمهند راح يجيب الكهربائي وياه

مومل. هلا هلا تمام تم اعتبر كلشي صار

مومل. طفيت الكهرباء

الجد. هاي ليش طفت

مومل. جدو راح اشوفها خاف يحتاج كهربائي

ابو مومل. ديربالك بابا من الكهرباء

مومل. رحت جبت اشموع من الصالة وجداحة ورحت يمهم. جدو هاي اكو جوزة عطلانه اتصلت ع مهند راح يجيب صديقة المصلح

الجد. خوش وشنو هاي بيدك

مومل. جدو من شفت الظلمة اشتاقيت الايام قبل من نشعل شموع ونلتم وهلمرة جبت ملون

ام مومل. ولا يكعد هو انت شفت من ايام قبل

مومل. جدو حاجيهم

الجد. والله صح مشتاقين للمة اشعل بوية اشعل

مهند. وصلنه للبيت اتصلت ع مومل يطلع طلع النه. مهند. انا راح ادخل بالكيكة وانت الزم هاي الطك وطكها والنفاخ  ونوارة جيبي الورد والهدايا ونفاخ الارقام تمام

الكل. تمام

نزلنه واتفقنه وي سامر بس ندخل يشغل دخلنه واحنه نكول HAPPY BIRTHDAY TOO YOU سنة حلوة يا هيام والكل متفاجئ بعدين اندمجو واشتغلت الكهربائ وطك مومل الزينه

مهند. سنة حلوة يا ام جود كل عام وانتي زوجتي وام اطفالي

هيام حبيبي شكرا

مهند. اتمني ونفخي الشمعه

هيام تمام. اتمنيت ونفختها

مومل. كل عام وانتي بخير فضيها وكصي الكيكة خلناكل

الكل هههههه

كصت هيام الكيك وكلو

مهند. نور الهدية وينها

نور. تمام هاي فتحت الجيس الجبير بيه اثنين كبار واثنين صغار اخذ وحدة من الكبار ورجعه الي

مهند. شوفي هديتج زوجتي الغالية

هيام. شكرا ليش مكلف ع نفسك. فتحتها طقم ذهب نفس العجبني قبل فترة من شفت نور تتصفح. شكرا ابو جودي

مهند. تدلل مريتي

قدمو البقية هداياهم. انطيت مومل الهدية الوصاني عليها

مومل. كل عام وانتي بخير خيتو

هيام شكرا كلش حلو

نور. كل عام وانتي بخير

هيام وانتي بالف خير شكرا

كلمن راح الغرفته اخذت العلاكة الخلاها مهند عندي ورحت للغرفة اندك الباب

مهند. عادي ادخل

نور. اي هلا بيك

مهند. احم العلاكة عندج موجودة

نور. اي اجيبها الك

مهند. اي

نور. هاك

مهند فتحيها

نور استغربت منه. فتحته

نور. حلو المن

مهند الج

نور. شكرا بس شنو المناسبة

مهند. سلامتج

نور. شكرا بس مالها داعي وكفتك وياي كافي وسوالك

مهند. تدللين وانتي تستاهلين ماي العين يلا نامي تصبحين ع خير

نور. تسلم هنودي وانت بخير
ثاني يوم الظهر ورا الغدا

الجد. نور بلغت الجماعة بطلبج وباجر جايين هم يشوفونج وهم تحجين وي الولد ومن تخلصون لازم اسمع قرارج

نور. تمام جدو باوعت ع مهيمن  بعده مريض بس احسن من قبل منتجي ع ابوه بس مبين ضايج. احم من رخصتكم اروح الغرفتي اشرب علاجي

الكل. براحتج

نور. صعدت الغرفتي مخنوكة فكرة الزواج وشخص غريب راح يدخل حياتي كلها صعبة علي رحت شربت علاجي اندك الباب. اتفضل

مهند. عادي احجي وياج شي

نور. اي تعال اتفضل كعدنه

مهند. نور راح اكول شي بس اتمنى ما اتزعلين مني

نور. احجي حبيبي عساني ميته ولا ازعل منك

مهند. اسم الله عليج هو بس استفسار نور عندج شخص بحياتج اقصد معجبة بشخص

نور. لا حبيبي ماكو هيج شي ليش

مهند. زين اكو بينج وبين مهيمن شي يعني معجبة بيه تحبيه

نور. لا والله ابد من ناحيتي كلشي ماعندي وياه حتى احنه اصلا مو صحبة يعني كلما نتناقش تخلص بعركةولا احب هاي السوالف ولا اطيقها اصلا

مهند. مصدكج ليش تحلفين بس حبيت اسال حتى لا نظلم احد

نور. لا والله حبيبي واذا ع خوفي وتوتري وضوجتي هو عليكم وع هذا الزواج المفاجئ والشخص الماعرف كلشي عنه حتى اسمه نسيته

مهند. انا اسف واعتذر سامحيني

نور. لا حبيبي لا تعتذر بالعكس المفروض كل اخ هيج يعامل اخته الحمدلله عندي اخوان مثلكم واعين ومتفاهمين

مهند. حبيبتي وسمعنه صوت جوة

نور. شنو صاير

مهند. مادري امشي ننزل

نزلنه لكينه مهيمن مغمي عليه وكلها فوك راسه وشي تبجي وشي تصيح

مهند. مقتدى شبيه

مقتدى. ما بيه شي بس حرارته صعدت واغمة عليه هسة ربع ساعة ويكعد شبيكم اسكتو

ام مهند. يمة بداعت عزاز كلبك شلونه

مقتدى. والله عمة مابيه شي بس حرارته صعدت هذا كلما في الامر وهسة يصير زين

ابو مهند. ليش هيج جاي يصير وياه

مقتدى. عمو هاي لان ماعنده مناعة بسرعة يتمرض تعال مهند نصعده الغرفته يرتاح

مهند. امشي خوية شلناه صعدناه للغرفة نزلت حرارته شوية وكلمن راح الغرفته

ثاني يوم العصر

سيلين. نور جهزي نفسج يكول جدو

نور. ان شاءالله

سيلين. شبيج نور

نور. ماكو شي بس متوترة شوية

سيلين لاتخافين ولا تتوترين اقري اية الكرسي قبل لا ادخلين وان شاءالله خير

نور. تمام بدلت ونزلت جوة منتظرة يصيحولي

الجد. اهلا وسهلا بيكم ابو ابراهيم

ابو ابراهيم. وبيك اكثر حجي

الجد. اعرفكم ابني احمد ابو مقتدى وهاي ام مقتدى وهذا ابنهم الجبير مقتدى وهذا ابني محمد ابو مهند وهاي ام مهند وهذا مهند ابنهم وعنده بعد بنية وولد اسمه مهيمن بس مريض ونايم اسم الله عليكم فلاونزة وهاذا ابو مومل وهاي ام مومل وهذا ابنهم مومل وعنده بنية وحدة وتصير مرت مهند

ابو ابراهيم. اهلا وسهلا وانا هم ماعندي غير هلمرة والولد وبنية

ابو مقتدى. اهلا بيكم نورتونا

الجد. اي ابو ابراهيم اتفضل

ابو ابراهيم. احنه عدنا يمكم وعد وجايين نوفيه

الجد. اهلا وسهلا وان شاءالله احنه كده

ابو ابراهيم. والنعم منكم جا وينها صيحولها نتعرف عليها نشوفها

الجد. اي حقكم بابا مومل صيح اختك

مومل. صار جدي. طلعت نور جدو يكول خل تدخل

نور. ااي بس شاكول من ادخل

مومل. اهدي ولا تتوترين كلنه وياج كولي السلام عليكم وسلمي ع المرة وتعاي كعدي يمنه

نور. اخذت نفس عميق يلا

ابو ابراهيم. العفو حجي بس البنية مو بنت ابو مقتدى شلون تكول المومل صيح اختك

الجد. اي مو مومل اخوها بالرضاعة وحتى مهند ام مقتدى رضعت مومل ومهند

ابو ابراهيم. هااا الله يحفظهم

الجد. ويحفظلك عيالك

نور. السلام عليكم

الكل وعليكم السلام

ام ابراهيم. تعاي حبيبة

نور. رحت سلمت عليها ورحت كعدت بين مهند ومقتدى. لزمو ايدي الولد

ابو ابراهيم. مادام البنية موجودة والاهل احنه نمشي بالاصول وجايين نخطب بتكم لابنه ابراهيم شتكولون

الجد. نتشرف بيكم بس البنية عدها شرط ما تنطي موافقتها قبل ماتحجي وي الولد

ابو ابراهيم. اي حقها بس بالاول حابين نتعرف عليها وراها تحجي وياه اي عمو انتي شمخلصة ما مخلصة شكد عمرج

نور. انا ولدت بلندن عمري 21 دخلت ب22 وحاليا طالبة مرحلة رابعة هنذسة مدني

ابو ابراهيم. وان شاءالله زينه

نور. الحمدلله من الاوائل

ابو ابراهيم. عفية الله يوفقج كومي بابا روحي انتي وابراهيم احجو

الجد. بابا مومل اخذهم لغرفة الاستقبال الثانية واكعد بعيد عنهم وخليهم براحتهم

مومل. صار جدو مشو وياي كعد بالاستقبال وانا كعدت بعيد عنهم

ابراهيم. مرحبا

نور. اهلا بيك

ابراهيم. احم اي شنو رايده تحجين بيه وياي

نور. امم بالاول عرفني عنك

ابراهيم. انا عمري 23 سنة ومخلص صيدلة وعندي صيدلية خاصة بيه احنه عائلة زينه ماديا ابوي مهندس نفط والوالده مهندسة هم واختي هاجر عمرها 21 سنة طالبة مرحلة رابعة طب عام وعندي سيارة تاهو وانتي

نور. انا عمري 21 وطالبة مرحلة رابعة هندسة مدني وبابا دكتور وماما مهندسة معمارية ومقتدى دكتور جراحة

ابراهيم. هاي الاملاك كلها الكم

نور. البيت الجدو واحنه عدنا بيت بلندن لان صار 3 سنوات من رجعنه وانا انحسب مواطنه هناك لان ولادتي صارت هناك فبين فترة وثانية اروح لازم

ابراهيم. هم عدكم املاك هناك

نور. اي

ابراهيم وانتي ماعندج

نور. لا ماحب الصراحة

ابراهيم. شنو حابة تعرفين بعد

نور. موضوعي الاساسي مو هذا الموضوع هو انت موافق ع هذا الزواج لو لا

ابراهيم. سوال غريب اكيد موافق والا ليش اجي

نور. لا مو غريب لان لا انا اعرفك ولا انت تعرفني وانت شاب اكيد ماتقبل بوحدة تتزوجها بسبب وعد قديم

ابراهيم. لا موافق

نور. يعني ماجابريك

ابراهيم. ولو هذا الشي غلط كلتيه بس لا مانجبر انا

نور. زين سوال اخير هم اكو شخص بحياتك حبيت

ابراهيم. اكو شخص لا حبيت لا بس تعرفين الدوام مرة انعجبت بوحدة وياي كانت قمة الادب والاخلاق والحشمة ورا اسبوع من اعجابي اتزوجت طلعت بالاصل مخطوبة

نور. يعني هسة ماكو احد بحياتك ولا تحب

ابراهيم. لا لان كل اهدافي هسة شغلي واطور نفسي واكمل دراستي

نور. الله يوفقكم ماعندي شي بعد

ابراهيم. تمام نكوم

نور. اي. كمنه وكام مومل ضل ابراهيم يمشي كدامنه وانا بصف مومل

مومل. بهمس هاا

نور. بعدين بس مبينين حيل ماديين

مومل. بس الله اليستر. رحنه كعدنه

ابو ابراهيم. الله يحفظج بنيتي ادب واخلاق

نور. تسلم عمو

ابو ابراهيم. شوكت لبستي الحجاب

نور. مصار هواي قبل 2 شهر

ابو ابراهيم. اي شنو قرارج

نور. العفو منكم انا جنت رايده اعرف شغلة وحدة وعرفتها من كعدتنا وانا مانطي موافقتي اذا ما تقبلون بشروطي

ابو ابراهيم. شنو شروط بابا

نور. جدو بلغه بالكتلك ياه

الجد. مثل ماتردين بابا. اول شرط نور تعتبر مواطنه بريطانيا يعني بين فترة وثانية لازم تسافر هية واخوها هناك يكملون اوراقهم ويرجعون فما يدخل بحياته الخاصة  ثانيا نور عدها روحها من الدنيا عائلتها واخوانها يعني شوكت ماتريد يسمحلها تطلع وياهم او تجينه ثالثا مايدخل بدراستها يعني في حال رادت تكمل يخليها تكمل او تشتغل رابعا ما يتحكم بلبسها ونمط حياتها يعني مثل ماعايشة هنا تعيش يمكم خامسا والاهم هذا اسمعوه كلش زين نور قبل فترة تعرضت الحادث وجان كلش خطر وع اثره توقف كلبها 3 مرات وعدها جروح اثرهن موجود ومن خلال الحادث تضررت كليتها فسوت عملية زراعة كلة وقبل اربعين يوم تعرضت وعكة صحية فسوولها قسطرة وقبل شهر سوت عملية بلندن تبديل صمامات وجراحة الشريان التاجي وحاليا تحت العلاج لمدة 5 اشهر. عدها ربو سادسا في حال تمت الموافقة العرس يكون بعد اكثر من سنه ونور تحدد الموعد

ابو ابراهيم. انا ماعندي مانع بس يبقة صاحب القرار ابراهيم

ابراهيم. العفو بابا انا عندي عادي تسافر تطلع وي اخوانها وي صديقاتها تجيكم تكمل دراسة تشتغل بس اريد اعرف شغلتين شنو ما اتحكم بحياتها غير زوجها انا ومن حقي اوافق او لا

الجد. اي بابا من حقك بس

نور. العفو جدو انا افهمة قصدي اذا ردت اطلع وي صديقاتي او واحد من خواني يحتاجني بشغلة ويريدني يقبل لان انا جاي ادير شغل اخواني اذا ماتعرفون عدهم مشغل خياطة والكادر نسائي فمايصير هم يتعاملون وياهم فانا المسوولة وكذلك مومل عنده محلات واحد للخياطة واثنين واحد ماكولات جاهزة ومجمدة والثاني حلويات فهم يسووها بنات واحنه نشتريها منهم ونبيعها بالمحل فهم مايكدر هو يتواصل وياهن

ابراهيم. ليش انتي بالتحديد ليش مو اخت مومل لو اخت مهند

مقتدى. لان ام جود ملتهية بجود وماعدها خبرة بهاي الشغلات ولا واهس الهن وبنت عمي الثانية ماتعرف للتسويق والادارة بينما نور جانو يدرسونه هناك هيج اشياءمواد ضمن المنهج

ابراهيم. تمام موافق بس صحيا اريد توضحولي

نور.   

،،،،،،،،،

انتظرونا