رواية احفاد ال رحيم الفصل الحادي عشر 11 - بقلم سـيـريـوس | Sirius ✨

,
,
,
,
نعم أنا أعترفلك صرت خواف
شفت الخوف يرجف كاتلة الخوف
درب حُبك ضياع وامشي والتاف
ترى اليسمع سمع مو مثل اليشوف.

سمير صبيح.
,
,
,
,
,
__________________________
،
،
،
،
مقتدى. بلغت الاهل بحالتة ودخلو
الكل. الحمدلله ع سلامتك
مهيمن. الله يسلمكم
ابو مهند. زين وليدي حالته خو ما خطرة او اكو عليه خطر
مقتدى. لا ما عليه شي فعاليات جسمه زينه بس مخلينه احنه هنا اقل شي لازم 3 ايام حتى خاف يصير عنده شي يكون تحت المراقبة غير هيج لا ما بيه شي
الجد. الحمدلله بوية هاي نعمة
مقتدى. اي جدي الحمدلله
ابو مهند. بابا واختك شنو حالتها
مقتدى. والله يا عمي تحت رحمة ربك منتظرين تكعد
الجد. بوية انت شوكت تخلص دوامك
مقتدى. جدي انا دوامي 3 ايام خفر بسبب الاجازة الاخيرة وعندي حالات لازم اراقبها
الجد. الله يساعدك وليدي ويقويك
مقتدى. ربي يحفظك جدي انا رايح اذا تردون شي دزو علي اي مضمد
طلعت ورحت الغرفتي مهموم وهم الدنيا كله فوك راسي اخ يانور اخ شوكت ترتاحين ما ادري
بعد مرور يوم واليوم الثالث وباقي 10 ساعات ع انتهاء المدة اذا مكعدت تدخل غيبوبة وبدو يتجمعون الاهل وانا صار 3 ايام نايم بس 6 ساعات ومنتظرين نور تصحى انا عندي عملية اطول بالاكثر 3 ساعات واشتغل وبالي يمها
خلصت العملية وطلعت وهية بعدها ع حالتها رحت الغرفتي ابدل واغسل دك دك دك
مقتدى. تفضل
الممرض. اعتذر دكتور بس دكتور موتمن طالبك بغرفة المريضة نور بسرعة
مقتدى. وانا اعدل بملابسي خير ان شاءالله اكو شي
الممرض. اي المريضة وكف كلبها وجاي يسويلها انعاش وراح اخذ الجهاز انا وطالبك انت حتى تسويلها صدمات
مقتدى. بعده الممرض يحجي وركضت للغرفة شفت امي وعماتي يصرخن ويلطمن دخلت بسرعة لكيت موتمن يسويلها انعاش

سيلين. طلعنه من غرفة مهيمن ورحنه نشوف وضع نور بعدنه مواصلين ونسمع الاجهزة تصفر واجه موتمن ركض ودخل ودخلو وراه باقي الدكاترة والممرضين طلع واحد من الممرضين ساله جدي كله حالتها تراجعت للاسواء اعتذر منكم رايح اصيح للدكتور المسول عن حالتها
امي وعماتي ضلن يصرخن ويبجن وجدي وكع سندوه مومل ومهند ثواني واجه مقتدى يركض ودخللها ودخلو وراه جهاز القلب
مقتدى. وخرت موتمن من نور وضليت اسوي انعاش القلبها وضربوها ابر واردد بين نفسي ياعلي هاي امانتك يابو الحسنين دخيلك بحق ضلع فاطمه بخق الحسن المسموم بحق الحسين الشهيد بحق عزيزتك زينب بحق كفوف ابو الفضل متحرمني من نور وتعيشها ضليت اردد ياعلي يا علي شفت الاجهزة صفرت راسا ضربتها صدمة كهربائية ماكو رفعت القوة اكثر واصيح ياعلي وضربتها ماكو
موتمن. مقتدى هاي اخر ضربة اضربها لا تضعف
مقتدى. بدموع ارفعو اكثر ياعلي وضربتها ورجع اشتغل كلبها وكلشي طبيعي صار سبحان الله كلها ضلت مصدومة لان جان بعض مثل الضغط هابط من العملية والهسة والاوكسجين ما انتظم سبحان الله كلها ضلت تصلي ع محمد كعدت كبالها وموتمن رتب الاجهزة
موتمن. يلا خوية نطلع نطمن اهلك نور ان شاءالله ساعة ساعتين وتكعد
مقتدى. بصوت مبحوح اطلع انت بلغهم اريد اكعد شوي يم نور
موتمن براحتك بس لا تطلع بهاي حالتك الاهلك ولا اطول يم نور
مقتدى. هزيت راسي طبطب ع جتفي وطلع
لزمت ايد نور وابجي نوري حبيبي روحي ولج شلون عايفتني هيج صار 3 ايا ولج 3 مرات تموتين بين اديه وارجعج للحياة لو ما راجعة شلون ولج والله هديتي حيلي والله موتيني ما كافي ها ما كافي تقبلين احنه هيج يصير بينه انتي مو ما تقبلين تنزل دمعتي ومو تردين تزوجيني ع ذوقج يلا كعدي يا حبيبت روح اخوج بست ايدها ودنكت خليت راسي عليها غفيت ع ايدها دقايق وجان.     

سيلين. كلنه نبجي ع نور وحالتها وعمتي ام نور وكعت وكعدناها ع الكرسي تبجي وتون ع نور فجاة شفنة الدكاترة توقفو عن الحركة ومقتدى كعد مقابل نور حسبالنه بيها شي علة صوت البجي طلع موتمن والممرضين تلكوه بابا وعمو ابو نور والولد سالوه
موتمن. الحمدلله ع سلامتها عدت ع خير وكلشي رجع طبيعي
ابو مقتدى. يعني وليدي بنتي ما بيها شي لو نجذب علينه
موتمن. لا عمي ما اجذب الحمدلله وضعها استقر
ابو مقتدى. جا ليش مقتدى ما طلع ليش بس انتو
موتمن. عمي مقتدى هو المسوول عن حالتها واي شي يصير هو لازم كلشي تحت علمه وتنحسب عليه فجاي يجيك وضعها
ابو مقتدى. طمنتني الله يفرح كلبك وليدي ويفرح كلب الوياك وينطيكم ع كد نيتكم
دكتور جوزيف. ياعم احنه سوينه العلينه بس كان دكتور مقتدى يردد باسم شخص انتو تامنو بيه هو سوة معجزة حيث عاد نور الوضعها المستقر بعد ان كانت ايام وضعها مامستقر
ابو مقتدى. موتمن بابا شيخصد الدكتور
موتمن. هههه سلام الله ع ابو الحسنين عمو دكتور جوزيف مسيحي ومقتدى طول ما هو ينعش نور يصيح يا علي فهو متعجب بشخصية الامام علي ويحبها ع كد منسولفله عنه ودخيله امير المومنين سوة معجزة من حق صار 3 ايام نحاول نخلي حالة نور تستقر ماكو بمعجزة من معجزاته رجعت حالة نور طبيعية
الكل. اللهم صل ع محمد وع ال محمد 
موتمن. نستاذن عمو احنن رايحين
ابو مقتدى. الله وياك وليدي محروسين بالله ومحمد وعلي
كعدنه برا منتظرين مقتدى يطلع نباوع من شباك صغير انا ومومل منه ونشوف مقتدى شيسوي وي نور
مومل. مقتدى اكثر واحد يتاذة من نور تتاذة
سيلين. اي صح وهو حقة لان صايرة عنده صدمة من فقدان الاخت
مومل. صح بعد ما فقد توامه سالي قصدج
سيلين. اي   لان هم جانو ابتدائية هنا ومن راجعين من المدرسة اندعمت والدكاترة مكدرو يلحكون يساعدوها فهو ماخذ قسم ع نفسه يدلل اخته ويصير دكتور ويساعد الاطفال
مومل ان شاءالله الله ميحرمهم من بعض
مقتدى.  مخلي راسي ع ايدها وابجي جان احس ايدها تتحرك وخرت راسي وعدلت نفسي شفتها تحاول تفتح عيونها طفرت للباب فتحته صارو اهلي كبالي مومل بسرعة روح صيح موتمن راح يركض مومل ردت ادخل صاح جدي.  بوية ليش اخيتك بيها شي
مقتدى. لا جدي ما بيها ودخلت لزمت ايدها واحاجيها هية كوة فتحت عيونها. لازم ايدها وامسح ع راسها الحمدلله ع سلامتج ياروحي شلونج شتحسين
نور بوجع الله ي يس يسلمك كلشي يوجعني
دخل موتمن. الحمدلله ع سلامتج شلون وضعج وجيكت كله زين
نور. الله يسلمك كل جسمي يوجعني
مقتدى. نوري تكدري تكليلي يا مكان بيه وجع اكثر
نور. بوجع ودموع اشرت ع قلبي واكو وجع يموت بخاصرتي واشرت ع بطني من جهة اليمنه اسوف مقتدى يباوع ع موتمن بقهر
مقتدى. تمام ساعة ونسويلج فحوصات ونشوف وهسة حنقلج ع غرفتج وانطيج مسكن خوية موتمن بلا زحمة عليك صيح ع ممرضين يجيبون سدية
موتمن. صار تدللون طلعت صحت الممرضين
ابو مقتدى. راح كلوبنه بوية شبيها نور
موتمن. الحمدلله ع سلامتها هية زينه وكعدت راح نحولها بغرفة خاصة وراها نسويلها فحوصات حتى نخليكم تشوفوها
ابو مقتدى. الله يريح كلبك بوية
جابو السدية شلناها انا وموتمن و ضربتها مسكن بالكانونة
مقتدى. دكتور موتمن نوديها القسم الفحوصات فورا وخلي يدزون ع دكتور مهتدى
موتمن صار.
مقتدى. طلعناها وامي وابوي والكل تجمعو عليها ويبوسون بيها. يمة يابة ميصير هيج خلي نكمل فحوصاتها ونوديها للغرفة وتشوفونها وخرو اخذتها انا وموتمن ومهتدى سوينالها تحاليل وراحو القسم الاختبارات ووسوينه تخطيط كلبها زين بس باليكو طلع عدها عضلة القلب تعبانه وسوينه سونار ومثل متوقعة الكلة تعبت وصاير بيها نزيف داخلي قليل وحجمها ناقص كلش وسوينه تخطيط الراسها واشعة تمام وضع راسها بس يحتاج ترتاح اخذتها الغرفتها موتمن مهتدى بلا زحمة عليكم انتظروني بغرفتي اوديها ونجي نتناقش
موتمن. تمام خوية روح ولا تبلغ احد هسة بعدين
مقتدى. هزيت راسي،واخذتها وديتها للغرفة ورتبت وضعها
نور. مقتدى شبيه ليش ضجت
مقتدى. مانعرف بعد الهسة مكملن التقارير بس يكملن اكولج لا مضايج بس صار 3 ايام هنا خفر ومنايم عدل
نور. تمام بس مهيمن شلونه
مقتدى. الحمدلله وضعه زين وباجر يطلع انا رايح ادخلهم وشوي واجيج ساعة هيج واجيوبستها براسها
دخلتهم وسالوني عن حالتها طمنتهم وقبل ليدخلون كتلهم كلشي متكلولها عن حالتها وضعها بعده مو تمام كلش
نور اجو اهلي
امي اجت شبكتن  الحمدلله ع سلامتج امي موتيني عليج
نور. الله يسلمج ماما بس ع كيفج
الاب. الحمدلله ع سلامتج يا روح ابوج ضلمة حياتي يا نورها
نور. اللهيسلمك يا روحي وتحمدولي الكل وبقو يسولفون وانا اباوعلهم وادعي الله ليحرمني منهم راحو عمو وعمة ام مهند المهيمن والبقية ضلو يمي منتظرين مقتدى
مقتدى. رحت للغرفة وكعدنه نتناقش بوضعها
موتمن. من ناحية كلبها ما عليها شي بالعلاج والراحة تمام اهم شي لتضوج ولا تبجي ولا تتقهر عصبية ماكو والوضع تمام لان هذن يسون حالته تتراجع
مهتدى. اما كلية فلباجر اذا شفنه الوضع نفسه او اسوء لازم نحولها عملية ونسوي زرع كلة فعدنا 12 ساعة باجر ب8 نعيد الفحص ونشوف
مقتدى. تمام انتو خفر اليوم هم
موتمن ومهتدى. اي وياك متشوف الوضع متازم
مقتدى. تمام امشو نبلغ اهلي بس موضوع قلبها لتكلولها بيه والعلاج نكلها بسبب الاصابه
موتمن ومهتدى تمام
رحنه للغرفة دكينه الباب ودخلنه
مقتدى مهتدى موتمن. السلام عليكم والحمدلله ع سلامتج نور
الكل. وعليكم السلام
نور. الله يسلمكم
مقتدى. كملن فحوصاتج وراسج كلش زين بس راح تحسين بدوخة هلفترا بسبب الضربة
موتمن. من ناحية القلب زين بس بسبب الاصابة لازم تبتعدين عن تعب قلق توتر عصبية وان شاءالله كلشي تمام ومتشوفين شر
مهتدى. اما من ناحية بطنج والوجع فعدنا مشكلة صغيرة بالكلة عدنا 12 ساعة اذا صار عندج وجع او نزف او تغير حجمها للاسواء معناها لازم تدخل جراحي ونظطر نسوي عملية ونشوف متبرع اما اذا لا الوضع تمام وان شاءالله متحتاجين العملية
الاب. يعني ال12 ساعة هي تحدد اذا تسوي او لا
مقتدى. اي لان راح نعيد فحوصات باجر ب8 واذا احتاجت عملية راح تكون العصر واذا لا تبات يوم وتطلع
الجد. ان شاءالله خير
مهتدى وموتمن. احنه نترخص عدنا مراجعين
الجد. الله وياكم
مقتدى. جدي ممكن اطلعون شوي اريد اجيك وضعها
الجد. براحتك بوية يلا نطلع ننتظر برا خلوه يشوف شغله
مقتدى. رحت النور لزمت ايدها لتخافين يروحي ان شاءالله ماكو شي واذا احتاجيتي انا اول واحد اتبرعلج  شعندي غيرج لو تردين روحي مستعد انطيجياها بس في سبيل انت متتاذين لو يصير بيج شي
نور. مسحت دموعه بوجع افا انا يصيرلي شي وعندي خوان مجرد ما اشوفهم كدام عيوني اصير اقوى وحدة بالكون شلون لو هم مسانديني ومدلليني حبيبي انت انا دموعكم هاي هي التموتني وتضعفني ما اريد اشوف غير بس ضحكتكم الحلوة بعدين كل هذا قضاء الله وقدرة قابل نعترض ع قضائه لا مو علمتني من وانا صغيرة انو كلشي يصير ويانه الله اله بيها حكمة
مقتدى. صح يا حبيبة روح اخوج بس مو بيدي شوفتج وانتي نايمة هيج تكطع كلبي متعودين ع شوفتج انتي التفترين علينه مثل الفراشة وتضحكين وتشاقين
نور. كله يوم يومين واكوم اخبصكم خبص بس مو تعترضون بعد
مقتدى. لا شحده اليحجي وي اخت مقتدى
نور. 🫂 احبك يروحي انت
مقتدى. نوارتي حاجيتي مهند
نور. بس تحمدلي وطول الكعدة مخلة عينه بعيني ولا حجة وياي مثل عادته
مقتدى. محمل نفسة هو السبب باليصار وياكم
نور. ليش هو شدخله
مقتدى. مو العصابة الجانت تلحكم جانت تريد تقتل سيلين وهيام وجود وياذون مهند بيهم وجانو مراقبين السيارة ع الرقم ومن انكلبت السيارة واجو شافو مهيمن وياج كل اعتقادهم انتي سيلين اختهم وضربوج الطلقة ورا مطلعتو من العمليات جاي نحجي انا وياه ومومل بغرفتي واجتله رسالة وضحت كل كلامنه وعرفنه المقصودين وهو محمل نفسة مسوولية وضعج وحتى صار 3 ايام خفر يدور عليهم علي يكول حتى اكل مياكل زين
نور. ليش يردون ياذوه هو بالتحديد
مقتدى. لان هو شغلة يلزم المجرمين وهاي العصابة يشتغلون بالممنوعات ومخدرات ويتاجرون بالاطفال واخو رئيس العصابة ميت تحت التعذيب
نور. مقتدى تكدر تجيب اكل الي واريد شي يحبه مهند بس بلا متكله
مقتدى. اي صار هسة ادز مومل
نور. من تطلع صيحلي مهند ولتخلي احد يدخل وراه ومن مومل يجيب الاكل انت دخله بدون ميدخل احد
مقتدى. مو تدلل نوارتي اصلا راح اخليهم يرحون للبيت وباجر يجون
نور. تمام حب 😘
مقتدى. طلعت احم وضع نور زين وماكو داعي تبقون لان اصلا ميصير احد يضل يمها روحو ارتاحو وباجر الصبح تعالو مومل تعال وراي للغرفة اريد تجيبلي كم حاجة حتى ترجع تاخذهم للبيت وتنتبه زين من الطريق خوية مهند نور تريدك ادخللها
مهند. تمام دخلت النور شفتها مبتسمة رغم الالم ووتاشرلي بايدها اروحلها ابتسمتلها يا روح مهند انت شلونج
نور. زعلانه منك كلش كلش هواي
مهند. افا نور حياتي تزعل مني ليش
نور. جا وين صايرة هاي واحد اخته طالعه من الموت جان بينها وبين الموت شعره تكعد كلها تتحمدلها السلامة وتحجي وياها وهو حتى ميباوعلها
مهند. لزمت ايدها وبستها وانا مدمع واباوع الشكلها شلون
نور. افا عقيد مهند يبجي عساني ميته ولا اشوفكم تبجون
مهند. خليت اصبعي ع حلكها اسم الله عليج ان شاءالله يومي قبل يومج
نور. لا اسم الله تدري انا من اشوف دمعت واحد منكم بالفرح اتمنة اموت قبل لا اشوفها تطيح مو هسة هيج
مهند. بوست ايدها وراسها ما اكدر اعتذر لان اعتذاري ما راح يصلح شي شلون ترديني احجي وياج واخلي عيني بعينج وانت حالتج هاي بسببي كليلي شلون
نور. طول عمري جنتو تكلولي كلشي نعيشة ربي كاتبة النه واي شي يصير هو قضاء الله وقدر مكتوب علينه وانت ماعليك بالي صار اصلا كلي فخر هسة تدري ليش
مهند. والنعم بالله بس فخر بشنو
نور.  لان عندي مهند بحياتي وجاي يحقق حلمي ويحمي الوطن واطفال الوطن من ناس قذرة ووحوش تاكل بالبلد واطفاله وشبابه ويدمر صورته
مهند. يعمري تدرين كل قضية الزمها تلمس البلد لو طفل لو بنية تجين انتي وسيلي ببالي واحاول اعاقبهم وما اخسر قضيتهم اله اندمهم
نور. عفية ببطلي خليني طول عمري اكول الله يحبني وخلة بحياتي بطلي هنودي وسبعي مقتداي و....
.
.
.
.
._____________________
انتظرونا بالبارت القادم
G21_ar حساب الانستا