رواية احفاد ال رحيم الفصل الثامن وأربعون 48 - بقلم سـيـريـوس | Sirius ✨

ياحيرة المتعود وينعاف
جيب اليرفع الهامة
انه نعسان بس مانام
مثل الباجر اعدامه
واجيك بلا وعي
مادري جايك ليش
مثل اليمشي بحلامه .

,,,,,,,,,,,,,,,,,

نور. انا من وانا صغيرة مناعتي صفر يعني اي شخص يتمرض انا وياه. واذا ع الحادث جانت عصابة مراقبة مهند فجنه طالعين احنه احفاد ال رحيم وصار شغل عند مقتدى ومومل. فراحو بسيارة مومل ومقتدى انطه سيارته المهيمن ابن عمي يرجعني للبيت لان مهند جان ماخذ عائلته واخته وطالع يوديهم العاب وانا جنت بداية مرض فمهند اخذ سيارة مقتدى وانا ومهيمن اخذنه سيارة مهند لان جانت ما بيها بانزين ومهند مايكدر يعبي لان جود عنده حساسية فاثناء ما طلعنه اكو سيارة ظلت تلاحكنه ومخربة البريك الا ان دخلنه مكان فارغ وانكلبت السيارة واجو العصابة ضربتني طلقة  قريب كلبي حسبالهم اخته واحنه اصلا متاذين من الحادث ع اثرة صار عدنا كسور بايديننة ورجلنه وانا اكو قطعة من الجام دخلت بطني قريب الكله وبوقتها خضعت الى 3 عمليات وجان اكو جرح براسي وخيطوه وجروح باقي جسمي فصار عندي نزيف بالكلة واضطرو يبدلون الكلة واتبرع ابن عمي مهيمن ومن وقتها كلبي تعب وكلما اضوج او اعصب او اتوتر اتخربط الا ان اكتشفو عندي تضخم بالقلب وقبل شهر سويت اخر عملية والربو عندي من الولادة اما الشروط فتكتب مع العقد

ابراهيم. انا موافق ع كل شروطج

ابو ابراهيم اذا شنو

نور. موافقين بس الخطبة اتم خلال هاي الخمس ايام اتمنة الخميس لان الاثنين القادمة يبدي دوامي

الجد. ها شكلت

ابو ابراهيم. تمام ع بركت الله سمعونه الفاتحة

الكل. الفاتحة وقريناها

ابو ابراهيم. هسة نحجي بالحاظر والغايب شكد تردين بابا

نور. اليفصلوه جدو وبابا وعمامي اقبل بيه

الجد.  احنه نشتري رجال والصراحة نور كلش غالية عدنا هاي المدللة

ابو ابراهيم. وان شاءالله تدلل عدنا اكثر بس شكد تكولون

ابو مقتدى. احسبها بنتك وانت قرر

ابو ابراهيم. جا 25 حاظر مع شهر كامل سفر بعد العرس وين مايردون وقران  و50 مليون غايب

الكل موافق

طلعو ورجعنا التمينه

الجد. ها بابا شلون شفتيه

مومل. اذا قصدك تعاملة يحجي بس بالافلوس

الجد. هسة حاجي وياك

نور. جدو مو كعدة قصيرة تقدر شنو الشخص بالمعاشر كلشي يبين

الجد. ان شاءالله خير

صعدت الغرفتي بدلت وهيج بدت التجهيزات طلعنه حجزنه بدلات وصالون وكملنه باقي التجهيزات وباجر يوم الخطبة اندك الباب

نور. تفضلو

مهند. عادي ندخل

نور. هلا بيكم

مهند ومقتدى ومومل. اتسمعينه

نور. اي كولو

مقتدى. متوترة صح

نور. اي بس شوية

مهند. لا تخافين ولا تتوترين احنه اخوانج ودوم وياج

مقتدى. نوارتي اعرفج سباعية وكدها وعندج فترة الخطوبة وراح تتعرفين عليه كلش زين وراح تعرفين كلشي عنهم

مومل. صح انحطيتي امام الامر الواقع بهذا الشي بس كلشي بيدج انتي اديرينه

نور. تمام بس شلون

مهند. يعني انتي من راح تنخطبون راح تصيرين زوجته شرعا يعني كلشي ماتكدرين تسوينه وحرام راح يصير حلال

مقتدى. يعني ممكن يحبج وممكن انتي تخلينه يحبج

مومل. واذا اكو بيه صفة او مو جوج انتي راح اما تغيرينه الجوج او ايغيرج الجوه

نور. فهمت

مقتدى وهية بعدج خايفة

نور. هية العدها اخوان مثلكم اكو شي يخوفها

مقتدى ومهند ومومل. لااااا

الكل. ههههههه

مهند. اي خيتي الحلوة عوفي كلشي للايام تحله لا تفكرين بشي

مقتدى. هسة اريدج تنامين حتى تكعدين مستعدة الحياتج ويومج الجديد

مومل. واريدج تفرحين بهذا يومج وما يهمج شي

نور. تمام فديتكم 🫂

مهند. يلا حبيبتي احنه نطلع وانتي اخذي راحتج

مهند ومومل. تصبحين ع خير

نور. وانتو بخير

مقتدى. انا جاي وراكم

مهند. تمام

طلعو وسدوا الباب

مقتدى. نوارة ادري بيج ما متاكدة من قرارج هذا والله لو طالبين حياتي مقابل يلغون الزواج مستعد اموت ولا احيرج والله لو اكدر اخذج واشرد من هل العادات والتقاليد المالها داعي وجهلة جان سويتها بس راح يتاذة ابونه صح احنه تحت قانون مو قانونه وعشنة بجو مو جونه وتقاليد تختلف حياة تختلف بس هذا امرالله وقضائة

نور. تسلم حياتو اعرفك كفو بس هذا مصيري وبعدين ماتدري باختك تحب التجارب فحلو اجرب شي جديد

مقتدى. اي هيج اريدج يلا حبيبتي تصبحين ع خير وشنو تردين اتصليلي

نور. وانت بخير تمام

طلع شربت علاجي ونمت صباحا

سيلين. نور نور اكعدي

نور. اممم

سيلين. ولج اكعدي هم يالله تتجهزين وتتريكين حتى نروح للصالون

نور. اووف كايمة كايمة كمت لبست ونزلت طرشوني بالهلاهل. صباحو الخير

الكل. صباح النور

تريكنه

الام. يلا ماما خلصي كملي شغلاتج حتى ترحن

نور. منو وياي ومنو ياخذنه

الام. انتي وسيلين وعمتج ام مومل  ومهند ياخذكم

نور. تمام اخذت فستاني وباقي الشغلات ورحت مهند من تخلصن اتصلن

سيلين. تمام

نزلنه استقبلتنه ام الصالون وجانن اكو عروسات لبست

وبدت بيه وكل تفكيري شحالة مهيمن وهو يشوف حب حياته غيره راح ياخذها قاطع تفكيري ام الصالون شوفي عيني اللهم صلي ع محمد طلعتي لعابة

نور. بابتسام حبيبتي تسلمين من ذوقج هذا بعدها كملو شعري ولبست فستان العقد

هذاالفستان

وسيلين طلعت تموت ولبست

اتصلت سيلين بمهند

سيلين. راح يجي مقتدى لان مهند مشغول

نور. تمام عدلتني ولبست الكبوس وغطت كلشي بحيث ماكدرت اشوف شي طلعنه فتحلي الباب مقتدى كدام كعدت وصعدت سيلين ورا هية وعمة

مقتدى. بالله اشوف اميرتنه شطالعة

نور. رفعت شوية الكبوس

مقتدى. الللهم صل ع محمد وال محمد ملاك نازل سبحان الله الله يحميج من العين. سقت ورفعت راسي شفت ملاكي الثاني شطالع. المايعرف انا احب سيلين بس منتظر تتخرج يلا افاتحها بالامر بالاول قبل لا اخطبها رسمي. وصلنه سوو طريق وساعدتها تنزل

نور. ساعدوني انزل سوسو ومقتدى ودخلت وتلكتني ماما بالصلاوات هية وعماتي والهلاهل صعدت الغرفتي لان بعدهم المعازيم مو كلها اجت مزينين الدرج والصالات ومسوين كوشة عدلت سيلين وجهي

سيلين. نور ماجوعانه

نور. تؤ واجت رسالة ع تلفون سيلين

سيلين. مومل ومهند يكولون اذا تحبنه خلي تاكل وتاخذ علاجها نعرفها من تتوتر ماتاكل

نور. تمام انطيني كيكة من يمج. انطتني اكلت كيكة وعصير واجت ماما بيدها ماي وتقرا عليه بعدين قرات علي وع سيلين وانطتنه منه نشرب هاي حتى تبعد العين منا

الام. هاي حتى احصنكم من العين لان طالعات اميرات

سيلين. اي قابل منو بجمال اميرات ال رحيم

نور. ههه

الام يمة يلا نزلي وصلو اهل العريس

نور. تمام نزلت امي عدلت المكياج والشعر جددت عطري ونزلت ونطرشت من الهلاهل وصلت للكوشة مسوين البيت خيال بالتزيين اجت ام ابراهيم واخته

ام ابراهيم. فدوة شوف جمال جنتي تخبل ليكول لعابة الله يحرسكم من العين 🫂 وبوستني

نور. تسلمين خالة هذا جمال عيونج

هاجر. فديت مرت اخوي الصاكة شوف الجمال صدقة

نور. حبيبتي مو بجمالج

ام ابراهيم. بنات وين غطاء الراس مالها راح يجي الشيخ يعقد

طبعا الرجاجيل صارت كعدتهم بالديوان الخارجي كلش جبير واحنه جوة اجت سيلين غطتني كلش زين ونزلته ع وجهي جان مطرز عليه ايات واحرفنه واخذوني للصالة الصغيرة مزينينها ومسوين كوشة خلو رجلي باناء بيه ماي ورد وخلو ايدي ع قران وخلو بين اصابيعي هيل وهواي اشياء لبست ماما بشت فوك ملابسها هية وخالة ام ابراهيم ودخلو الشيخ وجدو وبابا وعمو ابو ابراهيم واجه ابراهيم كعد يمي والمصورة تصور بدة الشيخ بايات قرانية وهواي امور عن الزواج بعدين سالني

الشيخ. نور احمد رحيم ال،،، هل تقبلين بابراهيم، ،، ان يكون زوجا لكي

مررها 3 مرات

نور. نعم قبلت

الشيخ ابراهيم، ،،،

ابراهيم نعم قبلت

بدت الهلاهل كمل الشيخ وطلع وياه جدو بعد ما باركلنه رفع ابراهيم الشال من راسي

ابراهيم. اللهم صل ع محمد وال محمد الف مبروك

نور. ا الله يبارك بيك
والكل باركلنه بعدين لزمني من ايدي واخذني للصالة يم المعازيم واشتغلت الهلاهل والتبريكات طلع كال شوية واجي بس اكمل كلشي برا وادخل

كومتني سيلين البس بدلة الخطوبة حتى تبدي الحفلة صعدت الغرفتي ولبست

ورتبت روحي ونزلت وشغلولي اغنية

وبدت الحفلة وكلها تهوس وتركص

ام ابراهيم. البسو حجاباتكم العريس راح يدخل

دخل وامه تهلهل وراه جابلي

ة
ورد ابيض طبيعي

كعد يمي وشاورني

ابراهيم هاي انتي كلما اشوفج الكاج احلى من المرة القبلها

نور خجلت ونزلت راسي

ام ابراهيم يلا ماما لبسو الخواتم البعض

ابراهيم صار ماما

لبسني حلقتي وانا لبسته هم

هاي جانت حلقتي

وهاي حلقته ذهب ابيض

كملنه باقي سوالف واجه وقت تقطيع الكيك

فوك نخلين احرفنه قطعنه الكيك ووكلنه بعض وكملنه باقي التفاصيل

ام ابراهيم. ماما لبسها الذهب

ابراهيم تمام

لبسني هذا بالاول بغدين هذا

وانا قدمتله

صرت شثكلني وراها كعدنه اجت ماما

ام مقتدى. البسو حجاباتكم جدها وابوها وعمامها واخوانها  يردون يدخلون

عدلت ملابسي ماما بالوشاح مال البدلة ودخلو بكل هيبة بالمقدمة جدو وبابا وراهم عمامي وراه مقتدى ومهند ومومل وجود دمعت عيني من المنظر

الجد. الف مبروك الله يوفقكم بحياتكم وانطاني

نور. الله يبارك بيك جدو ويخليك خيمة فوك راسنه وبست ايده سحبها وباسني من راسي

ابو مهند. الف مبروك بابا الله يهنيكم.

نور. الله يبارك بيك عمو

ابو مومل. الف مبروك بابا الله يسعدج

نور. شكرا عمو

ابو مقتدى. الف مبروك اميرتي الله يوفقج ويسعدج 🫂😢

نور. ماتحملت بجيت

ابو مقتدى. اليوم مو يوم دموعج اليوم ماريد غير الضحكة ع وجهج

مرصع بالماس

نور. شكرا بابا

ام نور. الف مبروك ماما حبيبتي الله يسعدج ويوفقج ويخلي ايامج كلها فرح

نور. شكرا ماما

ام نور. وخالج كلي باركيلي الها ويعتذر لان ماكو حجوزات ودزلج هذا

نور. تمام

اجت عمة ام مهتدى وموتمن. الف مبروك بنيتي الله يوفقج ويسعدج ويتمملكم ع خير ويبعد عنكم عيون الحساد

نور. الله يبارك بيج عمة ويحفظج يوم للشباب

ام مهتدى. ان شاءالله يمة الله يسمع منج هاي هديتي

نور. شكرا عمة جيتج كافية ليش مكلفة نفسج

ام مهتدى. انتي تدرين بحسبة بنيتي فما اريد تعارضيني وهاي من اخوج مهتدى

وهذا من موتمن

نور. عمة تشكريلي منهم وان شاءالله اردها الهم بافراحهم
انتظرونا